اذا ما تعلم بضيمي وداري
ترا فراگك هجَم گلبي وداري
اضل ليا وكت اتعَب و اداري
و تضل ليا وكَت گطاع بيه
الم گلبك مثل صَدعه و انا الماي
رصاصه و حصّل الشامت و انا الماي
توادعّنه و مشىٰ يضحّك و انا الماي
نزل مِنْ عَيني للرجلين بيه
عنك التهي و تعرض بلىٰ هواي
و اذا تنشدني عَن شوگي بلىٰ هواي
وحگك مو سنة و عشرة بلهواي
شهر و انساك من تخون بيه

حسين ال دليهم

اكلَك شَغلة لو اتركها بَعدين
اجيتَك وانا ماعِندي اي عَمل زين
من الشباچ وادِم تِشمُر فلوس
وانا ذنوب عِندي أشمرهن منين
واذا تِطردني اروحن واجمَع الناس
واكلهم شُوفو ما يقبلني الحسينْ
وصِدك حَبيت اكلك تُعرف شصار؟
بنو تَكَيه بفرعنه اليوم الزغار
وشَدو صُورتك بيها بعِلاليك
استَحو مِن أُمك يدكون بِسمار .

محمد فرحان

اجِيت تكضي وكتك ما اجيت تحِب
وأصدكَنك واعرفك بالحَجي تجذب
ولو ويايَ كلك لو بَعض ماريد
انَه برزق وادم غُربه ماچلب
ماعِفتَك تنام وانتَ ما مِرتاح
وتِنَيمني بِسوالف نار بِيهه تشِـب ..

حسين ال دليهم

الوعد مثل الشرف
من ينكسر ينعاب
عذرك ما يفيدك شفتك بعيني
انازع باشتياقي وغيري يمشي وياك
تجي بيا باب حتى تكلي وافيني
كلي فلان حبني وسد وراك الباب
فاتح باب اناطر لا تخليني ..

حسين ال دليهم

انت هاون ذكرى باقي من الحصار
يونس التعبان صوتك من يدك
وخاف اغثك يوم والله عليك اغار
وتدري ناس اليوم ماتستر تشك
انت ضحكه فرحه بحلوك الصغار
وكلهه جذبه بعمري بس انت الصدك ..

حسين ال دليهم

اثبتو افتح الكتم من القناة
ع اي ساعة ينزل روليت
دائماً اوزع نجوم ودببه اشبعكم طبطب يمكم 🩵🩵🔅