#超限戰 #網絡戰 #cyberattack
《北大西洋公約》第五條範圍擴大 涵蓋太空與及網絡領域

北約峰會在6月14日結束，會後發布了聯合公報。主流媒體焦點集中於公報中針對中、俄兩國的議題上。另一樣值得留意的是，北約在峰會取得共識，認定中、俄的挑戰可能牽涉網絡及太空戰。

北約的公報將成員國的「集體防禦」條款 (即《北大西洋公約》第5條) 的適用範圍，擴大至網絡及太空領域。

根據公約第5條的規定：一旦有北約成員國遭到網絡或太空攻擊，其他盟國將視之為對所有北約成員國家發動的戰爭，並考慮以實質行動作為回應。

與會的美國總統拜登強調，這項條款是神聖義務。

一方面，網絡戰威脅好明顯。近來多個來自俄國黑客針對美國公營及私營機構進行攻擊，亦有俄版troll farm五毛，針對美國日益兩極化嘅情況進行一步嘅挑撥離間 (連結)。加上其實烏克蘭與及愛沙尼亞此兩個歐洲國家更早就經歷過俄國惡意網絡攻擊 (連結)，NATO將集體防禦條款範圍擴大至網絡就正常不過。

但係太空戰？敗登唔通真係兒登仔話齋老人癡呆，諗住打星球大戰！？

北約「集體防禦」部署須涵蓋太空cyberattack之原因：第二部份

#超限戰 #太空安全
北約「集體防禦」為何有必要涵蓋太空領域 (一)

第一部份介紹咗《北大西洋公約》第5條) 現涵蓋網絡戰爭，同埋中、俄在網戰的往績 (連結)。以下集中討論太空領域嘅攻防。

坊間喺報道美中角力嗰陣，好多時喺度秤兩國國防開支佔國民生產總值比重、分別有幾多艘航空戰艦、有幾多艘潛艇、乜嘢導彈、邊隻可以取首級於無形嘅無人機、幾多個核彈頭⋯ 又花費大篇幅，評估中國攻台機率、幾時打、用乜嘢路線⋯

其實一旦武力攻台，真係諗住行到武裝部隊登陸台灣中心呢一步，就已經代表咗中、俄兩國係決定咗全面開拖。所謂「全面開拖」，務求一下子反cup做世界霸主嗰個程度。先唔討論行呢一步嘅機率 (呢啲嘢冇人會知)，但係如果真係去到呢一步嘅話，其實必定有頭盤 —— 就正正係針對英、美方世界嘅網絡同埋太空。

喺呢一刻中、俄發動網絡與及太空領域攻擊，已經有足夠嘅殺傷力造成毁滅性嘅影響。喺網絡戰方面，從近來排山倒海嘅黑客攻勢已睇到，兩國有實力足以隨時癱瘓同盟國好多嘢，包括網絡之外仲有電力、供水呢啲公共服務。打太空戰亦都唔係電影情節。其實喺呢一刻真係發動war in space的話，可以造成嘅損害更加係毁滅性級數。

《影子戰爭 從資訊戰到尖端衛星武器競賽》(“The Shadow War”) 第6章分析了中、俄在太空發動攻擊 (cyberattack)的實力。例如，從以上節錄就睇到 (連結)，佢哋隨時可以用已經部署多時嘅低軌道衛星，對美國有戰略價值嘅衛星進行攻擊。造成嘅損害更加係毁滅性級數：癱瘓網絡、癱瘓電視廣播、癱瘓全球提款機及信用卡 (用北斗衛星者除外)、交通燈、手提電話網絡 (支国本土華為網絡除外)、水電供應網呢啲民用、商用設施。更關鍵嘅係GPS。成功打擊負責全球GPS嗰幾粒衛星，所有同盟軍嘅通訊、電子導航呢啲一系列倚賴GPS嘅嘢會一下子全部收皮。

去到呢度，就即時回到蠻荒世界、打爛仔交嗰隻。嗰個環境之下，你嘅航母、核彈等有幾大數字上嘅優勢都係冇用。

最後一部份：連結