ဘုရင်မကြီးရဲ့ ခွေးကလေး (၂၀၁၉)

ဘုရင်မကြီး အဲလိဇဘက်မှာ အချစ်တော် ကော်ဂီခွေးလေးတွေအမြောက်အမြားရှိကြတာ သိကြမှာပါနော်။ တော်ဝင် ကော်ဂီတွေ လို့တောင် ခေါ်ရတဲ့အထိ ဘုရင်မကြီးက သက်တမ်းကြာ တစ်လက်တည်း ချစ်ပြီး အခမ်းအနားတွေမှာ တောင် နန်းခမ်းနန်းနားနဲ့ တက်ခွင့်ရတဲ့ ကလေးလေးတွေပါပဲ။ ခုကားမှာတော့ အဲဒီအကြောင်းလေးကို ကာတွန်းကားအဖြစ် ပုံဖော်ထားတာဖြစ်ပါတယ်။ ဘုရင်မကြီးဟာ ကော်ဂီလေးတွေ အများကြီးရှိတဲ့ထဲကမှ ရက်ဇ် ဆိုတဲ့ ကော်ဂီလေးကို အချစ်ဆုံးခေါင်းဆောင်ခွေးလေးအနေနဲ့ သတ်မှတ်ထားပေးတဲ့အထိ ချစ်မြတ်နိုးရတာပါ။ ဒါပေမယ့် တစ်နေ့မှာတော့ အမေရိကန် သမ္မတ လာလည်တုန်း ရက်ဇ် လေးဟာမတော်တဆ ပြဿနာရှာလိုက်မိပါတယ်။ ဘုရင်မကြီးလည်း စိတ်မဆိုးစဖူး ဆိုးသွားပါတော့တယ်။ အဲဒါကို အခွင့်ကောင်းယူပြီး ရက်ဇ် လေးကို မနာလိုသူ ချာလီ ဟာ လက်စဖျောက်ဖို့ ကြံပါတယ်။ ရုန်းကန်ရင်း လွတ်မြောက်ဖို့ ကြိုးစားရင်း နဲ့ သူ့ဘဝရဲ့ အချစ်စစ်ကို ရှာတွေ့သွားချိန်မှာတော့ ချစ်သူကို ကာကွယ်ပေးဖို့ ဆိုတဲ့ တာဝန်ကိုပါ ထမ်းဆောင်ရပါတော့တယ်။ ရက်ဇ် လေး အနေနဲ့ ချာလီ လက်ထဲက လွတ်မြောက်နိုင်ပါ့မလား၊ သူ့ချစ်သူကို ကာကွယ်နိုင်မှာလား၊ တချိန်မှာ ရော ပြန်ကလဲ့စား ချေနိုင်မှာလား၊ သူချစ်တဲ့ ဘုရင်မကြီးရင်ခွင်ထဲ ပြန်ရောက်နိုင်ပါ့မလားဆိုတာကိုတော့ ဇာတ်လမ်းထဲမှာ ကြည့်ရှုရမှာပါ။

t.me/cartoonmoviesmms/803

မှော်ဝင်ပုလွေ (၂၀၂၂)

ခရစ္စမတ်အကြိုညလေးမှာ မာရီတို့အိမ်ကိုသတင်းဆိုးတစ်ခုရောက်လာပါတယ်။မာရီတို့အဖေသေသွားတဲ့အခါ မစ္စတာရက်တာ ဆိုတဲ့သူဆီမှာ ဒေါ်လာတစ်သိန်းအကြွေးတင်နေခဲ့ပြီး အကြွေးမဆပ်နိုင်ရင် မစ္စတာရက်တာ က မာရီကို သူ့ဇနီးလုပ်ပေးရမယ်လို့ ပြောလာပါတယ်။မစ္စတာရက်တာ ဟာ မာရီကို သူနဲ့လက်ထပ်ဖို့စဉ်းစားစေချင်တဲ့အတွက် နော့ခရက်ကာ ဆိုတဲ့အရုပ်လေးတစ်ရုပ်ကိုလည်းလက်ဆောင်ပေးခဲ့ပါတယ်။မာရီ ဟာ သတင်းကြားပြီးတော့ စိတ်ပျက်ဝမ်းနည်းပြီး အပူအပင်ကင်းခဲ့တဲ့ကလေးဘဝကိုပြန်တမ်းတတတ်နေရင်း သီချင်းလေးတစ်ပုဒ်ညည်းဆိုခဲ့ပါတယ်။ဖြစ်ချင်တော့ သီချင်းဆိုပြီးတာနဲ့ မှော်ပညာတစ်ခုအသက်ဝင်လာပြီး မာရီ က အရမ်းသေးငယ်သွားပြီးတော့ သူ့ရဲ့အရုပ်လေးတွေနဲ့ နော့ခရက်ကာ က အသက်ဝင်လာခဲ့ပါတယ်။မာရီ ရဲ့နဂိုအခြေအနေကို ပြန်ရောက်အောင်ကြိုးစားရင်းနဲ့ နော့ခရက်ကာ ဟာ မင်းသားဂျော့ချ် ဖြစ်နေခဲ့ပြီး မာရီ လိုပဲ ကျိန်စာကြောင့် အရုပ်အဖြစ်ပြောင်းသွားမှန်းသိရတဲ့အခါမှာတော့။မာရီ၊ မင်းသားဂျော့ချ် နဲ့ မာရီ ရဲ့အရုပ်လေးတွေက ကျိန်စာပြေအောင် ဘယ်လိုကြိုးစားကြမလဲဆိုတာကို comedy, romance ဆန်ဆန် ကြည့်ရှုရမှာပဲဖြစ်ပါတယ်။

t.me/cartoonmoviesmms/498

ကောင်ကလေး နှင့်သားရဲကြီး(၂၀၁၅)

ကမ္ဘာ့မိစ္ဆာအများဆုံးရှိတဲ့မြို့ ဂျူတန်ဂိုင် မြို့မှာ ကိစ္စပေါ်လာတယ်၊ အဲ့ဒါကပန်းကန်လုံးပုံစံတောင်ကြားမှာ နေထိုင်ကြတဲ့ မိစ္ဆာတွေက အကောင်တစ်သိန်းလောက်ရှိတယ်၊ တစ်ရက်မှာတော့ သူတို့ကို နှစ်ပေါင်းများစွာအုပ်ချုပ်ခဲ့တဲ့ခေါင်းဆောင်ကအနားယူပြီး နတ်ဘုရားအဖြစ် နဲ့ ပြန်ဝင်စားတော့မယ်လို့ကြေငြာခဲ့တယ်၊ သူက နတ်ဘုရားအဖြစ် ဝင်စားတော့မယ်ဆိုတော့ခေါင်းဆောင်သစ်ရွေးချယ်ပေးဖို့လိုလာတယ်၊ အဲဒါကြောင့် ခေါင်းဆောင်ရွေးပွဲအတွက် အားလုံး အသင့်ပြင်ထားဖို့ အမိန့်ထုတ်လိုက်တယ်၊ နောက်ပြီး ဒီပွဲမှာအောင်မြင်သူဖြစ်ဖို့ဆိုရင် စွမ်းအားရော အကျင့်သိက္ခာပါ ပထမတန်းစားဖြစ်နေဖို့လိုပါတယ်၊ အဲ့ဒီထဲမှာမှ ထိပ်ဆုံးမှာ တစ်ပြေးနေတာကတော့ အီအိုဇန်လို့ခေါ်တဲ့ မိစ္ဆာကောင်ပဲဖြစ်ပါတယ်၊ သူက ရဲရင့်တယ်။ သတ္တိရှိတယ် တပည့်တပန်းတွေလဲ အများကြီးရှိတယ်။ အီချိရိုဟိကို နဲ့ ဂျီရိုမာရုဆိုတဲ့ သားနှစ်ယောက်လဲ ရှိတယ်၊ နောက်တက်လာမယ့် ခေါင်းဆောင်က သူပဲဖြစ်မယ်လို့ထင်ကြေးပေးနေကြတယ်၊ ဒါပေမယ့်လဲ။ သူ့လိုနောက်ထပ်တစ်ယောက် ရှိနေပါသေးတယ်၊ သူ့နာမည်က ခုမတဲဆု။ သူက နာမည်အတိုင်းပဲ ဝက်ဝံတစ်ကောင်လို။

t.me/cartoonmoviesmms/1244

ကာမန်ရိုက်ဒါ (၂၀၂၃)

ဒိုင်ဂျီ နဲ့ ကာဒိုတာ တို့ဟာ ဘလူဘတ် ဆိုတဲ့ အဖွဲ့အစည်းမှာ ဆက်လက် လုပ်ကိုင်နေကြပါတယ်။ ကာဒိုတာ လည်း မျိုးရိုးဗီဇ ပြုပြင်ရေးဌာနက ဒေါက်တာ အီချီမူရာ ထံမှာ ဆေးကုသမှု ခံယူနေခဲ့ပါတယ်။ အဲဒီအချိန်မှာပဲ အလီကွန် ဆိုတဲ့အကြမ်းအဖက် အဖွဲ့အစည်း ပေါ်ပေါက်လာပြီး ကလေးတွေကို ပြန်ပေးဆွဲခဲ့ပါတယ်။ ဒိုင်ဂျီ နဲ့ ကာဒိုတာ လည်း အဆိုပါ ကလေးတွေကို ဝင်ရောက် ကယ်တင်ရင်း အလီကွန် ကို ဖြိုခွင်းဖို့ ကြိုးစားခဲ့ပါတယ်။ ဒါပေမယ့် ကာဒိုတာ ရဲ့ နတ်ဆိုး ပြန်လည် ပေါ်ပေါက်လာခဲ့ပါတယ်။ ဘာလို့ ကာဒိုတာ ရဲ့ နတ်ဆိုးက ပြန်လည် ပေါ်ပေါက်လာတာလဲ၊ အလီကွန် ဆိုတဲ့ အဖွဲ့အစည်းကရော ဘာလဲ ဆိုတာ Plot twist များစွာနဲ့ ကြည့်ရမှာပါ။ ကျွန်တော့် အမြင် ပြောရရင် ဇာတ်လမ်းပိုင်းက ကျစ်လစ်ပြီး Plot twist ကလည်း ထင်မထားတာ ဖြစ်တာမို့ “အော် အဲလိုလား” ဆိုတဲ့ ခံစားချက်မျိုး ရခဲ့ပါတယ်။

t.me/cartoonmoviesmms/1246

ဘာဘီ - မြို့ကြီး ပြကြီး အိမ်မက်ကြီး (၂၀၂၁)

ဘားဘီ ရော်ဘတ်စ် ရဲ့ အိပ်မက်ဟာ ဘော့ဒ်ဝေး ကြယ်ပွင့်တစ်ဦး ဖြစ်ချင်တာပါ။ အဲ့ဒါကြောင့် သူနေတဲ့ ကယ်လီဖိုးနီးယား ရဲ့ မယ်လီဘူ မြို့ကနေ နယူးယောက် မှာရှိတဲ့ အနုပညာကျောင်းတစ်ခုကို လာတက်ပါတယ်။ နယူးယောက် ကို ရောက်တဲ့နေမှာပဲ မထင်ပဲ ဘရူကလင်း ကလာတဲ့ ကောင်မလေးတစ်ယောက်ကို တွေ့ဆုံခဲ့ကာ အဲ့ဒီကောင်မလေးနာမည်ကလည်း ဆန်းကြယ်စွာ ဘားဘီ ရော်ဘတ်စ် ပဲ ဖြစ်နေပြန်ပါတယ်။ သူတို့ နှစ်ဦးဟာ အချင်းချင်း မယ်လီဘူ နဲ့ ဘရူကလင်း အဖြစ် နာမည်ပြောင်ပေးလိုက်ပြီး နှစ်ယောက်လုံးဟာ ဂီတပေါ်ထားတဲ့ တူညီတဲ့ စိတ်အားထက်သန်မှုတွေကြောင့် ခပ်မြန်မြန်ပဲ သိပ်ကို ရင်းနှီးလာကြပါတယ်။ အောင်မြင်မှု ရလာရင်လည်း သူငယ်ချင်း ဆက်ဆံရေးတွေ မအေးစက်သွားဖို့ အချင်းချင်း သဘောတူညီထားကြပါတယ်။ စိတ်ကူးအိပ်မက်တွေ တူညီတဲ့ သူတို့ နှစ်ဦးဟာ အောင်မြင်ဖို့ တူတူကြိုးစားရင်း တစ်ရက်မှာ မတော်တဆ တစ်ခု ဖြစ်ပါတော့တယ်။ အဲ့ဒီကိစ္စတစ်ခုဟာ မယ်လီဘူ နဲ့ ဘရူကလင်း ကြားကို ကွာဟသွားစေတဲ့ ဆူးငြောင့်တစ်ခု ဖြစ်လာပါတော့တယ်။ အဲ့ဒီနောက်မှာတော့ နာမည်တူ အိပ်မက်တူတဲ့ ဘားဘီ တို့ သူငယ်ချင်း နှစ်ယောက်ဟာ သူတို့ကြားက ပြဿနာကို ဖြေရှင်းနိုင်ပြီး ပြန်သင့်မြတ်သွားကြမှာလား၊ အိပ်မက်ဖြစ်တဲ့ ဘော့ဒ်ဝေး ကြယ်ပွင့် ဆိုတာရော တကယ်ဖြစ်လာနိုင်မလား။

t.me/cartoonmoviesmms/1248

အချောလေးနှင့် သားရဲကြီး (၁၉၉၁)

အရမ်းကို မောက်မာတဲ့ မင်းသားလေး တစ်ပါးဟာ လူတိုင်းကို မောက်မောက်မာမာနဲ့ ဆက်ဆံခဲ့တာကြောင့် တစ်နေ့မှာ အဘွားအိုကြီး တစ်ယောက် ရောက်လာခဲ့ပြီးတော့ အရမ်း အေးလွန်းတာကြောင့် မင်းသားလေး ရဲ့ ရဲတိုက်မှာ ခဏလောက် တည်းခိုခွင့် တောင်းခဲ့ပါတယ်။ ဒါပေမယ့် မင်းသားလေးဟာ ညစ်ပတ် စုတ်ပြတ်လှတဲ့ အဘွားအိုကြီး ရဲ့ ပုံစံကို ကြည့်ပြီးတော့ မောက်မောက်မာမာနဲ့ နှင်ထုတ်ခဲ့ပါတယ်။ အဲ့ဒီ အချိန်မှာ အဘွားအိုကြီးကနေ နတ်သမီး တစ်ပါး အဖြစ် ပြောင်းလဲသွားပြီးတော့ မင်းသားလေး ရဲ့ ရင်ထဲမှာ ချစ်ခြင်းတရား မရှိတာကို သိသွားတဲ့ နတ်သမီးက မင်းသားလေးကို အလွန် ရုပ်ဆိုးတဲ့ တောရိုင်း သတ္တဝါကြီး အဖြစ် ပြောင်းခဲ့ပါတယ်။ သူတင် မကပဲ ရဲတိုက်ကြီးထဲမှာ နေတဲ့ လူတွေ အားလုံးကိုအသွင်ပြောင်းပြီး အပြစ်ပေးခဲ့ပါတယ်။ နတ်သမီးက သူ့ကို ပေးခဲ့တဲ့ နှင်းဆီပန်းက တကယ်တော့ မှော်ဝင် နှင်းဆီပန်းပါ။ အဲ့ဒီပန်းဟာ သူ့ရဲ့ အသက် ၂၁ နှစ် ပြည့်မှာ ပွင့်မှာ ဖြစ်ပြီးတော့ တကယ်လို့ အဲဒီ ၂၁ နှစ် မွေးနေ့ မတိုင်ခင် သူရင်ထဲ အချစ် ရှိလာပြီးတော့ ချစ်နိုင်ခဲ့ရင် အဲ့ဒီ သူချစ်ရတဲ့ မိန်းကလေးကလည်း အဲဒီပန်း ရဲ့ နောက်ဆုံး ပွင့်ဖတ် မကြွေခင် အချိန်မှာ သူ့ကို ပြန်ပြီးတော့ ချစ်နိုင်ခဲ့ရင် ကျိန်စာက ပျက်ပြယ် သွားမှာပဲ ဖြစ်ပါတယ်။

t.me/cartoonmoviesmms/1250

ရွန် တော့ မှားပြီ (၂၀၂၁)

IMDB - 7/10
Genre - Comedy/Family

“ခင်ဗျားတို့တွေ အထီးကျန်တယ်လို့ ခံစားရဖူးလား။” “ထောင့်စွန်းတစ်နေရာမှာ ရပ်နေရပြီး ကသိကအောက်နဲ့ ဘယ်သူ့ကိုမှ စကားသွားမစရဲဘဲနဲ့လေ” တော်ရုံတန်ရုံ စကားမပြောရဲတဲ့ လူတွေ၊ သူငယ်ချင်းရှာဖို့ ခက်တဲ့ သူတွေ အတွက် နည်းပညာဟာ အထောက်အပံ့တစ်ခု ဖြစ်လာပါတယ်။ ဒီလိုနဲ့ နည်းပညာကုမ္ပဏီတစ်ခုဖြစ်တဲ့ ဘဘယ် ဟာ ဘဘယ် ရိုဘော့ ဆိုတဲ့ စက်ရုပ်လေးတွေကို လူတွေအတွက် “Best Friend” အဖြစ် ဖန်တီးထုတ်လုပ်လိုက်ပါတယ်။ ဖုန်းတွေ၊ တာဘလက်တွေထက် လုပ်ဆောင်နိုင်စွမ်း မြင့်တဲ့ ဒီစက်ရုပ်လေးတွေက ပိုင်ရှင်ရဲ့ ဒေတာအချက်အလက်တွေကို သိမ်းယူပြီးတော့ ဘဘယ် နက်ဝါ့ခ် ကနေတစ်ဆင့်ဝါသနာတူ အကြိုက်တူ သူငယ်ချင်းတွေကို ရှာဖွေပေးပါတယ်။ သူငယ်ချင်းတွေကို ရှာဖွေပေးတဲ့အပြင် သူကိုယ်တိုင်ကိုက ပိုင်ရှင်အနီးနား ခြောက်ပေအတွင်းမှာ နေပေး၊ ကူညီပေး၊ စကားပြောပေးတဲ့ သူငယ်ချင်းတစ်ယောက်အဖြစ် ရှိနေတာပေါ့။ ဒီလိုနဲ့ ကလေးတွေကြားမှာ ဘဘယ် ရိုဘော့ တွေ ခေတ်စားလာပြီး မပိုင်ဆိုင်သူကတော့ မရှိသလောက် ဖြစ်လာပါတယ်။ နွန်ဆတ်ခ် ဆိုတဲ့ မြို့လေးကကျောင်းသားတွေထဲမှာ ဘာနာဘီ ဆိုတဲ့ ကောင်လေးတစ်ယောက်ပဲ ဘဘယ် ရိုဘော့ ကို မပိုင်ဆိုင်တာပါ။ သူကိုယ်တိုင်က လူအေးလေး ဖြစ်တဲ့အပြင် လူတိုင်းက ကိုယ်စီရဲ့ ဘဘယ် ရိုဘော့ တွေနဲ့ပဲ အလုပ်ရှုပ်နေကြတော့ သူ့မှာ သူငယ်ချင်းဆိုတာ မရှိပါဘူး။ အဲဒီအပြင် ဘဘယ် ရိုဘော့ မရှိတဲ့အတွက် စနောက်လှောင်ပြောင် ခံရပါသေးတယ်။ တစ်နေ့မှာတော့ ဘာနာဘီ ရဲ့ မွေးနေ့လေးကို ရောက်ရှိလာပါရော။ ဒီလိုနဲ့ ဘဘယ် ရိုဘော့ ကို လိုချင်နေတဲ့ ဘာနာဘီ တစ်ယောက် လိုချင်တာကို မွေးနေ့လက်ဆောင်အဖြစ် ရသွားပြီးတဲ့နောက် ဘာတွေဆက်ဖြစ်မလဲဆိုတာ အားပေးကြည့်ရှုလိုက်ကြရအောင်နော်။

t.me/cartoonmoviesmms/1252

မမ်မီများ (၂၀၂၃)

ဟာသကာတွန်းရုပ်ရှင်အသစ်လေးတစ်ခုလာပါပြီ။ ဒီကာတွန်းထဲမှာတော့ မံမီအားလုံးဟာ တမလွန်မြို့ကြီးတစ်ခုမှာ ထာဝရအသက်ရှင်နေထိုင်ကြပါတယ်။ မံမီအားလုံးကို ဖာရိုးဘုရင်ကြီးက အုပ်ချုပ်ပါတယ်။ ဖာရိုးဘုရင်ကြီးရဲ့ သမီးတော် Nefertari အတွက် ကြင်ယာဖက်ရွေးဖို့ အချစ်နတ်ဘုရားမရဲ့ ဖီးနစ်ငှက်ကို ရွေးခိုင်းရင်းနဲ့ တလွဲတွေဖြစ်ပြီး လှည်းပြိုင်သမား Thut ကို ရွေးချယ်ခံလိုက်ရပါတော့တယ်။ ဒါပေမဲ့ မင်းသမီးက လက်မထပ်ချင်လို့ ထွက်ပြေးရင်း၊ Thut ကလည်း သူ့ကိုသိမ်းဆည်းခိုင်းထားတဲ့ လက်ထပ်လက်စွပ် အခိုးခံရလို့ အပြစ်ပေးခံရမှာကြောက်ပြီး ပြန်လိုက်ရှာရင်း နှစ်ယောက်လုံး လူသားကမ္ဘာထဲကို ရောက်လာပါတော့တယ်။ မံမီတွေ လူသားကမ္ဘာထဲမှာ ဘာတွေတလွဲလုပ်ပြီး ဘာတွေရင်ဆိုင်ရမလဲဆိုတာ

t.me/cartoonmoviesmms/1254

ဆုတောင်းပြည့်နဂါးမင်း (၂၀၂၁)

အာလာဒင်မီးခွက်စောင့်နတ်ကို အရှေ့တိုင်းပုံစံဖန်တီးထားတာပါ။ မတူတာကတော့ အာရှတို့ရဲ့ထုံးစံအတိုင်း မေတ္တာတရားကို အဓိကချပြထားတဲ့ ကာတွန်းကားလေးမို့ မိသားစုနဲ့ကြည့်လို့ကောင်းမယ့်ကားလေး လို့ညွှန်းချင်ပါတယ်ခင်ဗျာ။ဟ စိတ်ထားကောင်း သဘောကောင်းတဲ့ တင်းစီးကျီး တစ်ယောက်မမျှော်လင့်ဘဲ တရုတ်ရေနွေးခရားလေးတစ်လုံး ရရှိခဲ့ပါတယ်။ ခရားလေးထဲကနေ ထွက်လာတာက သူ့ရဲ့မိုက်ပြစ်ကြောင့် အပြစ်ဒဏ်ခံနေရတဲ့ မင်းသားကြီး ဂျက်လီ သရုပ်ဆောင်ထားတဲ့ နဂါးကိုယ်တော်လေး။ ကောင်းကင်ပေါ်ကိုပြန်တက်ဖို့ သခင်ဆယ်ပါးရဲ့ အလိုဆန္ဒကိုဖြည့်ဆည်းပေးရမယ်တဲ့။ ရွှေတွေငွေတွေအများကြီး ဆုတောင်းလို့ရပေမဲ့ တင်းစီးကျီး လေးကတော့ လင်း လို့ခေါ်တဲ့ မိန်းကလေးသူငယ်ချင်းတစ်ယောက်ကို ဆုတောင်းခဲ့ပါတယ်။ ကျန်တာတောင်း သူငယ်ချင်းဆုတောင်းတော့ မဖြည့်ပေးနိုင်ဘူးလို့ဆိုပြီး တင်းစီးကျီး နဲ့စကားများကြပါတော့တယ်။ လူ့သဘာဝကိုနားမလည်နိုင်တဲ့ နဂါးကိုယ်တော်။ လူသားတွေရဲ့လောဘအကြောင်းကိုနားမလည်တဲ့ တင်းစီးကျီး။ အဖေ့အလိုကျ နေပေးနေရတဲ့ ရွှေသမီးလေး လင်း။ လောဘဇောတက်ပြီး မကောင်းမှုလုပ်နေတဲ့ လူဆိုးတစ်သိုက်တွေနဲ့ အရှေ့တိုင်းဆန်ဆန် ဆုတောင်းပြည့်နဂါးမင်းကြီး ဘယ်လိုစခန်းသွားမလဲ?

t.me/cartoonmoviesmms/1256