O‘qituvchilar uchun attestatsiya to‘lovi arzonlashdi

Endi pedagog kadrlar navbatdan tashqari attestatsiyadan o‘tish bo‘yicha davlat xizmatini ko‘rsatganlik uchun BHMning 50 foizi miqdorida to‘lov qilinadi.

@daryo_live

Samarqandda transmilliy narkotahdidlarga qarshi xalqaro forum o‘tkaziladi

20—21-aprel kunlari bo‘lib o‘tadigan forumda BMT, Interpol, Yevropa Ittifoqi, Shanxay hamkorlik tashkiloti, MDH, Jahon bojxona tashkiloti hamda shu kabi boshqa 20 dan ortiq nufuzli xalqaro tashkilotlar, 50 ga yaqin davlatdan huquqni muhofaza qiluvchi organlar rahbarlari, 500 ga yaqin xalqaro ekspertlar va soha mutaxassislari ishtirok etishi kutilmoqda.

@daryo_live

🇺🇿🇷🇼O‘zbekiston Ruanda bilan diplomatik aloqalar o‘rnatdi

Sharqiy Afrikada joylashgan ushbu davlat O‘zbekiston bilan diplomatik aloqalar o‘rnatgan 167-mamlakat bo‘ldi.

@daryo_live

Toshkentda madaniyat va san’at sohasi bo‘yicha ochiq muloqotlar o‘tkaziladi

Ochiq muloqot va uchrashuvlar Prezident administratsiyasi vakillari, Madaniyat vaziri Ozodbek Nazarbekov hamda tegishli vazirlik va idoralar rahbarlari ishtirokida alohida tasdiqlangan jadval asosida 20—25-aprel kunlari tashkil etiladi. Eng dolzarb va amaliy ahamiyatga ega takliflar mualliflari davlat rahbari ishtirokida o‘tkaziladigan yig‘ilishga taklif etiladi.

Joylar chegaralangani sababli, @mv_ochiqmuloqot_bot orqali oldindan ro‘yxatdan o‘tish zarur.

@daryo_live

Qashqadaryoda kadastr xodimlari pora olayotganda ushlandi

Ulardan biri Kadastr agentligining Qarshi tuman bo‘limi yetakchi inspektori, ikkinchisi Davlat kadastrlari palatasining Shahrisabz tuman filiali xodimi bo‘lib, jinoyat ishlari qo‘zg‘atildi.

@daryo_live

Navoiyda 8 yoshli o‘quvchi B2 sertifikatini qo‘lga kiritdi

Bu yosh jihatdan milliy sertifikatni qo‘lga kiritish bo‘yicha O‘zbekistondagi eng yaxshi natijalardan biri bo‘ldi.

@daryo_live

🇷🇺 Migratsiya agentligi Rossiya chegarasida endi telefon va noutbuklar tekshirilishi mumkinligi sababli safar oldidan undagi ma’lumotlarga e’tibor berishga chaqirdi

@daryo_live

Malayziyaning Kampung Bahagia qishlog‘ida 200 dan ortiq uy yonib ketdi

Hodisa oqibatida 400 dan ortiq odam uysiz qoldi. Kuchli shamol va zich joylashgan yog‘och uylar tufayli yong‘in tunda tez tarqalgan.

@daryo_live

Chorvalarda oqsil kasalligi xavfi sabab O‘zbekistonda sanitariya oyligi e’lon qilindi

18-maygacha davom etadigan sanitariya-epidemiya-gigiyena oyligida tozalik va veterinariya qoidalariga amal qilish, agar hayvonlarda kasallikka shubha tug‘ilsa, hech qanday dori vositalarini mustaqil qo‘llamaslik so‘raldi.

@daryo_live

Sherzod Kudbiyev muhokamalarga sabab bo‘lgan soat masalasiga izoh berdi

Ayrimlar u prezident yig‘iishida taqqan soati narxini 50 ming dollar deya baholagandi. Urbanizatsiya va uy-joy bozorini barqaror rivojlantirish milliy qo‘mitasi raisi muhokamalar unga juda katta xulosa bo‘lganini, davlat xizmatchisi avvalo kamtar bo‘lishi kerakligini aytdi.

@daryo_live

Chernobil asorati: Germaniyada ovchilar otib o‘ldirgan 2927 ta yovvoyi to‘ng‘izda radiatsiya darajasi me’yordan yuqori ekani aniqlandi

Germaniyadagi ayrim oʻrmonlarda tuproq hanuz seziy-137 bilan ifloslangan. To‘ng‘izlar ushbu modda to‘planadigan qo‘ziqorin va o‘simliklar ildizi bilan oziqlanadi. Seziy-137 ning yarim parchalanish davri, taxminan, 30 yilni tashkil etadi.

Radiatsiya aniqlangan toʻngʻizlarni sotish taqiqlanadi, hukumat utilizatsiya qilingan o‘lja uchun ovchilarga kompensatsiya to‘laydi.

@daryo_live

Buxoroda Leapmotor avtomobillarini ishlab chiqarish yo‘lga qo‘yiladi

2026-yildan boshlanadigan loyiha doirasida B10, B10L, A10, C01, C16 modellarini ishlab chiqarish koʻzda tutilgan. Buxoro viloyatini Markaziy Osiyodagi avtomobilsozlik va logistika xabi sifatida shakllantirish maqsad qilingan.

@daryo_live

Avstriyada HiPP bolalar ozuqasida kalamush zahri aniqlandi

Mamlakatdagi 1000 dan ortiq SPAR supermarketidan xavfsizlik choralari sababli mahsulotlar qaytarib olingan. HiPP kompaniyasi xavfli modda mahsulotga tashqaridan kiritilgan bo‘lishi mumkinligini aytmoqda.

Zahar aniqlangan bankalarning pastki qismida qizil doira shaklidagi stiker bo‘lgan. Chexiya va Slovakiyada politsiya tomonidan musodara qilingan shunga o‘xshash bankalarning dastlabki laboratoriya tahlillari ham zaharli modda mavjudligini ko‘rsatgan.

@daryo_live

Toshkentda yonida “skorost” olib yurgan voyaga yetmagan shaxs ushlandi

Mirobod tumanidagi kafelardan birining yonida shubhali shaxslar to‘xtatib tekshirilgan. Ulardan birining yonidan “alfa-PVP” moddasi topilgan. Holat yuzasidan jinoyat ishi ochildi.

@daryo_live

“U rahbar odam qachon ilm qiladi?” — OʻzFA prezidenti mansabdorlarning “tezkor” ilmiy daraja olishini tanqid qildi

Shavkat Ayupov ikki yilda PhD, yana ikki yilda fan doktori boʻlayotgan rahbar kadrlarning ilmga foydasi yoʻqligini va bu holat oʻzbek fani obroʻsiga putur yetkazayotganini aytdi.

@daryo_live