နံပါတ် ၈၃၁ (၂၀၂၂)

ဆူဇူရှီရို ဆိုတဲ့ သတင်းစာပို့တဲ့ကောင်လေးတစ်ယောက်ဟာ သူ့ရဲ့နေ့စဉ်လုပ်ငန်းဆောင်တာတွေကို ပုံမှန်အတိုင်း လုပ်ဆောင်ပြီး ပညာသင်ဆုအတွက် ကြိုးစားနေတဲ့ လူငယ်လေးတစ်ယောက်ဖြစ်ပါတယ်။ ဒါပေမယ့် ဆူဇူရှီရို မှာ အချိန်ကိုရပ်တန့်နိုင်တဲ့ စွမ်းအင်တစ်ခုရှိနေပါတယ်။ အဲ့ဒီစွမ်းအင်ရှိနေတာကိုလည်း ဆူဇူရှီရို တစ်ယောက် သိခဲ့တာတော့ သိပ်မကြာသေးပါဘူး။ ဒါပေမယ့် သူတို့နေတဲ့နေရာမှာ ဆူဇူရှီရို အပြင် နောက်ထပ် အချိန်ကို ရပ်တန့်နိုင်တဲ့ လူတွေရှိနေခဲ့ပါတယ်။ တစ်နေ့မှာတော့ သူတို့နဲ့ ဆူဇူရှီရို တို့ မထင်မှတ်ပဲ တွေ့ဆုံဖြစ်ခဲ့ပြီး ဇာတ်ရဲ့ အဓိကအလှည့်အပြောင်းက ဘယ်လိုမျိုးတွေဆက်ဖြစ်မလဲ။ အချိန်ရပ်တန့်နိုင်တဲ့ သူတွေရဲ့ အဓိကရည်ရွယ်ချက်ကရော ဘာတွေဖြစ်မလဲ ဆိုတာကို စိတ်ဝင်စားဖို့ ကောင်းအောင် တင်ဆက်ပြသထားတဲ့ မစ်စထရီ၊ အက်ဒဗင်ချာ နဲ့ သြသိန်းလ် အမျိုးအစားဇာတ်လမ်းလေးဖြစ်ပါတယ်။

t.me/cartoonmoviesmms/875

တွမ် နှင့် ဂျယ်ရီ - အော့ဇ်တိုင်းပြည်သို့အပြန် (၂၀၁၆)

ဒိုရိုသီ တစ်ယောက်အော့ဇ် တိုင်းပြည်ရဲ့ မြစိမ်းမြို့တော် ကနေ သူ့ဇာတိ ကန်းဆက်မြို့တော် ကို ပြန်ရောက်လာချိန် အဒေါ်နဲ့ ဦးလေးဖြစ်သူတို့ရဲ့မွေးမြူရေးခြံက အကြွေးနဲ့ တိရစ္ဆာန်တွေ သိမ်းခံရမယ့် အခြေအနေနဲ့ ကြုံနေရတာပါ။ ဒါကြောင့် သူ့အဒေါ်ရဲ့ ခြံကို ကာကွယ်ဖို့ မြစိမ်းမြို့တော် ကို ပြန်သွားဖို့ အကြောင်းဖန်လာပါတယ်။ အဲဒီအပြင် အော့ဇ် တိုင်းပြည်ရဲ့ မဟာရန်သူတော် နုမ်းဘုရင် ရဲ့ အန္တရာယ်ပါ ကျရောက်လာတဲ့အခါ ဒိုရိုသီ နဲ့ တွမ်၊ ဂျယ်ရီ နဲ့ တွဲဖက်တွေဖြစ်တဲ့ စာခြောက်ရုပ်၊ ခြင်္သေ့ကြီး နဲ့ သံပုံးလူသား တို့အဖွဲ့ မြစိမ်းမြို့တော် ကို ကယ်တင်ဖို့ အကြောင်းဖန်လာပါတယ်။

t.me/cartoonmoviesmms/879

မွန်းစတားကျွန်း (၂၀၁၇)

ဆယ်ကျော်သက်အရွယ် လူငယ် လူးကပ်စ် ဟာ သူ့အဖေ ပြောတဲ့ မျိုးရိုးလိုက် ရင်ကြပ်ရောဂါကြောင့် ရှူဆေးဆောင်ထားရသူဖြစ်ပြီး၊ ရောဂါကြောင့် သွားချင်တဲ့နေရာတွေကို သွားခွင့်မရနိုင်ခဲ့ပါ။ ဒါပေမယ့် သူ့အဖေမသိအောင် ပါတီပွဲကို ခိုးသွားပြီး ရှူဆေးဘူးကို ယူဖို့မေ့နေခဲ့ပါတယ်။ အဲ့အချိန်မှာပဲ အတန်းသားအားလုံးရှေ့တွင်ရုတ်တရက် မွန်းစတား အဖြစ် ပြောင်းသွားပြီး၊ ဒီနောက်မှာ သူ့ဘဝမှာ ဘာတွေ ပြောင်းလဲသွားမယ်၊ သူမ မသိခဲ့သည့် သူ့မွေးရပ်မှာ ဘာတွေ ဖြစ်ခဲ့သလဲ၊ သူ့အမေက ဘယ်လို အဖြစ်ဆိုးမျိုးတွေ ကြုံခဲ့ရသလဲဆိုတာကို စိတ်လှုပ်ရှားစွာကြည့်ရှုရမှာဖြစ်ပါတယ်။

t.me/cartoonmoviesmms/883

နပန်းသတ်သော အကောင်ကြီးများ (၂၀၂၂)

နပန်းသတ် စူပါစတားချန်ပီယံတစ်ယောက်ဖြစ်တဲ့ တန်တက်ကူလာက ပိုပြီးထင်ပေါ်ကျော်ကြားချင်တဲ့အတွက် သူရဲ့ မွေးရပ်မြေကို စွန့်ပစ်ခဲ့ပါတယ်။ မြို့ရဲ့ ကြယ်ပွင့်မရှိဘဲ ပရိတ်သတ်ကို ဆွဲဆောင်ဖို့ မဖြစ်နိုင်တာကြောင့် မြို့တော်ဝန်က ယခင်က ကျော်ကြားခဲ့တဲ့ နပန်းနည်းပြတစ်ယောက်နာမည်ပေးထားတဲ့ မြို့အားကစားရုံကို ဖျက်ပစ်ဖို့ ကြေညာခဲ့ပါတယ်။ အဲ့ဒီအချိန်မှာ ယခင်နည်းပြဟောင်းရဲ့ သမီးဖြစ်သူ ဝန်နီက အားကစားရုံ၊ သူတို့ရဲ့မြို့တော်နဲ့အားကစားရုံမှာရှိနေတဲ့ သူမအဖေရဲ့အမွေအနှစ်တွေကို ကယ်တင်ဖို့ စတီဗင် ဆိုတဲ့ အကကိုကြိုက်နှစ်သက်တဲ့ မွန်းစတားတစ်ကောင်ရဲ့ အကူအညီကို ရယူခဲ့ပြီး၊ ဘယ်လိုကကွက်ဆန်းတွေသုံးပြီး နပန်းသတ်ခိုင်းမလဲ၊ ဒီအားကစားရုံကို ရော မြို့တော်ဝန်လက်ထဲကသူမပြန်ရမှာလား၊ အကနဲ့ နပန်းသတ်ချင်တဲ့ စတီဗင် တစ်ကောင်ရော ဘယ်လိုအခက်အခဲတွေနဲ့ ရင်ဆိုင်သွားရမလဲဆိုတာကို စိတ်ဝင်တစား ကြည့်ရှုရမှာပဲဖြစ်ပါတယ်။

t.me/cartoonmoviesmms/885

မွန်းစတားကြီး နဲ့ အားလပ်ရက် (၂၀၁၃)

အန်ဒီ ဟာ သိပ္ပံပညာရပ်ကို စိတ်ဝင်စားပြီးတီထွင်ဖန်တီးမှုတွေလုပ်နေရင် ထမင်းမေ့၊ ဟင်းမေ့ဖြစ်တတ်တဲ့ ကလေးပါ။ ဟောလိုးဝင်းပွဲနေ့မှာကျင်းပမယ့် သိပ္ပံပြပွဲမှာ အနိုင်ရဖို့ အတော်ကြိုးစား‌ေနသော်လည်း၊ အိမ်နောက်ဖေး မီးလောင်လိုက်ပေါက်ကွဲပြီး အဆင်ပြေတဲ့ ဖန်တီးမှုတစ်ခုတောင် မရသေးပါ။ အိမ်တွင်း အောင် အမှောင်ထဲနေတဲ့ အန်ဒီ ကို သူ့အဖေက သူနည်းပြလုပ်တဲ့ ဘောလုံးအသင်းမှာ အန်ဒီ့အစ်ကိုနဲ့အတူ ဘောလုံးကစားဖို့ အတင်းဆွဲခေါ်လိုက်ပါသည်။ အန်ဒီ ချမ်းသာစွာ တီထွင်စမ်းသပ်ချင်ပေမယ့် အချိန်ကောင်းကောင်း မရရှာဘူး ဖြစ်နေလေသည်။ ဒီလိုနဲ့ဖန်တီးမှုကောင်းကောင်းရဖို့ မြို့ပြင်ကနာမည်ကြီး သိပ္ပံပညာရှင် ဒေါက်တာ ဖရန်ကန်စတိုင်း ဆီ သွားတွေ့ခဲ့ပေမယ့် မတွေ့နိုင်ဘဲ၊ဒေါက်တာ ဖရန်ကန်စတိုင်း ဖန်တီးထားတဲ့အစိမ်းရောင် မွန်းစတားလေး နဲ့သာ တွေ့ခဲ့ရသည်။ ဘောလုံးတအား ကန်ချင်တဲ့ မွန်းစတားလေး ဖရန့် နဲ့ အန်ဒီတို့ နေရာချင်းလဲပြီး ကိုယ်ကြိုက်တာကိုယ်လုပ်နေကြရင်း၊ မထင်မှတ်ထားတဲ့ မွန်းစတားကြီး တစ်ကောင် အန်ဒီတို့မြို့လေးကို ဝါးမြိုဖို့ ဖြစ်လာချိန်မှာ ဘာတွေ ဘယ်လို ဆက်ဖြစ်ကြမလဲဆိုတာကို ကြည့်ရှု၊ ခံစားကြည့်ရမှာပါ။

t.me/cartoonmoviesmms/887

တိရစ္ဆာန်တွေ စုစည်းကြ !! (၂၀၁၀)

တိရစ္ဆန်လေးတွေဟာ လူတွေနဲ့ဝေးရာမှာနေပြီး အေးဆေးပျော်ရွှင်စွာ ဖြတ်သန်းနေကြတယ်။ ဘယ်လောက်ပဲဝေးအောင်နေနေ၊ နေရာဒေသအမြဲချဲ့ထွင်နေတဲ့ လူတွေကြောင့် တနည်းမဟုတ်တနည်း သူတို့အနားရောက်လာတာပါပဲ။ ကမ္ဘာကြီးပူနွေးလာလို့ ရေခဲတွေ အရေပျော်ကုန်တဲ့အပြင် လူအချို့ရဲ့ မဆင်မခြင်လုပ်ရပ်တွေကြောင့် တောမီးတွေလည်းလောင်ကုန်လို့ သူတို့လေးတွေ အတွေ ရေရှား အစားအသောက်ရှား ဒုက္ခနဲ့ ရင်ဆိုင်လာကြရတယ်။ ဒီလိုခုက္ခရောက်နေတဲ့ သူတို့တွေဟာ သုခဘုံ ဆိုတဲ့ အစားအသောက်လည်းပေါ၊ လူတွေနဲ့ကင်းတဲ့နေရာလည်းဖြစ်၊ အေးလည်းအေးချမ်းတဲ့နေရာလေးကို စုပေါင်းရှာဖွေကြတယ်။ သုခဘုံ ဆိုတာ တကယ်ရှိလား။ တကယ်ပဲ လူတွေနဲ့ကင်းပြီး ဒုက္ခတွေနဲ့ကင်းဝေးမှာလား။ ဆိုတာကိုတော့ ခံစားကြည့်ကြပါဦး။

t.me/cartoonmoviesmms/889

ပူပေါင်းများ (၂၀၂၂)

တိုကျိုမြို့ကြီးမှာ ကမ္ဘာမြေဆွဲအားကို ဆန့်ကျင်တဲ့ ပူဖောင်းတွေ မြေပေါ်ကျလာတဲ့အချိန်နဲ့အတူ မြို့ဟာ သီးခြားကမ္ဘာတစ်ခုလိုဖြစ်လာပြီးမိသားစုကိုဆုံးရှုံးခဲ့ရတဲ့ လူငယ်တွေအတွက်စွန့်စားခန်းတွေနဲ့ ပြည့်နှက်နေတဲ့ ကစားကွင်းကြီးတစ်ခုလိုဖြစ်လာပါတယ်။ အဲ့ဒီလူငယ်တွေထဲမှသူမတူတဲ့စတိုင်နဲ့ အန္တရာယ်များတဲ့အကွက်တွေနဲ့ ကစားတတ်တဲ့ ဟီဘိခိ ဆိုတဲ့ကောင်လေးဟာတစ်နေ့မှာ သူ့အသက်ကို ဆန်းကြယ်တဲ့အစွမ်းရှိတဲ့ အုတ ဆိုတဲ့ကောင်မလေးရဲ့ ကယ်တင်မှုကိုခံပြီးနောက်၊ ထူးခြားတဲ့အသံတစ်ခုကို သူတို့နှစ်ဦးတည်းသာ ကြားနိုင်ကြောင်း သိရှိသွားကြပါတယ်။ သူတို့နှစ်ဦးရဲ့ ဆုံစည်းမှုကနေ ကမ္ဘာကြီးကို တစ်ဖန် ပြောင်းလဲနိုင်မှာလား

t.me/cartoonmoviesmms/891

နှလုံးသားရဲ့ တီးတိုးသံ (၁၉၉၅)

တခါက ၁၄ နှစ်အရွယ် ကျောင်းသူ Shizuku ဟာ သူ့မိသားစုနဲ့ Tokyo မြို့မှာနေထိုင်ခဲ့ပြီး၊ သူဘဝကလည်း ပုံမှန်ကျောင်းသူတယောက်လိုပဲဖြစ်ပါတယ်။ ဒါပေမယ့် ထူးခြားချက်က Shizuku ဟာ ကျောင်းပိတ်ရက်တွေမှာ ဒေသခံစာကြည့်တိုက် သွားပြီး ရှိသမျှ Fairy Tale စာအုပ်တွေကို ငှားဖတ်လေ့ရှိပြီး၊ သူကိုယ်တိုင်ကလည်း စာရေးသူတစ်ယောက်ဖြစ်ချင်သူပါ။ စာအုပ်တွေ ဖတ်ရင်းနေစဉ်မှာ နာမည်တစ်ခုနဲ့ ရင်းနှီးလာခဲ့ရပြီး၊ ငှားဖတ်သမျှ စာအုပ်တိုင်းရဲ့ ငှားဖတ်သူစာရင်းကတ်မှာ Seiji ဆိုတဲ့ ကောင်လေးက သူ့ရှေ့မှာ အမြဲရောက်နေခဲ့ပါတယ်။ ဒီတော့ ဆယ်ကျော်သက် မိန်းကလေး Shizuku ဟာ သဘာဝအတိုင်း မမြင်ရသေးတဲ့ ကောင်လေးကို အထင်ကြီးမိပြီးသံယောဇဉ်တွယ်သွားခဲ့ပါတယ်။ တနေ့မှာ Shizuku က သူ့အဖေကို ထမင်းဘူး သွားပို့ရင်း ရထားစီးလာသည့်အချိန်၊ ရထားပေါ်မှာ မှတ်တိုင်တစ်ခုမှာ ကြောင်ကြီးတစ်ကောင် တက်လာပြီး Shizuku အတွက် အထူးအဆန်းဖြစ်သွားခဲ့ပါတယ်။ ပိုထူးဆန်းတာက ကြောင်ကြီးက လူအတိုင်းပဲ သူဆင်းချင်တဲ့ မှတ်တိုင်မှာ ဆင်းသွားတာပါ။ ဒါနဲ့ ကြောင်ကြီးကို စိတ်ဝင်စားပြီး Shizuku ကနောက်ကလိုက်ရင်း ဘာတွေ ဖြစ်သွားမလဲဆိုတာကိုစိတ်ဝင်စားဖွယ် ဆက်လက်ရှုစားကြရမှာပါ။

t.me/cartoonmoviesmms/893

လူပုလေး ၇ ယောက် (၂၀၁၄)

လူပုလေး ၇ ယောက်လို့ ပြောလိုက်ရင် ပန်းသီးလေးကိုက်တဲ့ စနှိုးဝှိုက် ဇာတ်လမ်းလေးကို လူတိုင်းမြင်မိကြမှာပါ။ ဒီဇာတ်လမ်းလေးကတော့ ခေတ်သစ် လူပုလေးဇာတ်လမ်းလို့ ပြောရမှာပါ။ ဇာတ်လမ်းအကျဉ်းကတော့ မင်းသမီးလေး ရိုစ် အသက် ၁၈ နှစ် မပြည့်ခင် လက်ကို ဆူးစူးခံရရင် မင်းသမီးလေးနဲ့အတူနန်းတော်က လူတွေအားလုံး အိပ်မောကျသွားပြီး မင်းသမီးလေးကို အမှန်တကယ်ချစ်မြတ်နိုးသူကသာ မင်းသမီးလေးကို နမ်းမှ ကျိန်စာပျယ်မယ်လို့ စုန်းမကြီးက ကျိန်ဆိုခဲ့ပါတယ်။ ဒါကြောင့် မင်းသမီးလေးကို သူမရဲ့ဖခမည်းတော်ဘုရင်ကြီးကဆူးထိမခံရအောင် သံချပ်ကာတွေအထပ်ထပ်နဲ့ အသက် ၁၈ နှစ်အထိ ဝတ်ဆင်စေခဲ့ပါတယ်။ သူမရဲ့မွေးနေ့မှာ စုန်းမကြီးရဲ့ ဆူးကို ထိမိပြီး အိပ်မွေ့ကျသွားခဲ့ရာမှ လူပုလေး ၇ ယောက်က သူမရဲ့ ချစ်သူကောင်လေးကို စုန်းမကြီးလက်ထဲကနေကယ်တင်ကာ မင်းသမီးလေးဆီ ပြန်လည်ပို့ဆောင်ပေးခဲ့ပုံတွေကို ရှုစားရမယ့်ဇာတ်လမ်းမျိုး ဖြစ်ပါတယ်။ ယခင် လူပုလေးဇာတ်လမ်းမျိုးနှင့် မတူဘဲ တစ်မူအသွင်ထူးခြားတဲ့ စွန့်စားခန်းများ ဇာတ်လမ်း ဇာတ်ကွက်များကို ခံစားရမှာဖြစ်လို့ အချိန်ပေးကြည့်ရှုဖို့ ထိုက်တန်တဲ့ အန်နီမေးရှင်း ကားကောင်းလေး တစ်ကား ဖြစ်ပါတယ်။

t.me/cartoonmoviesmms/711

ကျွန်တော်နှင့် စက်ရုပ်လေး တန်ဂ် (၂၀၂၂)

နည်းပညာတွေ တိုးတက်မြင့်မားလာပြီး အနာဂတ်နဲ့ မဝေးတော့တဲ့ကာလမှာ လူသားတွေရဲ့ နေ့စဉ်ကိစ္စတွေကို အကူအညီပေးဖို့ လှပကျော့ရှင်းတဲ့ စက်ရုပ်တွေလည်း ကိုယ်စီကိုယ်စီရှိနေကြပါပြီ။ ဒီလိုခေတ်ကြီးထဲမှာ တန်ဂ် ဆိုတဲ့ ဟောင်းဟောင်းနွမ်းနွမ်း ရိုးရိုးယဉ်ယဉ် စက်ရုပ်လေးဟာ စက်ရုပ်တွေမှာ မရှိတဲ့ စိတ်ခံစားချက်တွေရှိနေပါသတဲ့။ တစ်နေ့ ကန် တို့ မိသားစုအိမ် နောက်ကခြံလေးကို စက်ရုပ်လေး တန်ဂ် ရောက်လာတယ်ပေါ့နော်။ ကန် ဆိုတာက အလုပ်သင် ဆရာဝန်လုပ်ရင်း အကြောင်းကိစ္စတစ်ခုကြောင့် ဆေးပညာလောကကနေ အနားယူပြီး အလုပ်မလုပ်ဘဲ အိမ်မှာပဲ တစ်နေကုန် ဂိမ်းဆော့အချိန်ဖြုန်းနေသူပါ။ ဇနီးဖြစ်သူ အဲမီ ဟာ ရှေ့နေအလုပ်လည်းလုပ်၊ အိမ်အလုပ်လည်းလုပ်ပြီး မိသားစုကို ဦးဆောင်နေသူ၊ ခင်ပွန်းသည်ကိုလည်း အလုပ်လေးတစ်ခုလောက်ဖြစ်ဖြစ် လုပ်စေချင်သူပဲ ဖြစ်တယ်။ ကန် တစ်ယောက် အလုပ်အင်တာဗျူး မသွားတာကို အဲမီ သိသွားတဲ့အခါမှာတော့ စိတ်ဆိုးပြီး အိမ်က မောင်းချလိုက်ပါတော့တယ်။ ဒီလိုနဲ့ အဲမီ စိတ်ဆိုးနေတာ ချော့ဖို့ သူမလိုချင်တဲ့ စားဖိုမှူးစက်ရုပ်ကို တန်ဂ် နဲ့ လဲလှယ်ယူဖို့ ဆိုပြီး ကန် နဲ့ တန်ဂ် တို့ ခရီးကို စတင်ခဲ့ပါတော့တယ်။ လမ်းခရီးမှာ ဘာတွေ ဆက်ဖြစ်ကြမလဲ? တန်ဂ် ရဲ့ ပုံပြင်ကရော ဘယ်လိုမျိုးလဲ?

t.me/cartoonmoviesmms/703

နတ်သမီးလေး မက်ဗ်ကာ (၂၀၂၃)

IMDB - 7.4/10
Genre - Adventure, Fantasy

ဟိုးလွန်ခဲ့တဲ့ ဆောင်းရာသီတစ်ခုတုန်းကပေါ့။ အမှောင်တောင်တန်းကြီးရဲ့ အနောက်ဘက်တောအုပ်ထဲမှာ အစောင့်အရှောက်နတ်တွေ မှီတင်းနေထိုင်ခဲ့ကြတယ်။ တစ်ရက်မှာ သစ်စက်ပိုင်ရှင်လူသားတစ်ယောက်က သူ့ရဲ့ မွေးကာစရောဂါသည် သမီးလေးကို ကယ်တင်ဖို့အတွက် တောစောင့်နတ်ကြီးဆီကနေ ဆေးရည်လေးတစ်ခု လာတောင်းခဲ့တယ်။ ဒီလိုနဲ့ သမီးဖြစ်သူလည်း အသက်ဆက်ရှင်သွားခဲ့တာပေါ့။ ဒါပေမဲ့ လောဘပိုးမသတ်နိုင်တဲ့ သစ်စက်ပိုင်ရှင်ကြီးက တောအုပ်ဆီကို စစ်တပ်ကြီးတစ်ခုနဲ့ ချီတက်လာပြီး ဆေးရည်ထုတ်ပေးတဲ့ သစ်ပင်ကို အပိုင်သိမ်းဖို့ ကြိုးစားတော့တာပါပဲ။ အဲဒီမှာပဲ အစောင့်အရှောက်နတ်တွေနဲ့ လူသားတွေရဲ့ ရန်ပွဲတွေ စတင်လာခဲ့လိုက်တာ မက်ဗ်ကာ ဆိုတဲ့ နတ်သမီးလေးတို့ခေတ်ထိဆိုပါတော့။ ဒါပေမဲ့ လူးကတ်စ် ဆိုတဲ့ ဂီတပညာရှင်ကောင်လေးက တစ်စုံတစ်ယောက်ရဲ့ ခိုင်းစေမှုကြောင့် တောအုပ်ထဲကို အဲဒီသစ်ပင်ရှာဖို့ ရောက်လာခဲ့ပြီး မက်ဗ်ကာ နဲ့ တွေ့ဆုံသွားတဲ့အချိန်မှာတော့ လူသားတွေနဲ့ အစောင့်အရှောက်နတ်တွေကြား ဘာတွေ ဆက်ဖြစ်လာမလဲဆိုတာ ကြည့်ရှု့ခံစားလိုက်ကြပါဦး။

t.me/cartoonmoviesmms/701