ДИҚҚАТ!!! ҒАЛЛАЧИЛИК ТАРИХИДА ОЛАМШУМУЛ ЯНГИЛИК.
Дон ва дуккакли экинлар илмий тадқиқот институтида Россия Федерацияси илмий тадқиқот институтлари олимлари билан хамкорлигида яратилган “УЛТРА” навининг ҳосили 22 май куни ўриб йиғиштириб олинди. Навнинг ҳосилдорлиги гектарига 65-67 центнерни ташкил қилди. Ушбу нав дон технологик сифат кўрсаткичлари юқорилиги I-гурух кучли буғдой синфига киради.
“УЛТРА” нави хусусиятларидан ўта эртапишарлиги, касалликларга чидамли билан бирга ресурстежамкор яъни сув меъёри-камсув хисобланади. Нав Республикамизнинг Марказий минтақаларда 20-25 майда, Жанубий минтақларда 15 майгача пишиб етилади. Навни эрта йиғиштириб олиш хисобига такрорий сабзавот, озуқа, мойли ва ноанъанавий экинлардан сифатли ва юқори ҳосил олиш имконияти яратилади. Ўта эртапишар “УЛТРА” навининг ҳосилини ўрим-йиғими ҳамда баҳорги экинларни экиб юқори ҳосил олиш бўйича Дон ва дуккакли экинлар илмий тадқиқот институти Андижон вилоят Агрохизматлар маркази билан амалий семинар ўтказилди.