من نه چاره قیلیم قارا بختیمه
زَهَرلی ایچگییه مـزه نئیله سین؟
سورمه گؤزللیگی بیر آز آرتیرار
آمما دای کور اولان گؤزه نئیله سین

فلک اوخون آتیر، الینده یای یوخ
فلکین آتدیغی اوخلارا سای یوخ
بو گؤزدن او گؤزه هئچ بیر هارای یوخ
ایندی اؤزگه گلیب بیزه نئیله سین؟

حسرت چکدیگیمیز گؤر نئچه ایلدیر
کاش بیر ایل اولایدی، دییه یدم بیلدیر
گؤزومون یاشلاری چوخ دئمه لیلدیر
سو کوزه دن لیلدیر،کوزه نئیله سین؟

نادرم بیر سینه قیزیل تک کؤزله
یوللاری گؤزله دیم نیگران گؤزله
سیز دیین، بو یازیق بیر قوری سؤزله
اَیرییه نئیله سین ، دوزه نئیله سین ؟


#نادر_الهی
🍃🍃🍃
@dedekatib
🍃🍃🍃

دونن گلدی چاتدی تزه بیر یازین
عطریندن اییندن دوْلوُ سئوگیلیم
یازمیشدین چوخداندی گلمیر کاغاذین
یامان گؤزله‌ییرم یوْلوُ سئوگیلیم

یازمیشدین تای توشدا، کیم گئتدییین‌دن
کیمین گئتدییین‌دن، سن دٶنه دٶنه
بیرده بیر ائلچینی رد ائتدییین‌دن
اوُتانا اوُتانا یازمیشدین یئنه

یازمیشدین بس هیجران هاچانا کیمی
یازمیشدین، لاپ ایتیب دای خئیریم، شریم
من سنه نه یازیم، تر نانا کیمی
آخی أفیل_أفیل اسیر ال‌لریم

آه... او باغ، او بولاق، او یاز آخشامی
داشلانیر گؤزومدن، خاطیره‌لرین
او گون عشقیمیزدن یانیردی هامی
بوگون نه سَریندی هاوا نه سَرین

خزل تک کٶلگه‌یه وئردیم بیر به بیر
الیمی یاندیران مکتوبلارینی
قازدیم اوره‌ییمده، قازدیم بیر قبیر
قویلادیم عشقیمین اعتبارینی

گئت منی گؤزله‌مه، گئت گؤزل پری
قاپیدان قایتارما ائلچی‌لری سن
آلنیمی ایسلادیب، خجالت تری
گئت غوربت شهردن ائولنمیشم من

#نادر_الهی


🌺 @dedekatib 🌺

#اوشودو

سسیم سکوتا بوروندو، غزل‌لریم اوشودو،
خزل‌- خزل آیاغا دوشدو، ال‌لریم اوشودو

یئنه داما‌‌ دیوارا قارقا- قارقا قار قوندو،
یئنه داغا- داشا چن هؤپدو، چؤل‌لریم اوشودو

یئتیم- یئتیم یئنه اوستو باشی جولاز قالدی
یئتیشمه.دیم، بایاتی دادلی گول‌لریم اوشودو

او سئودا ساچلی پریشان #پاییز، او قیز سولدو
و من ساز اولدوم آسیلدیم و تئل‌لریم اوشودو

دیرک‌- دیرک نئچه مجنون ایگیدلریم سیندی
اورک- اورک نئچه لئیلی گؤزل‌لریم اوشودو

بو وقتسیز- وَده‌سیز قار، یاغیش نه‌دیر، آللاه!
سسیم سکوتا بوروندو، غزل‌لریم اوشودو

#نادر_الهی

🥀 @dedekatib 🥀

#بیر_چیلله_اکه‌سن

بیر آشیق اَکه‌سن، بیر ساز گؤیَره
بیر شاعیر اَکه‌سن، بیر نانا حسرت

بیر پاییز اکه‌سن، بیر یاز گؤیَره
من بونا حسرتم، آی آناحسرت

بیر #چیلله اکه‌سن، بایرام اولمامیش
گؤیَره ، ره_به_ره بایراملیق‌لاری
آلنی ترله‌مه‌میش گؤزو دولمامیش
آتالار دره‌لر اوشاق پالتاری

محبت اکه‌سن، موراد دره‌سن
بونه، هاوا دئییل، نه هوس دئییل
چوخ نیفرت اکمیشیک، گولوم گؤره‌سن
توفنگ دردی‌ییمیز داها بس دئییل!؟

حسرت سینه‌میزه مین بیرداغ چکیب
مله، آ جئیرانیم آ قوزوم مله
هاچانسا بیر نامرد بیر اووچو اکیب
قفس قوشدان دولو گؤیریر هله

#نادر_الهی

🌺 @dedekatib 🌺

مدرسه‌لر آچیلدی
آمما منه دئدیلر:
_قوی دیلین قالسین ائوده
دیلسیز قالا_قالا گل
یا اونو توپور گئتسین
آغزینی یاخالا گل

#آنا_دیلی

شعر: #نادر_الهی
طرح: #داستانجا

🆔داستانجایا قوشولون
❇️Insta: instagram.com/dastanca2
❇️Tel: @dastanca

قرار ، شعر آخشامی
اوستاد نادر الهی جنابلاریندان گؤزل بیر شعر

#شعر_آخشامی
#نادر_الهی
#اورمیه_فرهنگسرای_جوان

@dedekatib_katiboglu

قرار ، شعر آخشامی

گؤزل بیر شعر مهندیس فواد طیار جنابلاریندان
اوستاد نادر الهی یه ایتحاف اولونور

#شعر_آخشامی
#نادر_الهی
#فواد_طیار
#اورمیه_فرهنگسرای_جوان

@dedekatib_katiboglu

قرار ، شعر آخشامی
آرزیلاریم ...

#شعر_آخشامی
#نادر_الهی
#فواد_طیار
#اورمیه_فرهنگسرای_جوان

@dedekatib_katiboglu

قرار ، شعر آخشامی
دوکتور اسماعیل مددی (اولکر) جنابلاریندان گؤزل بیر شعر

#شعر_آخشامی
#نادر_الهی
#اسماعیل_مددی_اولکر
#اورمیه_فرهنگسرای_جوان

@defekatib_katiboglu

الهی ، بو نه وطن دیر؟
آنام وار ، آنا دیلی یوخ!!!!

#نادر_الهی
#آنا_دیلیم
#آنادیلیمیزی_قوریاق

@dedekatib_katiboglu

‍ اؤلن اولوب بو غزل آه ،ایتن اولوب بو غزل
یازیق،یئتیم، یییه سیز بیر وطن اولوب بو غزل

چینار بالام، یوخوما سن و بالتا بیر گلدیز
دیدیک دیدیکدی یئنه آغ کفن اولوب بو غزل

سنی آج آج یولا سالدیق پاییز و من یاز اولوب
قارانقوشوم قاییت اووجومدا دن اولوب بو غزل

ایچین ایچین بو کاغاذدا کیم آغلاییر آللاه
بیر اوخشاما،بیر آغی ، بیر شوون ،اولوب بو غزل

ایلاهی توبا باغیشلا منی اگر بیر گون
دونوزلار اوتلایاجاق چؤل چمن اولوب بو غزل

آنا-آنا بو بئشیک یوخ تابیتدی ییرغالاما
اؤلن اولوب بو غزل ،آه ، ایتن اولوب بو غزل


#نادر_الهی
@dedekatib