انت جاي من بره من بدري... حطيتلك الأكل و مأكلتش و نمت... دلوقتي صحيت و نازل تاني !!
رد عليا وهو بيرش البرفان
" اه نازل... ايه المشكلة ؟
' مفيش مشكلة بس يعني انت مفطرتش و الغدا متغدتش... ليه كده ؟
" اكلت في الشركة... حاجة تاني ؟
' طب انت نازل رايح فين دلوقتي ؟
ساب ازازة البرفان و بصلي بغضب
" هتستفيدي ايه لما تعرفي ؟
' يعني انا مراتك و من حقي اعر....
اتعصب اكتر و زعق فيا
" اوعي تنسي انك مراتي على الورق بس... و فوقي لنفسك و متسرحيش بكلامك و انتي بتقوليلي انك مراتي... و مش من حقك تعرفي انا رايح و لا جاي امتى و لا هقابل مين حتى... انتي ملكيش دعوة بحياتي و خليكي في حالك زي ما انا في حالي !!
زعلت جدا من كلامه و حاولت احبس دموعي قدامه... اما هو رجع يبص في المراية و بيبلس الجاكت بتاعه... اتشجعت و قولت هرد عليه نفس الرد
' طب لو انا لبست دلوقتي و خرجت من غير ما اقولك انا رايحة فين و هاجي امتى و هقابل مين... هترضى بكده ؟
ضر*ب ايده على المراية بقوة... لدرجة ان المراية اتكسر*ت و وقع الازاز كله على الأرض !!
" انا الراجل هنااااا... اخرج وقت ما انا عايز و اجي في الوقت اللي انا عايزه حتى لو على الفجر !! اما انتي يا رنا لازم اعرف و تقوليلي كل خطوة بتخطيها !!
' ليه ان شاء الله ؟ مش بتقولي خليكي في حالك... انت برضو خليك في حالك... و زي ما انت بتخرج كتير انا كمان هخرج براحتي !!
مسك ايدي بعصبية و قال
" رنا... انا مش عايز اغلط معاكي ولا اوريكي وشي التاني اللي عمرك ما شوفتيه... اتكلمي عدل معايا و بطريقة احسن من كده... و مش هقعد اوضحلك و اشرحلك الفرق بين الراجل و الست لاني مصدع و على آخري... ف بلاش عناد على كل حاجة بعملها... و مش معني إني بقولك خليكي في حالك ييقى تعملي اللي نفسك فيه... تمام ؟؟؟
كان ماسك ايدي جامد... حاسة انه عايز يكسر*ها... دموعي نزلت قدامه و بصيت للارض و قولت بالعافية
' تمام يا آسر
بَعَد عني و اخد مفاتيح العربية و شطنته و خرج
" بقولك يا نسمة
* نعم يا استاذ آسر ؟
" انا اتعصبت على رنا شوية و عملت حاجة مش لطيفة معاها... لو سمحتي روحي اقعدي معاها و لمِي الازاز اللي في الأوضة
* حاضر يا استاذ آسر
خرج آسر من البيت و ركب عربيته و مشي
كنت واقفة في نص الأوضة... مش مصدقة ولا قادرة استوعب اللي حصل ده... انا كل مرة بكتشف حاجة في آسر... كل مرة بيوضحلي اد ايه هو قا*سي و انا*ني و مبيحبش غير نفسه... ازاي هكمل معاه بقية عمري و انا مش قادرة استحمله حتى شهرين على بعض !
جات نسمة خبطت على الباب و دخلت... نسمة تبقى البنت اللي بتشتغل شُغل البيت عندي... لما اتجوزت آسر قولتله انا هتولى كل شغل البيت لوحدي بس هو موافقش... أصل بيثق فيها اكتر مني اساسا... ايوة هي بنت كويسة و اصلا تعتبر صحبتي من اول ما جيت عيشت هنا... بس في نفس الوقت مش بحب حد يعمل حاجة بدلا مني و آسر بكل حاجته مسؤوليتي انا... ربتت على كتفي بحنية و قالت
* تعالي نعمل فشار و نتفرج على فيلم ؟
مسحت دموعي و قولت
' لا مش عايزة... انا هنام
جيت اخرج راحت مسكت ايدي و قعدتني على السرير و قالت
* والله استاذ آسر واحد كويس بس عصبي سيكا... و طبيعي يحصل مشاكل ما بينكم انتوا لسه في اول الجواز... اي اتنين لسه متجوزين بيحصل ما بينهم كده... يعني بقولك متشيليش هَم ابدا...( غمزلتي ) انا متأكدة انك هتوقعيه في حبك... بس انتي محتاجة وقت مش اكتر... يعني مفيش حاجة بتيجي بسرعة... لازم شوية صبر صغننين و كل حاجة هتبقى كويسة
ضحكت من طريقتها و قولت
' خلاص خلاص مش زعلانة... بس هطلب منك طلب...ممكن ؟
* اه طبعا اتفضلي
'..............
وقفت فضلت تفكر و بعد كده قالت
* تمام موافقة !!
فرحت جدا انها وافقت... قومت و حضنتها
' بجد اشكرك اوي
في الجانب الآخر..........
آسر كان في الجيم... بيرفع اثقال و بيتدرب تدريبه الاسبوعي
كان بيرفع الحديد و متعصب اوي... جزء منه متعصب لانه متجوز وحدة مش عايزها...و الجزء التاني متعصب بسبب اللي عمله مع رنا و ضميره بيأنبه على كده
ساب الحديد و قام... كان وشه مليان عرق من التدريب... طلع فوطة من شنطته و مسح بيها وشه و طلع ازازة مية يشرب
* بصي الشاب اللي هناك ده ؟
- اه... ده جامد اوي
* ده واقف وحدة... انا هروح اكلمه
صحبتها مسكت ايدها و قالت
- استني يا مجنونة... هتروحي تكلميه ازاي ؟
* يعني... ادلع شوية قدامه اعجبه و ياخد رقمي و نتكلم فيما بعد
- والله ؟ انتي مش شايفة شكله و ملامحه الحادة دي بتقول انه مش من العيال التوتو بتوع الزمالك... و مش هيجي بالطريقة السهلة دي
* تصدقي عندك حق... بس الشاب جامد و قمور اوي و هو ده نوعي المفضل بالضبط... مستحيل اسيبه يعدي قدامي عادي كده... لا انا هروحله
سابت ايد صحبتها و راحتله
- لا بجد دي اتجننت رسمي !
آسر كان قاعد ماسك تليفونه و حاطط الهاند فري بيسمع اغاني... جات بنت لابسة لبس ضيق اوي... عملت نفسها كيوت و قالت بدلع

* لو سمحت... انا فوني ضايع هنا في الجيم و بدور عليه و مش لاقياه و صحبتي مش معاها رصيد تتصل عليه... ممكن فونك اتصل عليه بس ؟
" و الجيم كله بالناس اللي فيه دي كلها مش معاهم رصيد برضو ؟
* سألت كذا واحد قالي مش معاه
بصلها آسر ببرود و سمحلها انها تاخد تليفونه تتصل عليه... و اتصلت على تليفونها... سمعت رنته و قالت
* اهو بيرن هناك... بجد Thank you very much... انت طيوب اوي على فكرة
" العفو
* أنت اسمك ايه ؟
حط آسر الهاند فري على ودانه تاني و اداها ضهرها و مردش و اتجاهلها
مشيت و قالت بخبث
* يلا مش مهم... كده كده رقمك وصل عندي !!
- عملتي ايه ؟
* اتكلمت معاه و اخدت رقمه كمان
- يا مجنونة... ازاي عملتي كده من اول مرة ؟
* ليا طُرقي الخاصة
- طب وريني رقمه عشان اصدق بجد
طلعت البنت تليفونها و راحت على المكالمات و سجلت رقمه
- اديله رنه كده
* عنيا
رنت عليه البنت بس التليفون بيديها مشغول في الحال مع انها شيفاه مش ماسكه اصلا... اتعصبت و رمت التليفون على الارض
- ايه مالك فيه ايه ؟
* عملي بلوك !!!
صحبتها فضلت تضحك عليها... اما آسر غَيَر لبس الجيم و مشي راح عند صديقه و هم الاتنين طلعوا على المطعم ياكلوا سوا
الساعة 2 بالليل.........
* الرقم الذي تطلبه غير متاح حاليا الرجاء الاتصال في وقتٍ لاحق *
رميت التليفون على السرير و قولت
' اووووف... طب ده قافل تليفونه ليه... الساعة جات 2 الليل و الاستاذ لسه مجاش !!
قعدت على السرير و قولت بزعل
' كذا مرة يكرر الحوار ده... و يجي بعد الفجر ينام و يصحى الضهر يروح شركته و يرجع يا ينام او يخرج زي كده هو ده يومه... المهم يعمل اي حاجة عشان ميقعدش ساعتين على بعض معايا... مهما اشتكيتله و قولتله اني بضايق من كده لكن لاااا ازاي يسمع كلامي !!
' الوقت اتأخر جامد... انا جهزتله العشا... و جهزت كمان على اللاب توب فيلم تركي اكشن من اللي بيحبه... قولت حتى احاول اصاحبه بس مش اكتر... لكن هو مجاش !!
حطيت ايدي على وشي و قولت
' ليكون متجوز عليا و كل الوقت ده معاها هي... بس ليه يتجوز... انا مبعدتهوش عني هو اللي بيبعد مش انا !!
قومت بصيت على نفسي في المراية... شوفت شلال الدموع اللي بينزل من عيوني
' طب هل انا فيا حاجة غلط عشان كده مش بيحبني ؟ انا عملت ايه لدرجة انه مش طايق يقعد في بيته بسبب اني موجودة فيه !!
' الساعة جات 3 الفجر... شكله مش جاي و هيبات بره زي ما عمل كده كذا مرة... مهما قولت برضو مفيش فايدة !!
دخلت الحمام و غسلت وشي و لسبت بيجامة النوم و رجعت للاوضة
كنت بطلع البطانية و بفردها على السرير... سمعت صوت باب الشقة اتفتح و اتقفل تاني... ف عرفت انه جه
دخل الأوضة حتى مبصليش ولا اتكلم ولا برر ليه اتأخر كده... رمي مفاتيحه على الترابيزة و انا عملت نفسي بساوي السرير
" بصي لوراء عشان هغير هدومي
' ليه خايف اتحر*ش بيك ولا ايه ؟ هو انت مفكر إني همو*ت عليك لسمح الله ؟
" يووووه... بقولك ايه... تعرفي تختصريني خااالص و متحتكيش بيا نهائي ؟
' كل ده و مش مختصراك ؟
" ايوة... بتدخلي في اللي ملكيش فيه... كلمتك زي البني آدمين و قولتلك يا تبصي لوراء او تخرجي... اما انتي عايزة تتخانقي معايا على اخر الليل من غير سبب و انا مش فايق ليكي و عايز اتخمد
قربت منه و قولت
' كنت فين يا آسر كل ده ؟
" و انتي مالك !!
هزيت رأسي ب تمام و قولت
' انا هقول ل ابوك على كل اللي بتعمله معايا ده... هقوله انه ابنه 20 ساعة بيقعد بره و ال 4 ساعات الباقي بيجي ينامهم و معرفش بيروح فين ولا بيقابل مين حتى
رد بمنتهى البرود
" قوليله... وهو هيعرف السبب من نفسه
' آسر... هو انت متجوز عليا ؟
ضحك بسخرية و قال
" والله يا رنا... انا طايقك بالعافية اساسا... و كر*هت فكرة الجواز من اول ما اتجوزتك... ف بصراحة استني اطيقك انتي الأول و بعد كده ابقى اطيق التانية
' آسر انا مش عارفة ليه بتعاملني كده و......
" بعاملك كده من اسلوبك ده... اتكلمي معايا عِدل زي ما بكلمك بالذوق و الأدب و مش هتلاقيني برد عليكي كده... و بطلي جو المخبرة اللي بتعمليه معايا و عايزة تعرفي كل خطواتي... انتي في اي فرصة عايزة تتخانقي معايا بدون سبب و هو ده اللي بيخليني اقعد بره لحد دلوقتي !!
' بترمي عليا الذنب انا دلوقتي ؟
" مش هرد عليكي عشان مش هفتحلك مجال للخناق تاني... انا بالي طويل معاكي و مستحملك اهو... اظن انك لو متجوزة حد تاني كان زمانه طلقك و ارتاح !!
كلامه نزل عليا زي السك*ينة غرزت في قلبي... اديته ضهري و نمت على السرير غطيت نفسي و فضلت اعيط تحت البطانية... و هو غَيَر هدومه و نام على الكنبة عادي جدا...

على 5 الصبح كده صحيت عشان اشرب... و لما رجعت الأوضة لقيت آسر جسمه بيرتعش و بيتمتم بكلامات مش مفهومة... قربت منه... حطيت ايدي على جبينه لقيت حرارته عالية اوي... قومته و سندته عليا و نيمته على السرير وهو تقريبا مش واعي و جريت جبت دواء خافض للحرارة ادتهوله و كمان عملتله كمادات... قعدت ساعة جمبه و لما حرارته نزلت شوية ارتحت و اخدتني نومة
على الساعة 10 الصبح آسر صحي لقي نفسه على السرير... استغرب اوي لانه فاكر كويس انه نام على الكنبة... لقي قماشة فوق راسه... و استغرب اكتر لما لقي رنا نايمة جمبه و ساندة راسها على كتفه و ماسكة ايده...
" هو حصل ايه امبارح ؟
مرضيش يقوم ولا يتحرك عشان رنا متصحاش و فضل جمبها... اول مرة تبقى قريبة منه بالشكل ده... فضل يتأملها و يبص عليها و جواه أسئلة كتير :
" معقولة بعد اللي قولته ليها امبارح و بعد كل اللي حصل ده ساعدتني و فضلت جمبي لما تعبت ؟
" طب ليه عملت كده... يعني اكيد هي زعلت بعد اللي قولتله ده... ساعدتني بعدها عادي كده ؟
" شوية سخونة نزلت عليا في الليل و قامت ساعدتني بدون ما تفكر هل انا استاهل المساعدة دي ولا لا ...
" انا طلعت وحش اوي... وحش لدرجة إني ضايقت وحدة قلبها ابيض زيها ...
قام آسر بالراحة و غطاها كويس و سابها تكمل نومها... دخل اخد دُش 🚿... و لما خرج لقي رنا صحيت
بمجرد ما شوفته قدامي جريت عليه... و بقيت بحط ايدي على جبينه و خده
' الحمد لله... حرارتك نزلت و بقت طبيعية
بَص آسر بإستغراب على ايدي اللي على خده... سحبتها و بعدت عنه
' انا آسفة... بس كنت بشوف بقيت كويس ولا لا... اصل على الليل كده حرارتك ارتفعت جدا
" لما صحيت لقيتك نايمة جمبي و كمان كنتي ماسكة ايدي
وشي اتقلب كله احمر و بصيت للارض
' مأخدتش بالي صدقني... محستش بنفسي خالص و نمت... انا آسفة
" تمام ولا يهمك
فتح الدولاب و طلع هدومه عشان يروح الشركة... كنت هخرج عشان يغير و بالمرة اغسل وشي... لكن وقفني لما مسك ايدي و قال
" استني يا رنا
' نعم ؟
" انا هلبس عشان رايح الشركة
' تمام
" و بعد ما اخلص شغلي هاجي البيت و بعدها هخرج تاني
' تمام
" معندكيش فضول تعرفي انا رايح فين بعد ما اخلص شغلي ؟
' لا... اخرج براحتك
سيبته و دخلت الحمام... آسر وقف مكانه مستغرب من اجابتها... لبس هدومه عشان ميتأخرش
" هي فين نسمة مجتش ليه النهاردة ؟
' امها تعبانة شوية و راحت عندها و استأذنت مني
" اه تمام
اخد حاجته و مشي... حتى مقالش افطر ولا لا... بس انا عملت حسابي و حطيتله لانش بوكس في شنطته... فيه كل انواع السندويتشات اللي بيحبها... بس يارب ياكلهم بس
كنت قاعدة بتفرج على مسلسلي المفضل بعد ما خلصت شغل البيت كله لوحدي... كنت مندمجة مع المسلسل اوي و بشرب سحلب... فجأة شوفت التليفون بيرن... كان رقم مش متسجل عندي... مردتش بس فضل يرن كتير... رديت عليه
' الو ؟
* يا مدام رنا... تعالي الشركة بسرعة... آسر اغمى عليه و بنفوقه لكن مفيش اي استجابة... ارجوكي تعالي بسرعة
' انت بتقول ايه !!

يتبع....
(رواية ما النهاية)
https://darmsr.com/2023/02/19/%d8%b1%d9%88%d8%a7%d9%8a%d8%a9-%d9%85%d8%a7-%d8%a7%d9%84%d9%86%d9%87%d8%a7%d9%8a%d8%a9-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88/

فصول جديدة من رواية انتقام
https://darmsr.com/2023/02/19/%d8%b1%d9%88%d8%a7%d9%8a%d8%a9-%d8%a7%d9%86%d8%aa%d9%82%d8%a7%d9%85-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7%d9%8a%d8%a9/

فصول جديدة من رواية عشق رعد
https://darmsr.com/2023/02/01/%d8%b1%d9%88%d8%a7%d9%8a%d8%a9-%d8%b9%d8%b4%d9%82-%d8%b1%d8%b9%d8%af-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7%d9%8a%d8%a9/

فصول جديدة من رواية قلبي لها
https://darmsr.com/2023/02/15/%d8%b1%d9%88%d8%a7%d9%8a%d8%a9-%d9%82%d9%84%d8%a8%d9%8a-%d9%84%d9%87%d8%a7-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7%d9%8a%d8%a9/

ماشيه في الطرقه بتشتغل بكل همه ونشاط بدون كلل او ملل كأنها الرحمه متجسده في رداء لقت زملتها في العمل تنادي: كارمن
كارمن بصتلها وراحت تقرب عليها بأجمل ابتسامه: نعم
رغده: ممكن تيجي تساعديني
كارمن بستغراب: فيه ايه؟؟!!
رغده بتتكلم بسرعه: ابدا بس فيه حاله وقعت اغمي عليها وحاله تانيه لشاب جاي مضروب بمطواه في دراعه وبينزف جامد !!!
كارمن بهدوء: طيب ريحاله خليكي انتي في الحاله الي اغماه عليها
وراحت بسرعه فتحت ستاره الكشف لقته قاعد وبيفتح زراير قميصه وبيحرك دراعه بعصبيه
كارمن بتنبيه: انت كدا هتمزق الجرح
نوح بسرعه رسم ابتسامه متهكمه ع وشه: امال هتعالجي الجرح ازاي لو فضلت لابس القميص
كارمن: هقصه بالمقص وراحت تلف ع مقص
نوح بصلها بسخريه ومره واحده شق القميص من علي جسمه الرياضي
كارمن بشهقه: ليه شقيته
نوح ابتسم بستهزاء: شايفك مش لاقيه مقص قلت اشقه بنفسي وتقدري تخيطي الجرح لاني عايز امشي مستعجل
كارمن بدهشه: تمشي ازاي ....وانت متعور وشكلها خناقه المفروض تستني الشرطه
نوح بسخريه: ليه هو انا قدمت بلاغ ولا فيه تقرير....
كارمن: لاء بس المستشفي هتعمل كدا ....حتي لو انت معملتهوش لان الجرح شكله فظيع
نوح عوج شفايفه وقام عشان يمشي شدته عليها
كارمن: استني دقيقه .....انت رايح فين
نوح رفع حاجب و باستنكار: ع البيت
كارمن بعتراض: لايمكن تمشي خاليني الاول اخيطلك الجرح...
نوح: طيب لو الرجاله الي أذاتني طبوا وجم ورايا هنا ايه مش خايفه
كارمن:طبيعي هخاف لو وصلوا لهنا بس برضو الاهم ترجع للسرير اخيطلك الجرح لانه بينزف
كارمن قربت عليه بتلقائيه وهو بصلها بصات غريبه اعجاب علي وقاحه نقدر نقول نظرات متجمع فيهم كل دول وهي بربشت كذا مره بأحراج وانزعاج من نظراته المسلطه عليها وهو حس بيها راح قعد ع السرير وهي اغلقت الستاره وقربت تنضفه الجرح بكل رحمه وحذر لكنه اكلها بعيونه ونظراته الجريئه علي رئكشنات بوشه مبهمه غير مفهومه هي اتوترت وسابت الي في ايدها وبصتله واتلجلجت من قربهم بالشكل ده ورجعت تكمل تعقيم وعشان تحرجه قالت: ممكن تعيط لو بيوجعك
نوح ابتسم ع جنب: عندك كام سنه
كارمن رفعت دماغها وبصتله بمعني ايه لزمته السؤال؟؟!!
نوح تابع بوقاحه: ياتري بتحبي الرجاله السمر
هي وشها احمر بشده ومن كتر احراجها غرزت المقص بدون قصد جوه الجرح وهو حرك دماغه وضغط ع سنانه جامد من الالم
كارمن برتباك: انا اسفه
نوح قرب كأنه بيهمس : انا بس بسأل لاني مش هقدر اتحمل فاتوره الكشف فلو كنتي بتحبي السمر والعضلات انتي تساعديني ادفع تمن الكشف وانا قصاده اسددهولك بالجن*****س
كارمن فتحت عيونها علي وسعهم من وقاحته وبصتله شويه بدهشه وهو قرب اوي وتاهه في لون عيونها المغلولين منه في صمت لحد ما فتح الستاره عليهم ودخل ونقل نظراته ما بينهم
الدكتور ابهم: هو عنده ايه؟؟!!
كارمن بعدت بسرعه: عنده جرح عميق في كتفه
ابهم: طيب انا هكمل مش انتي خلصتي النبطشيه( وحط ايده ع كتفها) روحي ارتاحي
نوح بص لـ ايده وحس بضيق لكنه ليه اضايق
كارمن: شكرا وخرجت
نوح فضلت عيونه متابعها لحد ما اختفت تماما والفضول دبحه
د كتور ابهم قرب وبدء يعقمله الجرح
نوح سأله بفضول: هي الممرضه دي صاحبتك
ابهم بوجهه محتقن: الممرضه دي تبقي مراتي
في بيت عائله نوح
قايم من ع الكنبه مدروخ وبيتقلب وقع ع وشه ....جات من وراه ورفسته برجليها بغيظ
هو فتح عيونه وبصلها باستغراب ليه ضربته :امي ايه ده
امنه: ليه منمتش في غرفتك ....طبعا اكيد سكران طينه لدرجه مش قادر حتي تسحف لحد فوق
اسلام بغيظ: ليه رفستيني.....ما تصحيني بلطف
امنه هجمت عليه تضربه بغيظ: صحيتك عشان تساعدني ونلاقي ابنك نوح ....وفضلت اتصل بيك طول الليل ومش بترد....
اسلام نفخ بضجر: والمطلوب مني ايه انتي عارفه قليل لما يرجع البيت تلاقيه في بيته او بيت واحد من صاحبه...
آمنه اتغاظت من اهماله ورفسته وهو ماشي بالشلوط
اسلام صرخ..ومسك ضهره: لاء دي بتوجع
آمنه: ده ولا يجي حاجه في الي هعمله فيك بعد كدا..... وبزعيق ....انت لاتنفع زوج ولا اب زيك زي مراتك شخص سئ انت طول الليل عمال تتسرمح مع الستات ولولاي انا ابنك الوحيد كان هيموت لو ماحتويته وربيته
اسلام نفخ من نفس الاسطوانه
آمنه بتهديد:والله لو ماليقتهولي هسحب منك السوبر ماركت واخليك تاكل من الزباله
اسلام فتح عيونه: ياماما...
آمنه بصتله بحتقار ولفت ظهرها وسابته ومشت
اسلام مسح وشه بغيظ: ده هلاقيه فين ده بس!!!!!
..............
كارمن خرجت لقت صديقتها في وشها ومتوتره: كارمن معلش انا بجد اسفه بس الدنيا كانت زحمه جدا
كارمن بهدوء: ولا يهمك انا مش مستعجله
رغده فتحت عيونها ع وسعهم: ليه مش مستعجله اليوم ذكري عيد جوازكم .......انتي والدكتور ابهم لازم تروحي للبيت وتتجهزي وتتألقي انا متحمسه ليكي جدا
كارمن ببساطه: ليه اكون متألقه هو هياخدني يعزمني ع العشاء نفس كل سنه

رغده: لاء انتي زوجه الدكتور ابهم اكبر دكتور نساء وتوليد لازم تبقي انيقه وجميله ومتألقه وبحالميه ..اه لو كان جوزي دكتور وسيم كنت سبت وظفتي وأأعدت في البيت اخدمه برموشي
كارمن زعلت عليها لانها عانس وكبرت
رغده: من فضلك متبصليش بشفقه وحركت ايدها ع وشها اصل انا مش حلوه زيك ولا زي هاله اي نعم معندهاش زوج يدعمها بس عندها فلوس تصغر نفسها وتشد وتحقن البوتوكس لدرجه انا مش قادره افتكر وشها الحقيقي
كارمن ضحكت اوي من اسلوبها وهي بتتكلم
رغده :والله عارفه لو مكنتش اعرفها قبل كدا كنت همشي جنبها وانا معرفهاش مين هي
كارمن بس بقي وبطلي تريقه
رغده: اعمل ايه هطق حاسه بالغيره لانها نفس عمري بس تبصلها تحسيها عندها 18 سنه
كارمن لسه هترد تلفونها رن باسم هاله
رغده :مين بيتصل بيكي وبصت في الاسم وكشرت..اخيه جبنا في سيره الشيطان جه ينط نكزتها في درعها ردي عليها
كارمن ردت بهدوء:خير يا ملكه الجمال غريبه فايقه قبل الظهر اليوم
هاله: ابدا بنام بدري عشان محتاجه انام اكتر من ثمانيه ساعات وطبعا عارفه ليه لان الراحه الكامله هي افضل مغذي الكولوجين الطبيعي وبعدين انتي ناسيه انا عندي عياده تجميل فلو وشي مجعد فازاي هلاقي زبائن
كارمن ابتسمت: فعلا ...بس ليه بتتصلي بيا لتكوني هتحاولي تخليني احقن انبوكس لاء مش هعمل كدا
هاله: لاء اطمني بطلت استدرجك لعيادتي كنت عايزه اسالك لو كنتي ناويه تخرجي مع الدكتور ابهم الليله بس لو مكنتيش خارجه فأرجوكي تعالي للعياده اعملك تقشير للوش والجسم ليومك الكبير
كارمن: تمام جايه واغلقت
رغده: برضو ناويه تروحي
كارمن: ياستي مجرد تقشير مش هنخسر حاجه يله تعالي معايا اغير هدومي واروحلها
.......منه محمد.......
في العياده هاله كانت بتتكلم مع زبونه بتلف لقتها واقفه راحت عليها بترحاب كبير ومبتسمه: اهلا ياروحي فكرتك رجعتي البيت
كارمن :كنت هعملها كنت نعسانه جدا ولسه خارجه من نبطشيه الليل
هاله ببتسامه: ولا تقلقي لو تدخلي تريحي شويه في غرفتي الخاصه وانا جهزتلك جلسه سونا كامله هتبقي جميله جدا الليله يله تعالي
كارمن دخلت الغرفه خلعت كل هدومها ولبست بورنس بمبي وشعرها مفرود
هاله: لاء لمي شعرك خدي توكه
كارمن اخدتها منها :شكرا ولمت بيها شعرها
هاله :اخلعي ده
كارمن ضمت البورنس جامد ع جسمها:هاله بتعملي ايه
هاله رفعت ايدها بتعجب: ليه اتصدمتي انا بس بخلعلك البشكير يله كارمن
كارمن وشها احمر جدا وقالت :ايوه بس لو خلعته هبقي عريانه ممكن تخرجي وانا هشغل السونه مش محتاجه للمساعده
هاله باسلوب غامض:خليني اهتم بيكي نفسي اعمل حاجه عشانك
كارمن عقدت حواجها بتعجب:تقصدي ايه بتتكلمي كأنك مديونه ليا
هاله فعلا انا مديونه ليكي ...لاننا من يوم ما اتعرفنا ع بعض مسبتنيش ابدا

كارمن بشك :مالك ياهاله
هاله اخدت نفس بسرعه:فاكره لما كنت خارجه من تجربه فشل علاقه للمره الخامسه وقابلتك وانا بحاول انتحر محدش من اهلي زارني وانتي الوحيده الي فضلتي جنبي وكل يوم تزوريني
كارمن :كل ده فات ليه رجعتي تتكلمي عنه دلوقت شوفي نفسك انتي سعيده وناجحه جدا عندك عياده ماشاء الله في مكان راقي وبيدخلك ملايين اللهم لاحسد
هاله بحزن :يمكن اكون محظوظه في الشغل بس معنديش حظ في الحب حتي ابني مش بيحبني وبالعافيه لما بشوفه يمكن كل سنه مره وبصتلها انتي مشوفتيش ابني مش كدا
كارمن بنفي: لاء مشفتهوش اظنه كبير مش كدا
هاله هزت راسها :ايوه خلفته وانا عندي 17 سنه وانفصلت انا وابوه بعد سنه واخدته جدته تربيه معاها
كارمن بحزن وشفقه :معلش ربنا يروقلك الحال
هاله مسحت دموعها: يله نبدء اقعدي ع السرير واسترخي خالص
كارمن بصتلها وبتشجيع: ليه زعلانه لو ابنك مش بيزورك ممكن تتصلي بيه بستمرار
هاله اتملت عيونها دموع : مليت من كتر ما بتصل بيه ومش بيرد عليا
كارمن بحنيه: هاله انتي محظوظه ع الاقل عندك ابن بوصيلي انا اتجوزت ليا خمس سنين بس معنديش طفل
هاله: عشان كدا عايزاكي تعيشي حياتك والتدليك هيساعدك تسترخي اعضائك الداخليه
كارمن: انا مش بحب الامور دي جيت بس النهرده لانها مناسبه خاصه يله نبدء احسن فاضل تكه وانام منك
هاله ضحكت ورجعت كتفها لوري: يله نامي هنا يله
كارمن رقدت ع السرير وهاله ناولتها بشكير كبير: شكرا
هاله:هبعتلك فريق انتي بس استرخي
كارمن هزت لها دماغها بحاضر
هاله طلعت برا واغلقت الباب لقت جوالها بيرن ابتسمت اوي وردت عليه بدلع مستفز:الو...ايوه انا في العياد....انا مع كارمن.....فيه حاجه عشان كدا بتتصل
.....قصص منه محمد.......
خرج من الغرفه فضل يدور عليها لمحته صديقتها راحتله: لحظه يا استاذ
نوح لف وبصلها: افندم
رغده: انت نوح مسعود
نوح: ايوه انا ....خير
رغده مدتله كيس ابيض نوح مسك الكيس وبصله بحيره وتساؤل جاوبته قبل ما يسأل : اتفضل الدواء ووصل الفاتوه كمان
نوح بصل للكيس بحيرة:سوري بس انا مدفعتش حتي حق العلاج ليه اخد فاتوره
رغده: اه نسيت اقولك الممرضه الي نضفتلك الجرح دفعتلك ثمن العلاج
نوح بتعجب اكبر وعلامه استفهام: وهي دفعت لي ليه
رغده: الله مش انت قولت انك متقدرش تدفع التكاليف
نوح هنا افتكر كلامه =انا بس بسأل لاني مش هقدر اتحمل فاتوره الكشف فلو كنتي بتحبي السمر والعضلات انتي تساعديني ادفع تمن الكشف وانا قصاده اسددهولك بالجن*****س
رغده سابته ومشت نداه عليها ردت: نعم
نوح: ممكن اخد رقم الموبيل الخاص بالممرضه عايز اتصل بيها اشكرها
رغده: لاء ولا يهمك هي دايما كدا تدفع للمرضي الي مش بيقدروه يدفعوا تكاليف العلاج
نوح: ثانيه يا مدام
رغده بزهق: خير
نوح: اسم الممرضه ايه؟؟
رغده: كارمن
نوح: متشكر جدا
وبعدها بص للوصل وكيس العلاج وردد اسمها ببطئ وابتسم وخرج من المكان!!!
.........قصص منه محمد......
في العياده خرجت بعد ساعات هاله بصتلها بأعجاب: واو روعه بشرتك متوهجه بعد ساعات من التقشير
كارمن: لاء بتبالغي اوي
هاله: لاء مش كدا بس لازم تيجي هنا تعملي تدليك لنفسك من وقت للتاني واوعي تفكري بحاول اجيبك عشان الفلوس ده انا نفسي تعتني بنفسك خصوصا انتي لسه شباب مش زي عجوزه والاهم جوزك دكتور وسيم والكل عايزه يخطفه فلازم تفضلي قدامه طول الوقت جميله
كارمن :تمام .... بصت في ساعتها .... لازم امشي وشكرا اوي ياهاله....
هاله هزت رأسها بعتراض:لاء انتي مش هتروحي اي مكان وسحبتها تاني..... تعالي هنا....
كارمن بستغراب: فيه ايه
هاله :استني هنا فيه حاجه اضافيه
كارمن بستياء: لسه فيه تاني انا استويت
هاله ابتسمت :طبعا عندك فستان تحضري بيه حفله عيد جوازكم
كارمن: ده مجرد عشاء
هاله: هايل انا بقي جبتلك فستان انما ايه
كارمن بسعاده :بتتكلمي بجد
هاله :طبعا انتي ناسيه اني كنت ملكه جمال وعارفه ازاي ابقي جميله واخطف عيون الرجاله لاني عارفه طبعهم حتي راجل زي دكتور ابهم انا عارفه هو بيحب ايه
كارمن ابتسمت بابتسامة ناعمه وهاله ضحكت في خبث!!!!
...........قصص منه محمد.........
بالليل قاعدين يحتفلوا بعيد ذكري جوزهم الخامس الي المفروض يسمعها اجمل كلمات الغزل والحب والسعاده لكنه لقته بيقولها العكس وهو انه قرر الانفصال وهي بدون وعي لجرحها اخدت كاس العصير ودلقته كله في وشه وبصراخ: عمري ما فكرت انك تطلب مني الطلاق وامتي يوم احتفال ذكري جوزنا الخامس ده بدل كل سنه وانتي طيبه
ابهم قام بسرعه بتوتر وقف ووشه متبهدل وشعره والكل في المطعم بصوا عليهم
ابهم نزل وشه في الارض واتلكم بحزن: انا اسف
كارمن بقهر: انا مش عايزه اعتذار عايزه شرح ليه عايز الطلاق وبدموع ده لاني مقدرتش اديلك طفل
ابهم هز دماغه شمال ويمين: لاء ملوش علاقه بالامر نهائي وده مش غلطك ده غلطي انا
كارمن اتنهدت وهي بتعض على شفايفها من القهربدموع شلال: ليه هو غلطك قولي ايه الغلط الي عملته ومستعده اغفرلك كل حاجه بس افهم ارجوك ليه

ابهم: ارجوكي بلاش تخليني اقولك ليه لاني لو قولتهولك هتتأذي اكتير
كارمن بصتله كأنه شخص تاني لا عنده قلب ولا ضمير وهي الي فكرت انها واخده مكانه في قلبه ومستحوذه على اهتمامه وبقت جزء منه حطتها في بداية قائمة أولوياته وتكشف لها الأيام أنّها حتى مش من أولوياته يااااه ع خيبه الامل!!!!
ابهم بهدوء: خلينا نقول جوزنا انتهي لحد هنا وسايبها وماشي
كارمن جريت مسكته ايده وبستعطاف: ابهم احنا عشنا مع بعض خمس سنين دول ملهمش اي قيمه عندك
ابهم حرر ايده منها ومشي بدون اي رد
كارمن صرخت بأسمه: ابهم
ابهم كمل طريقه للخروج متجاهل الانسانه الي بتصرخ بأسمه وراه
وكل الناس الموجوده بصلوها بندهاش وهي بتقع علارض وتخبط دماغها في التربيزه من كميه القهر الي جواها واتمنت لو كان مقلب منه او حتي كدبه ابريل
قامت زي المجنونه اخدت الشنطه وطلعت الموبيل ورنت ع هاله اتصال لكن مفيش اي رد فضلت تعيط وتشهق وبعد وقعت جمعت نفسها من الانهيار الهستيري ركبت تاكسي وطلعت ع بيتها دخلت العماره ودخلت الاسانسير وطلعت رنت الجرس بعد وقت بسيط اتفتح الباب
هاله بعدم تفاجئ: كارمن ليه بتعيطي
كارمن متكلمتش لكن شكلها وصوتها يوجع القلب ويشرح القهر
هاله دخلتها واخدتها لحضنها وطبطبط ع ظهرها
كرمن بصوت ينتحب :هاله بموت
هاله خرجتها من حضنها وبحيره: فهميني ايه الي حصل؟!!وليه انتي هنا وليه مظهرك عامل كدا
كارمن بصوت متقطع : اب--ابهم طلب مني الـ ـ ـ طلاق عـ ـايزنا نطلق وضمتها تاني
هاله خرجتها ومسكت ايدها وااعدتها وبستفسار:هو طلب الطلاق في عيد جوازكم
كارمن بشهقه وحرقه :كان قاسي عليا اوي
هاله :طيب قالك ليه عايز يطلقك؟
كارمن بحيره وغصه ومرار: كل الي اعرفه انه مبقاش يحبني خلاص
هاله بترقب للاجابه:وناويه تعملي ايه هتوافقي ع الطلاق
كارمن بصوت ضعيف:انا بحبه اوي وعيطت وجسمها رجف من يوم ما امي ماتت مبقاش ليا حد غيره وعمري ما فكرت انه هيسبني ابدا كنت بقول حلوه وصغيره وهو اكبر مني وبيحبني وهيفضل جنبي لحد ما اكبر في السن ويهتم بيا لحد ما اموت ولو كان في ايدي اختيار هتمني الموت قبل ما يفرقني الاول لاني مقدرش اشوفه بيهجرني
هاله: اهدي يا كارمن لازم تهدي تعالي في حضني واهدي ضمتها ثانيه وخرجتها بسرعه من حضنها وتابعت كلامها اسمعيني اعتقد ان الدكتور ابهم لسه بيحبك بس يمكن فيه حاجه اتغيرت ويمكن ده آلمه واعتقاده انه لو كمل معاكي ده هيأذيكي انتي وهو اكتر
كارمن عيطت بصوت كله الم وقهر:مفيش حاجه اتغيرت ايه الي هيكون اتغير هاله انا هتصل بيه افهم منه
هاله شدتها منها الفون بسرعه :كارمن اهدي طبطب ع ايدها اهدي شويه انتم الاتنين لازم تاخدوا وقت تفكره كويس متتاخديش اي قرار او تعملي اي رد حاليا
كارمن بحزن ومراره : انا..
هاله قطعتها :اسمعيني لو كنتي عايزه تعرفي ليه طلب منك الدكتور الطلاق خاليني اكلمه ع الاقل انا صديقتك غير كدا انا حالته الي متابعها خليني اساعدك في تسهيل الامور بينكم ها ايه رايك...
كارمن مسحت دموعها:شكرا يا هاله ....شكرا انك عايزه تساعديني
هاله:لما بشوفك بتعاني لازم اساعدك!!!!!!!
كارمن حدفت نفسها في حضنها بنهيار: متكشره بجد انا هقدر ده ولما طلب مني الطلاق فكرت فيكي انتي وبس!!!!كنت واثقه انك الوحيده الي هتفهميني وتساعديني في الحال الي انا فيه شكرا يا هاله
هاله مسحت لها دموعها ووقفتها: يله قومي ارجعي بيتك ولما توصلي اتصلي بيا
كارمن قربت للباب: حاضر وشكرا لانك هتكلميه عشاني
هاله حركت ايدها ع كتفها:يله روحي البيت ارتاحي
كارمن: حاضر ومشيت خطوتين وراجعت محتاجه تعبر اكتر وترتاح اكتر
هاله ذقتها بخفه لبرا:يله حبيبتي

هاله انتظرت لما اتأكدت انها مشت وبسرعه اغلقت الباب وراحت لغرفه النوم رفع عيونه وسالها؟؟؟
ابهم: ها كارمن مشت
هاله: ايوه يا ابهم مشت وراحت بصت لشكلها في المرايا وتحسس ع وشها وتقارن نفسها بكارمن الي اصغر واجمل منها بمراحل
ابهم قام وجه من وراها وضمها لصدره: بتفكري في ايه
هاله مثلت الحزن والزعل:لو قولت لك حاسه بالذنب ناحيتها هتفكرني بتظاهر
ابهم اتنهد ورجع قعد بهم كبير ع الكنبه
هاله لفت وبصتله: ابهم ممكن تغير رايك بخصوص الطلاق
ابهم رفع راسه وبصلها: وانتي
هاله: عادي هكمل حياتي اعمل ايه يعني لاني عارفه مكاني من البدايه من اليوم الي عرفتك فيه اني وقعت في حب زوج صديقتي وفضلت اقابلك وعارفه وضعي اني مجرد عشيقه
ابهم قام وسحبها ع رجوله وضمها من وسطها وطبطب ع ظهرها بحنيه
هاله بنبره حزينه بارعه:انا بخير متشغلش بالك بيا عارفه اني مقدرش اتنافس مع كارمن هي شابه صغيره ورقيقه جدا وجميله جدا وطيبه اوي واي حد يتقرب منها مش هيقاوم يبعد عنها .....اما انا بالعكس تمام بحب البس عريان ومثير بحب السفر التسوق عمليات التجميل عشان اخفي سني الحقيقي بحب اشرب بحب الحفلات والسهر لنص الليل واي حد بيشوفني بيفكرني ست منحله او عشيقه لـ اي حد
ابهم هز راسه بنفي:لاء ده مش صحيح اي نعم انتي بتلبسي مغري لانك دكتوره تجميل وعندك عياده فلازم تظهري مفاتنك وبتعملي تجميل لانك محتاجه تكوني طول الوقت جميله لجدب الزباين بتحتفلي عشان توسع مجالك وشغلك ومتهتميش بالرجاله الي مش بيفهموكي كفايه عليكي ان فاهمك
هاله لف ايدها حوالين رقبته وحطت جبينها فوق جبينه:متشكره اوي يا حبيبي انت الوحيد الي بتخاليني في حاله تحسن كتير انت لطيف معايا لدرجه اني بتمني يكون ليك جانب مظلم اتمني تنام معايا وتهجرني زي ما كل الرجاله بيعملوا مش مضطر تحترمني او تكون معايا جاد
ابهم: ووقتها
هاله ضحكت اوي: مش هحبك كتير زي كدا
ابهم: هاله انا مقولتش كدا عشان اسعدك لاء انا كنت حرفيا بقول الحقيقه مع اني عرفتك من شهور بس عرفت فيهم اد ايه انتي انسانه حساسه ومحترمه
هاله: لاء ده عشان انت انسان رائع وانك مش بتشوفني بسرقك من مراتك الي هي صاحبتي
ابهم: انتي مش بتسرقيني من حد انا هنا ومعاكي لاني قلبي عايز ده انا بحبك اكتر من كارمن
هاله حست بسعاده وهزت له دماغها وهو مد ايده لعب في خصل شعرها وميل وباس خدها وحط جبينه فوق جبينها
هاله: انا بحبك اوي
ابهم ببتسامه :عارف
هاله ضمت وشه بين ايدها واخدت شفايفه وهو اتجاوب معاها وفضلوا في حاله عشقهم لحد ما ابهم اتمدد وغطس في النوم
هاله عدلت نفسها وحركت ايدها علي صدره العاري وابتسمت بخبث وقالت لنفسها: خليني اخده منك يا كارمن
.........منه محمد......
بالليل اتسحبت ودخلت الجراش وطلعت فونها وفضلت تصور العربيه من كل اتجاه حتي ارقامها
قرب عليه حارس المكان: بتعملي ايه حضرتك
هي: بصور العربيه
الحارس عقد حواجبه: ليه
هي: لاني عارفه صاحبها واظن انه له علاقه مع الست الي عايشه هنا
الحارس: بس ده ممنوع
هي فتحت الشنطه وطلعت رزمه فلوس وحطتها في ايده: اظن كدا مش ممنوع
وابتسمت بنصر ومشت تنفذ انتقامها!!!!!!!
.........منه محمد.........
بعد ما خرج من المستشفي مش عايز يفضل لوحده الوحده بتقتله بعد وقت قضاه في الشارع قرر يروح لصديقته ووقف يدخن سيجاره قدام الباب قبل ما يطلع لقاها نازله من الميكروباص وفي ايديها كياس
نداه عليها بكل صوته: خلود
خلود لفت وراها: نوح وقربت عليه
نوح قرب عليها وقال: هنام عندك الليله وسبقها بخطوه للبيت
خلود: نعم.... استني هنا شدته من دراعه ونوح اتألم جامد
خلود بقلق: ايه الي حصلك
نوح: اتخانقت مع واحد سَكران
خلود بشك وحمقه: مخمور ولا جوز زبونه طب وقفشكم سوي
نوح بصلها بضيق ولف ماشي في اتجاه البيت
خلود شدته من ضهره: استني هنا
نوح شد نفسه منها وبعصبيه: ايه في ايه؟؟؟
خلود: مينفعش تبات عندي الليله

نوح: وايه الي يمنع
خلود برتباك: امممممم
نوح: خلاص فهمت حبيبك الجديد ها وغمزها
خلود نفخت بزهق: اه ارتاحت
نوح حرك ايده ع خدها: تمام هنام برا ع الكنبه وهسد وداني بمخده
خلود وقفت قصاده: مينفعش تفضل
نوح: قلت هسد وداني بمخده وتقدري انتي وهو تعملوا ما بدالكوا وتاخدوا راحتكم
خلود بحده: انت عبيط ازاي اقدر اعمل اي حاجه وحبيبي السابق نايم ع الكنبه برا انت مجنون
نوح بحزم: اظن احنا مش حبايب انفصلنا من وقت طويل
خلود بغيظ منه هو مفيش حبيب بس هي بتقوله كدا لعلي وعسي يتحرك ويغير عليها ويرجعلها ردت بحمقه وغل: وليه متروحش بيتك انت لوحدك
نوح بصلها بغرور ومردش عليها
خلود ضربته في جبينه: جاوب
نوح نفخ بملل: مش عايز انام هناك ارتاحتي
خلود: يبقي انت لوحدك
نوح: تمام ومش هتخمد عندك هتصل بتامر يجيب لي زبونه اتخمد عندها وافضل معاها طول الليل وحب يغيظها زياده كمل حتي انام معاها واخد فلوس
خلود بعصبيه: انت رجعت تهددني تاني
نوح ببرود: بس ده مش تهديد
خلود بغيره واضحه: نفسي اعرف هتوقف الارف الي بتعمله امتي ليه تشتغل *** لو كنت وحيد ومش عايز تنام لوحدك حاول تحب اي انسانه بحق وحقيقي
نوح بصلها ونفخ لانه عارف مقصدها وسابها ومشي
خلود دبدبت علارض وصرخت فيه: انت رايح فين
نوح بدون ما يلف: رايح انام مع زبونه وشاورلها باي
لكن هو مقرر يرجع البيت ويقضي طول الليل صاحي ويبقي ينام بالنهار
https://www.facebook.com/قصص-منه-محمد-كاتب-110808814814076/
قامت من النوم وقلبها لسه موجوع ملقتهوش جنبها بكت تاني بس بدون صوت
سمعت صوت دق الباب مسحت دموعها بسرعه وقامت فتحت لقتها الشغاله
هنيه بسؤال: مدام هو الدكتور ابهم رجع امبارح البيت
كارمن بصوت مبحوح: ليه بتسألي
هنيه: الهانم طلبت مني اسألك
كارمن: روحي وانا نازله وراكي حالا
الشغاله مشت وكارمن دخلت الحمام بصت في المرايا لقت عيونها منفخه كأنهم كوره للسله غسلت وشها واتوضت وطلعت صلت ركعتين يهدوا قلبها ولبست ونزلت السلم ببطئ
هدي قاعده ع السفره: ابني فين؟ طلبت من هنيه تسألك لاني مشفتش عربيته وعارفه انه معندوش عمليات ليليله الاسبوع ده وبنبره مليئه بالسخريه وامبارح كان ذكري جوازكم! كان من المفروض يبقي في البيت
كارمن أأعدت بهدوء: يمكن جات له حاله طارئه
هدي ضربت التربيزه: يمكن! ده معناه انك متعرفيش هو فين
كارمن بصت في الساعه وقامت لمت اطباق فوق بعضها: انا اتأخرت لازم اروح الشغل وماشيه من قدامها
هدي سالتها: انتي اتخانقتي معاه
كارمن ردت بختصار: لاء
هدي: وانا مش مصدقاكي هو واضح انه مش سعيد طول الفتره الي فاتت وبتهام انتي عملتي ايه وضايقيته
كارمن نبره ضعيفه: انا مضيقتوش عن اذنك
هدي وقفت قصادها: لاء مش هتتحركي من هنا قوليلي ليه اتخانقتو
كارمن بشويه عصبيه: ماما بجد انا متأخره
هدي بعصبيه: استني انتي ازاي تتجرئي وترفعي صوتك قدامي
كارمن بحده: ماما من فضلك
هدي شدتها بغل وقسوه وقعت الاطباق الي في ايدها علارض نزلت فتات
هدي صرخت بكل طاقتها فيها: انتي مستهتره كسرتي الاطباق
هنيه خرجت ع الصوت وجايه تلم الاطباق هدي منعتها
هدي نظراتها مصوبه ع كارمن وبأمر: ابعدي خاليها هي تنظف الفوضي الي عملتها
كارمن بصتلها وبكل انكسار قعدت ع ركبه ونص ولمت الاطباق
هدي قعدت ع السفره وحطت رجل فوق التانيه واتكلمت بفوقيه: انتي عبئ علينا دايما بسأل نفسي هو كان تفكيره مغيب يتجوز من حته ممرضه فقيره زيك ومش قادره حتي تخلفله حته عيل ....واحد زي ابني دكتور كبير يقدر يلاقي زوجه اجمل وافضل منك مليون مره بس النصيب الاسود وقعه فيكي
كارمن الكلام بيطعن فيها بسكينه تلمه و بتلم فتات الاطباق كأنها بتلم فتات قلبها الموجوع
هدي: انا بلفت نظرك لو ابني لقاه زوجه جديده مقدرش الومه لانها يمكن تخلف له طفل
كارمن كملت لم وطلعت لشغلها بأعصاب مدمره حرفيا وهي ماشيه في الطرقه لمحته بيتكلم مع دكتوره زميله فضلت واقفه تبصله وهو لف وبصلها اوي وبعدها دخل غرفته جات رغده من وراها وببتسامه ونغزتها في كتفها: بتبصي ع ايه؟؟ هي ليه امبارح مكفتكيش تشبعي منه وبغمزه بصي لنفسك شكلك محرومه من النوم اظن انتم الاتنين استمتعتوا اوي
كارمن بصتلها شويه نفسها تصرخ وتقولها كانت ليله امبارح شهاده وفاتي لكن كملت طريقها
رغده راحت وراها: استني مقولتلكيش حاجه انا لقتلك وصفه هايله عشان الحمل
كارمن بعدم اهتمام: كفايه هبل

وجريت بسرعه من قدامها وقعدت ع السلم وانهارت تبكي الحسره والالم حطت ايدها ع وشها وبكت لدرجه مش قادره تاخد النفس .....لما قدرت تتمالك نفسها خرجت موبيلها وكتبت رساله نصيه لهاله بتقولها محتاجاها تتكلم مع ابهم وهي مش عايزه تطلق ولو ممكن تقابلها اخر النهار
خلصت الرساله وسندت دماغها ع الحيط وفضلت تمسح انهار دموعها
https://www.facebook.com/قصص-منه-محمد-كاتب-110808814814076/
طالعه من الكافيه ومعاها كانز وشافت الرساله فتحتها وقرائتها بملل واغلقتها وراحت تركب عربيتها وقفت قصادها عربيه ونزلت منها سيده انيقه جدا وبدئت تتكلم بكل سخريه واحتقار: مش حاسه بالوحده وانتي بتشربي لوحدك
هاله لفت لها وبصتلها اوي
ناهد كملت بحقد :فين الراجل الي سرقتيه ولا سابك يامدمنه البوتوكس
هاله: انتي اسوء من الكلب الي بيفضل ينبح بس في النهايه بيوقف نبح بس انتي كل شويه تظهري قدامي وتفضلي تهوهوي ع راجل سابك عشاني
ناهد بصتلها بنظرات بتشع كره وحقد وانتقام
هاله قربت منها وزقتها بالسبابه :اسمعي انا اتخلصت من الراجل ده من زمان لو حابه تروحي تدوري علي جوزك السابق انا مش همانع
ناهد : لاء لانه بقي قذر بعد ما كان معاكي ومستحيل اهين نفسي
هاله ضحكت بصوت عالي مستفز:بجد الي بسمعه امال مين الي رمت نفسها عليه اول ما انا سبته ياتري حب ولا بتلحسي فضلات الاكل ورقصت الكانزه تحبي تشربي تبلعي الفضلات
ناهد حاسه بنار ونفسها تطفيها قربت منها ومسكت العصير عشان تدلقه عليها
هاله كانت اسرع ولفت الكانز رشته عليهم الاتنين وزقتها بعيد عنها
هاله: اه بالحق نسيت انه مش معاكي لانه مش عايزك
ناهد هجمت عليها تضربها بس هاله مسكت ايدها جامد وزقتها بعزم مافيها وقعت علارض وهاله ركبت عربيتها واتحركت تحت انظار ناهد المتوعده بهلاكها!!!!

يتبع...
(رواية صائد النساء)
https://darmsr.com/2022/02/01/%d8%b1%d9%88%d8%a7%d9%8a%d8%a9-%d8%b5%d8%a7%d8%a6%d8%af-%d8%a7%d9%84%d9%86%d8%b3%d8%a7%d8%a1-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88/

تكملة الفصل العاشر من رواية ابن عمي
https://darmsr.com/2023/02/18/%d8%b1%d9%88%d8%a7%d9%8a%d8%a9-%d8%a7%d8%a8%d9%86-%d8%b9%d9%85%d9%8a-%d8%a7%d9%84%d9%81%d8%b5%d9%84-%d8%a7%d9%84%d8%b9%d8%a7%d8%b4%d8%b1-10-%d8%a8%d9%82%d9%84%d9%85-%d9%88%d8%ad%d9%8a%d8%af%d8%a9/

فصول جديدة من رواية حور الصقر
https://darmsr.com/2023/02/04/%d8%b1%d9%88%d8%a7%d9%8a%d8%a9-%d8%ad%d9%88%d8%b1-%d8%a7%d9%84%d8%b5%d9%82%d8%b1-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7%d9%8a/

فصول جديدة من رواية رعد والقاصر
https://darmsr.com/2023/02/02/%d8%b1%d9%88%d8%a7%d9%8a%d8%a9-%d8%b1%d8%b9%d8%af-%d9%88-%d8%a7%d9%84%d9%82%d8%a7%d8%b5%d8%b1-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88/

فصول جديدة من رواية نوارة حارتنا
https://darmsr.com/2023/02/09/%d8%b1%d9%88%d8%a7%d9%8a%d8%a9-%d9%86%d9%88%d8%a7%d8%b1%d8%a9-%d8%ad%d8%a7%d8%b1%d8%aa%d9%86%d8%a7-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1/

فصول جديدة من رواية شمس العاصي تشرق من جديد
https://darmsr.com/2023/02/15/%d8%b1%d9%88%d8%a7%d9%8a%d8%a9-%d8%b4%d9%85%d8%b3-%d8%a7%d9%84%d8%b9%d8%a7%d8%b5%d9%8a-%d8%aa%d8%b4%d8%b1%d9%82-%d9%85%d9%86-%d8%ac%d8%af%d9%8a%d8%af-%d9%83%d8%a7%d9%85%d9%84%d8%a9-%d8%ac%d9%85/

فصول جديدة من رواية ابن عمي
https://darmsr.com/2023/02/12/%d8%b1%d9%88%d8%a7%d9%8a%d8%a9-%d8%a7%d8%a8%d9%86-%d8%b9%d9%85%d9%8a-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7%d9%8a%d8%a9-3/

فصول جديدة من رواية القاسي العنيد
https://darmsr.com/2023/02/10/%d8%b1%d9%88%d8%a7%d9%8a%d8%a9-%d8%a7%d9%84%d9%82%d8%a7%d8%b3%d9%8a-%d8%a7%d9%84%d8%b9%d9%86%d9%8a%d8%af-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84/