ဆင်ကလေး ဟော်တွန် (၂၀၀၈)

ဟော်တွန်ဆိုတဲ့ ဆင်ကလေးတစ်ကောင်ဟာ ပျော်ပါးကစားနေရင်းနဲ့ ပန်းဝတ်မှုံအရွယ်အစားလောက်ပဲရှိတဲ့ ကမ္ဘာသေးသေးလေးတစ်ခုကို အမှတ်မထင်တွေ့သွားပါတယ်။ မယုံနိုင်ပေမယ့် တကယ့်အစစ်အမှန်ဖြစ်နေမှန်းသိသွားတဲ့အခါမှာ ကမ္ဘာသေးသေးလေးထဲက သက်ရှိလေးတွေနဲ့ ဆက်သွယ်ပြီး အဲ့ဒီကမ္ဘာသေးသေးလေးကို လုံခြုံအောင်လုပ်ပေးဖို့ ဆုံးဖြတ်လိုက်ပါတော့တယ်။ ဒါပေမယ့်လည်း ထုံးစံအတိုင်း အဖျက်တရားက ဝင်လာတဲ့အခါမှာတော့ ဟော်တွန်တစ်ယောက် ကမ္ဘာသေးသေးလေးကို ဘယ်လိုကာကွယ်ပေးနိုင်မလဲ ဆိုတာကို ကြည့်ရှုခံစားကြည့်ကြပါဦး။ တစ်ခုပြောချင်တာက ဒီလိုကာတွန်းကာတွန်းရုပ်ရှင်ဆိုတာ ကလေးတစ်ယောက်လိုကြည့်ရင် ကလေးကာတွန်းကားအနေနဲ့ဖြစ်ပေမယ့် လူကြီးတစ်ယောက်လို ကြည့်ရင်တော့ လူကြီးအတွေးနဲ့ ရုပ်ရှင်ကားတစ်ကားဖြစ်သွားမှာပါ။ ရုပ်ရှင်ကပေးတဲ့ message လေးကို သိအောင်လုပ်ရင်း အတွေးပွားစေလိုပါတယ်။

t.me/cartoonmoviesmms/721

စကူဘီဒူး နှင့် မှင်စာဘုရင် (၂၀၀၈)

t.me/cartoonmoviesmms/813

စကူဘီဒူး နှင့် သွေးစုပ်ကောင်၏ဂီတ (၂၀၁၂)

t.me/cartoonmoviesmms/815

စကူဘီဒူး နှင့် လမိစ္ဆာရူး (၂၀၁၅)

t.me/cartoonmoviesmms/817

စကူဘီဒူး - သောက်ပလုပ်တုတ် (၂၀၂၁)

t.me/cartoonmoviesmms/819

စကူဘီဒူး - လက်ဝှေ့တိုက်ပွဲ (၂၀၁၃)

t.me/cartoonmoviesmms/821

စကူဘီဒူး - မမ်မီဘယ်မှာလဲ (၂၀၀၅)

t.me/cartoonmoviesmms/823

စကူဘီဒူး နှင့် မိစ္ဆာကျွန်း (၁၉၉၈)

IMDb - 7.7/10
Genre - Mystery

စကူဘီတို့ အဖွဲ့သားတွေဟာ လျှို့ဝှက်ဆန်းကြယ်မှုတွေ ဖြေရှင်းတိုင်း နောက်ဆုံးမှာ လူတွေအယောင်ဆောင်တာပဲ ဖြစ်နေတဲ့အတွက် ငြီးငွေ့လာကြပြီး ကိုယ်စီ လမ်းခွဲလို့ အဆင်ပြေရာ အလုပ်တွေ ခွဲလုပ်ကြပါတယ်။ ဒက်ဖနီ က သူ့ကိုယ်ပိုင် တီဗီရှိုးမှာ ခြောက်လှန့်တတ်တဲ့နေရာတွေအကြောင်း ရိုက်ကူးတင်ဆက်ရာကနေ Season 2 အတွက် နေရာရှာတာက ဇာတ်လမ်းစပါတယ်။ ဒီတစ်ခါမှာတော့ တကယ် သရဲအစစ် ခြောက်တဲ့နေရာကို လိုချင်တာပါ။ ဒီလိုနဲ့ သရဲခြောက်တဲ့နေရာတွေ ရှိတယ်လို့ နာမည်ကြီးတဲ့ လူဝီဆီယာနာကို သူ့အဖွဲ့သားတွေပါ ခေါ်ပြီး ခရီးထွက်ခဲ့ပါတယ်။ လမ်းမှာနားတုန်း လီနာ ဆိုတဲ့ မိန်းကလေးနဲ့ ဆုံပြီး သူ အလုပ်လုပ်တဲ့ အိမ်ကြီးမှာ တကယ့် သရဲတွေ ရှိတယ်ဆိုပြီး ဖိတ်ခေါ်တဲ့အတွက် စကူဘီဒူးတို့ အဖွဲ့ လိုက်သွားပါတော့တယ်။ ရေကန်ကြီး တစ်ဖက်ခြမ်းက အိမ်ကြီးမှာ ဘယ်လိုအကြောင်းကြောင့် သရဲတွေ ရှိနေတာလဲ။ နောက်ထပ် ဘယ်လို ဆန်းကြယ်မှုတွေ ရင်ဆိုင်ရဦးမလဲ။

t.me/cartoonmoviesmms/825

ခွေး နှင့် အီတလီသားများ မဝင်ရ (၂၀၂၂)

၂၀ရာစုအစပိုင်းကာလရဲ့ နိုင်ငံရေးနဲ့ စီးပွားရေး အပြောင်းအလဲတွေကြားမှာ လုပ်ရှားရုန်းကန်ခဲ့ရတဲ့ မိသားစုလေးအကြောင်းကို ရိုက်ပြထားတဲ့ Animation/Coloring Cartoon ဇာတ်ကားကောင်းလေးတစ်ကားပဲ ဖြစ်ပါတယ်။ ဒီဇာတ်ကားလေးရဲ့ ထူးခြားချက်ကတော့ အဲဒီကာလအတွင်းမှာ ဖြစ်ပျက်ခဲ့တဲ့ မိသားစုနဲ့ နိုင်ငံရေးအခက်အခဲတွေကို သရုပ်ဆောင်တွေနဲ့ သရုပ်ဆောင်တာမဟုတ်ဘဲ နဲ့ ကာတွန်းဇာတ်ကောင်လေးတွေနဲ့ သရုပ်ဆောင်ပြီးတော့ ဇာတ်ကွက်ကို ပုံဖော်သွားတာပဲ ဖြစ်ပါတယ်။ အီတလီနိုင်ငံ မြောက်ပိုင်း အူတဲရာ ကျေးရွာလေးမှာ နေထိုင်တဲ့ မိသားစုလေးရဲ့ ဘဝဇာတ်ကြောင်းကို မြေးတော် စပ်သူတစ်ယောက်ကနေ Background Story အနေနဲ့ ပြန်လည်တမ်းတတဲ့ ဇာတ်လမ်းလေးတစ်ပုဒ်ပေါ့။ ဒီဇာတ်ကားလေးကို ကြည့်ရင်း ကြည့်ရင်းနဲ့ ရင်ထဲမှာ ခံစားချက် တစ်ခုခု ကျန်ခဲ့မယ့် Feeling မျိုး ပေးစွမ်းမယ့် အကြောင်းအရာတွေကို ဇာတ်ကားလေးထဲမှာပဲ ကြည့်ရှုခံစားလိုက်ကြပါဦးနော်။ Rating ကလည်း ကောင်းကောင်းနဲ့ ဆိုတော့ ပြောစရာမလိုတော့ဘူးပေါ့။

t.me/cartoonmoviesmms/827

ဝယ်လိုဘီမိသားစု (၂၀၂၀)

ဒီကာတွန်းလေးကတော့ အရင်ကြည့်ဖူးတဲ့ ပုံတွေနဲ့ မတူဘဲ တမူထူးဆန်းပြီး ရယ်ရပါတယ်။ ဇာတ်လမ်းကိုတော့ ကြောင်ဆရာကြီးတစ်ကောင်က ပြောပြနေတဲ့ပုံနဲ့ တည်ဆောက်ထားပါတယ်။ ဆရာကြောင် က ပြောတယ် မိသားစုတွေ ချစ်ခင်တာတွေ စည်းလုံးတာတွေ အဆုံးသတ်မှာ ပြန်ပေါင်းတဲ့ ဇာတ်လမ်းမျိုးတွေကို သဘောကျတတ်ရင် ဒီရုပ်ရှင်က မင်းအတွက် မဟုတ်ပါဘူးတဲ့။ ဟုတ်ပါတယ်၊ ဒီရုပ်ရှင်ထဲက အဓိက မိသားစုကတော့ ဝယ်လိုဘီ မိသားစုပါ။ သူတို့တွေဟာ အစဉ်အဆက် သိပ္ပံပညာရှင်တွေ၊ အနုပညာရှင်တွေ ကြီးမြတ်တဲ့သူတွေ ဖြစ်ခဲ့ပါတယ်။ ဒါပေမယ့် မျိုးဆက်တစ်ခုအရောက်မှာတော့ တော်နေ တတ်နေကြတာတွေအဆုံးသတ်သွားသလိုပါပဲ။ ဝယ်လိုဘီ ဇနီးမောင်နှံဟာ ဘာမှ မထူးချွန်ပေမယ့် တစ်ယောက်ကို တစ်ယောက် အရမ်းချစ်ကြပါတယ်။ ချစ်တာမှ အခြား ဘယ်သူ့ကိုမှ မချစ်တတ်လောက်အောင်ကို ချစ်တာပါ။ လင်မယားချင်းပဲ ချစ်ကြပြီး မွေးထားတဲ့ ကလေး ၄ ယောက်ကိုတော့ မေတ္တာတစ်စက်မှ မရှိကြသလို သာမန်ဂရုစိုက်မှုမျိုးလေးတောင် မလုပ်ပါဘူး။ နေ့တိုင်း လင်မယားနှစ်ယောက်ထဲ သာယာနေကြတာပါ။ ဒီတော့ ကလေး ၄ ယောက်လည်း မိဘကျေးဇူးဆပ်တဲ့အနေနဲ့ သေဖို့ ရာနှုန်း ၉၀ လောက်ရှိတဲ့ နေရာတွေအကုန် တန်းစီပြီး မိဘ ၂ ယောက်ကို အပျော်ခရီးစဉ်တပ်ပေးပြီး မရဏလမ်းကို စီစဉ်ပေးလိုက်ပါတော့တယ်။ မိဘမဲ့ဖြစ်ဖို့ ကြိုးစားကြတာပါတဲ့။ ဒါပေမယ့် မိဘ ၂ ယောက်ကလည်း ကလေးတွေကို မချစ်ပေမယ့် အိမ်ကိုတော့ စိတ်မချသေးတော့ ဈေးအပေါဆုံး၊ ဘယ်သူမှ မလိုချင်တဲ့ ကလေးထိန်းကို ရှာပြီး အပ်ထားခဲ့ပါတယ်။ အဲဒီနောက်မှာတော့ အဲဒီ ကလေးထိန်း ရယ်၊ မိဘတွေရယ်၊ မိဘမဲ့စောင့်ရှောက်ရေးအဖွဲ့တွေရယ် စွန့်စားခန်းဖွင့်စရာတွေ အကြောင်း ဖန်လာပါတော့တယ်။

t.me/cartoonmoviesmms/390

ဂြိုဟ်နံပတ် ၅၁ (၂၀၀၉)

ဒီကာတွန်းကားလေးကတော့ အစိမ်းရောင်ဂြိုလ်သားတွေဘက်ကနေရိုက်ကူးထားတာပါ။ သူတို့အနေနဲ့ကြည့်ရင် ကျွန်တော်တို့ဟာ ပြောလို့တောင်မရနိုင်တဲ့ အန္တရယ်ရှိဆုံးဂြိုလ်သားတွေပေါ့လေ။ ဒီတော့ အစိမ်းရောင်ဂြိုလ်သားတွေဟာ ထင်မြင်ချက်ပေါင်းများစွာနဲ့ ကြိုတင်ကာကွယ်မှုတွေပေါင်းစုံလုပ်သလို စောင့်ကြည့်ရေးတပ်ဖွဲ့ပေါင်းများစွာနဲ့လည်း သူတို့ဂြိုလ်ကိုကာကွယ်ထားတယ်။ သို့ပေမယ့် တစ်နေ့တော့ သူတို့ဂြိုလ်ကို အမေရိကန်အလံကြီးကိုင်ပြီး အာကာသယာဉ်မှုးကမ္ဘာဂြိုလ်သားတစ်ယောက်ဆင်းချလာပါလေရော။ အစိမ်းရောင်ဂြိုလ်အတွက် တကယ့်ကိုသွေးပျက်ဖွယ်ရာအဖြစ်ပါပဲ။ ကိုင်း ။ဘာတွေဆက်ဖြစ်မလဲ။

t.me/cartoonmoviesmms/388

အောစတားဖလားအိမ်မက် (၂၀၂၂)

ဘောလုံးသမား မိုဗစ်ချ် ကိုတော့ လူတိုင်းသိကြမှာပါ။ ဇာတ်ကောင်ကိုတော့ မိုဗစ်ချ် လို ဆွဲထားပေမဲ့ အပြင်က မိုဗစ်ချ် လိုတော့ လူကြမ်းကြီး မဟုတ်ပါဘူး။ ဇာတ်လမ်းက ကလေးကားဆိုတော့ မိုဗစ်ချ် အစစ်လိုတော့ မဟုတ်ဘူးပေါ့။ ဇလာတန် ဆိုတဲ့ ဘောသမားတစ်ယောက်ဟာ အောစတား ဆိုတဲ့ ဖလားကို ပြိုင်ဆိုင်ဖို့အတွက် နောက်ဆုံးပွဲစဉ် ရောက်ခါနီးမှာ ကလေးတစ်သိုက်နဲ့ ဆုံတွေ့ခဲ့ပါတယ်။ နောက်ပြီး သူ့ရဲ့ ဘောစကေးတွေကို လိုချင်နေတဲ့ သိပ္ပံညာရှင်အရူးတစ်ယောက်က ဇလာတန် ရဲ့ ဘောစကေးတွေကို ခိုးသွားတဲ့အချိန်မှာ စကေးတွေ မရှိတော့တဲ့ ဇလာတန် နဲ့ ကလေးတစ်သိုက်ဟာ ပြိုင်ဘက်အသင်းကို ဘယ်လိုအနိုင်ယူပြီး အောစတား ဖလားကို အရယူနိုင်မလဲ။

t.me/cartoonmoviesmms/386

တန်ခိုးရှင်မျောက်နှင့်ဝိဇ္ဇာနတ်ဧကရာဇ်  

လွန်ခဲ့တဲ့ နှစ်နှစ်သောင်းတုန်းက ကောင်းကင်တန်ခိုးရှင်က ကောင်းကင်ဘုံမှာ ပြဿနာရှာခဲ့လို့ တိုက်ပွဲမှာရှုံးနိမ့်သွားကာ ကျန်ရစ်ဝိညာဉ်ကလည်း ပင်လယ်ထဲကို နစ်မြှုပ်သွားပါတယ်။ မဟာတန်ခိုးရှင်ရဲ့အမွေအနှစ်ကလည်း လူ့လောကထဲကို ကျရောက်သွားပြီး ရေစက်ပါတဲ့ လူကို စောင့်မျှော်နေခဲ့ပါတယ်။ သုန်းဝူအိမ်ရှေ့စံမင်းသား ဝူယွိ က အခင်မင်ရဆုံးမိတ်ဆွေ သစ္စာဖောက်ခြင်းကို ခံခဲ့ရပြီး အိမ်ရှေ့စံအဖြစ်ကနေ အကျဉ်းသား ဖြစ်သွားခဲ့ရပါတယ်။ မျှော်လင့်ချက်မဲ့နေတဲ့အချိန်အတွင်းမှာပဲ သူက ကောင်းကင်တန်ခိုးရှင်ရဲ့ အမွေအနှစ်ကို ရရှိခဲ့ပါတယ်။ သူက ကျင့်ကြံရေး လမ်းကြောင်းထဲကို ခြေချခဲ့ပြီး မဟာတန်ခိုးရှင်နဲ့ ပူးပေါင်းကာ နတ်တန်ခိုးတွေကို ကျင့်ကြံခဲ့အခါမှာတော့။ သူဟာ ရန်သူတော်တွေကို ပြန်လည်လက်စားချေနိုင်မလား။ အသုံးမကျတဲ့အိမ်ရှေ့စံကနေ လူသားတွေမျက်လုံးထဲမှာ လေးစားရတဲ့ ဝိဇ္ဇာနတ်ဧကရာဇ် ဖြစ်လာနိုင်ပါ့မလား။ ကဲ ဒါလေးကတော့ မျောက်ဘုရင် စွန်းဝူခုန်း ကြီးနဲ့ အိမ်ရှေ့စံလေး ဝူယွိ တို့ လူ့လောကတစ်ခွင်မှာ သောင်းကျန်းတဲ့ကားလေးပဲ ဖြစ်ပါတယ်။ နှစ်ယောက်သား လူ့လောကမှာ သောင်းကျန်းရတာအားမရလို့ နတ်ပြည်အထိပါ တက်ပြီး သောင်းကျန်းမှာဖြစ်ပါတယ်။

t.me/animeseriesmyanmar/905