توصّيني علىٰ روُحي وهيَ يمك

خاف أنه عَايز مِنك ذنوب؟
"غنيتلك" ويا وقت الغروب

مو گُتلي أنه أختلف
عِن اليحّبونك
مو گتلي هذا الهوىٰ
ما أشِمُة مِن دونك
شو واصل لمِرحلة
تستنكف مِن الحَچي
تأشرلي بعُيونك

اريدك مِن نفوت بشارع الشمات
ياهوَ الي تشوفـه احضني بعناده

شجاك و ضيعتني .. شكد اناني
اهم شغلة بحياتك .. چانت اني
.

راجـع قـرارك بيه لا تتـسـرع
لو هسه ترجع او بعد لا ترجع
.

مكاني المفضل هو معك

وهمومي نار بگطن
اطفيها من هالكُتر بذاك الكُتر تشتعل.

ليرحل من يشاء فالله لا يبعد إلا السيئين

أحياناً يكون إكرام الحب دفنة...

بَعد چم خنگة مِنك
و يلبسُون أسود كل أهل بيتِي .

تنسى تريد ؟
والعِشرة؟
وانه الشاعلك العشرة..

حقك ما مچوه بشوگ
اليفارگ ينكسر ضهره..

انه الشلتك حلم .. بعيون غرگانات ..
ومكحلهن بسهره..

ما نايم بهجرك .. جمر جوه العين .. شينوم العين الساكنة بجمره..

يجوز اصبر على شكم يوم .. لكن عمر كامل .. بيمن تصبره

تتخيل غيابك لو رحت خطوات؟
بگلبي بكل جدم حفره..

"المفارگ مبين لو بنص مليون
وجوه الفارگوا من القهر صفره..

يا حايط وشجره؟ .. مرن ومريت ..
اذا ماسجلت ذكرى..

اذا النسيان عند اهل اللعب نسيان
تره النسيان عند اهل العشگ كفره.."

#علي_الفريداوي

الشجره مو عـ الفاس ذبت عتبها،
عاتبت عود الفاس جي من خشبها.

انه وگلبي يتامى شكد بجيناك،
ويكسر گلوب مايرحم بجينه..
واذا رهمت حبيبي ويوم شفناك..
حضن سنتين ماضن يكفينه..

نحسك بالگلب من يدك نلكاك،
ابتدينه بحُبك وبيك انتهينه..

حبيبي وداعتك من يوم فركاك،
من كد البجي ببُعدك عمينه.


#حازم_جابر

اليوجعني وين تحيرت،
ماادري وين العلّه..
حتى السئلني على الالم..
صافن اضل ومنذهل وين الالم مااكله..

شايف لمن وحدك تضل،
من اليحبك ينسحب والجان الك يتخلى..
وحاير تضل بعلّتك..
من تفطن بروحك وجع..
حتى انت ماتندله..

وتخلص ايامك سهر،
والذابحك يركص فرح وبعلتك يتسلى..
والشايله بروحك عُمر..
ينكر جميلك والتعب..
ويمن عليك بعشرته ومنك يدور زله..

وتتفكد سنينك تضل،
تحسب الباقي من العُمر منه الزمان شخله..

(ويبات بعيونك حلم،
بس يعرض بدربك بحر..
والحلم ماتوصله)..

مرات تخسر جم حرب،
ويجوز بحجاية صدك كل البشر تحتله..
وگلبي العزيز شما كُبر..
يتمنى ساعات الاجل من الزمان يذله..

ومو بأختياري تغربت،
مجبوره حيل على الجمر لمن تنام الدله..
كالولي قله من البشر..
باجر تعينك بالعسر..
شو طحت من سابع سما..
جا وين هاي القله.


#جبار_العبادي

جاسنه الليل واجيتو ببالنه
ولعبت صوركم لعب بأحوالنه .

ويَاك واكِف من چنِت ما تِسوه توكف يَمي .

.