Монополияга қарши курашиш қўмитасининг ҳам овози чиқди

Май ойининг охирида Ўзбекистон Республикаси Норматив-ҳуқуқий ҳужжатлар лойиҳалари муҳокамаси порталига ажойиб бир ҳужжат — “Тошкент шаҳрида янги ликёр-ароқ заводини қуриш” лойиҳасини амалга ошириш бўйича қўшимча чора-тадбирлар тўғрисида”ги қарор лойиҳаси жойлаштирилган эди. (Ҳозирда ушбу ҳужжат порталда йўқ). Адашибмиз, бор экан. https://regulation.gov.uz/ru/document/3933

Ўзбекистон Республикаси монополияга қарши курашиш қўмитаси томонидан Қонун ҳужжатларининг рақобатга таъсирини баҳолаш методикаси асосида юқорида номи қайд этилган ҳужжат лойиҳаси ўрганилган. Очиғи, коммунал тўловлар, шунга ўхшаш майда-чўйда масалаларга аралашиб юрадиган қўмита учун бу катта жасорат.

Ўрганишларга кўра, қарор лойиҳасида қуйидаги қонунчилик талабларига риоя этилмаган.

Биринчидан, «Premium Uzbekistan» МЧЖ ҚХга «Premium Uzbekistan», «Premium O`zbekistоn», «Премиум Узбекистан», «Премиум Ўзбекистон» фирма номлари (товар белгилари)нинг бириктирилиши кўзда тутилиши “Товар белгилари, хизмат кўрсатиш белгилари ва товар келиб чиққан жой номлари тўғрисида”ги қонун талабларига зид.

Иккинчидан, қарор лойиҳасида “Ўзбекистон темир йўллари” АЖ, унинг таркибий бўлинмаларига, «Premium Uzbekistan» МЧЖ ҚХга, бош лойиҳа ва пудрат ташкилотларига, лойиҳа, пудрат ва субпудрат ташкилотларига солиқ ва божхона имтиёзлари берилиши кўзда тутилган. Шунингдек, 2023 йилнинг 1 январига қадар қатор солиқ ва тўловлардан озод қилинган. Қўмитанинг фикрича, бу ушбу соҳадаги бошқа тадбиркорлик субъектларига нисбатан тенг бўлмаган шарт-шароитнинг яратилишига олиб келади. Маълумот ўрнида: бугунги кунда Ўзбекистонда 4 та спирт ишлаб чиқариш корхонаси бор.

Учинчидан, Монополияга қарши курашиш қўмитаси фаолият соҳасига кирувчи масалалар бўйича норматив-ҳуқуқий ҳужжатлар лойиҳалари мажбурий тартибда у билан келишилиши шарт. Шуларни инобатга олган ҳолда қўмита томонидан қарор лойиҳаси бўйича хулоса берилган. Унда рақобатни чекловчи ҳамда бошқа тадбиркорлик субъектларига нисбатан тенг бўлмаган шарт-шароитнинг яратилишига оид фактлар акс этган. https://telegra.ph/Vozdejstvie-normativno-pravovyh-aktov-na-konkurenciyu-vzglyad-iznutri-07-09

​​Бозор қиймати мавжуд активлар нега текинга берилиши керак?

“Angren Paсk” ХК АЖ устав капиталидаги давлат акцияларининг 25 фоизини "ноль" қийматда Россиянинг Николь-Пак компаниясига бериш тўғрисида ҳукумат қарори қабул қилинибди.

Жудаям қизиқ қарор. Нима учун бундай деяпмиз? 13 ой муқаддам, 2018 йил 5 июнь куни “Angren Paсk” ХК АЖнинг 53.05% акцияси ёки 215600 дона акцияси ҳар бири 10 000 сўмдан, жами 2 156 000 000 сўмга айни шу рус компанияси Николь-Пакка сотилганди.

Эътибор беринг, корхонанинг акцияси номинал қиймати 1 500 сўм бўла туриб, 6.7 баробар қимматига, яъни 10 000 сўмдан сотилган. Демак, сотиб олинган корхона шунга арзийди.

Савол туғилади: бозор қиймати номинал қийматидан каррасига юқори нархларда сотилган корхонанинг давлатга тегишли 25% акцияларини "текин"га беришга қандай зарурат ё сабаблар мажбур қилди экан? Давлатга тегишли мазкур пакет 13 ой аввалги нархларга ҳисобланганда ҳам бир миллиард сўмдан қимматроққа сотилиши мумкин эди-ку.

Фақат инвестиция мажбурияти қўйилибди-ку эвазига деманг, ҳатто ёш бола ҳам тушуниб қолди бу "инвестиция мажбурияти" схемаларини. Банк кредити олиб "инвестиция мажбуриятини бажариб", "уй-жой сити" қураётганларни, ишончли бошқарувга миллиардлаб турадиган гигант активларни эгаллаб олиб, бугун ташқаридан пулни ҳайдаб келиб гўёки инвестиция мажбуриятини бажаргандай бўлиб, эртасига пулни яна аффилланган ҳисобларга ортга олиб чиқиб кетаётганларни кўп кўраяпмиз, эшитаяпмиз.

Бизни ҳайрон қолдираётган, ўйлантираётган, қийнаётган масала битта: нега бозор қиймати мавжуд активлар текинга берилиши керак?!

“Ўзбекистон ҳаво йўллари” Қаршидан Москвага ҳаво қатновларини қайта йўлга қўяди

“Ўзбекистон ҳаво йўллари” миллий авиакомпанияси шу йилнинг 26 июлидан Қарши — Москва — Қарши йўналиши бўйича авиақатновларни қайта тиклайди. Парвозлар А320 самолётларида амалга оширилади.

НY 623 Қарши 06:10 – Москва 08:25

НY 624 Москва 20:25 – Қарши 02:25

Давлат идоралари очиқлиги ва хотин-қизлар

Ўзбекистонда қайси давлат идоралари кўпроқ очиқ, деган савол берилса, аксарият журналистлар Тошкент шаҳар ички ишлар бош бошқармаси, Бош прокуратура ва Адлия вазирлигини айтишади.

Бу идораларга илғор кадрлар раҳбарлик қилишидан ташқари, уларнинг матбуот хизматларини (жамоатчилик билан алоқалар хизматини) хотин-қизлар бошқаради. Бош прокуратурада яқингача аёл киши матбуот котиб эди. Балки тасодифдир, лекин давлат ҳокимияти ва бошқаруви органлари очиқлигини таъминлашда хотин-қизларимизнинг роли юқорилиги аниқ.

Ўзбекистон Республикаси Ташқи ишлар вазирлиги баёноти

Ўзбекистон Доҳадаги (Қатар) афғонлараро конференция қарорларини ва унинг иштирокчилари томонидан қабул қилинган Тинчлик тўғрисидаги қўшма резолюцияни қўллаб-қувватлайди.

Томонларнинг афғонлараро кенг қамровли музокаралар орқали барқарор тинчликка эришишга содиқлиги Афғонистон муаммосини ҳал қилишнинг ягона тўғри йўлидир.

Ўзбекистон доим тинчлик жараёни мамлакатнинг барча сиёсий кучлари ва этник гуруҳларини қамраб олиши керак деган қатъий фикрда бўлган. Бунда бош ролни афғонларнинг ўзлари ўйнаши керак.

Мамлакатда узоқ кутилган тинчликни ўрнатиш бўйича сиёсий жараён афғонларнинг ўзлари томонидан ҳамда Афғонистон халқи раҳбарлигида амалга оширилиши лозим.

Шундан келиб чиқиб Ўзбекистон Афғонистонда ҳақиқий тинчликка эришиш бўйича саъй-ҳаракатларни бундан кейин ҳам давом эттиришга тайёр.
https://mfa.uz/uz/press/statements/2019/07/19908/

​​“Ўзбекнефтгаз” ихчамлашади, тўқимачилик, чорвачилик корхоналаридан, бозорлардан қутилади

Президент нефть-газ тармоғини ислоҳ қилишга доир ҳужжатни имзолади. Унда айтиилишича, Ўзбекистон Республикасининг нефть-газ тармоғини 2030 йилгача ривожлантириш концепцияси ишлаб чиқилган.

Президент қатор вазирликларнинг “Ўзбекнефтгаз” АЖ бошқаруви тизимини ислоҳ қилиш таклифига розилик берган. Бу таклифлар Осиё тараққиёт банки билан ҳамкорликда ишлаб чиқилган.

“Ўзбурғунефтгаз”, “Ўзнефтгазқазибчиқариш”, “Ўзнефтмаҳсулот”, “Ўзнефтгазмаш” акциядорлик жамиятлари тугатилиб, “Ўзбекнефтгаз”га қўшиб юборилади ва уларнинг вазифаларини махсус ташкил этиладиган бўлимлар бажаради.

“Ўзтрансгаз” эса “Ўзбекнефтгаз” таркибидан чиқарилади. Устав капиталидаги улуш Ўзбекистон Республикаси Давлат активларини бошқариш агентлигига берилади. Агентлик акциядорлигида “Ҳудудгазтаъминот” акциядорлик жамияти тузилади. У “Ўзтрансгаз”нинг ҳудудий филиаллари негизида ишлайди.

“Ўзбекнефтгаз” компания тизимидаги бозорлар, савдо ва чорвачилик комплексларини маҳаллий ижро этувчи ҳокимият органларига бериш орқали ўз соҳасига тааллуқли бўлмаган активлардан қутилади. Жами 13 та.

Бундан ташқари, тизимдаги сервис ташкилотлари ва бошқа ташкилотлар Ўзбекистон Республикаси Давлат активларини бошқариш агентлигига берилади. Жами 72 та. Агентлик 2020 йилнинг 1 апрелига қадар сотиши керак. Тушган маблағлар “Ўзбекнефтгаз” кредит ва мажбуриятларини қоплашга, жаа ортиб қолса, компаниядаги давлат улушини кўпайтиришга йўналтирилади.

Газ таъминоти объектларини хусусий операторларга бериш имконияти кўзда тутилган, шунингдек, Мажбурий ижро бюросининг табиий газ учун тўловларни йиғиш бўйича вазифаларини уларга бериш мумкинлиги айтилган. Фақат ҳозирча ҳужжатда.

“Муза”дан янгилик! Энди музлатилган хамир ва қатламалари бежирим янгича қадоқларда кутиб олинг.

Ўзгаришлар фақат ташқи кўриниши билан чекланиб қолгани йўқ — маҳсулот сифатида ҳам ўсиш бор.

“МузА” маҳсулотлар турини кенгайтириш ва уларнинг сифатини янада яхшилаш, харидорларга байрамона кайфият улашишда давом этади. “МузА”даги ўзгаришлар ва ребрендингига оид хушхабарларни кутиб қолинг!

Фейсбук: https://www.facebook.com/uzmuza/
Телеграм: https://t.me/MuzaSlavynskie
Телефон: (+998-71) 227-13-13, (+998-71) 246-88-33

Узоқ муддатли танаффусдан кейин омонат бозорида яна 22 фоизлик омонат пайдо бўлди. "Қишлоққурилишбанк"нинг 25 ойга қабул қилинадиган "Юбилей" омонатига 22 фоизлик устама таклиф этилмоқда http://qishloqqurilishbank.uz/uz/news/3732/

​​Абитуриентлар ва уларнинг ота-оналари диққатига!

Олий ўқув юртларига ҳужжат қабул қилиш жараёни якунланишига ҳам беш кун қолди. Бизда одатдагидек мана шу беш кунда абитуриентларнинг 60-70 фоизи ҳужжат топширишга ҳаракат қилади. Қабул комиссияларида иш қайнайди. Юз минглаб ёшларимиз учун шу кунларда икки оёқ бир этикка тиқилган пайт.

Айни кунларда ҳужжатларни топшириш жараёнида юзага келаётган муаммолардан бири — аввалги йилда битирган абитуриентларнинг қабул учун тўловни (101 минг сўм) амалга оширишидир. Бу жазирамада соатлаб касса олдида навбат кутгандан кўра электрон тўлов тизими UPAY’дан фойдаланиш қулай.

Электрон тўлов қилиш учун, биринчидан, pay.dtm.uz сайтига кирасиз. Чиққан майдончага паспорт маълумотингиз ва телефон рақамингизни киритасиз ҳамда «Яратиш» тугмасини босасиз (жуда содда усулда кўрсатилган). Экранда квитанция пайдо бўлади. Ўша квитанцияни тагида «пластик карта орқали тўлаш» деган тугмани босасиз. Автоматик равишда https://pay.upay.uz тўлов тизимига олиб ўтади. У ерда пластик карта рақами, амал қилиш муддати ва карта уланган телефон рақамини киритиш кифоя. Телефонга келган SMSни киритасиз, тамом. Тўлов амалга оширилди.

Иккинчидан, iOS ёки Android тизимларидаги UPAY дастури ёки upay.uz сайти орқали тўлаш ҳам мумкин. Бунда мобиль дастур ва сайт орқали рўйхатдан ўтиш керак бўлади.

Маълумот учун: ушбу тўлов ДТМ базасида автоматик кўринади. Тўлаганингизни исботлаш учун қанақадир чек ёки квитанция олиб боришингиз шарт эмас.

Дарвоқе, UPAY орқали мобиль алоқа, телефония, суғурта хизматлари, дам олиш масканлари, интернет провайдерлар, телевидение, кредит тўловлари, давлат хизматлари, коммунал хизматлар, солиқ тўловлари, онлайн ресурслар, таълим учун тўловларни амалга оширишингиз мумкин.

Батафсил маълумотни upay.uz сайтидан ва 71 200 00 85 телефон рақамига қўнғироқ қилган ҳолда олишингиз мумкин.

Марказий банк раиси Мамаризо Нурмуратов нуфузли Bloomberg нашрига интервью берибди https://www.bloomberg.com/news/articles/2019-07-09/uzbekistan-may-issue-more-eurobonds-this-year-central-bank-says

Битта вилоят йиғилишида 500 нафар одам 3 соат ўтирса, 1 соатга ўртача 30 минг сўм ойлик олса, бу йиғилишдан иқтисодиёт 45 млн. зарар кўраркан. Қанча фойда кўрилишини билмадим? (с).

Твиттердан ухлатилди.

​​Кеча йиллар давомида бюрократлашиб, кенгайиб, самарасизлиги ортгандан ортиб борган нефть ва газ соҳасига оид муҳим қарор қабул қилинди. Қарор билан танишган оддий ўқувчи ўтган йилларда "Ўзбекнефтгаз" АЖ қандай қилиб тўқимачилик, чорвачилик ёки бозорлар билан машғул бўлганини тушуниши қийин.

Бизнинг-ча, бунинг илдизларини маъмурий бошқарув тизимимизда шаклланган қоида ва механизмлардан излаш керак. Ўз вақтида берилган топшириқ ижроси иқтисодиётга қанчалик зиён етказгани, қиммати қанча тушгани ҳеч кимни қизиқтирмаган. Айримлар профиль бўлмаган фаолиятдаги ҳар қандай муваффақиятсизликларни эса "юқорининг топшириқларини ижро қилганмиз" деган рўкач билан ювиб юбораверган.

Шу маънода кечаги қарор "Ўзбекнефтгаз" каби асосий фаолиятига таалуқли бўлмаган профиллар билан самарасиз кенгайишда давом этаётган бошқа "соҳа компаниялар"нинг ислоҳоти учун ҳам намуна бўлиши мумкин. Асосий фаолиятидан ташқари, кўмир қазиб чиқараётган, картошка экаётган, намунали молхона қураётган, ароқ ишлаб чиқарадиган, кўприк қураётган ва албатта, ислоҳ бўлишини кутиб турган "соҳа компаниялар" ҳали етарлича топилади.

Берлиндаги элчихонамизда никоҳдан ўтаётган ватандошларимиз ҳақида http://jahonnews.uz/uz/obshchestvo/291/54932/

​​Ўзбекистонда 71 та касб-ҳунар коллежини давлат-хусусий шериклик шартларида "бизнесга боғлаб бериш" таклиф этилмоқда

Давлат-хусусий шериклик шартлари доирасида унитар корхона, давлатга тегишли ёки давлат улуши бор айрим корхоналарга коллежларнинг бириктириб берилаётгани лойиҳа ташаббускорларини ҳечам таажубга солмаган.

Масалан, Тошлоқ хизмат кўрсатиш ва сервис касб-ҳунар коллежи «FARGONA ELEKTR TARMOQLARI HUDUDIY KORHONASI» АЖга, Ғузор нефть ва газ саноати касб-ҳунар коллежи «Shurtanneftgaz» МЧЖга, Муборак саноат касб-ҳунар коллежи «Muborak gazni qayta ishlash zavodi» МЧЖга бириктирилгани қизиқ.

Дарвоқе, кечаги Президент қарори билан «Muborak gazni qayta ishlash zavodi» МЧЖ ва «Shurtanneftgaz» МЧЖ тугатилиб, Ўзбекнефтегаз АЖга қўшиб юборилган. Бугунги лойиҳада эса бу корхоналарга коллежларни бириктириш таклиф этилаяпти.

P.S.: Рости, ўнг қўл чап қўл нима қилаётгани билмайди. Бизда идоралараро экспертиза йўқми? Давлат-хусусий шериклик ҳақида қарор қилаяпсан, баракатопкур, давлат ташкилотларига бириктириб нима қиласан. Қанақа хусусий шериклик бу? Давлат—давлат шериклик-ку бу. Балки барча ислоҳотларни ягона линияда ушлаш учун ислоҳотларга масъул белгиланар. Масалан, Грузияда бўлгани каби Иқтисодий-ижтимоий ислоҳотларни мувофиқлаштириш бўйича вазир лавозими жорий қилиниши керакдир.

Албатта, иккинчи томондан, муайян тармоқ ва корхона учун кадр етиштириб берадиган коллежларнинг ресурс ва имкониятларга эга компанияларга бириктирилишини тушуниш ҳам мумкин. Чунки шу кеча-кундузда коллежларнинг келажаги ноаниқ қолаётган бир шароитда, тор мутахассисликлар бўйича эҳтиёжни қондириш учун давлат-хусусий шерикликнинг мазкур амалиётини жорий қилиш, жумладан, йирик корхоналар томонидан “оталиққа олиниши” ҳаётий зарурат. Фақат бюджетга юклаш билан самарадорликка эришиб бўлмайди. Умид қиламизки, коллежга корхоналарнинг бириктирилиши Тошкентдаги Турин политехника университети ва “GM Uzbekistan” тажрибасидек муваффақиятли кечади.

Ўзбекистонда 11—18 июль кунлари жуда иссиқ об-ҳаво кузатилиши, ҳарорат ўртача кўп йиллик қийматдан 5—7 даражага юқори бўлиши кутилмоқда

11—18 июлда Ўзбекистон бўйлаб ўртача кўп йиллик қийматларидан 5—7 даражага юқори бўлган жуда иссиқ об-ҳаво кузатилиши кутилмоқда. Бу ҳақда «Ўзгидромет» маълум қилди.

Ҳаво кундуз кунлари +40...+42 даражагача, жанубда ва чўл ҳудудларда +43...+45 даражагача кўтарилиши мумкин. Бухоро, Навоий, Қашқадарё, Сурхондарё вилоятларида гармсел бўлиши эҳтимоли бор.

11—18 июлда Ўзбекистоннинг тоғ олди ва тоғли ҳудудларида ҳарорат фонининг кўтарилиши ҳисобига Тожикистон ва Қирғизистон ҳудудларидан гляциал (музли) сел тошқинлари ўтиши мумкин.

https://t.me/joinchat/AAAAAD63OEHkQHOlfdglMg

​​Қозоғистоннинг Павлодар вилояти Экибастуз шаҳрида 2018 йил 22 январда рўйхатдан ўтган мақоми кичик корхона бўлган, биронта лицензияси йўқ ТОО "Горные работы" компаниясига Ўзбекистоннинг энг йирик икки иссиқлик электр станцияси "Ангрен ва "Янги Ангрен" ИЭС ишончли бошқарувга топширилмоқда. Аукционсиз. Конкурссиз

Имтиёз ва преференциялар, ташқи бозордаги рақобатчилардан ҳимоялашни сўраш навбати «Ўзтўқимачиликсаноат» уюшмасига етиб келган кўринади. Ташқаридан кирадиган майка-трусикдан, пальто-костюмгача сертификатлаш ва маркировкалаш сўралаяпти.

Биратўла 2017 йилгача айримлар манфаатлари учун хизмат қилган ва қўшни давлатлардан кийим-кечак олиб киришни тақиқлаган машҳур "10 доллар қонуни"ни қайта жорий қилиш вақти келмадимикин? Майдалашмасдан.
https://regulation.gov.uz/ru/document/4547

Комил Алламжонов ОАВ эркинлиги бўйича Лондонда бўлиб ўтаётган Глобал конференция иштирокчиларига видеомурожаат қилибди. https://www.facebook.com/204416143648295/posts/489260298497210?s=100011761565373&v=e&sfns=mo

#Диққат_танлов
“Биз коррупцияга қаршимиз” номли мегатанлов бўлиб ўтади

Адлия вазирлиги “Биз коррупцияга қаршимиз” номли мегатанловни эълон қилади.

Танлов аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш, давлат ва жамият ҳаётининг барча соҳаларида коррупциянинг олдини олишга доир чора-тадбирларни амалга ошириш, коррупцияга оид ҳуқуқбузарликларнинг оқибатларини, уларга имкон берувчи сабаблар ва шарт-шароитларни бартараф этиш йўлларини топиш мақсадида ташкил этилди.

✅ Танлов қуйидаги номинациялар бўйича ўтказилади:
👉 “Энг яхши журналистик материал учун”;
👉 “Энг яхши блогпост учун”;
👉 “Энг яхши юмористик асар (карикатура, ҳажвия ва ҳоказо) учун”;
👉 “Энг яхши видеоролик сценарийси учун”;
👉 “Энг яхши флаер, буклет, баннер, плакат учун”.

✅ Танловнинг ҳар бир номинацияси бўйича 1, 2 ва 3-ўрин ғолиблари қуйидаги қимматбаҳо совғалар билан тақдирланади:
👉 1-ўринга – Samsung Galaxy S10;
👉 2-ўринга – ноутбук;
👉 3-ўринга – телевизор.

Танловда иштирок этиш истагини билдирган ҳар бир номзод ўз ижодий материалларини номинация номини кўрсатган ҳолда танлов Ишчи органига паспорт нусхаси ва резюмеси билан биргаликда топширади.

Адлия вазирлигининг Ҳуқуқий тарғибот ва маърифат бошқармаси танлов Ташкилий қўмитасининг Ишчи органи ҳисобланади.

Танлов БМТ Ривожланиш дастурининг “Ўзбекистонда самарали, ҳисоб берувчи ва шаффоф институтлари орқали коррупцияга қарши курашиш” лойиҳаси доирасида молиялаштирилади.

Танловга материаллар 10 августга қадар қабул қилинади.

Танлов натижалари Мустақиллик байрами арафасида эълон қилинади.

Танлов учун материалларни Тошкент шаҳри, Сайилгоҳ кўчаси, 5-уй манзилига ёки x.klichev@adliya.uz электрон почта манзилига юборинг.

Батафсил маълумот: www.adliya.uz сайтида.

Мурожаат учун телефон: 71 233-75-97.

📍 Lotin alifbosida o‘qing

Каналга уланиш👇👇👇
https://t.me/huquqiyaxborot

Кейинги кунларда ўзбек жамиятини ортиқ даражада ташвишлантираётган муаммо биз кун тартибига чиқараётганимиздек телба-тескари ва пала-партиш қарорлар ҳам эмас, хусусийлаштириш ва давлат активларини янги эгасини белгилаш бўйича шаффоф бўлмаган ва савол остидаги битимлар ҳам эмас, Марказий банкнинг қайта молиялаш ставкасини ошириши ёки ўз ҳолича қолдириши ҳам эмас, балки истеъмол бозорида гўшт нархининг кескин кўтарилишидир.

Маслоу пирамидаси бўйича ҳар қандай инсон энг аввало физиологик эҳтиёжлари хақида қайғуради, кейин қолган муаммоларга ўтилади. Табиат қонуни бу.

Биз ҳозир гўшт нархи кўтарилишига "Ҳар бир оила — тадбиркор" дастури сабаб бўлди ёки Қозоғистон мол экспортини чеклади, каби гипотезаларни олға сурмоқчи эмасмиз. Масъулларга чақириғимиз битта: илтимос, бозорга аралашишдан тийилиш лозим. Гўшт нархини пасайтириш бўйича мажлис қилиш, бозорда юриб ёрлиқларни ўзгартириб чиқиш, мажбурлаб арзон гўшт сотдиришдан фойда йўқ, маънисиз директивалар билан бадтар аҳвол ёмонлашгани қолади.

Бир сафар бозор ўзини ўзини тартибга солишига қўйиб бериш лозим. Агар истак бўлса, қўшни давлатлардан тирик қорамол импорти жараёнини соддалаштириш керак, лекин бундай истак сизларда йўқ, яхшиси ҳеч нима қилмаган тузук. Энг катта фойдангиз шу бўлади. ИМҲО, албатта.