လရှစ်ဆင်းရဲ့ ဒဏ္ဍာရီ (၂၀၂၃)

ဒဏ္ဍာရီတွေအရ နှစ်ပေါင်း ၅၀၀ ကြာတိုင်းမှာ နတ်ဆိုးဝိဥာဉ်တွေကို ဆက်သွယ်ထိန်းချုပ်နိုင်တဲ့ “စတိ”နတ်စွမ်းအားဟာ မိန်းမပျိုတစ်ဦးရဲ့အသွင်နဲ့ နိုးထလာလိမ့်မယ်လို့ အဆိုရှိခဲ့တယ်။ အဲဒီစွမ်းအားဟာ အရာအားလုံးကို ဖန်တီးနိုင်သလို ဖျက်လည်းဖျက်ဆီးလိုက်နိုင်တာမို့ စကြဝဠာတစ်ခုလုံးရဲ့ ကပ်ဆိုးကြီး တစ်ခုလည်း ဖြစ်လာနိုင်ခဲ့တယ်။ ဝမ်နရာဂြိုဟ်ရဲ့ လမင်းရှစ်စင်း တစ်တန်းတည်းကျပြီး သေဆုံးခြင်းပင်လယ်နဲ့ အပြိုင်ဖြစ်သွားချိန်မှာ “စတိ”စွမ်းအား အမှားဘက်မရောက်အောင် ထိန်းသိမ်းပေးမယ့် မှော်ဝင် စစ်သည်တော်တွေ မွေးဖွားလာလိမ့်မယ်ဆိုတဲ့ ဒဏ္ဍာရီလည်း ရှိနေခဲ့တယ်။ ဒီဒဏ္ဍာရီတွေကို ယုံကြည်ခဲ့တဲ့ စစ်သူကြီး ဆူခရစ်ပ် က မှော်ဝင်စစ်သည်တော်တွေ ဖြစ်လာနိုင်တဲ့ ဝါယု၊ဝေလာ၊ဘူစဘာ ဆိုတဲ့ တပည့်သုံးယောက်ကို စောင့်ရှောက်သင်ကြားပေးခဲ့ပြီး ဝမ်နရာဂြိုဟ်ရဲ့ဘုရင် ဖာလီလက်အောက်ကို ဝေလာ နဲ့ ဘူစဘာ ကို သူလျှိုအဖြစ် စေလွှတ်ခဲ့တယ်။ ဝမ်နရာကို အုပ်ချုပ်သူ အယိုဒယားပြည့်ရှင်ရဲ့ သားတော် ရမ် ရဲ့ မိဖုရားဆီတာ ဟာ နတ်ဆိုးဝိဥာဉ်တွေနဲ့ ဆက်သွယ်နိုင်လာခဲ့တာမို့ “စတိ” စွမ်းအား နိုးထလာတော့မယ်ဆိုတဲ့ ဒဏ္ဍာရီ စတင်လာပါတော့တယ်။

t.me/cartoonmoviesmms/783

လူပုလေး ၇ ယောက် (၂၀၁၄)

လူပုလေး ၇ ယောက်လို့ ပြောလိုက်ရင် ပန်းသီးလေးကိုက်တဲ့ စနှိုးဝှိုက် ဇာတ်လမ်းလေးကို လူတိုင်းမြင်မိကြမှာပါ။ ဒီဇာတ်လမ်းလေးကတော့ ခေတ်သစ် လူပုလေးဇာတ်လမ်းလို့ ပြောရမှာပါ။ ဇာတ်လမ်းအကျဉ်းကတော့ မင်းသမီးလေး ရိုစ် အသက် ၁၈ နှစ် မပြည့်ခင် လက်ကို ဆူးစူးခံရရင် မင်းသမီးလေးနဲ့အတူနန်းတော်က လူတွေအားလုံး အိပ်မောကျသွားပြီး မင်းသမီးလေးကို အမှန်တကယ်ချစ်မြတ်နိုးသူကသာ မင်းသမီးလေးကို နမ်းမှ ကျိန်စာပျယ်မယ်လို့ စုန်းမကြီးက ကျိန်ဆိုခဲ့ပါတယ်။ ဒါကြောင့် မင်းသမီးလေးကို သူမရဲ့ဖခမည်းတော်ဘုရင်ကြီးကဆူးထိမခံရအောင် သံချပ်ကာတွေအထပ်ထပ်နဲ့ အသက် ၁၈ နှစ်အထိ ဝတ်ဆင်စေခဲ့ပါတယ်။ သူမရဲ့မွေးနေ့မှာ စုန်းမကြီးရဲ့ ဆူးကို ထိမိပြီး အိပ်မွေ့ကျသွားခဲ့ရာမှ လူပုလေး ၇ ယောက်က သူမရဲ့ ချစ်သူကောင်လေးကို စုန်းမကြီးလက်ထဲကနေကယ်တင်ကာ မင်းသမီးလေးဆီ ပြန်လည်ပို့ဆောင်ပေးခဲ့ပုံတွေကို ရှုစားရမယ့်ဇာတ်လမ်းမျိုး ဖြစ်ပါတယ်။ ယခင် လူပုလေးဇာတ်လမ်းမျိုးနှင့် မတူဘဲ တစ်မူအသွင်ထူးခြားတဲ့ စွန့်စားခန်းများ ဇာတ်လမ်း ဇာတ်ကွက်များကို ခံစားရမှာဖြစ်လို့ အချိန်ပေးကြည့်ရှုဖို့ ထိုက်တန်တဲ့ အန်နီမေးရှင်း ကားကောင်းလေး တစ်ကား ဖြစ်ပါတယ်။

t.me/cartoonmoviesmms/548

လိပ်နင်ဂျာ (၂၀၀၇)

IMDb - 6.2/10
Genre - Action, Fantasy

လိပ်နင်ဂျာ တို့ရဲ့ ရန်သူတော်ကြီး ရှရက်ဒါ ကို အနိုင်ယူပြီး အချိန်ကို ရိုက်ကူးထားတာပါ။ ရှရက်ဒါ ကို အနိုင်ယူပြီး လီယိုနာဒို က လေ့ကျင့်ရေးလုပ်ဖို့ တောထဲထွက်သွားခဲ့ပါတယ်။ တစ်ဖက်မှာ ကျန်ခဲ့တဲ့ ညီအစ်ကိုသုံးကောင်ကလည်း သူ့နည်း သူ့ဟန်နဲ့ ရှင်သန်ရုန်းကန်နေကြတာပေါ့။ ဒီတစ်ခါ သူတို့ ရင်ဆိုင်ရမဲ့ ရန်သူတော်ကြီးက လွန်ခဲ့တဲ့ နှစ်သောင်းထောင်ကတည်းက အသက်ရှင်နေတဲ့ သူရဲကောင်းဘုရင်ကြီး ရုတ် ပဲဖြစ်ပါတယ်။ သူဟာ ကီကန်ကြယ် ရဲ့ အလန်းတန်းကို အသုံးပြုပြီးဝင်ပေါက်တစ်ခု ဖန်တီးရာကနေ မသေမျိုး ဖြစ်လာခဲ့တာပါ။ တန်ကြေးအနေနဲ့ သူ့ညီအစ်ကိုဗိုလ်ချုပ်လေးယောက်ဟာ ကျောက်ရုပ်တွေ ဖြစ်သွားခဲ့ပါတယ်။ သူဟာ နှစ်သုံးထောင်ကြာ အောင် တစ်ယောက်ထဲ နောင်တတွေနဲ့ ရှင်သန်ပြီး သူ့ညီအစ်ကိုတွေကို အသက်ပြန်သွင်းဖို့ စောင့်နေပါတယ်။ ဝင်ပေါက်ကနေ လွတ်နောက် ထပ်မံဘေးထွက်ဆိုးကျိုးအနေနဲ့ သတ္တဝါကြီး ၁၃ ကောင်ဟာ ကမ္ဘာမြေပေါ်ကို လွတ်ထွက်လာခဲ့ပါတယ်။ သတ္တဝါကြီး ၁၃ ကောင်ကို ပြန်ဖမ်းရင်း သူ့ညီအစ်ကို စစ်ဗိုလ်တွေကို အသက်ပြန်သွင်းမဲ့ ရုတ် ရဲ့ အကြံအစည်ကို လိပ်နင်ဂျာ တွေက တားဆီးမှာကို ကြည့်ရှုရမှာပဲ ဖြစ်ပါတယ်။ တိုက်ခိုက်ခန်း ကောင်းကောင်းလေးတွေ ပါတာမို့ ကားကောင်းလေးပဲ ဖြစ်ပါတယ်။

t.me/cartoonmoviesmms/550

မီရိုင် (၂၀၁၈)

“ကွန်” ဆိုတဲ့ ၄ နှစ်သားအရွယ်ကလေးလေးတစ်ယောက်၊ မိဘမေတ္တာတွေကို ပုံပြီးရနေတဲ့အချိန်မျိုးမှာမှ သူ့ဘဝထဲကို “မိရိုင်” ဆိုတဲ့ညီမလေးတစ်ယောက် ဝင်ရောက်လာတဲ့အခါ အဖေနဲ့အမေဆီကရနေကြ အာရုံစိုက်မှု အလိုလိုက်မှု စတဲ့ဂရုစိုက်ခံရမှုအားလုံးကလည်း ညီမလေးဖြစ်သူ “မိရိုင်” ဆီ အလိုလိုရောက်ရှိသွားပါတယ်။ ၄ နှစ်သားအရွယ်ကလေးတစ်ယောက်ရဲ့ မနာလိုမှု ဝမ်းနည်းကြေကွဲမှုတွေက ညီမလေး “မိရိုင်” ဆီ ဒေါသအဖြစ် ရောက်သွားပါတယ်။ ဒီလိုမျိုးတစ်ယောက်တည်းအထီးကျန်နေတဲ့ “ကွန်” ဆီကို ညီမဖြစ်သူ “မိရိုင်” ကအနာဂတ်ကနေ လူငယ်အသွင် ရောက်ရှိလာတဲ့အခါ “ကွန်” တစ်ယောက် ဘယ်လိုထူးဆန်းမှုတွေရဲ့ကြုံလာရမလဲ၊ “မိရိုင်” က ဘာလို့ အနာဂတ်ကနေ ရောက်လာရတာလဲ၊ တစ်အိမ်လုံးရဲ့ ဖူးဖူးမှုတ်ခံထားရတဲ့အချိန် ရုတ်တရက် လျစ်လျူရှုခြင်းခံလိုက်ရတဲ့ ကလေးတစ်ယောက်က အနာဂတ်မှာ ဘယ်လိုတွေဖြစ်လာမလဲ။

t.me/hanacartoons/6162

စုန်းမတစ်ယောက်ရဲ့ နေ့စဉ်ဘဝ (၂၀၁၆)

Genres - Fantasy, Slice of life

ဒီကားလေးကတော့ အေးအေးဆေးဆေး Chill ချင်တဲ့သူတွေကြည့်သင့်တဲ့ Anime ကောင်းလေးတစ်ခုပါ ၊ စုန်းမတစ်ယောက်ရဲ့ သာမန်နေ့စဥ်ဘဝလေးကို ကြည့်ရမှာမို့ စိတ်ဝင်စားဖို့လည်း ကောင်းပါတယ်ဗျ။

t.me/animeseriesmyanmar/1559

မွန်းစတား တက္ကသိုလ် (၂၀၁၃)

မိုက် နဲ့ ဆူလီ ဆိုတဲ့ မွန်းစတား နှစ်ကောင်ဟာ ကမ္ဘာပေါ်မှာ ကြောက်စရာအကောင်းဆုံး မွန်းစတား ဆိုတဲ့ ဘွဲ့ရအောင် မွန်းစတား တက္ကသိုလ် ကို လာတက်ကြပါတယ်။ သူတို့နှစ်ယောက်က အစမှာတော့ မဟာပြိုင်ဘက်တွေဖြစ်ကြပေမယ့် အဆုံးမှာတော့ ရန်သူတွေဖြစ်မလား၊ ဒါမှမဟုတ် အကောင်းဆုံး BFF တွေဖြစ်လာမလားဆိုတာကို ကြည့်ရှုရမှာပါ။

t.me/cartoonmoviesmms/785

ခွေးကြီး မာမဒူး (၂၀၂၂)

ခန္ဓာကိုယ်ကကြီးမားသလောက် ကလေးဆိုးကြီးလို အဆော့မက်ပြီး ထိန်းမနိုင်သိမ်းမရဖြစ်နေတဲ့ ပြာကလက်စိန်ဂရိတ်ဒိန်းခွေးအမျိုးအစားလေး မာမဒူး က တစ်နေ့မှာတော့ သူ့ကိုထိန်းမရလို့ သူ့သခင်ဖိလ်က အခန်းပိတ်အပြစ်ပေးခဲ့ပါတယ်။ ခန္ဓာကိုယ်ကိုသာလှောင်ပိတ်လို့ရမယ်၊ ပြာကလက်စိန်လုပ်တတ်တဲ့ငါ့ရဲ့အကျင့်ကိုတော့ လှောင်ပိတ်မရဘူးဆိုတဲ့မူနဲ့အတူ သူမွှေခဲ့ပါတော့တယ်။ အပြင်ဘက်မှာ ဖိလ် ရဲ့သား မာမဒူး က ရဲ့သူငယ်ချင်းလေး ဘီလီ ရဲ့မွေးနေ့ပွဲ ကျင်းပနေချိန် အပေါ်ထပ်သော့ခတ်ထားတဲ့အခန်းထဲကနေ သူခုန်ထွက်လာခဲ့ပါတယ်။ ပါတီပွဲတစ်ခုလုံးကို ဖျက်ဆီးပစ်လိုက်ရဲ့ သူ့ရဲ့အမွှေစိန်ဖြစ်ရပ်ကို မှတ်တမ်းတင်ကာဆိုရှယ်မီဒီယာထက်တင်လိုက်ရာက လူကြိုက်များကျော်ကြားလာခဲ့ပါတော့တယ်။ ဒီလို ထိန်းမနိုင်သိမ်းမရဖြစ်နေတဲ့ မာမဒူး က ရဲ့သတင်းကို ခြောက်ကြိမ်ဆက်ချန်ပီယံခွေးလေ့ကျင့်ရေးသမား ဂိုင် ဟစ်လ်တန် တွေ့သွားခဲ့ရာကနေ မာမဒူး က ရဲ့အနာဂတ် ဘယ်လိုဆက်ဖြစ်လာမလဲ။

t.me/cartoonmoviesmms/787

ဝံပုလွေ၏ အိမ်မက်ဆိုး (၂၀၂၁)

ဒီကားထဲမှာ ဗက်ဆီမာ ရဲ့ငယ်ဘဝဇာတ်ကြောင်း၊ ဝှစ်ချာ တစ်ယောက်ဖြစ်လာဖို့ ကျော်ဖြတ်ရတဲ့ စမ်းသပ်မှုတွေ၊ သူ့ရဲ့ စွန့်စားခန်းတွေနဲ့အတူ ရှေးအယူအရ သာမန်လူတွေ၏ ဝှစ်ချာ တွေကို ပုံမှန်မဟုတ်တဲ့ သဘောထားတွေကိုလည်း ပေါ်လွင်အောင် ရိုက်ကူးပေးထားပါတယ်။ ဒါ့အပြင် ကဲဒွင် တိုင်းပြည်က ဂေခရက်စ် က ဝှစ်ချာ တွေကို ရန်ငြိုးရန်ကြောင့် မကောင်းဆိုးဝါးတွေ၊ နတ်ဆိုးတွေနဲ့ ပူးပေါင်းပြီး ဗက်ဆီမာ တိုရဲ့ ဝှစ်ချာ တိုင်းပြည်ကြီးကို အပြီးတိုင် အမြစ်ဖြတ်ပစ်ဖို့ ကြိုးစားလာတဲ့အခါမှာ ကြမ်းကြမ်းတမ်းတမ်း အပြောအဆိုတွေ၊ သတ်ခန်းဖြတ်ခန်းတွေကို သွေးသံတရဲရဲနဲ့ ပီပီပြင်ပြင် တင်ဆက်ထားတာကြောင့် R-rated အဖြစ် သတ်မှတ်လိုရပါတယ်။

t.me/cartoonmoviesmms/789

ဆန့်ကျင်ဖက် လူသားနှစ်ယောက် (၂၀၂၃)

IMDb - 6.9/10
Genre - Fantasy, Comedy

သဘာဝလွန် စိတ်ကူးယဥ် ဟာသလေးတွေကို နှစ်သက်တဲ့သူတွေအတွက်ကာတွန်းကားကောင်းလေး ကြည့်ရှုလို့ရပါပြီ။ ကျောင်းမှာ အဆိုးဆုံးအတန်းလို့ နာမည်ကြီးတဲ့အတန်းက အဆိုးဆုံးကျောင်းသားလေး ဝမ်ချန် အမြဲတမ်းကျောင်းလစ်ပြီး အင်တာနက်ကဖေးမှာ သူငယ်ချင်းတွေနဲ့ ဂိမ်းသွားဆော့တတ်တဲ့ကောင်လေး။ ဆရာမ ရှီးမြောင်နာ့ ကတော့ စည်းကမ်းတင်းကြပ်လွန်းပြီး ထူးချွန်ဆရာရွေးချယ်တဲ့ သရုပ်ပြသင်ကြားရေးအတန်းရဲ့ဆုကို အရမ်းလိုချင်လို့ ကြိုးစားနေသူ ဆရာမတစ်ယောက်။ ဆိုးသွမ်းတဲ့ ဝမ်ချန် တို့အဖွဲ့နဲ့ ဆရာမရှီးကတော့ အမြဲ ဆန့်ကျင်ဘက်ဖြစ်နေခဲ့ပါတယ်။ တစ်နေ့ သူတို့နှစ်ယောက်ကြား ပဋိပက္ခဖြစ်ရင်း အကြောင်းအမျိုးမျိုးကြောင့် ခန္ဓာကိုယ်ချင်းလဲလှယ်သွားရတယ်။ ခန္ဓာကိုယ်လဲသွားခဲ့တဲ့ ဆရာမနဲ့ ကျောင်းသား ရှေ့ဆက်ဘာတွေ ဖြစ်ကြမလဲ။ ဆန့်ကျင်ဘက်လူသားနှစ်ယောက် အချင်းချင်း နားလည်မှုတွေရသွားနိုင်မလား။ ခန္ဓာကိုယ်လဲသွားလို့ ဖြစ်လာတဲ့ ပြသာနာတွေကို ရော ဘယ်လို ရင်ဆိုင်မလဲ။ ခန္ဓာကိုယ်ရော ပြန်လဲနိုင်ပါ့မလား။

t.me/cartoonmoviesmms/791

လကိုစောင့်ရှောက်သူ (၂၀၁၄)

အကျင့်ပျက်အုပ်စိုးသူ Necross က Sohone ထံမှ နေကိုခိုးယူခြင်းဖြင့်လ၏ဟန်ချက်ကို နှောင့်ယှက်သောအခါ၊ လဖယောင်းနှင့် ဖယောင်းဖြင့်ပြုလုပ်ထားသော မိန်းကလေးတစ်ဦးက နေကိုပြန်လည်ရရှိရန်နှင့် လကိုပြန်လည်ထူထောင်ရန် ကူညီရတဲ့ ဇာတ်လမ်း​လေးကို ကြည့်ရှူရမှာပါ။

t.me/cartoonmoviesmms/793

ပင်လယ်သတ္တဝါကြီး (၂၀၂၂)

ဇာတ်လမ်းကတော့ ပင်လယ်ထဲက ထူးဆန်းတဲ့ သားရဲကြီးတွေနဲ့ ပင်လယ်မုဆိုးတွေရဲ့ တိုက်ပွဲကို အခြေခံထားတာပါ။ အကောင်ဆန်းတွေကို ချစ်စရာတွေလုပ်ထားတဲ့အတွက် ကလေးတွေလည်း ကြည့်လို့အရမ်း သဘောကျမှာပါ။ မေစီ ဆိုတဲ့ ကောင်မလေးဟာ မုဆိုးမျိုးရိုးက ဆင်းသက်လာသူဖြစ်ပြီး သူ့မိဘတွေကပင်လယ်တိုက်ပွဲမှာ သေဆုံးသွားခဲ့လို့ မိဘမဲ့ဖြစ်နေသူပါ။ သူကလည်း သူ့မိဘတွေလို မုဆိုးလုပ်ချင်တဲ့ စိတ်ရှိပြီး မုဆိုးသင်္ဘောတွေထဲက နာမည်အကြီးဆုံးဖြစ်တဲ့ အင်အက်ဗစ်ထဘဲ ဆိုတဲ့ သင်္ဘောပေါ်ကို ခိုးပြီး တက်လိုက်သွားပါတယ်။ အဲဒီမှာပဲ သင်္ဘောပေါ်က ကပ္ပတိန်ကြီး ခရိုး နဲ့ သူ့ရဲ့ မွေးစားသား လက်ထောက် ဂျေကော့ တို့နဲ့ ပေါင်းပြီး ပင်လယ်ပြင်မှာ စွန့်စားခန်းတွေဖွင့်ကြတဲ့အခါ။

t.me/cartoonmoviesmms/795

လမ်းပြကြယ် (၂၀၁၇)

မယ်ရီ ဟာ ညတစ်ညမှာ သူ့ဆီကို အလင်းရောင်တစ်ခု ဖြာကျလာပြီး God ရဲ့သားတော်ကို မွေးဖွားဖို့ ရွေးချယ်ခံခဲ့ရပါတယ်။ မယ်ရီ ကို ဒီတာဝန်အပ်နှင်းပြီးနောက်မှာ ကောင်းကင်မှာ ကြယ် တစ်ပွင့်ထွန်းလင်းလာပါတယ်။ သူဟာ ဂျိုးဆက် ဆိုတဲ့ကောင်လေးနဲ့ အကြောင်းပါခဲ့ပါတယ်။ သူဟာ ဂျိုးဆက် ကို ဒီအကြောင်းတွေကို ရှင်းပြခဲ့ပါတယ်။ ဂျိုးဆက် ကလည်း ခင်ပွန်းကောင်းပီပီ နားလည်ပေးခဲ့ပါတယ်။ အဲ့အချိန်မှာပဲ မြည်းလေးဟာ လှည်းတင်းကုပ် ထဲက ထွက်ပြေးပြီး မယ်ရီ တို့အိမ်ထဲ ရောက်လာပါတယ်။ မယ်ရီ ဟာ မြည်းလေးကို သံယောဇဉ်ရှိပြီး ဘို ဆိုတဲ့နာမည်လေးပေးခဲ့ပါတယ်။ ဘုရား ရဲ့သားတော်၊ ဘုရင်အသစ် ဖွားမြင်မယ်ဆိုတဲ့ ဟောကိန်းဟာ တိုင်းပြည်အနှံ့ကို ပျံ့နှံ့ခဲ့ပါတယ်။ ဒီသတင်းကို ကြားတဲ့ ဘုရင်ကြီး ဟဲရော့ ဟာ ဘုရင်အသစ်ဆိုတာ မရှိစေရဘူးလို့ ကြွေးကြော်ပြီး ဘုရင်အသစ်မွေးမယ့် အမျိုးသမီးကို ရှာခိုင်းခဲ့ပါတယ်။ ဒီအကြောင်းတွေ သိတဲ့ ဘို မြည်းလေးဟာ မယ်ရီ နဲ့ ဂျိုးဆက် ကို ပြောဖို့ ကြိုးစားခဲ့ပါတယ်။ ဒါပေမဲ့ လူစကားမတတ်သဖြင့် မယ်ရီ တို့က နားမလည်ခဲ့ပါဘူး။ မယ်ရီ တို့ အန္တရာယ်ကြားထဲက ဘယ်လိုထွက်ပြေးပြီး ဘုရား ရဲ့သားတော်ကို မွေးဖွားမလဲ၊ ဘို နဲ့ ဒေ့ က ဘယ်လိုကူညီမလဲဆိုတာ စိတ်ဝင်စားဖွယ်ကောင်းပါတယ်။

t.me/cartoonmoviesmms/797

ထာဝစဉ်တည်တံ့သော (၂၀၂၃)

မော်ဖင် ပါဝါရိန်းဂျားတွေ နှစ် ၃၀ ပြည့် အထိမ်းအမှတ် အထူးရုပ်ရှင်ကို တင်ဆက်ပေးလိုက်ပါပြီ။ ပါဝါရိန်းဂျားတွေဆိုတာ ၉၀ ဝန်းကျင်ကလေးတွေအတွက်တော့ မကြည့်ဖူးသူမရှိလောက်အောင် နာမည်ကြီးခဲ့တဲ့ သူရဲကောင်းတွေပါပဲ။ အခုချိန်မှာ ပြန်ကြည့်ရင် ကလေးဆန်တယ်ထင်ရပေမဲ့ ငယ်ဘဝအမှတ်တရတွေနဲ့သရုပ်ဆောင်တွေကို ပြန်တွေ့ရတာနဲ့တင် ပျော်စရာကောင်းနေပါပြီ။ မူရင်းသရုပ်ဆောင်တွေ ပြန်ပါဝင်ထားပြီး ဇာတ်လမ်းကတော့ ဇော်ဒန် မရှိတော့တဲ့အချိန်မှာ သူတို့ရဲ့ ရန်သူတော်ကြီး ရီတာ ပြန်ပေါ်လာပြီး ရိန်းဂျားတစ်ယောက်ကို သတ်သွားတာကနေ အစပြုခဲ့ပါတယ်။ ရိန်းဂျားတွေဟာ ပြန်လွတ်လာတဲ့ ရီတာ ကို နှိမ်နင်းဖို့လိုက်ရှာနေချိန်မှာ ရီတာ ကလည်း ပိုကြီးတဲ့အကြံကြီးနဲ့ ရိန်းဂျားတွေကို တိုက်ခိုက်လာပါတော့တယ်။

t.me/cartoonmoviesmms/799