Оғриқли рақамлар

2021 йилнинг ўтган 6 ойи давомида жами 3,5 миллионга яқин йўл ҳаракати қоидабузарлиги содир этилган. Натижада 3754 та йўл-транспорт ҳодисаси содир этилиб, уларда 3170 нафар фуқаро жароҳатланган ва 954 нафар фуқаро ҳалок бўлган. Энг ачинарлиси, ушбу ЙТХҲларда 458 нафар бола жароҳатланган ва 104 нафар вояга етмаган бола ҳалок бўлган.

Президент Шавкат Мирзиёев олий таълим муассасаларида таълим олиш имкониятларини кенгайтиришга оид қарорни имзолади. Ҳужжатга мувофиқ, 2021/2022 ўқув йилидан барча олий таълим муассасалари бакалавриатининг кундузги таълим шакли ҳамда магистратура босқичида тўлов-контракт тўлов асосида таҳсил олиш учун кредит ажратишнинг янги тизими йўлга қўйилади.

Унга кўра, тижорат банклари Марказий банкнинг асосий ставкаси (14%)да таълим кредити ажратади. Ресурс Молия вазирлиги томонидан жойлаштирилади.

Талаба кредитни ўқишни расман тамомлагач, еттинчи ойдан бошлаб етти йил давомида қайтаради.

Кредитни расмийлаштиришда талабанинг доимий даромад манбаига эга оила аъзолари биргаликдаги қарз олувчи сифатида қатнашишишга рухсат берилади.

“Ижтимоий ҳимоя ягона реестри”га кирган оилалар фарзандларидан кредит учун гаров ва кафиллик талаб қилинмайди.

Таълим кредитлари бўйича тижорат банкларини молиявий ресурслар билан таъминлаш учун Молия вазирлиги ҳузурида Таълим кредитини молиялаштириш жамғармаси тузилади (юридик шахс бўлмайди). Жамғармага 2021 йилда камида 1 трлн сўм, кейинги йиллардан ҳақиқий талабдан келиб чиқиб маблағ ажратилади.

Жамғарма тижорат банкларига Марказий банк асосий ставкасидан 4% бандга паст бўлган ставкада ресурслар ажратади. Асосий ставка пасайса, кредит ва ресурс ставкаси ҳам пасаяди, агар ошса, ўзгаришсиз қолади.

2021 йилнинг август ойида боқувчисини йўқотганлик пенсияси ёки нафақасини олувчи оилаларнинг 18 ёшга тўлмаган болаларига ҳамда ногиронлиги бўлган 18 ёшга тўлмаган болаларга 500 минг сўм миқдорида бир марталик моддий ёрдам кўрсатилади.

Поликлиника билан боғланиб, вакцина олингизлар. Бизнинг поликлиникада ҳам Модерна билан эмлаш бошланди. Яхши вакцина, тавсия қиламиз.

Қорақалпоғистон Республикаси, вилоятлар ва Тошкент шаҳрида аҳолини коронавирус инфекциясига қарши эмлаш пунктлари жойлашуви ҳақида қуйидаги ҳавола орқали танишишингиз мумкин:

https://online.pubhtml5.com/fkya/snsm/

Сенат бош давлат санитария врачининг қарори асосида аҳолини мажбурий профилактик эмлаш ҳамда ходим эмлашни рад этган тақдирда иш берувчи уни ишга қўймасликка ҳақли эканлигини кўзда тутувчи қонунни маъқуллади.

Марказий сайлов комиссияси сайлов логотипига айрим имловий тузатишлар киритди.

Шунингдек, мазкур логотипни яратиш жараёнига маблағ сарф этилмаганлиги маълум қилинади.

Манба

Андижон вилояти Бўстон тумани ҳокими Садбархон Мамитова вафот этибди.

Садбархон Мамитова 1966 йилда Андижон вилоятининг Жалақудуқ туманида туғилган. У 2020 йил 4 март куни Бўстон тумани хокими этиб тайинланиб, шу вақтгача ҳоким бўлиб ишлаб келаётган эди.

Zoomrad мобиль иловасининг расмий Телеграм-канали очилибди. Бу каналда иқтисодий атамалар луғати, машҳур иқтисодчи ва бизнесменлар тажрибалари, шунингдек, бизнес асослари, қимматли қоғозлар бозори, криптовалюта, трейдинг каби молиявий билимлар ва фойдали маълумотлар бериб борилади.

Каналга обуна бўлиш учун ҳавола: https://t.me/zoomrad_uz

реклама

Адлия вазиримиз Русланбек Давлетов мажбурий эмлаш бўйича қонунчиликка киритилаётган ўзгартиш ҳақида

1. Агар фуқаро олишни рад қилса, оёқ-қўлини боғлаб, милиция юбориб, тиббиёт муассасасига оборилмайди. Фақат бошқа ҳуқуқлари, масалан, меҳнат ҳуқуқлари чекланиши мумкин.

2. Иш берувчи эмланмаган ходимни ишдан ҳайдамайди, ишдан четлатади. Ишдан четлатилса, бу вақтинчалик бўлади, ойлик тўланмайди.

3. Антивакциначилар бор. Ҳамма ҳам илм-фан ютуқларини тан олмайди, ернинг думалоқлигига ишонмайдиганлар бор.

4. Инсон ҳуқуқлари абсолют ҳуқуқ эмас. Инсон ҳуқуқлари жуда кўп ҳолатда чекланади, Европада юқори стандартда ишлайдиган суд инстанциялар ҳам мажбурий эмлашда давлат тарафини олган. Жамоавий ҳуқуқ индивидуал ҳуқуқдан доимо устун туради.

Вакцина олиб яшаш - вакцинасиз яшашдан кўра анча хавфсиз деган аниқ қарорга келдим.
———
Жить, получив вакцину, намного безопаснее нежели без неё. Это мое однозначное мнение!

#ахволшунақа
#вакцинакеракэкан
#бошқаиложийўқ

АҚШда коронавирусга қарши тўлиқ эмланган 164 млн кишининг 1%дан камроғига, аниқроғи 0,077%ига вирус юққан, 0,004%игина касалхонага ётқизилган, уларнинг 0,001% вафот этган. Шундан кўринаяптики, вакцина ҳозирча пандемияга барҳам беришнинг ягона йўли бўлиб, бундан кейин келадиган тўлқинлар асосан эмланмаган одамлар орасида юз бериш эҳтимоли жуда катта. https://www.axios.com/chart-vaccinated-americans-delta-covid-cases-b93710e3-cfc1-4248-9c33-474b00947a90.html

"Тошкент" телеканалида кетган эфир.

Хулоса ўзингиздан.

Жиззах вилояти Зомин тумани “Дуоба” МФЙ “Ўриклисой” аҳоли пункти ҳудудига яқин жойда тахминан 80 гектар майдонда қуруқ ўт ва дарахтлар ёнган.

Ёнғинни ўчириш учун Фавқулодда вазиятлар вазирлиги, Мудофаа вазирлиги, Ички ишлар вазирлиги, Миллий гвардия, Чегара қўшинлари, Давлат ўрмон хўжалиги қўмитаси ходимлари жалб қилинган.

Видеода Мудофаа вазирлиги вертолётлари орқали ўтни ўчириш жараёни акс этган.

Ҳадемай Ягона интерактив давлат хизматлари портали орқали ҳам жисмоний шахслар шахсий идентификация рақами (ЖШШИР) орқали IMEI-кодларни текшириш хизмати қўйилиши мумкин экан.

Умархонов Азизхон Шарипхонович Олмазор тумани ҳокими лавозимига тайинланди.

А.Умархонов 2000 йилда Ўзбекистон Республикаси ИИВ академиясини тамомлаган ва шу йиллар давомида тизимда фаолият юритган.

2020 йилдан шу кунга қадар Ички ишлар вазирлиги Жамоат тартибини сақлаш бош бошқармаси бошлиғи лавозимида ишлаб келган.

Қўшниларда:

Арқадағ ҳарбий самолётни ҳам бошқарди

Арқадағ Турманистонга олиб келинган янги ҳарбий самолётни бошқарди. Унда турли маневрларни амалга оширди. Ҳарбий самолётни туркман армияси учун маъқуллаб, самолётда кийган кийимларини музейга совға қилди.