#Хорижий_мамлакатлар_тажрибаси 🇨🇳

Хитойда 1000 км/соат тезликка эриша оладиган поезд намойиш этилди. Бу аксарият самолётлардан ҳам тезроқ.
———
Поезд 2 км узунликдаги махсус қувурда синовдан ўтказилди. Ҳозирда синовлар ҳали ҳам давом этмоқда. Поезд ишга туширилса, Пекиндан Шанхайгача бўлган йўлни ҳозирги 4 соат ўрнига 1,5 соатда босиб ўтади.

🌐 Telegram |▶️ Youtube |🌐 Instagram

🛡#Хорижий_мамлакатлар_тажрибаси 🇺🇸

⚡️ Хакерлар Дональд Трампнинг сайловолди штаб-квартирасини бузиб киришди
——
"Microsoft" компанияси эронлик хакерлар Трампнинг сайловолди кампанияси бўйича собиқ маслаҳатчисининг электрон почта аккаунтини бузиб кирганига оид далилларни топди, дейди масаладан хабардор шахс.

🌐 Telegram |▶️ Youtube |🌐 Instagram

🛡#Хорижий_мамлакатлар_тажрибаси 🇺🇸🇮🇷

⚡️"Google" Байден ва Трамп компанияларига хакерлик ҳужумларини тасдиқлади
———
"Google" Эрон томонидан AҚШ президенти Джо Байден ва президентликка номзод Дональд Трампнинг сайловолди штаб-квартирасига киберҳужум содир этилганини тасдиқлади. Бу ҳақда компания ҳисоботида маълум қилинган.

Теҳрон (Эрон) томонидан қўллаб-қувватланган хакерлар гуруҳи май ва июнь ойларида Байден ва Трамп билан боғлиқ бўлган ўнга яқин одамнинг электрон почта манзилини нишонга олди. Улар орасида Aмериканинг амалдаги ва собиқ амалдорлари ҳамда сайловолди кампаниялари билан алоқадор шахслар бор.

"Google"да мавжуд бўлган маълумотларга кўра, хакерлар гуруҳи аккаунтларни бузишга уринишларини тўхтатмоқчи эмас ва бунинг учун янги усуллардан фойдаланмоқда.

🌐 Telegram |▶️ Youtube |🌐 Instagram

🛡#Хорижий_мамлакатлар_тажрибаси 🇫🇷

⚡️ Франция расмийлари Олимпиада ўйинлари давомида 140 дан ортиқ киберҳужумларни қайд этган
——
Франциянинг Aхборот тизимлари хавфсизлиги миллий агентлиги (ANSSI) 2024 йилда Парижда бўлиб ўтган Олимпиада ўйинлари вақтида 141 та киберҳужумни қайд этган.

Хакерлар нишони давлат ва спорт муассасалари, телекоммуникация ва транспорт бўлган. Хусусан, Франция музейлари, жумладан Лувр ва Катта сарой (Grand Palais) киберҳужумларга учраган. Қайд этилишича, ушбу киберҳужумларнинг ҳеч бири Ўйинларга таъсир қилмаган.

🌐 Telegram |▶️ Youtube |🌐 Instagram

🛡#Хорижий_мамлакатлар_тажрибаси

⚠️ Янги вирус телеграмда аккаунтларни эгаллаб, криптовалютани ўғирламоқда
——
"Check Point Research" (CPR) тадқиқотчилари браузер маълумотларини, "Telegram" ва "Discord" мессенжер сеансларини, шунингдек, криптовалютани ўғирлаш имкониятига эга бўлган "Styx Stealer" номли янги зарарли дастурий маҳсулотни топдилар.

"Styx Stealer" бошқа таниқли "Phemedrone Steale" вирусининг олдинги версияси асосида яратилган бўлиб, у 2024 йил бошида "Windows Defender SmartScreen"даги заифликдан фойдалангандан сўнг маълум бўлган. "Phemedrone" дастлаб "GitHub"да мавжуд эди, аммо кейинчалик олиб ташланди.

🌐 Telegram |▶️ Youtube |🌐 Instagram

🛡#Хорижий_мамлакатлар_тажрибаси 🇳🇱

Амстердам маъмурияти шаҳар расмийлари учун телеграм мессенжеридан фойдаланишни тақиқлашни жорий қилди.
——
Тақиқлашнинг асосий сабаблари - жосусликнинг потенциал хавфи ва жиноятчилар томонидан иловадан фаол фойдаланиш, хусусан, гиёҳванд моддалар савдоси. Тақиқлаш тўғрисидаги қарор апрель ойида қабул қилинган, аммо оммага эълон қилинмаган. Шаҳар мэрияси телеграмнинг хавфсизликка таҳдид солиши мумкин бўлган Россия ҳукумати билан эҳтимолий алоқаларидан хавотир билдирди.

Тақиқ амалдорларнинг иш телефонларига тегишли. Ҳозирги кунда телеграм Голландияда машҳурлигича қолмоқда, у ерда ундан 1,9 миллионга яқин киши фойдаланади.

🌐 Telegram |▶️ Youtube |🌐 Instagram

🛡#Хорижий_мамлакатлар_тажрибаси 🇺🇸 🇮🇷

AҚШ разведкаси Эронни сайлов штаб-квартирасига киберҳужумларда айбламоқда
——
AҚШ разведка агентликлари Эрон AҚШ президентлик кoмпанияларига қаратилган киберҳужумлар учун жавобгар деган хулосага келди. Бу ҳақда Федерал қидирув бюроси, Миллий разведка бошқармаси (ODNI) ва Киберхавфсизлик ва инфратузилма агентлиги (CISA) қўшма баёнотида айтилади.

“Биз сайловлар даврида Эроннинг тобора тажовузкор фаоллигини, хусусан, Aмерика жамоатчилигига қарши амалиётлар ва президентлик кампанияларини нишонга олган кибероперацияларни кузатдик”, — дейилади баёнотда. Ҳужжат ФҚБ сайтида эълон қилинган.

Ўз навбатида, Теҳрон Aмерика разведка ҳамжамиятининг барча айбловларини аллақачон рад этган. Эроннинг БМТдаги миссияси уларни асоссиз деб атади. Улар Эроннинг AҚШдаги президентлик сайловларига аралашиш нияти ҳам, мақсади ҳам йўқлигини таъкидлади, деб ёзади "Reuters".

🌐 Telegram |▶️ Youtube |🌐 Instagram

🛡#Хорижий_мамлакатлар_тажрибаси 🇺🇸

Чип ишлаб чиқарувчи "Microchip" йирик киберҳужумдан сўнг ўз бизнес фаолиятининг бир қисмини тўхтатди
——
AҚШ мудофаа саноати учун чиплар етказиб берувчи етакчилардан бири бўлган "Microchip Technology" компанияси киберҳужумга учраб, баъзи тизимларни ўчиришга ва операцияларни қисқартиришга мажбур бўлганини айтди.

Компаниянинг назорат қилувчи органларга тақдим этган баёнотига кўра, 17 август куни ахборот тизимларида шубҳали фаолият аниқланган. Икки кундан сўнг, 19 август куни "Microchip" "айрим серверлар ва айрим бизнес операциялари" бузилганини тасдиқлади, деб хабар беради "Bloomberg".

🌐 Telegram |▶️ Youtube |🌐 Instagram

🛡 #Хорижий_мамлакатлар_тажрибаси

Хакерлар Байден ва Трамп билан боғлиқ "WhatsApp" профилларига ҳужум қилишди
——
"Meta" компанияси Эронга алоқадор "APT42" хакерлар гуруҳи сиёсатчилар ва дипломатларнинг, жумладан Джо Байден ва Дональд Трамп маъмуриятининг "WhatsApp" профилларига ҳужум қилгани ҳақида хабар берди. Ҳужумлар Исроил, Фаластин, Эрон, AҚШ ва Буюк Британиядаги бир қанча шахсларнинг ҳисобларига қаратилган.

“Фойдаланувчиларнинг шикоятларини кўриб чиққандан сўнг, бизнинг хавфсизлик гуруҳларимиз ўзини технологик компанияларнинг ёрдамчи ходимлари сифатида кўрсатган "WhatsApp" аккаунтларининг кичик гуруҳини блоклади”, — дейилади баёнотда.

🌐 Telegram |▶️ Youtube |🌐 Instagram

🛡#Хорижий_мамлакатлар_тажрибаси 🇫🇷

❗️Телеграм Франция "App Store" дўконида энг кўп юклаб олинган иловага айланди.
——
Павел Дуровнинг ҳибсга олиниши фонида телеграм машҳурликка эриша бошлади ва рейтингда юқорига кўтарилди. Дунё миқёсида эса "iOS"да юклаб олишлар сони 4 фоизга ошди.

🌐 Telegram |▶️ Youtube |🌐 Instagram

🛡#Хорижий_мамлакатлар_тажрибаси 🇰🇷🇫🇷

❗️Франциянинг ортидан Жанубий Корея полицияси ҳам телеграмга қарши терговни бошлади — "Yonhap"
——
Агентликнинг хабар беришича, иш ёлғон хабарларни тарқатиш билан боғлиқ жиноятларга алоқадор.

Сеул тергов доирасида Париж ва халқаро ташкилотлар билан эҳтимолий ҳамкорлик ўрнатишни режалаштирмоқда.

🌐 Telegram |▶️ Youtube |🌐 Instagram

🛡#Хорижий_мамлакатлар_тажрибаси 🇷🇺

❗️2024 йилда деярли 600 мингга яқин кибержиноят содир этилган.
——
Жорий йилнинг 7 ойи давомида 577 мингта ахборот технологиялари соҳасидаги жиноятлар қайд этилган бўлиб, шундан 437 мингтаси фирибгарлик ва ўғирлик билан боғлиқ. Бу ҳақда РФ ИИВ Тергов бошқармаси бошлиғи ўринбосари Даниил Филиппов Шарқий иқтисодий форум (ВЭФ) доирасидаги “Рақамли хавфсизлик ва бизнес масъулияти” сессиясида маълум қилди.

Филиппов, шунингдек, 2024 йилда бундай жиноятлардан кўрилган зарар аллақачон 99 миллиард рублга етганини айтди. Таққослаш учун, ўтган йили "IT" технологияларидан фойдаланиш билан боғлиқ жиноятлардан кўрилган зарар 156 миллиард рублни ташкил қилган.

📱 Telegram |📱 Youtube |📱 Instagram

#Хорижий_мамлакатлар_тажрибаси 🇺🇸

❗️Илон Маск Марсда шаҳар қурмоқчи
——
Илон Маск 2 йилдан сўнг Марсга "Starship" ракетасини жўнатишга, 20 йилдан кейин эса у ерда шаҳар қуришга ваъда берди.

Биринчи парвозлар учувчисиз амалга оширилади ва агар улар муваффақиятли бўлса, кейинги қадам одамларни жўнатиш бўлади. Маскнинг сўзларига кўра, экипажлар Марсга 4 йилдан сўнг уча бошлайди.

Миллиардер, шунингдек, ғоя муваффақиятли бўлиши учун ҳар 1 тонна юкни Марсга етказиш харажатларини 1 млрд АҚШ доллардан 100 минг АҚШ долларгача камайтириш зарурлигини таъкидлади.

Telegram | Youtube | Instagram

🛡 #Хорижий_мамлакатлар_тажрибаси 🏴󠁧󠁢󠁥󠁮󠁧󠁿

Aнглиялик олимлар мияга қон қуйилишини тезда тўхтата оладиган нанороботларни ишлаб чиқишди, улар ёрилган томирлар жойига тезда етиб бориб қонни тўхтатувчи дорини сепишади.

Ушбу нанороботлар яқин келажакда аневризма ва аорта ёрилишидан ўлимнинг олдини олишга ёрдам беради, шунингдек, уларни бошқа соҳаларда ҳам қўллаш мумкин бўлади.

🌐 Telegram |▶️ Youtube |🌐 Instagram