နဂါးဂိမ်း (၂၀၁၉)

IMDB - 6.5/10
Genre -Adventure/ Family

နည်းပညာတိုးတက်လာတဲ့နောက်မှာ လူသားတွေဟာ ဂိမ်းကို ကိုယ်တိုင်ဝင်ရောက်ပြီး ဆော့ကစားလာနိုင်တယ်။ ဒီကားထဲက ကောင်လေးက နဂါးဂိမ်း ထဲကကလူကာ ဇာတ်ကောင်နေရာကနေ စွန့်စားခန်းတွေ လုပ်ဆောင်သွားပုံကို စိတ်လှုပ်ရှားဖွယ် ကြည့်ရမှာပါ။ လူကာအကြောင်းကတော့ နဂါးဂိမ်း ကို ထိတွေခဲ့ဖူးတဲ့ ၉၀s Kids တွေဆိုရင်တော့ သိမှာပါ။ လူကာက မွေးဖွားခြင်းမှာ သူ့ရဲ့ မိခင်ဟာ မိစ္ဆာရဲ့ ဖမ်းဆီးခြင်းကို ခံခဲ့ရပါတယ်။ သူဟာ ဖခင်ရဲ့ လက်ထဲမှာပဲ ကြီးပြင်းလာခဲ့ရပေမယ့် တစ်နေ့မှာတော့ ဖခင်ပါ အသတ်ခံရတဲ့အခါ သူ့မိခင်ကို ရှာဖွေရမယ့် တာဝန်ဟာ သူ့ထံ ရောက်လာပါတော့တယ်။ ဇာတ်လမ်းတစ်ခုလုံးဟာ စိတ်လှုပ်ရှားစရာတွေနဲ့ ပြည့်နှက်နေခဲ့ပြီး အတော်လေးကို ကြည့်လို့ကောင်းနေခဲ့ပါတယ်။ ဒါပေမယ့် အဲ့နောက်ကွယ် ကျန်နေသေးတာကတော့ အစမှာ ပြောခဲ့သလိုပဲ လူသားတွေဟာ VR World ထဲမှာသာယာနေခဲ့ပြီး တကယ့်ပြင်ပ ကမ္ဘာအစစ်ကိုမေ့လျော့နေမှုဟာ ကြောက်မက်ဖွယ်ကောင်းလောက်အောင် မိန်းမောသွားတာကို တွေ့ရမှာပါ။ အဲ့တော့ VR Game ကြိုက်နှစ်သက်သူတွေ ပိုပြီး ကြည့်သင့်တာပေါ့ဗျာ။

t.me/cartoonmoviesmms/653

မှော်ဝင်ကျောက် (၂၀၂၀)

IMDB - 5.6/10
Genre - Family/ Adventure

ဖြူကောင်လေးတွေကို တွေ့ဖူးကြလား။ ဖြူကောင်လေးတွေက အထီးကျန်တဲ့ကောင်လေးတွေပါ၊ တခြားကောင်လေးတွေလို အုပ်စုဖွဲ့နေလေ့ မရှိဘဲ သီးခြားနေတတ်တဲ့သူတွေပဲ။ အဲ့ဒါကြောင့် အထီးကျန်တဲ့သူတွေကို ဆို ဖြူကောင်လေးတွေနဲ့ တင်စားလေ့ရှိကြတယ်။ Latte ဆိုတဲ့ ဖြူမလေးကလည်း အဲ့လို အထီးကျန်နေတဲ့သူပါ။ မွေးကတည်းက တစ်ကောင်တည်းပဲရှိတာမို့ ဘယ်ဆီ ဘယ်ဝယ်မှန်း မသိတဲ့ သူ့အဖေကို တမ်းတရင်း တစ်ကောင်တည်းနေရတဲ့သူ။ မိဘမရှိတဲ့ကလေးမလေးဆိုတော့ တောထဲမှာ တစ်ခုခုဖြစ်တိုင်း သူ့ကို အပြစ်တင်တတ်လွန်းလို့ သူ့ကိုယ်သူ မင်းသမီးလေး Latte ဆိုပြီး အားတင်းနေရတဲ့သူပါ။ Latte တို့တောထဲမှာ နှစ်တိုင်း ကြုံနေရတဲ့ ရေခမ်းခြောက်မှုကို ဖြေရှင်းဖို့ တိရစ္ဆာန်လေးတွေဟာ စုဆောင်းထားလေ့ရှိတယ်။ တစ်ရက်မှာတော့ ဖြူကောင်မလေး Latte နဲ့ ရှဉ့်လေး Tjum ကြောင့် ရေတွေ ဖိတ်စင်သွားတဲ့အခါ အားလုံးအကျပ်ရိုက်ပါလေရော။ မင်းသမီးလေး Latte လေးက ပုံပြင်ဆန်တဲ့ မှော်ဝင်ကျောက် ဇာတ်လမ်းကို ယုံကြည်ပြီး အားလုံးရဲ့ ပြဿနာကို ဖြေရှင်းပေးဖို့ ဝက်ဝံဘုရင်ကြီးဆီ ခရီးထွက်ခဲ့ပါတယ်။

t.me/cartoonmoviesmms/655

အော်ဂီ နဲ့ ပိုးဟပ်များ (၂၀၁၃)

ဒီကာတွန်းကားလေးကတော့ အော်ဂီ နဲ့ ပိုးဟပ်များ ဆိုတဲ့ ကာတွန်းစီးရီးရဲ့ ၂၀၁၃ ခုနှစ် ထွက်ရှိထားတဲ့ ကား ပါ။ အော်ဂီ ဆိုတာ ဘာနဲ့သွားတူလဲဆိုတော့ကြောင်နဲ့ ကြွက်လိုပါပဲ။ တစ်ခုထူးခြားတာကတော့ Copy ထားတယ်လို့ မခံစားရပဲ တကယ်ကို အူလိုက်သည်းလိုက် ရယ်ရပါတယ်။ ဇတ်လမ်းဇတ်ကွက်ကလဲအပြောင်အလှော်တွေနဲ့ မထစတမ်း ကြည့်ချင်လောက်ပါတယ်။ အော်ဂီ ကဉာဏ်ကောင်းပြီး ရိုးသားတဲ့ ကြောင်သူ့အကို ခပ်တုံးတုံးခပ်အအ တစ်ကောင်ရှိတယ်။ သူတို့ ညီအကိုကို ဒုက္ခမတရားပေးတဲ့ ပိုးဟပ် ညီအကို သုံးကောင်လဲ ရှိတယ်။ အကုန် တလွဲတွေ လုပ်ပြီး ကြောင်တွေကို ဒုက္ခမပေးရင် စားမဝင်၊ အိပ်မပျော်တဲ့ တကယ့် ငပြောင်တွေပေါ့။ ဒီကာတွန်းရုပ်ရှင်ကို စာတမ်းထိုးပေးချင်ပေမယ့် ဘာစကားမှ မပြောတဲ့ အတွက် ဘာစာမှ မထိုးပေးထားပါဘူး။

t.me/cartoonmoviesmms/657

ထူးထူးခြားခြားညီအစ်မများ

တစ်ခေတ်တစ်ခါက နာမည်ကြီးမင်းသမီး Subaru Ayaseရဲ့သား Yuu ဟာ နာမည်ကြီး Saika Academy ကို ပြောင်းရွှေ့လာခဲ့ပေမဲ့ အမေဖြစ်သူလောက် အရည်အချင်းမရှိသူဖြစ်နေတော့ အကုန်လုံးက သူ့ကို သာမန်ပဲ သတ်မှတ်လိုက်တော့တယ်။ ဒါပေမဲ့ အဲဒီကျောင်းမှာပဲ အရမ်းတော်လွန်းလို့ ကျောင်းဘုရင်မသုံးပါးလို့တောင်တင်စားခံရတဲ့  Mikadono ညီအစ်မတွေရှိတယ်။ ၃ယောက်သားက နယ်နယ်ရရမဟုတ်ဘူး။ သိုင်းကွက်စမ်းမလား ကျားကွက်ကစားမလား အကလား ဘယ်စမ်းစမ်းရတဲ့ ညီအစ်မ၃ယောက်ပါ။ ဒါပေမဲ့ ကံဖန်ချင်တော့ Yuuတစ်ယောက် Mikadonoတို့အိမ်မှာသွားနေဖို့ဖြစ်လာတယ်။  ငယ်ငယ်ကတည်းက မိသားစုမေတ္တာမရခဲ့တဲ့ Yuuတစ်ယောက် မိသားစုအသစ်မှာဘယ်လိုကြိုးပမ်းရမလဲ။ အနေဝေးတဲ့ဒီညီအစ်မ၃ယောက်နဲ့ရော ဘယ်လိုသဟဇာတဖြစ်အောင်လုံးပန်းရမလဲ

t.me/animeseriesmyanmar/1726

ယုန်ကျောင်းတော် (၂၀၁၇)

IMDB - 5.4/10
Genre - Adventure/ Family

တိရစ္ဆာန်ကမ္ဘာ တစ်ခုမှာ ဇာတ်အိမ်တည်ထားတဲ့ ဂျာမနီထုတ် ကာတွန်းကားကောင်းလေး တစ်ကားနဲ့ မိတ်ဆက်ပေးချင်ပါတယ်။ မက်စ် ဆိုတဲ့ သူခိုးတေလေ ယုန်ကလေးတစ်ကောင်ဟာ အီစတာ ယုန်တို့ရဲ့ ကျောင်းကလေးထဲကို ရောက်သွားပါတယ်။ မက်စ် ဟာ ပဟေဋ္ဌိဆန်လွန်းတဲ့ မဒမ် ဟာမီအွန်း နဲ့ ယုန်မလေး အမ်မီ တို့ရဲ့ အကူအညီနဲ့ အီစတာ ယုန်လေးတွေရဲ့ လျှို့ဝှက်ပညာတွေကို ဆည်းပူးခဲ့ပါတယ်။ ဒီနောက် အီစတာ ယုန်လေးတွေရဲ့ ရန်သူ ညဏ်များတဲ့ မြေခွေးမိသားစုနဲ့ မက်စ် ရင်ဆိုင်ရပြီး သူ့ စွမ်းရည်နဲ့ ဘယ်လို ရင်ဆိုင်မလဲ၊ သူငယ်ချင်း ဆိုတာဘာလဲဆိုတာ သူ ဘယ်လို နားလည်ခဲ့လဲ မြင်ကြရမှာပါ။ ဒီ ဂျာမနီထုတ် အန်နီမေးရှင်းကားလေးရဲ့ ဇာတ်ကောင် ယုန်ကလေးတွေဟာ ကာတွန်းကားတွေထဲ တွေ့ဖူးနေကြ ယုန်တွေနဲ့ ကွဲထွက်ပါတယ်။

t.me/cartoonmoviesmms/659

ပုံပြင်လေး၏အစ (၂၀၂၃)

ယူဘတ်တာ ဆိုတဲ့ အမျိုးသမီးတစ်ယောက်ဟာ လယ်သမားတစ်ယောက်နဲ့လက်ထပ်ပြီး အေးချမ်းတဲ့ ဘဝလေးမှာ နေထိုင်ခဲ့ပါတယ်။ တစ်နေ့မှာတော့ သူနဲ့ ဦးရီးတော် နှစ်ဝမ်းကွဲလောက်တော်တဲ့ ဘုရင်ကြီးက သေဆုံးသွားတော့ သူ့ကိုနန်းတင်ပေးခဲ့ပါတယ်။ ရိုးရိုးသားသား လယ်သမားမိန်းမ ဘဝကနေ ချက်ချင်း လက်ငင်း ဘုရင်မ ဖြစ်သွားတော့ ဘယ်လိုတွေ အခက်အခဲတွေ ကြုံတွေ့ရပြီးလင်မယားနှစ်ယောက် ပေါင်းပြီး ပြဿနာတွေ ရှင်းကြမလဲဆိုတာ ကြည့်ရှုအားပေးကြပါဦး။

t.me/cartoonmoviesmms/661

ဝက်ဝံကလေး ဂရစ်လီ (၂၀၁၅)

ဂရစ်ဇ်လီဝက်ဝံလေး ဂရစ်လီ သည် သူထွက်သွားတိုင်း သစ်တော ရိန်းဂျား၏ အိမ်ကို သိမ်းပိုက်ပြီး ၎င်းကို သူ့ကိုယ်ပိုင်အဖြစ် သတ်မှတ်သည်။ လင်မ်မျိုးနွယ်စုသည် အိမ်ထဲသို့ ပြောင်းရွှေ့သွားသည့်အခါမှာတော့ သူတို့ ဘယ်လို ၂ပါးသွားကြမလဲဆိုတာကို ကြည့်ရမှာပါ။

t.me/cartoonmoviesmms/663

ဇွန်ဘီကျွန်းက စကူဘီဒူး၏ စွန့်စားခန်း (၁၉၉၈)

စကူဘီတို့အဖွဲ့သားတွေဟာ လျှို့ဝှက်ဆန်းကြယ်မှုတွေ ‌ဖြေရှင်းတိုင်း နောက်ဆုံးမှာ လူတွေအယောင်ဆောင်တာပဲ ဖြစ်နေတဲ့အတွက် ငြီးငွေ့လာကြပြီး ကိုယ်စီ လမ်းခွဲလို့ အဆင်ပြေရာ အလုပ်တွေ ခွဲလုပ်ကြပါတယ်။ ဒက်ဖနီ က သူ့ကိုယ်ပိုင် တီဗီရှိုးမှာ ခြောက်လှန့်တတ်တဲ့နေရာတွေအကြောင်း ရိုက်ကူးတင်ဆက်ရာကနေ Season 2 အတွက် နေရာရှာတာက ဇာတ်လမ်းစပါတယ်။ ဒီတစ်ခါမှာတော့ တကယ် သရဲအစစ် ခြောက်တဲ့နေရာကို လိုချင်တာပါ။ ဒီလိုနဲ့ သရဲခြောက်တဲ့နေရာတွေ ရှိတယ်လို့ နာမည်ကြီးတဲ့ လူဝီဆီယာနာကို သူ့အဖွဲ့သားတွေပါ ခေါ်ပြီး ခရီးထွက်ခဲ့ပါတယ်။ လမ်းမှာနားတုန်း လီနာ ဆိုတဲ့ မိန်းကလေးနဲ့ ဆုံပြီး သူအလုပ်လုပ်တဲ့အိမ်ကြီးမှာ တကယ့်သရဲတွေ ရှိတယ်ဆိုပြီး ဖိတ်ခေါ်တဲ့အတွက် စကူဘီဒူးတို့အဖွဲ့ လိုက်သွားပါတော့တယ်။ ရေကန်ကြီး တစ်ဖက်ခြမ်းက အိမ်ကြီးမှာ ဘယ်လိုအကြောင်းကြောင့် သရဲတွေရှိနေတာလဲ၊ နောက်ထပ် ဘယ်လိုဆန်းကြယ်မှုတွေ ရင်ဆိုင်ရဦးမလဲ ဆိုတာ အားပေးလို့ ရပါပြီ။

t.me/cartoonmoviesmms/665

ကျူးကျော်သူ ဇင် (၂၀၁၉)

သိပ္ပံစိတ်ကူးယဉ်ဆန်ဆန် ဟာသကားလေးဖြစ်ပါတယ်။ အာကမ်အင်ပါယာကနေ စေလွှတ်လိုက်တဲ့ ကျူးကျော်သူ ဇင် ဟာ ကမ္ဘာကို ဖျက်ဆီးဖို့ လျို့ဝှက်စွာ နေထိုင်နေတာပေါ့။ အဲ့တာကို သိတဲ့ ဒစ်ဘ် ဟာ ဘယ်လိုတွေ ဖော်ထုတ်မလဲ။ သူ့အဖေကိုယ်တိုင်ကတောင် ဒစ်ဘ် ကို ရူးနေတယ်လို့ ထင်ခံနေရတဲ့သူတစ်ယောက်က ဇင် ရဲ့ အကြံအစည်တွေကို ဘယ်လိုဖော်ထုတ်မလဲဆိုတာ စိတ်ဝင်စားစရာပါပဲ။ သူတို့ ၂ ယောက်ရဲ့ ကိုယ့်ကို ကိုယ်အထင်ကြီးပြီး တလွဲတွေ လုပ်တာတွေကို ကြည့်ပြီး ခွီနေရမှာပါနော်။ ကမ္ဘာကြီးကို ဖျက်ဆီးမယ့် ကျူးကျော်သူ ဇင် နဲ့ ကမ္ဘာကြီးကို ကယ်တင်ဖို့ ကြိုးစားနေတဲ့ ဒစ်ဘ် တို့ ၂ ယောက် ဘယ်သူတွေက နောက်ဆုံးမှာ အနိုင်ရသွားမလဲ ဆိုတာကို ဟာသဆန်ဆန် ရိုက်ကူးထားတာပါ။

t.me/cartoonmoviesmms/667

ခန္ဓာပျောက်သူ (၂၀၁၉)

နာအို့ဖဲလ် ဆိုတဲ့ကောင်လေးတစ်ယောက်ဟာ လောကကြီးထဲမှာ အများသူသူငါငါတွေလို လှုပ်ရှားရုန်းကန်နေရတဲ့ ကောင်လေးတစ်ဦး။ သူ ဝါသနာမပါတဲ့ ပီဇာပို့တဲ့အလုပ်တစ်ခုကို လုပ်ကိုင်နေရင်း စားဝတ်နေရေးအတွက် ဖြေရှင်းနေရတဲ့ သူတစ်ယောက်။ သူငယ်ငယ်တုန်းကတော့ သူ့မိဘတွေကို ပြောတယ်။ "သားကြီးလာရင် စန္ဒယားပညာရှင်နဲ့ အာကာသမှူးတစ်ယောက် ဖြစ်ချင်တယ်" တဲ့။ ဒါပေမယ့် ကံတရားက သူ့ကိုမျက်နှာသာမပေးခဲ့။ တစ်ခါမှာ ပီဇာသွားပို့တဲ့တိုက်ခန်းက မိန်းကလေးတစ်ယောက်နဲ့ လူချင်းမတွေ့ရဘဲ အသံချင်းပဲ စကားပြောခဲ့ရပေမယ့် သူဟာ အဲ့ကောင်မလေးကို စွဲလန်းမှန်းမသိ စွဲလန်းခဲ့ရတော့တယ်။ ဒီတစ်ခေါက်မှာရော ကံကြမ္မာဟာ သူ့ရဲ့ ငယ်ဘဝအိမ်မက်တွေကို မျက်နှာသာမပေးခဲ့သလိုမျိုး သူကြိုက်ရတဲ့ ကောင်မလေးနဲ့ သူ့အပေါ်မှာ ဆက်ပြီး လျစ်လျူရှုဦးမှာလား ဆိုတာကိုတော့ ခံစားကြည့်လိုက်ပါဦးဗျို့။

t.me/cartoonmoviesmms/669