وتظن من شدة لُطفه بك... انك عبده الوحيد

‏في داخلي مئة فرحة، و ألف حزن، و ما لا يحصى من الآمال و الحسرات، و ركن صغير فارغ أختبئ فيه منكم جميعاً .

الله من گد ما يحبنا رغُم شگد نعصي، ونسوي أخطاء، ونمشي بدرب مو حلو، ونعاشر ناس همها الغيبة، والنفاق، ونهمل عباداتنا، رغُم كُل هذا بس ربنا مِ يعوفنا ابدًا، وبكُل موقف، راح تشوفوا حاميكم وموجهكم حتى بالمرات إلي چنة منستاهل هذا الشيء ليش؟ لأن ببساطة هو ربنا، يحبنا، عطوف علينا، رحمته وسعت كُل شيء، برحمته يغفرلنة ذنوبنا ف لا تقصرون تجاه الرب إلي منحكُم كُل الحُب، والحياة السعيدة، خلوا الامان الحقيقي فقط يم الله سبحانه وتعالى لان فعلا إذا ردنا الامان ف هو الأمان.

مرات الواحد يتمنى يكون ثلجاية ولا يعيش بهل حر

طلب صغيرون منكم🤍

إذا حابين تاخذون أجر وتفيدون غيركُم ف حولوا الرابط للاشخاص الي عدكُم وخلي يكبر عدد القناة

تدرون باقي بس شهر واحد ويصير على فتح القناة سنة🙂‍↕️ ما استاهل تدعموني؟؟

للمهتم طبعًا...

اتذكر هل قناة هواي تردّدت حتى أفتحها وبالبداية ما چنت مقتنعة لأن گلت راح تاخذ مني وقت او يوم يومين وأحذفها بس بعدها صارت هاي القناة شيء عظيم عندي، اختاريتها تكون قناة دينية حتى اسوي شيء دنيوي زين وأفيد غيري، وأحصل آجر وغيري يحصل آجر ونستفاد كُلنا، وحدة من اهدافي أنُ هل قناة تكبر ويصير بيها عدد من الناس الصالحة وإلي مهتمة لهل شيء طبعًا ونكبرها ونسعى للشيء زين من ضمنهُم ما بقى شيء لمُحرم ف چنت حابة انسوي بيها ختمات قرآنية وزيارات وأدعية، وأستغفار وصيام، ونصير عائلة حلوة كُلنا نسعى نغير نسخة من نفسنا، نسخة للأفضل نرضي بيها ربنا ونحسن من نفسنا وماكو شيء يكون عظيم غير أنُ الأنسان يسعى أن يرتب نفسة دينيا، اخلاقيا، علميا، هل أشياء كلها جمعتها هذه القناة، لذلك كل ما زاد دعمكُم للقناة وزدتوا بالاضافة اوعدكُم راح تكون القناة الأقرب الكُم، نفتح بيها خاصية الرسائل ونصير اصدقاء نضل نتواصل ونسولف ونتناقش وإلي عندة معلومة حلوة او فائدة ننشر رسالتة، يعني هدفي منها أنُ هل قناة تكون اكثر من نشر وبس، هدفي تكون امان الكُم وراحة لما تدخلون تقرأون، ونسولف ترتاحون اكثر، حتى مُمكن افتح بيها فقرة فضفضة والشخص الي بداخلة شيء وحاب يحچي بكل سهولة عن طريق البوت، شوفوا هسة البعض ماراح يعجبة واكو بيهُم يگولون شگد فارغة، رغُم انا طالبة سادس وعندي التزامات هواية، ودراسة، وأشغال، بس هذا الشيء سويتة وهدفي صار لان تعلمتة من نبينا الكريم النبي محمد صلى الله عليه وسلم، من لما بدأ برحلة نشر الدين سعى أنُ يصلح حال الأمة التعبان، وبما أنُ هو نبينا واجبنا نقتدي بي، حتى ما ادوخكم اكثر، للي حاب يسعى للخير يسعى وللي ما حاب يغادر بكل سلام 🤍

هدفي من هذا الكلام هو دعمكُم للقناة واضافة ناس بيها وعن قريب تشوفون اشياء كلش حلوة بيها راح تحبوها

سلامي للجميع وشكرا للي أخذ من وقتة وقرأ الرسالة

تَعصيهُ وهُوَ يُرَاكَ وتَذهَب لتَنام فَيُصبِحُكَ ليِعُطيِكَ فُرصَة للتّوبَة.

تنامُ متى تشاء وتستيقظُ
متى تشاء تأكُل متى تشاء
وتخرُج متى تشاء ، لا أحداث
يُرسل لك ولا تُرسل لأحد ،
ما أشفقَ كونُك منسي وما
أجمل كونُك وحيد

يا جماعة بعدني بـ بدايات السادس وكُلشي متراكم عليه شنو السالفة؟؟

اعمال يوم عرفة في يوم الجُمعة

1- الغسل
2- الصيام
3- الصدقة تدفع 70 بلاء
4- تقول سبحان الله والحمدلله ولا اله الا الله والله اكبر
5- تسجد وتقول 14 مرة يا وهاب
6- ركعتين النية التقرب الى الله
وفي كل ركعة الحمد وسورة القدر مرة واحدة بعدها تقول: استغفر الله واتوب اليه 15 مرة وتطلب حاجتك
7- ذكر: سبحان الله وبحمده، استغفر ربي واسأله من فضله
8- قراءة دعاء ام داود

لا تضيعون هذا اليوم منكُم فهو يوم عظيم اغسلوا بطهارة وبنية التقرب الى الله سبحانه وتعالى وأحيووا هذا اليوم العظيم وسوو الاعمال الموجودة وخلوا قلوبكم نقية وصافية، يوم عظيم مثل هذا يستحق الانسان يتقرب لربة ويبدي بداية جديدة،بداية ترضي الله سبحانه وتعالى وترضي نفسة، النفس تحب المعاصي وتحب ترتكبها، الانسان يغلط ويتعثر دائمًا، بس خلي بكُل عثرة الكم نهوض قوي ومثل هذا اليوم بلشوا ك بداية جديدة بحياتكم ولكم السلام ان شاء الله 🤍🤍

2025/6/6

الوداع

راح احذف كلشي

دُمتم بخير

لو قابلتوا الشخص الي دمر حياتكم شنو ممكن تسوون؟

الانسان بهاي الحياة هو زائل يعني شنو؟
يعني من الله سبحانه وتعالى خلقنة ف خلقنة علمود نأدي عباداتنا تجاها وبعدها ننتقل للعالم الثاني، كل بشر يصفن وي روحة شوي ويشوف اعمالة وتربيتة، شگد حلو من نتذكر الامام الحسين عليه السلام بعمُر الطفولة چان انسان مُهذب، وواعي، ورزن وتصرفاتة محسوبة من شدة أدبة واخلاقة چانوا يگولون عنة أنُ هو طفل اكبر من عمرة بهواي، ليش منحاول نقتدي بأهل بيتنة؟ شنو هي مغريات الدنيا؟ فلوس، لعب، ونسة، اصدقاء، طلعات، مسلسلات والخ..

هاي كلها ماراح تشفع لك يوم القيامة ولا بيها جدوى الجدوى الحقيقية من تكون متصالح وي ربك وعائلتك مهتم بيهم البشر لازم يفكر حتى بعائلتة امي حملتني 9 شهور بمعاناة وتعب وامراض وجهُد، وربتني لحد ما وصلت عمري المحدد، انا شنو قدمتلها؟ شنو سويت علمود هاي الام العظيمة الي وصى بيها الله سبحانه وتعالى والنبي محمد صلى الله عليه وسلم، بواجب كل بشر من كبر وصحى على نفسة واهلة تعبانين عليه يهتم بعائلتة ويعيد الدور بس هل مرة هو المسؤل يشوف امة شنو محتاجة؟ شنو الي متعبها يواسيها بكلماتة ويحنن على قلبها العطوف، يفرحها ولو بهدية بسيطة، الام عظيمة شگد ما نوصفها ما ننطيها حقها وتلك المرأة التي تحمل مصائب الدنيا وهي صابرة، مبتسمة، حلو الانسان من يكون مهذب، عقلة اكبر من عمرة، واعي، ويفتهم البعض راح يگولون هذا الشيء مو نتعلمة انما مكتسب وانا اگول العكس هذا الشيء نتعلمة لان هواي ناس سيئة قرروا يغيرون من حياتهم ويطلعون من مود الغباء، وافعالهم القبيحة وفعلا صاروا أناس ثانين مُختلفين عن النسخة إلي چانوا بيها ليش؟ لان ببساطة هُمَ حبو يطلعون من مستنقع الغباء ويعيشون على الي وصاهم بي الله سبحانه وتعالى وبلشوا اساس جديد بحياتهُم وتطوروا نحو الافضل

المقصد من هذا الكلام...

لا تاخذون الحياة بسهولة خصص ولو من وقتك ساعة وحدة او ساعتين اگعد وي نفسك وشوف هل نفس الآمارة شنو سوت من اخطاء؟ شگاعد تذنب؟ لحد الآن شنو انجازاتي؟ وين وصلت؟ شلونها علاقتي بربي وشلونها علاقتي وي امي.. اذا لگيت جواب حلو ومُريح ف بالعافية انت انسان عظيم وبالفعل ماهامتك الدنيا، بس إذا صفنت وما لگيت جواب ف راجع نفسك.

لا تنسون مولانا المهدي عجل الله فرجه بأي لحظة يظهر هل راح يفتخر بأعمالكم؟ راح يفتخر أنُ تكونون من انصارة؟ وانتم بعدكم على السوء، كل خطوة تغيير واقلاع عن عادة او ذنب ف خلو نيتها قربا لله تعالى، وربنا ينطيكم على نياتكم..