ما احوووب نتفلكس ولا اييد اي شخص يضيع فتره الاجازه على مسلسلات وافلام هابطه

لكن عاد المقصد هو الافاده اي شغله احس انها تفيد سدحتها دايركت

لعلها تفيد شخص كان يبي يضيع كم فلس على شي تافه مثل مسلسل دكستر 🤷🏻‍♂️

فلوسك اشتر فيها شورما صاروخ بطنك اهم واولى تدفع عليها

الوكاد احفظو الرابط عندكم

لأن لو سجلت دخول وبعدين رجعت دخلت ثاني مره بتحصل نفسك مقشوع من الحساب وماتقدر تدخل فيه الا تلصق الرابط من جديد على سفاري ويدخلك

وبعد انا ممكن ممكن راح احذفه بعد صلاه الجمعه
لأن النيه انشر الرابط بقناه تكون خاصه

لكن ابتلشت مو قادر اسوي قناه قامعيني التيليقرام فا اتس اوكييي وصلت

اوفييه معدل المشاهدات يداً طيب

العموم متوجه للسعوديه صوب مكه (اعتمر) وصراحه وناسه بالحيل تعرف يوم قلبك يرقع بوم بوم بوم دقات سريعه حرفيا انا قلبي الان هشكل من شده الوناسه . واذا خلصنا مناسك العمره ان شاءالله سيده للاردن

ادري اني ساحب سحبه غويه لكن طوفوها هالمره فتره بسيطه وبنعيد احياء القناه

استودعكم الله ولا تنسونا من دعواتكم بالقبول والتيسير.. وابشروا بدعاء بظهر الغيب بوسط الحرم 🤍

الله يوفقكم ويرزقكم طمأنينه القلب وراحه البال ويكتب لكم القبول بكل خطواتكم

نشوفكم على خير

اللهم لك الحمد

احلى انجاز يستحق يتسجل والله واحلى سنه بتكون بعد سنه 2025

والله ماكنت متوقع ان العمره هشكل بسرعه تصدقون اني كنت مستصعبها بالحيل طول السنين الي طافن ما ادري على شنو بالضبط كنت اشوفها قروشه وماتنفع الا وانت واهلك طلعت بالعكس كل شي سهل وميسر والناس الموجوده مو مقصرين والله شي

اساسا انا اول عمره لي كانت ب تالت ابتدائي ولكن لعل صار موقف بايخ بوقتها وصرت خلاص اشوف العمره رعب اذا ماكانت مع اهلك وتقعد لاصق فيهم هههههههه

المهم ماعلينا الحين بسئلكم زميل السفره يقول ان عادي نعتمر اكثر من مره هل صحيح ولا لا

يعني مثلا اليوم اعتمرت حلو اقدر اعتمر مره تانيه وتالته ما ادري والله عنه انا خبري والي اعرفه الشخص يعتمر وخلاص بعد

قلت له من وين جبت هالمعلومه يقولي من شيخ بالتيك توك 🤷🏻‍♂️

لكن اذا الكلام صحيح عز الله بيجي شوط ثاني لين صلاه الفير

عمره عن ابوي يستاهل ولو انه يستحق 4 مرات

وعمره عن عمي الله يرحمه

وعمره عن ام جدتي الله يرحمها

وعمره لنفسي بعد احس وحده ماتكفي

عاد ان شاءالله صحيح الكلام لأن ولع بنفسي شعله الحماس 🔥

مبديئا 3 من بوت صارحني قالو يجوز الله يجزاهم خير وخويي بعد يقول عادي وشات جي بي تي هم قال يجوز دام الموضوع مابوه تعب لك

لكن شات ملعون قالي يجوز بعدين لفاها علي بعد ماقال يجوز قال ( لكن الواجب تمشي على نهج الرسل والصحابه كانو يؤدون مناسك العمره مره وحده )

بس يوم دوزنتها منيح براسي قلت بنفسي احنا وين وحياه الرسل والصحابه وين

حياتهم يداً تختلف
بخصوص انهم كانو مستقرين اما بمكه او المدينه او الطايف

يعني اظن اظن لو نشوف اقل صحابي زياره لمكه اظن بيكون عدد زياراته لمكه 1066 مره

555 مره راح لمكه يأدي فيها مناسك الحج

511 مره راح مكه يأدي فيها مناسك العمره

تشني تشني بالغت لا تتدققون بالارقام اهم شي الفكره

اما الحين يومنا هذه الناس عندها ظروف ومشاكل واشغال حتى الي مرتاح بحياته يضل الفكر مشغول مو قادر يحك راسه

فا انا عندي 4 تيام بمكه الحين اليوم الثاني وباقيلي 3 تيام شنو الطبيعي الي استغل فيه الثلاث تيام هذي

1-اكمل الثلاث تيام قز وافر مكه كلها

2- اضل نايم بالاوتيل لا انا الي فريت مكه كلها ولا انا الي خذيت عمره مره ثانيه وثالثه

3- احاول قد ما اقدر اخذ عمره مرتين وثلاث وخمس وست واقعد الح بالدعاء بوسط الكعبه

طبعا بيتم الاعتماد على الاختيار الثالث