ဘုရင်မကြီးရဲ့ ခွေးကလေး (၂၀၁၉)

ဘုရင်မကြီး အဲလိဇဘက်မှာ အချစ်တော် ကော်ဂီခွေးလေးတွေအမြောက်အမြားရှိကြတာ သိကြမှာပါနော်။ တော်ဝင် ကော်ဂီတွေ လို့တောင် ခေါ်ရတဲ့အထိ ဘုရင်မကြီးက သက်တမ်းကြာ တစ်လက်တည်း ချစ်ပြီး အခမ်းအနားတွေမှာ တောင် နန်းခမ်းနန်းနားနဲ့ တက်ခွင့်ရတဲ့ ကလေးလေးတွေပါပဲ။ ခုကားမှာတော့ အဲဒီအကြောင်းလေးကို ကာတွန်းကားအဖြစ် ပုံဖော်ထားတာဖြစ်ပါတယ်။ ဘုရင်မကြီးဟာ ကော်ဂီလေးတွေ အများကြီးရှိတဲ့ထဲကမှ ရက်ဇ် ဆိုတဲ့ ကော်ဂီလေးကို အချစ်ဆုံးခေါင်းဆောင်ခွေးလေးအနေနဲ့ သတ်မှတ်ထားပေးတဲ့အထိ ချစ်မြတ်နိုးရတာပါ။ ဒါပေမယ့် တစ်နေ့မှာတော့ အမေရိကန် သမ္မတ လာလည်တုန်း ရက်ဇ် လေးဟာမတော်တဆ ပြဿနာရှာလိုက်မိပါတယ်။ ဘုရင်မကြီးလည်း စိတ်မဆိုးစဖူး ဆိုးသွားပါတော့တယ်။ အဲဒါကို အခွင့်ကောင်းယူပြီး ရက်ဇ် လေးကို မနာလိုသူ ချာလီ ဟာ လက်စဖျောက်ဖို့ ကြံပါတယ်။ ရုန်းကန်ရင်း လွတ်မြောက်ဖို့ ကြိုးစားရင်း နဲ့ သူ့ဘဝရဲ့ အချစ်စစ်ကို ရှာတွေ့သွားချိန်မှာတော့ ချစ်သူကို ကာကွယ်ပေးဖို့ ဆိုတဲ့ တာဝန်ကိုပါ ထမ်းဆောင်ရပါတော့တယ်။ ရက်ဇ် လေး အနေနဲ့ ချာလီ လက်ထဲက လွတ်မြောက်နိုင်ပါ့မလား၊ သူ့ချစ်သူကို ကာကွယ်နိုင်မှာလား၊ တချိန်မှာ ရော ပြန်ကလဲ့စား ချေနိုင်မှာလား၊ သူချစ်တဲ့ ဘုရင်မကြီးရင်ခွင်ထဲ ပြန်ရောက်နိုင်ပါ့မလားဆိုတာကိုတော့ ဇာတ်လမ်းထဲမှာ ကြည့်ရှုရမှာပါ။

t.me/cartoonmoviesmms/803

ကလေးများနှင့် ဂြိုလ်သားတို့တိုက်ပွဲ (၂၀၂၂)

ကလေးတွေနဲ့ ဂြိုလ်သားတွေ တိုက်ခိုက်ကြတဲ့ကားပါ။ စမ် နဲ့ ဂါရီ တို့ မောင်နှမက နပန်းသတ်တာတို့ တိုက်ခိုက်ရတာတို့ကို ကြိုက်တဲ့သူတွေပါ။ သူတို့မြို့ကပြဿနာရှာတတ်တဲ့ ဆယ်ကျော်သက်အဖွဲ့နဲ့လည်း မတည့်ကြပါဘူး။ ဒါပေမယ့်ဆယ်ကျော်သက်အဖွဲ့ထဲက အဖွဲ့ခေါင်းဆောင် ဘီလီ က စမ် တို့ မိဘတွေခရီးသွားတဲ့အချိန် သူတို့အိမ်မှာ ပါတီလုပ်ခွင့်ရအောင်ဆိုပြီး စမ် ကို ချစ်ချင်ယောင်ဆောင်ပြီး ချဉ်းကပ်လာပါတယ်။ စမ် က ဘီလီ ကို ကြွေသွားပြီး အိမ်မှာ ပါတီလုပ်ခွင့်ပေးလိုက်ပေမယ့် ဂါရီ ကတော့ သူ့အစ်မနဲ့ သူ့ကြား ဝင်လို့ဆိုပြီး ပြန်လက်စားချေဖို့ ချောင်းနေပါတယ်။ သူတို့အိမ်မှာ ပါတီလုပ်တဲ့ညမှာပဲ ဘီလီ ရဲ့ သရုပ်မှန်တွေပေါ်လာပြီး ပြဿနာတွေ ဖြစ်နေတဲ့အချိန်မှာ ဂြိုလ်သားတွေက ပါတီကိုရောက်လာပြီး လူတွေကို တိုက်ခိုက်ပါတော့တယ်။ ဘီလီ ကြောင့် အဆင်မပြေဖြစ်ခဲ့ကြတဲ့ စမ် နဲ့ ဂါရီ တို့ မောင်နှမနှစ်ယောက်နဲ့ ဂါရီ ရဲ့ သူငယ်ချင်းတွေရယ် ဂြိုလ်သားတွေကို ဘယ်လို ရင်ဆိုင်တိုက်ခိုက်ကြမလဲဆိုတာ ဇာတ်လမ်းထဲမှာပဲဆက်လက် ကြည့်ရှုလိုက်ပါ။

t.me/cartoonmoviesmms/805

နောက်ကွယ်ကလူ (၁၉၉၅)

2029 ခုနှစ်မှာ နည်းပညာက အရမ်းထွန်းကားနေပြီး Cyborg တွေကို နေရာတိုင်းမှာ တွေ့မြင်နိုင်ပြီး လူတွေရဲ့ ဦးနှောက်ကို အင်တာနက်နဲ့ တိုက်ရိုက် ချိတ်ဆက်နိုင်တဲ့အထိ တိုးတက်နေတဲ့ခေတ်ကာလပဲ ဖြစ်ပါတယ်။ တိုးတက်လာတဲ့ နည်းပညာနဲ့အတူ အန္တရာယ်တွေလည်း ပါလာပါတယ်။ Puppetmaster ဟာ နည်းပညာကို အသုံးချပြီး လူတွေရဲ့ ဦးနှောက်ကို Hack နေတဲ့ Hacker တစ်ဦးဖြစ်ပြီး၊ Cyborg ရဲမှုးဖြစ်သူ မိုတိုကို ကာဆူနာဂီ နဲ့ သူ့ရဲ့ အဖွဲ့ဟာ Puppetmaster နဲ့ ထိပ်တိုက် ရင်ဆိုင်ဖို့ ဖြစ်လာတဲ့အခါမှာတော့။

t.me/cartoonmoviesmms/809

ကိုနိုဆုဘ (၂၀၁၉)

2016 ခုနှစ်မှာ အတွဲနှစ်ခုနဲ့ထွက်ပြီး အတော်လေးရယ်ရတာကြောင့် ပရိတ်သတ်တွေအကြိုက်တွေ့ခဲ့တဲ့ ကိုနိုဆုဘ စီးရီးဟာ 2019 ခုနှစ်မှာ ရုပ်ရှင်တခုအနေနဲ့ထွက်လာခဲ့ပါပြီ။ ရုပ်ရှင်မှာလဲ လုံးဝဇာတ်ရှိန်ကျသွားတာမျိုးမရှိပဲ သူ့ဇာတ်လမ်းနဲ့ သူရယ်နေရတာကို တွေ့ရဦးမှာပါ။ ဒီရုပ်ရှင်မှာတော့ ကာဇူမ နဲ့ သူရဲ့ အလွဲချော်နိုင်ဆုံး အဖွဲ့ကို Crimson Demon မျိုးနွယ်စုရွာက ကယူနီယူန် က ဘာတွေအားကိုးပြီးလဲ မသိ သူတို့ရွာကို မိစ္ဆာဘုရင်တိုက်ခိုက်မှုမှာ ကယ်တင်ဖို့ အားကိုးတကြီးခေါ်လိုက်ပါတယ်။ ကာဇူမတို့ အဲ့ဒီရွာမှာ မိစ္ဆာဘုရင်နဲ့ သွားရောက်တိုက်ခိုင်းရင်းခရီးသွားလမ်းမှာ ရောရွာရောက်တဲ့အချိန်မှာရော မိစ္ဆာဘုရင်နဲ့တိုက်ခိုက်တဲ့ထိ တလျှောက်လုံး အခွီတွနဲ့ ခည်းပဲ ကြည့်ရမှာပါ။

t.me/cartoonmoviesmms/811

စုံထောက်ကိုနန် (၂၀၁၉)

တစ်နေ့သ၌ ကျွန်ုပ်၏အိမ်တွင် နိစ္စဓူဝအလုပ်ဖြစ်သော တီထွင်ဖန်တီးကလိသောအလုပ်ကိုလုပ်နေခိုက် မောင်နန် နှင့် မိယွန်း တို့ ရောက်လာကြလေသည်။ မောင်နန် ၏ အမူအရာသည် တစ်စုံတစ်ခုကို အလိုရှိနေသောအမူအရာဖြစ်နေ၍ ကျွန်ုပ်လည်း အဘယ်သို့သောအကြောင်းကြောင့်စိတ်နှလုံးအိမ်၌ လိုချင်တပ်မက်မှု အာရုံထင်‌ေနပေသနည်းဟု မေးမိလေရာ မောင်နန် လေးကသူ၏ချစ်သူ မိလွမ်း သည် စင်္ကာပူသို့ အလည်ခရီးသွားသဖြင့် နောက်ကလိုက်ချင်နေကြောင်း၊ စင်္ကာပူသို့ ဝင်ရန် လိုအပ်သော စာရွက်စာတမ်း အင်ထုရန်အလို့ငှာ ကျွန်ုပ်၏ အကူအညီကိုလိုအပ်နေကြောင်း ပြောပြ အကူအညီ တောင်းခံလေ၏။ ကျွန်ုပ်လည်း တတ်သည့်ပညာအလကားမရဆိုသည့် နှလုံးကို မူလျက် မောင်နန် ဆီက ဖွတ်ကလိဒင်္ဂါးပြားတောင် မရနိုင်သည်ကို သိ၍ မကူညီနိုင်ကြောင်း ယဉ်ယဉ်ကျေးကျေးအော်ငေါက်ဆဲဆို၍ ပြောလိုက်ရာ မောင်နန် လေးသည် အင်မတန် အိန္ဒြေကြီးသောအမူအရာဖြင့် နှုတ်ခမ်းစူခြေဆောင့်ကာ ထွက်သွားလေသည်။ ဤသို့ဖြင့် မောင်နန် လေးသည် ကျွန်ုပ်အပေါ်သဘောထားကြီးစွာဖြင့် စိတ်ကောက်နေပြီး အိမ်သို့ပေါ်မလာပဲ နေရာ သီတင်းအပတ်နှစ်ပတ်ခန့်ကြာမှ ဘလက်ဘိုင်လိုက်ပြီး ပြန်ပေါ်လာ၏။ အဘယ်ကြောင့် ဤသို့ ဘလက်ဘိုင်လိုက်နေရသနည်း။

t.me/cartoonmoviesmms/594

ပွန်မ်ပို - ရုပ်ရှင်ချစ်သူလေး (၂၀၂၁)

ပွန်မ်ပို ဆိုတဲ့ကောင်မလေးက ညလိဝုဒ်မှာ ဇာတ်ကားအသေးလေးတွေနဲ့ အရမ်းနာမည်ကြီးတဲ့ ရုပ်ရှင်ထုတ်လုပ်သူတစ်ယောက်ပေါ့။ သူက ရုပ်ရှင်ကြည့်ရတာအရမ်းကြိုက်တဲ့အတွက် တစ်နေ့မှာ သူ့ရဲ့လက်ထောက်ဖြစ်သူ ဂျင်းဖီနီ ကို သူရုပ်ရှင်ဘယ်လောက်ကြိုက်ကြောင်းတွေ ပြောပြပြီး သူကိုယ်တိုင်ရေးထားတဲ့ဇာတ်ညွှန်းတစ်ခုကို ဇာတ်ကားအဖြစ်ရိုက်ဖို့အတွက် ဂျင်း ကို ဒါရိုက်တာလုပ်ခိုင်းဖို့ တာဝန်ပေးလိုက်တယ်။ ဂျင်း ကလည်း ငယ်ငယ်ကတည်းက ရုပ်ရှင်ဖန်တီးချင်တဲ့အိပ်မက်ရှိပေမယ့် အခုမှ စရိုက်ရမှာဆိုတော့ သူ့ရဲ့အခက်အခဲတွေက ဘာတွေဖြစ်မလဲ။ ဘယ်လိုတွေကျော်လွှားမလဲဆိုတာ ကြည်ကြည်နူးနူးနဲ့ ကြည့်ရမယ့် အန်နမီ လေးပဲဖြစ်ပါတယ်ဗျ။

t.me/cartoonmoviesmms/532

‌မင်းသမီးလေးနော်စီကာ (၁၉၈၄)

IMDb - 8/10
Genre - Fantasy, Sci-fi

နောင်လာမယ့် နှစ်ပေါင်းများစွာအကြာမှာ ကမ္ဘာကြီးဟာ စစ်ပွဲတွေနဲ့ လေထု၊ ရေထု ညစ်ညမ်းမှုတွေကြောင့် လူသားမျိုးနွယ်အားလုံး မျိုးသုဉ်းလုနီးပါး ဖြစ်ခဲ့တယ်။ ကျန်ရစ်တဲ့ လူသားတွေကလည်း သယံဇာတအရင်းအမြစ်တွေ အတွက် စစ်မက်တွေ ဆက်လက်ဖြစ်ပွားခဲ့တယ်။ အဲ့ဒီအထဲမှာမှ နော်စီကာ မင်းသမီးလေး အုပ်ချုပ်တဲ့ လေညင်းတောင်ကြားမှာရှိတဲ့ တိုင်းပြည်လေးကတော့ အဆိပ်သင့်တောအုပ်ရဲ့ အနီးဆုံးမှာရှိပေမယ့် အေးချမ်းတဲ့ တိုင်းပြည်တစ်ခု ဖြစ်တယ်။ တစ်နေ့မှာတော့ အင်အားကြီး တိုင်းပြည်နှစ်ခုရဲ့ စစ်ပွဲကြား လေညင်းတောင်ကြားတိုင်းပြည်လေး ကြားညပ်လာတဲ့အခါ မင်းသမီးနော်စီကာ တစ်ယောက် သူ့ရဲ့တိုင်းပြည်ကို ကယ်တင်နိုင်ပါ့မလားဆိုတာကို ကြည့်ရှုရမှာဖြစ်ပါတယ်။

t.me/cartoonmoviesmms/598

ကြောင်ကလေးရဲ့ အိမ်အပြန် (၂၀၀၂)

တစ်နေ့မှာ ဟရု ဆိုတဲ့ အထက်တန်းကျောင်းသူလေးဟာ ကျောင်းသွားတဲ့လမ်းမှာ လမ်းဖြတ်ကူးနေတဲ့ ကြောင်လေးကို ကားတိုက်ခံရမှာကနေ ကယ်ပေးခဲ့ပါတယ်။ ဒါပေမဲ့ သူကယ်ခဲ့တဲ့ ကြောင်လေးဟာ စကားပြောတတ်တဲ့အပြင် ကြောင်တိုင်းပြည်ရဲ့ အိမ်ရှေ့စံ မင်းသားလေး ဖြစ်နေပါတော့တယ်။ အဲဒီကနေစလို့ ဟရု ရဲ့ နေ့စဉ်ဘဝမှာ ကြောင်တွေနဲ့ပတ်သက်လို့ ထူးဆန်းဆန်းတွေ စဖြစ်လာပြီး နောက်ဆုံးမှာ ကြောင်တိုင်းပြည်ကို ခေါ်ဆောင်သွားခံရဖို့ ဖြစ်လာတဲ့အခါမှာ။ တကယ်လို့ သူမက အဲ့ဒီတိုင်းပြည်ထဲမှာ ထင်ဟပ်နေသွားရင်ဘယ်လိုဖြစ်မလဲ။ ဟရု တစ်ယောက် မိမိဘဝကို ပြန်မသွားနိုင်တော့ဘဲ ကြောင်ဘဝကို ဝင်ရောက်သွားမှာလားဆိုတာကို စိတ်ဝင်တစား ကြည့်ရှုရမှာဖြစ်ပါတယ်။

t.me/cartoonmoviesmms/600