#Халқаро_ҳамкорлик

Аввалроқ хабар берганимиздек,
Давлат хизматлари агентлиги директори ўринбосари Н. Мухаммадиев бошчилигидаги Адлия вазирлиги ва ДХА ходимларидан иборат делегация аъзолари Туркиянинг Истанбул шаҳрида "Global Horizon Training Center" ташкилоти томонидан ўтказилаётган "Бизнес жараёнлар реинжиниринги (BPR)" мавзусидаги халқаро тренингда иштирок этмоқда.

Адлия вазирлиги ва Давлат хизматлари агентлиги ходимлари мазкур тренингда BPR ва давомли тузатиш ёндашувлари ўртасидаги фарқ билан таништирилдилар. Давомли тузатиш майда камчиликларни босқичма-босқич бартараф этиш бўлган бир пайтда, BPR усули мавжуд тартибни янгисига ўтказиш учун тўлиқ қайта кўриб чиқишни назарда тутади.

BPR тизими ISO 9001 тизими билан чамбарчас боғлиқлиги сабабли ташкилот томонидан сифат менежменти талабларига риоя этмасдан туриб бизнес жараёнларини тўлақонли BPR қилишнинг имкони йўқ.

BPRни самарали қўллашнинг энг ёрқин намуналаридан бўлган Amazon ва Texas Instruments каби йирик компаниялар мисоллари кўриб чиқилди. Хусусан, Texas Instruments томонидан калькулятор ишлаб чиқаришдан машинасозликда қўлланувчи чиплар ишлаб чиқаришгача бўлган улкан йўл босиб ўтилган бўлиб, машҳур “Жараённи ўзгартирмасдан туриб натижалар ўзгаришини кутиш керак эмас” жумласи ушбу ташкилотга тааллуқлидир.

Асосий BPR мисоллари махсус дастурий маҳсулотларнинг (ягона моделлаштириш тили) мавжуд ресурслар, ахборот технологиялари ривожланиш даражаси, инфратузилма, миллий ривожланишнинг ўзига хосликларини ҳар тарафлама таҳлил қилиш билан бирга қўлланилишини ўз ичига олади.

Шунингдек, спиралли усул, “fishbone” усули, хатоларни бартараф этиш усули ҳамда муаммонинг ўзини эмас, унинг асл сабабларини аниқлаш ва йўқ қилиш усули каби BPR қилиш усуллари ҳақида тренинг давомида ахборот берилди.

Тренинглар 5 кун давом этади.

🔗Алоқада қолинг:
Telegram · Instagram · Facebook · Youtube · DXA_lotinda

#Халқаро_ҳамкорлик

ТРЕНИНГ ИШТИРОКЧИЛАРИГА СЕРТИФИКАТЛАР ТОПШИРИЛДИ

Аввалроқ хабар берганимиздек,
Давлат хизматлари агентлиги директори ўринбосари Н. Мухаммадиев бошчилигидаги Адлия вазирлиги ва ДХА ходимларидан иборат делегация аъзолари Туркиянинг Истанбул шаҳрида "Global Horizon Training Center" ташкилоти томонидан ўтказилаётган "Бизнес жараёнлар реинжиниринги (BPR)" мавзусидаги халқаро тренингда иштирок этмоқда.

Бугун тренинглар ўз якунига етди. Бизнес жараёнлар реинжиниринги (BPR) бўйича ташкил этилган тренинглар иштирокчиларга тренингларни муваффақиятли якунлангани ва фаол иштироки учун сертификатлар топширилди.

Эслатиб ўтамиз, ушбу тренингни ўтказилишидан мақсад – Ўзбекистонда давлат хизматлари кўрсатиш сифатини яхшилаш, давлат хизматчиларининг иш жараёнларини қайта ташкиллаштириш соҳасидаги малакаларини ошириш, тегишли тренерлар салоҳиятини ривожлантиришни таъминлашдан иборат.

Ўз навбатида, Туркияда малакасини оширган тренинг қатнашчилари юртимизга қайтгач, ҳамкасбларига олган билим ва кўникмаларини етказади.

🔗Алоқада қолинг:
Telegram · Instagram · Facebook · Youtube · DXA_lotinda

#Халқаро_ҳамкорлик
#Гендер_тенглик

Ўзбекистон делегацияси аъзолари Латвияга ташриф буюрди. Мақсад нима?

Аввалроқ хабар берганимиздек, “Ўзбекистоннинг қишлоқ ҳудудларида давлат хизматларини тақдим этишни такомиллаштириш ва маҳаллий бошқарув даражасини ошириш” қўшма лойиҳаси доирасида танлаб олинган 7 та пилот ҳудудларнинг Давлат хизматлари марказлари ҳузурида Хотин-қизлар маслаҳат гуруҳларини тузиш масаласи муҳокама қилинган эди.

Икки томонлама ҳамкорликнинг мантиқий давоми сифатида ДХА ҳамда мутасадди ташкилотлар вакилларидан иборат Ўзбекистон делегацияси аъзолари Рига шаҳрида бўлиб турибди.

Мақсад - хотин-қизларга давлат хизматларини тақдим этишда нодавлат нотижорат ташкилотлари салоҳиятини ошириш масаласида Латвия тажрибасини ўрганиш.

Ташрифнинг биринчи куни делегация аъзолари Латвияда гендер тенглик сиёсати масаласи билан танишиш учун Латвия гендер тенгликни таъминлаш бўйича давлат сиёсатини мувофиқлаштирувчи ташкилот ҳисобланадиган Фаровонликни таъминлаш вазирлиги фаолияти билан яқиндан танишди.

Вазирликнинг Ижтимоий сиёсат ва ривожланиш департаменти бошлиғи Диана Якайта томонидан мамлакатда гендер сиёсати бўйича амалга оширилаётган ишлар тақдимоти, қабул қилинган стратегия ва режалар ҳақида батафсил маълумотлар берилди. Учрашув давомида Ўзбекистонда гендер сиёсати, амалга оширилаётган ишлар, хусусан ҳар бир вазирлик ва идораларда хотин-қизлар ва эркаклар учун тенг ҳуқуқ ҳамда имкониятларни таъминлаш масалалари бўйича маслаҳат кенгашлари фаолияти ҳақида тақдимот қилинган маълумотлар латвиялик мутасаддиларда катта қизиқиш уйғотди.

Шу куни, делегация аъзолари Латвия Республикасининг МАРТА марказига ташриф буюрди. Бу ерда Давлат хизматлари маркази ҳузуридаги Хотин-қизлар маслаҳат гуруҳи (WАG - ХМК) фаолияти бўйича халқаро тажриба билан танишилди.

Хизмат сафари давом этмоқда.

🔗Алоқада қолинг:
Telegram · Instagram · Facebook · Youtube ·

#Халқаро_ҳамкорлик
#Гендер_тенглик

Ўзбекистон делегацияси аъзолари Латвияда.

Латвияга ташрифнинг иккинчи куни Парламент ҳамда Ҳукумат вакиллари билан бир қатор учрашувлар бўлиб ўтди. Дастлаб делегация аъзолари Латвия Республикаси Парламентига (Saema)га ташриф буюрди. Латвия Парламенти депутати, Гендер тенглик масалалари бўйича гуруҳ раҳбари Aнда Чакша (Anda Čakša) хоним билан учрашув давомида парламентда гендер тенглиги ва аёлларнинг ўрни, жинси, ирқи, миллати, ижтимоий келиб чиқишидан қатъий назар инсонларга тенг муносабатда бўлишнинг энг мақбул усулларини амалиётда самарали тадбиқ этилиши бўйича ўзаро фикр алмашилди.

Самарали мулоқот давомида аҳолининг ижтимоий заиф гуруҳлари учун сифатли давлат хизматларини таыдим этишни таъминлаш, бу борада нодавлат нотижорат ташкилотлари билан яқиндан ҳамкорлик қилиш масалалари ҳам муҳокама қилинди.

Делегация аьзолари шунингдек, Латвия Республикаси Ички ишлар вазири Marija Goluboje хоним ҳамда Латвия Ташқи ишлар вазирлиги маьсул ходимлари билан учрашиб, гендер тенглик соҳасида фикр алмашди.

🔗Алоқада қолинг:
Telegram · Instagram · Facebook · Youtube ·

#Халқаро_ҳамкорлик

Томас Торогуд ДХА масъуллари билан учрашди.

БМТ Тараққиёт дастурининг Комплекс тикланиш ва маҳаллий ривожланиш бўйича маслаҳатчиси жаноб Томас Торогуд ўз миссиясини Давлат хизматлари агентлиги вакиллари билан учрашишдан бошлади.

Жаноб Томас Торогудга БМТТД лойиҳаси вакили Б. Сайфитдинов ҳамроҳлик қилди.

Агентлик томонидан учрашувда Давлат хизматлари тизимида давлат хизматларини кўрсатиш устидан назорат қилиш бошқармаси бошлиғи — У. Абдуллаев, Давлат хизматларини рақамлаштириш бошқармаси бошлиғи — К. Хўжаев ва Халқаро ҳамкорлик бўлими бош маслаҳатчиси — Р. Умаров иштирок этди.

Ўтказилган учрашувдан мақсад — БМТТДнинг Ўзбекистондаги фаолияти билан танишиш ва миллий ҳамкорлар билан мамлакатда амалга оширилаётган лойиҳаларни муҳокама қилиш.

Маълумот учун, Томас Торогуд БМТ Тараққиёт дастурининг Ўзбекистондаги фаолияти билан танишиш ва мамлакатдаги миллий ва маҳаллий шериклар билан бир қатор учрашувлар уюштиришни режалаштирган. Унинг доимий жойлашуви Наманган шаҳрида бўлади ва БМТ Тараққиёт дастурининг Фарғона водийсидаги миллий ҳамкорлари сифатида фаолият юритади.

🔗Алоқада қолинг:
Telegram · Instagram · Facebook · Youtube ·

*******************************************

#Международное_сотрудничество

Томас Торогуд встретился с представителями АГУ.

Советник ПРООН по Комплексному восстановлению и местному развитию г-н Томас Торогуд, в сопровождении ведущего координатора ПРООН Б. Сайфутдинова начал свою миссию со встречи с представителями Агентства государственных услуг.

Со стороны Агентства участвовали начальники Управления по контролю за оказанием государственных услуг в системе госуслуг У. Абдуллаев, Управления цифровизации государственных услуг К. Хужаев и главный консультант отдела международного сотрудничества Р. Умаров.

Цель встречи — ознакомление с деятельностью ПРООН в Узбекистане и обсуждение с национальными партнерами реализуемых в стране проектов.

К сведению, Томас Торогуд запланировал ознакомление с деятельностью программы развития ООН в Узбекистане и проведение ряда встреч с национальными и местными партнерами страны. Он будет выступать в качестве национального партнера ПРООН в Ферганской долине и будет находится в городе Наманган.

🔗 Оставайтесь на связи:
Telegram · Instagram · Facebook · Youtube ·

#Халқаро_ҳамкорлик

Рақамли трансформацияда янги технологияларни қўллаш қанчалик муҳим?

Шу кунларда Давлат хизматлари агентлиги директори ўринбосари У.Мамаражабов бошчилигидаги делегация давлат хизматларини кўрсатиш тизимига блокчейн технологиясини жорий этишда рақамли трансформация лойиҳаларининг амалга оширилиши билан танишиш мақсадида Нидерландия, Бельгия ва Люксембург давлатларида хизмат сафарида.

Нидерландияга ташриф буюрган делегация аъзолари томонидан Шимолий денгиз ҳудудидаги ҳукуматларга электрон хизматлар ва электрон ҳукуматнинг кейинги босқичини янада ривожлантириш доирасида блокчейнни жорий этишни жадаллаштиришга ёрдам берувчи БЛИНГ лойиҳалари кўздан кечирилди.

Шимолий халқаро қабул маркази ва Гронинген шаҳрида (Нидерландия) Фуқаролар билан ишлаш бўлимида паспорт, ҳайдовчилик гувоҳномаси ва бошқа рухсатномаларни расмийлаштириш жараёнини рақамлаштириш амалиёти билан танишилди.

Бу ерда янги технологияларнинг жорий этилиши ва тартиб-таомилларнинг соддалаштирилиши натижасида рухсатномаларни расмийлаштириш муддати 8 ҳафтадан 2 кунга қисқартирилишига эришилган.

Маълумот учун, хизмат сафари Адлия вазирлиги, Европа Иттифоқи, ДХА ва БМТТД "Ўзбекистоннинг қишлоқ ҳудудларида давлат хизматларини тақдим этишни такомиллаштириш ва маҳаллий бошқарув даражасини ошириш “ қўшма лойиҳаси доирасида ташкил этилди.

🔗Алоқада қолинг:
Telegram · Instagram · Facebook · Youtube ·

#Халқаро_ҳамкорлик

ДХА масъуллари Нидерландиянинг рақамли трансформация йўналишидаги тажрибасини ўрганмоқда.

Нидерландияда хизмат сафарида бўлиб турган Ўзбекистон делегацияси VNG-Нидерландия муниципалитетлар ассоциацияси вакиллари билан учрашди.

Учрашувда WEgovernment дастури ижрочи директори жаноб Отто Торс рақамли трансформациянинг Нидерландия давлат идоралари фаолиятига таъсири ҳақида тақдимот қилди.

Шундан сўнг VNG ташкилотининг Common Ground лойиҳаси ҳақида маълумот берилди. Ушбу дастур доирасида Нидерландия ҳаётида қўлланиладиган ахборот тизимлари ва маълумот базаларини ягона стандартлар асосида қайта кўришга қаратилган.

Делегация аъзолари шу куни Нидерландия блокчейн коалицияси, Гаага шаҳар муниципалитетининг "Open Stad" - очиқ шаҳар дастури, "MijnDenHaag" фуқаролар онлайн портали ва бошқа лойиҳалар билан таништирилди.

Учрашув якунида давлат хизматлари ва рақамли трансформация йўналишида қўшимча ҳамкорлик ва келгусида масофавий тажриба алмашиш ҳақида келишиб олинди.

🔗Алоқада қолинг:
Telegram · Instagram · Facebook · Youtube ·

#Халқаро_ҳамкорлик

Адлия вазирлиги ва ДХА вакилларидан иборат делегация Люксембургда.

Бугун Европа Иттифоқининг блокчейн технологиялари асосидаги ечимлардан фойдаланиш тажрибасини, давлат хизматларини кўрсатишда рақамлаштиришни жорий этиш масалаларини ўрганиш учун делегация аъзолари Люксембургдаги «Стартап уйи»га ташриф буюрди.

Бу ерда улар TOKEN лойиҳаси (давлат хизматларида блокчейн технологияларининг ўзгартирувчан таъсири) билан танишди.

Бу лойиҳа давлат органларига янада очиқ, шаффоф, ишончли ва самарали давлат хизматларини яратиш учун тақсимланган реестр технологияларини жорий этишни синаб кўриш имконини берувчи бир қатор марказлашмаган мустақил технологик компонентларни тақдим этишга қаратилган.

Тақсимланган реестр технологиялари ҳукуматга самарадорликни ошириш, ташкилотлар ўртасидаги номутаносибликни бартараф этиш, бюрократик тўсиқларни камайтириш, жамоатчилик иштирокини ошириш, рақамли демократия ва шаффофликни мустаҳкамлаш, билим алмашишни яхшилаш ва автоматлаштиришни осонлаштириш имконини беради.

Маълумот учун, хизмат сафари Адлия вазирлиги, Европа Иттифоқи, ДХА ва БМТТД "Ўзбекистоннинг қишлоқ ҳудудларида давлат хизматларини тақдим этишни такомиллаштириш ва маҳаллий бошқарув даражасини ошириш “ қўшма лойиҳаси доирасида ташкил этилди.

🔗Алоқада қолинг:
Telegram · Instagram · Facebook · Youtube ·