#美國選舉
最近有報道稱有美國人宜家好後悔投咗俾拜登，所以話好多人喺Google嗰度搜尋，究竟點樣可以更改選票(“網絡熱搜”)。

呢個係大數據嘅一種。

甚至蕭生都有攞呢樣嘢嚟講過兩次，來「證明」特朗普贏硬。

問題係呢個講法忽略一個事實，就係其實每次選舉前後都有同樣嘅Google Trend升幅。既然每四年都有咁嘅 “熱搜”，呢個所謂嘅 “網絡熱搜” 就唔係真係 “網絡熱搜”。既然係咁，其實好難去用呢樣嘢infer啲人後悔投票投錯咗俾拜登（延伸閱讀)。

#讀者投稿 #美國選舉
隔岸觀火 中共宜家係揞住半邊咀笑

喺連登喺社交平台，已經好多人提出咗，拜登嘅勝出係幾咁啱晒中共心意。但下文想講一啲未有人提出過，中共隔岸觀火揞住半邊咀笑嘅原因。

先不論中共有幾想侵輸、有幾大力籠絡登，其實中共嘅眼光唔係嚟緊四年邊個做美國總統咁簡單。因為呢啲只係短期目標。以長遠嘅角度睇，中共嘅角度係睇緊呢次選舉同埋所引發嘅一連串混亂情況，點樣幫助到佢哋口中嘅偉大民族復興之所謂「中國夢」，點樣幫助到中國嗰啲所謂「四個自信」(即什麼「中國特色社會主義道路自信」、「制度自信」etc.)。

即係話中共睇緊嘅係 “The Hundred-Year Marathon” 一書中所講2049百年馬拉松嗰隻戰略高度 —— 而唔係嚟緊呢幾年侵定登、會唔會幫助到中美貿易、唔再delink、華為TikTok、是否會繼續幫香港民主運動發聲是否制裁林奠葉劉呢啲。唔係呢啲唔重要，而係因為係講緊中美爭霸。

下文將提出三個中共宜家點解揞住半邊咀笑嘅原因。

第二部份
第三部份
第四部份
第五部份
第六部份

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#讀者投稿 #美國選舉 #中共視角

隔岸觀火 中共宜家係揞住半邊咀笑（二）

喺第一部份，我哋提出咗從長遠嘅戰略角度嚟睇，中共嘅着眼點其實並唔喺嚟緊呢幾年係侵定登咁簡單。唔係話中美貿易戰、能否避免delink、華為TikTok、是否會繼續幫香港民主運動發聲是否制裁林奠葉劉呢啲唔重要，而係中共着眼嘅係2049百年競賽嗰隻戰略高度。

咩意思？大家都聽講過佢哋所謂嘅「制度自信」。

咁多年來相信大家都攞佢嚟當做笑料，但係中共唔係咁諗。首先，喺武漢肺炎全球死亡人數已愈120萬、歐美各國第N次爆發嘅情況之下，中國大陸居然已經成半年有多冇乜事，喺中共眼中，正正係證明咗中國制度之優越性的最佳證據。喺佢哋睇嚟，西方國家唔單止要借鑒中國封城嘅經驗，仲要因為後者民主多元，借鑒又借鑒唔晒，啲人任意違反封城令週街走自由西咁唔戴口罩 —— 就反襯咗其實中國嘅制度亦有其可取之處。在佢哋眼中，呢啲一早話晒俾你哋知 (中共十九屆四中全會已向世界宣佈咗中國國家制度有多個優勢like堅持全國一盤棋、集中力量辦大事 etc.)。

咁關美國選舉咩事？我哋可能係全港第一個提出，呢次美國總統選舉係會帶來一連串嘅混亂情況 (連結)。打官司自然唔使講，相信「中止投票／點票」依家嘢可能當時會有人覺得我哋係講到咁誇嘩眾取寵，但係結果侵真係要求咁做。至於大規模衝突嘞喎仲大鑊。下一部份再講。

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#讀者投稿 #美國選舉 #中共視角

隔岸觀火 中共宜家係揞住半邊咀笑（三)

喺第一部份，我哋提出咗抱着偉大民族復興夢嘅習總之着眼點，並唔喺嚟緊呢幾年係侵定登咁簡單，而喺第二部份，我哋提出武漢肺炎同埋宜家嘅美國總統選舉之混亂情況，點樣有助中共2049世紀馬拉松。喺第三部份我哋繼續闡述中共點解宜家係笑緊，同埋佢哋喺呢啲混亂背後可能嘅角色。

在大規模衝突方面，喺呢一刻咁多指控咁多混亂嘅情況之下，相信好多人都預計會出現。但其實到宜一刻為止未真正爆發。嚟料嗰陣，係有機會喺規模上及激烈程度勁過BLM。舉一件事：右翼Proud Boys領袖有指被左翼BLM 人士插咗兩嘢(連結) 而侵侵一早叫定佢哋 “stand back and stand by” (連結)，故此，兩派乘機出嚟大規模武裝衝突係絕對唔出奇。

喺呢個社交媒體主導嘅年代，以上發生喺美國的一連串混亂情況，廣受全球關注並且被媒體及社交平台無限放大。有理由相信，其實中共唔單止隔岸觀火咁簡單。已經唔陰謀論佢係「鬼」，背後推美國極左極右兩派互打、又或者打砸搶搞事。

官司、中止點票、示威衝突⋯ 到呢一刻票未點完已經咁混亂，喺中共眼中，呢個正正係另外一個證據，證明西方民主制度嘅問題所在。在佢哋眼中，連香港教育局俾錢出嗰一本《中國模式國情專題教學手冊》都識講「政黨惡鬥，人民當災」，都識問小學生美國民主、共和兩黨輪流執政但「中國政體有何優越」。咁混亂仲唔係證明中國制度其實係好嘢！？

既然係咁百年難得一遇，如果我係佢，就趁機會喺媒體喺社交平台推波助瀾、落井下石。目的唔係troll侵侵打嘴炮情緒式發洩，而係去有組織地借咁嘅機會undermine以致打擊美國嘅國際地位。喺接近一世紀以來，有幾可咁啱得咁橋，遇到美國選舉混亂到咁嘅情度？又有幾何遇着個侵侵咁嘅性格獨特、棱角分明又骨格精奇嘅人物助燃？

所以話中共揞住半邊嘴笑，絕對唔係反侵捧登咁簡單。在中共眼中，呢次美國總統選舉帶來的混亂情況，直情係百年難得之機遇。有冇真係乘機透過社交媒體炒作甚至製造假消息fake news落井下石就唔肯定，不過有關undermine美國喺國際社會嘅地位呢一部份，下一部份會再講多少少。

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#讀者投稿 #美國選舉 #中共視角

隔岸觀火 中共宜家係揞住半邊咀笑（四)

上文我哋提出咗，從長遠的戰略角度考慮，習總着眼點係2049百年馬拉松嘅國際爭霸格局，而對佢來講，2020美國總統大選喺歷史上嘅重要性，並非拘泥於係侵定係登咁簡單。要偉大民族復興，重點係點樣趁着呢個百年難得的混亂情況，undermine美國嘅國際領導地位。

上一部份提及嘅三樣嘢，包括中途中止點票、法律訴訟、加上仲未發生嘅大型示威衝突，已經夠子彈俾支共玩一排。

仲有一連串嘅聲稱選舉舞弊情況 (種票、造票、點錯票、遺失選票、郵寄投票做假、投票人數超過人口數目)。對習總嚟講，所有呢啲指控，向內可以攞嚟feed國內嘅民粹(大家可以睇睇百度熱搜，全部posts都可供牆國人執到寶咁款)。另一方面，向外，則可以乘機炒作落井下石，大肆宣傳西方民主體制其實有好多問題。

雖然大陸啲五毛水軍係execution層面仍然係幼稚園水平，例如絕大部份嘅僵屍帳戶都係一眼睇得出係假嗰隻 (連結)。但係玩分化嘅策略呢方面，的而且確有佢高明嘅地方。仲有佢哋識得利用社交媒體的特性：只要夠「吸睛」夠「標題黨」，一幅圖幾隻字，真又好假又好，就隨時足以做到一傳十、十傳百的效果。目的唔係打飛機咁簡單，而係希望藉此stir up美國極左極右，激發已經兩極化嘅矛盾。

喺下一部份，我哋再分析中共可以點樣利用現時眾人嘅關注點 —— 有關選舉嘅法律訴訟 —— 同埋一連串嘅混亂去達到佢嘅戰略目的。(待續)

目錄

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#讀者投稿 #美國選舉 #中共視角

隔岸觀火 中共宜家係揞住半邊咀笑（五)

上文我哋提出咗，對習總來講，2020美國總統大選嘅國際政治意義，並非拘泥於係侵定係登咁簡單，而係點樣趁住呢個百年難得的機遇去undermine美國嘅國際領導地位。

對中共來講，最理想嘅結局當然係可以搞到美國陷入內戰邊緣。早幾個月嘅BLM示威，已經有媒體報道當中有牽涉操流利普通話嘅勇武人士參與。再唔係嫁禍又或者借刀殺人仲簡單啲。

我哋提出呢個可能性嘅時候可能好多人都會覺得講誇咗，不過已經越來越多跡象顯示，美國情況正趨呢個方向發展 (連結)。不過點都好，即使唔出現真正嘅內戰，如果能夠令到美國左右兩極進行大規模嘅對抗運動，亦都最少可以做到消耗美國國力，又或者令到美國自顧不暇，冇時間理支國 (對香港、對台灣、喺南海) 嘅種種行動。

即使做唔到，停留喺宣傳層面，上一部份已經提出中共嘅大外宣其實算係幾高明。因為除咗夠sensational之外，呢一連串有關選舉嘅法律訴訟，個過程拖得越長就越多花生。

順帶一提 (呢一點最後部份我哋會詳細講)，但香港人喺呢一刻千祈唔好unwittingly幫中共踩多一腳。唔係叫大家唔好聲援侵，亦唔係叫大家停止揭發美國嘅選舉舞弊、停止質疑美國嘅民主體制。但如果係牽涉一啲集體行動嘅話，就要考慮吓自己是否做多咗，以致unwittingly間接幫助中共。大家都支持侵，但亦都要小心避免支持到一個程度去undermine美國制度本身嘅認受性。

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

#讀者投稿 #美國選舉 #中共視角

隔岸觀火 中共宜家係揞住半邊咀笑（六)

上文提到，喺中共角度嚟睇，總統最好混亂到一個程度致美國陷入內戰邊緣。否則，好似《中國模式國情專題教學手冊》咁講，「政黨惡鬥，人民當災」 —— 包括延綿不絕嘅司法訴訟，亦都可以做到undermine美國嘅效果。

但容許候選人提出司法訴訟唔係反映咗美國制度嘅優越性咩？從中共角度嚟睇，無論點樣判都好，佢哋都可以spin嚟貶低美國。判贏咗，自然係證明美國選舉充滿舞弊情況。又種票又造票又點錯票又遺失選票，咁多醜聞、咁黑暗，可以話係仲衰過中國明刀明槍嗰隻專制濫權喎。

但如果法院判決係判輸咗呢？中共亦可以spin，話連美國法院都已經唔再「有險可守」 —— 即係全個美國三權體制加埋deep state面具已經被拆穿。兩者任佢噏但係目的都係一樣，就係「證明」西方民主體制多年嘅人吹到咁好，其實實際上沒有什麼優越性可言。

法院判決如是，選舉結果亦如是。登嬴嘅話，除咗嗰啲醜聞 (Hunter、戀童、老人癡呆) 之外，仲有就係會喺佢四年任期內，好似過去四年嘅通俄門咁樣，不斷loop選舉舞弊與及佢其實係俾中共收買嘅指控。仲有聯同侵及QAnon口中嘅deep state與及 ”Big Media, Big Money, and Big Tech” 操控美國政治、社會每一個層面嘅一套conspiracy theories平衡時空世界觀。

至於如果最終係其實侵嬴嘅話，從國際政治嘅角度嚟睇，其實可能對美國嘅國際地位嘅根本性傷害更大。呢個要考慮返美國同埋盟友嘅關係。二戰以後，美國逐漸取代了英國在國際上的地位，成為西方陣營領袖。此地位是得到一眾西方國家認同，即係大家都默認嘅西方世界「共主」。但呢個領導地位，喺特朗普上台以來，已經逐漸下降。西方盟友唔再睇 (由特朗普領導嘅) 美國頭，甚至喺多個國際場合，法國、德國、加拿大等領袖多次、自己圍埋一堆然後疏遠佢。先唔理佢哋咁樣做係咪啱，但如果侵上台再做四年，睇怕咁嘅情況只會越趨嚴重。

國家領袖如是，其實多國人民對特朗普本人亦有咁嘅睇法。根據一個跨國民意調查，對特朗普嘅信任度，比起所有西方領袖還要低 (連結)。而其實除咗台灣同香港之外，西方國家甚至亞太其他國家，其實係一面倒支持登而非侵成為美國總統 (連結)。

因此，雖然我哋香港人視侵為大佬，如果佢當選嘅話，恐怕美國在國際政治上的地位進一步削弱 —— 即係其實有利於中共 2049 百年爭霸 “One-Hundred Year Marathon” 的形勢。

最好戴多次頭盔：從 第一部份 開始，此分析旨在說明中共其實並非着眼於侵或登而係點樣可以喺呢趟渾水搵到可乘之機。因此，我哋都從無捧侵或登嘅含意。同埋寫咗咁長，其實都係暗示俾香港人知，唔好盲舂舂陷入中共嘅圈套。個別聲援可以，但啲集體行動 (例如登報、眾籌打官司、白宮聯署) 就要諗清楚。經過2016年嘅選舉之後，美國人去外國干預選舉非常敏感 —— 只要睇吓Mark Simon單嘢就知。另外就係唔好因為侵輸咗，就俾機會中共輿論PR機器分化、同埋進一步灌輸無力感。本來呢一點想寫多啲，但係篇嘢已經太長所以從略，敬請原諒。

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://t.me/CWBhk
Channel: https://t.me/CWBnow

一早已提出，何解現時可能係中共等咗近百年嘅機遇 —— 而呢個機遇並非坊間所講拜登係所謂中共傀儡咁簡單。
不費一兵一卒可以搞到敵國咁亂，而且仲未知道點樣收尾。
撥火容易，你知但係中共都知。
所以話，有時唔好跟車太貼可能比較好啲。

環球時報總編輯胡錫進今日發嘅推文，印證咗 我哋之前 話中共對於武漢肺炎嘅睇法

唔係散水黨，但係喺月頭開始我哋已經提出 (1 2 3)，中共對現時國際形勢嘅研判係，呢一刻係百年難得機遇。原因係全球仍然受武漢肺炎疫情影響，與及美國因選舉問題持續處於混亂情況。

睇吓喺選舉後起黑警拉咗幾多人就知。仲有宜家捉一個「美國隊長」都出動到呢個警力。所以，請大家喺一月底前，做啲乜嘢都諗清諗楚先🙏