يا الله ايه الجمال ده وايه كمية الراحة دي!!

‏من أدعية الرَسول ﷺ
في العَشر الأوائِل مِن ذِي الحجة.

نعمل إيه في العشر من ذي الحجة ؟

- نركز على ٣ حاجات بس :

١- البُعد عن ذنب معين في حياتك،
في ذنب معين في حياتك مش عارف تبعد عنه ، لازم تاخد قرار وتجاهد نفسك إنك مش هتعمل الذنب ده أبدًا خلال الـ ١٠ أيام دول مهما كان .

٢- إصلاح الفرائض،
كتير من الناس بيفكر إن في مواسم الطاعات أهم حاجة هي الإكثار من النوافل !
وده وإن كان مطلوب لكن مش هو الأصل ؛ الأصل إنك تركز في إصلاح الفرائض ، إنك تصلي الفروض الخمسة في جماعة في الصف الأول وبحضور قلب ، والمرأة تصلي الفرض في بيتها في وقته وتصليه بحضور قلب ؛
الفرائض أحب شيء إلى اللّه تقترب به إليه ، فـ لازم تركز إنك تُصلح الفرائض ، لو خرجت من العشر أيام دول بإصلاح الفرائض فقد فوزت.

٣- النوافل،
النوافل بعد إصلاح الفرائض والتركيز الشديد على الفرائض ؛ وأعظم النوافل في هذه الأيام الذكر ، وأعظم الذكر كلام اللّه (القرآءن) ، أقل حاجة وأضعف الإيمان تختم خاتمة ، يعني قراءة ٣ أجزاء كل يوم ، لو حابب تختم أكتر من مرة جميل ، لكن أقل من ختمة ما ينفعش ؛ والإكثار من مطلق الذكر ، التكبير والتهليل وخصوصاً يوم عرفة .

الشيخ. أمجد سمير من درس 'عشر ذي الحجة' .

النهارده أول يوم في العشر من ذي الحجة
معايير الدنيا كلها مختلفة تمامًا

المشكلة الحقيقة اللي هتواجهنا الأيام دي إن احنا مش زي رمضان

يعني الناس مش بتكون حاسة بروحيات رمضان والهمة حتى الأولية في الأيام

عشان كدا الأيام ممكن تخلص بدون ما نلحق نعمل حاجة للأسف

أنا مش هقولكم اقعدوا طول اليوم اعملوا كذا

ولكن احنا هنمشي على أساسيات بسيطة طول الأيام الجاية

لأن الوقت طويل على رمضان محتاجين نشحن نفسنا كويس عشان نقدر نكمل لحد رمضان الجاي

أول حاجة
هنقسم عبادات اليوم بالوقت وليس الكم

يعني صلاة الفجر مثلًا هتاخد مني ربع ساعة من اليوم

عايزين نختم ختمة على الأقل
فابعتبار الجزء بياخد نص ساعة هنحتاج ساعة ونصف كل يوم

الصلاة على النبي ﷺ مثلًا ١٠٠٠ مرة بصيغة يسيرة هتاخد مثلًا نصف ساعة

ليه بقول نقسمها بوقت وليس كم
عشان الوقت وحدة بتخلص
لكن الكم ممكن تقعد فيه أيام طويلة جدًا ومتعملش حاجة فيه.

طيب إيه أساس اليوم؟
زي ما احنا متعودين من رمضان

صلاة -قرءان -نوافل -ذكر

الصلاة بنجاهد تكون على الوقت لأن أغلبنا بيكون برا البيت فنحافظ على وضوء مستمر ..

نعمل كل حاجة لها وقت معين عشان الاستمرار

الصبح مثلًا هبدأ بورد القرءان
فيه مساحة من الوقت هنقعد نذكر الله

وهنعمل ختمة سماع سريعة في الأيام دي
ممكن نعمل ختمة حدر
للشيخ محمد إسماعيل فرحات

طول الوقت نفكر نفسنا إن الوقوع مش نهاية الدنيا
ولكن لازم نسارع في الرجوع

ساعدوا نفسكم إنكم ترجعوا لطريق ربنا تاني
واستعينوا بالله واصدقوا السعي له
وكل حاجة هتتغير تمامًا بإذن الله

وبفكركم أدومه وإن قل
ركزوا على الأعمال اللي بتصلح فيكم

وآخيرًا متنسوش الذكر وشغلوه جنبكم

•
⏳ مش كل حاجة بالهداوة!
مينفعش تعود نفسك على التأني والهدوء في كل شيء، فيه حاجات محدودة الزمن والوقت يلزمها قنص وسرعة تصرف وسرعة انتهاز للفرصة، نفس الكلام في الأيام العشر؛ هتاخد نفسك بالهداوء والتأني فجأة هتلاقي 8 أيام من العشر مروا بدون ما تعمل أي حاجة ولا ختمت قرآن ولا تصوم ولا تذكر ولا تتصدق.. الوقت بيطير حرفياً!

مش كل حاجة بالهداوة، فضلاً عن أنك عايش طول السنة بالهداوة أصلاً، الأيام دي أيام اجتهاد وصبر..
اجتهاد في العبادة، صبر على مشقتها، صبر على عدم التعود عليها، صبر واحتساب لأجرها = ابتغاء مرضاة الله عز وجل!

🔺 مفيش وقت تتفاوض مع نفسك، أقرأ قرآن ولا لا، أصوم ولا لا، أذكر ولا لا.. مفيش وقت تفاوضها!
ألزِمها وأرغمها مستعيناً بالله عز وجل عليها، اشتغل واصبر ولك بشرى من رب العالمين (وبشر الصابرين)

»» نافع | Nafe3
»» صوتيات نافع
•

صبّحكم الله بالخير

في حقيقة الأمر امبارح أنا قصرت بشكل كبير جدًا
وجالي خاطر كدا إنه خلاص كدا راحت عليا
وهقضي باقي الأيام بنفس الشكل والتقصير

ولكن قولت لنفسي ليه أعمل كدا؟
هطوي صفحة امبارح وهفتح صفحة جديدة النهارده

احنا هنموت في يوم ما
بس أنا عايزة أموت في يوم بحاول فيه أكون قريبة لربنا
أكون بحاول أكون أحسن

الأيام دي هتخلص ويمكن يكون لنا عمر طويل
ومش هيبقى لنا منها غير عمل صالح

ركعة أو تسبيحة أو صدقة
فلو امبارح كان مش كويس
النهارده فرصتنا عشان نتغير ونغتنم باقي الأيام :))

وَتَأنَسُ النَّفسُ فِي نَفسٍ تُوَافِقُهَا
بِالفِكرِ وَالطَّبعِ وَالْغَايَاتِ وَالْقِيَمِ.♡

1:32
فَلَمّا أَنَخنا رَكَزنا الرِماحَ
فَوقَ مَكارِمِنا وَالعُلا
وَبِتنا نُقَبِّلُ أَسيافَنا
وَنَمسَحُها مِن دِماءِ العِدا
لِتَعلَمَ مِصرُ وَمَن بِالعِراقِ
وَمَن بِالعَواصِمِ أَنّي الفَتى
وَأَنّي وَفَيتُ وَأَنّي أَبَيتُ
وَأَنّي عَتَوتُ عَلى مَن عَتا
وَما كُلُّ مَن قالَ قَولاً وَفى
وَلا كُلُّ مَن سيمَ خَسفاً أَبى
وَلا بُدَّ لِلقَلبِ مِن آلَةٍ
وَرَأيٍ يُصَدِّعُ صُمَّ الصَفا

العِشق🫶🏻!

عليه الصلاة والسلام.

_

يوم عرفة أدعي بإيه؟

ركز على مواطن ضعفك أمام الفتن، استحضرها كويس وادعُ الله بإخلاص واعقد النية إنك مش هتقرب منها تاني وإنه يعصمك من كل فتنة.

ادعوه بالسداد والتوفيق والرضا، لأن مش كل سداد ممكن يبقى بيحقق (غاية) إنت عايزها، المهم إن قلبك يمتليء بالرضا.

ادعوه سبحانه أن يجنبك الرياء والتسويف، فتكون مخلص عملك كله لله لا تنتظر إعجابا من أحدهم أو تفضل تسوف في أمورك وتوبتك وطاعاتك!

ادعوه سبحانه إنك تكون ساعد من سواعد الخير والحق وإنك تبقى ركن أمان للغير، لا تظلم ولا تطغى.

ادعوه بالستر والعفو والعافية، وإنك ترجع للحق والصواب ولا تحيد عن طريقك ولا تركن لطريق الظلم أبدا.

ادعوه سبحانه بالفردوس الأعلى من الجنة وأن يميتك على الإسلام وحسن الختام وأن يرزقك رؤية نبيه عليه الصلاة والسلام في المنام.

ادعوه بالزوج الصالح والسكن الدافيء والبيت الهاديء والذرية الصالحة البارة المطيعة.

ادعوه بسعة الرزق وتذكر الفقراء والمساكين وإنك تبقى ذراع لهم وقت حاجتهم وكتف وقت مؤازرتهم، وادعوه أن يرزقك الإخلاص في ذلك كله.

ادعوه أن يرزقك الحكمة وأن يعلمك، فمن أوتي الحكمة فقد أوتي خيرا كثيرا وأن يرزقك بسطة في العلم والجسم.

ادعوه سبحانه أن يبارك في أهلك وأن يوسع أرزاقهم وأن تكون بارا لوالديك أبدا وأن تكون خير سند لإخوتك.

ادعوه أن يرزقك خيري الدنيا والآخرة وأن تعيش لتطيع ولا تنس مآلك أبدا وأن يجنبك الظالمين وان يحفظك بحفظه سبحانه.

يوم عرفة ده كنز وجالك لحد عنك، من غني واسع لا يحتاج أصلا لعبادتك، لكنه من لطفه وسعة كرمه أمهلك لحد اليوم ده علشان تتضرع له وتدعو.
فَلا تظلم نفسك.

- ياااه ده أنا محضرة دعوات ليوم عرفة لا تعد ولا تحصي

= طب هتعملي اي في يوم عرفة؟

- هصلي قيام وادعي

= طب اسمعيني بقي ..هديكِ جدول تمشي عليه علشان تغتنمي اليوم العظيم ده وميضيعش منك ثانيه فيه..
أول ما المغرب أذن تعرفي إنك بدأتي في يوم تحديد مصير..
يوم غفران الذنوب..ومن أعظم أيام الدنيا

1-هتفطري وتصلي المغرب وتقعدي تهللي وتكبري وتسبحي لحد العشاء

2- هتصلي العشاء وتخطفيلك ساعتين تنامي وتظبطي المنبه ولازم تقومي قبل 2

3-هتقومي تتسحري وتتوضي وتجهزي الأوضة الي هتصلي فيها وتقفليها بحيث تعرفي تصلي ومحدش يدخل يخليكِ تسرحي ف الصلاة

4-لو نمتي هنبدأ بركعتين خفاف كده علشان منصَعبش علي نفسنا وهمتنا تنزل من الأول وكده

5-لازم نُكتب من المقنطرين..
أيوه لازم نصلي ب1000 آيه..
هنقرأ من الملك لأخر القرآن .."جزء عم ، وتبارك و قد سمع"

6-القيام عدد ركعاته غير محدودة بس النبي صلي الله عليه وسلم كان بيصليهم 11 ركعه مثني مثني ويختم بركعة.

7-تكوني مجهزة كل حاجة ف الغرفة الي هتصلي فيها بحيث متخرجيش وتنشغلي بحاجة.

8-ندعي بخيري الدنيا والآخره الي هو متدعيش للدنيا وتنسي الاخره وخلي دايما في بالك " ربنا آتنا في الدنيا حسنة وفي الاخره حسنة وقنا عذاب النار"

9- خلصنا ال1000 آيه!
نبدأ بقي في الاستغفار ونخليه قبل الفجر بربع ساعه علشان نُكتب من "المستغفرين بالاسحار"

10- "الله اكبر الله اكبر" الفجر أذن..
نصلي الفجر جماعة '' ومننساش السنه''
بعد ما تصلي اوعي تقومي من مكانك قبل ما تغتنمي دعاء الملائكه لكِ ورددي" لا إله الا الله وحده لا شريك له له للملك وله الحمد يحي ويميت وهو علي كل شئ قدير" عشراً

ده قبل ما تتحركي من مكانك بعد التحيات
ونقرأ آيه الكرسي وأذكار الصلاة.

11-خلصنا الفجر..ندخل تاني لمكان قيام الليل ومصحفنا في ايدينا
ونقرأ قرآن لحد الشروق وبعدين نصلي الضحي " علشان تكتب حج وعمره "

12-حطي ف قلبك يقين بإجابة كل دعواتك

13-ايه دا عايزه تنامي!
هنستغل النوم ونحط في نيتنا إنها تقويه للإستِمرار في طاعة الله..
"قولنا مش هنضيع ثانيه."

14-الظهر أذن هنصليه بالنوافل..
وهنقعد نقرأ قرآن لحد العصر

15-نحاول نتصدق بقدر الإمكان.

16- العصر هنصليه ونقول أذكار المساء ونقرأ قرآن شويه لحد قبل المغرب بساعة..

17-ولو بتحضري الفطار ف هتهللي وتكبري وتسبحي وتدعي لنفسك وأنتِ بتحضريه

18- نتصل بأقربائنا ونعيد عليهم بنيه صِلة الرحم

19-نحاول نقعد كلنا فِي مكان ونذكر الله ونذكر نعمته علينا.
وخلي ف بالك أنه سبحانه وتعالي بيذكركم في ملأ أكبر منكم وأجل

20-المغرب أذن.. هنفطر وندعي لأنفسنا وعائلاتنا وللمسلمين

وكُل عام وانتم بخير..🤍

صباح الخير .

"لست كاملًا ولن تكون كاملًا،
إنّما الحياة سعيٌ على أمل الكمال".

بعد المغرب هيبدأ يوم عرفة

النهارده أنا مش جاية أقولكم خطة تعملوها وتمشوا عليها
أيامنا وحياتنا مش زي بعض

بكرا أنا عندي شغل غيري أجازة غيري عندها بيت

فأنا جاية أتكلم عن حاجات بسيطة تساعدنا نغتنم في اليوم المبارك دا

أول حاجة ويكون هدفنا الأهم:
إن الله سبحانه لا ينظر لنا واحنا بنعمل ذنب أبدًا طول اليوم دا

يعني بلاش نمسك الموبايل ونقلب فيه إيدينا هتروح على الريلز وفيها أغاني ومسلسلات فبلاش نعمل كدا ونتجنب المعصية

بلاش نأخر الصلاة نحاول قدر المستطاع الصلاة مش تضيع
بلاش غيبة!
بلاش عقوق ..
بلاش نمكر لمعصية بعد نهاية اليوم
بلاش ذنوب ونركز مع نفسنا كويس ..

الهدف التاني احنا هنقسم اليوم من المغرب للمغرب
يعني من المغرب هنحط الموبايل على جنب ونركز في الحاجات اللي عايزين نعملها

الوقت نقسمه على الصلوات بعد المغرب هنعمل كذا بعد العشاء هنعمل كذا
وبعد الفجر كذا
عشان اليوم يكون مترتب كويس

ناموا بالليل قدر الإمكان ناموا كويس عدد ساعات كويس عشان نهار عرفة أهم من ليله ويوم عرفة معلوم لينا مش زي ليلة القدر
يعني اللي يفوته خسران فعلًا!

طيب إيه العبادات في اليوم والليلة؟
الصلاة والقيام أساس
الأذكار
الذكر وتحديدًا ذكر
"لا إلهَ إلاّ اللهُ وَحْدَهُ لا شَريْكَ لهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءِ قَدِيرِ."
اعملوا جدول كدا للذكر وكل ذكر كرروه بالعدد اللي تقدروا عليه

القرءان هاتوا ورد كبير قد الإمكان وإن لم يكن صفحة عادي مفيش مشكلة والله ربنا بيتقبل القليل بس المهم الصدق

احنا مش هنعمل حاجات كتيرة عن الأيام العادية ولكن
هنعمل بصدق أكثر
عشان نُعتق!
فيه ناس بتُعتق يوم عرفة خلوا دا هدفكم!

وآخر حاجة الدعاء:
بلاش تشيلوت نفسكم أكثر من طاقتها
ادعوا لنفسكم وأهلكم والمسلمين أجمع
بلاش ننزل بوست ونجمع دعوات لناس مش هنعرف ندعيلها
بلاش ننزل حاجة احنا مش قدها!
خدوا طاقتكم وادعوا للي تقدروا عليه
ادعوا بكل شيء بالبركة والعافية والجنة وكل شيء تتمنوه الله سبحانه مجيب!

ابدأوا بالثناء على الله سبحانه والثناء على النبي ﷺ
واختموا كل دعوة بذكر الله
ادعوا وتمنوا الله سبحانه يستجيب بإذن الله
ومتنسوش أهلكم دا من البر
ومتنسوش صحابكم حتى لو بدعوة واحدة بس!

اليوم طويل جدًا من الفجر ل المغرب ١٦ ساعة
يعني تقدرا تعملوا خير كتير بس استعينوا بالله وحاولوا مرة تانية

ولو حد افتكرني بدعوة هكون ممتنة

فرصتك عشان تتجوز ، عشان الحفاظ على الصلاة ، عشان ترزق فلوس كتير ، عشان تحفظ القرآن ، عشان تحقق كل أمانيك !
والله ما مجرد يوم فيه صيام وخلاص دا أعظم يوم في السنة وأكثر يوم فيه عتق من النار ويوم تحقيق الأماني كلها لأن النبي ﷺ حين قال: "خَيرُ الدُّعاءِ دُعاءُ يومِ عَرَفةَ، وخيرُ ما قُلْتُ أنا والنبيُّونَ من قَبْلي: لا إلهَ إلاّ اللهُ وحدَه لا شريكَ له، له المُلكُ، وله الحَمدُ، وهو على كلِّ شيءٍ قديرٌ"
قسم وقتك كله على دعاء الثناء ودعاء الطلب ، هات كتيب دعاء وادع الله
- فرصتك تدعو بالعتق من النار
- فرصتك تفصل عن الدنيا وتكون مع ربنا
- فرصتك لمغفرة ذنوب سنتين
- فرصتك تفطر صائمين وتاخد أجر صيام عرفة على كل واحد فطرته
- فرصتك تدعو الناس تصوم فتأخذ أجرهم لأن الدال على الخير كفاعله
- فرصتك تفوز بكل ما تحب في الدنيا والآخرة

اعتزل في مسجدك واعتزلي في بيتك

سيب كل الدنيا عشان تحقق كل أمنياتك في الدنيا والآخرة وتفوز بالعتق من النار

غدًا يومٌ عظيم، ولو حبّينا نحصر الكلام في أهمّ الأشياء اللي ممكن نعملها فهي كالتالي:

١- اجتهد في أن تُفرّغ نفسك في هذا اليوم، فهو يستحق أن يكون خالصًا من الشواغل والمُلهيات.

٢- احرص على اجتناب المعاصي تمامًا والبُعد عن أسبابها؛ لأنها قد تسلُب التوفيق وتمنع القبول.

٣- الصيام، ففي صحيح مُسلم من حديث أبي قتادة أن النبي صلى الله عليه وآله وسلم قال: «صيام يوم عرفة أحتسب على الله أن يكفّر السنة التي قبله والسنة التي بعده».

٤- التزِم ما استطعتَ بأداء الفرائض في جماعة، فهي مِن أرجى الأعمال على الإطلاق.

٥- السُّنن الرواتب وصلاة الضحى.

٦- ذِكر الله عزّ وجلّ، بدءًا بأذكار الصباح والمساء، والأذكار أدبار الصلوات، والذِّكر المُطلَق، خصوصا ما جاء في الحديث: «خيرُ الدعاء دعاء يومِ عرَفة، وخير ما قلتُ أنا والنبيّون من قبلي: لا إله إلا الله، وحده لا شريك له، له المُلك وله الحمد وهو على كل شيء قدير».

٧- أعظم الذّكر تلاوة القُرآن، فلا تحرِم نفسك.

٨- الدعاء، والدعاء يشمل الذِّكر -وهو دُعاء ثناء على الله- ويشمل دعاء الطلَب والمسألة.

وإذا تكلمنا عن الدعاء فإنه يَجدُر بنا التنبيه على أمور:

١- ليكُن همُّك في الدعاء أن تتعبَّد به، قبل أن يكون همّك أن تُعطى ما تدعو به.

٢- احرص على الأدعية القرآنية والنبويّة، ففيها أجرُ الاقتداء، وبرَكة الألفاظ، وجَمعُها للمعاني العظيمة مع الاختصار.

٣- اجعل لآخرَتِك نصيبًا مِن دعائك، فهي خيرٌ وأبقى.

٤- لا تنسَ أحبابك وأرحامك وأصحابك مِن دُعائك، فإنك تنال بركة قَولِ الملَك "ولكَ بمِثل".

٥- لا تنسَ إخوانك القائمين على الثغور، والمُستضعفين في المُخيّمات، والمُبتلَين في كل مكان، ادعُ لهم بالنصر والتمكين، وبالعافية وفَكّ الكرب.

٦- ابكِ على ذنوبِك واستغفِر الله، مع استحضار الرجاء في رحمته وحُسن الظنّ به.

ولا تنسونا من صالح دعائكم.

محمد الجعفري