ЭРИНМАСДАН УКИШНИ ТАВСИЯ КИЛАМИЗ !
#Ҳикмат_вақти

🔶 - Ота-она учун фарзанд ким?
- Бел қуввати, қалб ҳарорати, кўз нури, авлод ҳамда орзу-умидлари давомчиси. Умрларига умр “қўшувчи” ёхуд уни “камайтирувчи” онгли мавжудот. Сири ва сирдоши...

🔶 - Фарзанд учун Ота ким?
- Қиблагоҳ, дуогўй, ибрат намунаси, ҳаётнинг бахтли дамлари, синов ва ташвишларида мададкор, тўғри ва самимий маслаҳатгўй ва ҳар дам, ҳар дақиқа ғанимат бўлган табаррук зот...

🔶 - Фарзанд учун Она ким?
- Меҳр ва эҳтиром белгиси, ғамхўрлик ва сабр тилсими, садоқат ва вафо тимсоли, меҳрибонлик ва оқибатлилик аломати, мустаҳкам қўрғон ва ишончли ҳимоя нишонаси, борлиғи борлигининг сабабчиси. Ва, албатта, ҳар дам, ҳар дақиқа ғанимат бўлган мўътабар зот...

🔶 - Эр-хотин ким?
- Турлича муҳитда тарбия олган, асосан, етти ёт бегона, тақдири илоҳий сабаб турмуш қурган, фарзанд туфайли қариндошлик риштаси боғланган, бир-бирига меҳр-муҳаббат, бахт-саодат тиловчи ҳазрати инсонлар тоифаси. Агар эр-хотиннинг ҳаётга бўлган қарашлари яқин бўлса, маслакдош, самимий дўст ҳамдир. Бу нур устига аъло нур. Бордию дунёга қарашу қизиқишлари, орзу-мақсадлари турлича бўлса, азбаройи зурриётлар тарбияси ҳаққи ҳурмати улар бўр-йўғи умр йўлдош ҳисобланадилар...

🔶 - Опа ким?
- Сингил ва ука учун меҳр ва садоқат намунаси, иффат ва ҳаё соҳибаси, эҳтиросларининг жиловдори, хушҳулқлик ва меҳнатсеварлик ибрати, масъуллик белгиси ҳамда ота-онасининг ишончли суянчиғидир...

🔶 - Сингил ким?
- Опа ва акасига беминнат ва холис ёрдамчи, сирларининг ишончли қўриқчиси, қалбан меҳрибон, шодлигу бахт, орзу ва армонларининг доимий ҳамроҳи, ҳар қандай ҳолатда ҳам уларга бахт тиловчи ҳам қариндош, ҳам юрагига яқин инсонлардан бири...

🔶 - Ака ким?
- Биродари ва синглисининг ишонган тоғи, қалб қўри, ибрат ва жасурлик тимсоли. Ўзгага меҳр-мурувват кўрсатишнинг намунаси, ука ва сингилнинг сирдоши ва маслаҳатчиси, дарду ғам, қувончу ҳавас, шўхлигу ўйинқароқликдаги ажралмас ҳамроҳи ҳамдир.

🔶 - Ука ким?
- Ака ва опа сирларининг мустаҳкам пасбони, фикрларининг содиқ ҳаммаслиги, орзу-умидларининг толмас давомчиси, ҳар қандай вазиятдан қатъи назар, ака ва опасига далда бўлувчи ишончли дўст, сулола давомчиси, итоаткор инидир...

🔶 - Опа-сингил, ака-укалар бир-бирларига кимлар?
- Авваламбор, тақдири илоҳий сабаб қондош, қориндош, муайян бир сулоланинг давомчилари ҳисобланади. Бир-бирларига чексиз меҳр қўйган, айбу камчиликларини беркитган, сирларининг сирдоши, ғамларининг ғамдоши, қувончу шодлигининг биринчи огоҳдоши. Улар бир-бирларини таъмасиз яхши кўрадиган, бир-бирларининг ғурур-ифтихори, шунингдек, ўзлари мансуб бўлган сулола маънавий оламини бойитувчиси, гўзал одоб-ахлоқнинг собит тарғиботчиси ҳамдир.

🌼🌼🌼 Умуман, улар борки, ота-она кўнгиллари юксалган, диллари хотиржам, орзу-ниятлари улашган. Улар борки, ҳаёт дарахти тириклик булоғидан қониб сув ичади. Улар борки, умрлар янгиланаверади, саволлар туғилаверади, жавоблар топилаверади. Умуман, уларнинг иноқлигию меҳр-оқибатидан бутун башар чароғон, осмон мусаффо, замин яшарган, одамзод ҳаёти мазмундорлик касб этган.

👉Дўстларингизга ҳам улашинг:
https://t.me/darveshbobo

#ҳикмат

Бир ҳаким зот айтди: «Пойабзалсиз юрганимга йиғлаб юрган эдим, икки оёғи йўқ кишини кўриб, йиғидан тўхтадим». Ҳар доим: «Ҳар қандай ҳолатда ҳам Аллоҳга
шукр», дегин».

Дўстларга ҳам улашинг ↘️
https://t.me/darveshbobo

#Ҳикмат

Ибн Баттол раҳимаҳуллоҳ деди:
“Кимнинг гуноҳлари кўп бўлса ва уларни машаққат чекмасдан Аллоҳ таоло ундан ўчириб юборишини истаса, намоздан сўнг малоикаларнинг дуоси ва унинг ҳаққига истиғфор сўрашларинни кўпайтириш учун (туриб кетмасдан) жойнамозини лозим тутсин, кўпроқ ўтирсин”.

“Саҳиҳул Бухорий”га шарҳидан.
https://t.me/darveshbobo

#ҳикмат

Яҳё ибн Муъоз роҳимаҳуллоҳ айтдилар:
Дунё - шайтоннинг хамри, маст қилувчи шаробидир. Кимки ундан ичар бўлса, кейинчалик ўлим аскарлари ўртасида уйғонади.

Дўстларга ҳам улашинг ↘️
https://t.me/darveshbobo

#ҳикмат

Энг кўп бахт-саодатга эришиш имкони бор махлуқ - инсондир. Фақат шарти шуки, у ўзини бошқалар билан солиштиришни бас қилиши керак.
Чунки бу шундай иллатки,бир неча гунохларга эшик очгувчи калб иллатидир.
Азизлар огох булайлик бу хасаддир.
Дўстларга ҳам улашинг ↘️

https://t.me/darveshbobo

#Ҳикмат

Сўз калитга ўхшайди. Тўғри танлаган сўз билан кимнидир қалби қулфини очишинг мумкин, кимнидир эса оғзини ёпишинг...

Дўстларга ҳам улашинг ↘️
https://t.me/darveshbobo

#Ҳикмат

«Олимлар эҳтиромга лойиқ буюк инсонлардир.
Илм билан мустаҳкамланмаган ҳар қандай улуғликнинг оқибати хорликдир».

Аҳнаф ибн Қайс розияллоҳу анҳу
https://t.me/darveshbobo

#ҳикмат

Ким ёш йигитлик пайтида ибодатларни гўзал суратда адо қилса, у киши кекса ёшли мўйсафид бўлганида Аллоҳ унга ҳикмат ато қилади.

Ҳасан Басрий

Дўстларга ҳам улашинг ↘️
https://t.me/darveshbobo

#Ҳикмат

Уч нарса уйда бўлса у ердан барака кўтарилади:
Исроф, зино ва хиёнат.

Яҳё ибн Абу Касир раҳимаҳуллоҳ. “Ҳилятул авлиё”дан.
https://t.me/darveshbobo

#Ҳикмат

Кўрларнинг бозорида ойна сотма,
Карларнинг орасида ғазал айтма.

Мавлоно Жалолиддин Румий

👉 Дўстларингизга ҳам улашинг:
https://t.me/darveshbobo

#ҳикмат

Суянишни хоҳлаган кимса Аллоҳ таолога суянсин, акс ҳолда ҳалок бўлади.

Абулқосим аз-Замахшарий

Дўстларга ҳам улашинг ↘️
https://t.me/ZamaxshariyUz_official |
https://taplink.cc/zamaxshariy.uz

#ҳикмат

Аллоҳ таоло мўминнинг ўзигагина ваъда қилган ҳикмат!

Аллоҳ таоло шундай марҳамат қилади:
"Кимга ҳикмат берилса, дарҳақиқат, кўп яхшилик берилибди" (Бақара сураси 269-оят).

Кимки, Аллоҳ таоло билан алоқа боғласа, У зот унга ҳикматни берибди. Чунки, ҳар қачон инсон Аллоҳ таоло билан алоқасини боғлаб борса, унга ҳикмат берганини ҳис қилади.
Ҳикмат берилса, қайтиб олинмайди!
Гоҳида, зукко киши бўлиб ҳам аҳмоқлик кетидан аҳмоқлик қилишингиз мумкин. Билингки, шу вақт сиздан ҳикмат тўсилган бўлади. Мўмин киши Аллоҳ таоло билан алоқасини боғлар экан, У зот унинг қалбига нур киргизади. У нур билан ҳақни ҳақ деб, ботилни ботил деб билади. У билан яхшини яхши, ёмонни ёмон деб билади".

© Муҳаммад Ротиб Набулсий
https://t.me/darveshbobo

Фарзанд тарбиялашда, қулоқ чўзиш, жазолаш, дакки бериш усулларига эътибор қаратгандан кўра, ўз амалларимиз билан ўрнак бўлишга ҳаракат қилишимиз, ҳар доим яхшироқ натижа бериб келган.

#Ҳикмат.

Ҳасан Басрий роҳимаҳуллоҳ айтадилар:

«Одамларга сўзинг билан эмас, амалинг билан насиҳат қил!».

(Имом Аҳмад, "Зуҳд")

Кўп ўринларда амал билан даъват қилиш сўз билан даъват қилишдан кўра таъсирлироқ бўлади. Бунинг номини ибрат ёки намуна дейдилар.

Аллоҳ бизларни авф этсин !👇
ㅤㅤㅤㅤ
••┄┄┄❅┄┄┄•••
https://t.me/darveshbobo