ဒိုရေမွန် နှင့် နိုဘီတ - စက်ရုပ်တိုင်းပြည် (၂၀၀၂)

ကြောင်နဲ့ တူတဲ့ စက်ရုပ် ဒိုရာအယ်မွန် နဲ့ သူ့သူငယ်ချင်းတွေအားလုံးဟာ လူတွေနဲ့ စက်တွေ အတူယှဉ်တွဲနေထိုင်တဲ့ ကမ္ဘာကြီးကို ခရီးသွားကြပါတယ်။ မကြာခင်အတွင်းမှာတော့၊ သူတို့ဟာ စက်ရုပ်တွေကို ခံစားချက်မဲ့ ကျွန်များအဖြစ်ပြောင်းလဲဖို့ ကြိုးစားတဲ့ မကောင်းဆိုးဝါး ဧကရီတစ်စုကို တိုက်ခိုက်ဖို့အတွက် အဖွဲ့ဖွဲ့ပြီး တိုက်ပွဲဝင်ကြရမှာပါ။

t.me/cartoonmoviesmms/837

စင်ဒရဲလား နှင့် လျှို့ဝှက်မင်းသားလေး (၂၀၁၈)

ဂါဒရေးနီးယားနိုင်ငံ၏ စားပွဲထိုးအမျိုးသမီး ဘလဲယာသည် သူမသည် ဒေသ၏ ပျောက်ဆုံးနေသော ဘုရင်မနှင့် အလွန်ဆင်တူကြောင်း သဘောပေါက်ပါသည်။ ထို့နောက် သူမသည် ပရင်ဆက် ချာမ့် စကူးလ်သို့ သွားကာ ဆရာမအတွက်ပြဿနာတွေ ဖန်တီးပေးသွားပါသည်။

t.me/cartoonmoviesmms/839

ဘာဘီ - မင်းသမီးလေးတို့ကျောင်း (၂၀၁၁)

စင်ဒရေးလားပုံပြင်ဇာတ်လမ်းတွေဟာ မရိုးရှင်းနိုင်အောင် အမျိုးမျိုးဖန်တီးထားတာကို ဒီဇာတ်လမ်းလေးမှာ ရင်ဆိုင်တွေ့မြင်ရမှာပါ။ မင်းသားလေးဟာ နန်းတော်မှ မကောင်းဆိုးဝါး မှော်ဆရာမကြီးရဲ့အကောက်ကြံဒုက္ခပေးမှုကြောင့် စင်ဒရေးလားတို့အိမ်မှာ ကြွက်တစ်ကောင်အဖြစ် နေထိုင်နေရပြီး၊ ဒါကို စင်ဒရေးလားနဲ့သူမရဲ့ မိတ်ဆွေကြွက်နှစ်ကောင်လည်း မသိထားကြပေမယ့် နန်းတော်ပွဲသဘင်သို့ သွားရာမှာမှ မင်းသားလေးရဲ့ အမှန်အကြောင်းကို သိကြရပါတယ်။ သူတို့အားအကူအညီပေးနိုင်မယ့် မှော်ဆရာမလေးနဲ့လည်း တွေ့ဆုံပြီး နှီးနွယ်ချစ်ကြသည်။ အားလုံးရဲ့ ကြိုးပမ်းမှုနဲ့ မင်းသားလေးကို ကြွက်ဘဝကနေ လူ့ဘဝပြန်သို့ပြန်လည်ရောက်ရှိဖို့ ကြိုးစားပုံ၊ နန်းတော်မှ မှော်ဆရာမကြီးနှင့် ရင်ဆိုင်တိုက်ခိုက်ရာတွေနဲ့ စိတ်လှုပ်ရှားစရာအက်ရှင်တွေနဲ့ ပြည့်နက်တဲ့ ဆန်းသစ်တမူထူးတဲ့ စင်ဒရေးလားဇာတ်လမ်းလေးဖြစ်တာကြောင့် အားပေးကြည့်ရှုဖို့ တော်တော်လေးသင့်တော်ပါတယ်နော်။

t.me/cartoonmoviesmms/841

နဂါးဂိမ်း (၂၀၁၉)

IMDB - 6.5/10
Genre -Adventure/ Family

နည်းပညာတိုးတက်လာတဲ့နောက်မှာ လူသားတွေဟာ ဂိမ်းကို ကိုယ်တိုင်ဝင်ရောက်ပြီး ဆော့ကစားလာနိုင်တယ်။ ဒီကားထဲက ကောင်လေးက နဂါးဂိမ်း ထဲကကလူကာ ဇာတ်ကောင်နေရာကနေ စွန့်စားခန်းတွေ လုပ်ဆောင်သွားပုံကို စိတ်လှုပ်ရှားဖွယ် ကြည့်ရမှာပါ။ လူကာအကြောင်းကတော့ နဂါးဂိမ်း ကို ထိတွေခဲ့ဖူးတဲ့ ၉၀s Kids တွေဆိုရင်တော့ သိမှာပါ။ လူကာက မွေးဖွားခြင်းမှာ သူ့ရဲ့ မိခင်ဟာ မိစ္ဆာရဲ့ ဖမ်းဆီးခြင်းကို ခံခဲ့ရပါတယ်။ သူဟာ ဖခင်ရဲ့ လက်ထဲမှာပဲ ကြီးပြင်းလာခဲ့ရပေမယ့် တစ်နေ့မှာတော့ ဖခင်ပါ အသတ်ခံရတဲ့အခါ သူ့မိခင်ကို ရှာဖွေရမယ့် တာဝန်ဟာ သူ့ထံ ရောက်လာပါတော့တယ်။ ဇာတ်လမ်းတစ်ခုလုံးဟာ စိတ်လှုပ်ရှားစရာတွေနဲ့ ပြည့်နှက်နေခဲ့ပြီး အတော်လေးကို ကြည့်လို့ကောင်းနေခဲ့ပါတယ်။ ဒါပေမယ့် အဲ့နောက်ကွယ် ကျန်နေသေးတာကတော့ အစမှာ ပြောခဲ့သလိုပဲ လူသားတွေဟာ VR World ထဲမှာသာယာနေခဲ့ပြီး တကယ့်ပြင်ပ ကမ္ဘာအစစ်ကိုမေ့လျော့နေမှုဟာ ကြောက်မက်ဖွယ်ကောင်းလောက်အောင် မိန်းမောသွားတာကို တွေ့ရမှာပါ။ အဲ့တော့ VR Game ကြိုက်နှစ်သက်သူတွေ ပိုပြီး ကြည့်သင့်တာပေါ့ဗျာ။

t.me/cartoonmoviesmms/653

တိရစ္ဆာန်တို့၏ တိုက်ပွဲ (၂၀၁၈)

ပိတ်ရက်မှာ ကိုယ်တွေလို စကြဝဠာကြီးထဲကနေ တိရစ္ဆာန်ဝဠာကြီးထဲ ခဏသွားလိုက်ကြရအောင်။ ဒီကားထဲမှာတော့ သူတို့အခေါ် တိရစ္ဆာန်ဝဠာကြီးပေါ့။ အဲဒီထဲက ကောင်းတဲ့အခြမ်းနဲ့ မကောင်းတဲ့အခြမ်းတို့ရဲ့ မပြီးဆုံးနိုင်တဲ့ စစ်ပွဲကြီး၊ သူတို့ နဂါးငွေ့တန်း မှာရှိတဲ့ အကုန်လုံးကို အမှုန့်ဖြစ်သွားအောင်လုပ်ပစ်နိုင်တဲ့ ဆော့စ် ဆိုတဲ့ စွမ်းအားကြီးကို မကောင်းတဲ့အခြမ်းက ခေါင်းဆောင်က ထိန်းချုပ်ပြီး ဒီစကြဝဠာတစ်ခုလုံးကို ဖျက်ဆီးပစ်ဖို့ ကြိုးစားနေတဲ့အချိန်။ အဲဒါကို တားဆီးနိုင်မယ့် ကောင်းတဲ့အခြမ်းရဲ့ တစ်ခုတည်းသောမျှော်လင့်ချက် ဖြစ်တဲ့ ရွေးချယ်ထားတဲ့သူ ဆိုတာကြီးကို ရှာပုံတော်ဖွင့်ရင်း ဘယ်လိုအတားအဆီးတွေကို ကျော်ဖြတ်ကြမလဲ။ စစ်ပွဲကြီးကရော ဘယ်က ဘယ်လို အစပြုလာလဲ။ နောက်ဆုံး သူတို့ရှာနေတဲ့သူကို ဘယ်မှာ ရှာတွေ့မလဲ၊ မကောင်းတဲ့အခြမ်းက ခေါင်းဆောင်ကိုဘယ်လိုတွေတိုက်မလဲ ဆိုတာကို တော်တော်ကို မထင်ထားတဲ့ လှည့်ကွက်လေးတွေနဲ့ ရယ်နေရမယ့် ကာတွန်းကားကောင်းလေး တစ်ကားပါ။

t.me/cartoonmoviesmms/562

ဇီးကွက်လေးနှစ်ကောင် (၂၀၁၀)

ဆောရန် နဲ့ ကလတ် ဆိုသူတွေက အသိုက်တစ်ခုမှာမွေးဖွားလာတဲ့ ဇီးကွက်ပေါက်လေးနှစ်ကောင်ဖြစ်ပြီး၊ တစ်ယောက်ကတော့ စိတ်ထားနူးညံ့ပြီး ချစ်စရာကောင်းသူဖြစ်သလို၊ အခြားတစ်ယောက်ကတော့ စိတ်ထားကြမ်းတမ်းပြီး ပြင်းပြမှုရှိသူပါ။ စိတ်ဓါတ်နဲ့အမူအရာ မတူညီကြတဲ့ ညီအကိုနှစ်ယောက်ဟာ တစ်နေ့ အသိုက်ကနေ ထွက်ကျပြီး အိမ်ကနေခွဲခွာခဲ့ရပြီး၊ မပျံနိုင်သေးတဲ့ ဇီးကွက်ပေါက်လေးတွေကို စုဆောင်းကာ သူတို့ကို ကျွန်အဖြစ်ခိုင်းစားနေတဲ့ သန့်စင်သူများဆိုတဲ့ ဇီးကွက်တိုင်းပြည်ကို ရောက်ရှိလာကြပါတယ်။ ဆောရန်နဲ့ ကလတ် နှစ်ယောက် ဘယ်လို ဆက်ဖြစ်ကြမလဲ၊ ဘယ်လို ပြဿနာတွေကို ရင်ဆိုင်ကြမလဲဆိုတာကို စိတ်ဝင်စားဖွယ် ကြည့်ရှုရမှာဖြစ်ပြီး၊ စိတ်ဓါတ်ခွန်အားအများကြီးပေးစွမ်းနိုင်တဲ့ ဒီဇာတ်ကားလေးကို တင်ဆက်ပေးလိုက်တာပါ။

t.me/cartoonmoviesmms/767

ဝံပုလွေ၏ အိမ်မက်ဆိုး (၂၀၂၁)

ဒီကားထဲမှာ ဗက်ဆီမာ ရဲ့ငယ်ဘဝဇာတ်ကြောင်း၊ ဝှစ်ချာ တစ်ယောက်ဖြစ်လာဖို့ ကျော်ဖြတ်ရတဲ့ စမ်းသပ်မှုတွေ၊ သူ့ရဲ့ စွန့်စားခန်းတွေနဲ့အတူ ရှေးအယူအရ သာမန်လူတွေ၏ ဝှစ်ချာ တွေကို ပုံမှန်မဟုတ်တဲ့ သဘောထားတွေကိုလည်း ပေါ်လွင်အောင် ရိုက်ကူးပေးထားပါတယ်။ ဒါ့အပြင် ကဲဒွင် တိုင်းပြည်က ဂေခရက်စ် က ဝှစ်ချာ တွေကို ရန်ငြိုးရန်ကြောင့် မကောင်းဆိုးဝါးတွေ၊ နတ်ဆိုးတွေနဲ့ ပူးပေါင်းပြီး ဗက်ဆီမာ တိုရဲ့ ဝှစ်ချာ တိုင်းပြည်ကြီးကို အပြီးတိုင် အမြစ်ဖြတ်ပစ်ဖို့ ကြိုးစားလာတဲ့အခါမှာ ကြမ်းကြမ်းတမ်းတမ်း အပြောအဆိုတွေ၊ သတ်ခန်းဖြတ်ခန်းတွေကို သွေးသံတရဲရဲနဲ့ ပီပီပြင်ပြင် တင်ဆက်ထားတာကြောင့် R-rated အဖြစ် သတ်မှတ်လိုရပါတယ်။

t.me/cartoonmoviesmms/789

လူကာ (၂၀၂၁)

ဇာတ်လမ်းလေးက ကောင်းပါတယ်။ အီတလီအခြေခံ ကာတွန်းလေးဖြစ်လို့ အီတလီ စကားလေးတွေ ညှပ်ပြောတာ၊ အီတလီ နာမည်တွေ၊ အစားအသောက်တွေ ပါတာများပါတယ်။ လူကာ ဆိုတဲ့ ကောင်လေးဟာ လူတွေက ပင်လယ်မိစ္ဆာလို့ ခေါ်ကြတဲ့ ရေအောက်မှာ နေထိုင်တဲ့ ရေသူမျိုးနွယ်ကောင်လေးတစ်ယောက်ပဲ ဖြစ်ပါတယ်။ ရေထဲက လူကာ တို့မျိုးနွယ်တွေကလည်း လူတွေကို ကုန်းမိစ္ဆာဆိုပြီးကြောက်ကြတာပါပဲ၊ အပြန်အလှန်ပေါ့။ ဒီတော့ ကုန်းပေါ်ကို မတက်ဖို့အသည်းအသန် တားမြစ်ထားတာပါ။ ဒါပေမယ့် တစ်နေ့မှာတော့ ရေအောက်မျိုးနွယ်ကောင်လေးတစ်ယောက်နဲ့ အတူ ကုန်းပေါ်ကို ခိုးတက်သွားမိတယ်။ အဲဒီကုန်းပေါ်ကနေ ကမ္ဘာကြီးအနှံ့ကို ပတ်သွားချင်စိတ်ဖြစ်လာပြီး ဗက်စ်ပါ ဆိုတဲ့ ဆိုင်ကယ်လေးကို ပိုင်ဆိုင်ဖို့ ကြိုးစားကြတာပေါ့။ ဒါပေမယ့် သူတို့မှာ ငွေမရှိတဲ့အတွက် တစ်ခုတည်းသော နည်းလမ်းက အဲဒီမြို့လေးရဲ့ သုံးဆင့်ပြိုင်ပွဲဖြစ်တဲ့ ပက်စတာ အစားပြိုင်ပွဲ၊ ရေကူး၊ စက်ဘီးစီးပြိုင်ပွဲမှာ နိုင်အောင် ဝင်ပြိုင်ဖို့ကြိုးစားရပါတော့တယ်။ သူတို့ ၂ ယောက်နဲ့အတူ မြို့ထဲက တံငါသည်ကြီးရဲ့ သမီးလေး ဂျူလီယာ ကပါ အတူပါဝင်ကြိုးစားကြတဲ့အခါ ဘာတွေဆက်ဖြစ်လာလဲဆိုတာကို ချစ်စရာကောင်းတဲ့ ဇာတ်လမ်းလေးမှာ ကြည့်ရှုနိုင်ပါသည်။

t.me/cartoonmoviesmms/843

မှော်ဝင်စံအိမ် (၂၀၁၃)

ဒီကာတွန်း ဇာတ်လမ်းလေးကတော့ ကလေးတွေ အကြိုက် ဇတ်လမ်းလေးပါ။ ချစ်စရာကောင်းတဲ့ ကြောင်လေးကို သူ့ပိုင်ရှင်က လမ်းပေါ် စွန့်ပစ်သွားပြီးနောက် ခိုကိုးရာမဲ့ပြီး ဒုက္ခတွေရောက်နေတုန်း အိမ်အအို အဟောင်းပျက်ကြီးတစ်ခုကိုရောက်ရှိသွားပါတယ်။ အဲ့ဒီအိမ်မှာလဲ သူ့ကို ကြည့်မရတဲ့ ယုန်ကြီး နဲ့ ကြွက်ကလေး ရှိနေပြန်ပါတယ်။ သူ့ကို လက်မခံပဲ မောင်းထုတ်ကြပေမယ့် အိမ်ပိုင်ရှင် မျက်လှည့်ဆရာအဖိုးအိုက ကြောင်ကလေးကိုပါ မွေးစားလိုက်ပါတယ်။ တစ်ရက်မှာတော့ အဖိုးအို လမ်းပေါ်တွင် မျက်လှည့်ပြနေရင်း မတော်တဆမှု ဖြစ်လို့ ဆေးရုံတက်နေတဲ့ အချိန် သူ့သားက အဖိုးကြီးရဲ့ အိမ်ကို ရောင်းချဖို့ လုပ်ပါတော့တယ်။ အဲ့ဒီအခါမှာ ကြောင်ကလေး နဲ့ အဖွဲ့ဝင်များက အိမ်လာကြည့်တဲ့ သူတွေကို ချောက်လှန့်မောင်းထုတ်ရင်း ကာကွယ်ရပါတော့တယ်။

t.me/cartoonmoviesmms/845