فصول جديدة من رواية بائعة الخضار
https://darmsr.com/2025/04/14/%d8%b1%d9%88%d8%a7%d9%8a%d8%a9-%d8%a8%d8%a7%d8%a6%d8%b9%d8%a9-%d8%a7%d9%84%d8%ae%d8%b6%d8%a7%d8%b1-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1/

فصول جديدة من رواية ارناط
https://darmsr.com/2025/04/15/%d8%b1%d9%88%d8%a7%d9%8a%d8%a9-%d8%a7%d8%b1%d9%86%d8%a7%d8%b7-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7%d9%8a%d8%a9-%d8%a8%d9%82/

فصول جديدة من رواية ما لم تخبرنا به الحياة
https://darmsr.com/2025/04/02/%d8%b1%d9%88%d8%a7%d9%8a%d8%a9-%d9%85%d8%a7-%d9%84%d9%85-%d8%aa%d8%ae%d8%a8%d8%b1%d9%86%d8%a7-%d8%a8%d9%87-%d8%a7%d9%84%d8%ad%d9%8a%d8%a7%d8%a9-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9/

فصول جديدة من رواية ظل امرأة عنيدة
https://darmsr.com/2025/04/25/%d8%b1%d9%88%d8%a7%d9%8a%d8%a9-%d8%b8%d9%84-%d8%a7%d9%85%d8%b1%d8%a3%d8%a9-%d8%b9%d9%86%d9%8a%d8%af%d8%a9-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84/

فصول جديدة من رواية والعلة هي العشق
https://darmsr.com/2025/04/28/%d8%b1%d9%88%d8%a7%d9%8a%d8%a9-%d9%88%d8%a7%d9%84%d8%b9%d9%84%d8%a9-%d9%87%d9%8a-%d8%a7%d9%84%d8%b9%d8%b4%d9%82-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7/

فصول جديدة من رواية صرخات انثى
https://darmsr.com/2024/02/27/%d8%b1%d9%88%d8%a7%d9%8a%d8%a9-%d8%b5%d8%b1%d8%ae%d8%a7%d8%aa-%d8%a3%d9%86%d8%ab%d9%89-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88%d8%a7/

فصول جديدة من رواية كبرياء الحب
https://darmsr.com/2025/04/20/%d8%b1%d9%88%d8%a7%d9%8a%d8%a9-%d9%83%d8%a8%d8%b1%d9%8a%d8%a7%d8%a1-%d8%a7%d9%84%d8%ad%d8%a8-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88-2/

فصول جديدة من رواية جمعتهم الأقدار
https://darmsr.com/2025/04/11/%d8%b1%d9%88%d8%a7%d9%8a%d8%a9-%d8%ac%d9%85%d8%b9%d8%aa%d9%87%d9%85-%d8%a7%d9%84%d8%a7%d9%82%d8%af%d8%a7%d8%b1-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7/

فصول جديدة من رواية ثأر الشيطان
https://darmsr.com/2024/11/18/%d8%b1%d9%88%d8%a7%d9%8a%d8%a9-%d8%ab%d8%a3%d8%b1-%d8%a7%d9%84%d8%b4%d9%8a%d8%b7%d8%a7%d9%86-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84%d8%b1%d9%88/

في مطار القاهره الدولي "
" بيخرج شاب لابس نضاره سودا من صالة الخروج علي ضهره شنطة وفي ايده شنطه كبيره ، رغم برودة الجو لكن لابس تيشيرت ابيض بتص كم بنطالون جينز اسود كوتش ابيض وماسك جاكت جليد في ايده ، اول ما خرج من الصاله استقبله ابوه واخوه ببتسامه كبيره "
سالم فتح درعاته لابنه بشوق : العزبه هتنور بالغالي اللي وحشني
ادهم ابتسم وحضن ابوه بقوه : حبيبي ياحاج منوره بأهلها " وحضن اخوه بحب " كبرت ياض يا صلاح
صلاح ضحك : لاء ولسه الصدمه بقا لما نروح وتشوف غزل بنتي
ادهم بشوق : وحشتني الجزمه سايبها وهي لسه بترضع
سالم ببتسامه : عندها ٤ سنين دلوقتي عقبال ما اشوف عيالك وتفرحني وتقول جاهز لجواز يباا
ادهم ضحك بخفه : يبااا متسبقش الاحداث نروح بس ونتكلم في كل اللي انت عايزه يا ريس بس يلا نمشي علشان انا مقتول وعايز اناام
صلاح اخد منه الشنط ومشي بيها عند العربيه : يلاا اركب ونام في العربيه من القاهره للعزبه فيها ٣ ساعات تنام فيهم علي ما نوصل اصحيك
" ركب صلاح يسوق العربيه اللي هي في الاساسا بتاعت ادهم وابوه جنبه وادهم ركب ورا علشان يعرف ينام شويه "
سالم بصله : جبت اجازه قد ايه يا ادهم ؟
ادهم بتنهيده : جبت ٣ شهور بالعافيه المصنع هناك شغله كتير والواحد برضو ميعتمدش علي حد هناك
صلاح : حلوو اوي في ٣ شهور دول نشوفلك عروسه تتجوزها بقاا دا انت اكبر مني ب ٥ سنين وانا اتجوزت ومعايا عيله
ادهم بضحك : ايه الانجاز اللي عملته في انك اتجوزت وخلفت يا عم صلاح ولا بتقوم ابوك عليا وخلاص ؟
سالم : ايوا ما هو ميبقاش عندك ٣٥ سنه ولحد دلوقتي متجوزتش لو في حاجه عندك عرفني نروح نكشف انا ابوك واخوك وسرك متتكسفش مني
ادهم بدهشه : بتقول ايه يجدع انت فاهم غلط انا كويس و اوووي كمان كل الفكره ان ملقتش حد يلفت نظري واتشد ليه بس كدا
صلاح بإعتراض : وانت هتشوف مين في السعوديه تلفت نظرك وتشدك يعم روميو وسط العمال وهو في واحده حلوه في السعوديه اصلا
ادهم بضحك : ولو فيه الكل هناك متنقب وملفوفين في عبايات سودا واغلب الاماكن هناك مفيش فيها اختلاط رجاله مع ستات
سالم : سيبونا بقاا من قصة السعوديه وخلينا في جوازك انا جايبلك عروسه من دكرنس نسب وعيله ورجاله تعرف تتكلم معاهم والبت حتت قشطه كدا
ادهم رجع راسه علي الكرسي اللي وراه بتعب : يباا نروح بس وانام واظبط اموري ونتكلم بقا
" سالم سكتت علشان حاسس بتعب ابنه اللي منمش بقاله يومين ، وادهم غمض عينه وحاول ينام "
صلاح فونه رن وكانت امه : الوو ايوا يماا
سلوي بلهفه : الووو ايوا يا صلاح اخوك وصلكم ولا لسه ؟
صلاح : جايين في السكه اهو يماا
سلوي بفرحه : واخووك فين اديهولي اكلمه
صلاح : نايم ورا اهو لما نيجي ابقي كلميه براحتك بقاا " وقفل مع امه وكمل سواقه "
........................................
" في العزبه قريه صغيره مفيش فيها بيتوت كبيره كل البيوت متوسطه والناس علي قد حالها ، الجهل هناك زايد بشكل كبير مش اي حد يعرف يعيش هناك ، بيت عيلة ادهم بيت ٣ ادوار الدور الاول بيت العيله بتاع امه وابوه ، الدور التاني صلاح ومراته وبنته ، الدور التالت شقة ادهم اللي متشطبه من كله ناقصها العفش بس "
" سلوي قاعده في برندة البيت مع ' نوال ' مرات صلاح ، ' لمياء ' خالة ادهم ، وبنتها ' جميله ' "
لمياء بصتلها : ايه يا سلوي وصلهم ولا لسه ؟
سلوي : وصلهم وجايين في السكه قدامهم ٣ ساعات كدا علي ما يوصلو
نوال : طيب ما يدوب اقوم اولع علي دكر البط يماا علي ما نخلص طبيخ يكون وصلو الاكل يكون سخن
سلوي قالت بتعب : طيب يلا يا نوال خدي جميله في ايدك وروحي ولعي علي الاكل رجلي مش قادره اقف عليها وضهري هيتقطم
لمياء شالت غزل من امها : علشان صاحيه من بدري وبقالك يومين واقفه علي رجلك
سلوي بتعب : عملت شوية قُرص امبارح ودبحت دكر بط وفرختين ونضفتهم لما ايدي وضهري ما قادره احركهم
لمياء بهمس : ومرات صلاح فين مقامتش تعمل معاكي ليه ؟
سلوي لوت بوزها : نازله الساعه ١٠ الصبح كنت خلصت كل حاجه تقولي البت مسهراني والبت عماله والبت مسويه وانا اتهربت كلام مفيش فايده هتعب في قلبي ليه سكتت
لمياء : طب تقوم تأكل البت بنتها يا اختي وانشالله تنام سنه
سلوي بلا مبالاه : اللي ياكل علي ضرسه ينفع نفسه انا هعمل ايه الضغط عندي بيرتفع مبينزلش
..................................
" في مدينة دكرنس في منقطه مكونه من ٣ بيوت جنب بعض ، منطقة الحاج راشد واولاده "
" في المنزل الاول منزل المرحوم احمد راشد الابن الاكبر "
زينب قاعده في صاله البيت بتفصص بسله مع سلفتها نجوي واقرب من اختها : يعني تغريد كان فاتها قطر الجواز علشان متسربعين علي جوازها كدا ليه
نجوي وهي مندمجه في التصفيف قالت بيأس : البت مخلصه دبلوم من سنتين وكل عريس يجي اقولي مش مرتاحه مش مرتاحه يا زينب قلقاني عليها والبت بتكبر
زينب بضحك : دا علي كدا نهال بنتي بايره جنبي

نجوي : دا نهال زي العسل بس هي في الكليه ولسه في تانيه يعني بتتعلم ولو حد جايلها حلو برضو مشيها السعد في الجوازه الحلوه مش في التعليم
زينب : ابوكي راشد ديك النهار كان جيلها عريس من ميت فارس وعاجبه اوي وجاي يقنعها خاف منها
نجوي بضحك : الوحيده اللي بتعرف تاخد حقها تالت ومتلت حاسه انها هتقع في ايد واحد يطلع عليها القديم والجديد هي فين صحيح دا الساعه داخله علي ٤ العصر
زينب : الهانم نايمه يما بعيد عنك سهر طول الليل ونوم طول النهار وشغل هوانم جردن ستي
نهال طلعت من الاوضه بتاعتها علي صوتهم وكلها نوم وقالت وهي بتتاوب : صباح الخير ايه فدان البسله اللي فتحتوه في الصاله دا
زينب بسخريه : عصر الخير يماا لمي شعرك وادخلي جهزي الغدا وروحي اديه لجدك واتغدي معاه هناك بدل ما يتغدي لوحده
نهال قعدت علي الارض جنبهم واخدت بسله من المتفصصه وفضلت تاكل منها : نجوي ... بناتك فين محدش عاد بيشوفهم ليه
نجوي : تغريد سيبها بتنشر الهدوم زمانها خلصت وضحي بتذاكر واحمد في الشغل مع ابوه في الوكاله
زينب بصت للبسله اللي نهال بتاكل منها : قومي قامت قيامتك البسله اللي ضهرنا اتقطم فيها هتخلصيها اكل قومي اعملي الغدا و روحي بيه لجدك اخلصي
نهال قامت بغيظ من امها راحت علي المطبخ : فين البيييض ؟
زينب : هتلاقيه في كيس اسود في الرف جنب الجرجير " وبصت لنجوي " البيضه بقت ب ٦ جنيه كنت بجيب الاربعه ب ٢٠ جايبه النهارده الاربعه ب٢٤ والفراخ معدتش بتبيض عندي
نجوي : والنبي زي قلتهم عندي ٥ فرخات علي السطح قد عيله كامله
" وفضلو يتكلمو وهما بيفصصو البسله ، ونهال عملت الغدا واخدته وراحت لجدها البيت اللي جنبهم "
نهال خلطت علي باب البيت ودخلت : جدوو
راشد شاورلها تيجي وهو بيتكلم في الفون : والله العظيم يا سالم يوم المني والهنا لما تشرفونا احنا نطول نناسب ادهم يجدع
سالم ببتسامه : يبقي بإذن الله هنكون عندك بكرا بليل نشوف العروسه " وقفل معاه "
نهال خطت صنية الاكل وقعدت جنب جدها : بتكلم مين ومبسوط كدا
راشد ببتسامه : تغريد بنت عمك متقدملها عريس بس باب حلو اووي ربنا يجعاله من حدها ونصيبها
نهال بفرحه : بتهزر تغريد بنت نجوي اخيرا يولاد هيبقي في فرح في العيله المهم اسمه ايه ومنين ؟
راشد : اسمه ادهم من عزبه تحت كدا بس ايه ادب واخلاق واحترام راجل الواحد يعتمد عليه لسه جاي النهارده من السعوديه وابوه عايز يجوزه قبل ما يسافر ومصر ياخد واحده منكم يا انتي يا تغريد يا ضحي انتي لسه في الكليه وموالك موال وضحي في تالته ثانوي قولت يبقي مفيش غير تغريد
نهال بدهشه : بس يعني تغريد هتروح عزبه عزبه يا راشد الناس بتتجوز تعيش في مكان ارقي من اللي اهله فيه تقوم تجوزها في عزبه يا راجل انت !
راشد وهو بياكل : مالها العزبه يعني وبعدين هي مالها بالعزبه هي ليها دعوه بجوزها وبيتها وخلاص كُلي كُلي بالله العظيم ما انتي نافعه
نهال بغرور : فشرت يا اخويا دا انا جوزي هيقوم كل يوم يصلي ركعتين شكر انه اتجوزني
راشد بسخريه : العينه بينه يما من اولها هناخد عليه وصل امانه علشان ميرجعكيش من تاني يوم
.........................................
" بعد اذان العشاء في العزبه في بيت الحاج سالم "
" الكل فرحانين برجوع ادهم وقاعدين معاه يضحكو ويهزرو "
سلوي قاعده وحضنه ابنها : اجيبلك لقمه تاكلها بقاا دا انت محطتش المايه البيضه في بوقك من ساعة ما رجعت
ادهم باس دماغها : يعني انا غريب يما ما انا لو جعان هقوم واكل واشرب وابرتع في البيت متشليش همي كدا
لمياء ببتسامه : راجع بدر منور يا قلب خالتك بسم الله ماشاء الله يحميك لشبابك يبا
ادهم ابتسملها : ويخليكي يا لولو وتفرحي بجميله يارب
سالم : انا كلمت الحاج راشد عنده بنت ابنه هنروح نشوفها بكرا بليل جهز نفسك يا ادهم
ادهم بضحك : انت لحقت يابا دا انا لو بنت وخايف عليا ابور مش هتعمل فيا كدا والله العظيم
صلاح بغمزه : عايزين نطمن عليكي يا بيضه لو خايف من الجواز اطمنك وعلي رأي المثل اسأل مجرب ولا تسأل طبيب
ادهم بغمزه : من النحيه دي اطمن اخوك مقطع السمكه وديلها برضو
صلاح بضحك : والله كله مع الوقت هيبان المهم اقدر دلوقتي اقولكم تصبحو علي خير علشان الطريق قتلني وعايز انام يلا يا نوال
نوال قامت وعلي اديها بنتها : فوتكم بعافيه مش عايزه حاجه يما اعملها قبل ما اطلع
سلوي : خدي اكل ليكي انتي وجوزك وانتي طالعه وابقي انزلي بدري يما علشان تاكلي وتأملي بنتك اللي علي ايدك دي
" نوال هزت راسها بغيظ مكتوم ودخلت اخدت اكل وطلعت مع جوزها "
لمياء قامت بوجع : ااه دا القعده بتكسر الضهر يولاد يلا يجميله نسيب ابن خالتك يرتاح مش عايزين حاجه
ادهم : راحه فين يا خالتي ما تقعدي يا ستي شويه
لمياء حضنته : اقعد يوم فرحك يكبدي اروح كدا اشوف دارنا من الصبح وانا هنا مع امك يلا سلام يا سلوي
سلوي طلعت من المطبخ : استني يابت انتي سريعه كدا ليه ادخلي يا جميله خدي الصنيه بتاعت الاكل من علي الرخامه
" جميله دخلت اخدتها وروحت هي وامها "

سالم : كوبايتين شاي من ايدك بقا يا ام ادهم علي ما اتكلم مع ادهم كلمتين برا في البرنده في الهوا
سلوي قامت : يسلام عنياا " وراحت علي المطبخ "
ادهم طلع قعد مع ابوه في البرنده : ياااه العزبه اتغيرت اوي الترعه اتردمت الحمدالله
سالم ببتسامه : مش غايب بقالك ٤ سنين اكيد لازم تتغير المهم انا ليا صاحب في دكرنس الحاج راشد عنده احفاده بنات زي العسل ٣ بنات قالي فيهم واحده في كليه اثار في سنه تانيه ودي باين نهال وفي واحده في تالته ثانوي ودي ضحي وفي تغريد مخلصه دبلوم من سنتين ونسب حلو وانا بصراحه عايزلك واحده منهم
ادهم بتركيز : والمفروض ان اختار من ٣ بنات ولا ازاي ؟
سالم : دلوقتي انا جبتلك الكبيره وجبتلك الصغيره وشوف انت اللي تناسبك منهم وبكرا هنروح ونشوف
ادهم بستغراب : بكرا هنروح ونشوف ازاي ؟ هما هيجيبو التلاته قدامي ويقولولي اختار اللي دخلت دماغك منهم ؟
سالم ضحك : ليه هارون الرشيد ؟
ادهم ضحك : ما انت اللي بتقول يا حاج بكرا نروح ونشوف محددتش ايه برضو معني الكلام
سالم : طب انت حاسس من كلامي مين فيهم تليق بيك ؟
ادهم بهدوء : اولا انا لسه مشوفتش ولا واحده منهم ثانيا انا عايز واحد تكون فاهمه مش عيله وافضل احايل وادادي عنديش خلق لكدا بس من كلامك اللي في ثانوي دي متنفعش معايا لسه صغيره واللي في كليه دي اكيد وقتها كله لكليتها شكلها هترسي علي اللي مخلصه دبلوم دي وان شاء الله اللي فيه الخير يقدمه ربنا بكرا نروح ونشوف
سلوي دخلت وفي اديها صنية فيها شاي : ومرات ادهم دي مش هتكون اي واحده وخلاص لازم تكون قمر زي جوزها
ادهم بضحك : عليا النعمه ما في قمر ولا عسل غيرك يا سوسو
" وقضو السهره مع بعض لحد ما ادهم مبقاش قادر يقاوم دخل اوضته غير هدومه ونام بتعب علي السرير "
...................................
" صباح يوم جديد واحداث جديده "
" في منزل رامي الابن الاوسط لراشد "
نحوي بلهفه : يعني ابوك اكدلك ان العريس جاي لتغريد بنتك
رامي بدهشه : جري ايه يوليه انتي ملهوفه كدا ليه علي العربس هو انا هقول حاجه غلط ابويا الصبح قابلته وانا رايح الوكاله قالي في عريس نسب حلو جاي يشوف تفريد النهارده بليل قولت اجي اعرفكم تجهزو نفسكم
نجوي بفرحه : يا ما انت كريم يارب لما اقوم افرح تغريد
رامي بتحذير : اسمعي انا مش عايز شوشره الموضوع بينا وبين بعض لما نبقي نتفق
نجوي : وهو مين اللي هيعرف دا مرات عمها وخلاص تيجي تقف معايا في فرحتي انزل انت الوكاله ومتقلقش من حاجه " ودخلت علي اوضة تغريد اللي كانت نايمه بعمق علي سرير ومقابلها في السرير ضحي اختها الصغيره " تغريد تغريد انتي بابت اصحي
تغريد اتقلبت في السرير بنوم : ايوا يا ماما في ايه علي الصبح بتصحيني ليه
نجوي بفرح : جايلك عريس وجاي يشوفك بليل
تغريد غمضت عيونها تاني بملل : لا اله الا الله موضوع العريس وجوازي هيخف عقلك يا امي يا حبيبتي الجواز دا نصيب
نجوي بغضب : انا قولت اي يابت علشان تقولي كدا دا انا بقولك جايلك عريس وجاي يشوفك بليل
تغريد : حاضر يماما بليل هطلع احسن لبس عندي وهلبسه وهحط احلي ميكب وهبقي ملكه اتفضلي اقفلي النور واطلعي خليني اكمل نوم
نجوي : هروح اعرف خالتك زينب تكوني صحيتي بو جيت ولقيتك نايمه والله لفطسك
.....................................
" في بيت زينب "
زينب بفرحه : يالف نهار ابيض ... واحنا محتاجين عزومه ولا ايه يا نجوي هنكون عندكم المغرب انا ونهال
نهال اللي قاعده جنبها بتحاول تسمع : يووه اثبتي بقا مش عارفه اسمع
زينب بفرحه : تغريد بنت عمك جايلها عريس ورايح يشوفها النهارده بليل اجهزي علشان نكون جنبها النهارده
نهال بلا مبالاه : طيب بليل نبقي نروح
"" انتظرو القادم ""

يتبع...
https://darmsr.com/2024/08/15/%d8%b1%d9%88%d8%a7%d9%8a%d8%a9-%d8%ac%d9%88%d8%a7%d8%b2%d8%a9-%d8%b5%d8%a7%d9%84%d9%88%d9%86%d8%a7%d8%aa-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84/

تعالى يا حمادة هنمشى
ـ بس أنا لسة عايز العب مع خالتو
برقتله = لا يلا علشان بابا زمانه جاى من الشغل
=ما تسيبى الواد يقعد معايا يا حنان ، ولا أنتِ خايفة عليه منى ؟
ضحكت باصطناع بصوت عالى = ههه .. متبقيش هبله هخاف عليه من أية .. بس انتى عارفة عبدالله جوزى عصبيته وحشه
جت و شدت حمادة من أيده جامد قومته ، و ابتسمت وهى بتقول : يلا اشوف وشك على خير يا حبيبتى ..
قومت وراها و فتحتلهم الباب بابتسامة عريضة : المرة الجاية بقى يا حمادة هشترى لعب جديدة و نبقى جربها سوا ...
حمادة بفرحة : استنينى يا خالتو رين ..
رين : حاضر يا قلب خالتو ..
حنان : قدامى يابنى .. مع السلامة يا رين
رين بحزن وهى بتبص عليهم و ابتسامتها بدأت تختفى : مع ألف سلامة .. نورتوا ..
فضلت واقفة سانده على ضرفة الباب ، لحد ما خرجوا من العمارة .. قفلت الباب و سندت ظهرها عليه و هى بتتنفس ببطء بتحاول تهدى نفسها ، بتحاول تمنع الدمعه من نزولها ، بتحاول تقنع نفسها أن مفيش حاجة و أنها كويسة !
---------------------
أنا رين .. بنت عندى ٢٩ سنه ، مش متجوزة .. آخر مرة حسيت فيها بإعجاب من حد كان وأنا عندى ١٩ سنه ، لما محمد حط الدبله فى أيدى .. و بقى خطيبى ، و آخر مرة كان بعد الخطوبه بشهرين لما انفصل عنى بمكالمه تلفون ، حتى مكلفش خاطره و جه لابويا علشان يشرحله الوضع ، علشان يطفى النا"ر إلى كانت قايدة جوايا .. مجرد مكالمه تلفون من واحد جبان كانت كفيلة أنها تقلب حياتى .. و تهد ثقتى فى نفسى أنى مستحقش !
من ساعتها وأنا مش مرتبطة .. الايام و الشهور تعدى ، الناس حواليا تتغير و تختفى .. زى ابويا إلى روحه معدتش موجودة فى دنيتنا ، و بالرغم من أنى اكبر اخواتى ..، كل اخواتى الأصغر بنات ، و امهات دلوقتى و أنا محوزتش إلا لقب خالتو !
و ده كان سبب اكتر من كافى بالنسبالهم علشان يخافوا منى .. لاحسن أحقد عليهم ،و ااذى ضناهم .. و ااذى بيتهم .. الواحده منهم تبقى جاية عندى كأنها داخله حقل ملغم !
و مبتاخدش نفسها إلا وهى على باب البيت بتسلم علشان تمشى .. يمكن وصية ابويا أننا منقطعش مع بعض هى السبب الوحيد فى أنهم لسة فاكرين أن لسة عندهم اخت اسمها رين !
-------------------------
كنت لوحدى كالعادة ، و اذ فجاة سمعت الباب بيخبط .. دى من النوادر لامرأة وحدانيه زيى ..
رين : ايوه ..
بصيت من العين السحريه لقيته جارى الجديد ، الناس بتشهدله بحسن الخلق .. فده خفف من هواجزى ناحيته ، حطيت حاجة على راسى بسرعة و فتحت : ؟؟
ـ أنا آسف انى بخبط عليكى دلوقتى .. بس ملقيش عندك ملح ؟
رين : لا عندى .. ثوانى خليك هنا
بعد دقيقتين كنت جايبة شوية ملح فى ايدى.. : اتفضل ..
ـ متشكر و بعتذر عن الازعاج تانى
هزيت راسى بهدوء و قفلت الباب ورايا .. باين عليه محترم فعلا وابن ناس ، و هدومه غاليه من برندات !
اومال ليه عايش هنا وليه بيسأل على ملح الساعة ١١ بالليل ؟!
مهمتش كتير و روحت كملت الكوفيه إلى كنت بحيكها بالتريكو .. هوايه ممله بس بحبها ..
----------------------
بعد يومين ، متعاملتش تانى مع جارى من ساعتها .. مش عارفة ليه شاغل بالى وأنا حتى معرفش اسمه !
و مش عارفة ليه قلبى ضرب جامد لما الباب خبط .. قومت لفيت الطرحة عدل ، و عدلت هدومى .. لكن حماسى انطفى لما فتحت الباب .. و سمعت :
ـ الطلبات بتاعة كل شهر يا انسه رين ..
طلع بتاع السوبر ماركت .. كل شهر بطلب منهم مستلزمات الشهر كله ، وهما بقوا حافظين و مجهزين الحاجة عندهم .. حاجات تكفى مستخدم واحد بس ، إلى هو أنا .. حتى بتاع السوبر ماركت عارف أنى لوحدى اااه ! .. اممم اقصد أقول إنه فيه عشرة بينا لدرجة يمكن عارفين معلومات عنى اختى مش عارفاها !
تنهدت بضيق : نفس الحساب ولا زاد ؟
ـ الى تجيبيه حضرتك ..
ابتسمت بسماجة ، مبكرهش اكتر من الردود دى .. أنت مش هتقبل تاخد أقل من حقك ، وأنا لو ليا باقى هاخده منك .. فبلاش كلام المركبية ده و اتكلم بوضوح .. أنا زبون وأنت تاجر و خلصت مش هنتعارف هنا !
روحت اجيب البوك بتاعى .. و لسه بطلع الفلوس ، لقيت الباب بيتقفل و ...

يتبع....
https://darmsr.com/2024/10/26/%d8%b1%d9%88%d8%a7%d9%8a%d8%a9-%d8%a7%d9%84%d9%88%d8%b1%d9%8a%d8%ab-%d9%88%d8%a7%d9%84%d9%88%d8%ad%d9%8a%d8%af%d8%a9-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84/

...الأنسة الي بتتكلم ورا اتفضلي اطلعي بره
بصت حواليها تتأكد اذا كان الكلام ليها ولا لحد غيرها
اتكلمت اخيرا لما لاحظت ان الكلام ليها و هي بتسأل و بتقول
حبيبه...انا يا دكتور؟
رد عليها بكل ضيق و غضب هو بيقولها
مروان...ايوا و اتفضلي بره متعطليش المحاضرة اكتر من كدا
شالت الدفتر ف الشنطة و خدت شنطتها و مشيت كل دا تحت انظار الكل الي كانوا مستغربين جدا
اتكلم الدكتور بعد خروجها و قال
مروان..نرجع نكمل المحاضرة تاني ....
و بدأ يكمل شرحه بعد م لاقى الكل رجع ركز تاني
بصت كارولين لمايفن بمعنى انهم السبب و مايفن زعلت جدا عشان حبيبه
.....استغفر الله العظيم و اتوب اليه عدد خلقه و رضا نفسه و زنة عرشه و مداد كلماته
بعد م خرجت من المدرج راحت على كافيتيرا الجامعة الي كانت يعتبر فاضية مفهاش ناس كتير
لاقت طربيزه منعزلة عن الباقيين راحت راحتلها
فضلت بتدون حاجات ف النوته الصغيره بتاعتها من مهام المفروض انها هتخلصها انهارده
عدا وقت و بصت ف ساعة ايدها لاقيتها 2 و نص اتخضت و شالت النوته و مشيت و هي بتكتب رساله لكارولين و بتقولها
حبيبه..." كارولين انا همشي عشان متأخرش على الشغل ابقي عدي عليا المحاضرة انتي او مايفن ".
...لا اله الا الله وحده لا شريك له له الملك و له الحمد يحيي و يميت و هو على كل شئ قدير عدد خلقه و رضا نفسه و زنة عرشه و مداد كلماته
كانت مركزه ف الشرح لحد م سمعت صوت تليفونها بيعلن عن وصول رساله
بصت ف التليفون بحذر عشان مروان ميشوفهاش و يطردها من المحاضرة هي كمان
و اتفاجئت لما لاقت رسالة حبيبه
كتبتلها بسرعه و هي بتقولها
كارولين.." ازاي يعني يا حبيبه لسه في محاضرة تانيه متنسيش امتحان الميدتيرم..؟؟؟ "
بعتت الرساله و سابت التليفون بسرعه و مايفين لاحظت دا و بصتلها و هي بتهز دماغها بمعنى في ايه
اتكلمت كارولين بصوت واطي و هي بتقول
كارولين...حبيبه مشيت
هزت راسها بمعنى ماشي و كإنها متعوده على كدا اتكلمت كارولين و هي بتقولها برضو بنفس نبرة صوتها عشان مروان ميسمعهاش
كارولين...هتمتحن ازاي دي
هزت مايفين راسها يمين و شمال بمعنى معرفش
....اللهم صل و سلم و بارك على سيدنا محمد و على اله و. صحبه و سلم عدد خلقه و رضا نفسه و زنة عرشه و مداد كلماته
كانت بتكلم مامتها ف التليفون بعد م ركبت تاكسي عشان يوصلها لحد المطعم
حبيبه...انا رايحه المطعم اهو و ان شاء الله على الساعه تسعه كدا هبقى ف البيت
اتكلمت حنان باستغراب و هي بتقول
حنان...انتي مش لسه عندك محضرتين؟
هزت حبيبه راسها بتأكيد و قالتلها
حبيبه...كارولين هتعدي عليا المحاضره هذاكرها و خلاص
هزت حنان راسها بقلة حيلة و هي بتقولها
حنان...طيب يا بنتي
ابتسمت حبيبه و حنان كملت كلامها و هي بتقولها
حنان...حاولي متتأخريش انهارده اخوكي جاي
ظهر على ملامحها الفرحة و هي بتقولها
حبيبه...بجددددد
ابتسمت حنان و قالتلها
حنان...ايوا متتأخريش بقى
هزت راسها و قالتلها بفرحه
حبيبه...حااضر
قفلت مع مامتها و دخلت على الواتس و منه على شات اخوها و هي بتقوله
حبيبه..." اهلا اهلا بالي جايين انهارده "
معداش دقايق و لاقيته رد و هو بيقولها بضحك
اسلام..." تلاقيكي عايزاني اجي عشان تشوفي نوح و ايناس "
ضحكت و قالتله
حبيبة..." اكيد طبعا دول حبايب عمتو ."
عملها قلب على الرساله بتاعتها و هي كتبتله قبل م تقفل و عشان تحاسب السواق و تدخل المطعم
حبيبة..." هاتلي معاك مشبك و هريسة و انت جاي "
و حسبت السواق و نزلت من العربيه سمعت صوت تليفونها بصت لاقيت اخوها كتبلها
اسلام.." عيوني ليكي يا بوبه "
ابتسمت بفرحة لأن من و هي صغيره كانت لما تطلب من اخوها يجيبلها اي حاجه كان بيقولها نفس الكلمة دي
و دخلت المطعم بسرعه عشان متتأخرش و يتم خصم مرتبها
...سبحان الله و بحمده سبحان الله العظيم عدد خلقه و رضا نفسه و زنة عرشه و مداد كلماته
ف الكلية
بعد وقت مش قليل خلصت المحاضرة و خرجت كارولين و مايفن و هما رايحين للكافيتريا
اتكلمت مايفين و هي بتقول
مايفين...انا مضايقه اوي عشان حبيبه بجد
هزت كارولين راسها بمعنى و انا كمان و قالت
كارولين..اصلا كان المفروض احنا الي نتطرد مش هي احنا الي كنا بنتكلم و هي بس ردت علينا
مايفين....حظها بقى ان دكتور مروان خد باله
هزت كارولين راسها و كانت اسه هتتكلم لس قاطعها صوت بنت تانيه و هي بتقول لمايفن
رودينا...هاي ازيك
هزت مايفن راسها بابتسامة مجاملة و قالتلها
مايفن...الحمدلله
ابتسمتلها رودينا و قالتلها
رودينا...انتي نيفين صح؟؟؟
ردت عليها مايفين بتصحيح و هي بتقولها
مايفين...مايفين..؟
رودينا...اه طب على كدا بقى انتي مسلمة ولا مسيحية... ؟؟ ووووو

يتبع....
https://darmsr.com/2024/10/26/%d8%b1%d9%88%d8%a7%d9%8a%d8%a9-%d8%a7%d8%ad%d8%a8%d8%a8%d8%aa%d9%87-%d8%b1%d8%ba%d9%85-%d9%83%d8%a8%d8%b1%d9%8a%d8%a7%d8%a6%d9%8a-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5/

: اخويا باسني وقالي انه بيحبني وهيتجوزني
الأب بصدمة : انتي بتقولي ايه يا مرح انتي عارفه معنى كلام ده؟؟
مرح بهيام وهي بتفتكر : عارفه يا بابا عارفه بس انا كمان بحبه وعايزه اتجو...
قاطعها ا*لم قوي نزل على وشها
الأب رشدي بعصبيه : مسمعكيش تقولي الكلام ده تاني قدام حد وخصوصاً امك فاهمه!!..واخوكي بيهزر معاكي وهو أساساً على وش جواز !!
مرح ببكاء : لاهو مبيهزر...
رشدي بمقاطعه وزعيق : فااااهمه؟!!
مرح بانهيار ودموع : فاهمممممة
رشدي بقوه : على اووووووضتك!!
وبتجري على اوضتها وهي منهاره
يامن بابتسامه : ازيك يا ابويا عايـ...
رشدي بعصبيه : زي الزفت !!
يامن بيبصله باستغراب وبيسكت
رشدي بيمسح على وشه : امشي ناديلي المحروس التاني وتعالى!!
يامن باحترام : حاضر يا ابويا
وبينده على اخوه وبيقعدوا مع ابوهم
رشدي وهو بيتنهد : انا يا اولاد عمري حرمتكم من حاجه؟؟
: ابدا يا ابويا كرمتنا وزياده
رشدي بتكمله : عمري اجبرتكم على حاجه مش عايزينها او رفض اختياراتكم؟؟
: ابدا يا ابويا
رشدي بعصبيه وهو بيجز على سنانه : امال لو كده لييييه مرح اختكم لييييييه؟؟
يامن بعدم فهم : مش فاهم مالها مرح؟؟
رشدي بعصبيه : قالتلي أن في حد فيكم بس انا مركزتش مين باسها وعشمها انو بيحبها دي بنت مراااتي يعني تعتبروها اختكم!!
وبعدين انتو خاطبين الاتنين وواحد متجوز يعني ايه ده بتلعبو بديلكم على البت اليتيمه ؟!
يامن بصدمه : اييييييه؟؟.. وبيبص على جاسر بعصبيه
جاسر بيبصله ببرود : بتبصلي كده ليه؟
يامن بعصبيه وهو بيمسكه من ياقه قميصه : مرح!!.. مرح يا جاسر البنت الصغيره اللي من عمرها سنتين وهي بتكبر قدامنا!!.. البنت الصغيره اللي امها امنتنا عليها وربتنا معاها.. تقوم انت تعمل فيها كده.. دي اختك !!
جاسر ببرود وهو بيزقه وبيعدل ياقه قميصه : ما يمكن انت وجاي ترمي عملتك عليا !!
يامن بعصبيه : وانا استحاله اخون امانه الست اللي ربتني ولا اعمل كده في اختي!!
رشدي بعصبيه : خلاص انت وهوا المهم الكلام اللي قولناه ده ما يطلعش من هنا وميتكررش!!.. امشوا من وشي!!
يامن بيبص على اخوه بعصبيه وبيطلع بغضب وهو بيرزع الباب وراه
جاسر فتح الباب عشان يمشي
رشدي بحده : استنى!!
جاسر بيقف وبيقفل الباب
رشدي بعصبيه وهو بيرفع سبابته : اللي عملته ده ميتكررش
جاسر وهو يصطنع عدم الفهم : هوا اييييه؟؟
رشدي بعصبيه وحده : اللي عملته مع اختك انا عارف انو انت.. لأن شوفت في عين اخوك الغيره والعصبيه على عرض بيته واللي مشوفتهاش في عينيك
جاسر وهو بيبلع ريقه بتوتر : تمام
كان قاعد على الورشه بتاعته وهو متعصب تليفونه رن ابتسم بفرحه لما لقي المتصل خطيبته و حبيبته
يامن بفرحه : سبحان الله وكأنك حسيتي بيا كنت متعصب اول ما شوفت اسمك مزاجي اتعدل
تمارا بتأفف : اممم وبعدين
يامن باستغراب : مالك؟!
تمارا بغيظ : والله مالك!!.. مش شايف مالي؟؟.. بقالنا سنتين مخطوبين وانت على حالك ده واخوك ماشاء الله بدل الواحده تلاته وخاطب الرابعة وفرحوا الأسبوع الجاي!!
يامن بعتاب : ما انتي شايفاني وانا طالع عيني الصبح في الشركه والليل في الورشه وبجيبلك كل العايزاه وطلباتك كتيييييره انتي خفي عليا شويه عشان اقدر...
تمارا بعصبيه ومقاطعه : قصدك ايه؟.. اني طماعه يعني؟؟..وضح كلامك!!
يامن بتنهد : انا مقولتش كده يا تمارا.. اقفلي دلوقتي عشان ورايا شغل كتير !!
وبيقفل الخط قبل ما تتكلم
احمد وهو بيحط ايده على كتفه : برضو يا صحبي مش مقدراك .. بتزن عليك؟
يامن بضيق : بتعايرني بجاسر بتقولي متجوز تلاته ودلوقتي هيتجوز الرابعه وانا ليا سنتين مش عارف اتجوز الواحده !!
أحمد بغيظ : اييييييه دي بت **** سبها !!
يامن بحزن : مقدرش بحبها
احمد بتنهد : ربنا يعينك يا صاحبي
سهى بخبث : امسك التلفون يا حبيبي واتصل على بابا قوله إنه واحشاك وعايزوا !!
هاني ببراءه : بس النهارده يوم ماما رزان مش يومنا
سهى بعصبيه وغيظ : وانت مالك؟؟.. اتصل عليه وخلاص!!
هاني بتفكير : بس ماما هتزعل
سهى بعصبيه وحده : متقولهاش ماما انا بس اللي امك فاهم؟؟
هاني بخوف : فاهم فاهم!!
سهى بعصبيه وهي بتمد التلفون : خد اتصل عليه!!
هاني بخوف بيتصل وبعد ثواني بيلاقي الرد
: الوووو
هاني ببكاء : الو بابا سامعني؟
جاسر بحنيه : الو حبيبي ايوه سامعك
هاني ببكاء : بابا ممكن تجي عشان انا خايف وو عايزك!
جاسر بحنيه وخوف من صوته : انت بتعيط؟.. انا جاي حالا اقفل!!
سهى وبتاخد منه التلفون : قالك ايه؟؟؟
هاني بخوف : جااا.. اااي.. حالاا
جاسر بيقوم و بياخد التلفون والجاكيت بتاعه وبيطلع من اوضته وهو متجه للباب
رزان باستغراب وهي بتبص عليه من المطبخ : ايه ده انت خارج؟؟..استنى الكيكه قربت تخلص طيب
جاسر بخوف : هاني اتصل عليا وهو بيعيط وقال انه خايف ومحتاجني هروح اجيبه وراجع
رزان بخوف وهي بتحط ايدها على قلبها : ايه خايف!!.. من ايه؟؟؟
جاسر بتنهد : مش عارف
رزان بخوف وقلق : خلاص روح هاته بسرعه وانا في الوقت ده هطلعله الكيكه واعمله الاكل والعصير اللي بيحبه

جاسر بابتسامه وهو بيطلع : تمااام !!
جاسر بيسوق العربيه وهو بيفكر فيها وبيبتسم فبالرغم من جوازه عليها الا انها بتعامله بما يرضي الله وبتعتبرابنه ابنها وبتحبه اكتر من امه
بعد وقت جرس الباب بيرن
سهى بفرحه وهي بتضع اللمسه الاخيره من الميك اب وبتلف وهي بتبص على نفسها بإعجاب
: هاني افتح الباب لابوك بسررعه !!
هاني كان قاعد على الكنبه وهو بيتابع كرتونه اتنفض بخوف لما سمعها وجري يفتح الباب
جاسر بخوف : في ايه مالك؟؟؟.. خد نفسك براحه انت كويس؟؟
هاني بخوف : عشان اتخضيت وجريت بسرعه عشان افتح الباب
جاسر بحنيه وهو بيمسح على شعره : وانت اتخضيت ليه؟؟.. بعدين ليه تجري لدرجه انفاسك متقدرش تاخدها
هاني ببراءه : عشان ماما قالتلي افتح الباب بسرعه.. وقبل شويه كانت بتزعقلي جامد !!
جاسر بهدوء : امم تمام روح يا حبيبي اركب العربيه عشان نروح لماما رزان وانا هنزل وراك
هاني بفرحه : هيييه هنروح لماما رزان
بتخرج من الاوضه بسعاده : جاسر حبيبي واخيرا جيت هاني كان عايزك
جاسر بيبصلها من فوق لتحت بقرف : انا هاخد هاني ورايحين لرزان متزعقيش للولد تاني عشان المره الجايه مش هحرمك منو نهائي !!
سهى بعصبيه : اييييييه واخد ابني على فين؟؟؟.. لا انا ابني ميروحلهاش ولا يشوفها مفهوووم !!
جاسر ببرود : صوتك ده اخر مره يعلى فاهمممممة؟... هعديها المرادي بمزاجي .. وانا مش بستأذنك في ابني!!..وخففي خروجاتك من ورايا عشان بتوصلني!!...وبيقفل الباب بالمفتاح وبيمشي
سهى ببكاء وهي بتقعد ورا الباب على الارض وبتخبط بانهيار : جاااااااسر افتحليييي الباب وهاتليييي ابني ده ابنيييي انااااا مش ابنهاااا مش ذنبببي انها ارضضض بووور مبتخلفشش!!
وفضلت تصرخ بلا فائده وهو مشي بابنه ودي معاملته ليها من وقت ما اتجوزوا وكأنه تجوزها عشان تخلفله وبس
زبيدة بابتسامه : السلام عليكم
رشدي بتوتر : وعليكم السلام
زبيده باستغراب وهي بتبص على البيت : امال فين يامن ومرح؟؟
رشدي بقلق : يامن في الورشه!!
زبيده بتساؤل : معقوله لحد الوقت ده؟!... طب ومرح؟؟
رشدي وهو بيبلع ريقه : في اوضتها نامت من بدري
زبيده باستغراب وخوف : ايييه نامت من بدري كده؟.. مستحيل دي مش بتنام الا لما باجي وتشوفني.. يا ربي ما تكونش تعبانه ولا حد زعقلها في المدرسه..هروح اشوفها وبتجري على فوق بخوف
رشدي وهو بيقعد على الكنبه ورجليه مش شايفاه : الله ياخدك يا جاسر ملقتش غير مرح اختك !!
بعد وقت :-
رشدي وهو بيبلع ريقه : يا حبيبتي اكيد مش قصده حاجه وحشه وكان بيهزر معاها وو
زبيده بعصبيه : رشدي انت بتستهبل ولا بتتهابل؟؟.. الكلام واضح وابنك اتحر*ش ببنتي.. انا عاملت أولادك كأنهم اولادي بس هما مقدروش ده وانت كمان بتقولها متقوليش لأمك عايز تجنني اخر عمري ؟؟؟؟؟؟؟؟
رشدي بندم وهو بينزل راسه : الله يعلم اني اعتبرت بنتك بنتي ومقصرتش معاها ومفرقتهاش عن ولادي ولو هي عملت الغلط كنت برضو هقول لاولادي يسكتوا عشان متحـ..
زبيده بعصبيه : انت كمان لسه بتبرر ده انا اقول يامن متأخر ليه النهارده اتاريه عارف عملته!!
رشدي بصدمه : يامن!!...

يتبع....
https://darmsr.com/2024/10/26/%d8%b1%d9%88%d8%a7%d9%8a%d8%a9-%d8%a7%d8%ad%d8%a8%d8%a8%d8%aa-%d9%85%d9%86-%d9%84%d9%8a%d8%b3-%d9%85%d9%84%d9%83%d9%8a-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84/

قبل ما يدخلوا الجامعة بمسافة بعيدة نسببا
مسكها براحة وقال بجدية :مليكة انا معرفكيش اشطة
انتي مش اختي ولا اعرفك معرفتنا في الجامعة بحدود دكتور وطالبة تمام
مليكة بقرف مضحك:اخص عالندالة بتستعر من اختك ياندل
اخص عالرجالة تعالى ياااما شوفي ابنك الي مأمناة أمانة قبل متسافروا تعالي شوف ربايتك يابا
تعالللى شوف ياعمي الي عايز ت.....كتم بوقها عشان صوتها كان عالي والناس كانت بتتفرج عليهم
وبهمس وحدة:هششششش اي عرباجية؛ما تكتمي وبصلها بحدة انا هسيب ايدي لو اتكلمتي هدشمل وش امك سامعة
اماءت لة بماشي
فك ايدة من على بوقها وقال:اسمعي بقى انا مش عايز حد يعرف انك اختي عشان انا ليا مركزي وكدة وهما كدة ممكن هينجحوكي حتي لو ساقطة فنا مش عايز كدة انا عايزك تعتمدي على نفسك واشوف شطارتك تمام
مليكة بغباء:اااااة طب متقول كدة من الاول
طيب هدخل بس يرضيك ادخل وايدي فاضية يلا ايدك على ميه جنيه مصروف ليا دنا حتي حيالله اختك يعني
رسلان طلع من جيبة ٣٠ جنية وقال:مفيش غيرهم امسكي
مليكة بصوت عالي وهي بتدعي الحزن والعياط
:تعاللللي يااااما تعالي شوفي ابنك مش بس بيستعر مني لا وكمان بخيل مش عايزني اجيب اكل اكلة ولا عايز يديني فلوس دا ناقص يسرحني في الاشارات اهئ اهئ انا لية بيحصلي كدة يادنيااااااااا يال....
حط ايدة على بقها يكتمة والايد التانية طلع ميت جنية
وقال بغيظ:خدي خدي يكش يطمر في الي جابوكي
دنا مرتبي خلص بسبب عمايل امك دي
مليكة بحب مصلحة:عليا الطلابات بالتلاتة ان انت اجمد اخ فيكي ياكلية
رسلان بغيظ :ثبتيني ثبتيني يامصلحجية يامعفنة اقولك على حاجة انتي الي هتطبخي انهاردة
انتي لازم تتعلمي اة مش صغيرة انتي أماما
مليكة وهي تدعي الصدمة :ايتا اي الي بتقولة دا انت عارف انت بتقول اي انت قد الي انت بتقولة دة
انت عايزني انا مليكة الجندي تروح تطبخ
رسلان بملل:طب يشاطرة التمثيل الفكسان دا في البيت مش هنا
وعاللة ارجع البيت ملقيكيش طابخة وقعتك هتبقى اسود من قرن الخروب سامعة ويلا ادخلي عشان عندك محاضرة وانا الي هدهالك فا ادخلى قبلي عارفة لو دخلت وملقتكيش والنعمة ما هيجرالك كويس اشطة
مليكة بخوف مصطنع :اشطة يابرنس يلا سلاموز باللبن
وجريت عالكلية
ودخلت بس طبعا الكلام الي هو قالهولها سمعتة من ودن وطلعتة من التانية
وراحت كافتريا الجامعة وطلبت عصير وسندوتشين شورما
(عشان طبعا هي ماشية بمبدأ الي مبياكلشي مبيركزشي )
وقعدت كلت وهي متمزجة
*************************
عند رسلان راح المحاضره
دخل وعينة بتدور الي هتشلة قريب هو اصلا كان عارف انها هتيجي بعدة فقرر يعلمها درس
وهو بيتوعدلها
........يتبع
***************************
عند مليكة وهي بتاكل وفي بقها اكل :هيييييئ دنا نسيت المحاضرة وجريت بسرعة من الكافتيريا وهي بتجري في واحد خبط فيها بس هو معتذرلهاش وطبعا بنتنا مبتحبش كدة
مليكة وهي بتشفط اخر بوق من العصير :يلا مش خسارة فيك عيل تربيتة واطية وراحت حدفاة علية وهو لسة هيلف يشوف مين الي حدف كانت هي جريت اصلا
عند الشاب
الشاب بعصبية:وديني انا لو عرفت مين الي عمل كدة لكنت طلعت عين اهلة
عند مليكة جريت وكانت بتنهج
ووقفت تريح شوية
وبعدين دخلت عالمُحاضرة على طول
رسلان بعصبية مزيفة :استني عندك
مليكة بصتلة باستفهام
وكل الي كانوا في المحاضرة متابعين
الي هيحصل
رسلان بعصبية مزيفة:انتي خبطي على الباب
مليكة بصتلة ورفعت حاجبها
رسلان بتمزيج وتمثيل الجدية :اتفضلي اخرجي وخبطي عالباب الاول
مليكة خرجت بعصبية وهي مش طيقاة
وقفلت الباب وخبطت من الاول
ورسلان سمحلها تدخل
وجت تدخل جوا
رسلان وقفها:استني
مليكة وهي بصالة كدة
رسلان:نسيت اتفضلي برة انا مبدخلش حد من بعدي
مليكة:افندمم
رسلان:يعني جاموسة ومتاخرة وكمان طرشة اي مبتسمعييش اتفضلي برة.
خرجت مليكة وهي مش طيقاة وبعدين فكرت في فكرة خبيثة
اتسحبت وراحت لجراج الجامعة وحاولت على قد ما تقدر ماتبينش نفسها في الكاميرات
وراحت عند عربية رسلان وقالت وهي متعصبة:عشان تبقى تطردني من المحاضرة تاني كوبس اوي، اشرب
وفتحت شنطتها وطلعت منة مقص ومسكتة وخرشمتلة العربية من ادام وبعدين قالت بتأنيب ضمير :خلاص كفاية كدة عشان التصليح ميخدش فلوس كتير
عشان كدة مش هيديني مصروف احنا لازم نبقى رحماء بردوا اة
وقررت متحضرش بقيت المحاضرات الي عليها وتروح وتبقى تاخدهم من اي حد
وروحت البيت
وطبعا هتعمل الأكل
فتحت التلاجة ملقتش فيها حاجة
قالت بقرف:عيل منتن وجلدة التلاجة مافيهاش اي حاجة كدة طب دلوقتي هعمل اي
اممممم فكري يابت ياليكة فكري؛ لقتها
ما سهلة اهي هو كان بيقول انة سايب فلوس اكل الشهر فين فين فين افتكري اةةةة في اوضتة صح افتكرت
طيب ودخلت اوضتة وقالت بأنبهار:يخربيت النظام يخي انضف اوضة في الفيلا كلها
هيييح اوعدنا يارب بنضافة كدة
امم بس في مشكلة دلوقتي انا مش عارفة مكان الفلوس فين سهلة هدور في الاوضة اي الغباء دة
وقالت وهي بتشاور على كل انش في الاوضة وهي بتقول:هادي بادي كرمب زبادي شالة وحطة كلة علادي

يا كتكوت روح السوق هات البيضة مالصندوق اوعى تأكلها تطق تموت اضرب امك بالشلوط واستخبي ورا ابوك يا ضفدعة عدي أربعة واحد اتنين تلاتة أربعة باااااااس هو دة انا هدور هنا وراحت عند الكمود لقتة منظم بدأت
تدور في الكمود كلة بس ملقتش حاجة
مليكة بتفكير:امممم يتري العلبة فين
فين فين امم ممكن في الدولاب اكيد
يعني اي الغباء دة
فتحت الدولاب
وبدأت تدور لحد ما لقت علبتين اخدتهم وراحت قعدت عالسرير
وقالت وهيا محتارة:يترا انهي علبة انهي علبة احنا نفتحهم ونشوف ونحكم
فتحت اول علبة لقت فيها فلوس قعدت تعدهم وطلعوا ٢٧ آلاف جنية
مليكة :يابن التيت بقى معاك فلوس وتقولي بخلصلك فلوسك دانت كداب درجة أولى يعني مفيش كلام
طيب نفتح التانية
فتحتها لقت فيها ٢٥٠٠
مليكة :امم الاحتمال الأكبر ان دي وشاورت على الي فيها فلوس اقل : بتاعت اكل الشهر
يبقى هاخدها ووو ويعنييي يعني مش هيضر لو اخدت منة حبة فلوس كدة صح ولا اممم لا انا اتصل بية واقولة واتصلت على رسلان
:الو ياقلبي
رسلان بملل : انجزي مش فاضيلك انا عليا محاضرات
مليكة:انت عارف ان انت احن اخ في العالم بأمانة يعني اة واللة رسلان:اممم عايزة اي
مليكة بحزن مصتنع: اخص عليك يا رسو بقى انا هتصل بيك واقولك كدة عشان عايزة حاجة طب اقفل بقى سلام
رسلان:اممم يعني مش هنخلص طب خشي في الموضوع ومتتوهيش
مليكة :احمم انا شوفت من غير مقصد زلة عين يعني انت فاهم اكيد فلوس في دولابك كدة فا هااااااااخد منها حبه صغيرة ومتقلقش هبقى اديهالك انا مش شحاتة يا بابا
رسلان :طيب خدي
مليكة بفرحة :بجد
رسلان:اة بس خلي بالك متخديش كتير عشان دي الفلوس الي كنت هاجبلك بيها هدية لعيد ميلادك
مليكة :لا رد....
رسلان:الو الو وبص في الفون :احية دي قفلت يعني مسمعتنيش دي ممكن تصرف الفلوس كلها
ااخدتها وخرجت من الاوضة
ونزلت تشتري اكل وهي في الهايبر
عند مليكة
مليكة سمعت كلمة بجد وقفلت علية الخط وراحت خدت فلوس من العلبة
وخدت الفلوس ونزلت تشتري حجات
طلبت أوبر وراحت عالهايبر وكانت واقفة محتارة تشتري اي
مليكة بتفكير:اممم أشتري ايه مبدأيا اكيد حجات سريعة لان لا انا ولا رسلان هيبقى معاة وقت يطبخ فنروح لقسم الوجبات السريعة واشترت
منهم كتير (زي استريبس وكوكي وفروزن بوتيتوس وفروزن كريزبي تشيكن
والحجات دي عمتا)
وطبعا حبيبتنا متنساش قسم الحلويات وراحت اشترت حلوياااات كتيرر جدا
وكملت تجول
وبعديها راحت مشوار هنعرفة بعدين
وطلبت أوبر وروحت البيت
وقررت تعمل اكل
********************
في حتى تانية (عند بطلنا )
كان قاعد على كرسي بعيد وساند راسة علية وكان في قرآن شغال بصوت (عبد الرحمن مسعد )
والباب خبط
غيث:ادخل
دخلت مامتة وهي حزينة على حالة
وقالت :لحد امتي ياحبيبي هتفضل قاعد في الاوضة كدة قوم اقعد معانا برة
ليث :عادي يماما مش فارقة كتير هنا مش شايف وهناك
مش شايف يبقى خليني احسن في الحته الي تريحني
رجاء مامت غيث:خلاص ياغيث اعمل العملية وريح قلبي انا وابوك
غيث ببرود:ماما مش عايز كلام في الموضوع دة ولو سمحتي اتفضلي برة
رجاء بصتلة بحزن على حالة وخرجت
وهو رجع سند راسة عالكرسي وكان بيفتكر إيام ما كان مفتح وصحابة وازاي هو بقى اعمى
فلاش باك
من خمس سنين
لما كان عندهم ٢١ سنة
وغيث كان عندة ٢٣سنة
يوم التخرج بتاعهم في بيت 《مينا》
مينا صاحبة :غيوثي !
غيث بعصبية مضحكة :بس يلا متقولش غيوثي دي؛ بتستفزني !!!!
مهاب صاحبة من وراة بضحك :طب غيوووووثي غيوووثي
غيث بعصبية مضحكة. :ولاااا اتعدل لعدلك
فادي من وراة بجدية مصتنعة:ولد عيب انت هو تقولولة كدة !
ليث :عليا الطلاق الي ناصرني
فادي بضحك:دا غيوثي انا بس
غيث بضحك :واللة طب خد بقى ' وراح حادفة في حمام السباحة '
مينا راح جاب كورة وقال :مين يلاعبني
كلهم جريو نحيتوا وزقوة في البسين وقال 《مهاب》: بس يلا انت بتخم
ليث بجدية وحب : بس بس خلاص , و بما ان دة يوم التخرج بتاعك وانا ظابط واكبر منكم يعني هعزمكم يا شوية مهندسين !!
**************************
وافتكر لما 《مهاب》 خطب وعزمهم
مهاب بسماجة وضحك وهو عمال يحرك الخاتم في ايدة :شوف ياعم انت اكبر مني وانا ارتبطت قبلك ياسنجل يا بائس !
, انا من هنا ورايح متكلمونيش ياشوية سناجل ياعرر
غيث بتريقة:شوية سناجل ياعرر ؟
دانت الي عرة, ولا اظبط كدة ,انت عارف بتكلم مين ؟!
مينا بسخرية وضحك:هيكون مين يعني ؟؟
غيث بهبل وضحك :ولا اي حد
فادي :طب أركن يا شبح ههههههه
***************************
وافتكر لما اخت مينا اتخطبت
وهو قعد يعيط
غيث بتريقة علية : هييئ شالوا من بوقك البزازة ينوغة
مالك ياض متعدل كدة في ايه ؟!
مينا وهو بيمسح أنفه أثر البكاء :ملكش فية يلا دانت مش بتفهم في أي حاجة
دا اسمة حب اخوي
مهاب بتعديل:لا لو سمحت اسمة محن اخوي
فادي :حصل
**************************
وافتكر لما راحوا الجيش
غيث بشماتة مضحكة : يلا إلهي كل تريقة اتريقتوا عليا فيها تطلع عليكوا هناك
مهاب ومينا في صوت واحد:اة منت متهني ومتدلع ف حقك بقى

غيث وهو بيخمس في وشة بهزار وبسمة : اللة اكبر في وش امكم ,
وبعدين راح لمينا ومهاب وشادي بحب وحضنهم
وهما سلموا علية ومشيوا
******************************
وافتكر لما مهاب كتب الكتاب في الاجازة قبل الأخيرة
ووداهم يشوفوا الفيلا بتاعتة بس فادي اتأخر وهو فرحان بيهم
مهاب :ادخل يلا انت وهو انتوا مكسوفين ولا ايه؟!
غيث بضحك :اكيد لا يعني دانت اخونا الي مجابتوش امنا ولا اي يشوباب ؟
مينا:فعلا واللة ,حقيقي انتوا صحوبيتكوا بالدنيا, عارفين ؟ انا الناس كلها بستغرب ازاي مسيحي مصاحب مسلمين ميعرفوش اننا مكملين بعض
بجد يصاحبي الف مبروك وعقبال الليلة الكبيرة
مهاب بحب:تسلم يعم اول مرة تقول كلام حلو
فادي وهو جي بيجري عليهم وراح بسرعة حضن مهاب جامد وبعدين راح ضربة بوكس
وقالة بغيظ:اولا مبروك ثانيا يابن الصرمة تكتب الكتاب من غيري
مهاب :يسطا ما انت الي اتأخرت اعمل اي ؟
فادي بغيظ :تقوم تكتب الكتاب من غيري صح ؟!!
مهاب وهو بيحضنة:يعم اسف واللة
يلا اوريكوا الفيلا وخدهم فرجهم عليها
وقعدوا يلعبوا في الجنينة
كورة ونزلوا البسين
************************
وافتكر اخر مكالمه كانت مابينهم وهما في الجيش في رمضان
غيث بضحك وهو بيكلمهم فيديو كول:عاملين ايه في الجيش يحبايبي ؟!
مينا. وهو ماسك حلة محشي وبياكل منها بضحك:عاملين محشي يسففك الاسفلت ,تاخد ؟؟ وراح كل منة
مهاب وفادي:طب راعي يعني اننا صايمين !
مينا وهو بيغيظهم اكتر :تصدقوا صح خلاص خلاص هبلع بس وراح شرب ماية قدامهم
مهاب راح ضربة على قفاة
غيث بضحك:خلاص ياسطا انت وهو اهدوا
الا قولولي التمارين بتاعت الجيش شدت اعصابكوا
مينا:شدت اعصابنا بس ؟؟ دحنا شوية وهيقولولنا يلا نطوا من طيارة من غير براشوت
مهاب :والنعمة يبني هيبقى ارحم من الي بيحصل فينا دة
مينا :حصل
وبص لغيث وقال بنظرة غريبة:
غيث اختي وامي أمانة عندك, هي ومرات مهاب وأم فادي
غيث بغصة ووجع في قلبة مرة واحدة بس حاول يدارية
:اي يابن القرعة الي انت بتقولة دة اشحال دي اخر اجازة وهينزل يتجوز وانت هتجوز اختك
بطلوا هبل هو الصيام لحس عقولقوا ولا اي
مينا بضحك:لاحظ ان انا مسيحي يعني
غيث:احم اة تمام , ومرة وحدة سمع عسكري جاي بيجري
وبيقولهم
العسكري بزعييق وصوت عالي :ارفعوا سلاحكوا بسررعة حصل هجوم مفاجي والمكان كلة ملغم قنابل
يلااا !!!!! كلهم بيجروا يجيبوا اسحلتهم ! ، صوت انفجار
ومرة واحدة الشاشة اسودت وغيث سمع صوت ضرب نار كتير
غيث بقلق وخوف:مينا ,شادي, مهااب!!!؟؟؟
غيث بدموع وحاسس روحة بتتسحب :يمهاب رد ونبي !!! ياميينااااااااا
وبعدين قعد يعيط كتير وقال ضعف:ونبي ردوا متحرقوش قلبي عليكوا ونبي عشان خاطري
مينا بهمس وهو يلفظ أنفاسه الاخيره : عي عيلتنا ا أمانه في في رقبتك يا غي........ومكملش وكانت روحه صعدت لبارئها
غيث بصريخ وعياط:يميييييينا متسكتش
أتكلم ،متسيبونيششجطج
اند فلاش باك
مسح غيث دموعة الي نزلت من غير ما يحس
وقال بغصه: حقكوا رجع حتي لو كان التمن اني ابقى أعمى ربنا يرحمكم يارب وعيط وقال
احنا فعلا كنا مكملين بعض
***********************
عند رسلان روح البيت وشم ريحة اكل جميلة
رسلان بصوت عالى مضحك:ايدا دي سمعت كلامي
لالا دحنا نطلع نغير بقى
وطلع لحد اوضتة وفتح الباب وكان بيضحك فجاءة ابتسامتة اختفت وفضل مبلم بصدمة
شوية وبعدين دخل فتح الدولاب
ولقا العلبتين مفيهمش ولا جنية
رسلان وهو بيرمش كذا مرة ورا بعض بسرعة :نهار ابوكي مش معدي على خير النهاردة
دي دي مسابتش حتة في الاوضة الا ووسختها
لا لا ايدا انا ضغطي على كدة لية مليييييييييكة
________عند مليكة
سمعت رسلان بينادي بصوت عالي عليها
جريت بسرعة
وسابت المطبخ بالي فية
مليكة وهي بتجري عالسلم وكانت هتقع كذا مرة لانها بتاخد السلمة بأربعة
وطلعت بسرعة وهي بتنهج
وقالت وهي بتفتح الاوضة وراحت وطت عشان تاخد نفسها :هييئ اي عايز اي
وبعدين رفعت رأسها وبصتلة وفجاءة ابتسمت بهبل وقعدت تربش بعيونها جامد وهي مبتسمة
وبتقول:استني بس هفهمك اي الي حصل
منت بردك لازم تعرف اةةة
بعد٧ دقاايق
يتبع .....
جماعه انا بعتذر عن التأخير بس كان فيه ظروف ف البيت
غير كدة انا ونا بقلب ف الفايلات الي عندي عالفون لقيت
الفايل الي فيه رواية اخرجتني من الظلام
وافتكرت اني كنت مواعدة بنوته اني انزلها بعد قسوة غلحياه فحابه اقولكم اني هكمل دي وبوادر عشق

يتبع....
https://darmsr.com/2024/10/26/%d8%b1%d9%88%d8%a7%d9%8a%d8%a9-%d8%a7%d8%ae%d8%b1%d8%ac%d8%aa%d9%86%d9%8a-%d9%85%d9%86-%d8%a7%d9%84%d8%b8%d9%84%d8%a7%d9%85-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88/

هو انا كل يوم هلاقيك زانق البنت عند الحيط كده احترم وجودي حتى ولم نفسك شويه

قال بضيق شديد..وافقي على جوازنا وتخلصي من كل ده يا مرات عمي

قالت بغضب..مية مره قولتلك البت مش عيزاك بتكرهك بتخاف منك اجبرها يعني

قال بغضب شديد اه اجبريها لو مش عيزاها تفضل قعدالك زي البيت الوقف اجبريها يا مرات عمي.. ولاخر مره هقولك نبيله لو مكانتش ليا مش هتكون لغيري ...علشان متستنيش على الفاضي

مرات عمه قالت بغضب..لا انت حالك مبقاش يعجب ابدا ومتزعلش بقى لما اعرف اهلك يا معتز

معتز ضحك بسخريه وقال..البيت كلو عارف وساكت يا يا مرات عمي...واصلا معروفه من زمان ان محدش هيتجوز نبيله غيري

قال كده ومشي وسابها باصه لطيفه بغضب وقالت بصوت عالي ..وانا مش هجبر بنتي يا معتز وهوافق على اول عريس يتقدم لها

ضم اديه بغضب ومبصلهاش وقال...يبقى بتجهزيها لقبرها مش لفرحها يا مرات عمي

مشي بعد ما قال جملتو الي صدمتها وخلتها مش قادره تنطق

معتز كان هيطلع من البيت وهو متعصب بس شافها داخله المطبخ راح وراها وهو متعصب جدا

كانت بنت جميله في العشرين واقفه بتجهز الاكل بس اترعبت لما قال من وراها...نبيله هطلبك للمره الالف من والدتك ....وافقي احسنلك

نبيله بلعت ريقها برعب وحاولت تقوي وقالت...ردي هيبقى تفس ردي للمره الألف يا معتز مفيش حاجه هتتغير

معتز اتنرفز وشدها من دراعها بقوه وبقت بين اديه وقال بغضب...لا هيتغير واقصري الشر يا نبيله..كده كده محدش هيتجوزك غيري هتفضلي كده لامتي
بقلم...زهرة الربيع
نبيله قالت بخوف وغضب...لحد ما اموت ..انا ..انا تمام موافقه مكنش لحد تاني بس برضو مش ليك يا معتز

معتز بصلها بغضب ومسكها من فكها بقوه وايده التانيه محاوط بيها وسطها جامد وقال بطريقه مخيفه ...متخلنيش اذيكي يا بنت الناس مش عايز ازعلك... انا عندي سفريه تبع الشغل ل٣ ايام عايز ارجع الاقيكي جاهزه لجوازنا تمام يا قمري...متخلنيش اضطر اتجوزك من غير عقد يا حلوه تمام...ودفعها وخرج من البيت بعصبيه

نبيله بقت تبكي بحزن وقالت.. فينك يا بابا الله يرحمك

دخلت والدتها وقالت بدموع...انا هنا يا قلبي انا امك وابوكي ومش هخليكي تعملي حاجه غصب عنك..

نبيله حضنتها وهيه بتبكي وامها قالت..اهدي يا قلبي واسمعيني كويس في الي هقوله

بالليل كان معتز ماشي وجهز شنطتو وبيودع الكل ابوه وامه ومرات عمه وبص لنبيله شويه

نبيله ابتسمتلو ابتسامه جميله وقالت..ترجع بالسلامه يا معتز
معتز اتفاجأ لانها مش بتكلمو كويس ابدا وابتسم وقال الله يسلمك يا نبيله وسلم عليها وباس جبينها ومشي وهو مبسوط جدا وحاسس انها وافقت عليه علشان كده غيرت معاملتها معاه

عدو يومين وكان معاد رجوعه في اليوم التالت بس مقدرش يستنى اكتر ورجع بسعاده ولهفه بس اتفاجأ بزغاريد من البيت واضويه وناس كتير طالعه العماره عندهم وقف واحده ست وقال..هو فيه ايه يا ام مصطفى مين هيتجوز عندنا في اعماره

ام مصطفي قالت باستغراب ..يوه هو انت ازاي متعرفش ده كتب كتاب نبيله بنت عمك انهارده زمانهم كتبو الكتاب عقبالك يا معتز يا حبيبي

معتز كان هيقع من طولو وقعت الشنطه من ايده وطلع جري على السلم وهو مش شايف قدامو من الصدمه والغضب وووو

يتبع....
https://darmsr.com/2024/10/26/%d8%b1%d9%88%d8%a7%d9%8a%d8%a9-%d8%ad%d8%a8-%d9%81%d8%a7%d9%82-%d8%aa%d9%88%d9%82%d8%b9%d8%a7%d8%aa%d9%8a-%d9%83%d8%a7%d9%85%d9%84%d8%a9-%d8%ac%d9%85%d9%8a%d8%b9-%d9%81%d8%b5%d9%88%d9%84-%d8%a7%d9%84/