Бугун, 22 июнь куни соат 13:40 атрофида Зангиота зиёратгоҳи яқинида тракторнинг 2 та тиркамасидаги сомон пресс ёниб кетган. Бу ҳақда Тошкент вилояти ИИБ ЙҲХБ «Дарё»га маълум қилди.

Бу пайтда трактор Янгийўл туманидан Тошкент шаҳри томонга кетаётган бўлган. Ёнғин Зангиота туман ЁХБ томонидан ўчирилган. Ҳодиса оқибатида ҳеч ким тан жароҳати олмаган.

Трактор тўхтаган жойда Юқори Чирчиқда яшовчи шахсга тегишли Lacetti йўл четида турган бўлган. Ёнғиндан чиққан иссиқлик натижасида Lacetti’нинг чап томони куйган (ёки «оқиб кетди» деса ҳам бўларкан).

«Дарё» манбалари берган маълумотга кўра, ёнғин сабаблари бўйича иккита тахмин бор — ҳодиса ё сигарет қолдиғини сомон пресс устига улоқтиришдан, ёки трактор глушителидан чиққан учқуннинг сомон прессга «сачраши»дан юз берган бўлиши мумкин.

Аниқ сабабни ИИБ Ёнғин хавфсизлиги бошқармаси айтади — ҳозирги вақтда улар томонидан суриштирув ҳаракатлари олиб борилмоқда.

https://t.me/joinchat/AAAAAD63OEHkQHOlfdglMg

Hurmatli obunachi! Aksiyada qatnashing va 500.000 so‘mlik Xsport ko‘p tarmoqli do‘kondan vaucher yutib oling.
Shartlar juda oson va faqat 21-iyundan 24-iyungacha amal qiladi
*t.me/Xsport2010 telegram kanaliga obuna bo‘ling.
*Ushbu havoladagi http://docs.google.com/forms/d/e/1FAIpQLSeQowBA_K1bXk_o9JZI3oNbzAt1EdohzJP0qmikRHJjDcUc-Q/viewform anketani to‘ldiring.
*“Xsport Zor” deb komment qoldiring.
*Shu post bilan bo‘lishing.

Hamma shartlarni bajaring. 25-iyun kuni soat 11:00 da tasodifiy raqamlar generatori random.org yordamida g‘olib aniqlanadi va 500.000 so‘mlik vaucher sohibiga aylanadi!😊🎁👕

Бу на Муҳаммад Салоҳ ва на Самарқанд. Бу — Санкт-Петербургдаги Жомеъ масжиди олдидаги мисрлик футбол ишқибозлари. Масжид Бухоро амири Абдулаҳадхон томонидан қурдирилган

JCh—2018. Koutinyo va Neymarning so‘nggi daqiqalarda kiritgan gollari Braziliyaga Kosta-Rika ustidan g‘alaba keltirdi (video) — http://dy.uz/CNg3C

https://t.me/joinchat/AAAAAEN_jPAAf5CHVr-Olg

«Кун.уз»нинг очилмай қолгани, «Хабар.уз»нинг бир очилиб, бир очилмай ишлаётганига «Ўзбектелеком»нинг алоқаси йўқ

18 июндан бери Ўзбекистондаги бир қатор етакчи интернет-нашрлар фаолиятида узилишлар кузатилмоқда. Масалан, «Qalampir.uz»га чет элда муаммосиз очиляпти, лекин Ўзбекистонда очилмаяпти. «Sof.uz» ва «Xabar.uz» бир очилиб, бир очилмаяпти. «Kun.uz» тўлиқ офлайнга кетган.

Бир вақтда бир неча ахборот сайтларининг ишламай қолишини тасодиф деб айтишга қийналасан киши. «Газета.uz»нинг ёзишича, «Хабар.уз» вакиллари масалага ойдинлик киритиш учун UZINFOCOM, «Ўзбектелеком» билан боғланган, «бироқ жавоб ололмаган» (шунинг учун сайт ҳозирча «Xabaruz.com» доменида ишлаяпти). Унчалик ҳам ёқимли вазият эмас.

Шундай нохуш хабарда номи чиқиб қолганидан, не бахтки, «Ўзбектелеком» вакиллари хавотирга тушибди. Шу сабаб «Газета.уз»га раддиясифат маълумот ҳам жўнатган: «Бу сайтларнинг очилмай қолишига «Ўзбектелеком»нинг алоқадорлиги ҳақидаги ахборот текширилмаган ва ёлғон, чунки бу сайтларга «Ўзбектелеком»нинг DNS-серверларида хизмат кўрсатилмайди».

«Газета.уз»нинг аниқлик киритишича, «Кун.уз» ҳам, «Хабар.уз» ҳам битта хостинг-майдончада жойлашган. Очиғи, ҳеч бир сайт эгаси ҳозирги вазиятда уларнинг ўрнида бўлиб қолишни истамайди. Кейин ҳам уларнинг ўрнида бўлиб қолмаслик учун бугундан ҳаракат қилиш — бугун бу сайтлар дуч келган муаммолар сабабини аниқлаб, уларга қарши туриш, қарши курашиш керак.

https://t.me/joinchat/AAAAAD63OEHkQHOlfdglMg

​​Ўзбекистон Президенти Шавкат Мирзиёевнинг Виртуал қабулхонасига келиб тушган мурожаатлар сони 2 миллиондан ошди. Юбилей!

22 июнь соат 21:00 ҳолатига кўра, жами мурожаатлар сони 2 016 189 (икки миллион ўн олти минг бир юз саксон тўққиз) та. Шундан 1 956 433 таси кўриб чиқилган.

Ҳали яна 59 756 та мурожаат кўриб чиқилиши керак.

https://t.me/joinchat/AAAAAD63OEHkQHOlfdglMg

🚇Тошкент метросидаги диктор қизнинг овози ўзгарди: «Бунёдкор»дан «Халқлар дўстлиги»га айланган станция номини энди машинистлар эълон қилмаяпти 📣

https://t.me/joinchat/AAAAAD63OEHkQHOlfdglMg

#Иқлим. Бугун Ўзбекистонда қандай об-ҳаво кутилмоқда?

https://t.me/joinchat/AAAAAD63OEHkQHOlfdglMg

​​Қашқадарёда қўлга олинган АҚШ фуқароси Зокир Алиев озод қилинди

Зокир Алиев ҳозирда қариндошлариникида бўлиб турибди.

1972 йилда Қашқадарё вилоятининг Чироқчи туманида туғилган, 2014 йилда АҚШ фуқаролигини олган ва шу кунгача мазкур мамлакатда яшаб келган Зокир Алиев қариндошларининг таклифи билан Ўзбекистонга келган эди.

У 16 июнь куни Чироқчи туманида қўлга олинганди. Давлат хавфсизлик хизмати Зокир Алиевни 2005 йилдан бери «Ўзбекистон ислом ҳаракати» фаолиятига алоқадорлиги учун қидирувда бўлгани, ҳозирда унга нисбатан эҳтиёт чорасини қўллаш масаласи кўриб чиқилаётганини билдирганди.

https://t.me/joinchat/AAAAAD63OEHkQHOlfdglMg

​​Шавкат Мирзиёев Люксембург герцогини миллий байрам билан табриклади

Ўзбекистон Президенти Шавкат Мирзиёев 23 июнь куни Люксембург Буюк Герцоги Анрини миллий байрам – Буюк герцог таваллуди куни муносабати билан табриклади.

Буюк герцог таваллуд куни ҳар йили 23 июнда Люксембургда кенг нишонланади. Ушбу кунда ҳарбий парадлар, концерт-томошалар бўлиб ўтади.

Люксембург герцоги Анрининг (суратда марказда) туғилган куни аслида 16 апрель санасига тўғри келади. Миллий байрамни нишонлаш Анрининг буваси Шарлоттанинг ҳукмронлиги даврида бошланган. 1919 йилдан 1964 йилгача ҳукмронлик қилган Буюк герцогиня Шарлоттанинг туғилган куни ҳар йили 23 январда нишонланган.

1960 йилларда қиш фасли парадлар ўтказиш учун қулай вақт бўлмаганлиги учун миллий байрам 5 ойга сурилган ва ўшандан буён айнан 23 июнь куни Буюк герцог куни нишонланади.

https://t.me/joinchat/AAAAAD63OEHkQHOlfdglMg

​​Тўппонча ўрнига электрошокер

Тошкент шаҳридаги патруль-пост хизмати (ППХ) ва йўл-патрул хизмати (ЙПХ) ходимларининг табель қуроллари электрошокерларга алмаштирилади. Бу ҳақда Тошкент шаҳар ИИББ бошлиғи ўринбосари — жамоат тартибини сақлаш хизмати бошлиғи Азизхон Умархонов маълум қилди.

Ушбу қарор статистик маълумотлардан келиб чиқиб қабул қилинган. «Сўнгги 15—20 йил ичида табель қуролидан фойдаланишга мажбур қиладиган ҳолатлар деярли бўлмаган», — деди Азизхон Умархонов.

ИИББ бошлиғининг бошқа бир ўринбосари Дониёр Тошхўжаевнинг аниқлик киритишича, тезкор ходимларда ҳар доим қурол бўлади. «Қўлга олиш бўйича ёки бошқа хавфли чақирувларга, агар зарурат бўлса, қурол билан чиқилади. Электрошокерлар фақат ППХ ва ЙПХ ходимларига берилади», — деди у.

«Деярли бўлмаган» деган хулоса чиқариш учун статистик кўрсаткичлар қандай бўлиши керак, билмадигу, лекин 2017 йилнинг ўзида ЙПХ ва ППХ ходимларининг ўқ узиши билан боғлиқ камида икки ҳодиса юз берган. Бири — Фарғона йўли кўчасида (беш нафар маст киши милиция ходимининг қуролини олиб қўйишга урингани учун ўқ узилган), иккинчиси — Дархонда.

Айниқса иккинчи воқеа бутун шаҳарда шов-шувларга сабаб бўлганди: ЙПХ ходимлари Мустақиллик кўчасида қидирувдаги Spark’ни тўхтатишга уринган, бироқ Spark’нинг ўғри ҳайдовчиси милиция ходимларига қаршилик кўрсатган, тирбандликда машиналарни уриб (суратда), воқеа жойидан қочган. Шу вақт милиционерлар унга қарата бир неча бор ўқ узган.

https://t.me/joinchat/AAAAAD63OEHkQHOlfdglMg

​​Қашқадарёлик АҚШ фуқароси Зокир Алиевга нисбатан тергов давом этмоқда

Асли Қашқадарёнинг Чироқчи туманидан бўлган АҚШ фуқароси Зокир Алиев 16 июнь — АҚШдан Чироқчига келган куниёқ қўлга олинган эди. 22 июнь куни унинг қўйиб юборилгани, айни вақтда қариндошлариникида экани ҳақида хабар чиқди.

«Газета.uz»нинг Зокир Алиевнинг оиласига яқин манбага асосланиб янада аниқлик киритишича, 16 июндан бери ҳибсда сақланган америкаликка нисбатан эҳтиёт чораси ўзгартирилган — қўйиб юборилгани билан, Қашқадарёдан кета олмайди. Тергов ҳаракатлари тўхтамаган.

Зокир Алиев Ўзбекистонга қариндошларининг таклифи билан, Ўзбекистоннинг Вашингтондаги элчихонаси томонидан берилган 90 кунлик виза асосида келган. ДХХ ахборотига кўра, у террорчилик фаолиятига дахлдорлик гумони остида 2005 йилдан бери қидирувда бўлгани учун қўлга олинган.

https://t.me/joinchat/AAAAAD63OEHkQHOlfdglMg

​​Ўзбекистон бош вазири Абдулла Арипов бугун, 23 июнь куни Самарқандга ташрифи вақтида шаҳарнинг бир муддат аввал қурилиш ишлари олиб борилган тарихий қисмларини бориб ўрганган, дея хабар бермоқда «Газета.uz».

Ҳукумат раҳбари ЮНЕСКО Бутунжаҳон мероси рўйхатига киритилган ҳудудлардаги ҳар қандай қурилиш ва ободонлаштириш ишларини Ўзбекистон қонунчилиги ва халқаро ҳужжатларга тўлиқ риоя этган ҳолда амалга ошириш ҳақида кўрсатма берган. Бундан ташқари, бош вазир Абдулла Арипов йўл қўйилган қоидабузарлик ҳолатлари бўйича энг қаттиқ чораларни кўриш ҳақида ҳам топшириқ берган.

Самарқандда нималар бўлгани ҳақида аввал ҳам ёзгандик. Бир гуруҳ фаоллар, журналистларнинг оҳ-воҳлари, айюҳаннослари билан бутун шаҳарни кўп қаватли уйларга тўлдириш ниятидаги қурилиш компаниялари тарихий объектларни бузишни тўхтатган.

Ҳукуматнинг сўнгги ҳафталарда тарихий-маданий объектлар ҳимоясига бирдан фаол киришиб қолгани бежиз эмас. Бутунжаҳон мероси бўйича қўмитанинг июнь охирида бўладиган йиллик мажлисида Шаҳрисабзни ЮНЕСКОнинг Бутунжаҳон мероси рўйхатидан чиқариб юбориш тўғрисида қарор қабул қилиниши мумкин — бунга 2014 йили Оқсаройнинг атрофини ободонлаштириш баҳона тарихий мавзелар бузиб ташланиб, паркка айлантирилгани сабаб.

Меъморий меросни муҳофаза қилиш бўйича германиялик мутахассис Йенс Йорданнинг сўзларига кўра, ЮНЕСКОнинг Бутунжаҳон мероси маркази Ўзбекистон ҳукуматидан Шаҳрисабздаги йўқотишлар ўрнини тўлдириш бўйича амалий таклифлар кутган, бироқ ҳукуматнинг 9 июндаги қарори «косметик» таклифлардан иборат холос.

Хуллас, немис мутахассисининг сўзларидан хулоса қилсак, Шаҳрисабзнинг Бутунжаҳон мероси рўйхатидан чиқиб кетиши эҳтимоли анча катта (ваҳоланки, давлатлар бу рўйхатга кириш учун ўлиб-тирилади, йўқдан нималарнидир бор қилади). Агар Шаҳрисабз чиқса, Ўзбекистондаги ЮНЕСКО Бутунжаҳон мероси объектлари сони тўрттагача камаяди. Булар — Хивадаги Ичан-қалъа, Бухоронинг тарихий маркази, Самарқанд (Регистон) ва Чотқол қўриқхонаси.

https://t.me/joinchat/AAAAAD63OEHkQHOlfdglMg

​​«Ўзбекистон ҳаво йўллари»нинг «Тошкент—Токио» рейси билан учаётган йўловчиларнинг Японияга киритилмаслиги ҳолатлари тобора кўпаймоқда. Бу ҳақда «Ўзбекистон ҳаво йўллари» хабар бермоқда. Ва бунга «Ўзбекистон ҳаво йўллари» айбдор эмас, айтишларича.

Авиакомпания матбуот хизматининг қайд этишича, Японияга киришнинг рад этилишига асосий сабаб — ташрифдан мақсаднинг тушунтириб берилмаслиги; «Ўзи, шундай, бир кўриб кетгани келувдик», деган гап энди ўтмаётган экан. Ҳисобингизда пулингиз кам бўлса, ёки Япониядаги бирор меҳмонхонадан жой тайин қилмаган бўлсангиз (яшаш жойингиз аниқ бўлмаса), ёки қайтиш чиптангиз йўқ бўлса — катта эҳтимол билан Япония эшиклари сиз учун ёпиқ.

«Бу дискриминация!», дейишингиз мумкин. «Ўзлари Ўзбекистонга визасиз, ҳеч қандай сўроқсиз кириб келаётган вақтда нега бизга нисбатан бундай қилади?», деб савол беришга ҳам ҳақлисиз. Лекин фарқи бор — Ўзбекистонга келаётган японларнинг деярли бари ўрта ёки ундан каттароқ ёшдаги сайёҳлар (ё пенсионер, ё яқинда пенсияга чиқади), Ўзбекистонда бировнинг ишини олиб қўёлмайди.

Японияга сафар қилаётган ўзбекистонликларнинг аксарияти эса — куч-қувватга тўла, қирчиллама кишилар, бирор японни ишсиз қолдириш қўлидан келади. Япония ноқонуний миграциядан хавотирда — пулсиз, яшаш жойининг тайини йўқ, боз устига, қачон қайтиб кетиши ҳам номаълум одамлар гуруҳи унинг учун ортиқча юк. Японияга Жануби-Шарқий Осиёдан оқаётган оломоннинг ўзи ҳам етиб ортади.

Бу ўринда АҚШ президенти Трампнинг Япония бош вазири Синдзо Абэга берган танбеҳини ҳам ёдга олиш ўринли. «Катта еттилик» муҳокамалари вақтида томонлар Европа ва АҚШдаги миграция муаммоларига ҳам тўхталган. Шунда жаноб Абэ бир ақллилик қилган шекилли, Трамп унга сал қаттиқроқ гапирган: «Синдзо, сизда бу муаммо йўқ, лекин сизга 25 миллион мексикаликни юборишим мумкин ва сиз тез орада ишсиз қоласиз».

Шундай экан, Кунчиқар юрт томон йўлга чиқаркансиз, Япония чегарасига етиб борганингизда япон чегарачиларига ташрифингиздан мақсадни нима деб тушунтиришни яхшилаб ўйлаб олинг. Токи уларда «бу — ноқонуний мигрант!» деган фикр пайдо бўлмасин.

https://t.me/joinchat/AAAAAD63OEHkQHOlfdglMg

Зикрчилар видеоси чиққанди. Ғижжакчи Абдуҳошим акадан ташқари бошқалар кимлиги маълум бўпти. «Ўзбекистон-ТВ»да айтишди

https://t.me/joinchat/AAAAAD63OEHkQHOlfdglMg