​​«Осиё айиғи» қамоққа олинди. Агар айбдор деб топилса, уч йилгача озодликдан маҳрум этилиши мумкин

Жиноят ишлари бўйича Юнусобод туман суди 22 июнь куни Мурод Хонтўраевга нисбатан қамоққа олиш тарзидаги эҳтиёт чорасини қўллаш тўғрисида қарор чиқарган. UzNews’нинг Олий суд расмий вакили Азиз Обидовга асосланиб хабар беришича, таниқли MMA жангчиси айни вақтда УЯ 64/1-сонли тергов ҳибсхонасида сақланмоқда.

Қайд этишларича, Мурод Хонтўраев Жиноят кодексининг 277-моддаси 2-қисми «б» ва «в» бандларида назарда тутилган жиноятни содир этганликда гумон қилинмоқда — бу бўйича («бир гуруҳ шахслар томонидан совуқ қурол ёки кишининг соғлиғи учун амалда шикаст етказиши мумкин бўлган нарсаларни (қурол сифатида) намойиш қилиб, уларни қўллаш билан қўрқитиш ёхуд қўллаб безорилик қилиш») бўйича айбдор деб топилган шахс 300 соатдан 360 соатгача мажбурий жамоат ишлари ёки 1 йилдан 3 йилгача озодликни чеклаш ёхуд 3 йилгача озодликдан маҳрум қилиш жазоси билан жазоланади.

UzNews маълумотига кўра, Мурод Хонтўраев бир қатор шахслар билан биргаликда 21 июнга ўтар кечаси Юнусободдаги тунги клублардан бирида «жамоат жойида юриш-туриш қоидаларини бузган, тартибсизлик қилган». Аввалроқ унинг ўзи тан жароҳати (кўкрагига пичоқ билан зарба берилган) билан Юнусободдаги 7-касалхона (собиқ 17-шаҳар касалхонаси)га ётқизилгани, сўнг эртасига милиция томонидан олиб кетилгани ҳақида хабар берилган эди. «Хонтўраев иши» бўйича бошқа бир гуруҳ шахслар ҳам қўлга олингани айтилмоқда.

1987 йилда Тошкент шаҳрида туғилган Мурод Хонтўраев оилали, икки нафар фарзанди бор, Плеханов номидаги Россия иқтисодиёт университети Тошкент филиалининг 3-курс талабаси бўлиб, муқаддам судланган. UzNews унинг аввал қайси модда бўйича судланганига аниқлик киритмаган.

https://t.me/joinchat/AAAAAD63OEHkQHOlfdglMg

​​Тошкентдаги бир қатор кўчалар вақтинча ёпилди. Вақтинча дегани — ҳар доимгидан кўпроқ

1. 24 июнь, якшанбадан бошлаб Фарғона йўли кўчасининг Нукус — Толлимаржон кўчалари оралиғидаги бўлаги бир ойга ёпилган (Нукус кўча тарафдан қайта тикланган «суннат-кўприк»га чиқиш йўқ). Сабаб — Фарғона йўли кўчаси остидаги совуқ сув қувурларининг таъмирлаш. Таъмирланаётган жойни Меҳржон кўчаси орқали айланиб ўтиш тавсия этилмоқда.

2. Элбек кўчасининг Авиасозлар кўчасидан Алимкент кўчаси («Дўстлик» метро бекати)гача бўлган бўлаги 23 июндан ёпилган. Айнан қачонгача ёпилгани номаълум — «қурилиш ишлари тугагунча», дейиляпти Тошкент шаҳар ИИББ ахборотида. Кўчанинг ёпилиши метро қурилиши билан боғлиқ (қачон очилишини энди ўзингиз тасаввур қилаверинг). 15, 22, 49, 54, 72 ва 148-автобуслар Алимкент кўчаси бўйлаб айланиб ўтяпти. Айтмоқчи, Элбек кўчаси ёпилаётгани йил бошидан бери иккинчи марта эълон қилиняпти.

3. «Бунёдкор» стадиони олдидаги кўприк қурилиши охирлаб қолди. Яқин орада очилиши бўлса керак. Шу муносабат билан Бунёдкор шоҳ кўчасининг Муқимий кўчаси («Алиев олтин маркази», «Флагман»)дан то Чилонзор кўприги охири (Сингапур менежмент институти)гача бўлган қисмини ростмана эпақага келтириш ҳаракати бошланган (баҳонада Чилонзор кўприги ҳам таъмирланаркан) — 25 июндан бошлаб бу кўчадан юрманг. Тошкент шаҳар ИИББ кўрсатилган бўлакни 2-Қатортол, 4-Дўмбиробод, Чилонзор, Қатортол кўчалари ва Кичик ҳалқа йўли орқали айланиб ўтишни тавсия қилмоқда.

PS. Шаҳарнинг бундан бошқа бир қатор йўлларида ҳам ё ҳаракат вақтинча тўхтатилган, ё қисман оғирлашган. Масалан, Иззадаги Ўрикзорга олиб чиқувчи йўл таъмирланмоқда — якшанба куни эълон қилинган видеоларда кўчада машина юрмаётган эди. Кичик ҳалқа йўлининг Қазичилар маҳалласидан ўтган қисмига янгидан асфальт ётқизиляпти, шу боис у ерда бироз даҳшат — шу кунларда ҳалқа йўлининг бу бўлагини айланиб ўтишни тавсия қиламиз.

https://t.me/joinchat/AAAAAD63OEHkQHOlfdglMg

​​Вадим Абрамов «нотўғри фикрлари» учун футболдан четлатилганди. Ўзбекистон футбол раҳбари уни кечиришди

Ўзбекистон миллий термаси билан Осиё Кубогида энг яхши натижа (ярим финал, 2011) қайд этган мураббий — Вадим Абрамов 2017 йил 16 декабрида футболга алоқадор ҳар қандай фаолиятдан четлатилган эди. У «ЎФФ ва ЎзПФЛ ҳамда уларнинг расмийлари шаънига нисбатан нотўғри фикрлар билдиргани» учун жазоланган эди. Абрамовга тайинланган жазо умрбод эмасди, лекин муддати ҳам йўқ эди.

Ўзбекистон Футбол Ассоциацияси томонидан бугун, 25 июнь куни тарқатилган ахборотга кўра, «Вадим Абрамов профессионал фаолиятини давом эттириши мумкин». Ташкилот матбуот хизматининг маълум қилишича, Абрамов бу борада ЎФАга мурожаат билан чиққан. Ташкилот Ижроқўми унинг аризасини ўрганиб чиқиб, мураббийлик фаолиятини давом эттиришга рухсат берган.

«Мазкур мутахассис мамлакат футболи учун салмоқли меҳнат қилган. У эришган натижалар ҳурматга лойиқ. Шу билан биргаликда Вадим Абрамов ҳам футболчилар, мураббийлар ва мутахассисларни ҳурмат қилиши лозим... ЎФА Вадим Абрамовнинг келгуси фаолиятига омад тилайди», — дейилади ЎФА ахборотида.

Айтмоқчи, ЎФА Абрамовдан сўнг, 2018 йил 15 январида Ўзбекистон миллий термасининг бошқа бир собиқ устози — Самвел Бабаянни ҳам четлатганди. Абрамовдан фарқли ўлароқ, Бабаян футболдан умрбодга ҳайдалганди. Бироқ, кейин маълум бўлдики, у февралдаёқ «амнистия»га тушиб улгурган экан...

https://t.me/joinchat/AAAAAD63OEHkQHOlfdglMg

​​Ўзбекистондаги АЭС айнан қаерда қурилиши ҳали номаълум. Қурилиш камида 10 миллиард долларга тушиши мумкин

Ўзбекистон ҳукумати, Россиянинг «Росатом» корпорацияси ва Атом энергияси бўйича халқаро агентлик (МАГАТЭ) Ўзбекистонда атом электростанциясини лойиҳалаштириш, қуриш ва эксплуатация қилиш бўйича келишув устида иш олиб бормоқда.

«Газета.uz»нинг «Ўзбекэнерго» стратегик ривожланиш бошқармаси бошлиғи Исо Саъдуллаевга асосланиб хабар беришича, Ўзбекистонда қурилажак АЭС ҳар бири 1200 мегаваттли иккита энергоблокдан иборат бўлади, умумий қуввати 2400 мегаваттни ташкил этади. Ҳозирда АЭСни қуриш учун 10 га яқин жой кўриб чиқилмоқда.

«Ҳозирда АЭСни қуриш учун жой танлаш бўйича ўрганиш олиб борилмоқда... Биз қурилишни энерготизимнинг марказий қисмида (Тошкент вилояти), шарқий қисмида (Фарғона водийси), Самарқанд-Бухоро қисмида, Сурхондарёда (жанубий ҳудудлар)да олиб боришни кўзлагандик», — деди Исо Саъдуллаев.

Лойиҳа қиймати ҳозирча айтилмаяпти, чунки якуний қарорнинг ўзи йўқ. Бироқ, «Ўзбекэнерго» вакилининг таъкидлашича, замонавий «уч плюс» авлодига мансуб икки энергоблокли АЭСлар қурилиши тахминан 10 миллиард доллар атрофида. Лойиҳани молиялаштириш манбалари масаласи Россия томонидан билан ишлаб чиқилади.

Лойиҳа айнан қачон тўлиқ амалга ошириб бўлиниши ҳам ҳозирча номаълум. Исо Саъдуллаевниг қўшимча қилишича, АЭСнинг қурилиши учун одатда беш йил вақт кетади. Сўнг у яна икки йил давомида «Росатом» ва МАГАТЭ мутахассислари назорати остида ишлайди.

Исо Абдуллаевнинг қайд этишича, 2030 йилга бориб Ўзбекистонда электр энергия истеъмоли ҳозирги кундаги кўрсаткичларга нисбатан икки баробарга ортади. Шу сабабли аҳоли ва иқтисодиёт тармоқларини арзон электр қуввати билан таъминлаш долзарб вазифа.

https://t.me/joinchat/AAAAAD63OEHkQHOlfdglMg

​​Агар Россия Болтиқбўйи мамлакатларига бостириб кирадиган бўлса, НАТО уни тўхтатиб қолишга улгурмайди. Бунга сабаб — ёмон йўллар ва Европадаги бюрократия

Собиқ Иттифоқнинг Болтиқбўйидаги уч вакили — Литва, Латвия ва Эстония 2004 йилдан бери Шимолий Атлантика альянси ташкилоти — НАТО аъзоси, бироқ НАТОда бу уч давлатни Россия тажовузидан ҳимоя қилиш бўйича ҳамон бирор режа йўқ. Умуман олганда, АҚШ ва НАТО томони 2014 йилга қадар Болтиқбўйи мудофаасини кучайтириш ҳақида ўйлаб ҳам кўрмаган. Бироқ Қрим Россия таркибига қўшиб олингач, ҳаммаси ўзгарган.

Шунга қарамай, вазият ҳали ҳам Болтиқбўйи республикалари фойдасига хизмат қилмайди: агар низо рўй бергудек бўлса, НАТО кучлари Европа мамлакатлари бўйлаб юзлаб километр йўл босиши керак, айни вақтда тор йўллар ва ҳарбий техника оғирлигига бардош бера олмайдиган кўприклар қўшинлар ҳаракатини секинлаштириши мумкин. Боз устига, Литва ва Польшадаги темирйўл изларининг икки хил экани ҳам вазифани янада оғирлаштиради.

Бундан ташқари, НАТО қўшинларининг Болтиқбўйига тез етиб олишига бюрократия ҳам халал беради. Масалан, Германия ўз ҳудудидан ҳарбий техникаларни фақат иш кунлари тунда олиб ўтишга рухсат беради. НАТО билан ҳамкорлик қилувчи Швеция эса альянс қўшинларининг ҳаракати ҳақида уч ҳафта олдиндан огоҳлантиришни сўрайди. «Америка ҳарбий қўмондонлиги Германия ҳудудини кесиб ўтиш учун 17 хил анкетани тўлдиргунича Россия НАТОга аъзо мамлакатларни босиб олишга улгуради», деб ёзади The Washington Post.

Суратда — АҚШ ҳарбий карвони Болтиқбўйидаги жанговар машғулотлардан сўнг Чехия йўллари бўйлаб Германиядаги базасига қайтмоқда

https://t.me/joinchat/AAAAAD63OEHkQHOlfdglMg

​​Президент топшириғидан сўнг

АҚШ Божхона ва чегара хизмати муҳожирларнинг 522 нафар фарзандини ота-оналарига қайтарди, яна 16 нафар бола яқин вақт ичида оилаларига топширилади. Бу ҳақда АҚШ Ички хавфсизлик вазирлиги маълум қилди.

Болалар ва уларнинг ота-оналари ҳозир қаерда экани ноаниқ. Болалар ота-оналари билан бирга қамоқда ўтирган бўлиши мумкинлигини истисно қилиб бўлмайди.

Оилалар бирлашуви Дональд Трамп чегарани ноқонуний равишда кесиб ўтган ота-оналар ва болаларни ажратиш амалиётини тақиқлаш тўғрисидаги фармонни имзолаганидан уч кун ўтиб бошланди. Трамп аслида бу фармонни имзолашни кўп ҳам истамаётган эди, бироқ унга жамоатчилик, ҳатто рафиқаси Меланья Трамп ҳам қарши чиқди.

20 июнь ҳолатига кўра, ноқонуний муҳожир мақомидаги ота-оналардан 2053 нафар бола ажратиб олинган эди. АҚШ Ички хавфсизлик вазирлигининг қайд этишича, алоҳида ҳолатларда болалар ота-оналарига қайтарилмаслиги мумкин — масалан, ота-она жиноятчи бўлса ёки вояга етмаганларнинг хавфсизлигига хавф туғдирса.

https://t.me/joinchat/AAAAAD63OEHkQHOlfdglMg

⚽️ЖЧ—2018 нинг нимчорак финалида майдонга тушадиган иккита жуфтлик маълум:

🇺🇾Уругвай — 🇵🇹Португалия
🇷🇺Россия — 🇪🇸Испания.

https://t.me/joinchat/AAAAAD63OEHkQHOlfdglMg

#Иқлим. Бугун Ўзбекистонда қандай об-ҳаво кутилмоқда?

https://t.me/joinchat/AAAAAD63OEHkQHOlfdglMg

​​Шерзод Шерматов Халқ таълими вазирлигида барча бошқарма ва бўлимларнинг бошлиқларини ишдан бўшатди

Халқ таълими вазири Шерзод Шерматов 25 июнь, душанба куни бўлиб ўтган мажлисда вазирлик марказий аппаратининг барча бошқарма ва бўлимлари бошлиқларини лавозимидан бўшатди.

Ушбу қарор Ўзбекистон Президенти Шавкат Мирзиёевнинг вазирлик кадрлар таркибини янгилаш бўйича топшириқларидан келиб чиқиб қабул қилинди.

Учрашувда Шерзод Шерматов Халқ таълими вазирлигининг асосий мақсади ҳар томонлама ривожланган авлодни тараққий эттиришдан иборат эканлигини таъкидлади. Тизим ишчилари ушбу мақсаддан оғишмаслиги керак.

ХТВ раҳбари қайд этишича, вазирлик фаолияти учта тамойилга асосланган, булар — сифат, адолат ва шаффофлик. «Ушбу мақсадга ва учта асосий тамойилларга риоя қилганларгина вазирликда қолади, бунга тайёр бўлмаганлар билан хайрлашамиз», — деди вазир.

https://t.me/joinchat/AAAAAD63OEHkQHOlfdglMg

​​Ўзбекистон халқ артисти Ҳусан Шарипов бугун, 26 июнь куни 81 ёшида вафот этди. У театр, кино ва телевидениедаги бири биридан ажойиб роллари билан миллионлар қалбини забт этган суюкли санъаткори эди.

Баъзи танқидчиларнинг фикрича «жаҳон киноси тарихидаги энг зўр фантастик фильм» ҳисобланган «Абдуллажон»да Ҳусан Шарипов бирор роль ижро этмаган, бироқ бу фильмни Ҳусан Шариповнинг такрорланмас овозисиз тасаввур қилиб бўлмайди. «Она юртнинг бағридан зуволаси — Тошкент пиёласи» деб куйлаб, икки меҳмонига Паркент узуми билан асалини едирган ҳам Ҳусан Шариповнинг қаҳрамони бўлади. Футболда «олдин республика, кейин жаҳон миқёсига чиқиб олиш»дек аниқ ва тўғри мақсадни қўйган Шерматни ҳам биз айнан Ҳусан Шариповнинг юксак ва такрорланмас ижроси сабаб эслаб қолганмиз.

Ҳусан Шарипов ўз ижоди, роллари орқали ўзбекнинг барча яхши ва бошқа жиҳатларини кўрсатиб бера олган ҳақиқий халқ санъаткори эди. Шунинг учун ҳам унинг қаҳрамонлари тилидан янграган жуда кўп сўзлар, жуда кўп фикрлар йиллар оша ўлмай, халқ оғзаки ижодининг бир бўлагига айланиб кетган. Бундан 20 йил суратга олинган «Наврўз фантазияси» видеофильмида Ҳусан Шарипов тилидан янграган яна бир даъват эса худди ҳозирги кунимиз учун айтилгандек: «Бу ер (кабинет)да ўтирманг, ташқарига чиқиб, оддий одамлар орасида бўлинг!».

Ҳусан Шариповнинг дафн маросими 26 июнь куни бўлиб ўтади. Жаноза «Кўкча» масжидида ўқилади, дея хабар беришмоқда.

https://t.me/joinchat/AAAAAD63OEHkQHOlfdglMg

Тез кунда Тошкентда 👍🏽

​​Тошкентда қарздор банк ходими билан боғлиқ қизиқ иш бўлибди (бу ҳақда ахборот тарқатган ИИББ бу хабарини ўчириб ташлабди, лекин биз биламиз — интернетдан ўчирилгани билан, айтилган гап айтилмаган бўлиб қолмайди, бўлган воқеа бўлмаган бўлиб қолмайди, чиққан хабар чиқмаган бўлиб қолмайди).

Шундай қилиб, Тошкентдаги Миллий банк филиалларидан бирида касса мудири бўлиб ишловчи 33 яшар йигитнинг танишлари, қариндошларидан олган қарзи 100 минг долларга етган. Бундан ташқари, аввалроқ олган машиналарининг кредитини тўлаш учун ҳам пул керак бўлган. У муаммонинг осон (бироқ жуда хато) ечимини топган — жума оқшомида, ҳамма ишдан кетиб, банкда бир ўзи қолгач, мудирлик қилаётган кассасидан 270 минг доллар пулни олган.

Кейинчалик жойига қайтариб қўйиш нияти бўлганми-йўқми, ҳар ҳолда шунча пулни ёруғлик тезлигида ишлатишга уринган — шанба, якшанба ва душанбанинг ярми давомида қарзларни тарқатган, квартира сотиб олган, уни турли маиший ва компьютер техникаси билан тўлдирган (ноутбук, Playstation дегандек), яна бошқа озиқ-овқат ва истеъмол товарлари сотиб олган (харидларнинг жуда катта қисми Senor&Senorita дўконида амалга оширилган).

Шунча ҳаракат қилинса ҳам, пул барибир тугамаган. Гумонланувчи 25 июнь, душанба оқшомида ўзи сотиб олган квартирада ушланган. У 270 минг долларни ўғирлаганини тан олган. «Тергов-суриштирув ишлари давом этяпти», дейилган эди ИИББнинг ўчирилган хабарида. Ҳамкасбларининг айтишича, гумонланувчи оилали, икки фарзанднинг отаси, ёмон тарафдан ҳеч кўзга кўринмаган.

https://t.me/joinchat/AAAAAD63OEHkQHOlfdglMg

​​Тошкент бош имом-хатиби сўнгги уч ой ичида учинчи марта ўзгарди

Ўзбекистон мусулмонлар идораси раиси ўринбосари шайх Абдулазиз Мансур 26 июнь куни Тошкент шаҳар бош имом-хатиби этиб тайинлангани эълон қилинди. Шайхнинг тўлиқ лавозими энди бундай: Ўзбекистон мусулмонлари идораси раиси ўринбосари — Тошкент шаҳар вакили, Тошкент шаҳар бош имом-хатиби, «Минор» масжиди имом-хатиби.

«Тошкент республикамизнинг пойтахти, қолаверса, ҳар кун юзлаб, минглаб хорижий ва юртимиз меҳмонлари ташриф буюрадиган марказий шаҳар. Ўз навбатида, пойтахтда фаолият юритаётган имом-хатиблар ҳам ҳар жиҳатдан билимли, тажрибали бўлишлари лозим. Ушбу шаҳарнинг бош имом-хатиби эса нафақат республика, балки минтақа ва дунёда ўз ўрнига, обрў-эътиборга эга олим бўлишлигини замоннинг ўзи тақозо этмоқда», — дейилади диний идора ахборотида.

Шайх Абдулазиз Мансур Тошкент шаҳар бош имом-хатиби лавозимида Раҳимберди домла Раҳмоновни алмаштирди. Раҳимберди домла 21 май куни Тошкент шаҳар бош имом-хатиби вазифасини бажарувчи этиб тайинланган эди. Ўз навбатида, у 14 май куни Тошкент шаҳар бош имом-хатиби вазифасини вақтинча бажарувчи этиб тайинланган Эргаш Рустамовни алмаштирганди.

Бу ўзгаришларнинг бари Тошкентнинг 1999 йилдан бери ўзгармаган бош имоми — Анвар қорининг хасталаниши сабаб юз берди. Қори домла 5 апрель куни микроинсультни бошдан кечиргач, қайтиб ўнгланмади — у 13 июнь куни вафот этди. Президент Шавкат Мирзиёев 15 июнь куни Анвар қорининг хонадонида бўлиб, унинг оиласига ҳамдардлик билдирган эди.

https://t.me/joinchat/AAAAAD63OEHkQHOlfdglMg

❄️Ёз чилласининг биринчи куни Қозоғистоннинг Балхаш шаҳрида дўл аралаш қор ёғибди

https://t.me/joinchat/AAAAAD63OEHkQHOlfdglMg

​​Андижоннинг Жалақудуқ туманида яшовчи аёл 25 июнь куни Урғи маҳалласи ҳудудида икки боласи билан бирга ўзини Шаҳрихонсойга (суратда) отибди. Уларни шу маҳаллада яшовчи шахс сувдан олиб чиққан, бироқ болалар воқеа жойида ҳалок бўлган. Ички ишлар вазирлиги матбуот хизматидан маълум қилишларича, ўзининг ва болаларининг умрига қасд қилган аёл эса касалхонага ётқизилган.

«Андижон», «бола» ва «қотил она» — бундай калит сўзлар иштирокидаги бошқа бир нохуш ҳолат аввал ҳам ижтимоий тармоқларни бир ларзага келтирганди. 2018 йилнинг апрелида Андижон вилоятининг Қўрғонтепа туманида яшовчи, эридан ажрашган аёл 2015 йилда туғилган ўғлини Қўқон шаҳрида бўғиб ўлдириб, сўнг ишлагани Тошкентга кетгани ҳақида хабар берилган эди.

Бу икки ҳолат ҳар қанақасига жуда ёмон, аёлларнинг ҳаракатларини оқлаб бўлмайди. Бироқ барча айбни фақат уларнинг елкасига ташлаш ҳам тўғри эмас — ҳамма ҳам кучли ирода соҳиби эмас, умуман олганда одам жонсиз буюм эмас; тушунтириб бўлмас қилмишлар ҳар доим ҳам ҳаётнинг енгиллигидан келиб чиқавермайди. Баъзан турмушнинг кутилмаган, эҳтимол тўхтовсиз зарбалари, ҳақсизликлар ҳам одамни издан чиқаради. Шуни ҳам унутмаслик керак.

https://t.me/joinchat/AAAAAD63OEHkQHOlfdglMg

#Иқтибос. Шерзод Шерматов ўқитувчининг обрўси ҳақида

https://t.me/joinchat/AAAAAD63OEHkQHOlfdglMg

​​Миллий банк филиалидан 270 минг долларнинг ўғирланиши билан боғлиқ ҳолат юзасидан қўшимча тафсилот (ёки «инсофли ўғри» ҳақида):

🔸 ИИВ ахборотига кўра, воқеа 22 июнь, жума куни Миллий банкнинг Мирзо Улуғбек туманида жойлашган «Академик» филиалида юз берган.

🔸 270 минг долларни ўғирлашда гумон қилинаётган касса мудирининг исмининг бош ҳарфи Ш, фамилияси Ю ҳарфидан бошланади. ИИББнинг ўчирилган ахборотида гумонланувчининг «ўзгартирилган исми» Шоаҳмад дейилган эди.

🔸 Гумонланувчи унга ишониб топширилган 1-сонли пломбиратор билан муҳрланган 389 минг долларни банк пул омборига сақлаш учун қабул қилиб олиб, қопни ўзининг хизмат хонасига олиб кирган ва ичидан 270 минг долларни ноқонуний ўзлаштириб, қопни қайта муҳрлаб, қолган пул (119 минг доллар)ни банк омборига топширган.

🔹 Кейин нима бўлганини биласиз.

https://t.me/joinchat/AAAAAD63OEHkQHOlfdglMg

Андижоннинг Жалақудуғида бир аёл икки боласи билан бирга ўзини каналга ташлагани, она тирик қолиб, болалар ҳалок бўлгани ҳақида хабар берилган эди.

Ўзбекистон Бош прокуратураси воқеа юзасидан қўшимча ахборот берди: аёлнинг ёши 27 да; у сувга сакраш олдидан иккала боласини арқон билан белига боғлаб олган. Ҳалок бўлган болаларнинг бири қиз, иккинчиси ўғил — қизалоқ 7 ёшда, болакай эса 3 ёшда эди. Изоҳга ҳожат йўқ.

Бош прокуратуранинг қўшимча қилишича, ҳолат юзасидан икки боласи ҳалок бўлган аёлга нисбатан Жиноят кодексининг 97-моддаси 2-қисми «в» банди («Айбдорга аён бўлган ожиз аҳволдаги шахсни қасддан ўлдириш») билан жиноят иши қўзғатилган. Агар шу модда бўйича айбдор деб топилса, аёл 15 йилдан 25 йилгача ёки умрбод озодликдан маҳрум этилиши мумкин.

Аёл ўзига қўшиб икки боласини ҳам ўлдиришга қарор қилиши учун бирор жиддий сабаб бўлиши керак, одатда. Бу эҳтиётсизлик эмас, балки мақсадли бир ҳаракат. Бундай нохуш мақсадлар одатда ташқи таъсир натижасида пайдо бўлади. Шундай ҳолатлар учун Жиноят кодексида, масалан, «Ўзини ўзи ўлдириш даражасига етказиш» (103-модда) деган модда ҳам бор.

https://t.me/joinchat/AAAAAD63OEHkQHOlfdglMg

ДИҚҚАТ! Тошкентдаги арзон мебеллар кредит дўконини аниқладик. Бошланғич тўловсиз 😱 йилига 12% дан беришяпти экан.
📞+998951428080
👉Tg: @Mebelbor

Пастдаги тугмани босинг👇🏻