Наманган вилояти прокурори Акмалхўжа Мавлонов давлат раҳбарининг тегишли фармони билан Ўзбекистон Республикаси Бош прокурори ўринбосари этиб тайинланди.

Шахло Ўткуровна Турдиқулова инновацион ривожланиш вазирининг биринчи ўринбосари лавозимига тайинланди.

Шу кунга қадар Ш.Турдиқулова Инновацион ривожланиш вазирлиги ҳузуридаги Илғор технологиялар маркази директори лавозимида ишлаб келган.

ТАТУ ва Тошкент молия институтига ректорлар тайинланди

Ўзбекистон Республикаси Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги директори лавозимида фаолият юритган Бабаходжаев Сарвар Наджимович Тошкент ахборот технология университети ректори лавозимига тайинланди.

ТАТУ ректори лавозимида фаолият юритиб келаётган Тешабаев Тўлқин Закирович Тошкент молия институти ректори этиб тайинлангани боис ҳозирги лавозимидан озод этилди.

Жаҳонгир Ҳотамов Акмалхўжа Мавлонов ўрнига Наманган вилояти прокурори этиб тайинланди.

Жаҳонгир Ҳотамов 2016-2017 йилларда Жиззах вилояти прокурорининг биринчи ўринбосари, 2017-2018 йилларда Тошкент шаҳар прокурорининг биринчи ўринбосари бўлган. 

У 2018 йил февралидан ҳозирга қадар Хоразм вилояти прокурори лавозимида ишлаб келаётганди.

“UzAutoMotors” АЖ томонидан ишлаб чиқариладиган товарларнинг таннархи шакллантирилишида махфий ҳужжатларга асосланилган - суд давом этмоқда


Олий суд ахборот хизматига кўра, Тошкент шаҳар маъмурий судида “UzAutoMotors” АЖнинг Ўзбекистон Республикаси Монополияга қарши курашиш қўмитаси махсус комиссияси қарорини ҳақиқий эмас деб топиш тўғрисидаги шикоят аризасини кўриб чиқиш бўйича ўтказилаётган суд жараёни давом этди.

“UzAutoMotors” АЖ вакили томонидан дастлабки суд мажлисида киритган илтимосномани муҳокама қилишни, яъни жамият томонидан ишлаб чиқариладиган товарларнинг тан нархи шакллантирилишида махфий ҳужжатларга асосланилганлиги, МҚКҚ томонидан эса ушбу ҳужжатлар тегишли тартибда ўрганилмасдан қарор қабул қилинганлигини, шу сабабли ўтказилган текшириш ва қабул қилинган қарорга нисбатан ўз эътирозларини билдиришлари лозимлигини маълум қилиб, судга “махфий” грифи остидаги ҳужжатларни тақдим этиб, суд мажлисини мазкур муҳокама қисмини ёпиқ тарзда ўтказиш сўралди.

Ушбу илтимосномани муҳокама қилиш ва суд муҳокамасига тақдим этилган қўшимча далилларни ўрганиш учун ишни кўриш кейинга қолдирилди.

Навбатдаги суд мажлиси 2020 йил 16 октябрь куни соат 10.00 да ўтказилади.

Ўзбекистон, Қозоғистон, Тожикистон ва Туркманистон президентлари Қирғизистондаги воқеалар бўйича қўшма баёнот билан чиқишди. Улар Қирғизистондаги воқеалар жиддий хавотир уйғотаётганини, барча сиёсий жараёнлар мамлакат конституцияси ва қонунларига мувофиқ ҳал этилишига умид билдиришган

Қирғизистон президенти Бишкек шаҳрида 21 октябргача фавқулодда ҳолат режимини жорий қилди.

“Покиза тозалаш” МЧЖ Респyблика махсус 2-сон Зангиота шифохонасига тўғридан-тўғри шартнома тузиш орқали қарийб 1,4 млрд сўмлик химчистка хизматларини (1; 2;)ни кўрсатган. “Покиза тозалаш” МЧЖ 2020 йилнинг 3 июль куни давлат рўйхатидан ўтган. Корхонага тўлиқ Рахматуллаева Шохида Саидакбаровна эгалик қилади.

#davlatxaridi

Айтишларича, шу йилнинг охирига қадар ёки кейинги йил бошларига Chevrolet Onix автомобиллари чиқар экан. Нархи 16-18 минг доллар атрофида бўлиши кутилмоқда экан. Мотор 1,2 литр, турбо.

“Ипотека-банк” АТИБ кузатув кенгаши таркибига мустақил директор сифатида беш нафар хорижлик мутахассис сайланди.

Улар:
– лойиҳалар бўйича халқаро эксперт Александр Пиккер (Австрия);

– APQ Global компанияси (Буюк Британия) молиявий директори Весли Дэвис; 

– Wood & Co компанияси (Буюк Британия) етакчи маслаҳатчиси Юлия Берещенко; 

– “Қозоғистон Иджара Компания” АЖ (Қозоғистон Республикаси) Кузатув кенгаши  мустақил аъзоси Татьяна Доган;

– “Салтанат-Мева” Савдо уйи МЧЖ (Россия Федерацияси) бош директори Аваз Таджиев.

Банк кузатув кенгашининг раиси этиб хорижий мутахассис – мустақил директор Александр Пиккер сайланди.

Чекка ҳудудларда мобил алоқа, интернет масаласи доим муаммо бўлиб келган. Айниқса, тоғли ҳудудларда таянч станцияларни ўрнатиш мушкул, бу одатдагидан анча қимматга тушади. Тоғли ҳудудларда аҳоли камлигини ҳисобга олсак, қилинган сарф-харажатни чиқариб олиш қийин. Шу сабабданми чекка ҳудудларда интернет ҳалигача муаммо бўлиб қоляпти, тоғли ҳудудларда-ку телефон ҳам ишламайди.

Ucell компанияси бу борада биринчилардан бўлиб ташаббус кўрсатганди. Компания ўтган йили Сариосиё туманидаги Боғча қишлоғида, 2850 метр баландликка 2G ва 4G таянч станцияларини ўрнатганди. Қишлоқ аҳолиси 600 кишига ҳам бормайди. Яқинда ҳудудга ташкил қилинган медиа турда журналист ва блогер бугунги ҳолат билан танишишди. Маълум бўлишича, ҳозир бу ерда интернет тезлиги 50 мб/с гача боради.

Айтганча, Ucell мазкур ҳудуддаги ягона алоқа оператори ҳисобланади. Компания келгусида ҳам тоғ зоналаридаги аҳоли пункларини сифатли алоқа ва интернет билан таъминлаш ниятида эканини айтмоқда.

Реклама

⚡️Автомобилларнинг орқа ён ойнасини тонировка қилиш нархи икки баравар арзонлаштирилди

Ҳукуматнинг тегишли қарори билан, туси ўзгартирилган (қорайтирилган) ойнали автотранспорт воситаларидан фойдаланишни тартибга солиш бўйича айрим ўзгаришлар киритилди.

Жумладан, М1, N1 ва N2 тоифага оид автотранспорт воситалари орқа ён ойналарининг тусини ўзгартиришга (қорайтиришга) рухсатнома бериш учун тўлов ставкалари жисмоний шахслар учун базавий ҳисоблаш миқдорининг 5 баравари (1 млн 115 минг сўм) этиб белгиланди. Бунга қадар ушбу миқдор БҲМнинг 10 баравари (2 млн 230 минг сўм) эди.

Юридик шахсларга орқа ён ойнани қорайтириш учун тўлов миқдори ўзгармаган - БҲМнинг 10 баравари (2 млн 230 минг сўм).

Шунингдек, орқа ва олд ён ойналар бўйича тусини ўзгартиришнинг тўлови миқдори ҳам аввалгидек сақланиб қолди, яъни жисмоний ва юридик шахслар учун БҲМнинг 50 баравари (11 млн 150 минг сўм) миқдорини ташкил этади.

ЕХҲТнинг ОАВ эркинлиги масалалари бўйича вакили томонидан ташкил этилган «Марказий Осиёда ОАВ хилма-хиллиги ва плюрализмини ривожлантириш» 22-Марказий Осиё ОАВ конференциясида иштирок этдим.

Мазкур конференцияда қўшни давлатларнинг вакиллари пандемия давридаги ўз тажрибалари билан бўлишдилар.

Мен ҳам пандемия даврида мамлакатимиз орттирган тажрибаси ҳақида гапириб бердим. Бизнинг ОАВ соҳасида кўтарилган муаммоларга муносабат билдирдим.

#CAMC2020

Бишкек шаҳрида фавқулодда ҳолат жорий қилиниши муносабати билан Қирғизистон қуролли кучлари бош штаби пойтахтга ҳарбий техника киритди.

Сўмнинг долларга нисбатан курсида кескин тебраниш кутилмаяпти — Марказий банк

Марказий банкнинг маълум қилишича, сўмнинг кескин қадрсизланиши кутилмаяпти.

Иқтисодий фаолликнинг тикланиш ва асосий ташқи савдо ҳамкорларимиз ички валюта бозорида ҳолатнинг нисбатан барқарор шаклланиши, алмашув курсининг кескин тебранишларига олиб келувчи фундаментал омиллар хатарлари эҳтимоли пастлиги кузатилмоқда. Регулятор кўра, йил сўнггига қадар ички валюта бозорида хорижий валютага бўлган талаб ва таклиф мутаносиблигини сақлаш юзасидан етарли шароитлар мавжуд.

Марказий банк келгуси октябрь-декабрь ойлари давомида ҳам ички валюта бозорига интервенцияларни амалга ошириб боради. Заруриятга қараб йил бошидан олтин хариди ва амалга оширилган интервенция операциялари ўртасидаги тафовутдан ҳосил бўлган 300 млн. доллар миқдоридаги валюта захираси ҳам ушбу мақсадларга йўналтирилиши мумкин.

Аёллар аҳолининг 50 фоизини ташкил қилади. Уй ишларининг 66 фоизини аёллар бажаради. Аёллар истеъмол харажатлари тўғрисида қарорларнинг 80 фоизини қабул қилишади

Аммо аёллар бизнеснинг атиги 30 фоизига эгалик қилишади. Аёллар дунё даромадларининг атиги 10 фоизини олади. Аёллар мулкнинг атиги 2 фоизига эгалик қилишади.

Батафсил: review.uz/oz/post/jamiyatda-ayollar-rolini-oshirish-video

Ўзбекистон Журналистлари ижодий уюшмаси раиси Саъдулла Ҳакимов 69 ёшида вафот этди.

Кеча Қирғизистон парламентининг навбатдан ташқари мажлисида амалдаги депутат Тазабек Икрамов антисептикдан фойдаланиш бўйича ўз "маҳорати"ни кўрсатди. :)

Иқтисодиётдаги экспорт улушининг асосий қисмларидан бирини хориждан юбориладиган пуллар ташкил қилади. Шу боисдан пул ўтказмалари бутун дунёда бўлгани каби бизда ҳам муҳим молиявий операция саналади.

Пулларнинг сарфи ҳақида гап кетганда, мисол учун Россиядан Ўзбекистонга ва Ўзбекистондан Россияга юборилган пулларнинг 75 фоизга яқини озиқ-овқат, дори-дармон, турар жой ва болаларнинг таълим олишига сарфланар экан. Бу ҳаётимизнинг энг муҳим сарф-харажатлари саналади.

Пул ўтказмаларини қулай, осон ва тез амалга ошириш ҳақида гап кетганда Agrobankmobile мобил иловасини қайд этиш ўринли. Илова орқали бундай пул ўтказмаларини юбориш бир неча баравар осонроқ амалга оширилади. Ўтказмаларингизни Agrobankmobile орқали амалга оширинг.

📲 Android | iOS

👉 @AgrobankChannel

Реклама

Ўзбеккино миллий агентлиги атрофида бўлаётган жанжаллар, можароларга тезроқ барҳам бериш керак. Матбуот таниқли ва истеъдодли режиссёрларимиз фарёдидан тинмаяпти. Гўёки улар дод соляпти-ку, лекин уларни ҳеч ким эшитмаётгандек.
Уларнинг ўзаро тушунмовчиликлари туфайли қандайдир жиноий ишлар очилган ва бунга умуман алоқаси йўқ бизнинг "Мендирман Жалолиддин" лойиҳамиз ҳам қўшилиб қолди. Ваҳоланки, тақдимоти бўлиб ўтган ушбу сериалга на Ўзбеккино алоқадор ва на давлат бюджети маблағлари. Тушунишимча, аввал Ўзбеккино бу фильмни суратга олмоқчи бўлган ва маҳаллий компанияга буюртма берган, лекин улар эплай олмаганми, келиша олмаганми билмадим, факт - лойиҳа бажарилмади. Мен кечаги Ўзбеккино ва Бош прокуратура хабарларидан шуни тушундим.

Энди кимдир шу лойиҳани амалга оширди, меҳнат қилди. Давлат бюджетдан бир сўм ҳам ишлатмади, ҳомийлар жалб қилинди, энг профессионаллар ишлади. Энг асосийси, зўр лойиҳа бўлди. Лекин энди емаган сомсасига пул тўлаяпти.

Шунақа гаплардан кейин ким ҳам бундай лойиҳаларга қўл ургиси келади? Бир томондан чет эл сериалларини томоша қилиб, қачон ўзимизникилар юқори сифатли тарихий кино, сериаллар ишлар экан, деб дийдиё қиламиз. Биров ишлайман деса, номи қолмай, актёри қолмай ҳар тарафдан тошбўрон қиламиз.😞😏😔😒

Халқ таълими вазири Шерзод Шерматов МДҲ давлатлари ичида Ўзбекистон энг катта демографик ўсиш кўрсаткичига эга ва аҳолисининг йирик қисми ёшлардан иборат бўлган мамлакат сифатида бошланғич синфларда бепул овқатланиш тизимини йўлга қўйиш мушкул эканлигини билдирди.

Халқ таълими вазири covid-19 пандемияси даврида мамлакат иқтисодиёти учун ҳам бу қийинчилик туғдириши мумкинлигини айтиб ўтди.