ይች እህታችን በጣም ታሳዝናለች ምናልባት የሚያዳምጣት እና ስሜቷን የሚረዳት ሰው በማጣቷ ሊሆን ይችላል፤ ህይወቷን ያጠፋች ግን ይሄ የመጨረሻ አማራጭ ሊሆን አይችልም፤ በእንደዚህ አይነት ሁኔታ እራሱን የሚያጠፋው ሰው ብዛት ቤት ይቁጠረው፣ከማዘናችን በፊት ሀዘናቼውንና ችግራቼውን ብንረዳቼው ብዙ ወጣቶችን እንታደጋለን ብዬ አስባለው።
#ባሰለፍኳቸው ጥቂት አመታት ይሄ ስሜት በቁጥር ልገለፀው ለማልችላቸው ቀናት ተሰምቶኛል ። ተሰምቶኝም አለቀረ ብዙ ጊዜ እራሴን ለማጥፋት ሞክሬያለሁ ይሄ ብዙ ሙከራዬ ሳይሰካ በቀረበት ጊዜ ለወዳጄ አንድ ጊዜ እንዲህ ብያት ነበር<<ሰው ስለፈለገ ብቻ መሞት ቢችል አሁን ላይ ማናችንም አንኖርም ነበር>>
ምክንያቱም ሁሉም በአቅሙ በሂወት መስመር ተፈትኗል ፣ሁሉንም ሰው የሆነ ቀን ደክሞት ያውቃል፤መኖር በቃኝ የሚያስብል የሆነ ቀንን አልፎኣላ? ....
በዚህች ከንቱ አለም ብዙ ልብን የሚያዝሉ መኖራችንን ከንቱ የሚደርጉብን እልፍ ክስተቶች አሉ የሆነ ጊዜ አልፈናቸውም አያበቃም እስካለን ድረስ ዘውጋቸውን እየቀያየሩ አብረውን ይዘልቃሉ እንጂ ።ለዚህ ሁሉ መፍትሄው አለመኖር ነው 💔
ታዲያ እነዚያ ድቅድቅ ጨለማዋቼ ማለፍ ባቃተኝ ጊዜ ምን አለባት እንደመሻቴ ዛሬን ማየት ባልችል አሁኔን ሳስበው በራሴ ተናድጄም አላበቃም ነበር። ....ምክንያቴ
ትላንት ያለፍኳቸው ቀናት አሁን ከማልፈበት ሳነፃፅረው በፊቴ እንደ ገለባ ነው። መሞትም ካለብኝ ለአሁኑ እንጂ ለትላንቱማ ሞትን የሚያህል ፅዋ አይገባውም። ይገርማል አይደል ከአመታት በኋላ ደግሞ ምን ሆኜ በዛሬ ምክንያት ተስፋ እንደቆረጥኩ አስብና ለሌ የሞት ፅዋ የሚገባው ህይወትን እገዳደር ይሆናል።
ማን ነበር ይቺ አለም ለሰነፎች መቃብር ናት ያለው። እንደዚያ ነው መታገል ካቆምን ባንሞትም ሞተናል።
ልነግራችሁ የምፈልገው ነገ የተሻለ ቀን እንደሚሆን ላፅናናችሁ አይደለም ነገ አሁን ካለንበት የከፋ ነው ሚሆነው ግን የአሁኑ መታገላችን ለነገ መሻገሪያ ስንቃችን ነው እና እጅ እንዳትሰጡ።