အချိုကြိုက်တဲ့ခွေးကလေး (၂၀၀၅)

ဒူဂယ် ဆိုတဲ့ ခွေးလေးက အဝိုင်းရွာမှာ နေနေတဲ့ ခွေးလေးတစ်ကောင် ဖြစ်ပြီး သူ့သခင်ကတော့ ဖလောရန့်စ် ဖြစ်ပါတယ်။ သူက အချိုအရမ်းကြိုက်တတ်ပြီး အချိုမစားရရင် မနေနိုင်မထိုင်နိုင် ဖြစ်နေတာပါ။ ဒီလိုနဲ့ တစ်နေ့မှာ သကြားလုံးရောင်းတဲ့ လူဆီက သကြားလုံးတွေ စားရဖို့ ကြံရင်းနဲ့ အလွဲအချော်တွေ ဖြစ်ကုန်ပြီးကလေးတွေကစားနေတဲ့ ဆုံလည်မြင်းကြီး ပျက်စီးသွားပါတော့တယ်။ အဲ့ဒီအချိန်မှာ အဲ့ထဲမှာ ပိတ်လှောင်ထားခြင်းခံရတဲ့ ရေခဲမကောင်း ဆိုးဝါး ဇီးဘတ် လွတ်မြောက်လာခဲ့ပြီး ဖလောရန့်စ် အပါအဝင် တခြားကလေးတွေကို ဆုံလည်မြင်းကြီးထဲမှာ အေးခဲနေအောင် ပိတ်ထားခဲ့ပါတယ်။ ဇီးဘတ် ရဲ့ အကြံအစည်ကတော့ နေကို ခဲအောင် လုပ်ပစ်ပြီး တစ်ကမ္ဘာလုံးကို သူ့စိတ်ကြိုက် ရေခဲတွေနဲ့ ဖုံးလွှမ်းအောင် လုပ်ပစ်ဖို့ပဲ ရှိပါတယ်။ သူ့ကို တားဖို့အတွက် ဇစ်ဘဒီ ဆိုတဲ့ ရွာရဲ့ သူရဲကောင်းရှိပေမယ့် သူ့ကို အနိုင်မယူနိုင်တဲ့အခါမှာတော့ ဒူဂယ် နဲ့ သူ့သူငယ်ချင်းတွေရဲ့ အကူအညီကို လိုအပ်လာပါတော့တယ်။ ဇီးဘတ် ရဲ့အကြံအစည်အောင်မြင်ဖို့ မှော်စိန် သုံးလုံးကို လိုအပ်ပြီး အဲ့ဒီ စိန်တွေကို ဇီးဘတ် မရသွားအောင် ဒူဂယ် နဲ့ သူငယ်ချင်း တိရစ္ဆာန်လေးတွေက ဘယ်လို တားဆီးသွားမလဲ။

t.me/cartoonmoviesmms/1465

အမျိုးသမီး ပန်းချီဆရာမတစ်ယောက်အကြောင်း (၂၀၂၁)

ချားလော့တ် ဟာ သူ့မိသားစုရဲ့ ရင်နာစရာဇာတ်ကြောင်းကို ပန်းချီကားတစ်ထောင်ကျော်နဲ့ ပုံဖော်ရေးဆွဲခဲ့ပြီး “ဘဝလေလား ပြဇာတ်လေလား” လို့ ပန်းချီတစ်ထောင်ကျော်လုံးကို တစ်စုတည်းအဖြစ် သတ်မှတ်နာမည်ပေးလိုက်ပါတယ်။ အဲဒီပန်းချီကားစုကို ပထမဆုံး ဂရပ်ဖစ်နိုဗယ်အဖြစ် သတ်မှတ်ခဲ့ကြပါတယ်။ သူဟာပျော်စရာတွေထက် ဝေဒနာတွေက အနုပညာပိုစစ်တယ်လို့ ယူဆခဲ့ပြီး သူ့မိသားစုရဲ့ ဝေဒနာတွေကို ပန်းချီကားပေါင်းများစွာနဲ့ ပုံဖော်ခဲ့ပါတယ်။ ဒီပန်းချီတွေကို သူပန်းချီသေချာဆွဲတတ်စ နှောင်းပိုင်းကနေ တစ်သက်လုံးအားထုတ်ရေးဆွဲခဲ့တာပါ။ သူဟာ အသက် ၂၆ အထိပဲ နေသွားရပေမယ့် ဒီကာလတိုတိုလေးအတွင်းမှာ ဒီပန်းချီကားပေါင်းများစွာကို မနားမနေ အားထုတ်ရေးဆွဲသွားခဲ့တဲ့ အနုပညာရှင်ပါပဲ။ အနုပညာကို ချစ်ခြင်းဟာ အကောင်းဆုံးဘဝနေနည်းလို့ ဆိုခဲ့ကြပေမယ့်လဲ လက်တွေ့ဘဝမှာ အနုပညာချည်းသက်သက်ကို တွယ်ဖက်ပြီး ရှင်သန်ဖို့သာအခက်ခဲဆုံးအရာတစ်ခုပါပဲ။ ဒီရုပ်ရှင်ဟာ ပန်းချီအနုပညာကို ချစ်ခဲ့တဲ့၊ ပန်းချီအနုပညာကို တွယ်ဖက်ခဲ့တဲ့ အမျိုးသမီး ပန်းချီဆရာမတစ်ယောက်ရဲ့ ရင်နင့်စရာ ဖြစ်ရပ်မှန်ကို အန်နီမေးရှင်း အနေနဲ့ အသက်သွင်းထားတဲ့ ရုပ်ရှင်ပါ။

t.me/cartoonmoviesmms/1471

ငယ်ဘဝရဲ့ ထရော်မာရုပ်ရှင် (၂၀၀၉)

လူကြီးမင်းတို့ရဲ့ မျက်လုံးကို ဖယ်ထုတ်ပြီး ကြယ်သီးတွေအစား ထိုးတပ်ခံထားရတဲ့ ခံစားချက်မျိုး ခံစားဖူးပါသလား။ တကယ်တော့ ဒီဇာတ်ကားလေးဟာကျွန်တော်တို့ရဲ့ ငယ်ဘဝမှာ ရင်ထဲထိ အမြဲတမ်း စွဲကျန်စေခဲ့တဲ့ ကာတွန်းရုပ်ရှင်ကားလေး တစ်ကားလည်း ဖြစ်ပါတယ်။ ဒီဇာတ်ကားလေးမှာ ကိုရာလိုင်း ဆိုတဲ့ ကလေးမလေးက အဓိက သရုပ်ဆောင်ထားပါတယ်။ စူးစမ်းလိုစိတ်အပြည့်နဲ့သတ္တိရှိတဲ့ ကောင်မလေး တစ်ယောက်အဖြစ်နဲ့ပေါ့။ သူမရဲ့ မိဘတွေနဲ့ကတော့အဆင်မပြေပါဘူး။ အလုပ်ကိုသာ လုပ်နေကြတဲ့ ကိုရာလိုင်း ရဲ့ မိဘတွေဟာသားသမီးကို ဂရုမစိုက်နိုင်တဲ့အတွက် သူတို့ကြားမှာ အဆင်မပြေမှုလေးတွေရှိနေခဲ့ပါတယ်။ တစ်နေ့ သူတို့မိသားစုဟာ အိမ်အသစ်ဆီကို ပြောင်းရွှေ့လာခဲ့ရပါတယ်။ ထုံးစံအတိုင်း ကိုရာလိုင်း ကတော့ တစ်ယောက်တည်းပဲပေါ့။ ဒီလိုနဲ့တစ်နေ့မှာ အိမ်ရဲ့ တစ်နေရာက မှော်ဝင်တံခါးပေါက် တစ်ခုကို တွေ့သွားခဲ့တဲ့ အချိန်ကစပြီး ဇာတ်လမ်းစပါပြီ။ ဒီမှော်ဝင်တံခါးပေါက်ရဲ့ တစ်ဖက်မှာ ဘာတွေရှိနေမလဲ။ စူးစမ်းတတ်ပြီး သတ္တိရှိတဲ့ ကိုရာလိုင်း တစ်ယောက် ဘာတွေ ဖြစ်လာမှာလဲ။ ဆိုတာတွေကိုတော့ စိတ်ဝင်တစားနဲ့ ကြည့်ရှုရမှာပဲ ဖြစ်ပါတယ်။

t.me/cartoonmoviesmms/1473

အချစ်နှင့် ငရဲကြီး ၉ ထပ် (၂၀၁၀)

IMDb - 6.5/10
Genre - Horror, Action

ဒီကားမထွက်ခင် ဂိမ်းအရင်ထွက်တာဗျ။ ဂိမ်းတုန်းကလည်း တော်တော်တော့လို့ကောင်းခဲ့ပါတယ်။ ဒန်တေ ရဲ့ “ငရဲ” ဆိုတဲ့ ဇာတ်လမ်းဟာ တကယ်တော့သမ္မာကျမ်းစာပါ ဇာတ်လမ်းမဟုတ်ဘူးဗျ။ ၁၄ ရာစု အီတလီက ကဗျာဆရာကြီး ဒန်တေ အလီဂေရီ ရေးဖွဲ့တဲ့ ကျော်ကြားတဲ့ ကဗျာကြီးထဲက ဇာတ်လမ်းပါ။ ဗုဒ္ဓဘာသာ ဇာတ်ထုတ်မှာ ဆိုရင် ရင့်မာတ ကျိပ်ဇာတ်ထုတ်ထဲက မိဇာတ်ထုတ်လိုပဲဗျ။ ဒန်တေ ဟာ ခရစ်ယာန် ငရဲကြီး ကိုးထပ်ကို ဖြတ်ကျော်ပြီး ချစ်သူကို ပြန်ကယ်တဲ့ ဇာတ်လမ်းပါ။ ဒီကာတွန်းမှာ ထူးဆန်းတာက ဇာတ်ဝင်ခန်း တခုနဲ့ တခု ပုံတွေ မတူဘူးဗျ။ အဲ့တချက်တော့ ကြည့်ရတာ တမျိုးပဲ။

t.me/cartoonmoviesmms/1475

ဘာဘီလေးနှင့် မှော်စုတ်တံ (၂၀၀၂)

မကောင်းဆိုးဝါး စုန်းမကြီးက ပြန်ပေးဆွဲပြီး မျှော်စင်ထဲမှာ ပိတ်လှောင်ခံထားရတဲ့ အပျိုမလေး ရာပန်ဇယ် ဟာ သူမရဲ့ ပန်းချီကားတွေကို Portal အဖြစ်ပြောင်းလဲပေးမယ့် မှော်ဆေးစုတ်တံကို တွေ့လိုက်တဲ့အခါ သူ့ဘဝဟာ တမဟုတ်ချင်း ပြောင်းလဲသွားတာကို တွေ့ရှိခဲ့ပါတယ်။

t.me/cartoonmoviesmms/1477

ဟာကျူလီ (၁၉၉၇)

ယခု တစ်ခါ ကျနော်တို့ ငယ်ဘ၀ ကိုပြန်ပြောင်းသတိရစေမယ့် ဟာကျူလီ ကာတွန်းကားကို ထပ်မံ တင်ဆက်ပေးလိုက်ပါပြီ။ ပိုထူးခြားစေတာကတော့ကာတွန်းရုပ်ရှင်ထဲမှ ဇာတ်ဝင်သီချင်းများကိုပါ အသေးစိတ်ကျကျဘာသာပြန်ပေးထားပါတယ်

t.me/cartoonmoviesmms/1479

ယုန်ကလေးတို့ကျောင်း (၂၀၁၇)

IMDB - 5.4/10
Genre - Adventure/ Family

Animal World တစ်ခုမှာ ဇာတ်အိမ်တည်ထားတဲ့ ဂျာမနီထုတ် ကာတွန်းကားကောင်းလေး တစ်ကားနဲ့ မိတ်ဆက်ပေးချင်ပါတယ်။ မက်စ် ဆိုတဲ့ သူခိုးတေလေ ယုန်ကလေးတစ်ကောင်ဟာ အီစတာ ယုန်တို့ရဲ့ ကျောင်းကလေးထဲကို ရောက်သွားပါတယ်။ မက်စ် ဟာ ပဟေဋ္ဌိဆန်လွန်းတဲ့ မဒမ် ဟာမီအွန်း နဲ့ ယုန်မလေး အမ်မီ တို့ရဲ့ အကူအညီနဲ့ အီစတာ ယုန်လေးတွေရဲ့ လျှို့ဝှက်ပညာတွေကို ဆည်းပူးခဲ့ပါတယ်။ ဒီနောက် အီစတာ ယုန်လေးတွေရဲ့ ရန်သူ ဉာဏ်များတဲ့ မြေခွေးမိသားစုနဲ့ မက်စ် ရင်ဆိုင်ရပြီး သူ့စွမ်းရည်နဲ့ ဘယ်လို ရင်ဆိုင်မလဲဆိုတာနဲ့ မိတ်ဆွေမှုဆိုတာ ဘာလဲဆိုတာ၊ သူ ဘယ်လို နားလည်ခဲ့လဲ မြင်ကြရမှာပါ။ ဒီ ဂျာမနီထုတ် အန်နီမေးရှင်းကားလေးရဲ့ ဇာတ်ကောင် ယုန်ကလေးတွေဟာ ကာတွန်းကားတွေထဲ တွေ့ဖူးနေကြ ယုန်တွေနဲ့ ကွဲထွက်ပါတယ်။

t.me/cartoonmoviesmms/1481

ကြီးကျယ် မြင့်မြတ် စွမ်းအားကြီးပါသော (၂၀၁၃)

သက္ကရာဇ် ၁၉၀၅ ခုနှစ်မှာ အော်စကာ လို့အမည်ရတဲ့ မျက်လှည့်ဆရာတစ်ယောက်ဟာ လေမုန်တိုင်းတိုက်ခံရတာကနေတစ်ဆင့် အော့ဇ်နိုင်ငံခေါ်တဲ့ နေရာကို ရောက်ရှိသွားပါတယ်။ သူရောက်ရှိသွားတဲ့နေရာမှာ သီအိုဒေါ ဆိုတဲ့ မိန်းမလှလေးနဲ့တွေ့ဆုံခဲ့ပါတယ်။ အဲ့မိန်းမလှလေးက အော်စကာ ဟာဆိုရင် သူတို့ရဲ့ မြေကိုရက်စက်တဲ့ စုန်းမကြီးလက်ထဲကနေ ကယ်တင်မဲ့ ဟောကိန်းလာ မှော်ဆရာကြီးလို့ ယုံကြည်ခဲ့ပါတယ်။ ဒါပေမဲ့ အော်စကာ ဟာ မှော်ပညာတက်တဲ့သူ တစ်ယောက်မဟုတ်ပဲ သာမန် မျက်လှည့်ဆရာလေး ဖြစ်ပါတယ်။ ဒီလိုနဲ့ အော်စကာ ဟာနန်းတော်ကို ရောက်သွားပြီး သီအိုဒေါ ရဲ့ အစ်မ ဘုရင်မတို့နဲ့ တွေ့ဆုံခဲ့ပါတယ်။ ထို့နောက်မှာတော့ အော်စကာ ဟာ စုန်းမကြီးကို နှိမ်နှင်းပေးဖို့ ကတိပေးပြီး ဟန်ကိုယ့်ဖို ဆိုသလို ထွက်လာခဲ့ပါတယ်။ ဒါပေမဲ့ စုန်းမကြီးနေထိုင်တဲ့နေရာကိုရောက်တော့ သူထင်နေသလို စုန်းမကြီး မဟုတ်တဲ့အပြင် တစ်ကယ့် အမှန်တရားတစ်ခုကို သိလာရတဲ့အခါမှာတော့။ ဘာတွေ ဆက်ဖြစ်မလဲ ဆိုတာကို ဆက်လက်ရှုစားကြပါခင်ဗျာ။

t.me/cartoonmoviesmms/1483

သေမင်းတမန် ကျွန်း(၂၀၂၃)

IMDb - 6/10
Genre – Animation, Action, Adventure

ကျွန်တော်တို့ ဇာတ်လိုက်ကျော်ကြီး လီယွန် တစ်ယောက်ဟာ သိပ္ပံပညာရှင်ဒေါက်တာ အန်တီနီယို တေလာ ပြန်ပေးဆွဲခံရမှုတွေနဲ့ ပတ်သက်ပြီး အမှုလိုက်နေသူဖြစ်ပါတယ်။ တစ်ဖက်မှာလည်း ကလဲလ် တစ်ယောက် ထူးခြားတဲ့ သောင်တင်ဝေလငါးကို စုံစမ်းရာကနေ ထူးဆန်းတဲ့ ကိုက်ရာကြီးတစ်ခုကို တွေ့ရှိခဲ့ပါတယ်။ နောက်ပြီး ခရစ်စ် နဲ့ ဂျေးလ် တို့ကလည်း ဆန်ဖရနစကို မြို့မှာ ထူးခြားတဲ့ ကူးစက်မှုတွေနဲ့ ခြေရာခံရင်း အရင်ဗိုင်းရပ်စ်နဲ့ မတူဘဲ ကွဲပြားနေကြောင်း သိရှိလာကြပါတယ်။ ဒီအရာအားလုံးဟာ ရေဘက်ကာရဲ့ ဓာတ်ခွဲခန်း စမ်းသပ်မှုကြောင့်ဆက်စပ်မှုရှိနေတယ်ဆိုတာ သိလာကြပါတယ်။ အဲဒါကတော့ ဆန်ဖရနစကို နားက အယ်ကာထရက်ဇ် ဆိုတဲ့ ကျွန်းကြီးဖြစ်ပြီး ဒီကျွန်းပေါ်မှာ ဘာတွေ ဖြစ်ပျက်နေလဲဆိုတာ သိဖို့ ဇာတ်လိုက်ကျော်တသိုက် သွားရောက်စုံစမ်းတဲ့အခါမှာတော့ခြောက်ခြားမှုအသစ်တစ်ခုက သူတို့ကို စောင့်ကြိုနေပါသည်။ ဒီကားမှာလည်းလူစုံတက်စုံနဲ့ ဗိုင်းရပ်စ်အသစ်ကို ရင်ဆိုင်ကြရမယ့်အပြင် Animation အလန်းတွေနဲ့ ကြည့်ရှုခံစားဖို့ လွတ်လပ်မှုရှိနေတဲ့ ဇာတ်ကားကောင်းတစ်ကား ဖြစ်ပါတယ်။

t.me/cartoonmoviesmms/1487

နေ့စဉ်ဘဝများ (၂၀၂၂)

IMDb - 7.1/10
Genre - Drama

တိုကျိုက ဘဏ်တစ်ခုမှာ အလုပ်လုပ်နေတဲ့ လူတစ်ယောက်ရှိတယ်။ သူ့ဘဝမှာဘာမှ ထူးထူးခြားခြား ဖြစ်မလာခဲ့ဘူး။ သူ့အလုပ် သူလုပ်နေရုံပဲ။ တာဝန်ကျေရုံလုပ်လိုက်လို့လည်း ပြီးတယ်။ ကောင်းကောင်းမွန်မွန် လုပ်ပေးလိုက်လို့လည်း သူ့ကို လာအသိအမှတ်ပြုပေးမယ့်သူ မရှိဘူး။ ဒါပေမဲ့လည်း သူက သူ့အလုပ်ကို အမြဲကောင်းကောင်းမွန်မွန်ပဲ လုပ်ခဲ့တယ်။ တစ်နေ့ကျ ဘဏ်က ချေးငွေရက်စေ့ပေမဲ့ ပြန်မရတဲ့ ကိစ္စတစ်ခုအတွက် သူ့ခေါင်းပုံပြီး ဖြေရှင်းခိုင်းခံရတာပေါ့။ ဘဏ်ကနောက်လူတစ်ယောက်ကျ သူ့မှာ တခြားအရည်အချင်းတစ်ခု ရှိကောင်းရှိမယ်။ ဒါပေမဲ့ သူက ပိုနေမြဲ ကျားနေမြဲ ဒီအလုပ်မှာပဲ ဆက်လုပ်နေခဲ့တယ်။ သူ့မှာ မိန်းမတော့ရှိပေမဲ့ သူ့မိန်းမနဲ့ သူကြား တစ်စုံတစ်ရာရှိမရှိ၊ သူ့ဆီမှာရော သူ့မိန်းမအတွက် တစ်စုံတစ်ရာရှိမရှိ သူမသိခဲ့ဘူး။ ဒီလိုပဲ နေလာခဲ့တယ်။ တစ်နေ့ကျ တိုကျိုမှာ လူတွေအများကြီး သေဆုံးခဲ့တဲ့ ငလျင်အကြီးစားကြီး တစ်ခု ဖြစ်သွားခဲ့တယ်။ အဲဒီအချိန်မှာ သူ့မိန်းမက ငလျင်သတင်းတွေပဲ နေ့နေ့ညည ထိုင်ကြည့်နေပြီး ဘာဆိုဘာမှ မလုပ်တော့ဘူး။

အညွှန်း ဆက်ဖတ်ရန်နှိပ်ပါ။

t.me/cartoonmoviesmms/1489

အတ္တလန်းတစ် - ပျောက်ဆုံးအင်ပါယာ (၂၀၀၁)

ကုန်ခဲ့တဲ့ ရာစုနှစ်တွေကာလမှာ အတ္တလန်တစ် ကျွန်းစုတွေကို လှိုင်းတွေနဲ့ပင်လယ်ရေအောက် ပေါက်ကွဲမှုတွေက ခြောက်လှန့်နေစဉ်၊ အတ္တလန်တစ် ဘုရင်မကိုလူစိမ်းတွေက အိပ်မွေ့ချဆေး အသုံးပြုပြီး ဖမ်းခေါ်သွားကြပါတယ်။ သူနဲ့အတူ အတ္တလန်တစ်မြို့ရဲ့ နှလုံးသည်းပွတ်လို့ခေါ်တဲ့ ပါဝါဖယ် ကရစ်စတယ် လည်းပျက်ဆုံးသွားပါတယ်။ အဆိုပါ ကရစ်စတယ်က ဘုရင်မနဲ့အတူ အတ္တလန်တစ်မြို့တော်ရဲ့ နယ်မြေကို အကာအကွယ်ပြုပေးနေသော သက်ဝင်အင်အားရှိတဲ့ကျောက်တုံးဖြစ်ပါတယ်။ ဘုရင်မ ဖမ်းဆီးခံရချိန်မှာတော့ သူမရဲ့ သမီးငယ်လေး မင်းသမီး ကီဒါ ကို သမုဒ္ဒရာအောက်ဘက်မှာ ချန်ထားခဲ့ရပါတယ်။ အတ္တလန်တစ်မြို့ကို ကယ်တင်ဖို့ ခရီးစဉ်အတွင်း ဘာတွေဖြစ်မယ်၊ ဘယ်လိုတွေကြုံတွေ့ရမယ်၊ ဘယ်လိုထူးဆန်းဖွယ်ရာတွေ၊ အံ့သြဖွယ်ရာတွေကို မြင်တွေ့ရမယ်ဆိုတာကိုတော့ ဇာတ်ကားကြည့်ရင်းနဲ့ ရင်တထိတ်ထိတ်နဲ့ ကြည့်ရှုခံစားကြည့်ပါဦး။

t.me/cartoonmoviesmms/1491