Uzbekistan Airways тез кунларда Грузиянинг Батуми шаҳрига тўғридан-тўғри рейс қўйилишини маълум қилди

@daryo_live

Тошкент ва Бишкек ўртасидаги автобус қатновлари 15 апрелдан бошлаб қайта йўлга қўйилди

@daryo_live

«Ўзгидромет» келаси ҳафта бошларида (18-20 апрель кунлари) салқин об-ҳаво кириб келиб, кучли ёмғир ва дўл ёғишидан огоҳлантирди

@daryo_live

Март ойида дунё бўйича озиқ-овқат нархлари 2021 йилнинг мос даврига нисбатан 34 фоизга ошган

Бу ҳақда президент раислигида бўлиб ўтаётган видеоселектор йиғилишида таъкидланди.

Шунингдек, йиғилишда дунёда содир бўлаётган воқеалар сабаб жаҳон бозоридаги озиқ-овқат маҳсулотлари нархлари ўтган асрнинг 80-йилларидагидан ҳам юқори даражаларда ўсаётгани айтилган.

Айниқса, йил бошидан жаҳон бозорларида буғдой нархи – 20 фоиз, маккажўхори – 19 фоиз, озуқа донлари – 20 фоиз ва ўсимлик ёғи – 23 фоизга кўтарилган.

@daryo_live

2022 йилда ёғингарчилик ҳисобига, водий, Тошкент вилояти ва Самарқандда сув захираси 20 фоизга кўпайган

Шундай бўлса-да, Қорақалпоғистон, Бухоро, Қашқадарё, Сурхондарё, Хоразмда сув таъминоти бўйича қийинчиликлар бўлади.

Шунингдек, жаҳон бозорида минерал ўғитлар ва ёқилғи нархлари 2 бараварга ошгани, албатта, кластер, фермер ва деҳқонларнинг етиштираётган маҳсулотларининг таннархига ҳамда молиявий аҳволига таъсир қилади.

@daryo_live

2022 йилда 7,7 млн тонна буғдой ҳамда 23 млн тонна мева-сабзавот етиштириб, 1,5 млрд доллар экспортни таъминлаш зарур

Шунингдек, озиқ-овқат маҳсулотларини кўпайтириш учун янги қўшилаётган 300 минг гектардан зиёд ер майдонларидан самарали фойдаланиш зарур.

«Ҳозирги кунда 80 минг гектар пахта ва ғалла майдонлари қисқартирилиб, 254 минг нафар аҳолига очиқ танлов асосида берилди. Бу – озиқ овқат етиштириш учун ҳар бир туманда қўшимча 500 гектар экин майдони, дегани. Бу ислоҳотни ўз вақтида ва тўғри бошлаганимизни ҳаётнинг ўзи кўрсатмоқда. Шунинг учун бу ерлар фақат ва фақат озиқ-овқат маҳсулотлари етиштириш учун база бўлиши шарт», — деди президент.

@daryo_live

Мутасаддиларга икки ҳафта муддатда:

➖ ҳосилдор уруғ навларини жойларга етказиб, дала ярмаркаларини ўтказиш;

➖ ер майдонларида «бир контур – бир маҳсулот» тамойили асосида экинлар экишни ташкил қилиш;

➖ маҳсулотни кафолатли харид қилиш бўйича шартномалар тузиш ишларини жадал ташкил қилиш топширилди.

@daryo_live

«Вақт жуда кам қолди, деҳқончиликда баҳорнинг ҳар бир куни, ҳар бир соати муҳим» — Шавкат Мирзиёев

Президент, шунингдек, деҳқон ва фермерларимизни энг кўп қийнайдиган масалаларни санаб ўтди:

➖ ҳосилдор ва ишончли уруғ ва кўчат навларининг камлиги,

➖ пешона тери эвазига етиштирилган маҳсулот кафолатли харид қилинмаслиги.

@daryo_live

Йиғилишда янги сув омборлари атрофидаги 100 минг гектардан ортиқ ерларга тадбиркорларни жалб этиб, инфратузилма яратишга ёрдам бериб, мос келадиган экинлар экишни ташкил қилиш кераклиги кўрсатиб ўтилди.

Вилоят ҳокимларига бир ой муддатда:

➖ ўз ҳудудидаги сув омборлари атрофидаги янги ерларнинг харитасини тузиш;

➖ ерларни контурларга ажратиб, уларга ирригация тармоғини лойиҳалаш;

➖ ушбу майдонларда озиқ-овқат ва озуқа экинларини экишга тайёр инвесторларни жалб қилиш бўйича лойиҳа тўпламларини тайёрлаш топширилди.

@daryo_live

Қишлоқ хўжалиги вазирлигига ҳокимликлар билан бирга бир ҳафта муддатда 135 минг гектар оборотдан чиққан ерларни ўзлаштириш ва уларда озиқ-овқат маҳсулотларини жойлаштириш ишларини бошлаш вазифаси қўйилди.

Ушбу тадбирларни амалга ошириш учун республика бюджетидан 170 млрд сўм ажратилади.

Президент Фарғона, Наманган, Андижон ва Самарқанддан 600 нафар тажрибали томорқа эгалари Қорақалпоғистон, Бухоро, Қашқадарё, Навоий, Сирдарё, Хоразм ва Тошкент вилоятига бориб, 1,5 мингта маҳаллада аҳоли томорқаларида экинларни тўғри экишни ўргатаётганини мисол қилиб келтирди.

Бу тажрибани 2,5 мингта маҳаллада жорий этиши вазифаси қўйилди.

@daryo_live

Аҳоли томорқаларида энг катта муаммо – сув таъминоти бўлаётгани қайд этилди. Шу муносабат билан мутасаддиларга:

➖ экин турлари жойлашувидан келиб чиқиб, аҳоли томорқаларини суғориш учун 4 млрд куб метр сувни тақсимлаш;

➖ ҳар бир маҳалла кесимида ариқ очиш, тозалаш, тармоқларни тиклаш бўйича графикни тасдиқлаб, ишларни бошлаш топширилди.

Бу ишлар учун республика бюджетидан 50 млрд сўм, маҳаллий бюджетлардан яна 50 млрд сўм йўналтирилади.

Шу билан бирга, Қўшработ, Нуробод, Конимех, Пешку, Чироқчи, Жарқўрғон, Бойсун, Оҳангарон, Ғаллаорол, Фарғона каби туманларида сув таъминоти оғир маҳаллаларда қудуқ қазиш ва насос ўрнатиш харажатларининг бир қисмини қоплашга бюджетдан 50 млрд сўм ажратилади.

@daryo_live

Президент сув танқислигининг оқибатларини юмшатиш бўйича бир ҳафта муддатда алоҳида дастур қабул қилинишини маълум қилди

Сув хўжалиги вазирлигига вилоят ҳокимлари билан бирга 1 октябрга қадар:

➖ 4,5 минг километр суғориш тармоқларини тозалаш ва 231 километрини бетонлаш;

➖ 3 мингта гидротехник иншоотни таъмирлаш;

➖ 3,5 мингта насос ўрнатиш, 490 километр насос қувурларини таъмирлаш ва 281 та қудуқ қазишни таъминлаш топширилди.

Ушбу мақсадлар учун 300 млрд сўм маблағ босқичма-босқич ажратилади.

@daryo_live

Маҳсулот етиштиришни молиялаштириш бўйича қўшимча янги тизим жорий этилади

Бунда маблағлар Қишлоқ хўжалиги жамғармасидан йиллик 10 фоиз ставкада Боғдорчилик агентлигига бир йилга берилади.

«2021 йилнинг декабрь ойида 2022 йил учун тижорат банкларига 2 трлн сўм имтиёзли кредит ресурслари берилган эди. Бироқ, бугунги кунга қадар тижорат банкларига киритилган 790 млрд сўмлик талабномадан атиги 53 фоизи, айрим ҳудудларда эса 25-30 фоизи молиялаштирилган холос», — деди Шавкат Мирзиёев.

@daryo_live

Шоир Нодир Жонузоқ Президент маслаҳатчисининг ўринбосари этиб тайинланди

Дилшод Кенжаев бошқа ишга ўтиши ўтиши муносабати билан Президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимидан озод этилди.

Унинг ўрнига Ўзбекистон Ёзувчилар уюшмаси раисининг биринчи ўринбосари лавозимида фаолият юритган Нодиржон Холбўтаев (Жонузоқ) тайинланди.

@daryo_live

Президент сув танқислигининг оқибатларини юмшатиш бўйича бир ҳафта муддатда алоҳида дастур қабул қилинишини маълум қилди

Сув хўжалиги вазирлигига вилоят ҳокимлари билан бирга 1 октябрга қадар:

➖ 4,5 минг километр суғориш тармоқларини тозалаш ва 231 километрини бетонлаш;

➖ 3 мингта гидротехник иншоотни таъмирлаш;

➖ 3,5 мингта насос ўрнатиш, 490 километр насос қувурларини таъмирлаш ва 281 та қудуқ қазишни таъминлаш топширилди.

Ушбу мақсадлар учун 300 млрд сўм маблағ босқичма-босқич ажратилади.

@daryo_live

Марказий банк хорижий валюталарнинг ўзбек сўмига нисбатан 18 апрелда амалда бўладиган қийматини белгилади

🇺🇸 доллар 11 299,42 сўм (-20,58)
🇪🇺 евро 12 219,19 сўм (-135,46)
🇷🇺 рубль 140,41 сўм (+3,14)

@daryo_live

Вилоятларда кичик ва ўрта бизнес лойиҳаларини молиялаштириш учун тижорат банкларига 300 млн доллар ресурс берилади

Ушбу маблағлар энг яхши шартларда тадбиркорлик лойиҳаларини молиялаштириш таклифи билан чиққан давлат ва хусусий банкларга 7 йил муддатга 10 фоиз ставкада сўмда жойлаштирилади.

Кейинчалик ушбу кредитлар тадбиркорларнинг тажрибаси, уларнинг олдинги натижаларига қараб 5 млрд сўмгача, кредит ставкасини 14 фоиздан оширмаган ҳолда берилади.

@daryo_live

Булунғурда газ баллони чақнаб, уч кишининг куйишига сабаб бўлган ҳолат юзасидан жиноят иши қўзғатилди

Самарқанд вилоят ИИБ ахборот хизмати Булунғур туман ИИБ хузуридаги Тергов бўлими томонидан дастлабки тергов харакатлари олиб борилаётганини маълум қилди.

@daryo_live

Экспортчи корхоналарга ҚҚСни қайтариш бўйича соддалаштирилган механизм жорий этилади

Шунингдек, 80 фоиз маблағ қўшимча текширувларсиз 7 кун ичида қайтариб берилади

Бундан ташқари, экспорчиларнинг масалаларини доимий ўрганиб, уларни тезкорлик билан ҳал қилиш бўйича узлуксиз ва доимий ишловчи штаб тузилади, «1094» рақамли колл-марказ ташкил этилади.

@daryo_live

⚡️2022 йил 1 июндан тадбиркорлар учун солиқ маъмурчилиги ва текширишлар тизими соддалаштирилади

Мол-мулк солиғини ҳисоблаш тизими бозор тамойилларига ўтказилганини инобатга олиб, қўшимча юқори солиқ ставкаларини қўллаш тартиби бекор қилинади.

Шунингдек, айланмаси 1 млрд сўмдан ошган тадбиркорларга ҚҚС тўловчиси гувоҳномаси дастлабки ўрганишсиз, автоматик тарзда берилади.

Тадбиркорлик фаолиятига асоссиз аралашувларни олдини олиш учун, энди 22 та турдаги текширув фақат Бизнес-омбудсман рухсати билан амалга оширилади (ҳозирги кунда 159 турдаги текширувдан 119 тасига рухсат олинади).

Бундан ташқари, юқори хавф даражаси мавжуд бўлган тадбиркорларга ҚҚС тўловчиси гувоҳномасини тўхтатиб қўйишдан олдин хабардор этиш тартиби жорий этилади.

@daryo_live

Молия вазирлиги ва ДСҚга ҳар ҳафта тадбиркорлар билан учрашиш ва ижтимоий тармоқлар орқали тушган саволлар ва тизимли масалаларни муҳокама қилиш, уларнинг ечими бўйича таклифлар киритиб бориш топширилди

Рухсатнома бериш талабларини соддалаштириш ҳам тизимли равишда давом эттирилиши таъкидланди.

Бугунги кунда 200 дан ортиқ санитария талаблари мавжуд бўлиб, уларнинг 20 тасига амал қилишнинг умуман имкони йўқ. Шу муносабат билан:

➖ овқатланиш корхоналари учун санитария талабларини қайта кўриб чиқиб, эскирган талабларни бекор қилиш;

➖ етказиб бериш хизматлари билан шуғулланадиган корхоналарга санитария талабларини соддалаштириш вазифаси қўйилди.

@daryo_live