ပင်လယ်ဂီတ (၂၀၁၄)

၂၀၁၅ ခုနှစ် ၈၇ ကြိမ်မြှောက် အော်စကာဆုရွေးပွဲမှာ အကောင်း‌ဆုံး အန်နီမေးရှင်း ဆုအတွက် ဆန်ကာတင်ပါဝင်ခဲ့တဲ့ဇာတ်ကားပါ။

t.me/cartoonmoviesmms/502

ဆန်တာမန်း (၂၀၂၂)

ပူလောင်ခြင်းတွေမပါဘဲ ငယ်ဘဝကာတွန်းကား အနှစ်သာရကို ခံစားချင်ပါသလား မိတ်ဆွေ။ အဲ့ဒါဆိုရင် ဒီကားလေးက သင့်အတွက်ပါပဲနော်။

ခရစ္စမတ်တိုင်းရဲ့ ဇာတ်လိုက်ကျော် ဆန်တာကလော့စ် ဟာ ခရစ္စမတ်နေ့မှာ လက်ဆောင်ထုတ်တွေပို့ရင်း သူ့ရဲ့ လက်ဆောင်အိတ်ကို သူခိုးတွေ လုတာခံလိုက်ရပါတယ်။ ထာဝရအသက်ရှင်နေသမျှ ကာလပတ်လုံး လူကောင်းတွေအတွက် လက်ဆောင်တွေကို နှစ်စဥ်ပို့နေပေမယ့် လူဆိုး အမည်ပျက်စာရင်းဝင်တဲ့သူတွေအတွက် ဘာမှ မလုပ်ပေးနိုင်တာမို့ အားမလိုအားမရဖြစ်နေတာပေါ့။ အဲ့လိုနဲ့ ဆန်တာ တစ်ယောက် လူဆိုးတွေကို ဖမ်းဆီးဖို့ ဆန်တာမန်း အဖြစ် အလုပ်တွေ ကြိုးစားပါတော့တယ်။ ဒါပေမဲ့ တခြားတစ်ဖက်မှာ ဆန်တာ ရဲ့ ထာဝရအသက်ရှင်နိုင်စွမ်းကို လိုချင်နေတဲ့ လူဆိုးတစ်ယောက်ရှိနေပြန်တယ်။ လူဆိုးရဲ့ ရည်ရွယ်ချက်အထမြောက်သွားနိုင်မလား။ ဆန်တာ ကို ဘယ်သူတွေ ကူညီကြမလဲ။ လူဆိုးကရော ဘယ်သူလဲ။ ကဲ၊ ရှားဗတ် ဗားရှင်း ဆန်တာမန်း ကို ခံစားကြည့်ရှုကြပါဦး။

t.me/cartoonmoviesmms/500

မှော်ဝင်ပုလွေ (၂၀၂၂)

ခရစ္စမတ်အကြိုညလေးမှာ မာရီတို့အိမ်ကိုသတင်းဆိုးတစ်ခုရောက်လာပါတယ်။မာရီတို့အဖေသေသွားတဲ့အခါ မစ္စတာရက်တာ ဆိုတဲ့သူဆီမှာ ဒေါ်လာတစ်သိန်းအကြွေးတင်နေခဲ့ပြီး အကြွေးမဆပ်နိုင်ရင် မစ္စတာရက်တာ က မာရီကို သူ့ဇနီးလုပ်ပေးရမယ်လို့ ပြောလာပါတယ်။မစ္စတာရက်တာ ဟာ မာရီကို သူနဲ့လက်ထပ်ဖို့စဉ်းစားစေချင်တဲ့အတွက် နော့ခရက်ကာ ဆိုတဲ့အရုပ်လေးတစ်ရုပ်ကိုလည်းလက်ဆောင်ပေးခဲ့ပါတယ်။မာရီ ဟာ သတင်းကြားပြီးတော့ စိတ်ပျက်ဝမ်းနည်းပြီး အပူအပင်ကင်းခဲ့တဲ့ကလေးဘဝကိုပြန်တမ်းတတတ်နေရင်း သီချင်းလေးတစ်ပုဒ်ညည်းဆိုခဲ့ပါတယ်။ဖြစ်ချင်တော့ သီချင်းဆိုပြီးတာနဲ့ မှော်ပညာတစ်ခုအသက်ဝင်လာပြီး မာရီ က အရမ်းသေးငယ်သွားပြီးတော့ သူ့ရဲ့အရုပ်လေးတွေနဲ့ နော့ခရက်ကာ က အသက်ဝင်လာခဲ့ပါတယ်။မာရီ ရဲ့နဂိုအခြေအနေကို ပြန်ရောက်အောင်ကြိုးစားရင်းနဲ့ နော့ခရက်ကာ ဟာ မင်းသားဂျော့ချ် ဖြစ်နေခဲ့ပြီး မာရီ လိုပဲ ကျိန်စာကြောင့် အရုပ်အဖြစ်ပြောင်းသွားမှန်းသိရတဲ့အခါမှာတော့။မာရီ၊ မင်းသားဂျော့ချ် နဲ့ မာရီ ရဲ့အရုပ်လေးတွေက ကျိန်စာပြေအောင် ဘယ်လိုကြိုးစားကြမလဲဆိုတာကို comedy, romance ဆန်ဆန် ကြည့်ရှုရမှာပဲဖြစ်ပါတယ်။

t.me/cartoonmoviesmms/498

ပီ၏စွန့်စားခန်း (၂၀၂၁)

ဇာတ်ကားမှာ တိုင်းပြည်တစ်ပြည်ရဲ့ မင်းကြီးနတ်ရွာလားသွားပြီးတဲ့နောက် အဲဒီတိုင်းပြည်က မင်းသားလေးအရွယ်မရောက်ခင်အထိ မှော်ဆရာတစ်ယောက်က ရင်ခွင်ပိုက်အုပ်ချုပ်ခဲ့ပါတယ်။ မင်းသားလေးအရွယ်ရောက်လို့ ထီးနန်းလွှဲပေးရမယ့်အချိန်မှာ မှော်ဆရာက အရင်မင်းကြီးကို အဆိပ်ခတ်လုပ်ကြံခဲ့သလို မင်းသားလေးကိုပါ သတ်ဖို့ကြံပါတယ်။ အဲဒီအချိန်မှာ ပီ ဟာ အဆိပ်ဖော်တဲ့နေရာကို ခိုးဝင်လာပြီး ဆေးတွေကို ဗြောင်းဆန်အောင်လုပ်ပစ်တာကြောင့် မင်းသားလေးဟာ ဆေးသောက်မိပြီး မသေဘဲ ကြက်ကြောင်ဖြစ်သွားပါတယ်။ ကြက်ခေါင်း ကြောင်ကိုယ်နဲ့ ကြက်ကြောင်ဖြစ်သွားတဲ့ မင်းသားလေးကို ပီ က မှော်ဆရာရဲ့မွေးစားအမေနေတဲ့ ကျိန်စာသင့်တောအုပ်ကြီးထဲ ခေါ်သွားပြီး ဖြေဆေးရအောင်ကူညီပေးပါတယ်။ အပြန်အလှန်အနေနဲ့ ပေးရတာကတော့ အရင်မင်းကြီးချန်ထားခဲ့တဲ့ ရတနာသိုက်ကြီးပါ။ ဒီလိုနဲ့ ကူကယ်ရာမဲ့ ကချော်ကချွတ်ဖြစ်နေတဲ့ ကြက်ကြောင်ကြီးဟာ ကိုယ်အားကိုယ်ကိုး နေနေရတဲ့ ကလေးမလေး ရယ်၊ ကက်ကက်လန်အောင် ကန့်လန့်ဖီလာတိုက် ကန်းမစကားဆိုနေတဲ့ ရုပ်သေးရုပ် ရယ်၊ ကိုရိုးကားရား ကိုးလိုးကန့်လန့် အကောင်လေးသုံးကောင် နဲ့အတူ ချစ်စရာသဘာဝဆန်တဲ့ စွန့်စားခန်းတစ်ခုထဲ ဝင်ရောက်သွားပါတော့တယ်။

t.me/cartoonmoviesmms/496

ဂျီဗားနီးရဲ့ ကျွန်းကလေး (၂၀၁၄)

t.me/cartoonmoviesmms/731

စကူဘီဒူး - ကြောက်စရာသတ္တဝါကြီးများ (၂၀၁၄)

t.me/cartoonmoviesmms/715

ဆင်ကလေး ဟော်တွန် (၂၀၀၈)

ဟော်တွန်ဆိုတဲ့ ဆင်ကလေးတစ်ကောင်ဟာ ပျော်ပါးကစားနေရင်းနဲ့ ပန်းဝတ်မှုံအရွယ်အစားလောက်ပဲရှိတဲ့ ကမ္ဘာသေးသေးလေးတစ်ခုကို အမှတ်မထင်တွေ့သွားပါတယ်။ မယုံနိုင်ပေမယ့် တကယ့်အစစ်အမှန်ဖြစ်နေမှန်းသိသွားတဲ့အခါမှာ ကမ္ဘာသေးသေးလေးထဲက သက်ရှိလေးတွေနဲ့ ဆက်သွယ်ပြီး အဲ့ဒီကမ္ဘာသေးသေးလေးကို လုံခြုံအောင်လုပ်ပေးဖို့ ဆုံးဖြတ်လိုက်ပါတော့တယ်။ ဒါပေမယ့်လည်း ထုံးစံအတိုင်း အဖျက်တရားက ဝင်လာတဲ့အခါမှာတော့ ဟော်တွန်တစ်ယောက် ကမ္ဘာသေးသေးလေးကို ဘယ်လိုကာကွယ်ပေးနိုင်မလဲ ဆိုတာကို ကြည့်ရှုခံစားကြည့်ကြပါဦး။ တစ်ခုပြောချင်တာက ဒီလိုကာတွန်းကာတွန်းရုပ်ရှင်ဆိုတာ ကလေးတစ်ယောက်လိုကြည့်ရင် ကလေးကာတွန်းကားအနေနဲ့ဖြစ်ပေမယ့် လူကြီးတစ်ယောက်လို ကြည့်ရင်တော့ လူကြီးအတွေးနဲ့ ရုပ်ရှင်ကားတစ်ကားဖြစ်သွားမှာပါ။ ရုပ်ရှင်ကပေးတဲ့ message လေးကို သိအောင်လုပ်ရင်း အတွေးပွားစေလိုပါတယ်။

t.me/cartoonmoviesmms/721

ငါ နင့်ကိုချစ်တယ်ဆိုတာ သိစေချင်တယ် (၂၀၁၆)

t.me/cartoonmoviesmms/801

ဘုရင်မကြီးရဲ့ ခွေးကလေး (၂၀၁၉)

ဘုရင်မကြီး အဲလိဇဘက်မှာ အချစ်တော် ကော်ဂီခွေးလေးတွေအမြောက်အမြားရှိကြတာ သိကြမှာပါနော်။ တော်ဝင် ကော်ဂီတွေ လို့တောင် ခေါ်ရတဲ့အထိ ဘုရင်မကြီးက သက်တမ်းကြာ တစ်လက်တည်း ချစ်ပြီး အခမ်းအနားတွေမှာ တောင် နန်းခမ်းနန်းနားနဲ့ တက်ခွင့်ရတဲ့ ကလေးလေးတွေပါပဲ။ ခုကားမှာတော့ အဲဒီအကြောင်းလေးကို ကာတွန်းကားအဖြစ် ပုံဖော်ထားတာဖြစ်ပါတယ်။ ဘုရင်မကြီးဟာ ကော်ဂီလေးတွေ အများကြီးရှိတဲ့ထဲကမှ ရက်ဇ် ဆိုတဲ့ ကော်ဂီလေးကို အချစ်ဆုံးခေါင်းဆောင်ခွေးလေးအနေနဲ့ သတ်မှတ်ထားပေးတဲ့အထိ ချစ်မြတ်နိုးရတာပါ။ ဒါပေမယ့် တစ်နေ့မှာတော့ အမေရိကန် သမ္မတ လာလည်တုန်း ရက်ဇ် လေးဟာမတော်တဆ ပြဿနာရှာလိုက်မိပါတယ်။ ဘုရင်မကြီးလည်း စိတ်မဆိုးစဖူး ဆိုးသွားပါတော့တယ်။ အဲဒါကို အခွင့်ကောင်းယူပြီး ရက်ဇ် လေးကို မနာလိုသူ ချာလီ ဟာ လက်စဖျောက်ဖို့ ကြံပါတယ်။ ရုန်းကန်ရင်း လွတ်မြောက်ဖို့ ကြိုးစားရင်း နဲ့ သူ့ဘဝရဲ့ အချစ်စစ်ကို ရှာတွေ့သွားချိန်မှာတော့ ချစ်သူကို ကာကွယ်ပေးဖို့ ဆိုတဲ့ တာဝန်ကိုပါ ထမ်းဆောင်ရပါတော့တယ်။ ရက်ဇ် လေး အနေနဲ့ ချာလီ လက်ထဲက လွတ်မြောက်နိုင်ပါ့မလား၊ သူ့ချစ်သူကို ကာကွယ်နိုင်မှာလား၊ တချိန်မှာ ရော ပြန်ကလဲ့စား ချေနိုင်မှာလား၊ သူချစ်တဲ့ ဘုရင်မကြီးရင်ခွင်ထဲ ပြန်ရောက်နိုင်ပါ့မလားဆိုတာကိုတော့ ဇာတ်လမ်းထဲမှာ ကြည့်ရှုရမှာပါ။

t.me/cartoonmoviesmms/803

ကလေးများနှင့် ဂြိုလ်သားတို့တိုက်ပွဲ (၂၀၂၂)

ကလေးတွေနဲ့ ဂြိုလ်သားတွေ တိုက်ခိုက်ကြတဲ့ကားပါ။ စမ် နဲ့ ဂါရီ တို့ မောင်နှမက နပန်းသတ်တာတို့ တိုက်ခိုက်ရတာတို့ကို ကြိုက်တဲ့သူတွေပါ။ သူတို့မြို့ကပြဿနာရှာတတ်တဲ့ ဆယ်ကျော်သက်အဖွဲ့နဲ့လည်း မတည့်ကြပါဘူး။ ဒါပေမယ့်ဆယ်ကျော်သက်အဖွဲ့ထဲက အဖွဲ့ခေါင်းဆောင် ဘီလီ က စမ် တို့ မိဘတွေခရီးသွားတဲ့အချိန် သူတို့အိမ်မှာ ပါတီလုပ်ခွင့်ရအောင်ဆိုပြီး စမ် ကို ချစ်ချင်ယောင်ဆောင်ပြီး ချဉ်းကပ်လာပါတယ်။ စမ် က ဘီလီ ကို ကြွေသွားပြီး အိမ်မှာ ပါတီလုပ်ခွင့်ပေးလိုက်ပေမယ့် ဂါရီ ကတော့ သူ့အစ်မနဲ့ သူ့ကြား ဝင်လို့ဆိုပြီး ပြန်လက်စားချေဖို့ ချောင်းနေပါတယ်။ သူတို့အိမ်မှာ ပါတီလုပ်တဲ့ညမှာပဲ ဘီလီ ရဲ့ သရုပ်မှန်တွေပေါ်လာပြီး ပြဿနာတွေ ဖြစ်နေတဲ့အချိန်မှာ ဂြိုလ်သားတွေက ပါတီကိုရောက်လာပြီး လူတွေကို တိုက်ခိုက်ပါတော့တယ်။ ဘီလီ ကြောင့် အဆင်မပြေဖြစ်ခဲ့ကြတဲ့ စမ် နဲ့ ဂါရီ တို့ မောင်နှမနှစ်ယောက်နဲ့ ဂါရီ ရဲ့ သူငယ်ချင်းတွေရယ် ဂြိုလ်သားတွေကို ဘယ်လို ရင်ဆိုင်တိုက်ခိုက်ကြမလဲဆိုတာ ဇာတ်လမ်းထဲမှာပဲဆက်လက် ကြည့်ရှုလိုက်ပါ။

t.me/cartoonmoviesmms/805