今有借消費券推電子支付 下一站：數碼化港幣❓

5000元消費券今日開始接受登記。

雖然根據官方說法，推廣電子支付呢個因素，並非政府選擇用電子消費券而非派現金嘅考慮。但顯然政府算盤係借消費券推廣電子支付，逐步取代一部份的現金功能。

取代現金⁉️有人或者會問，Admin你嚇鬼咩？數碼化人民幣就話聽講過啫，而且大陸都未實行，就算實行嘅話，佢死佢俾人充公俾人控制佢嘅事⋯關我哋香港咩事？

Or is it?

Admin無意中讀到一篇大約一個月前刊登的《文匯報》社論。該社論題為「力推金融科技發展 鞏固提升香港優勢」。聽落冇乜嘢，但內容就通篇係講數碼化貨幣嘅好處，以及點解宜家香港政府已開始研究緊「數字港幣」(仲要原來已經有埋英文名 “e-HKD”)：

『發行數字港幣根本是香港作為國際金融中心的必然要求；發行數字港幣的另一個重要意義，是要更好地配合數字人民幣的國際化。數字人民幣要實現跨境支付、跨境理財、進行跨國貿易結算，甚至發行數字人民幣債券，香港都要做好數字港幣的開發，利用本身獨特優勢，在人民幣國際化進程中扮演更重要角色。』(《文匯報》社論全文：連結)

當然，數字貨幣本身冇問題。有問題嘅只係一個由中央控制 (或「管制」) 嘅數字貨幣。叫你將成副身家轉晒去由中华人民共和国香港地方特区政府控制嘅「數字港幣」，有冇人會制？冇乜人制嘅話，而且啲人開始驚恐、開始擠提、開始唱美金嘅話，下一步會係⋯ 其實好可能唔需要下一步，因為一旦推出呢啲就「一篮子方案」，做所謂「《文匯報》」，就會自然包括⋯

所以Admin個人選擇就係：消費券揀八達通。除咗其他好多唔同嘅好處，最少八達通係四個我哋可以選擇嘅平台之中，最唔似電子貨幣嗰一個。

#電子消費券 #數碼化港元 #eHKD #數碼貨幣