ДЕНОВДАГИ ҲОЛАТ ЮЗАСИДАН

02.07.2019 йил соат 15:00 ларда фуқаро Ф.Т. (1999 й.т.) Денов тумани, Лолазор маҳалласидаги “Хабибобод” бозори ҳудудида жойлашган аёллар ҳожатхонасида қиз бола чақалоқни туғиб, ҳожатхона ичига ташлаб кетган. Ундан кейин ҳожатхонага кирган аёл чақалоқ йиғисини эшитиб, одамларни ёрдамга чақирган. Натижада чақалоқ қутқариб қолиниб, касалхонага жойлаштирилган.

Мазкур ҳолат юзасидан Денов туман прокуратураси томонидан фуқаро Ф.Т.га нисбатан Ўзбекистон Республикаси Жиноят Кодексининг 25, 99-моддаси билан жиноят иши қўзғатилиб, тергов ҳаракатлари олиб борилмоқда.

http://www.prokuratura.uz/uz_UZ/9030/

"Чизилган тақдирлар" лойиҳаси. Анварнинг хатоси https://www.youtube.com/watch?v=i6Z5kPC6_fc

Қарши шаҳрида китобга ҳайкал ўрнатилибди.

Фото: ЎзА


👉 @xushnudbek 👈

Шуни маълум қилимизки, 2019 йил 15 июлдан “SMS-хабарнома” хизмати томонидан 5800 қисқа рақамдан етказилувчи (МЧЖ Play Mobile) ҳар бир кириш хабарнома нархи 84,20 сўмни ташкил этади. https://uzcard.uz/uz/news/sms-habarnoma-hizmatiga-belgilangan-tulov-narhi-oshirildi/

Марказий банк Бошқарувининг 2019 йил 20 июлига мўлжалланган йиғилишида қайта молиялаш ставкасини қайта кўриб чиқиш режалаштирилган. Иккинчи ярим йилликда юз бериши мумкин бўлган юқори инфляцион босим ва кутилмаларга қарамай, иқтисодиёт ва кредит қўйилмалари номутаносиб таркиби ҳамда ставкани ошириш керакли самара бермаслигидан келиб чиқиб, қайта молиялаш ставкаси ўзгаришсиз қолдирилиши эҳтимолини юқори баҳолаймиз. ИМҲО, албатта.

10 июль кунидан Тошкентнинг бир нечта бозорлари яқинидаги йўллар бўйлаб тўхташ ва тўхтаб туриш қоидалари бузилишини қайд этувчи автоматлаштирилган фото- ва видеокамералар иш бошлашади. Масалан, Чилонзор туманини Тошкент халқа автомобиль йўлининг ўзидаёқ 3.27 белгисини менсимаганларни қайд этишга мўлжалланган 4 та стационар автоматлаштирилган камералар ўрнатилган.

Ҳозирги вақтда Абу-Сахий, Бек Топи, Ипподром, Ўрикзор бозорлари йўлларида автоматлаштирилган тизим ўрнатилган бўлиб, Тошкент шаҳар ИИББ ЙҲХБ ходимлари томонидан бу йўналишдаги ишлар давом эттирилади.

Ўрнатилган камералар 360 градусга ўгирила олади. https://iibb.uz/uz/news/ogo-bling-thtash-tailangan-belgisini-mensimaslik-ollari-endilikda-avtomatik-tarzda-ajd-etiladi

Ўзбекистон Республикаси Ташқи ишлар вазирлиги Жоанна Лиллисни The Economist (Буюк Британия) нашрининг мамлакатимиздаги мухбири сифатида аккредитациядан ўтказибди.

Дарвоқе, Ўзбекистон Республикаси ташқи ишлар вазири Абдулазиз Комилов бошчилигидаги делегация 2019 йил 9—12 июль кунлари амалий ташриф билан Буюк Британияда бўлади ва Лондон шаҳрида ОАВ эркинлиги бўйича глобал конференцияда иштирок этади.

​​Ҳозиргина банкимга телефон қилдим. Кэрол хоним саволимга тезда жавоб берди. Энди хайрлашмоқчи бўп тургандим, «Фарход, бир дақиқа вақтингиз борми, бизда сизга таклиф бор», деб қолди.

Банким (RBC Royal Bank)нинг мижозларга хизмат кўрсатиш ходими сўзларига кўра, менга 30 минг доллар лимитга эга кредит линияси тақдим этилибди.

Кредит линияси – бу кредитнинг шундай турики, у муайян бир мақсад учун берилмайди; хоҳлаган нарса учун ишлатишингиз мумкин. Масалан, уй ремонтига. Бундан ташқари, берилган сумманинг қанчасини ишлатсангиз, ўша қисмига фоиз тўлайсиз, ишлатмаган қисмига эса тўламайсиз.

Масалан, сизда 30 минг долларлик кредит линияси бор. Уйингиздаги дераза ромларни алмаштирдингиз ва бунга 10 минг сарфладингиз. Сиз 10 минг учун 8,44% тўлайсиз, қолган 20 мингига эса ҳеч нарса қилмайди.

Ҳар ой фоизни тўлаб юришингиз мумкин, аммо унда қарз ҳажми камаймайди. Қарзни камайтириш учун эса ўша фоизни ва кредитни қанчага камайтирмоқчи бўлсангиз, ўшанча суммани қўшиб тўлашингиз керак.

Оддий кредит, авваламбор, чегараланган муддатга берилади. Сиз қайси ой неча пул тўлашингизни олдиндан биласиз. Кредит линиясида эса хоҳлаган ой хоҳлаган суммани узасиз. Яхши «левий» иш қилсангиз, бирпасда узиб қўйиш мумкин, ёки бир неча йил давомида секин-секин тўлаб бориш ҳам мумкин.

Яна бир қизиқ жиҳати – сиз 10 мингни ремонтга сарфладингиз, аммо 20 минги турибди. Ана ўшаниям бемалол, исталган пайтингизда ишлатишингиз мумкин. Ишлатган кунингиздан бошлаб фоиз «туғаверади», холос.

Аввал кредит карталар ҳақида ёзгандим. Кредит карталарнинг фоиз ставкаси жуда юқори, ўртача 20 фоиз.

Айтайлик, кредит картага сиз янги холодильник сотиб олдингиз, аммо қарзни узишга пулингиз етмаяпти. Шунда сиз йиллик 20% устама тўлаб боришингиз керак. Лекин агар кредит линиянгиз бўлса, сиз пулни кредит линиядан кредит картага ўтказиб, картадаги қарздан қутуласиз. Линиядаги қарз эса 8,44%, 20 фоиздан анча паст. Шу йўсинда пул тежашингиз мумкин.

Айтганча, бу кредитни ҳеч қандай гаровларсиз беришди.

~~~

30 минг долларлик кредит олиш учун нафақат ҳужжат йиғиш ва кўрсатиш, ҳатто телефон қилиш ҳам керак бўлмади. Бу кредит менга автоматик равишда тақдим қилинган, Кэрол хоним шунчаки эслатиб қўйди. Менга кредит тақдим этилгани ҳақидаги хабар онлайн банкда турган эди, кўрмай қолибман.

Хўш, банк нега менга даб-дурустдан шунча кредит беряпти? Чунки улар big data — «катта маълумотлар» билан ишлашни билади.

Банкнинг компьютер тизимлари менинг молиявий аҳволимни яхши билади, чунки барча транзакциялар ўша банк орқали ўтади. Ойлигим ҳисоб-рақамимга тушади, коммунал хизматларга вақтида тўлаяпманми, кредит картам ва машинам қарзларини вақтида узяпманми, уй ижарасини тўлашимда муаммо йўқми...

Буларни кўрган компьютер менинг қанчалик ишончли қарздор эканимни ҳисоблайди-да, автоматик тарзда менга кредит бериш мумкин ё мумкин эмаслиги ҳақида ҳулоса чиқаради. Бу жараёнда одам деярли иштирок этмайди ва мен томондан ҳеч қандай қўшимча ҳаракат талаб қилинмайди.

Ҳаммаси жуда қулай. Мақсад: қулайликдан фойдалан ва банкка ўша 8,44% йиллик устамани тўла. Қанча кўп қарз олсам, шунча банкка «вигодний».

Мана шунақа гаплар.

Суратда: 30 минг доллар қарз олсангиз, агар у кредит карта бўлса, йилига деярли $6000 устама тўлайсиз. Агар у кредит линияси бўлса, $2500 тўлайсиз.

Гўшт нархи Тошкентдаги савдо расталарида 60 минг сўмга етибди.

Жиноят ишлари бўйича Чиноз туман суди раиси ҳибсга олинди. У 3 минг доллар пора олишда айбланмоқда

Тошкент вилояти жиноят ишлари бўйича Чиноз туман суди раиси М.Х. пора олишда айбланиб қўлга олинди.

Судья 3000 доллар миқдорида пора олганликдан айбланмоқда. Унга нисбатан қамоққа олиш тарзидаги эҳтиёт чораси қўлланилган ва Жиноят кодексининг 210-моддаси (пора олиш) бўйича жиноят иши қўзғатилган. — Gazeta.uz

Монополияга қарши курашиш қўмитасининг ҳам овози чиқди

Май ойининг охирида Ўзбекистон Республикаси Норматив-ҳуқуқий ҳужжатлар лойиҳалари муҳокамаси порталига ажойиб бир ҳужжат — “Тошкент шаҳрида янги ликёр-ароқ заводини қуриш” лойиҳасини амалга ошириш бўйича қўшимча чора-тадбирлар тўғрисида”ги қарор лойиҳаси жойлаштирилган эди. (Ҳозирда ушбу ҳужжат порталда йўқ). Адашибмиз, бор экан. https://regulation.gov.uz/ru/document/3933

Ўзбекистон Республикаси монополияга қарши курашиш қўмитаси томонидан Қонун ҳужжатларининг рақобатга таъсирини баҳолаш методикаси асосида юқорида номи қайд этилган ҳужжат лойиҳаси ўрганилган. Очиғи, коммунал тўловлар, шунга ўхшаш майда-чўйда масалаларга аралашиб юрадиган қўмита учун бу катта жасорат.

Ўрганишларга кўра, қарор лойиҳасида қуйидаги қонунчилик талабларига риоя этилмаган.

Биринчидан, «Premium Uzbekistan» МЧЖ ҚХга «Premium Uzbekistan», «Premium O`zbekistоn», «Премиум Узбекистан», «Премиум Ўзбекистон» фирма номлари (товар белгилари)нинг бириктирилиши кўзда тутилиши “Товар белгилари, хизмат кўрсатиш белгилари ва товар келиб чиққан жой номлари тўғрисида”ги қонун талабларига зид.

Иккинчидан, қарор лойиҳасида “Ўзбекистон темир йўллари” АЖ, унинг таркибий бўлинмаларига, «Premium Uzbekistan» МЧЖ ҚХга, бош лойиҳа ва пудрат ташкилотларига, лойиҳа, пудрат ва субпудрат ташкилотларига солиқ ва божхона имтиёзлари берилиши кўзда тутилган. Шунингдек, 2023 йилнинг 1 январига қадар қатор солиқ ва тўловлардан озод қилинган. Қўмитанинг фикрича, бу ушбу соҳадаги бошқа тадбиркорлик субъектларига нисбатан тенг бўлмаган шарт-шароитнинг яратилишига олиб келади. Маълумот ўрнида: бугунги кунда Ўзбекистонда 4 та спирт ишлаб чиқариш корхонаси бор.

Учинчидан, Монополияга қарши курашиш қўмитаси фаолият соҳасига кирувчи масалалар бўйича норматив-ҳуқуқий ҳужжатлар лойиҳалари мажбурий тартибда у билан келишилиши шарт. Шуларни инобатга олган ҳолда қўмита томонидан қарор лойиҳаси бўйича хулоса берилган. Унда рақобатни чекловчи ҳамда бошқа тадбиркорлик субъектларига нисбатан тенг бўлмаган шарт-шароитнинг яратилишига оид фактлар акс этган. https://telegra.ph/Vozdejstvie-normativno-pravovyh-aktov-na-konkurenciyu-vzglyad-iznutri-07-09

​​Бозор қиймати мавжуд активлар нега текинга берилиши керак?

“Angren Paсk” ХК АЖ устав капиталидаги давлат акцияларининг 25 фоизини "ноль" қийматда Россиянинг Николь-Пак компаниясига бериш тўғрисида ҳукумат қарори қабул қилинибди.

Жудаям қизиқ қарор. Нима учун бундай деяпмиз? 13 ой муқаддам, 2018 йил 5 июнь куни “Angren Paсk” ХК АЖнинг 53.05% акцияси ёки 215600 дона акцияси ҳар бири 10 000 сўмдан, жами 2 156 000 000 сўмга айни шу рус компанияси Николь-Пакка сотилганди.

Эътибор беринг, корхонанинг акцияси номинал қиймати 1 500 сўм бўла туриб, 6.7 баробар қимматига, яъни 10 000 сўмдан сотилган. Демак, сотиб олинган корхона шунга арзийди.

Савол туғилади: бозор қиймати номинал қийматидан каррасига юқори нархларда сотилган корхонанинг давлатга тегишли 25% акцияларини "текин"га беришга қандай зарурат ё сабаблар мажбур қилди экан? Давлатга тегишли мазкур пакет 13 ой аввалги нархларга ҳисобланганда ҳам бир миллиард сўмдан қимматроққа сотилиши мумкин эди-ку.

Фақат инвестиция мажбурияти қўйилибди-ку эвазига деманг, ҳатто ёш бола ҳам тушуниб қолди бу "инвестиция мажбурияти" схемаларини. Банк кредити олиб "инвестиция мажбуриятини бажариб", "уй-жой сити" қураётганларни, ишончли бошқарувга миллиардлаб турадиган гигант активларни эгаллаб олиб, бугун ташқаридан пулни ҳайдаб келиб гўёки инвестиция мажбуриятини бажаргандай бўлиб, эртасига пулни яна аффилланган ҳисобларга ортга олиб чиқиб кетаётганларни кўп кўраяпмиз, эшитаяпмиз.

Бизни ҳайрон қолдираётган, ўйлантираётган, қийнаётган масала битта: нега бозор қиймати мавжуд активлар текинга берилиши керак?!

“Ўзбекистон ҳаво йўллари” Қаршидан Москвага ҳаво қатновларини қайта йўлга қўяди

“Ўзбекистон ҳаво йўллари” миллий авиакомпанияси шу йилнинг 26 июлидан Қарши — Москва — Қарши йўналиши бўйича авиақатновларни қайта тиклайди. Парвозлар А320 самолётларида амалга оширилади.

НY 623 Қарши 06:10 – Москва 08:25

НY 624 Москва 20:25 – Қарши 02:25

Давлат идоралари очиқлиги ва хотин-қизлар

Ўзбекистонда қайси давлат идоралари кўпроқ очиқ, деган савол берилса, аксарият журналистлар Тошкент шаҳар ички ишлар бош бошқармаси, Бош прокуратура ва Адлия вазирлигини айтишади.

Бу идораларга илғор кадрлар раҳбарлик қилишидан ташқари, уларнинг матбуот хизматларини (жамоатчилик билан алоқалар хизматини) хотин-қизлар бошқаради. Бош прокуратурада яқингача аёл киши матбуот котиб эди. Балки тасодифдир, лекин давлат ҳокимияти ва бошқаруви органлари очиқлигини таъминлашда хотин-қизларимизнинг роли юқорилиги аниқ.

Ўзбекистон Республикаси Ташқи ишлар вазирлиги баёноти

Ўзбекистон Доҳадаги (Қатар) афғонлараро конференция қарорларини ва унинг иштирокчилари томонидан қабул қилинган Тинчлик тўғрисидаги қўшма резолюцияни қўллаб-қувватлайди.

Томонларнинг афғонлараро кенг қамровли музокаралар орқали барқарор тинчликка эришишга содиқлиги Афғонистон муаммосини ҳал қилишнинг ягона тўғри йўлидир.

Ўзбекистон доим тинчлик жараёни мамлакатнинг барча сиёсий кучлари ва этник гуруҳларини қамраб олиши керак деган қатъий фикрда бўлган. Бунда бош ролни афғонларнинг ўзлари ўйнаши керак.

Мамлакатда узоқ кутилган тинчликни ўрнатиш бўйича сиёсий жараён афғонларнинг ўзлари томонидан ҳамда Афғонистон халқи раҳбарлигида амалга оширилиши лозим.

Шундан келиб чиқиб Ўзбекистон Афғонистонда ҳақиқий тинчликка эришиш бўйича саъй-ҳаракатларни бундан кейин ҳам давом эттиришга тайёр.
https://mfa.uz/uz/press/statements/2019/07/19908/

​​“Ўзбекнефтгаз” ихчамлашади, тўқимачилик, чорвачилик корхоналаридан, бозорлардан қутилади

Президент нефть-газ тармоғини ислоҳ қилишга доир ҳужжатни имзолади. Унда айтиилишича, Ўзбекистон Республикасининг нефть-газ тармоғини 2030 йилгача ривожлантириш концепцияси ишлаб чиқилган.

Президент қатор вазирликларнинг “Ўзбекнефтгаз” АЖ бошқаруви тизимини ислоҳ қилиш таклифига розилик берган. Бу таклифлар Осиё тараққиёт банки билан ҳамкорликда ишлаб чиқилган.

“Ўзбурғунефтгаз”, “Ўзнефтгазқазибчиқариш”, “Ўзнефтмаҳсулот”, “Ўзнефтгазмаш” акциядорлик жамиятлари тугатилиб, “Ўзбекнефтгаз”га қўшиб юборилади ва уларнинг вазифаларини махсус ташкил этиладиган бўлимлар бажаради.

“Ўзтрансгаз” эса “Ўзбекнефтгаз” таркибидан чиқарилади. Устав капиталидаги улуш Ўзбекистон Республикаси Давлат активларини бошқариш агентлигига берилади. Агентлик акциядорлигида “Ҳудудгазтаъминот” акциядорлик жамияти тузилади. У “Ўзтрансгаз”нинг ҳудудий филиаллари негизида ишлайди.

“Ўзбекнефтгаз” компания тизимидаги бозорлар, савдо ва чорвачилик комплексларини маҳаллий ижро этувчи ҳокимият органларига бериш орқали ўз соҳасига тааллуқли бўлмаган активлардан қутилади. Жами 13 та.

Бундан ташқари, тизимдаги сервис ташкилотлари ва бошқа ташкилотлар Ўзбекистон Республикаси Давлат активларини бошқариш агентлигига берилади. Жами 72 та. Агентлик 2020 йилнинг 1 апрелига қадар сотиши керак. Тушган маблағлар “Ўзбекнефтгаз” кредит ва мажбуриятларини қоплашга, жаа ортиб қолса, компаниядаги давлат улушини кўпайтиришга йўналтирилади.

Газ таъминоти объектларини хусусий операторларга бериш имконияти кўзда тутилган, шунингдек, Мажбурий ижро бюросининг табиий газ учун тўловларни йиғиш бўйича вазифаларини уларга бериш мумкинлиги айтилган. Фақат ҳозирча ҳужжатда.

“Муза”дан янгилик! Энди музлатилган хамир ва қатламалари бежирим янгича қадоқларда кутиб олинг.

Ўзгаришлар фақат ташқи кўриниши билан чекланиб қолгани йўқ — маҳсулот сифатида ҳам ўсиш бор.

“МузА” маҳсулотлар турини кенгайтириш ва уларнинг сифатини янада яхшилаш, харидорларга байрамона кайфият улашишда давом этади. “МузА”даги ўзгаришлар ва ребрендингига оид хушхабарларни кутиб қолинг!

Фейсбук: https://www.facebook.com/uzmuza/
Телеграм: https://t.me/MuzaSlavynskie
Телефон: (+998-71) 227-13-13, (+998-71) 246-88-33

Узоқ муддатли танаффусдан кейин омонат бозорида яна 22 фоизлик омонат пайдо бўлди. "Қишлоққурилишбанк"нинг 25 ойга қабул қилинадиган "Юбилей" омонатига 22 фоизлик устама таклиф этилмоқда http://qishloqqurilishbank.uz/uz/news/3732/

​​Абитуриентлар ва уларнинг ота-оналари диққатига!

Олий ўқув юртларига ҳужжат қабул қилиш жараёни якунланишига ҳам беш кун қолди. Бизда одатдагидек мана шу беш кунда абитуриентларнинг 60-70 фоизи ҳужжат топширишга ҳаракат қилади. Қабул комиссияларида иш қайнайди. Юз минглаб ёшларимиз учун шу кунларда икки оёқ бир этикка тиқилган пайт.

Айни кунларда ҳужжатларни топшириш жараёнида юзага келаётган муаммолардан бири — аввалги йилда битирган абитуриентларнинг қабул учун тўловни (101 минг сўм) амалга оширишидир. Бу жазирамада соатлаб касса олдида навбат кутгандан кўра электрон тўлов тизими UPAY’дан фойдаланиш қулай.

Электрон тўлов қилиш учун, биринчидан, pay.dtm.uz сайтига кирасиз. Чиққан майдончага паспорт маълумотингиз ва телефон рақамингизни киритасиз ҳамда «Яратиш» тугмасини босасиз (жуда содда усулда кўрсатилган). Экранда квитанция пайдо бўлади. Ўша квитанцияни тагида «пластик карта орқали тўлаш» деган тугмани босасиз. Автоматик равишда https://pay.upay.uz тўлов тизимига олиб ўтади. У ерда пластик карта рақами, амал қилиш муддати ва карта уланган телефон рақамини киритиш кифоя. Телефонга келган SMSни киритасиз, тамом. Тўлов амалга оширилди.

Иккинчидан, iOS ёки Android тизимларидаги UPAY дастури ёки upay.uz сайти орқали тўлаш ҳам мумкин. Бунда мобиль дастур ва сайт орқали рўйхатдан ўтиш керак бўлади.

Маълумот учун: ушбу тўлов ДТМ базасида автоматик кўринади. Тўлаганингизни исботлаш учун қанақадир чек ёки квитанция олиб боришингиз шарт эмас.

Дарвоқе, UPAY орқали мобиль алоқа, телефония, суғурта хизматлари, дам олиш масканлари, интернет провайдерлар, телевидение, кредит тўловлари, давлат хизматлари, коммунал хизматлар, солиқ тўловлари, онлайн ресурслар, таълим учун тўловларни амалга оширишингиз мумкин.

Батафсил маълумотни upay.uz сайтидан ва 71 200 00 85 телефон рақамига қўнғироқ қилган ҳолда олишингиз мумкин.

Марказий банк раиси Мамаризо Нурмуратов нуфузли Bloomberg нашрига интервью берибди https://www.bloomberg.com/news/articles/2019-07-09/uzbekistan-may-issue-more-eurobonds-this-year-central-bank-says