صباح الخير يا أصدقاء والخير كله منك حبيبي يارب 💚

الماء والنار 🤣

مذكراتي العزيزة /الى شموسة بالاخص 💛
حاولت بهل يومين انام هواي حتى أسيطر الشقيقة
شربت الكثير من المي والسوائل
وحاولت باليوغا وكل الطرق وماكو فرق
بنفس الوقت سعيدة بكمية الحُب الي دا احس بيها من ناس ما اعرفهم بأيام صعبة دتهون عليه -
من جانب آخر محتاجة فراغ يخليني اسوي اعادة ضبط لكل شي بداخلي وما اعرف مين أحصله
مع هذا ما اكدر اكول غير الحمدلله وممتنة على هاي الفترة وعلى يقين هتعدي وتصير سوالف .

صباح الخير ☀️
اليوم الاوف مالتي
كاعدة وشبعانة ونوم وتريقت ويا اهلي من بعد فقدان لهاي الگعدات 💛

مع استغلال اليومين من نهاية الأسبوع بكل معاني الاستغلال وعيشها لإعادة ضبط الدماغ ..فنشوف شنو نشارككم 💛

الحَمدُللهَ ❤️‍🩹

اريد اسولف ؟🤍

خلينا نكون صريحين يمكن اغلبنا إذا مو الكل اكو بگلبه ندبة من الحُب بس صارلي يومين حرفياً من نهار الاربعاء لهل لحظة
يراودني شعور رغم هل ندبة بعد منها أثر
بس بالوقت نفسه اني تشافيت بالحُب
تشافيت بالكلمة الحلوة والأثر الطيب والدعوات من الي اعرفهم وما اعرفهم
من فخر كل الي كانوا بحياتي بكل شي اسويه
من الطريق والدراسة والشغف
تشافيت بالكتب والبودكاست والرياضة
ببزوناتي والزرعات بغرفتي
من گعدات الحديقة والمشي الطويل
من كل شي ركضت علموده وبگلبي شايلة هل ندبة
بس بأيديه حولتها عصا سحرية وكملت

فالحُب عمره ما جان عائق
بگد ما هو دافع جان ولا زال بوصلتي الي تاخذ بگلبي لكل شي
المحرك الأساسي لأفكاري وشطارتي
والسبب الرئيسي للضحكة الي أضحكها بوجوه الناس حتى الما اعرفه منهم
وبگد ما مسحت دموع
هسة دا اعد إنجازات ونجاحات وذكريات
وأيام مليانة بيَ

وحبقى على يقين تام بأنه هذا الشعور الربانيّ العظيم الي احس ربنا خلاه بگلبي اكثر من كل الي على هل ارض هو السر ورا حنيتي وشغفي وشجاعتي -لان والله الدنيا بلياه باهتة والمشاعر ماهي مشاعر وكل شي بلا لذة بدونه بدايةً من الگهوة الي تسويها وصولا لأكبر شي بالحياة .

فياربَ بگد ما بهالگلب حُب وشجاعة حاوطه بالاحن منه عليه
وحاوطنا كلنا بمحبتك وحب عبادك لان ماكو شي اعظم من هل مشاعر ومن حُبك النا .