Президент Шавкат Мирзиёев видеоконференция шаклида ўтадиган БМТ Бош Ассамблеясининг 75-сессиясида нутқ сўзлайди.

Нутқ трансляциясини 23 сентябрь, чоршанба куни соат 18:00 да қуйидаги телеканаллар ва ижтимоий тармоқлардаги саҳифаларда томоша қилишингиз мумкин:

"O'zbekiston", "O'zbekiston 24", "Zo'r TV", "Sevimli TV" (ўзбек тилида)
"Yoshlar", "Toshkent" (рус тилида)
"Uzreport TV", “Dunyo bo’ylab” (инглиз тилида)

Президент Матбуот хизматининг Facebook'даги саҳифаси ва YouTube'даги канали

Ўзбекистонда хизмат кўрсатган артист, сухандон Шуҳрат Қаюмов вафот этибди.

"3 ОЙЛИК ТЕЗКОР ИНГЛИЗ ТИЛИ"

Бу курснинг афзаллиги:
1. Дарсларни 3 соат давомида 3 та ўқитувчи олиб боради;
2. Исталганча қўшимча дарсларга қатнашиш имконияти берилади;
3. Пулингиз ва вақтингиз тежалади;

👉 Батафсил

👉 Рўйҳатдан ўтинг

📞 +998712003030

Реклама

Россияда нолегал бўлиб турган Ўзбекистон фуқаролари рўйхатдан ўтиш ва рухсат берувчи бошқа ҳужжатларнинг амал қилиш муддати тугашидан қатъи назар мамлакатда бўлишни қонунийлаштириши мумкин.

Бунинг учун миграция нормаларини бузган ўзбекистонликлар 2020 йилнинг 15 декабригача яшаш манзили бўйича Россия ИИВ органларига мурожаат қилишлари лозим.

Уларга нисбатан маъмурий чиқариб юбориш, депортация қилиш, илгари берилган вақтинчалик яшаш учун рухсатнома, яшаш учун рухсатнома, ишлаш учун рухсатнома ва патентни бекор қилиш, шунингдек, Россияга киришни тақиқлаш каби чоралар қўлланилмайди. Шундан сўнг фуқаролар яна яшаш манзили бўйича миграция рўйхатидан ўтишлари ва меҳнат патентларини олишлари мумкин.

❗️Бюджет ташкилотлари ходимларига айрим тўловларни тўлашни тўхтатиб туриш муддати узайтирилди

Ҳукумат қарорига кўра, бюджет ташкилотларида ишлайдиган ходимларга моддий рағбатлантириш махсус жамғармаси, ОТМларнинг моддий рағбатлантириш жамғармаси ҳамда директор жамғармаси маблағлари ҳисобидан тўловлар ҳисобланишининг тўхтатиб турилиши 2020 йил 1 октябрдан 2021 йил 1 январга қадар узайтирилди (тиббиёт, тиббий-ижтимоий муассасалари, меҳрибонлик уйларидан ҳамда меҳнатга ҳақ тўлашнинг 1-3 разрядлари қўлланиладиган ходимлардан ташқари).

Шунингдек, Инқирозга қарши курашиш жамғармаси маблағлари ҳисобига амалга оширилиши режалаштирилган 224 млрд 288 млн сўм харажатлар мақбуллаштирилди.

Қарорга кўра:

👉 Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг тасдиқланган даромадлар прогнозининг бажарилмаслиги ҳисобига харажатларнинг мақбуллаштирилган қисми – республика бюджетига;
👉 ушбу қарорга мувофиқ мақбуллаштирилган маблағлар – Инқирозга қарши курашиш жамғармасига ўтказилади.

Қарор билан республика ва маҳаллий бюджетлардан мақбуллаштириладиган харажатлар тасдиқланди.

Манба

Давлат қарзига хизмат кўрсатиш бўйича кафолат жамғармаси ташкил этилди

Ҳукуматнинг қарори билан Молия вазирлиги Ғазначилиги ҳузурида юридик шахс мақомига эга бўлмаган Давлат қарзига хизмат кўрсатиш бўйича кафолат жамғармаси ташкил этилди. Бу ҳақда @uzauz хабар бермоқда.

Қарорга кўра:

👉 давлат қарзи ҳисобига молиялаштирилган лойиҳа ва дастурлар бўйича қарздор ташкилотлар ёки қайта молиялаштирувчи банклар ўз қарз тўловларини вақтида ва тўлиқ амалга оширмаган ҳолатларда мазкур қарздорлик, биринчи навбатда Кафолат жамғармаси маблағлари, Кафолат жамғармаси маблағлари етарли бўлмаган тақдирда эса Ўзбекистон Республикаси Давлат бюджети маблағлари ҳисобига қопланади;

👉 Кафолат жамғармаси маблағлари ва Давлат бюджети маблағлари ҳисобига қопланган қарздорлик, ҳисобланган пеня ва жарима тўловлари қарздор ташкилотлар ёки қайта молиялаштирувчи банклар томонидан мос равишда Кафолат жамғармаси ёки Давлат бюджетига қайтарилади.

Шунингдек, қарор билан Кафолат жамғармаси маблағларини шакллантириш ва улардан фойдаланиш тартиби тўғрисида низом тасдиқланди.

UZIMEI хабари

Мобиль қурилмаларни учинчи шахсларнинг шахсий маълумотларидан (паспорт маълумотлари ва телефон рақамидан) фойдаланиш орқали рўйхатдан ўтказиш ҳолатларининг олдини олиш мақсадида тизим оператори томонидан мобиль қурилмаларни рўйхатдан ўтказиш жараёнига ўзгартириш киритилди.

Ушбу тартибга кўра, қурилманинг IMEI-кодини/кодларини рўйхатдан ўтказишда жисмоний шахслар томонидан фойдаланиладиган абонент рақами маҳаллий мобил операторларидан ариза берувчи номига расмийлаштирилган бўлиши керак.

2030 йилгача биометрик паспорт ўрнига ID-карталар жорий этилади

Президент фармонига биноан, 2021 йил 1 январдан бошлаб шахсни рақамли идентификация қилишнинг ягона тизими жорий қилинмоқда. Унга кўра, биометрик паспортлар ўрнига Ўзбекистон фуқаросининг шахсини ва фуқаролигини тасдиқлайдиган электрон ташувчи қурилмага эга ҳужжат сифатида ID-карта жорий этилмоқда.

Биометрик паспортлар ҳамда яшаш гувоҳномалари ID-карталарга қуйидаги муддатларда алмаштирилади:

1️⃣ Биринчи босқич - 2021 йил 1 январдан 2022 йил 31 декабргача ихтиёрийлик асосида (16 ёшга тўлганда ёки қонунчиликда кўрсатилган бошқа сабабларга кўра);

2️⃣ Иккинчи босқич - 2023 йил 1 январдан 2029 йил 31 декабргача мажбурий тартибда алмаштирилади.

Ўзбекистон фуқаросининг 2011 йилги намунадаги биометрик паспорти 2030 йил 1 январдан бошлаб ҳақиқий эмас деб ҳисобланади.

ID-карталарни олиш ва алмаштириш учун хоҳлаган ички ишлар органларининг миграция ва фуқароликни расмийлаштириш бўлинмаларига мурожаат қилиш мумкин.

Ҳозирги биометрик паспортларни расмийлаштириш муддати 10 иш куни бўлган бўлса, ID-карталарни расмийлаштириш эса 1 иш кунида амалга оширилади.

ID-карта қуйидаги муддатларга берилади:

янги туғилган болага бир ёшгача – 2 йил муддатга;
бир ёшдан 16 ёшгача – 5 йил муддатга;
16 ёшдан бошлаб – 10 йил муддатга.

ID-картани расмийлаштириш учун базавий ҳисоблаш миқдорининг 89 фоизи, яъни 198 минг 470 сўм (22.09.2020 ҳолатига) миқдорида тўлов ундирилади.

Манба: @uzauz

Ўзбекистон ташқи қарзининг умумий ҳажми 2020 йил бошидан 12,7 фоизга ёки 3,1 млрд. долларга ошган ҳолда, 2020 йил 1 июль ҳолатига 27,6 млрд. долларни ташкил қилди.

Бюджет харажатлари 1,9 трлн сўмга қисқартирилди

Ҳукумат қарори билан республика бюджети 848,9 млрд сўмга, Қорақалпоғистон бюджети, вилоятлар ва Тошкент шаҳар маҳаллий бюджетлари – 325,9 млрд сўмга, Ўзбекистоннинг ижтимоий ва ишлаб чиқариш инфратузилмасини ривожлантириш дастури доирасида – 503,1 млрд сўмга, Инқирозга қарши курашиш жамғармаси маблағлари – 224,2 млрд сўмга қисқартирилди. Жами оптималлаштирилган бюджет маблағлари 1,9 трлн сўм.

Ушбу маблағлар Инқирозга қарши курашиш жамғармасига ўтказилади ва коронавирус пандемиясига қарши курашишга сарфланади.

P.S.: Бу пулларга аслида ўнлаб боғчалар, мактаблар, ижтимоий инфратузилма объектлари қурилиши керак эди. Яна минглаб ўқитувчилар, давлат хизматчилари мукофот пуллари, меҳнатига қўшимча ҳақ олиши лозим эди. Минглаб оилаларнинг даромади қисқартирилди, дегани. Умид қиламизки, Инқирозга қарши курашиш жамғармаси орқали ушбу маблағларни оладиганлар нафсини тияди, маблағлардан мақсадли фойдаланади. Халқ ўз ризқидан тежаб бераётган пулларни талон-торож қилмайди.

uz24.uz сайти нотўғри ахборот бергани учун канал ўқувчиларидан узр сўради. https://t.me/uz24xabar/21090

Мобиль қурилмаларни UzIMEI тизимида рўйхатдан ўтказиш жараёнига қонунга зид тарзда ўзгартириш киритилган бўлиши мумкин.

​​«Снос» масаласи жуда нозик.

Бир оилани ўзи ўрганиб қолган ҳудуддан бошқасига кўчириб юбориш, бунга рози қилиш осон эмас. Яқинда пойтахт марказида қурилаётган Mirabad Avenue турар-жой мажмуаси ўрнида истиқомат қилаётган аҳолининг кўчирилиши билан боғлиқ можароли видео ижтимоий тармоқларда тарқалди. Видеода норози аҳоли уйидан мажбуран чиқариб юборилаётганини айтган.

Бундай вазиятда энг тўғри йўл суриштирув ўтказиш, ҳар икки томонни ҳам эшитиш бўларди.

Одатда уйларнинг бузилиши билан боғлиқ ҳолатларда можароли вазият аҳолига таклиф қилинаётган бошқа вариантларнинг (пул ёки бошқа уй-жой) маъқул келмаслигида кузатилади. Бу ерда ҳам худди шундай вазият кузатилган. Компания аҳолига ўша ҳудуддаги уйларнинг бозор нархида пул ёки шунга тенг миқдорда бошқа уйлар таклиф қилган. Табиийки ҳаммани бирдек рози қилиб бўлмайди, кимдир бу таклифга рози бўлиб, компенсация пулини олган, ёки бошқа жойдан уй олиб чиқиб кетишган.

Тарқалган видеодаги каби норози бўлаётганларни эса компания таклиф қилаётган пул қониқтирмаяпти. Суриштирувлардан маълум бўлдики, улар эски уйини бозор нархидан бир неча маротаба қимматга баҳоламоқда. Қурилиш компанияси уй эгаларини ҳам молиявий жиҳатдан, ҳам маънавий жиҳатдан рози қилиш истагида. Чунки улар узоқ йиллардан буён бу ерларда яшаб келаётган аҳолини ўрганиб қолган жойини ташлаб кетишини қанчалик қийин эканини яхши тушуниб туришибди. Шу боис улар имкон қадар бозор нархининг юқори қийматида бўлсада, аҳолига компенсация тўлаб беришга тайёр, аммо баъзи бир аҳоли сўраётган икки-уч баравар қиммат нархларни мантиққа тўғри келмаслиги сабаб, улар билан қонун доирасида судлашмоқда. Судлашувдан сўнг кўплаб оилалар билан икки томонни қониқтирувчи келишувларга келишишган.

Суриштирувда маҳаллий аҳоли вакиллари билан ҳам алоқага чиқилган. Масалан улардан бири, худди бошқалар каби бошида компания билан келиша олмаган, судлашувдан сўнг икки томонни қониқтирадиган келишувга эришилган. Ҳозир ўша оила хурсанд, асосийси компания билан барчаси тинч ҳолда ҳал қилинган.

Компания юристининг сўзларига кўра, улар бошидан барчаси қонун доирасида бўлишига ҳаракат қилиб келишмоқда. Бирорта ҳам оилага уйнинг бозор қийматидан паст бўлган пул тўланмаган, энг асосийси эса ҳеч бир уй унга компенсация тўлови тўлиқ тўлаб берилмагунча бузилмаган. Ҳамма тўловлар тўлиб берилгачгина уйлар бузилиши бошланган.

Ҳозирда қурилиш компанияси ҳам бир қанча аҳоли билан ушбу масала ечими бўйича музокаралар олиб бораётган экан. Иш фақат қонун доирасида бўлишига кафолат беришмоқда.

Реклама

Маҳалла ва оилани қўллаб-қувватлаш вазири Раҳмат Маматов ва унинг ўринбосарлари Ботир Парпиев ҳамда Азизбек Икромовда коронавирус инфекцияси аниқланибди.

Маълум бўлишича, олдинроқ вазирнинг биринчи ўринбосари — Гулнора Маъруфова коронавирусга чалиниб, даволаниб чиққан. Ҳозирда у иш фаолиятини давом эттирмоқда.

2020 йилнинг биринчи ярим йиллигида ўзлаштирилган тўғридан-тўғри инвестициялар ва саволлар

Марказий банк:

2020 йилнинг биринчи ярим йиллиги мобайнида тўғридан-тўғри хорижий инвестицияларнинг соф кириб келиши 750 млн. долларни ташкил қилди.

Давлат статистика қўмитаси:

Тўғридан-тўғри хорижий инвестициялар ҳисобидан 10461,1 млрд. сўм (1 млрд доллар атрофида) ўзлаштирилиб, ўтган йилнинг мос даврига нисбатан 4,5% пунктга камайиб, 12,3%ни ташкил этди.

Инвестициялар ва ташқи савдо вазирлиги:

Жорий йилнинг январь – июнь ойларида ўзлаштирилган хорижий инвестицияларнинг умумий ҳажми 4,8 млрд долларни, шу жумладан тўғридан-тўғри хорижий инвестициялар 3,2 млрд долларни ва давлат кафолати остидаги хорижий кредитлар - 1,6 млрд долларни ташкил этди.

P.S.: Тўғридан-тўғри инвестиция кўпик эмас, унинг жойлаштирилган аниқ манбаи, тадбиркорлик субъекти устав капитали бўлади. Тўғридан-тўғри инвестиция киритилган ўша субъектлар рўйхатини эълон қилишса, ким ёлғончию ким тўғри гапираётгани аниқ билинади. Ҳақиқий картина пайдо бўлади.

Самарқандда Қозоғистон Республикасининг бош консулхонаси очилмоқда

❗️IMEI-кодларга оид янги тартиб ноқонуний жорий этилган

Ёдингизда бўлса, кеча IMEI-кодлари бўйича янги тартиб жорий қилингани ҳақидаги хабарга изоҳ бера туриб, "наҳотки Вазирлар Маҳкамаси қарорига ўзгариш киритилган бўлса?" дея бу тартибнинг қонунийлигини шубҳа остига олган эдим.

Бугун Aхборот технологиялари ва коммуникацияларини ривожлантириш вазирлигининг берган баёнотидан кейин ушбу янги тартиб ноқонуний жорий этилганига 100% амин бўлдим.

Вазирлик ёки халқни қонунчиликни яхши тушунмайди деб ўйлайди, ёки ўзлари яхши тушунмайди.

Ҳолатни тушунтираман:

Баёнотда айтилишича, Вазирлар Маҳкамаси қарорида вазирлик ушбу йўналишда норматив-ҳуқуқий базани яратиш ва такомиллаштириш бўйича ваколатли орган деб белгиланган. Шу сабабли «Ўзбекистон телекоммуникация тармоқларини бошқариш республика маркази» ДУК, яъни тизим оператори IMEI-кодни рўйхатдан олиш тартибига ўзгариш киритган. Эътибор қилинг, ўзгаришни вазирлик эмас, балки бошқа ташкилот киритган.

Энди бир бошидан бошлаймиз.

IMEI-кодларни рўйхатга олиш жараёни қанақа бўлиши Вазирлар Маҳкамасининг 17.09.2019 йилдаги 778-сон қарори билан тасдиқланган Низомда аниқ белгилаб қўйилган.

Ушбу Низомда IMEI-кодни рўйхатдан ўтказиш чоғида телефон рақами ариза берувчининг номида бўлиши кераклиги ҳақида бирорта қоида йўқ. Бунақа талаб қўйилмаган. Низомнинг 17-бандида ариза берувчидан ушбу Низомда назарда тутилмаган ҳужжатлар ва маълумотларнинг тақдим этишни талаб қилишга йўл қўйилмайди, деб ёзиб қўйилган.

Бу Вазирлар Маҳкамасининг қарори, яъни Ҳукумат ҳужжати. Халқ тилида содда қилиб айтганда, бу Низомни Бош вазир имзолаб, тасдиқлаган. Бу ердаги тартибни ўзгартириш учун яна бир марта Бош вазир тегишли ҳужжатни имзолаши ва рухсат бериши керак. На вазирлик, на қанақадир ДУК ўзбошимчалик билан Бош вазир тасдиқлаган ҳужжатни ўзгартира олмайди.

Аммо бугунги кунда Вазирлар Маҳкамаси қарорига ҳеч қандай ўзгариш киритилмади. Демакки, кеча ушбу тартиб ҳеч бир асоссиз ўзгартирилди. Ва буни вазирликдагилар тўғри дея баҳолаб баёнот берди.

❓Савол: ахборот технологиялари ва коммуникацияларини ривожлантириш вазири ёки ДУК раҳбари Бош вазирдан устунми?

Ёки юртимизда «Норматив-ҳуқуқий ҳужжатлар тўғрисида»ги Қонунга амал қилиш тўхтатиб қўйилдими? Исталган вазирлик ёки исталган ДУК ўзи хоҳлаган пайтда бемалол Ҳукумат қарорларини ўзбошимчалик билан ўзгартира оладиган бўлиб қолдими? Қачондан унақа бўлди, биз эшитмай қолибмизку?!

Ушбу ҳолатга Адлия вазирлиги бирор муносабат билдирса яхши бўлар эди. Ва Aхборот технологиялари ва коммуникацияларини ривожлантириш вазирлигининг ўзидан ҳам қўшимча изоҳ кутиб қоламиз. Агар вазирликда яхши юристлар бўлмаса, Адлия вазирлигидан маслаҳат сўраб кўришсин, қаерда хато қилишганини айтишади.

Нима бўлганда ҳам бу ўзбошимчаликка тезроқ чек қўйилиши керак.

P.S.: вазирлик бугун IMEI-кодлар базаси кутилмаганда очилгани бўйича ҳам изоҳ бермади ҳали.


👉 @xushnudbek 👈

Республика махсус комиссияси, Транспорт вазирлиги, Ташқи ишлар вазирлиги, ДХХ Чегара қўшинлари, Ички ишлар вазирлиги, Ўзбекистоннинг Қозоғистон ва Россиядаги дипломатик ваколатхоналарининг саъйи-ҳаракатлари билан айни дамда Ўзбекистонга қайтиш истагида бўлган Россиянинг Қозоғистон билан чегара олди ҳудуди Самара вилоятида тўпланиб қолган фуқароларни ватанга олиб келиш мақсадида махсус автобус қатнови ташкил этилибди.

Бугун 15 та автобусдан иборат илк карвон (колонна) Россиянинг Самара вилоятига йўлга чиқди.

Режага мувофиқ автобуслар 25 сентябрь куни белгиланган манзилга етиб боришади. Шу куннинг ўзида автобуслар 700 дан ортиқ йўловчиларни олиб Ўзбекистон томон йўлга чиқади.

Президент Шавкат Мирзиёевнинг БМТ Бош Ассамблеясининг 75-сессиясидаги нутқидан:

“Бундай глобал фалокат сайёрамизда сўнгги юз йилда кузатилмаган эди. Бу офат бутун инсониятнинг заиф жиҳатларини яққол кўрсатди. Ҳозирги таҳликали ва мураккаб вазият ер юзидаги барча давлатлар ва халқлар ўзаро боғлиқ эканини, ўртамизда мунтазам мулоқот, ишонч ва яқин ҳамкорлик ўта муҳимлигини исботлади.

Шу йўлда барчамиз – ҳукуматлар, парламентлар ва фуқаролик жамиятларининг ўзаро саъй-ҳаракатларини бирлаштириш, умумий масъулият тамойилларини мустаҳкамлаш, халқаро шерикликни мувофиқ ҳолда ривожлантириш, Жаҳон соғлиқни сақлаш ташкилотининг мақоми ва салоҳиятини ошириш, ваколатларини кенгайтириш лозимлигини чуқур англадик.

Мақсадимиз – ҳар бир инсоннинг асосий ҳуқуқ ва эркинликларини, саломатлиги ва фаровонлигини таъминлайдиган адолатли глобал тизимни биргаликда яратишдир.

Бу борада биз Бирлашган Миллатлар Ташкилоти шафелигида Пандемиялар даврида Давлатларнинг ихтиёрий мажбуриятлари тўғрисидаги халқаро Кодексни ишлаб чиқишни таклиф этамиз. Ушбу ҳужжатда ҳар бир давлатнинг ўз фуқаролари ва халқаро ҳамкорлари олдидаги мажбуриятлари акс этиши лозим”.

Ўзбекистон тарихида биринчи яхлит бетонли йўл ўтказгич қурилиши

Сирғали туманини янада ривожлантириш чора-тадбирлари бўйича «Grand Road Tashkent», «Allegro Develop Plast» лойиҳалаш институти ва Туркиянинг етакчи компаниялари билан биргаликда Чўпонота-Қипчоқ йўналиши бўйлаб яхлит бетонли йўл қурилиши ишларини бошлади!

Йўлнинг умумий узунлиги 5,6 километрни ташкил этиб, у ҳар тарафга 3 тасмадан бўлиниб, жами 6 йўналишли автомобил йўли бўлиб қурилади.

Ушбу улкан бунёдкорлик иши натижасида Сирғали туманидан Тошкент шаҳрининг исталган нуқтасига 20 дақиқа ичида етиб келиш имконияти тақдим этилади.

📲 Instagram | 📲 Facebook | 🌐 Сайт
📞 +998 95 410 10 10
📞 +998 71 210 10 10
📞 +998 95 620 10 10

Реклама