ခရစ်စမတ်မတိုင်မီ အိမ်မက်ဆိုး (၁၉၉၃)

အားလပ်ရက် ပျော်ပွဲရွှင်ပွဲတွေကို လုပ်ဆောင်ရတဲ့ မြို့အသီးသီးရှိတယ်ပေါ့။ အီစတာမြို့၊ ဟော်လိုဝင်းမြို့၊ ခရစ်စမတ်မြို့ အစရှိသဖြင့်ပေါ့။ ဒီကားရဲ့ ဇာတ်လိုက်ကျော် ဂျက်က ကတော့ ဟော်လိုဝင်းမြို့ရဲ့ ရွှေဖရုံသီးဘုရင်ပေါ့။ ခြောက်လှန့်တဲ့နေရာမှာ အထင်ကရဖြစ်တဲ့ အရိုးခြောက်တစ်ယောက်ဖြစ်ပါတယ်။ အားလုံးကသူ့ကို အမြဲချီးမွမ်းနေပေမယ့် သူကတော့ ဟော်လိုဝင်းမှာ လိုက်ခြောက်လှန့်နေရတာကို စိတ်ကုန်နေပါပြီ။ နောက်တော့ ခရစ်စမတ်မြို့ထဲ ဝင်ရောက်သွားတဲ့အခါမှာဟော်လိုဝင်းဘုရင်ဖြစ်တဲ့ ဂျက်က က ခရစ်စမတ်လုပ်မယ်လို့ ကြံစည်လာပြီး သူ့နည်းသူ့ဟန်နဲ့ ခရစ်စမတ်ပွဲတော်ကို ဆင်နွှဲသွားတဲ့ ဇာတ်လမ်းလေးပါ။ ခံစားကြည့်ရှုလိုက်ပါအုံး။

t.me/cartoonmoviesmms/1409

လျှို့ဝှက်ချက်များနောက်ကွယ် (၂၀၁၂)

ဒီကားလေးက အပင်လေးတွေကို ချစ်တတ်တဲ့သူတွေ အထူးကြည့်သင့်တဲ့ ကားကောင်းလေးပါ။ ဆုကြီးလေးဆုနဲ့ အခြားဆုပေါင်းများစွာ ရရှိထားပြီး အတွေးသစ်၊ အမြင်သစ်အချို့ကို ပေးစွမ်းနိုင်ပါလိမ့်မယ်။ အသက် ၁၂ နှစ်ပဲရှိတဲ့ တက်ဒ် လေးက တနီးဗေးလ် ဆိုတဲ့ မြို့မှာ နေပါတယ်။ မြို့ဟာ သဘာဝတရား လုံးဝပျောက်နေပြီး လေကအစ သစ်ပင်အဆုံးအထိ အားလုံး လူလုပ်ပစ္စည်း ဖြစ်နေပါပြီ။ အသက်ရှင်ဖို့ မဖြစ်မနေလိုအပ်တဲ့ လေကိုတော့ အရင်းရှင် ငပုကောင်အို ဟဲ ကနေ ကြိုးကိုင်ထားပြီး ဈေးကို သူလိုသလို ကစားကာ တစ်မြို့လုံးကို ဂုတ်သွေးစုပ်ပါတော့တယ်။ ကျွန်တော်တို့အားလုံးနီးပါး မုန်းလို့မရတဲ့ မမဆိုတဲ့ လူတန်းစားဟာ ဒီကားရဲ့ အသက်ပါပဲ။ တက်ဒ် ဟာ သူ့ရဲ့ မမကို ပိုးပန်းဖို့ သစ်ပင်အစစ်ကို မဖြစ်မနေ ရှာရမယ့် အခြေအနေထဲ ဝင်ရောက်သွားပြီး လုံးဝ မမျှော်လင့်ထားတဲ့ သစ်ပင်တွေ မျိုးတုံးသွားစေတဲ့ နောက်ကွယ်က အကြောင်းတရားအချို့ကို ရှာတွေ့သွားတဲ့အခါမှာတော့...။

t.me/cartoonmoviesmms/1411

ဂါဖီးလ် (၂၀၀၄)

ဇာတ်လမ်းတစ်လျှောက်လုံး ရယ်မောဖွယ်ရာ ဟာသတွေနဲ့ ဂါဖီးလ် လို့ ခေါ်တဲ့အသိဉာဏ် အရမ်းကြွယ်ဝတဲ့ ကြောင်လေးတစ်ကောင်ရဲ့ သရုပ်ဆောင်မှုတွေဟာအရမ်းပြည့်စုံလွန်းတယ် ထင်ရပါတယ်။ သူ့သခင်နဲ့ သူ့ရဲ့ စကားပြောဆို ဆက်ဆံမှုဟာ ကြောင်နဲ့ မတူဘဲ လူတစ်ယောက်ရဲ့ အသိဉာဏ်မျိုးနဲ့ ပြောဆိုမှုတွေဟာ ဒီဇာတ်ကား နာမည်ကြီးတဲ့ အဓိကအကြောင်းရင်းထဲက တစ်ချက်ပါပဲ။ ကဲ ကြည့်ပြီးသား လူတွေလည်း ချန်နယ်မြန်မာ ရဲ့ ဘာသာပြန် တင်ဆက်မှုနဲ့ နောက်တစ်ခေါက် ပြန်ကြည့်ကြပါ။ ကိုယ့်မှာ ကလေးတွေလည်း၊ တူတူမတွေလည်း ရှိရင် ဒီကားလေးကို ပြန်ပြကြပါ။

t.me/cartoonmoviesmms/1416

ဂါဖီးလ် - ကြောင် ၂ ကောင်၏ပုံပြင် (၂၀၀၆)

ဂါဖီးလ် ဆိုတာနဲ့ လိမ္မော်ရောင် ကြောင်ဖက်တီးကို ပြေးမြင်ကြမှာပဲ ဖြစ်ပါတယ်။ သူ့ရဲ့ စကားပြောဟန်တွေနဲ့ ဝနေတဲ့ သူ့ကိုယ်လုံးကြီးက ပရိတ်သတ်တွေကြားမှာ လွန်စွာချစ်စရာကောင်းနေခဲ့ပါတယ်။ ဂါဖီးလ် ၁ မှာတုန်းက သူဟာ သူ့ရဲ့သူငယ်ချင်းအသစ်ဖြစ်တဲ့ ခွေးလေး အိုဒီ နဲ့ တွေ့ဆုံခဲ့ပြီးတော့ သူငယ်ချင်းတွေဖြစ်လာခဲ့ပါတယ်။ အဲ့နောက်မှာ ခွေးလေး အိုဒီ ကို မကောင်းတဲ့ လူတွေလက်ကနေ ပြန်လည်ကယ်တင်ရင်းကနေ သူ့ရဲ့ စွန့်စားခန်းတွေကို တင်ဆက်ပေးခဲ့တာပဲ ဖြစ်ပါတယ်။ အခုတင်ဆက်ပေးမယ့် အပိုင်းသစ် ဂါဖီးလ် ၂ မှာတော့ ခွေးလေး အိုဒီ အပြင် သူ့နဲ့ ရုပ်ချင်းလုံးဝတူနေတဲ့ ကြောင်ဘုရင် ဂါဖီးလ် ပရင့်စ် နဲ့ ထပ်မံတွေ့ဆုံရမှာပဲ ဖြစ်ပါတယ်။ သူတို့နှစ်ယောက် ဘယ်လိုတွေ့ဆုံပြီးတော့ ဘယ်လိုစွန့်စားမှုတွေလုပ်ကြမလဲ၊ ဘယ်လို ဟာသတွေ ထည့်သွင်းရိုက်ကူးထားလဲဆိုတာကတော့ အားလုံး စိတ်ဝင်တစားနဲ့ ကြည့်ရမှာပဲ ဖြစ်ပါတယ်။ အားလုံးကြည့်ပြီးကြတဲ့ ကားဟောင်းလေးပေမယ့် “Old but Gold” ဆိုတဲ့ စကားအတိုင်း ပြန်လည်သိမ်းဆည်းထားချင်သူများနဲ့ မကြည့်ရသေးတဲ့ ပရိတ်သတ်များ ကြည့်ရှုနိုင်ရန်အတွက်သာ ဖြစ်ပါတယ်။

t.me/cartoonmoviesmms/1418

စားဖိုမှူးကြွက် (၂၀၀၇)

ရဲမီ က အိုင်ဒီယာကောင်းပြီး အနံ့အရသာ ခံနိုင်စွမ်းရှိတဲ့နေရာမှာ ထူးချွန်တဲ့ကြွက်တစ်ကောင်ဖြစ်ပါတယ်။ သူ့က ချက်ပြုတ်တာကို အလွန်ဝါသနာပါသလို သူရဲ့ဟီးရိုးကတော့ စားဖိုမှူး အော်ဂတ်ဂတ်စတိုး ပဲ ဖြစ်ပြီး သူ့ရဲ့ ဟင်းချက်နည်းကို တီဗီကနေ အဘွားကြီးတစ်ယောက်ထဲနေတဲ့အိမ်မှာ အမြဲတမ်း သွားကြည့်ပါတယ်။ တစ်ရက်မှာတော့ ဟင်းလျာတွေကို အကဲဖြတ်ရတဲ့ အီဂို က အော်ဂတ်ဂတ်စတိုးရဲ့ ဟင်းလျာတွေကို Rating နည်းနည်းသာပေးတာကြောင့် အော်ဂတ်ဂတ်စတိုး ကိုယ့်ကိုကို သတ်သေသွားတဲ့ သတင်းကို တွေ့လိုက်ရပြီး ဝမ်းနည်းစွာ အော်မိတာကြောင့် အဘွားကြီးက ကြွက်ရှိကြောင်း သိသွားပြီး သေနတ်နဲ့ လိုက်ပြစ်တာကြောင့် တစ်ဆွေလုံး တစ်မျိုးလုံး ထွက်ပြေးရင်း ရဲမီ က သူ့အမျိုးတွေနဲ့ ကွဲသွားပြီး စားသောက်ဆိုင်တစ်ခုကို ရောက်သွားရကနေ အစမ်းခန့်ထားတဲ့ စာဖိုမှူး လင်ဂူနီ နဲ့ ဆုံတွေ့ခဲ့ရပါတယ်။

t.me/cartoonmoviesmms/1420

ဘော့စ်ဘေဘီ (၂၀၁၇)

မိဘနှစ်ပါးရဲ့ အလိုလိုက်ချင်းကို ခံထားရတဲ့ တင် ဆိုတဲ့ ကလေးလေးဘဝထဲကို ညီလေးတစ်ယောက် ယောက်လာခဲ့တယ်။ အဲ့ဒီကလေး ဘော့စ်ဘေဘီ ကို မနာလိုလည်းဖြစ် မသင်္ကာတဲ့ အစ်ကိုဖြစ်သူ တင်မ် ဟာ လျှို့ဝှက်ထောက်လှမ်းရင်း ဘော့စ်ဘေဘီ လေးရဲ့ လျှို့ဝှက်ချက်ကို သိသွားခဲ့ပါတယ်။ သူ့ညီ မြန်မြန်ထွက်သွားစေဖို့အတွက် သူ့ညီရဲ့ လျှို့ဝှက် စစ်ဆင်ရေးကို လိုက်ကူညီရင်း ကမ္ဘာပေါ်က ကလေးတွေရဲ့ ချစ်ခြင်းကို လုယူမယ့် ဗီလိန်ကြီးတစ်ယောက်နဲ့ ရင်ဆိုင်လာရတဲ့အခါ။ ဒါရိုက်တာ တုံးမက်ဂရက် က ရိုက်ကူးပြီး ဇာတ်ညွှန်းရေးသူကတော့ မိုင်ကယ်မက်ခူလာ့စ် ပါ။ ကာတွန်း ဇာတ်ကောင်တွေရဲ့ နောက်ခံ စကားပြောသူတွေအနေနဲ့ကတော့ ဘော့စ်ဘေဘီ အဖြစ် အဲလက် ဘောလ်ဒဝင် နဲ့ အိုလ်ဒါ တင် အဖြစ် ပက်တန် အော့စဝော့ တို့က အဓိက ပါဝင်အားဖြည့်ပေးထားပါတယ်။

t.me/cartoonmoviesmms/1422

ဘော့စ်ဘေဘီ - မိသားစု စီးပွားရေး (၂၀၂၁)

2017 လောက်တုန်းက အားလုံးကို အမွှေစိန်လုပ်သွားတဲ့ ဘော့စ်ဘေဘီ လေးကို မှတ်မိကြဦးမယ်ထင်ပါတယ်။ သူအခု အရွယ်ရောက်သွားပြီဗျ၊ အရွယ်ရောက်တဲ့အပြင် တူမ ၂ ယောက်တောင် ရပြီး အလုပ်ကြိုးစားတဲ့ အချစ်တော်အန်ကယ် ဖြစ်နေပါပြီ။ သို့ပေမယ့် ကျွန်တော်တို့ရဲ့ ကလေးသူဌေးကြီး ဒီဇာတ်လမ်းမှာသူငယ်ပြန်ရပါဦးမယ်၊ ဖြစ်စဉ်က ဒီလိုရယ်ပါ။ သူက ကလေးဘဝက လာခဲ့တဲ့ဘေဘီကော်ပေါ့ဆိုတဲ့ အဖွဲ့အစည်းမှာ ပြဿနာတစ်ခု ပေါ်ပေါက်လာပါတယ်။ ပြဿနာကတော့ ဒေါက်တာတစ်ယောက်ဟာ ကလေးတွေရဲ့ ခေါင်းထဲကို အတွေးမှားတွေ ရိုက်ထည့်ပေးနေပြီး ကလေးတွေက မိဘတွေအပေါ် သွေးအေးလာတာပါ။ ဒီ ပြဿနာကို ဖြေရှင်းဖို့ရာ ဘော့စ်ဘေဘီ တို့ ညီအစ်ကို ၂ ယောက် အသက်ငယ်ဆေး ဖော်မြူလာကို သောက်ပြီး ကလေးဘဝကို ပြန်ရောက်သွားချိန်မှာတော့ ဘာတွေ ဆက်ဖြစ်မလဲ၊ အဖြေရှာရင်း ဘယ်ပြဿနာတွေ ထပ်တက်ဦးမလဲ၊ မတည့်တဲ့ ညီအစ်ကို ၂ ယောက် ဒီတစ်ခါရော ဘယ်လိုတွေ နောင်ချိန်ပလေးပြီး ပရိသတ်ကို ဖမ်းစားဦးမလဲ ဆိုတာ ကိုယ်တိုင်ပဲ ကြည့်ရှူခံစားလိုက်ပါဦး။

t.me/cartoonmoviesmms/1424

အသက်စာအုပ် (၂၀၁၄)

တော်တော်ကြည့်ကောင်းတဲ့ ကာတွန်းကားဖြစ်သလို ပေးချင်တဲ့ မက်ဆေ့တွေကလဲ တကယ်ကောင်းမွန်လှပါတယ်။ မကြည့်ရသေးသူများ ကြည့်လိုက်ကြပါဦး။ မနိုလို ဟာ မိသားစုရဲ့ မျှော်လင့်ချက်တွေ ပြည့်မှီအောင်လုပ်ဖို့နဲ့ သူ့စိတ်ဆန္ဒအတိုင်း နေထိုင်ဖို့ ဆိုတဲ့ အရာနှစ်ခုအကြား ရွေးချယ်ရခက်နေတဲ့ လူငယ်လေး မနိုလို ရဲ့ခရီးလမ်းကို တင်ဆက်တာဖြစ်ပါတယ်။ ချောမောလှပတဲ့ မာရီယာ ကို ချစ်မိသွားပြီး ဆွဲဆောင်မှုရှိတဲ့ ပြိုင်ဘက် ဂျိုအက်ကွင် နဲ့ အချစ်ရေး ယှဉ်ပြိုင်ရာမှာဖြစ်တဲ့အတွက် ဝိဉာဉ်တွေဖြစ်တဲ့ လာ မူးတေး နဲ့ ဇီဘယ်လ်ဘာ တို့က မာရီယာ ကို ဘယ်သူရမလဲ အလောင်းအစားလုပ်ကြပါတယ်။ မာရီယာ က မနိုလို ဘက်ကို ယှဉ်သွားတဲ့အခါ အလောင်းအစားကို ရုန်းနိမ့်မှာ စိုးရိမ်တဲ့အတွက် ဂျိုအက်ကွင် ကို မာရီယာ ရဲ့ ချစ်သူဖြစ်စေနိုင်ဖို့ မျှော်လင့်ပြီး ဇီဘယ်လ်ဘာ က မနိုလို ကို သတ်ဖို့ မြွေတစ်ကောင်ကို လွှတ်လိုက်ပါတယ်။ မာရီယာ ရှိရာ လူသားတွေနေတဲ့ ကမ္ဘာကိုပြန်လာဖို့အတွက် မနိုလို တစ်ယောက် အကြီးမားဆုံး အကြောက်တရားနဲ့ ရင်ဆိုင်ရမယ့် စိတ်ကူးယဉ်ကမ္ဘာ သုံးခုပါဝင်တဲ့ မယုံနိုင်ဖွယ် ခရီးစဉ်တစ်ခုကို စတင်ရတာဖြစ်ပါတယ်။

t.me/cartoonmoviesmms/1426

🎲Sein City Gaming🎲

💎💎💎

ငွေကြေးပိုင်းအတွက်သာမက ကိုယ်တိုင်လုံခြုံစိတ်ချရမယ့် Gameတစ်ခုကို ဆော့ကစားချင်တယ်ဆိုရင်တော့ SeinCity မှာအခုပဲ အကောင့်ဖွင့်ပြီးကစားနိုင်ပါပြီ🎮💁❤️

❤️Thai 2D
80ဆ
❤️Myanmar 2D 80ဆ
❤️3D အဆ700၊သွပ်ပတ်လည်ဆယ်ဆ
🎮လေးကောင်ဂျင်၊ခြောက်ကောင်ဂျင်
♠ဖဲဂိမ်း၊ရှမ်းကိုးမီး၊ပိုကာ
🐋ငါးပစ်ဂိမ်း
🎰စလော့ဂိမ်း
⚽️Bti Sport
စတဲ့ဂိမ်းပေါင်း(200)ကျော်💸

Seincity Download link👇
https://www.mmhotapp.com/seincity_download/

တိုက်ရိုက်ဆော့ကစားရန်Link🎮
https://www.seincity.com/

Viber☎09974586879,09974586919

Facebook Page📱https://bit.ly/4c85UrA

SeinCity telegram Link👇
https://t.me/seincitygaming

#SeinCityGaming

အိမ်မက်နတ်ဆိုး (၂၀၁၂)

လူကြီးရော ကလေးပါ ကြည့်သင့်တဲ့ ယုံကြည်မှု၊ စိတ်ဓါတ်ရေးရာ မြင့်တင်ပေးပြီး စိတ်ဓါတ်ခွန်အား ရရှိစေမယ့် နတ်သမီးပုံပြင်အခြေခံ ကာတွန်းဇတ်လမ်းလေးပါ။ ဂျက်ဖရော့ဒ် ဟာ ကြင်နာတက်တဲ့ စိတ်ထားရှိပြီး လူသားဘဝမှာ သူရဲ့ ညီမလေးကို ကယ်ဆယ်ဖို့ သူ့အသက်ကို စွန့်လွှတ်ခဲ့ပြီး ရေခဲပြင်ထဲမှာ သေဆုံးသွားပါတယ်။ တစ်ရက်သော လပြည့်ညမှာတော့ လနတ်သား ဟာ ဂျက်ဖရော့ဒ် ကို သေရွာကနေ နှိုးယူပြီး လူသားကလေးတွေ ရဲ့ ပျော်ရွှင်မှုကို ဆောင်ကျဉ်းပေးမယ့်နှင်းလူသားအဖြစ် ဖန်တီးပေးလိုက်ပါတယ်။ ဂျက်ဖရော့ဒ် ရဲ့ အတိတ်ဘဝမှတ်ဉာဏ်ကို ဖျောက်ထားခဲ့တဲ့အတွက် သူ့ကိုယ်တိုင် စိတ်ထားကောင်းမွန်တဲ့ ကောင်လေးတစ်ယောက်ဆိုတာ မသိခဲ့ပါဘူး။ ဒါကြောင့် သူ့ကိုသူ နတ်ဆိုး တစ်ယောက်လို့ မှတ်ယူပြီး လေလွင့်နေတုန်းဆန်တာကလော့ တို့ အက်စတာဘန်နီ တို့ အပြင်အိပ်မက်ဖန်ဆင်းရှင် သဲလူသား နဲ့ သွားနတ်သမီး တို့ကို တွေ့ဆုံလိုက်ရပြီး ၎င်းတို့နဲ့ အတူ ကလေးတွေ ရဲ့ ပျော်ရွှင်မှုနှင့် ယုံကြည်မှုကို လိုက်လံ ဆောင်ရွတ်နေခဲ့ကြပါတယ်။ ထို့အပြင် ကလေးတွေကို ညဘက် အိပ်မက်ဆိုးတွေ ပေးမက်နေတဲ့ နတ်ဆိုး ရဲ့ ညစ်ပတ်လှတဲ့ လှည့်ကွက်တွေနဲ့ သူတို့ အဖွဲ့ တွေ့ကြုံလိုက်ရတဲ့အခါ။

t.me/cartoonmoviesmms/1428

စုဆောင်းသူရဲ့ တခြားကမ္ဘာက စွန့်စားခန်း

Genres - Adventure, Fantasy, Isekai

Takeru Kamishiro က သာမန် လခစားဝန်ထမ်းဆိုပေမဲ့ Madeus လို့ခေါ်တဲ့ ဓားရေးနဲ့ မှော်အတတ်တွေထွန်းကားရာ တခြားကမ္ဘာကို ဝင်စားခဲ့ပါတယ်။ Takeru ဟာ ရိုးရိုးရှင်းရှင်း ဝင်စားတာမဟုတ်ပါဘူး ၊ သူ့မှာ Skill တွေအများကြီးရှိတဲ့အပြင် ရုပ်ပိုင်းဆိုင်ရာကလည်း အများကြီး တိုးမြှင့်ခံထားရတာပါ။ နောက်ပြီး တန်ဖိုးရှိတဲ့ပစ္စည်းတွေကို ရှာဖွေနိုင်တဲ့ ''Search'' ဆိုတဲ့ Skill လည်းပါနေလေရဲ့ ၊ ဒီလိုအစွမ်းထက်တဲ့လူတစ်ယောက်က တခြားကမ္ဘာမှာ ဘယ်လို စွန့်စားခန်းထွက်မလဲဆိုတာကိုတော့....

t.me/animeseriesmyanmar/2578

ရော်ဘင်ဆင် (၂၀၀၇)

ဉာဏ်အလွန်ထက်တဲ့ ၁၁ နှစ်သား မိဘမဲ့ကလေး ရော်ဘင်ဆင် ဟာ ပစ္စည်းအသစ်တွေ တီထွင်လိုစိတ်ရှိသူတစ်ယောက်ပါ။ မိဘမဲ့ကျောင်းမှာ နေထိုင်ရင်း သူ့ကို မွေးစားမယ့် မိဘတွေကို မျှော်လင့်နေပေမယ့် ကံမကောင်းချင်တော့ မွေးစားချင်သူ မပေါ်လာခဲ့ပါဘူး။ ဒါကြောင့် ရော်ဘင်ဆင် လေးဟာ လောကမှာ သူ့ကိုလိုချင်တာ သူ့အမေတစ်ယောက်ပဲရှိလိမ့်မယ်လို့ တစ်ထစ်ချမှတ်ယူပြီး ငယ်ငယ်က သူ့ကို မိဘမဲ့ကျောင်းမှာ စွန့်ပစ်ခဲ့တဲ့ မိခင်ကို ပြန်ရှာဖို့အတွက် မိခင်ရဲ့ ရုပ်ပုံလွှာကို ပြန်ဖော်နိုင်မယ့် မှတ်ဉာဏ်ဖော်စက်ကို တီထွင်ခဲ့ပါတယ်။ တီထွင်မှုတွေမှာ ကျရှုံးနေကျဖြစ်တဲ့အတွက် သိပ္ပံပြပွဲမှာ သူ့ရဲ့စက် အလုပ်မဖြစ်ခဲ့တဲ့အပေါ် ကိုယ့်ကိုယ်ကိုသာ ဒေါသထွက်နေမိတာပေါ့။ တကယ်တမ်းတော့ သူ့စက်ဟာ အောင်မြင်ခဲ့ပြီး မသမာသူတစ်ဦးကြောင့် ပျက်ခဲ့ရတာဆိုတာ မရိပ်မိခဲ့ပါဘူး။ စက်ကို လာရောက် ခိုးယူခဲ့တဲ့ မသမာသူက နှယ်နှယ်ရတော့ မဟုတ်ဘူး။ အနာဂတ်က လာတာ။ ကဲ ဘာလို့ အနာဂတ်ကတောင် လာပြီး ကလေးရဲ့စက်ကို ခိုးရတာလဲ။ ဒီကလေးက အနာဂတ်မှာ ဘာများဖြစ်နေလို့ပါလိမ့်ပေါ့နော်။

t.me/cartoonmoviesmms/1139