နတ်ဆိုးနှိမ်နင်းသူလေးယောက် (၂၀၂၅)

IMDb - 6.4/10
Genre - Horror

နှစ်ပေါင်းရာချီ တိတ်ဆိတ်စွာ နေထိုင်ခဲ့တဲ့ ဟယ်ဒုံ လျှို့ဝှက်ဗုဒ္ဓဘာသာဂိုဏ်းရဲ့ ၁၄၅ ဆက်မြောက် ဘာသာရေးခေါင်းဆောင်ဟာ အစွမ်းထက်တဲ့မကောင်းဆိုးဝါး စွမ်းအင်တွေကို ရယူဖို့အတွက် အသက်ပေါင်းများစွာကိုယဇ်ပူဇော်တဲ့ အခမ်းအနားတစ်ခုပြုလုပ်ရန် ကြံစည်နေပါတော့တယ်။ ဒါ့ကြောင့်ပဲ အဲဒီအကြံအစည်ကို တားဆီးပြီး ကမ္ဘာကြီးကို ကယ်တင်ဖို့အတွက် ထူးခြားတဲ့စွမ်းရည်တွေ ပိုင်ဆိုင်ထားတဲ့ နတ်ဆိုးနှိမ်နင်းသူ လေးယောက်အဖွဲ့ ပေါ်ပေါက်လာပါတယ်။ အဲဒီအဖွဲ့မှာ ဖာသာကြီး ဘတ်၊ ပညာရှင် ဟျွန်းအမ်၊ ငယ်ရွယ်တဲ့စွမ်းအားရှင်လေး ဂျွန်းဟူ နဲ့ လျှို့ဝှက်ဆန်းကြယ်တဲ့ ဆွန်းဟီး ဆိုသူ ၄ ဦး ပါဝင်ပြီး သူတို့ တစ်ယောက်ချင်းစီရဲ့ အစွမ်းအစတွေကို ပေါင်းစပ်ပြီး အမှောင်ထုထဲက နတ်ဆိုးတွေနဲ့ ထိပ်တိုက်ယှဥ်ပြိုင်လာတဲ့အခါမှာတော့။ ဒီကားလေးထဲမှာ ကြောက်စရာကောင်းတဲ့ နတ်ဆိုးတွေ၊ အမှောင်လောကရဲ့ လျှို့ဝှက်ချက်တွေ၊ စိတ်လှုပ်ရှားဖွယ်ရာ တိုက်ခိုက်ခန်းတွေနဲ့ ပြည့်နှက်နေတာမို့ သဘာဝလွန် သည်းထိတ်ရင်ဖိုဇာတ်လမ်းတွေကို နှစ်သက်သူတွေအတွက် မဖြစ်မနေ ကြည့်ရှုသင့်တဲ့ လက်ရာကောင်းတစ်ခု ဆိုတာတော့ မလွဲဧကန်ပါပဲ။

t.me/cartoonmoviesmms/914

စမာ့ဖ်လေးတို့ရွာ (၂၀၂၅)

စကြဝဠာကြီးဟာ သူ့ကို ဟန်ချက်ညီအောင် ထိန်းပေးထားတဲ့ ကျမ်းလေးကျမ်းကြောင့် ငြိမ်းချမ်းနေခဲ့တယ်။ ဒါပေမဲ့ ဝိဇ္ဇာဆိုး‌လေးယောက်အဖွဲ့က ဒီစာအုပ်တွေကို သိမ်းပိုက်ပြီး လောကကြီးကို အမှောင်ဖုံးအောင် လုပ်ချင်တဲ့တယ်။ ရန်သူတွေ လက်ထဲကို ကျမ်းလေးကျမ်းလုံး ရောက်သွားခဲ့ပေမဲ့ ဂျန်တီဂရီမာ ဆိုတဲ့ လေးကျမ်းမြောက် စာအုပ်ဟာ ပျောက်ဆုံးသွားခဲ့တယ်။ ဒီကျမ်းကို စမာ့ဖ် လို့ ခေါ်တဲ့ အပြာရောင် အစောင့်အရှောက်တွေက ထိန်းသိမ်းစောင့်ရှောက်ထားပြီး လူတွေမသိတဲ့ တစ်နေရာမှာ စမာ့ဖ်ရွာလေး ကို တည်ထောင်ထားခဲ့ကြတယ်။ ဒီလိုနဲ့ တစ်နေမှာတော့ မထင်မှတ်ထားတဲ့ ကိစ္စတစ်ခုကြောင့် စမာ့ဖ်ရွာလေး ကို ဝိဇ္ဇာဆိုးထဲက တစ်ဦးဖြစ်တဲ့ ရာဇမဲလ် ဟာ ရှာတွေ့သွားပြီး လေးခုမြောက် ကျမ်းကို ပြန်လည်ပိုင်ဆိုင်ရဖို့ ကြိုးစားပါတော့တယ်။

t.me/cartoonmoviesmms/916

မိုနိုနိုကဲ အခန်း ၂ (၂၀၂၅)

မိုနိုနိုကေ အကြောင်း စပြောရမယ်ဆိုရင် သူ့ရဲ့ အံ့သြဖွယ်ရာ အနုပညာစတိုင်တွေ ပဲ ဖြစ်ပါတယ်။ ပုံမှန် အနီမေး နဲ့ မတူပဲ အရောင်တွေစုံလင်ပြီး ကြည့်နေရတာလှုပ်ရှားနေတဲ့ ရေဆေးပန်းချီကားချပ်တွေလိုပါပဲ။ မကြည့်တတ်တဲ့လူတွေအတွက်တော့ နည်းနည်း ခေါင်းမူးစရာ ဖြစ်နေမလားတော့ မသိပါဘူး။ ကဲ မိုနိုနိုကေ ရဲ့ အကြောင်း ပြောရမယ်ဆို သူက အဖူးအမေ ညီအစ်ကိုနှစ်ကောင်လို စူပါနာချရယ် စီးရီးထဲက ဇာတ်ကောင်တစ်ဦး အလားရှိပြီး ဒဂုန်ခင်ခင် ရဲ့ မှော်ဆရာ မှတ်တမ်းထဲက အထက်လမ်း အပနှင်ဆရာတွေလိုမျိုးပါ။ ဒီထဲက ဘဲကြီးကလည်း ဆေးကုန်သည်အဖြစ် ရွာရိုးကိုးပေါက် လျှောက်သွားပြီး ပရလောကဖြစ်ရပ်ဆန်းကြယ်တွေကို လိုက်လံ ဖြေရှင်းပေးတဲ့လူပါ။ သူ့ဆီမှာ ထူးဆန်းတဲ့ဓားတစ်ချောင်း ရှိနေပြီး အဲဒီ မကောင်းဆိုးရွား ဝိဉာဉ် ပရလောကသားတွေကို နှိမ်နှင်းဖို့ “သွင်ပြင်သဏ္ဍာန်” “အမှန်တရား” “အကြောင်းရင်း” ဒီအချက် ၃ ချက်နဲ့ ပြည့်စုံမှ ဓားကို ကိုင်စွဲပြီး သုတ်သင် ဖြေရှင်းပေးတာမျိုးပါ။ ဒုတိယမြောက် ဒီရုပ်ရှင်ကပထမကားအပြီး တစ်လအကြာလောက်မှာ ဇာတ်လမ်း ဆင်ထားပါတယ်။ ဒါကြောင့် ပထမကား မကြည့်ရသေးရင် အရင် ကြည့်ဖို့ အကြံပေးချင်ပါတယ်ဗျနာမည်ကတော့ မိုနိုနိုကေ မူဗီ – မိုးရွာစဉ်ဖန်တီးဆန့်ကျင်မှု ဖြစ်ပါတယ်။ ပထမကားထဲက အိုးအိုကူ ထဲမှာ မိုနိုနိုကေ ကို သုတ်သင် ရှင်းလင်းအပြီး ဒီနေရာမှာပဲ ထပ်မံ ဖြစ်ပေါ်လာတဲ့ မကောင်းဆိုးဝါးကို အပနှင်ရဦးမှာ ဖြစ်ပါတယ်။ အခြေအနေအရ ပထမကားမှာ အိုးအိုကူ အုပ်ချုပ်ရေးမှူး သေဆုံးပြီးတဲ့နောက် ဒီရာထူးတာဝန် လစ်ဟာနေပါတယ်။ အဲဒီမှာ အာဏာရှိ ကောင်စီဝန်ချုပ်ကြီးက ဒီရာထူးနေရာတွေကို ဘယ်လိုမျိုး ကစားဦးမလဲ။ ဘုရင်မင်းမြတ်က နှစ်သက်နေတာကြောင့် ပစားပေးခံနေရတဲ့ အဝတ်ထည်ကုန်သည် သမီးဖြစ်သူကိုယ်လုပ်တော်ကရော မနာလို ဖြစ်နေကြတဲ့ တခြား ကိုယ်လုပ်တော်တွေကြားထဲ ဘယ်လိုတွေ ဖြစ်လာမလဲ။ ထူးဆန်းတဲ့ မီးတောက်သဏ္ဍာန် သရဲဝိဉာဉ်တွေဟာလူတွေကို အလွန်အမင်း လောင်ကျွမ်းစေပြီး သူ့ “သွင်ပြင်သဏ္ဍာန်” “အမှန်တရား” “အကြောင်းရင်း” တို့ဟာ ဘာတွေ ဖြစ်နေဦးမလဲ။ ထုံးစံအတိုင်း ဆေးကုန်သည် အပနှင် သူကြီးတစ်ယောက် ဂိတ်မှူးနဲ့ အတိုက်အခံတွေလုပ်ရင်း ဘယ်လို ဖြေရှင်းပေးရဦးမလဲ ဆိုတာ စိတ်ဝင်စားစရာ ကြည့်ရပါဦးမယ်။

t.me/cartoonmoviesmms/918

ဝါသနာတူ မိတ်ဆွေများ (၂၀၂၄)

တေးဂီတ ဝါသနာပါတဲ့ ကြောင်လေးဖြစ်တဲ့ တက်ဘီ မက်တက် နဲ့ သူ့ရဲ့ သူငယ်ချင်း ဖရက်ဒ် ဆိုတဲ့ လမ်းဘေးဂီတသမား တစ်ဦးတို့ရဲ့ ဘဝအကြောင်းလေးပါပဲ။ တက်ဘီ ဟာ ဖရက်ဒ် နဲ့အတူ လမ်းပေါ်မှာ သီချင်းဆိုရင်း ပရိသတ်ကို ဖျော်ဖြေပေးပြီး၊ သူတို့ရဲ့ ရင်းနှီးတဲ့ဆက်ဆံရေးဟာ ကြည်နူးစရာလေးပါပဲ။ ဒါပေမဲ့ မထင်မှတ်ထားတဲ့ ဖြစ်ရပ်တစ်ခုကြောင့် တက်ဘီ နဲ့ ဖရက်ဒ် တို့ ခွဲခွာသွားရပြီး၊ တက်ဘီ ဟာ ဆော့ခ်စ် ဆိုတဲ့ကြောင်လေးတစ်ကောင်နဲ့ တွေ့ဆုံပြီး သူ့ဘဝလေးဟာ ပြောင်းလဲသွားပါတယ်။

t.me/cartoonmoviesmms/920

အယ်လီယို (၂၀၂၅)

အယ်လီယို ဟာ မိဘနှစ်ပါး သေဆုံးသွားလို့ အဒေါ်ဖြစ်သူနဲ့အတူ နေထိုင်ရတဲ့ဂျစ်ကန်ကန် ကလေးဆိုးလေးတစ်ယောက်ပါ။ တစ်ယောက်တည်း အိမ်မှာထားခဲ့လို့ မဖြစ်သေးတဲ့ အရွယ်ဖြစ်တာကြောင့် သူ့ရဲ့ အဒေါ်ဟာ အယ်လီယို ကို သူအလုပ်လုပ်တဲ့ အာကာသပတ်လမ်း စိစစ်ရေးဌာနကို အမြဲ ခေါ်သွားပါတယ်။ ဒီလိုနဲ့ အယ်လီယို ဟာ အာကာသဆိုင်ရာတွေကို စွဲလမ်းလာခဲ့တယ်။ အထူးသဖြင့်အာကာသထဲမှာ ဂြိုဟ်သားတွေ ရှိလား ဆိုတဲ့ အချက်ပေါ့။ တစ်နေ့တော့ ဌာနမှာ အာကာသထဲကနေ အချက်ပြမှုတစ်ခု ရလာခဲ့တယ်လို့ ဝန်ထမ်းတစ်ယောက်က ဆိုလာတယ်။ ဒါပေမဲ့လည်း ဂြိုဟ်သားရူး တစ်ယောက်ရဲ့ မဲပြာပုဆိုးတွေကို ဘယ်သူမှ မယုံကြတော့ဘူး။ ဒါကို တိတ်တိတ်လေး ခိုးကြည့်နေတဲ့ အယ်လီယို က မြင်သွားပြီး ဘယ်သူမှ မရှိတဲ့ အချိန်မှာ တစ်ဖက်ကို အကြောင်းပြန်လိုက်တဲ့အခါ ဘာတွေဆက်ဖြစ်လာမလဲ။ တကယ်ပဲ အာကာသထဲကနေ ဂြိုဟ်သားတွေက ဆက်သွယ်နေတာလား ဆိုတာ စူးစမ်းလိုက်ကြပါဦး။

t.me/cartoonmoviesmms/922

လူ့ဘဝမှ တိရစ္ဆာန်တစ်ကောင်အဖြစ်ဆီသို့ (၂၀၀၀)

ဘုရင်တစ်ပါး ရှိတယ် သူဟာ လက်ဖြောက်တစ်ချက်တီးလိုက်ရုံနဲ့ လိုရာအကုန်ရတယ်၊ လက်ညှိုးညွှန်ရာ ရေဖြစ်တဲ့သူ။ အရာအားလုံးဟာ သူလိုချင်တဲ့အတိုင်းဖြစ်နေတော့ ဘုရင် ဟာ အောက်ခြေလွပ်သလို ဖြစ်နေတယ်။ သူဟာ ဘယ်သူ့ကိုမှလည်း အထင်မကြီးဘူး။ သူသည်သာ အတော်ဆုံး၊ အတတ်ဆုံး ဆိုတဲ့ ဝါဒလက်ကိုင်ထားတယ်။ ဒီလိုအပြုအမူတွေကြောင့်ပဲ သူ့ရဲ့ ရွှေရောင်နေ့ရက်ဟာသိပ်ကြာကြာ မခံပါဘူး။ တစ်နေ့မှာတော့ သူဟာ သူ့လူယုံတော်တွေရဲ့ လုပ်ကြံမှုကြောင့် လူစင်စစ်ကနေ လားမားတစ်ကောင်ဘဝကို ရောက်သွားပါတော့တယ်။ အဲ့ဒီအခြေအနေကို သူဘယ်လိုကိုင်တွယ်မလဲ။ အပေါင်းအသင်း ယုံကြည်စရာတစ်ယောက်မှ မရှိတဲ့ သူ့ဘဝထဲမှာ သူဘာဆက်လုပ်မလဲ။ လူ့ဘဝကို ပြန်ရောက်ဖို့ သူဘယ်လိုကြိုးစားမှာလဲ။

t.me/cartoonmoviesmms/552

တိရစ္ဆာန်တို့၏ တိုက်ပွဲ (၂၀၁၈)

ပိတ်ရက်မှာ ကိုယ်တွေလို စကြဝဠာကြီးထဲကနေ တိရစ္ဆာန်ဝဠာကြီးထဲ ခဏသွားလိုက်ကြရအောင်။ ဒီကားထဲမှာတော့ သူတို့အခေါ် တိရစ္ဆာန်ဝဠာကြီးပေါ့။ အဲဒီထဲက ကောင်းတဲ့အခြမ်းနဲ့ မကောင်းတဲ့အခြမ်းတို့ရဲ့ မပြီးဆုံးနိုင်တဲ့ စစ်ပွဲကြီး၊ သူတို့ နဂါးငွေ့တန်း မှာရှိတဲ့ အကုန်လုံးကို အမှုန့်ဖြစ်သွားအောင်လုပ်ပစ်နိုင်တဲ့ ဆော့စ် ဆိုတဲ့ စွမ်းအားကြီးကို မကောင်းတဲ့အခြမ်းက ခေါင်းဆောင်က ထိန်းချုပ်ပြီး ဒီစကြဝဠာတစ်ခုလုံးကို ဖျက်ဆီးပစ်ဖို့ ကြိုးစားနေတဲ့အချိန်။ အဲဒါကို တားဆီးနိုင်မယ့် ကောင်းတဲ့အခြမ်းရဲ့ တစ်ခုတည်းသောမျှော်လင့်ချက် ဖြစ်တဲ့ ရွေးချယ်ထားတဲ့သူ ဆိုတာကြီးကို ရှာပုံတော်ဖွင့်ရင်း ဘယ်လိုအတားအဆီးတွေကို ကျော်ဖြတ်ကြမလဲ။ စစ်ပွဲကြီးကရော ဘယ်က ဘယ်လို အစပြုလာလဲ။ နောက်ဆုံး သူတို့ရှာနေတဲ့သူကို ဘယ်မှာ ရှာတွေ့မလဲ၊ မကောင်းတဲ့အခြမ်းက ခေါင်းဆောင်ကိုဘယ်လိုတွေတိုက်မလဲ ဆိုတာကို တော်တော်ကို မထင်ထားတဲ့ လှည့်ကွက်လေးတွေနဲ့ ရယ်နေရမယ့် ကာတွန်းကားကောင်းလေး တစ်ကားပါ။

t.me/cartoonmoviesmms/562

သရဲအိမ် (၂၀၀၆)

IMDB - 6.6/10
Genre - Horror/ Comedy

အမြဲမှန်ပြောင်းတစ်ခုနဲ့ အလုပ်ရှုပ်နေတတ်တဲ့ ဒီဂျေး တစ်ယောက်က သူ့အိမ်ရှေ့အိမ်ကို အမြဲစူးစမ်းနေတတ်ပါတယ်။ အမြဲတိတ်ဆိတ်ပြီးတော့ ကလေးတွေကိုမနှစ်သက်၊ ကလေးတွေလာရင် မောင်းထုတ်တဲ့ မစ္စတာ နက်ဘာခရက်ကာ ရဲ့ အိမ်ကြီး။ မစ္စတာ နက်ဘာခရက်ကာ က ကလေးတွေတော်တော်မုန်းတဲ့သူဗျ။ ကလေးတွေကလည်း သူ့ကို ကြောက်ကြ။ သူ့ကို ကြည့်မရတဲ့ လူဆိုးလေးတွေကလည်းအိမ်ကို နည်းမျိုးစုံနဲ့ နှောက်ယှက်ကြနဲ့ ကလေးတွေ အများဆုံး လမ်းပေါ်ထွက်တဲ့ ဟော်လိုဝင်း ကာလဆိုတာကလည်း မစ္စတာ နက်ဘာခရက်ကာ အတွက် အမုန်းဆုံးအချိန် ဖြစ်လာတော့တာပေါ့။ ဒါပေမယ့် သူဘာလို့ ဒီလောက်တောင်ပစ်ပစ်ခါခါ ဖြစ်နေရတာလဲဆိုတဲ့ နောက်ကွယ်က အကြောင်းအရင်းလေးတွေရှိသေးတယ်။ ဒီလိုအကြောင်းအရာတွေကို ဖော်ထုတ်ဖို့ အကြောင်းဖန်လာတော့ ဒီဂျေး တို့ ကလေးတစ်သိုက်က ဘယ်လိုတွေလုပ်ကြမလဲဆိုတာ စိတ်ဝင်တစား ကြည့်လိုက်ရအောင်ဗျ။

t.me/cartoonmoviesmms/651

ဆင်ကလေး ဟော်တွန် (၂၀၀၈)

ဟော်တွန်ဆိုတဲ့ ဆင်ကလေးတစ်ကောင်ဟာ ပျော်ပါးကစားနေရင်းနဲ့ ပန်းဝတ်မှုံအရွယ်အစားလောက်ပဲရှိတဲ့ ကမ္ဘာသေးသေးလေးတစ်ခုကို အမှတ်မထင်တွေ့သွားပါတယ်။ မယုံနိုင်ပေမယ့် တကယ့်အစစ်အမှန်ဖြစ်နေမှန်းသိသွားတဲ့အခါမှာ ကမ္ဘာသေးသေးလေးထဲက သက်ရှိလေးတွေနဲ့ ဆက်သွယ်ပြီး အဲ့ဒီကမ္ဘာသေးသေးလေးကို လုံခြုံအောင်လုပ်ပေးဖို့ ဆုံးဖြတ်လိုက်ပါတော့တယ်။ ဒါပေမယ့်လည်း ထုံးစံအတိုင်း အဖျက်တရားက ဝင်လာတဲ့အခါမှာတော့ ဟော်တွန်တစ်ယောက် ကမ္ဘာသေးသေးလေးကို ဘယ်လိုကာကွယ်ပေးနိုင်မလဲ ဆိုတာကို ကြည့်ရှုခံစားကြည့်ကြပါဦး။ တစ်ခုပြောချင်တာက ဒီလိုကာတွန်းကာတွန်းရုပ်ရှင်ဆိုတာ ကလေးတစ်ယောက်လိုကြည့်ရင် ကလေးကာတွန်းကားအနေနဲ့ဖြစ်ပေမယ့် လူကြီးတစ်ယောက်လို ကြည့်ရင်တော့ လူကြီးအတွေးနဲ့ ရုပ်ရှင်ကားတစ်ကားဖြစ်သွားမှာပါ။ ရုပ်ရှင်ကပေးတဲ့ message လေးကို သိအောင်လုပ်ရင်း အတွေးပွားစေလိုပါတယ်။

t.me/cartoonmoviesmms/721