ကျူးကျော်သူ ဇင် (၂၀၁၉)

သိပ္ပံစိတ်ကူးယဉ်ဆန်ဆန် ဟာသကားလေးဖြစ်ပါတယ်။ အာကမ်အင်ပါယာကနေ စေလွှတ်လိုက်တဲ့ ကျူးကျော်သူ ဇင် ဟာ ကမ္ဘာကို ဖျက်ဆီးဖို့ လျို့ဝှက်စွာ နေထိုင်နေတာပေါ့။ အဲ့တာကို သိတဲ့ ဒစ်ဘ် ဟာ ဘယ်လိုတွေ ဖော်ထုတ်မလဲ။ သူ့အဖေကိုယ်တိုင်ကတောင် ဒစ်ဘ် ကို ရူးနေတယ်လို့ ထင်ခံနေရတဲ့သူတစ်ယောက်က ဇင် ရဲ့ အကြံအစည်တွေကို ဘယ်လိုဖော်ထုတ်မလဲဆိုတာ စိတ်ဝင်စားစရာပါပဲ။ သူတို့ ၂ ယောက်ရဲ့ ကိုယ့်ကို ကိုယ်အထင်ကြီးပြီး တလွဲတွေ လုပ်တာတွေကို ကြည့်ပြီး ခွီနေရမှာပါနော်။ ကမ္ဘာကြီးကို ဖျက်ဆီးမယ့် ကျူးကျော်သူ ဇင် နဲ့ ကမ္ဘာကြီးကို ကယ်တင်ဖို့ ကြိုးစားနေတဲ့ ဒစ်ဘ် တို့ ၂ ယောက် ဘယ်သူတွေက နောက်ဆုံးမှာ အနိုင်ရသွားမလဲ ဆိုတာကို ဟာသဆန်ဆန် ရိုက်ကူးထားတာပါ။

t.me/cartoonmoviesmms/667

ခန္ဓာပျောက်သူ (၂၀၁၉)

နာအို့ဖဲလ် ဆိုတဲ့ကောင်လေးတစ်ယောက်ဟာ လောကကြီးထဲမှာ အများသူသူငါငါတွေလို လှုပ်ရှားရုန်းကန်နေရတဲ့ ကောင်လေးတစ်ဦး။ သူ ဝါသနာမပါတဲ့ ပီဇာပို့တဲ့အလုပ်တစ်ခုကို လုပ်ကိုင်နေရင်း စားဝတ်နေရေးအတွက် ဖြေရှင်းနေရတဲ့ သူတစ်ယောက်။ သူငယ်ငယ်တုန်းကတော့ သူ့မိဘတွေကို ပြောတယ်။ "သားကြီးလာရင် စန္ဒယားပညာရှင်နဲ့ အာကာသမှူးတစ်ယောက် ဖြစ်ချင်တယ်" တဲ့။ ဒါပေမယ့် ကံတရားက သူ့ကိုမျက်နှာသာမပေးခဲ့။ တစ်ခါမှာ ပီဇာသွားပို့တဲ့တိုက်ခန်းက မိန်းကလေးတစ်ယောက်နဲ့ လူချင်းမတွေ့ရဘဲ အသံချင်းပဲ စကားပြောခဲ့ရပေမယ့် သူဟာ အဲ့ကောင်မလေးကို စွဲလန်းမှန်းမသိ စွဲလန်းခဲ့ရတော့တယ်။ ဒီတစ်ခေါက်မှာရော ကံကြမ္မာဟာ သူ့ရဲ့ ငယ်ဘဝအိမ်မက်တွေကို မျက်နှာသာမပေးခဲ့သလိုမျိုး သူကြိုက်ရတဲ့ ကောင်မလေးနဲ့ သူ့အပေါ်မှာ ဆက်ပြီး လျစ်လျူရှုဦးမှာလား ဆိုတာကိုတော့ ခံစားကြည့်လိုက်ပါဦးဗျို့။

t.me/cartoonmoviesmms/669

လူဝစ်နှင့်လူကာ - လကိုသွားမည့်မစ်ရှင် (၂၀၁၈)

ဒီကားလေးကတော့စွန့်စားခန်းတွေကို ကြိုက်နှစ်သက်တဲ့ လူတွေအတွက် ကားကောင်းလေးတစ်ခုပါ။ လကို ပိုင်ဆိုင်ဖို့ ကြိုးစားကြပုံတွေ၊ လဆီကို သွားတဲ့ လမ်းတစ်လျှောက်မှာအခက်အခဲပေါင်းစုံ ရင်ဆိုင်ကြရပြီး စိတ်သဘောထား ကွဲလွဲကြရာမှ ကမ္ဘာကြီးဆီကို ဘေးကင်းစွာနဲ့ ပြန်ရောက်ပါ့မလားဆိုတာ စိတ်လှုပ်ရှားစွာနဲ့ ကြည့်ရှုရမှာပဲဖြစ်ပါတယ်။ အဲလိုအခက်အခဲတွေကြားထဲကမှ သူငယ်ချင်းတွေကြားထဲမှာ ရှိတဲ့ ချစ်ခြင်းမေတ္တာကိုပါ ထည့်သွင်း ရိုက်ကူးထားတဲ့ ဇာတ်လမ်းကောင်းလေးတစ်ပုဒ်ပဲ ဖြစ်ပါတယ်။

t.me/cartoonmoviesmms/671

အသွင်ယူရာမှ ဆေးတကယ်စွဲသွားသောအခါ (၂၀၀၆)

ဘောပ့်အာတာ ဟာ မူးယစ်ဆေး အရောင်းအဝယ် လုပ်နေတဲ့ အဖွဲ့တစ်ခုကို စုံစမ်းဖို့အတွက် အသွင်ယူထားတဲ့ ရဲအရာရှိတစ်ယောက်ပဲ ဖြစ်ပါတယ်။ ဒါပေမယ့် သဏ္ဌာန်လုပ် သရုပ်တူရမယ် ဆိုတဲ့ စိတ်ဓာတ်ရှိနေတဲ့ ဘောပ့်အာတာ ဟာ သူကိုယ်တိုင် ဆေးစွဲတဲ့သူတစ်ဦး ဖြစ်လာပါတော့တယ်။ ဘောပ့်အာတာ အနေနဲ့ သူ့ရဲ့လျှို့ဝှက်သရုပ်ကို မပေါ်အောင် ကြိုးစားရင်းနဲ့ မူးယစ်ဆေးတိုက်ဖျက်မှုကို ဘယ်လိုတွေလုပ်ဆောင်မလဲ၊ သူ့ရဲ့အနားမှာရှိတဲ့ ဂျင်ဘယ်ရစ် နဲ့ အာနီလက်မန်း တို့ရဲ့ အရှုပ်တော်ပုံတွေကိုလည်း ကြည့်ရှုကြရမှာဖြစ်ပါတယ်။ ကြမ်းတမ်းတဲ့အပြောအဆိုများ၊ မူးယစ်ဆေးသုံးစွဲသူများ၏ နေထိုင်မှုများနဲ့ ချစ်တင်းနှောခန်းလည်း ပါဝင်တာကြောင့် R Rating သတ်မှတ်ခံထားရပါတယ်။

t.me/cartoonmoviesmms/673

ကောင်းကင်ထက်ဝယ် (၂၀၂၀)

(၃)ပွင့်ဆိုင်အချစ်ဇာတ်လမ်းဆိုတာမျိုး တော်တော်များများကြားဖူးကြမှာပါ။ မီအို၊ အာရာတာနဲ့ မာဒိုကာတို့ သူငယ်ချင်း(၃)ဦးမှာ အာရာတာကို ၂ယောက်လုံးက ကြိတ်ကြွေနေကြပါတယ်။ မင်းသမီး မီအိုကတော့ အရာရာကို လွယ်လွယ်နဲ့ အရှုံးပေးတတ်တယ်။ မီအိုနဲ့ အာရာတာကတော့ ငယ်သူငယ်ချင်းတွေမို့ ပိုရင်းနှီးကြတယ်။ ဒါကို မခံစားနိုင်တဲ့ မာဒိုကာက တစ်နေ့မှာ မီအိုကို သူ အာရာတာကို စိတ်ဝင်စားနေကြောင်း ဖွင့်ဟလာတဲ့အခါ မီအိုက အားပေးအားမြှောက် လုပ်လိုက်ပါသေးတယ်။တစ်နေ့ မီအိုနဲ့ အာရာတာတို့ လျှောက်လည်ရင်း စကားများကြတယ်၊ စကားလွန်မိတယ်။ ဒါကို ပြန်တောင်းပန်ဖို့ မီအိုခမည်း အပြေးသွားတဲ့လမ်းမှာတင် မတော်တဆမှု တစ်ခုကို ကြုံလိုက်ရပြီး ဝိဉာဉ်လွင့်သွားပါတော့တယ်။ သူ့ခံစားချက်အစစ်အမှန်တွေကို မပြောလိုက်ရတာမို့ မီအိုကတော့ ဘဝမကူးဘဲ ကြားကမ္ဘာမှာတင် လူ့လောကကို ပြန်သွားနိုင်ဖို့ အစွမ်းကုန် ကြိုးစားရပါတော့တယ်။ အဆုံးမှာ သူ လူ့လောကကို ပြန်သွားနိုင်ပါ့မလား၊ အာရာတာဘက်ကရော ဘယ်လိုသဘောထားလဲ၊ ဘယ်လိုအခက်အခဲတွေ ကြုံရမလဲဆိုတာကို ငြိမ့်ငြိမ့်လေး ကြည့်ရှုရမယ့် ကားကောင်းလေးတစ်ခု ဖြစ်ပါကြောင်း ညွှန်းဆိုလိုက်ပါရစေ။

t.me/cartoonmoviesmms/675

ဒိုရေမွန် - နိုဘီတ၏ လျှို့ဝှက်လက်နက်ပြတိုက် (၂၀၁၃)


IMDB - 6.9/10
Genre - Family/ Fantasy

t.me/cartoonmoviesmms/677

ဒိုရေမွန် - နိုဘီတ၏ မှတ်တမ်းသစ် (၂၀၀၉)

IMDB - 6.6/10
Genre - Adventure

t.me/cartoonmoviesmms/679

မီးမှုတ်သူ (၂၀၁၀)

လွန်ခဲ့တဲ့ ၁၆ နှစ်တုန်းက လူသားတွေနဲ့ ကိုင်ဂျူး ဆိုတဲ့ မကောင်းဆိုးဝါးတွေစစ်ပွဲဖြစ်ခဲ့ကြပါတယ်။ အဲ့စစ်ပွဲမှာ လူသားတွေအနိုင်ရခဲ့ပြီးတော့ ကိုင်ဂျူး တွေကပျောက်ကွယ်သွားခဲ့တယ်။ ဒန်ကန် ဆိုတဲ့ကောင်လေးမှာတော့ အမေက လူသားဖြစ်ပြီးတော့ အဖေက ကိုင်ဂျူး ဘုရင် ဘယ်လိုစ် တစ်ဦးဖြစ်တယ်။ အသက် ၁၆ နှစ်သာရှိသေးတဲ့ ဒန်ကန် တစ်ယောက်က လိမ္မော်ရောင်အသားရေကြောင့် အတန်းဖော်တွေနောက်ပြောင်တာခံရပြီးတော့ အခုကျောင်းအသစ်ကို ပြောင်းရွှေ့လာသူဖြစ်တယ်။ အခုကျောင်းအသစ်မှာလဲ ကျောင်းကအလှဆုံးကောင်မလေး ဂျယ်နာ ကို သဘောကျမိလို့ အနီးကပ်နေသူတွေဖြစ်တဲ့ ထရော် တို့ရန်စတာခံခဲ့ရတယ်။ သူတို့ရန်ဖြစ်နေရင်း ဒန်ကန် က မတော်မဆ သူမှာ မီးမှုတ်နိုင်တဲ့စွမ်းရည်ကြောင်းသိရှိသွားခဲ့တယ်။ ကိုင်ဂျူး ဘုရင် သူ့အဖေကလဲ သူ့ကို လူသားတွေနဲ့မနေစေချင်ဘဲ ကိုင်ဂျူး တွေကို အုပ်ချုပ်ဖို့ သူ့နေရာကို ဆက်ခံခိုင်းဖို့အတွက် ဒန်ကန် ကို လာရောက်ရှာဖွေဖို့ ကြိုးစားသောအခါ ဒန်ကန် တစ်ယောက် ကိုင်ဂျူး တွေနဲ့ ဘယ်လိုတိုက်လိုက်မလဲ။ သူ့ကျောင်းသားဘဝကရော အေးအေးဆေးဆေးဖြတ်သန်းရမလား။ ဂျယ်နာ ကရော သူ့ကိုစိတ်ဝင်စားမလားဆိုတာ စိတ်ဝင်စားစွာကြည့်ရှုရမဲ့ကားလေးပါ။

t.me/cartoonmoviesmms/689

လယ်ဂို - နင်ဂျာ (၂၀၁၇)

ဂါမဒွန် ဆိုတဲ့လက်လေးဖက်နဲ့လူဆိုးကြီးက နင်ဂျာဂိုဆိုတဲ့မြို့ကြီးကို ခဏခဏလာတိုက်ပါတယ်။ လာတိုက်တိုင်းလဲ နင်ဂျာအဖွဲ့ကို အမြဲတမ်းရှုံးပြီး ခွေးပြေးဝက်ပြေးပြေးရစမြဲပါ။ နင်ဂျာအဖွဲ့မှာ မီး၊ ရေ၊ မြေ၊ ရေခဲ၊ လျှပ်စီးနဲ့ အစိမ်းရောင်နင်ဂျာဆိုတဲ့ နင်ဂျာသူငယ်ချင်း ၆ ယောက်ပါဝင်ပါတယ်။ အစိမ်းရောင်နင်ဂျာလေးလွိုက်၊ ဂါမဒွန်ရဲ့သားဖြစ်သူနေရာကနေ ဇာတ်လမ်းကိုတည်ထားပါတယ်။ သူဟာ အစိမ်းရောင်နင်ဂျာမှန်း သူ့အဖေရော တစ်မြို့လုံးရောမသိကြပဲ ဂါမဒွန်ကြီး တစ်ခါလာတိုက်ခိုက်တိုင်း မြို့သူမြို့သားတွေက သူ့ကိုသာအပြစ်ပုံချလေ့ရှိပါတယ်။ တစ်ရက်မှာတော့ ဂါမဒွန်ကို သည်းမခံနိုင်တော့တဲ့ လွိုက်ဟာ အန္တရာယ်ရှိတဲ့လက်နက်ကြီးတစ်ခုကို ထုတ်သုံးလိုက်မိတာကြောင့် မီယောင်သရာလို့ခေါ်တဲ့ ကြောင်ဆိုးကြီး နင်ဂျာဂိုမြို့ကိုရောက်လာပြီး တစ်မြို့လုံးကိုဖျက်စီးပစ်တဲ့အခါ လွိုက်နဲ့သူ့သူငယ်ချင်းတွေ ကြောင်ကြီးကိုဘယ်လိုဖြေရှင်းကြလဲ။ ဂါမဒွန်နဲ့လွိုက် သားအဖရဲ့ နောက်ကွယ်ကဇာတ်လမ်းကရော ဘယ်လိုမျိုးလဲ၊ သူတို့နှစ်ယောက်အဆင်ပြေသွားအောင် ဘယ်လိုကြိုးစားကြမလဲဆိုတာ ကြည့်ရှူကြရမှာပါ။

t.me/cartoonmoviesmms/691