....دونیانین ....
🍃🌺🍃
🍃
نه لقمان آنلادی نه آیری کیمسه
بیلمه دی ندیر ایشی دونیانین ؟!
گلن آغلار گئتدی گئدن دؤنمه دی
آخایدی گؤزونون یاشی دونیانین!

کیمینی مست ائدیر دایم گولدورور
کیمین باده سین قانا دولدورور
چیچه یی بورنوندا جوان اؤلدورور
سانکی چرخی اولوب ناشی دونیانین!

یار وصلینه حسرت قویور گؤزلی
چیرکینه خوش قیسمت وئریر ازلی
ویرانه دونیانی گزدیم گزلی
گؤرمه دیم ازیله باشی دونیانین.

کاتیب اوغلو وفا یوخدور دونیادا
گوونمه یالاندان شهرته-آدا
گدانی خان ائدر ، خانلاری گدا
نه یامان آجی ایمیش آشی دونیانین!
🍃
🍃🌺🍃

#کاتب_اوغلو
#کؤنولدن_دیله
#فارص_طیار_قولنجو
#اورمیه#قولنجو
#اورمیه_قلب_آذربایجان
#اورمو_شاعیرلری
#تورکجه_شعر
#شعر_توپلوسو
#اورمیه_تورک
#دده_کاتیب
https://www.instagram.com/p/CFmWD1yFb69/?igshid=bx4zbxmyho1

کاتیب أوغلونون هر زامان قاراباغ حسرتین دوشوندوغو و ایچینده چکدیغی آجی سینی ، اؤيره نجی سی اولاراق آتا یورونا دستک وئرمک بیزه بیر وظیفه اولموشدور

#کاتب_اوغلو
#کؤنولدن_دیله
#فارص_طیار_قولونجو
#اورمیه #اورمیه_قلب_آذربایجان_است
#اورمیه_را_باید_دید
#اورمیه_آذربایجان
#اورمو_شاعیرلری
#تورکجه_شعر
#شعر_توپلوسو
#قاراباغ
#قاراباغ_بیزیمدیر_بیزیم_اولاجاق
#قاراباغ_بیزیمدیر_بیزیم_قالاجاق
#قاراباغ_خاک_اسلام_است
#قاراباغ_خاک_آذربایجان_است
https://www.instagram.com/p/CF8BtwwlyVQ/?igshid=1uke4gnhmf9lx

#من_تورکم

شاعیر کؤنلومدن سؤز آخار یاغ کیمی
نعره چکر دهانیمدا دیل منسیز
باغلاسالار بولبول کیمی دیلیمی
سولار بیر-بیر لاله منسیز گول منسیز

ائل-اوبانی‌ وصفه چکن سؤز منیم
بو یایلایا دوغرو گیرن ایز منیم
اورمو زنگان اردبیل تبریز منیم
چنلی بئله گذر سالماز یئل منسیز

هر زامان بیر آدیم واردی یادیگار
نیظامی هم خسته قاسیم شهریار
گاه "دده کاتیبام" گاهدا "بختیار"
یالقیز قالار اوبا منسیز ائل منسیز

آلتایلاردان قالخیب گلن منم من
داغ-دنیزی سؤکوب گلن منم من
دالغا-دالغا آخیب گلن منم من
گلمز اولسام وطن قالار چؤل منسیز

آراز اولدوم خزر یولون یورودوم
قیزیل اوزن فریادینا سس وئردیم
قار اولوبان ساوالاندا اریدیم
اریمزسم چایدا آخماز سئل منسیز

تاریخلرده صایفا-صایفا آدیم وار
اوغوز خاندان چوخلو یادیگاریم وار
بیرجه کور اوغلویا مین نیگاریم وار
قهرمانلار یئرده قالار شیل منسیز

دده قورقوت سازین اله آلمیشام
خان چوبانین افسانه سین یازمیشام
سارای قیزی ماهنی لاردا چالمیشام
دوغرو چالماز او ساز داکی تئل منسیز

بیر آغاجام ییرمی ایکی بوتاغیم
اوزبک ، قازاق ، قیرقیز ،تورکو دایاغیم
آلتایلاردان بالکانلارا یاتاغیم
جهان اولار باشدان باشا چول منسیز

اورمو آدی گلسه کاظیم خان منم
مشروطه چاغیندا ستارخان منم
غیرتلی داماردا آخان قان منم
من آخماسام ضعفه یئتر قول منسیز

کاتيب اوغلو باخین گئچمیش ایزینه
دوغرو یازان شاعیرلرین سؤزونه
تاریخ میدانیندا یولون دوزونه
پهلوانلار آچا بیلمز یول منسیز.

#کاتب_اوغلو
#کؤنولدن_دیله
#فارص_طیار_قولنجو
#اورمیه #قولنجو
#اورمیه_تورک
#اورمیه_را_باید_دید
#تورکجه_شعر#شعر_توپلسو
#اورمو_شاعیرلری#تورک_شاعیرلر
#دده_کاتیب#دده_کاتب
#دده_کاتب_قولنجو
https://www.instagram.com/p/CG9c3ZRlNA7/?igshid=1eu05hsu37znx

....قوشما....
🍃🌺🍃

هاردا گؤزللیکدن صؤحبت اولاندا
دیله گلیر آدی-سانی اورمونون
سؤز دوشسه تاریخدن، قیزیل غیرتدن
واردیر بوللو شوکت-شانی اورمون

غیرتلی ملّتی، او شیرین دیلی
"باکری"لر یوردو، شهیدلر ائلی
یئره دوشوب خائین دوشمانین بئلی
ساواشاندا "کاظیم خان"ی اورمونون

"قاسم خان" "عسگرخان" افشار سویوندان
تاریخده اورمویا ایکی قهرمان
"حسنی" تک ایندی بؤیوک بیر آسلان
قویماز یئره گلسین یانی اورمونون

عاریفلر مسکنی، عرفان اوجاغی
ایمان خانه¬سیدیر، دینین دایاغی
"دده کاتیب" یوردو شعرین بولاغی
علمه سیراب اولار جانی اورمونون

"گؤل اوستو"ندن گئدر "یئددی درمان"ا
"قویون کورپوسو"ندن "بند"ه، سئیرانا
"بالوو دروازاسی" یادیگار قالا
بونلاردا دولانار قانی اورمونون

گلین بیز، بیر اولاق وئرک ال-اله
ائلین گوجو دونر قیزغین گور سئله
گرک امک وئرک وطنه ائله
قوی ایشیقلانسین هر دانی اورمونون

سویو آخان "شهر چایی"ن عشوه¬سی
یاشیل طبیعتدن بوللو حصّه¬سی
"“کاتیب اوغلو” دئییر، سؤزون قیسساسی
گؤزللیکده واردیر کانی اورمونون...

#کاتب_اوغلو
#کؤنولدن_دیله
#فارص_طیار_قولنجو
#اورمیه#اورمیه_را_باید_دید
#اورمو_شاعیرلری
#آشیقلار_دونیاسی
#تورکجه_شعر
#تورکجه_ماهنیلار
#دده_کاتیب_قولنجو
#دده_کاتب
#آشیق_ذکریا

@zakryaamaleki1348
@fares.katipoglu
@konulden_dile
@urmiakhabarlary_ir
@anayurdumquluncu
@quluncu_sasi
@kuluncu_cty
@moj_azerbaijan
@urmia__az
@guzel_urum
@ojaman_urmia
@yashilqushchu2_official
https://www.instagram.com/tv/CJX-f6PJtpk/?igshid=16h1dssku2ub3

اوستاد کاتیب اوغلونون هانسی شعیرینی سئویرسینیز ؟ لوطفن کامنت لرینیزده اوستادین شعرلرین دن یازین

#کاتب_اوغلو
#کؤنولدن_دیله
#فارص_طیار_قولنجو
#دده_کاتیب_قولنجو
#دده_کاتب #اورمو_شاعیرلری
#تورکجه_شعر #شعر_اوجاغی
#اورمیه #قولنجی
#تورکجه_ماهنیلار
#آشیقلار_دونیاسی
#اورمیه_را_باید_دید
#اورمیه_قلب_آذربایجان_است

@urmiakhabarlary_ir
@anayurdumquluncu
@quluncu_sasi
@kuluncu_cty
@yashilqushchu
@azarbaycan_urmu
https://www.instagram.com/p/CJ0s3ywFtWx/?igshid=8bq36sw08hdg

سس وسؤز : #کاتب_اوغلو

....هجران گئجه سی .....
🍁

اوزون گئجه بیتمز سنسیز .
بیر سلام سال صاباح اولسون.
شیرین دانیش دوداقلاردان .
تؤکولسون بال صاباح اولسون.
🍁
قلم دردی منه یازمیش .
حسرت عقلی مندن آلمیش.
انصاف ائیله باغلی قالمیش .
قاپيمى چال صاباح اولسون.
🍁
چوخ چکیرم آجی محنت .
باشا یئتمیر شب-ى فرقت.
سنی تانری ائتمه منت.
بو گئجه قال صاباح اولسون.
🍁
کاتيب اوغلو سنی اؤزلر.
گئجه گوندوز یولون گؤزلر.
سنین اوچون آغلیر گؤزلر.
کؤنلومو آل صاباح اولسون.
🍁

#کاتب_اوغلو
#کؤنولدن_دیله
#فارص_طیار_قولنجو
#دده_کاتیب_قولنجو
#دده_کاتب #تورکجه_ماهنیلار
#تورکجه_شعر #دیکلمه_ترکی
#اورمیه #قولنجی #قولنجو
#اورمیه_را_باید_دید
#اورمیه_قلب_آذربایجان_است
#اورمو_شاعیرلری #اورمیه_تورک
#اورمیه_تبریز_زنگان_اردبیل_همدان_قشقایی_ترکمن_سولدوز_قوشاچای_مرند
https://www.instagram.com/p/CKJWEkMpElz/?igshid=phbp13qic7ol