လာဗာ - ကျွန်း (၂၀၂၀)

လာဗာ လို့ဆိုလိုက်တာနဲ့ ကျွန်တော်တို့ ၂၀၁၁ လောက်က ထွက်တဲ့ အနီရောင်နဲ့အဝါရောင် ပိုးကောင်လေးနှစ်ကောင်ကို မြင်မိကြမှာပါ။ ထမ်နဲ့ဂျယ်ရီ ပြီးရင် အရီရဆုံး အနီမေးရှင်းကာတွန်းလို့ ပြောရင် မမှားပါဘူး။ ကျွန်တော်တို့ စမြင်ခဲ့တဲ့ လာဗာ နှစ်ကောင်ဟာ မြို့ပြရဲ့ ရေဆိုးမြောင်းအောက်လို နေရာလေးကနေ စရင်းနှီးခဲ့ပါတယ်။ နောက်ပိုင်း Season တွေမှာတော့ ကျွန်းလေးတစ်ကျွန်းပေါ်မှာ လူတစ်ယောက်နဲ့ အတူပါလာတာ တွေ့မိပါတယ်။ အခု လာဗာအိုင်လန် ဟာ လာဗာ Season Timeline တွေကို ရှေ့သွားနောက်လိုက် ညီအောင် ချုပ်ပေးထားတာပါ။ ဒီ Movie လေး ကြည့်ရင် နောက်ထွက်တဲ့ series အပိုင်းတွေပါ ကာမိမယ်ထင်ပါတယ်။ အခု Movie ရဲ့ Plot ကတော့ ချက်ခ် လို့ခေါ်တဲ့ ကောင်လေးတစ်ယောက်ဟာ အပျော်စီးသင်္ဘော ပျက်ရာကနေ အသွားအပြန် ခြေငါးလှမ်းစာလောက်ရှိတဲ့ ကျွန်းပိစိလေးပေါ်မှာ သောင်လာတင်ပါတော့တယ်။ အဲ့မှာ လာဗာ နှစ်ကောင်နဲ့ စတွေ့မိတာပဲ။ ချက်ခ် တစ်ယောက် ဘယ်လို အဲ့ကျွန်းက လွတ်လာမလဲဆိုတာ ဟာသလေးတွေနှောပြီး ကြည့်ရမှာပါ။

t.me/cartoonmoviesmms/1392

မစ်ချဲမိသားစု (၂၀၂၁)

IMDB - 7.6/10
Genre - Family/ Comedy

Animation အလန်းစား တစ်ကား ရပါပြီ။ ရယ်လည်း ရရယ်တယ်၊ ကြည့်လို့လည်း ကောင်းတယ်၊ သီချင်းတွေလည်း ကောင်းတယ်။ ဇာတ်လမ်းကတော့ မစ်ချဲ မိသားစုဆိုတာ အူကြောင်ကြောင် မိသားစုတစ်ခုရှိတယ်။ အဖေက ဘာနည်းပညာမှ စိတ်မဝင်စားတဲ့ သဘာဝသမား၊ သမီးက ရုပ်ရှင်ဝါသနာအိုး၊ ဒါရိုက်တာရူး၊ သားက ဒိုင်နိုဆော ဝါသနာအိုး စသည်ဖြင့် တစ်ယောက်တစ်ပေါက်တွေပေါ့။ ဒါပေမယ့် တစ်နေ့မှာတော့ တစ်ကမ္ဘာလုံးက စက်ရုပ်တွေက အကြောင်းတစ်ခုကြောင့် ပုန်ကန်ပြီး လူသားတွေအားလုံးကို ဖမ်းဆီးလိုက်ပါတယ်။ အဲ့ဒီမှာ ကပ်ခါသီခါ လွတ်ပြီး ကျန်ခဲ့တဲ့ မိသားစုဟာ အလွဲခွဲအချော်ချော်တွေလုပ်ပြီး ကမ္ဘာကြီးကို ကယ်တင်ဖို့ ကြိုးစားရတာကို တွေ့မြင်ရမှာပါ။

t.me/cartoonmoviesmms/1394

မီးခိုးတွေနဲ့မြို့ကလေး (၂၀၂၀)

မီးခိုးခေါင်းတိုင်မြို့ ဆိုတဲ့ မီးခိုးတွေနဲ့ အမြဲပိတ်နေပြီး အပြင်လောကကြီးနဲ့ လုံးဝ အဆက်အသွယ်ပြတ်နေတဲ့ မြို့လေးမှာ လုဘိချိ ဆိုတဲ့ ကောင်လေးနဲ့ အမှိုက်လူသား ဖြစ်တဲ့ ပိုပဲ့လု တို့ရဲ့ စွန့်စားခန်းကို ငိုလိုက်၊ ရယ်လိုက်နဲ့ ရသစုံလင်စွာကြည့်ရမှာ ဖြစ်ပါတယ်။ လုဘိချိ ရဲ့ အဖေဖြစ်သူ ဘရူနို က ကောင်းကင်မှာ ကြယ်တွေရှိကြောင်း လူတွေကြားထဲမှာ ပြောလေ့ရှိတယ်။ အဲ့မြို့က လူတွေကတော့ “ဟာ ဒီကောင် ငပေါကြီး” ဆိုပြီး သူပြောတာကို မယုံကြဘူး။ မြို့တစ်ခုလုံးကမီးခိုးခေါင်းတိုင်တွေအနေနဲ့ ထွက်တဲ့ မီးခိုးတွေနဲ့ပိတ်နေတာကိုး။ ဒါပေမဲ့ သူ့သားကတော့ ကြယ်တွေကို အရမ်းကြည့်ဖူးချင်နေတာ။ အဲ့တာနဲ့ တစ်နှစ်လောက်ကြာသွားပြီး ဟောလိုဝင်းနေ့မှာ တစ်ကိုယ်လုံးအမှိုက်တွေနဲ့ ဖွဲ့စည်းထားတဲ့ အမှိုက်လူသားတစ်ယောက် မြို့ထဲကို ရောက်လာခဲ့တယ်။ အဲ့နေ့ကလည်း ဟောလိုဝင်းဆိုတော့ အားလုံးက သူ့ကို လူလို့ပဲ ထင်ပြီး ဝတ်စုံဘယ်လောက်မိုက်ကြောင်းချီးကျူးကြတာပေါ့။ နောက်မှ လူမဟုတ်မှန်း သိသွားကြတော့ သက်ဆိုင်ရာတွေက လိုက်ဖမ်းလို့ ထွက်ပြေးရင်း လုဘိချိ နဲ့တွေ့ပြီး သူတို့ရဲ့ စွန့်စားခန်းလေး စတင်လာခဲ့ပါတယ်။

t.me/cartoonmoviesmms/1399

ကျောက်ခေတ်မိသားစု (၂၀၁၃)

ဂရုစ် ဆိုတဲ့ ဂူအောင်းလူသားကြီးဟာ သူ့မိသားစု ၆ ယောက်ကို ဘေးရန်တွေကကာကွယ်ပေးပြီး စောင့်ရှောက်လာတာ နှစ်တွေကြာခဲ့ပြီး သမီးလေး အိဗ် တောင် အရွယ်ရောက်သွားပြီပေါ့။ ဒီအချိန်မှာပဲ ဂိုင်း ဆိုတဲ့ ကျောက်ခေတ်လူသားကောင်လေး တစ်ယောက် ပေါက်ချလာပြီး ကမ္ဘာကြီး ပျက်မယ့် အကြောင်းတွေကို ပြောပြပြီး မီးကို စတင် ဖန်တီးပြတော့တာပဲ။ ဂိုင်း က သူတို့နဲ့ မတူတဲ့ အချက်ရှိတယ်၊သူက မကြောက်တက်သလို တီထွင်ဖန်တီးတတ်ပါတယ်။ ဂရုစ် တို့ အုပ်စုကြတစ်ခုခုဆို ဂူထဲပဲ ပြေးအောင်းတက်ကြပြီး ဒီမှာပဲ ဂရုစ် သဘောမကျပေမဲ့ သူ့မိသားစုက ဂိုင်း ရဲ့ လမ်းပြမှုနဲ့ ကမ္ဘာပျက်ဘေးက လွတ်မယ့်နေရာကို စတင် ထွက်ကြတော့တာပဲ။

t.me/cartoonmoviesmms/1401

ကျောက်ခေတ်မိသားစု - ခေတ်သစ်ရောက်ပြီ (၂၀၂၀)

ဂိုင်း ဆိုတဲ့ ကြွက်လေးတစ်ယောက်ဟာ မိဘတွေကွယ်လွန်ခါနီးမှာ ချန်ထားခဲ့တဲ့ “မနက်ဖြန်” ဆိုတဲ့ နေရာလေးကို ရှာဖွေရင်း တစ်နေ့မှာ ဂူတွေထဲ နေထိုင်ကျက်စားကြတဲ့ ခရုစ် မိသားစုနဲ့ တွေ့ပြီး ရင်းနှီးသွားပြီး ခရုစ် မိသားစုရဲ့ သမီးပျိုလေး အီ နဲ့လည်း ချစ်ကျွမ်းဝင်ခဲ့ပါတယ်။ ဒီလိုနဲ့ ခရုစ် မိသားစုဟာလည်း ဒီဂူတွေထက် ပိုကောင်းပြီး အစာရေစာ ပေါများတဲ့ “မနက်ဖြန်” ဆိုတဲ့ နေရာလေးကို ဂိုင်း နဲ့ တူတူ ရှာပုံတော်ထွက်ခဲ့ကြပါတော့တယ်။ ဒီလိုနဲ့ ခရီးဆက်ရင်း နတ်ပြည်လို လှပပြီးအစာရေစာလည်း ပေါများတဲ့ နေရာလေးတစ်ခုကို ရောက်သွားတဲ့အခါမှာ အဲဒီနေရာလေးက ဂိုင်း မိဘတွေရဲ့ အရင်းနှီးဆုံး မိတ်ဆွေတွေဖြစ်တဲ့ ဘတ်တားမန်း မိသားစုရဲ့ အိမ်ကြီး ဖြစ်နေတဲ့အခါမှာ ဘတ်တားမန်း မိသားစုရဲ့ သမီးပျိုလေး ဒေါန် ကလည်း ဂိုင်း ရဲ့ အခင်ဆုံး ငယ်သူငယ်ချင်း ဖြစ်နေတဲ့အခါမှာ မိသားစုနှစ်စုရဲ့ မတူညီတဲ့ ယဉ်ကျေးမှုတွေကနေ ဘယ်လို ပဋိပက္ခလေးတွေ ဖြစ်လာမလဲ၊ တောရိုင်း တိရစ္ဆာန်ရဲ့ အန္တရာယ်တွေကနေရော ဘယ်လို လွတ်မြောက်အောင်ကြံစည်ကြမလဲ ဆိုတာကို ကြည့်ရှုရမှာပါ။

t.me/cartoonmoviesmms/1403

ဒိုရေမွန် - နိုဘီတ နှင့် ဒိုင်နိုဆောစွန့်စားခန်း (၁၉၈၀)

ဒီဇာတ်ကားကတော့ ၂၀၀၆ ခုနှစ်တုန်းက ထွက်ခဲ့တဲ့ ဒိုရာအေမွန်ကားလေးပါ။ နိုဘီတာ တစ်ယောက် သူ့သူငယ်ချင်းတွေကို ဒိုင်နိုဆောတစ်ကောင်ကို သူခေါ်လာပြမယ်လို့ ကတိပေးထားပြီး ဒိုရာအေမွန် ကိုလည်း အကူအညီတောင်းလို့မရတော့သူကိုယ်တိုင်ပဲ ရှာဖို့ဖြစ်လာပါတယ်။ ရှာရင်းနဲ့ ကံကောင်းစွာ ဒိုင်နိုဆောဥတစ်လုံးကိုတွေ့သွားပြီး အဲဒီဥကနေ အကောင်ပေါက်လာတဲ့ ဒိုင်နိုဆောလေးကို နိုဘီတာ က ပီစုခေ လို့ နာမည်ပေးလိုက်ပါတယ်။ နိုဘီတာ နဲ့ ပီစုခေ တို့ သံယောဇဉ်တွယ်လာတာနဲ့အမျှ အဲဒီဒိုင်နိုဆောလေးကို သူတို့နေတဲ့ နေရာမှာ မထားနိုင်တော့ နိုဘီတာ နဲ့ ဒိုရာအေမွန် လွန်ခဲ့တဲ့ နှစ်ပေါင်း တစ်ရာသန်းကျော်အချိန်သို့ သွားပြီး ပီစုခေ ကို ထားခဲ့ကြပါတယ်။ ဒါပေမဲ့ ပီစုခေ ကိုလိုချင်နေတဲ့ ဒိုင်နိုဆောမုဆိုးအဖွဲ့တစ်ဖွဲ့လည်း ပေါ်လာပြီး နိုဘီတာ၊ ဒိုရာအေမွန်၊ ဆုနေအို၊ ဂျိုင်အန် နဲ့ ရှစ်ဇုခါ တို့ပေါင်းပြီး ပီစုခေ ကို အဲဒီ မုဆိုးအဖွဲ့ရဲ့ ရန်ကနေ ကာကွယ်ဖို့ ကြိုးစားကြပါတယ်။ နောက်ဆုံးအခန်းလေးမှာတော့ မျှော်လင့်ချက်ရှိသလို မျက်ရည်ကျမိအောင်တုန်လှုပ်စရာဇာတ်ကွက်လေးတွေနဲ့ တွေ့ရမှာပါ။ နိုဘီတာ တို့ ဘယ်လို စွန့်စားခန်းတွေနဲ့ ကြုံတွေ့ရမလဲဆိုတာ ဇာတ်ကားလေးကို ကြည့်ရှုလိုက်ပါ။

t.me/cartoonmoviesmms/1405

ဒိုရေမွန် - နိုဘီတာ နှင့် ကမ္ဘာကြီးကိုဖန်တီးခြင်းမှတ်တမ်း (၁၉၉၅)

ဇာတ်လမ်းက နိုဘီတာ တို့ နွေကျောင်းပိတ်ရက်ကို ဇာတ်အိမ်တည်ထားတာပါ။ ကျောင်းပိတ်ရက်ဆိုတော့ ကျောင်းက အိမ်စာလေးတွေပေးလိုက်တယ်။ ပတ်ဝန်းကျင်က အရာတစ်ခုကို လေ့လာပြီး မှတ်တမ်းရေးခိုင်းတာပါ။ သိတဲ့အတိုင်းပဲ နိုဘီတာ ဆိုတဲ့ ကောင်က idea လည်း မစဉ်းစားထွက်၊ သူများဆီက Idea ရတော့လည်း ကိုယ်တိုင်လုပ်မတတ်ဆိုတော့ ဒိုရာအေမုန် က ဝင်ကူရတော့တာပေါ့။ ဒိုရာအေမုန် က အနာဂတ်က ပစ္စည်းတွေကို သုံးပြီး ကျနော်တို့ကမ္ဘာနဲ့ တူတဲ့ ကမ္ဘာသစ်တစ်ခုကို ဖန်တီးပေးလိုက်တယ်။ ကမ္ဘာဦးခေတ်ကနေ ယနေ့ခေတ်အထိ သတ္တဝါတွေရဲ့ အကြောင်းကို နိုဘီတာ လေ့လာလို့ ရအောင်ပေါ့။ ကမ္ဘာမှာသတ္တဝါ စဖြစ်ပေါ်ဖို့ဆိုတာ နှစ်ဘီလီယံနဲ့ချီ ကြာပါတယ်။ ဒါပေမဲ့ နိုဘီတာ ဆိုတဲ့ ငနဲက ဒိုင်နိုဆောခေတ်ကို အမြန်ရောက်ချင်တယ်ဆိုတော့ ဒိုရာအေမုန် ရဲ့ ပစ္စည်းအကူအညီတွေ သုံးလိုက်တယ်။ အဲ့ဒီပစ္စည်းကနေ အင်းဆက်တစ်ကောင်ကို သူတို့တောင် မသိလိုက်ဘဲ ထိမိသွားတော့ ဘယ်လို ပြောင်းလဲသွားလဲ၊ ယနေ့ခေတ်ရောက်တော့ ဘယ်လောက်အထိ ပြောင်းလဲသွားလဲ၊ ပြဿနာတွေ ဖြစ်တိုင်း ဒိုရာအေမုန် တို့ ဘယ်လိုလိုက် ဖြေရှင်းကြလဲ ဆိုတာကို စိတ်ဝင်တစား ကြည့်ရှုရမှာပါ။

t.me/cartoonmoviesmms/1407

ခရစ်စမတ်မတိုင်မီ အိမ်မက်ဆိုး (၁၉၉၃)

အားလပ်ရက် ပျော်ပွဲရွှင်ပွဲတွေကို လုပ်ဆောင်ရတဲ့ မြို့အသီးသီးရှိတယ်ပေါ့။ အီစတာမြို့၊ ဟော်လိုဝင်းမြို့၊ ခရစ်စမတ်မြို့ အစရှိသဖြင့်ပေါ့။ ဒီကားရဲ့ ဇာတ်လိုက်ကျော် ဂျက်က ကတော့ ဟော်လိုဝင်းမြို့ရဲ့ ရွှေဖရုံသီးဘုရင်ပေါ့။ ခြောက်လှန့်တဲ့နေရာမှာ အထင်ကရဖြစ်တဲ့ အရိုးခြောက်တစ်ယောက်ဖြစ်ပါတယ်။ အားလုံးကသူ့ကို အမြဲချီးမွမ်းနေပေမယ့် သူကတော့ ဟော်လိုဝင်းမှာ လိုက်ခြောက်လှန့်နေရတာကို စိတ်ကုန်နေပါပြီ။ နောက်တော့ ခရစ်စမတ်မြို့ထဲ ဝင်ရောက်သွားတဲ့အခါမှာဟော်လိုဝင်းဘုရင်ဖြစ်တဲ့ ဂျက်က က ခရစ်စမတ်လုပ်မယ်လို့ ကြံစည်လာပြီး သူ့နည်းသူ့ဟန်နဲ့ ခရစ်စမတ်ပွဲတော်ကို ဆင်နွှဲသွားတဲ့ ဇာတ်လမ်းလေးပါ။ ခံစားကြည့်ရှုလိုက်ပါအုံး။

t.me/cartoonmoviesmms/1409

လျှို့ဝှက်ချက်များနောက်ကွယ် (၂၀၁၂)

ဒီကားလေးက အပင်လေးတွေကို ချစ်တတ်တဲ့သူတွေ အထူးကြည့်သင့်တဲ့ ကားကောင်းလေးပါ။ ဆုကြီးလေးဆုနဲ့ အခြားဆုပေါင်းများစွာ ရရှိထားပြီး အတွေးသစ်၊ အမြင်သစ်အချို့ကို ပေးစွမ်းနိုင်ပါလိမ့်မယ်။ အသက် ၁၂ နှစ်ပဲရှိတဲ့ တက်ဒ် လေးက တနီးဗေးလ် ဆိုတဲ့ မြို့မှာ နေပါတယ်။ မြို့ဟာ သဘာဝတရား လုံးဝပျောက်နေပြီး လေကအစ သစ်ပင်အဆုံးအထိ အားလုံး လူလုပ်ပစ္စည်း ဖြစ်နေပါပြီ။ အသက်ရှင်ဖို့ မဖြစ်မနေလိုအပ်တဲ့ လေကိုတော့ အရင်းရှင် ငပုကောင်အို ဟဲ ကနေ ကြိုးကိုင်ထားပြီး ဈေးကို သူလိုသလို ကစားကာ တစ်မြို့လုံးကို ဂုတ်သွေးစုပ်ပါတော့တယ်။ ကျွန်တော်တို့အားလုံးနီးပါး မုန်းလို့မရတဲ့ မမဆိုတဲ့ လူတန်းစားဟာ ဒီကားရဲ့ အသက်ပါပဲ။ တက်ဒ် ဟာ သူ့ရဲ့ မမကို ပိုးပန်းဖို့ သစ်ပင်အစစ်ကို မဖြစ်မနေ ရှာရမယ့် အခြေအနေထဲ ဝင်ရောက်သွားပြီး လုံးဝ မမျှော်လင့်ထားတဲ့ သစ်ပင်တွေ မျိုးတုံးသွားစေတဲ့ နောက်ကွယ်က အကြောင်းတရားအချို့ကို ရှာတွေ့သွားတဲ့အခါမှာတော့...။

t.me/cartoonmoviesmms/1411

ဂါဖီးလ် (၂၀၀၄)

ဇာတ်လမ်းတစ်လျှောက်လုံး ရယ်မောဖွယ်ရာ ဟာသတွေနဲ့ ဂါဖီးလ် လို့ ခေါ်တဲ့အသိဉာဏ် အရမ်းကြွယ်ဝတဲ့ ကြောင်လေးတစ်ကောင်ရဲ့ သရုပ်ဆောင်မှုတွေဟာအရမ်းပြည့်စုံလွန်းတယ် ထင်ရပါတယ်။ သူ့သခင်နဲ့ သူ့ရဲ့ စကားပြောဆို ဆက်ဆံမှုဟာ ကြောင်နဲ့ မတူဘဲ လူတစ်ယောက်ရဲ့ အသိဉာဏ်မျိုးနဲ့ ပြောဆိုမှုတွေဟာ ဒီဇာတ်ကား နာမည်ကြီးတဲ့ အဓိကအကြောင်းရင်းထဲက တစ်ချက်ပါပဲ။ ကဲ ကြည့်ပြီးသား လူတွေလည်း ချန်နယ်မြန်မာ ရဲ့ ဘာသာပြန် တင်ဆက်မှုနဲ့ နောက်တစ်ခေါက် ပြန်ကြည့်ကြပါ။ ကိုယ့်မှာ ကလေးတွေလည်း၊ တူတူမတွေလည်း ရှိရင် ဒီကားလေးကို ပြန်ပြကြပါ။

t.me/cartoonmoviesmms/1416

ဂါဖီးလ် - ကြောင် ၂ ကောင်၏ပုံပြင် (၂၀၀၆)

ဂါဖီးလ် ဆိုတာနဲ့ လိမ္မော်ရောင် ကြောင်ဖက်တီးကို ပြေးမြင်ကြမှာပဲ ဖြစ်ပါတယ်။ သူ့ရဲ့ စကားပြောဟန်တွေနဲ့ ဝနေတဲ့ သူ့ကိုယ်လုံးကြီးက ပရိတ်သတ်တွေကြားမှာ လွန်စွာချစ်စရာကောင်းနေခဲ့ပါတယ်။ ဂါဖီးလ် ၁ မှာတုန်းက သူဟာ သူ့ရဲ့သူငယ်ချင်းအသစ်ဖြစ်တဲ့ ခွေးလေး အိုဒီ နဲ့ တွေ့ဆုံခဲ့ပြီးတော့ သူငယ်ချင်းတွေဖြစ်လာခဲ့ပါတယ်။ အဲ့နောက်မှာ ခွေးလေး အိုဒီ ကို မကောင်းတဲ့ လူတွေလက်ကနေ ပြန်လည်ကယ်တင်ရင်းကနေ သူ့ရဲ့ စွန့်စားခန်းတွေကို တင်ဆက်ပေးခဲ့တာပဲ ဖြစ်ပါတယ်။ အခုတင်ဆက်ပေးမယ့် အပိုင်းသစ် ဂါဖီးလ် ၂ မှာတော့ ခွေးလေး အိုဒီ အပြင် သူ့နဲ့ ရုပ်ချင်းလုံးဝတူနေတဲ့ ကြောင်ဘုရင် ဂါဖီးလ် ပရင့်စ် နဲ့ ထပ်မံတွေ့ဆုံရမှာပဲ ဖြစ်ပါတယ်။ သူတို့နှစ်ယောက် ဘယ်လိုတွေ့ဆုံပြီးတော့ ဘယ်လိုစွန့်စားမှုတွေလုပ်ကြမလဲ၊ ဘယ်လို ဟာသတွေ ထည့်သွင်းရိုက်ကူးထားလဲဆိုတာကတော့ အားလုံး စိတ်ဝင်တစားနဲ့ ကြည့်ရမှာပဲ ဖြစ်ပါတယ်။ အားလုံးကြည့်ပြီးကြတဲ့ ကားဟောင်းလေးပေမယ့် “Old but Gold” ဆိုတဲ့ စကားအတိုင်း ပြန်လည်သိမ်းဆည်းထားချင်သူများနဲ့ မကြည့်ရသေးတဲ့ ပရိတ်သတ်များ ကြည့်ရှုနိုင်ရန်အတွက်သာ ဖြစ်ပါတယ်။

t.me/cartoonmoviesmms/1418

စားဖိုမှူးကြွက် (၂၀၀၇)

ရဲမီ က အိုင်ဒီယာကောင်းပြီး အနံ့အရသာ ခံနိုင်စွမ်းရှိတဲ့နေရာမှာ ထူးချွန်တဲ့ကြွက်တစ်ကောင်ဖြစ်ပါတယ်။ သူ့က ချက်ပြုတ်တာကို အလွန်ဝါသနာပါသလို သူရဲ့ဟီးရိုးကတော့ စားဖိုမှူး အော်ဂတ်ဂတ်စတိုး ပဲ ဖြစ်ပြီး သူ့ရဲ့ ဟင်းချက်နည်းကို တီဗီကနေ အဘွားကြီးတစ်ယောက်ထဲနေတဲ့အိမ်မှာ အမြဲတမ်း သွားကြည့်ပါတယ်။ တစ်ရက်မှာတော့ ဟင်းလျာတွေကို အကဲဖြတ်ရတဲ့ အီဂို က အော်ဂတ်ဂတ်စတိုးရဲ့ ဟင်းလျာတွေကို Rating နည်းနည်းသာပေးတာကြောင့် အော်ဂတ်ဂတ်စတိုး ကိုယ့်ကိုကို သတ်သေသွားတဲ့ သတင်းကို တွေ့လိုက်ရပြီး ဝမ်းနည်းစွာ အော်မိတာကြောင့် အဘွားကြီးက ကြွက်ရှိကြောင်း သိသွားပြီး သေနတ်နဲ့ လိုက်ပြစ်တာကြောင့် တစ်ဆွေလုံး တစ်မျိုးလုံး ထွက်ပြေးရင်း ရဲမီ က သူ့အမျိုးတွေနဲ့ ကွဲသွားပြီး စားသောက်ဆိုင်တစ်ခုကို ရောက်သွားရကနေ အစမ်းခန့်ထားတဲ့ စာဖိုမှူး လင်ဂူနီ နဲ့ ဆုံတွေ့ခဲ့ရပါတယ်။

t.me/cartoonmoviesmms/1420