“Мүлік” сүресі қабір азабынан қорғайды.

📚 Хадис. Әл-Жәмиғус Сағир

Ибн Абдул-Бар (978-1071) деген хадис ғалымы айтады: “Отбасына қайыры жоқ адамнан жақсылық күтпе”.

📚 Бәһжат әл-Мажалис

ПАЙҒАМБАРЛАР ДАҒУАТЫ немесе БІЗГЕ ҚАНДАЙ УАҒЫЗ КЕРЕК

Құраның 1/3 бөлігі қиссадан құралады. Оның себебін Алла Тағала: «Осы қиссаны әңгімелеп бер, мүмкін олар ойланып пікір жүргізер», – деп түсіндіреді. («Ағраф» сүресі, 176-аят)

Ендеше Құрандағы қиссалардан, соның ішіндегі пайғамбарлар қиссасынан кішігірім ой түйіп көрейік.

Барлық пайғамбар өз қауымын Бір Аллаға құлшылық қылулға және Оған ешкімді серік етпеуге үгіттеген. Мұхаммед пайғамбар: “Пайғамбарлар бір-біріне шешелері бөлек бауырлар іспетті: шешелері бөлек болса да, діндері бір”, — деп осыны меңзеген. (Бұхари, Муслим)

Сондай-ақ Құрандағы пайғамбарлар қиссасынан барлық пайғамбардың Бір Аллаға құлшылық қылудан кейінгі көтерген басты мәселесі сол уақыттағы, сол қауымдағы басты проблемалар екенін байқауға болады.

Мысалы, Нұх пайғамбардың қауымы Уад, Суағ, Яғус, Яғуқ және Наср деген бес пұтқа табынатын еді. Ол мың жыл бойы серік қосумен күресті.

Ад қауымының ауруы тәкаппарлық еді. Тіпті олар «Бізден күшті кім бар?» деп айтатын болған. Сол үшін Худ пайғамбар көбіне тәкаппарлыққа қарсы уағыз-насихат айтты.

Самуд қауымы тау-тасты қашап салған зәулім сарай үйлері, бау-бақшалары т.б. Алла Тағала берген ризық-несібелері мол болғандықтан “ақиретте өмір жоқ” деп дағуалай бастаған. Салих пайғамбар оларға бұл дүниеде мәңгі-бақи қалмайтындарын ескертті. Көп айтатын насихаты да сол болды.

Шуғайб пайғамбардың қауымы таразыдан жеуді адал қылып алған еді… Қысқасы, осылай Құрандағы барлық пайғамбардың дағуатын кезегімен мысалға келтіре беруге болады…

Енді біздің қоғамға келейік. Ең басты проблемамыз не? Менің ойымша, мейірімнің, әділеттің жоқтығы және жем-қор-лық! Барлығы да дүниеқоңыздықтан туатын дерттер.

Сондықтан біздің қоғамда басқасынан көрі адалдықты көбірек насихаттау керек сияқты.

Егер жатпай-тұрмай мейірім, әділет және адалдықты насихаттасақ, он жылда, ары кетсе он бес жылда буын жаңарады. Ең болмаса солар адал болар, солар адам болар деген үміт қой...

Қауіп-қатер қай жағымнан қаптайды деп,
Талапты ер, түн ұйқысын төрт бөледі...
Ұйқыда өне бойы жата берсең —
Үстіңе ұйтқып, лаулап өрт келеді...

Тұрмағамбет Ізтілеуұлы (1882-1939)

Пайғамбарымыз (‎ﷺ): “Қадір түні болғанда Жәбірейіл періште қаптаған періштемен Жерге түседі де, тұрып, отырып Алла Тағаланы зікір еткен әрбір адам үшін Алладан кешірім тілейді”, — деп айтқан. (Байхақи “Шуғаб әл-Иман”)

Бұл жердегі “тұрып зікір ету” дегені — тарауих, тахажуд т.с.с. түнгі намаздарды оқу. Ал “отырып” дегені — Құран оқу, дұға жасау, әртүрлі зікір сөздермен Алла Тағаланы ұлықтау.

Сахаба Әмр ибн Ас (Алла оған разы болсын): «Жүрек – сырды сақтайтын орын. Еріндер – сол орынның кұлпы. Ал тіл – оның кілті. Сондықтан әрбір адам сырдың кілтіне мұқият болсын», – деп өсиет айтқан.

#жұма_уағызынан

Бұл да бір сынақ шығар... Бәлкім жемқорлық салдарынан болып жатқан шығар. Тексеру жүргізілер, кінәлілер анықталар, жазаланар. Оны уақытында көре жатармыз. Бұндай үлкен табиғи апат соңғы 80 жылда болмаған деп жатыр ғой. Шынымен де солай шығар. Өйткені қазір Дүние жүзінде әртүрлі табиғи апаттар болып жатыр. Бүкіл Әлемге оңай болып тұрған жоқ... Ел болып бұны да еңсерерміз! Бірлік, ынтымақ бар жерде береке де болады. Жұдырықтай жұмылайық. Дұға жасайық, қаржылай да, қолмен де көмек көрсетейік. Азаматтығымыз, мұсылманшылығымыз сынға түсіп жатқан уақытта аянып қалмайық, ағайын! Алла жар болсын 🤲🏻

Алла Тағалаға ең қатты ұнайтын істердің бірі — мұсылманға қуаныш сыйлау: қиындықтан құтқару, қарызын қайтаруға көмектесу, қарнын тойдыру.

📚 Хадис. Байхақи

Кімде-кім адал табысынан садақа берсе, Мейірімді Алла оны ризалықпен қабыл етеді. Тіпті ол бір түйір құрма болса да, ол Мейірімді Алланың “алақанында” өсіп-өніп таудан да үлкен болады.

📚 Хадис. Муслим

Сахабалар Айт күні ең жақсы киімдерін киіп шығатын болған.

📚 Ибн Хажар. Фатх әл-Бари

Алла Тағала отыз күн бойы ұстаған оразамызды, жасаған дұға-тілектерімізді, барлық ізгі амалдарымызды қабыл еткей!
«Айт» сөзі – «мерекелеу», «хал сұрасу», «бір-бірін қуанту», «қуанышқа топталу», «қарымта» деген мағынаны білдіреді. Жаратушы Жаббар Иеміз: «...Олар Мен үшiн ораза ұстады, Менiң пәрменiммен ауыз ашты, ендi қуанышқа кенелсiн...», – деп сүйінші хабар жеткізген.
Ораза айт – отбасылық мереке. Мейрам күні бір-бірімізге сыйлық беріп, қуанышқа бөлеу, көмекке мұқтаж жандарға қайырымдылық жасау – сауапты іс.

Көп қойылып жатқан сұрақ: “Ертеңнен бастап қаза оразаларымызды ұстай берсек бола ма?”.

Иә. Болады. Тек бүгін Ораза Айт күні ғана ораза ұстауға болмайды. Ал ертең айт емес. Кәдімгі күн.

Хадисте “Мешіт — әр мүміннің үйі” дейді. Бұл “үйге” рамазан айында келген қонақтар қайтады. Ал тұрғындары қалады…

Үйімізді тастап кетпейік деп жатқаным ғой.

Хадис ғұламасы Имам Науауи айтады:

“Шәууәл айында үйлену — мұстахап*!”

* Сүйкімді іс

📚 Шарх Сахих Муслим

Бойдақтар, қимылдаңдар ))

Бишр әл-Хафи деген әулиеден:

“Біреулер тек рамазан айында ғана ғибадат жасайды да, ай біткен соң тастап кетеді. Бұлар жайында не айтасыз?”, — деп сұрапты. Сонда әулие:

“Алла Тағаланы рамазан айында ғана танитын адамдар — қандай жаман адамдар!”, — депті.

Таң атса кештің батуын күтпе, кеш батса таңның атуын күтпе: ауырмай тұрып сау кезіңді, өлмей тұрып тірі кезіңді пайдалан!

Ибн Омар (Алла разы болсын)

Біздің кейде әркімді бір ұнатпай жататын кездеріміз болады ғой. Біреулерді “жақтырмайм”, “су қаным сүймейді”, “көрсем жыным келеді, қаным қайнайды” деп жатамыз әйтеуір. Бірақ кінәрат олардан емес, бізден болуы мүмкін екен.

Бірде Ахмад ибн Әбул-Хауари деген ғалым Әбу Сүләйман әд-Дарани деген ғұламаға (Алла ол екеуін рахымына алсын): “Пәленше мен түгеншені жақтырмаймын”, — деп айттым дейді. Сонда әд-Дарани оған: “Ол екеуін мен де ұнатпаймын. Бәлкім екеуміздің жүрегімізге бір кесір тиіп, онда дым жақсылық қалмаған шығар?! Сөйтіп салихалыларды сүймейтін болып қалған шығармыз?!”, — деп ойландыратын сөз айтқан екен.

Әбул-Фараж ибн әл-Жаузи айтады (Алла рахымына алсын):

“Дүние — көлік: мінсең көтереді, көтерсең өлтіреді”.

(Дүниені пайдалану керек, бірақ оған құл болмау керек. Біз оны емес, ол бізді “арқалау” үшін жаратылған)

«Дәстүрдің озығы бар, тозығы бар». Ата жолын сақтаймыз десек, ғасырлар бойы бабаларымыз ұстанған асыл дінімізді сақтайық. Дәстүрлі ислам – халқымыздың ұлттық бірегейлігін танытатын басты құндылықтың бірі. Біз оны берік ұстану арқылы экстремизмге және кертартпалыққа қарсы тұра аламыз.

Президенттің Ұлттық құрылтайда айтан сөзі