ပီနိုချီရို - ဖြစ်ရပ်မှန် (၂၀၂၁)

အီတလီ ပုံပြင်လေးတစ်ပုဒ်ဖြစ်တဲ့ သစ်သားရုပ်ကလေးကနေ အသက်ဝင်လာတဲ့ ပီနိုချီယို အကြောင်း ကြားဖူးကြမှာပါ။ သစ်သားရုပ်ကလေး ပီနိုချီယို နဲ့ သူ့အဖော် မြင်းလေး တီဘော့ တို့ ကမ္ဘာကြီးကို လျှောက်ပတ်ကြည့်ဖို့ ထွက်လာခဲ့ရာကနေ မာဂျီရာဖိုကို ရဲ့ ဆပ်ကပ်အဖွဲ့ကို ရောက်သွားပြီး စွန့်စားခန်းတွေနဲ့ ကြုံတွေ့ရပုံကိုတင်ဆက်ထားတာပါ။ လိမ်ပြောရင် နှာခေါင်းကြီးရှည်ထွက်လာမယ် ဆိုတဲ့အကြောင်းအရာတွေကနေ ကွဲထွက်ပြီး ပီနိုချီယို နဲ့ သူ့ရဲ့ မိတ်ဆွေ မြင်းလေး တီဘော့ တို့ရဲ့ စွန့်စားခန်းတွေ၊ လူသားဆန်မှုတွေကို ဖော်ကျူးထားတာဖြစ်တဲ့အတွက် ပီနိုချီယို ပရိသတ်တွေအနေနဲ့ တမူထူးခြားတဲ့ အရသာကို ခံစားရမှာပါ။ စိမ်းစိမ်းစိုစို ကာတွန်းရုပ်လေးတွေနဲ့ အရောင်အသွေးစုံစုံလင်လင် တင်ဆက်ထားတာကြောင့် စိတ်အပန်းဖြေတဲ့အနေနဲ့ ကြည့်ရှုသင့်တဲ့ ကာတွန်းကားလေးပဲ ဖြစ်ပါတယ်။

t.me/cartoonmoviesmms/1621

မိခင်မေတ္တာ (၂၀၂၃)

မွေးနေ့မှာ ပင်လယ်ကြီးကို ဆုတောင်းရင် ပင်လယ်နတ်လေးက ထွက်လာပြီးဆုတောင်းတွေကို ဖြည့်ပေးလိမ့်မယ်တဲ့။ စိမ်းရှို့ ဆိုတဲ့ ကလေးမလေးဟာ အမေထွက်သွားပြီးနောက် မိဘမေတ္တာကို ငတ်နေသူလေးတစ်ယောက်ပေါ့။ အတူတူရှိနေတဲ့ အဖေက ဂရုမစိုက်ပေးတဲ့အတွက် ထွက်သွားတဲ့ အမေ့ဆီက မေတ္တာကိုတမ်းတနေသူလေးတစ်ယောက်ပေါ့။တစ်နေ့မှာ သူတို့ မိသားစု ၄ ယောက်ပင်လယ်ထဲကို ခရီးထွက်ကြတဲ့အခါ စိမ်းရှို့ ဟာ အမေ့ရဲ့ သီချင်းသံကို ကြားခဲ့ရတယ်။ ထိုသီချင်းသံနောက်ကနေ အမေကိုလိုက်ရှာတုန်းမှာ စိမ်းရှို့ တစ်ယောက် ပင်လယ်ထဲကျသွားပြီး ပင်လယ်အောက်က လျှို့ဝှက်ကမ္ဘာထဲကို ရောက်သွားပါတယ်။ စိမ်းရှို့ လေးတစ်ယောက် ပင်လယ်အောက်က ကမ္ဘာကြီးထဲမှာ ဘယ်လို ထူးခြားဆန်းကြယ်မှုတွေကို မြင်တွေ့ရမလဲ။ သူမရဲ့ အမေကိုရော ရှာတွေ့နိုင်ပါ့မလား။ ဆိုတာကို ကာတွန်းဇာတ်လမ်းလေးရဲ့ လှပတဲ့သရုပ်ဖော်မှုတွေနဲ့အတူ ခံစားကြည့်ရှုလိုက်ပါနော်။

t.me/cartoonmoviesmms/1623

ပင်လယ်ပြင်ရဲ့ ကလေးငယ် (၂၀၁၉)

ရုကာ ရဲ့အဖေက ငါးပြတိုက်တစ်ခုမှာ အလုပ်လုပ်ပါတယ်။ ရုကာ ငယ်ငယ်တုန်းက သူ့အဖေရဲ့ ငါးပြတိုက်ကို လိုက်သွားတော့ ထူးဆန်းစွာပဲ ရေထဲမှာ သရဲတစ်ကောင်ကို တွေ့ခဲ့ရတယ်။ အဲ့ကနေစပြီးတော့ ရုကာ ဟာ ငါးပြတိုက်ကို စွဲလမ်းစွာ နေ့တိုင်း သွားခဲ့ရာကနေ အူမိ နဲ့ ဆိုရာ ဆိုတဲ့ ထူးဆန်းတဲ့ကောင်လေး နှစ်ယောက်နဲ့ တွေ့ရာကနေ ဇာတ်လမ်းလေး စပါတော့တယ်။

t.me/cartoonmoviesmms/1625

ဘီဂိုနာ နှင့် ငါးကြီး (၂၀၁၆)

အသက် ၁၆နှစ်အရွယ်ကောင်မလေးတစ်ယောက်က လင်းပိုင်အဖြစ်ပြောင်းလဲသွားတဲ့အခါမှ ထူးဆန်းထွေပြားတဲ့ စွန့်စားခရီးကြီးကို ထွက်ပါတော့တယ်။ သူမက်ို လင်းပိုင်ဘဝကနေ ကယ်တင်ဖို့ ကောင်လေးတစ်ယောက်က သူ့ကိုယ်သူ စတေးခံခဲ့ရတယ်။ ဒါပေမဲ့ ကောင်မလေးက မှော်စွမ်းအားတွေကို အသုံးချပြီးတော့ ကောင်လေးက်ို ပြန်လည်ရှင်သန်စေခဲ့တယ်။ အဲ့ဒီနောက်မှာတော့ သူမရဲ့စွမ်းအားတွေကို အသုံးချဖို့အတွက် ကြီးမားတဲ့တန်ဖိုးကို ပြန်ပေးဆပ်ရတာကို သိသွားတဲ့အခါမှာတော့။

t.me/cartoonmoviesmms/1627

ကောင်းကင်ပြာ (၂၀၂၀)

အအိုအီ အိုင်အိုအီဆိုတဲ့အထက်တန်းအရွယ်ကျောင်းသူမလေးဟာ ကားမတော်ဆမှုကြောင့် မိဘနှစ်ပါးလုံးဆုံးရှုံးပြီးတဲ့နောက်မှာ အစ်မဖြစ်သူ အခန်နေ အိုင်အိုအီ နဲ့အတူ ဘဝကိုရုန်းကန်ကြရပါတယ်။ ဒါပေမဲ့ မတော်မတဖြစ်တဲ့အချိန်တုန်းက အအိုအီ လေးဟာ ကလေးပဲရှိသေးတဲ့အတွက် အစ်မဖြစ်သူ အခန်နေ ကပဲ မိဘတစ်ယောက်လို စောင့်ရှောက်ခဲ့ရပါတယ်။ အအိုအီ ငယ်ငယ်တုန်းက သူ့အစ်မရဲ့ရည်းစားဟောင်းဖြစ်သူ ရှင်းနို ခါနာမူရို ကြောင့် ဂီတာတီးတာကို ဝါသနာပါလာခဲ့ပါတယ်။ သူကျောင်းပြီးရင် မြို့ကနေထွက်သွားပြီး တိုကျိုမှာ ဂီတအဖွဲ့တစ်ခုထဲဝင်ဖို့ ဆုံးဖြတ်လိုက်တယ်။ သူ့ရဲ့ဝါသနာအပြင် သူ့အစ်မကို သူ့ကြောင့် ဆက်ပြီးမပင်ပန်းစေချင်တဲ့ ဆန္ဒကြောင့်လည်း သူတို့မြို့လေးကနေ ပိုပြီးထွက်သွားချင်ခဲ့ပါတယ်။ တစ်နေ့ အအိုအီ တစ်ယောက် ဂီတာတီးကျင့်နေရင်း ၁၈ နှစ်အရွယ် ရှင်းနို ကို ရုတ်တရက်အခန်းထဲမှာ တွေ့လိုက်ပါတယ်။ ပြီးတော့ ယခုပစ္စုပန်က ၃၁ နှစ်အရွယ် ရှင်းနို ကလည်း တိုကျိုကို ပြောင်းသွားတဲ့နောက် ဂီတပွဲတစ်ခုကြောင့် မြို့ကို ပြန်ရောက်နေပါတယ်။ ဒါပေမဲ့ အခု ရှင်းနို နဲ့ အတိတ်က ရှင်းနို ကလုံးဝကို ကွာခြားနေပါတယ်။ ဒါဆို ၁၈ နှစ်အရွယ် ရှင်းနို က ဘာကြောင့် ရှိနေရတာလဲ ငယ်ချစ်ဦးတွေဖြစ်ကြတဲ့ အခန်နေ နဲ့ ရှင်းနို ကရော။

t.me/cartoonmoviesmms/1630

မွန်းစတားမိသားစု (၂၀၁၈)

မိသားစုတစ်စုဆိုတာ အမြဲတမ်းပျော်ရွှင်နေရတယ်မဟုတ်တောင် စိတ်ညစ်စရာလေးတွေ နည်းနိုင်သမျှနည်းရင် ပိုကောင်းတယ်ဗျ။ ဟုတ်တယ်မို့လား။ ဒီဇာတ်ကားလေးထဲက အမ်မာ တို့ မိသားစုဟာလည်း ခုလက်ရှိ အပြင်မှာ ကြုံတွေ့နေကြတဲ့အတိုင်း။ အိမ်ထောင်ဦးစီးဖြစ်သူ အမ်မာ ရဲ့ အမျိုးသားကလည်း တစ်နေတစ်နေ့ အလုပ်နဲ့ အိမ်ပဲကူး၊ အမ်မာ ကိုယ်တိုင်ကလည်း သူ့အလုပ်နဲ့ သူတိုင်ပတ်။ သားသမီးတွေအတွက် အချိန်ကောင်းကောင်း မပေးနိုင်ကြ။ ဒီလိုနဲ့ ကလေးကလည်း ကျောင်းမှာ တစ်မျိုးတစ်ဖုံ ပြဿနာလေးတွေ ကိုယ်စီနဲ့။ မိသားစုအတူရှိတဲ့အချိန်က အတော်နည်းတယ်ပေါ့ဗျာ။ ရှိတဲ့အချိန်ကျလည်း ဘုနဲ့ဘောက်ပေါ့။ ဒီလိုတွေ ဖြစ်နေတဲ့ မိသားစုလေးဟာ သူတို့ကို အပြောင်းလဲကြီး ပြောင်းလဲပေးမယ့် နေ့တစ်နေ့ကို ကြုံလိုက်ရပါတယ်။ အဲ့ဒီနေ့ပြီးတဲ့နောက်ရက်တွေမှာ သူတို့မိသားစုလေး ဦးတိုးကြီး ရဲ့ “အေးအတူပူအမျှ” လိုပဲ ဖြစ်မလား။ ဒါမှမဟုတ် ဘစိုင်း ရဲ့ “ကြိုးပျက်ခဲ့တဲ့ အိမ်ထောင်မျိုး” လိုပဲ ဖြစ်သွားမလားဆိုတာကတော့။ စိတ်အပန်းဖြေတဲ့သဘောနဲ့ ထိတွေ့ကြည့်လိုက်ပါဦးနော်။

t.me/cartoonmoviesmms/1632

ခရုတစ်ကောင်၏ မှတ်ညာဏ် (၂၀၂၄)

IMDb - 8/10
Genre - Drama

ဒီကားလေးက ထူးခြားတာက ပုံမှန် Adventure သွားတာမျိုးတွေနဲ့ Fantasy ဆန်ဆန်တွေမပါပဲ ဂရေ့စ် ဆိုတဲ့ ကောင်မလေးတစ်ယောက်ရဲ့ ပုံမှန်ဘဝလေးကိုသဘာဝကျကျ ရိုက်ကူးထားတာပါ။ အမြဲတမ်းကြီးမဟုတ်ပေမယ့် တစ်ချို့လူတွေက ကံဆိုးတတ်တာများပြီး တစ်ချို့တွေကတော့ ကံကောင်းတတ်ကြတယ်။ ဒီ ဂရေ့စ် ကတော့ ပထမအတန်းစားထဲပါလို့ ပြောရမယ်ပေါ့။ အမေကိုယ်ဝန်ရှိခါစမှာ သူ့အဖေ ကားတိုက်ခံရတော့ ကိုယ်တစ်ပိုင်း သေသွားတယ်။ အမေဖြစ်သူကလည်း ဂရေ့စ် နဲ့ သူ့အမွှာမောင်လေး ဂေးဘတ် ကို မွေးပြီး ဆုံးသွားရော။ အဆိုးတွေများနေပေမယ့်လည်း သူ့ကိုကာကွယ်ပေးမယ့် ဂေးဘတ် နဲ့အတူ ဖခင်ရှိသေးတော့ သူတို့မိသားစုလေးက ပျော်စရာလေးတွေတော့ရှိတာပေါ။ ပြသာနာက ဂရေ့စ် ရဲ့ဖခင်ဆုံးသွားတော့ မောင်နှမနှစ်ယောက်က မွေးစားအိမ်တစ်အိမ်စီ ပို့ခံလိုက်ရတယ်။ ဂရေ့စ် က တဖြေးဖြေး အထီးကျန်လာပြီး သူစုဆောင်းတတ်တဲ့ ခရုလေးတွေလိုပဲ အခွံထဲမှာ ပုန်းနေတော့တာပေါ့။ သူ့ရဲ့မျှော်လင့်ရာက ဂေးဘတ် ဆီက စာတွေနဲ့ ပင်ကီ ဆိုတဲ့ အဘွားကြီးတစ်ယောက်။ ပင်ကီ က သွက်လက်တယ် ပျော်ပျော်နေတယ်။ ဂရေ့စ် ရဲ့ မီးခိုးရောင်ကမ္ဘာကြီးထဲက အရောင်လေးပေါ့။ ဒါပေမယ့် တစ်နေ့ကျ အဲ့ဒီသူ့ရဲ့ အားကိုးရာလူနှစ်ယောက် မရှိတော့တဲ့အခါမှာ ဂရေ့စ် ဘယ်လိုဆက်လုပ်မလဲ။ လူအများစုကြုံတွေ့နေရတဲ့ ပုံမှန်ဘဝက အခက်အခဲတွေ၊ မိသားစုပြသာနာတွေ၊ အထီးကျန်မှုတွေ၊ ဘဝကိုရင်ဆိုင်ပုံတွေကို ဂရေ့စ် ဆိုတဲ့ ကာရိုက်တာကနေတစ်ဆင့် ပြောပြနေသလို သဘာဝကျကျလေး ပုံဖော်ရိုက်ကူးထားတာမို့ ကြည့်ပြီးရင် “ဘဝဆိုတာ ဒီလိုပါလား” ဆိုပြီး ဟာတာတာကြီး ခံစားချင်တဲ့သူတွေအတွက်တော့ အကိုက်ပါ။ ခရုတွေဆိုတာ သူတို့ရဲ့လမ်းကြောင်းကို ဘယ်တော့မှ နောက်ပြန်မသွားဘူးတဲ့။ ကြုံရတာတွေက ကောင်းတာဖြစ်ဖြစ် ဆိုးတာဖြစ်ဖြစ် လက်မလျှော့ပဲ ဆက်ရှင်သန်သွားမယ်ဆို အလှည့်အပြောင်းလေးတွေ ကြုံလာရမယ်ဆိုတာကို ရှင်းရှင်းလေး ပုံဖော်ထားတဲ့ Animation လေးပါပဲ။

t.me/cartoonmoviesmms/1634

စကူဘီဒူး - စတင်ခြင်း (၂၀၀၉)

ငယ်ဘဝရဲ့ အကောင်းဆုံးအမှတ်တရတစ်ခုဖြစ်ခဲ့တဲ့ စကူဘီဒူး ကာတွန်းကို LA အနေနဲ့ ကြည့်ရှုခံစားရမယ့် စကူဘီဒူး သရဲအစပြုရာ ဒီ live action လေးမှာလည်း ဇာတ်လိုက်ကျော်ကြီး ရှက်ဂီ ကတော့ ထုံးစံအတိုင်း အယောင်ယောင်အမှားမှားနဲ့ တလွဲအမြဲလုပ်တတ်တဲ့သူပေါ့။ သူ့ရဲ့ မုချမဲ့မိတ်ဆွေ ကတော့ စကူဘီ ပဲဖြစ်ပြီး ရှက်ဂီ လိုပဲ အမြဲတလွဲလုပ်နေတဲ့ ခွေးလေးပါ။ ဒီလိုနဲ့ ရှက်ဂီ တစ်ယောက် ကျောင်းကားပေါ်မှာ အယောင်ယောင်အမှားမှားလုပ်မိရာကနေစလို့ ရှက်ဂီ၊ ဒက်ဖနီ၊ ဗယ်မာ နဲ့ ဖရက်ဒ် တို့ လေးယောက် ပွဲဆူမှုနဲ့ စာကြည့်တိုက်မှာအပြစ်ပေးခံရပါတော့တယ်။ ဒါပေမဲ့ သူတို့ စာကြည့်တိုက်ထဲမှာ အပြစ်ပေးခံရလို့ တကျက်ကျက်ဖြစ်နေတုန်း ရုတ်တရက် စာအုပ်တွေ စင်ပေါ်ကနေ ပျံကျလာ၊ ပစ္စည်းတွေလွင့်ထွက်ပြီး သရဲသုံးကောင် ပေါ်လာတဲ့အချိန်မှာတော့ သတ္တိခဲ ရှက်ဂီ ဦးဆောင်လို့ စုဝေးပွဲက ကျောင်းသားတွေကိုပါ ထွက်ပြေးခိုင်းပါတော့တယ်။ ဒါပေမဲ့ ဒုကျောင်းအုပ်က သူတို့ပြောတာကို မယုံဘဲ ကျောင်းတွင်း ဆူပူမှုဖန်တီးမှုနဲ့ လေးယောက်လုံးကို ကျောင်းနားလိုက်တဲ့အခါ။ ဒီတော့ ရှက်ဂီ၊ ဖရက်ဒ်၊ ဗယ်မာ နဲ့ ဒက်ဖနီ တို့ ကျောင်းမနားရရေးအတွက် စကူဘီဒူး နဲ့အတူ ကျောင်းတွင်း သရဲအရှုပ်တော်ပုံကို သက်သေရဖို့ ရှာဖွေရင်း ဘာတွေကြုံရမလဲဆိုတာ ရှုစားလိုက်ရအောင်ပါ။

t.me/cartoonmoviesmms/1636

စကူဘီဒူး - မျက်နှာဖုံးနောက်က အမှန်တရား (၂၀၁၂)

စကူးဘီ တို့အကြိုက်ဆုံး ကာတွန်းဇာတ်ကောင် ဘလူး ဖယ်ကွန် နဲ့ အံ့ဖွယ်ခွေး ဒိုင်းနိုမတ် တို့ကို ကာတွန်းပွဲတော်မှာ သွားကြည့်ရင်းက စကူးဘီ တို့ ပဟေဠိကို ဖြေရှင်းဖို့ ဖန်လာပြန်ပါတယ်။ ဒီတစ်ခေါက်မှာ မစ္စတာဟိုက်ဒ် အသွင်ရတဲ့ မိစ္ဆာတစ်ကောင်က ဘလူး ဖယ်ကွန် ရဲ့ ပြန်လည်ဆန်းသစ်ဇာတ်ကား ပြသချိန်တိုင်း တိုက်ခိုက်မှုမျိုးစုံနဲ့ လူတွေကို ဒုက္ခပေးလာပါတယ်။ ဘယ်သူကလုပ်နေမှန်းမသိ တိုက်ခိုက်မှုတွေက ဆန် ဒေ ပဒရို မြို့မှာ ဆက်တိုက်ဆိုသလို ဖြစ်လာပါတယ်။ ဒါနဲ့ ဒီပဟေဠိကို ဖြေရှင်းဖို့ စကူးဘီ တို့ဆီ မြို့တော်ဝန်မှ တာဝန်ရောက်လာပါတယ်။ ဖြစ်ရပ်ရဲ့နောက်ကွယ်ကသူကို အဖြေရှာဖို့က ဘလူး ဖယ်ကွန် သရုပ်ဆောင်ဟောင်း အိုဝမ် ဂါရီဆန် ကနေ အမှူးပြုပြီး အခြားသံသယရှိသူတွေအနက်မှာ ဘယ်သူက မစ္စတာဟိုက်ဒ် ရဲ့ ကြိုးကိုင်ရှင်ဖြစ်မလဲ။ ဘာကြောင့် ဒီလိုတိုက်ခိုက်မှုတွေ ဖြစ်နေရသလဲဆိုတဲ့ အကြောင်းရင်းမှန်ကို ဖော်ထုတ်ကြပုံကို ကြည့်ရှုရမှာ ဖြစ်ပါတယ်။

t.me/cartoonmoviesmms/1638

ပျောက်ဆုံးနေသော လင့်ခ် (၂၀၁၉)

၁၈ရာစု ပတ်ဝန်းကျင်ကို ဇာတ်အိမ်တည်ထားပြီးတော့ လိုင်းနယ် ဖရော့စ် ဆိုတဲ့ စွန့်စားရှာဖွေသူတစ်ဦးဟာ နယူးယောက်က အကြီးမားဆုံး စွန့်စားရှာဖွေသူတွေရဲ့ အသင်းကို ဝင်ချင်တဲ့အတွက် ဒဏ္ဍာရီလာ သတ္တဝါတွေကို လိုက်လံစွန့်စားရှာဖွေပါသော်လည်း အချည်းနှီးသာ ရလဒ်နောက်ဆုံး နိဂုံးချုပ်နေကျဖြစ်တဲ့အတွက်ကလပ်ကလူတွေအတွက် သူဟာ လှောင်ပြောင်စရာပဲ ဖြစ်နေခဲ့ပါတယ်။ တစ်နေ့တော့ ကလပ်ကလူကြီးနဲ့ အလောင်းအစားတစ်ခုပြုလုပ်ပြီး နှင်းလူမျိုးနွယ် ဒဏ္ဍာရီလာ ခြေရာကြီးသတ္တဝါကို ရှာဖွေဖို့ ဟိမဝန္တာတောင်တန်းကြီးဆီကိုစွန့်စားခန်းထွက်လာပါတော့တယ်။ ကိုင်း။ သူ့စွန့်စားခန်းကြီး အောင်မြင်ပါ့မလား။ လူတွေရဲ့ အထင်သေးတဲ့အမြင်တွေကို ပြောင်းလဲပေးနိုင်မလား။ သူ့စွန့်စားခန်းတွေမှာရော ဘယ်လိုအန္တရယ်မျိုးစုံနဲ့တွေ့ဆုံမလဲ။ သူကရော ဖြတ်ကျော်နိုင်ပါ့မလား။ ဒီဇာတ်ကားလေးမှာ နောက်ခံ အသံသရုပ်ဆောင်များအဖြစ် နာမည်ကြီး သရုပ်ဆောင်တွေဖြစ်ကြတဲ့ ဟျူးဂျက်ခ်မန်၊ ဇက် ဂါလီဖီအနာကစ်စ်၊ ဇိုး စယ်လ်ဒါနာ စတဲ့ သရုပ်ဆောင်တွေ ပါဝင်ထားပါတယ်။ ဟာသအသောလေးတွေနဲ့ စွန့်စားခန်းတွေရင်ထိတ်စရာတွေ တွေ့ကြုံခံစားရမယ့် ဇာတ်ကားလေးတစ်ကားဖြစ်လို့ ကိုယ်တိုင်ပဲ ကြည့်ရှုခံစားတော်မူကြပါဦး။

t.me/cartoonmoviesmms/1640

အာတိတ်ဒေသ ခွေးကလေးများ (၂၀၁၉)

ပေါ့ပေါ့ပါးပါးနဲ့ တစ်ကားလုံးထိုင်ရာမထကြည့်ချင်အောင်ဆွဲခေါ်သွားတဲ့ ကာတွန်းကားလေးပါ။ မြောက်ဝင်ရိုးစွန်းဒေသအစွန်ဆုံးမှာတိုင်ဂတ်ဗယ်လီ ဆိုတဲ့ ရွာလေးတစ်ရွာရှိတယ်အဲ့ရွာလေးမှာ ပစ္စည်းပို့ဝန်ဆောင်မှု လုပ်ငန်းကပစ္စည်းပို့တဲ့ မြောက်ဝင်ရိုးစွန်းခွေး ကြီးတွေက ကလေးတိုင်းအားကျရ တဲ့ သူတွေပေါ့ ဆွစ်ဖတီ ဆိုတဲ့မြေခွေးလေးကတော့အဲ့ခွေးကြီးတွေလို မသန်မာပေမဲ့ပစ္စည်းပို့တဲ့သူဖြစ်ဖို့ကသူ့အိပ်မက်ပဲ အဲ့လုပ်ငန်းမှာ တခြားနေရာကနေ ဝန်ထမ်းဝင်လုပ်ရင်းတနေ့မှာ ခွေးကြီးတွေက ပြန်ပေးဆွဲခံရတော့ သူဖြစ်ချင်တဲ့ပစ္စည်းပို့သူဖြစ်လာတဲ့အခါမှာ ပြန်ပေးဆွဲခံရတဲ့အကြောင်းရင်းတွေကို စုံစမ်းသိရှိသွားပြီးဘာတွေဆက်ဖြစ်မလဲဆိုတာကို ကြည့်ရှုခံစားလိုက်ပါ။

t.me/cartoonmoviesmms/1642

ခွေးကလေး တစ်တီးနား (၂၀၂၂)

IMDb - 7/10
Genre - Adventure, Family

အီတလီ အင်ဂျင်နီယာတစ်ဦးဖြစ်တဲ့ အမ်းဘတ်တို နိုဘီလယ် ဆိုသူဟာ တစ်နေ့မှာ အပြင်ထွက်ရင်း တစ်တီနား ဆိုတဲ့ ခွေးလေးတစ်ကောင်ကို ကောက်ရခဲ့ပါတယ်။ နောက်တစ်နေ့မှာတော့ ဝင်ရိုးစွန်းတွေကို စူးစမ်းလေ့လာနေတဲ့ ရိုအလ် အာမန်ဒ်ဆန် ဆိုသူဟာ မြောက်ဝင်ရိုးစွန်းကို ခရီးထွက်ဖို့ အဲယာရှစ် တစ်စင်းဆောက်ပေးဖို့ သူ့ဆီ ဖုန်းနဲ့ ဆက်သွယ်လာပါတယ်။ အဲယာရှစ် ဆောက်ပေးရုံမကပဲ မြောက်ဝင်ရိုးစွန်းကိုပါ အတူလိုက်ပါခွင့်ရမယ်ဆိုတော့ ဥမ်းဘတ်တို အတိုင်းထက် အလွန်ကိုပျော်မိခဲ့ပါတယ်။ ဒီလိုနဲ့ တစ်နေ့ သူ့ရဲ့ အဲယာရှစ် ကြီး ဆောက်လုပ်ပြီးစီးတဲ့အခါမှာ ရိုအလ် အာမန်ဒ်ဆန် နဲ့အတူ မြောက်ဝင်ရိုးစွန်းကို ခရီးနှင်ခဲ့ပါတယ်။ အဲ့ဒီခရီးမှာ သူ့ခွေးလေး တစ်တီနား လည်း လိုက်ပါလာပါတယ်။ ဒီလိုနဲ့ အာမန်ဒ်ဆန် နဲ့ နိုဘီလယ် တို့နှစ်ယောက် ဘယ်လောက်ရင်းနှီးသွားကြမလဲဆိုတာအပြင် တစ်တီနား လေးရဲ့ ချစ်စရာကောင်းမှုကိုပါ မြင်တွေ့ရမှာမို့ ကြည့်ရှုခံစားလိုက်ကြပါဦး။

t.me/cartoonbynikko/2079

အီဂျစ်မင်းသားလေး (၁၉၉၈)

ဒီအနီမေးရှင်းဇာတ်လမ်းလေးမှာ IMDb ၇ အထိ ရရှိထားပြီး မိသားစုနဲ့အတူကြည့်နိုင်တဲ့ ကားကောင်းလေးတစ်ကားပါ။ မိတ်ဆွေအချင်းချင်း ရိုင်းပင်းကူညီမှုနဲ့ကြိုးစားအားထုတ်ရင် ဘာမဆို ဖြစ်လာနိုင်တယ်ဆိုတာကို မီးမောင်းထိုးပြထားတဲ့ ပညာပေး အနီမေးရှင်းဇာတ်ကားကောင်းတစ်ကားဆိုလည်း မမှားပါဘူး။ တစ်ခါက အီဂျစ်နိုင်ငံမှာ မိုဆေစ် နဲ့ ရမ်စီးစ် ဆိုတဲ့ ညီအကိုနှစ်ယောက်အကြောင်းနဲ့ စတင်ထားပါတယ်။ တစ်ယောက်ဟာ နန်းညွန့်နန်းလျာအဖြစ် ကြီးပြင်းလာခဲ့ပြီးတော့ ကျန်တစ်ယောက်ကတော့ မိဘမဲ့အဖြစ် ကြီးပြင်းလာခဲ့ကြရပါတယ်။ ဘာကြောင့်လဲဆိုတာတော့ မပြောတော့ပါဘူး။ သူတို့နှစ်ယောက်ဟာ သူငယ်ချင်းတွေအဖြစ်နဲ့သာ ရင်းနှီးကျွမ်းဝင်ကြပြီး ညီအကိုတွေမှန်း မသိခဲ့ကြပါဘူး။ တစ်နေ့ အိမ်ရှေ့စံ မင်းသားလေး ဟာ တိုင်းပြည်ကို အုပ်ချုပ်ရတော့တဲ့အခါမှာတော့ငယ်ရွယ်သေးတာကြောင့် အခက်ခဲတွေနဲ့ ကြုံတွေ့ရပါတော့တယ်။ အဲ့ဒီခါ သူဘာတွေကို ကြိုးစားသင်ယူပြီး ဘယ်လိုအခက်အခဲတွေကို ဖြေရှင်းမလဲ၊ ဘယ်သူ့ရဲ့ တိုက်ခိုက်မှုတွေ၊ ဘယ်သူ့ရဲ့ ကူညီမှုတွေကို ရနိုင်မလဲ၊ နောက်ဆုံး အီဂျစ်ပြည်ကြီး စည်ပင်ဝပြောဖို့ သူကြံဆောင်နိုင်ပါ့မလားဆိုတာ ဇာတ်ကားလေးကိုသာ ကြည့်ရှုကြဖို့ တိုက်တွန်းချင်ပါတယ်။

t.me/cartoonmoviesmms/1645