Бугун Шавкат Мирзиёев раислигида эҳтиёжманд аҳолининг ижтимоий ҳимоясини янада кучайтириш чора-тадбирлари юзасидан видеоселектор йиғилиши ўтказилади

Унда нуронийлар, пенционерлар, ногиронлиги бўлган шахслар ва аҳолининг бошқа тоифаларини моддий қўллаб-қувватлаш ва уларга ижтимоий хизматлар кўрсатишни кенгайтиришга қаратилган қатор муҳим вазифалар белгиланиши кутилмоқда, дейилади президент матбуот хизмати берган хабарда.

@daryo_live

Косон ҳокими Асрол Бойқараев бетоблиги сабаб унинг вазифаси биринчи ўринбосарига юклатилди

@daryo_live

2022 йилда Самарқанд шаҳри ҳудуди 28 минг гектар қилиб кенгайтирилади

Бу ҳақда Шавкат Мирзиёев танишган Самарқандда транспорт тизимини ривожлантириш бўйича режалар тақдимотида айтилган.

Келгуси беш йилда Қорасув мавзеси, Ширин маҳалласи ва вокзал ортидаги ҳудудда 300 минг аҳолига мўлжалланган янги уй-жойлар барпо этилади. Шунингдек, туристлар сони 5 млн нафарга етиши кутилмоқда.

@daryo_live

Самарқандга 2022 йилда 80 та, 2023 йилда 100 та электробус олиб келинади

Тақдимотда хорижий экспертлар иштирокида ишлаб чиқилган таклифлар муҳокама қилинган.

Самарқанд шаҳар ҳокимлиги таркибида Транспорт бўлими ташкил этилади. 1 июлдан бошлаб, Самарқанд вилояти буджетидан шаҳар транспортига субсидия ажратиш йўлга қўйилади.

@daryo_live

2022 йили Самарқандда 160 километр йўл таъмирланади

Шунингдек, 5 та йўл ўтказгич қурилиши бошланади. 102 та янги бекат ташкил қилиниб, мавжудлари тартибга келтирилади.

«Биз кўп йўл қурдик, лекин унинг эксплуатацияси билан айтарли шуғулланилмади. Йўлларнинг баланси, фойдаланиш муддатининг таҳлили йўқ. Сарфланаётган маблағ мақсадли эмас. Баъзан йўл устига яна йўл қурилади», - деган Шавкат Мирзиёев.

@daryo_live

«Рамазон ҳайити арафасида эҳтиёжманд аҳолимизнинг ижтимоий ҳимоясини янада кучайтириш масалаларини кўриб чиқамиз» — Шавкат Мирзиёев

@daryo_live

«Уйма-уй ўтказилган хатловлар мамлакатимизда ҳали 2,2 млн аҳолимиз ижтимоий ёрдамга муҳтожлигини кўрсатди» — Шавкат Мирзиёев

Президент эҳтиёжманд аҳолининг муаммолари билан республикада 16 та вазирлик ва идора шуғулланса-да, улар маҳалла даражасига тушиб иш олиб бормаётгани боис одамларда бу соҳага эътирозлар кўплигини айтди.

«Аслида ушбу аҳоли қатлами билан вилоят, шаҳар ва туман ҳокимлари, сектор раҳбарлари, маҳалла раислари, ҳоким ёрдамчилари, ёшлар етакчилари, аёллар фаоллари ҳар куни «хонадонбай» ишлаши керак», — дейди давлат раҳбари.

@daryo_live

#КунТарихи

2007 йил 29 апрелда Туркияда 1 миллионга яқин киши иштирокида норозилик намойиши бўлиб ўтади

@daryo_live

⚡️Бугун президент пенсия ва нафақаларни 1 майдан 12 фоизга ошириш тўғрисида фармонни имзолади

Шунингдек:

➖ энг кам пенсия оладиган 725 минг нафар аҳолининг пенсияси 14 фоизга оширилади (440 минг сўмдан 500 минг сўмга);

➖ 9 май арафасида уруш қатнашчилари, концлагерлар маҳбуслари ва Ленинград қамалида бўлган фуқароларга 15 миллион сўмдан берилади.

@daryo_live

➖ ёлғиз яшаётган ва ўзгалар парваришига муҳтож одамлардан шахсан хабар олиб, уларга совға-саломларни етказиш;

➖ уруш қатнашчилари, концлагерлар маҳбуслари ва Ленинград қамалида бўлган фуқароларнинг ҳар бирининг хонадонига шахсан бориб, пул мукофоти ва қимматбаҳо совғаларни тантанали равишда топшириш;

➖ 10 минг нафар фронт ортида меҳнат қилган фахрийлар билан шахсан учрашиб, ҳолидан хабар олиш ва совға-саломлар етказиш топширилди.

@daryo_live

❗️1 июндан бошлаб уруш қатнашчилари ва ногиронлиги бўлган шахслар, ёлғиз кексаларга ҳар ойда озиқ-овқат ва гигиена воситалари хариди учун уларнинг пенсия ва нафақаларига 270 минг сўм миқдорида устама тайинланади

Бундан ташқари, уларга кийим-кечак хариди учун ҳар йили 4 млн сўмдан компенсация тўлаш тартибини жорий этилади.

@daryo_live

1 майдан бошлаб ногиронлиги бўлган фуқароларни ишга олган корхоналарга 6 ой давомида ҳар бир бундай ходими учун 400 минг сўмдан субсидия берилади

Бундан ташқари, ўзини ўзи банд қилган ва ҳунармандчилик билан шуғулланадиган ногиронлиги бўлган шахсларга асбоб-ускуна ва меҳнат қуролларини харид қилишга субсидия ажратилади, улар касб-ҳунарларга давлат ҳисобидан ўқитилади.

@daryo_live

Ногиронлиги бўлган шахслар билан ишлайдиган нодавлат ташкилотлари ва уларнинг ҳудудий бўлимлари (Ногиронлар, Кўзи ожизлар жамияти, Ногиронлар ассоциацияси, Карлар жамияти) ходимларига ойлик тўлаш учун давлатдан субсидия ажратилади.

@daryo_live

Кўзи ожиз ва заиф кўрувчи болаларни тўлиқ таълимга жалб этиш мақсадида янги «Нурли маскан» номини олган мактабларда янги ўқув йилидан қўшимча 850 та ўқув хоналари ва 1200 та ётоқхона ўрни ташкил этилади.

Шунингдек, давлат буюртмаси асосида ушбу мактаб кутубхоналари Брайль ёзувидаги дарсликлар ва ўқув қўлланмалар, бадиий ҳамда болалар учун мўлжалланган адабиётлар билан тўлиқ таъминланади.

@daryo_live

3 мингдан зиёд заиф эшитувчи болаларга замонавий эшитиш мосламалари етказиб бериш учун 11 млрд сўм ажратилади

Махсус мактаб-интернатларнинг барча ходимларига 50 фоиз устама тўлаш жорий этилади. Бунга 30 млрд сўм берилади.

@daryo_live

Ногиронлиги бўлган болаларнинг маънавий камол топиши учун 108 та мактаб-интернатга ҳар йили 20 мингдан ортиқ махсус адабиётлар харид қилинади

1 октябрга қадар 20 дона экзоскелет, 880 та ногиронлик аравачаси, 4 мингта овозли термометр ва тонометр, 6 мингта «ақлли» соат харид қилиниб, ҳудудларга етказилади. Бунга 31 млрд сўм ажратилади.

@daryo_live

«Саховат» уйларида яшовчи мингга яқин ёши улуғ кишиларга шахсий харажатлари учун қарилик нафақасининг 20 фоизи тўлаб берилади

Ногиронлиги бор фуқароларнинг пенсияси ҳар икки йилда қайта ҳисобланиб, иш стажи ва ойлигига қараб ошириб борилади. Бунга 300 млрд сўм маблағ йўналтирилади.

@daryo_live

Оилавий болалар уйларига кундалик харажатларни қоплаш учун маблағ ота-оналарнинг шахсий пластик картасига ўтказилади

Шунингдек, оилавий болалар уйларининг коммунал тўловлари аҳоли учун белгиланган тарифларда олинади.

@daryo_live

Етим ва ота-она қарамоғидан маҳрум бўлган талабаларга озиқ-овқат ва кийим-кечак хариди учун 10 млн сўмдан ажратиш амалиёти нодавлат олийгоҳларда ҳам жорий этилади

376 та меҳрибонлик, саховат ва мурувват уйлари, махсус мактаб-интернатларни таъмирлаш ва жиҳозлаш бўйича 600 млрд сўмлик алоҳида дастур қабул қилинади.

@daryo_live

1 июлга қадар 70 дан ортиқ ижтимоий хизматлар кўрсатишни маҳаллада йўлга қўйилади

Бунда, хотин-қизлар фаоллари ҳоким ёрдамчилари ва ёшлар етакчилари билан бирга ҳар бир хонадонга бевосита кириб, оилалардаги ҳақиқий ҳолат ва ижтимоий хизматларга эҳтиёжни аниқлайди.

Шунингдек, ҳар бир оила учун алоҳида ижтимоий ҳимоя режасини ишлаб чиқади ва аҳоли мурожаатлари асосида ижтимоий хизматлар ўз вақтида ва сифатли кўрсатилишини доимий назорат қилиб боради.

@daryo_live