ခွေးစွမ်းကောင်းလေးများ (၂၀၂၁)

ပော် ပါထရိုးလ် လေးတို့ရဲ့ ရန်သူတော်ကြီး ဟမ်ဒီင်ဂါး တစ်ယောက် အက်ဒဗင်ချာ စီးတီး ဆိုတဲ့မြို့လေးမှာ မြို့တော်ဝန်သွားလုပ်ပြီး ဒီကမ္ဘာကြီးကိုအန္တရာယ်ကျရောက်စေမယ့် စမ်းသပ်မှုတစ်ခုကို လုပ်ဖို့ ကြိုးစားလာပါတယ်။ ရန်သူတော်ကြီးရဲ့အဖျက်လုပ်ငန်းကို အဖွဲ့ခေါင်းဆောင် ရိုင်ဒါး နဲ့ သူ့ရဲ့ အဖွဲ့ဝင် ပါပီ လေးတို့ တသိုက် ဘယ်လို ခေတ်မှီနည်းပညာတွေ၊ စက်ပစ္စည်းတွေနဲ့ ရအောင်တားကြမလဲ? အဖွဲ့ဝင် ပါပီ လေးတစ်ကောင်ရဲ့အတိတ်ဇာတ်ကြောင်းကနေ အဖွဲ့အပေါ်ဘယ်လောက်ထိ ရိုက်ခတ်မှုရှိမလဲ? ပါထရိုးလ် အဖွဲ့ဝင်အသစ်လေးက ဘယ်သူဖြစ်မလဲဆိုတာကို ချစ်စရာကောင်းတဲ့ ကာတွန်းဇာတ်ကောင်လေးတွေနဲ့ ရယ်စရာ၊ ပျော်စရာ၊ သနားစရာ ရသမျိုးစုံကို ခံစားရင်း ကြည့်ရှုရမှာပါ။ အန်နီမေးရှင်း ဇာတ်ကားလေးဖြစ်တာမို့ ကိုယ့်မိသားစုနဲ့၊ သားသားမီးမီးတို့နဲ့ တူတူ ကြည့်ဖို့အတွက်လည်းအဆင်ပြေပါတယ်။ ချစ်ရတဲ့ မိသားစုနဲ့အတူပျော်ရွှင်ကြည်နူးစရာ အချိန်တစ်နာရီခွဲခန့်ကို ဒီအန်နီမေးရှင်းကားလေးနဲ့ တူတူကုန်ဆုံးလိုက်ပါ။

t.me/cartoonmoviesmms/627

အမြန်ကောင်လေး (၂၀၂၀)

IMDb - 6.5/10
Genre - Family, Comedy

အခြားဂြိုလ်ကနေလာပြီး အမြန်နှုန်းနဲ့ပါဝါတွေရှိတဲ့ ဆောနစ် ဆိုတဲ့ ဖြူကောင်လေးဟာရန်သူတွေလက်ကနေ ပြေးရင် ကမ္ဘာပေါ်ကိုရောက်လာပါတယ်။ ကမ္ဘာပေါ်မှာ ရဲတစ်ယောက်နဲ့မိတ်ဆွေဖြစ်ပြီး တစ်ချိန်တည်းမှာပဲ သူ့ကို ဖမ်းဖို့လိုက်လာတဲ့သိပ္ပံပညာရှင် ရိုဘော့နစ် နဲ့ပါ ရင်ဆိုင်လာရပါတော့တယ်။ ဒီတော့ ရဲအရာရှိ သောမက် နဲ့ ဆောနစ် တို့ သူ့လက်ကလွတ်အောင်ပြေးရင် ဘေကင်းတဲ့ဂြိုလ်တစ်ခုကို ဆောနစ် ကို ပြန်ပို့နိုင်ဖို့ ကြိုးစားရပါတော့တယ်။

t.me/cartoonmoviesmms/629

အမြန်ကောင်လေး ၂ (၂၀၂၂)

IMDb - 6.5/10
Genre - Action, Comedy

ကျွန်တော်တို့ငယ်ငယ်ကတည်းက ဂိမ်းလောကမှာ နာမည်ကြီးခဲ့တဲ့ ဆိုးနစ် ဖြူကောင်လေး လာပါပြီ။ ဒီရုပ်ရှင်ကတော့ ဒုတိယကားပါ။ ပထမကားကိုလည်း တင်ပေးထားပါတယ်။ ပထမကားမှာတော့ ဗီလိန်ကြီး ရိုဘော့နစ် တစ်ယောက် ကမ္ဘာပေါ်ကနေအခြားဂြိုလ်ကို ကန်ထုတ်ခံလိုက်ရပြီး အဆုံးသတ်သွားခဲ့ပါတယ်။ အခုကားမှာတော့ ရိုဘော့နစ် ပြန်လာတဲ့အပြင် သူနဲ့အတူ ဆိုးနစ် ကို တိုက်ခိုက်မယ့် ဂြိုလ်သားလေး နက်ကယ်ပါ ပါလာပါတယ်။ ဒါ့အပြင် ဆိုးနစ် ကိုလေးစားနေတဲ့ မြေခွေးလေး တေးလ်စ် ပါ ပါလာတဲ့အခါ တစ်ဖက်ကို နှစ်ယောက်ဆီ ဘယ်လိုရင်ဆိုင်ပြီးတိုက်ခိုက်ကြမလဲဆိုတာကြည့်လိုက်ပါဦး။

t.me/cartoonmoviesmms/631

အမြန်ကောင်လေး ၃ (၂၀၂၄)

IMDb - 6.9/10
Genre - Action, Comedy

ဆိုးနစ်၊ နက်ကယ်၊ တေးစ် တို့ဟာ တွမ် တို့အတွဲနဲ့အတူ မိသားစုလိုက် နားနားနေနေ အပန်းဖြေနေတုန်းမှာ ဂန်းအဖွဲ့ကနေ အကူအညီတောင်းလာပါတယ်။ ဒီတစ်ခါ သူတို့ရင်ဆိုင်ရမှာကတော့ သူတို့လိုပဲ စွမ်းအားရှိဖြူကောင် တစ်ကောင်ဖြစ်နေပြီး သူတို့သုံးယောက်လုံးပေါင်းတာတောင် မနိုင်လောက်အောင်စွမ်းတဲ့ ရှဲဒိုး ပဲဖြစ်ပါတယ်။ အဲဒီအတွက် သူတို့ ရိုဘော့နစ် ရဲ့ အကူအညီလိုလာတာကြောင့် မလွှဲမရှောင်သာ ပူးပေါင်းလိုက်ရပါတယ်။ ဆိုးနစ် အဖွဲ့နဲ့ ရိုဘော့နစ် တို့ ရင်ဆိုင်ရမဲ့ ရှဲဒိုး နဲ့အတူ ကြံရာပါကတော့ ရိုဘော့နစ် ရဲ့ မိသားစုဝင်တစ်ယောက်ဖြစ်နေပြီး အဖွဲ့နှစ်ဖွဲ့ဟာ ကမ္ဘာကြီးရဲ့ ကြိုက်တဲ့နေရာကို ဖျက်ဆီးနိုင်တဲ့ လက်နက်တစ်ခုကို အပြိုင်လုပ်ဖို့ ဖြစ်လာပါတယ်။ ဒီဇာတ်လမ်းကိုမှ ထုံးစံအတိုင်း ဟာသတွေ၊ အက်ရှင်တွေနဲ့ ကြည့်ရမှာပါ။

t.me/cartoonmoviesmms/633

စူပါဗီလိန်ဖြစ်ချင်တဲ့ကောင်ကလေး (၂၀၁၈)

တစ်ခုရှိတာက စူပါဟီးရိုးမဟုတ်ပဲနဲ့ စူပါဗီလိန်ဇာတ်လမ်းဖြစ်နေတာကြောင့်အမြင်တစ်မျိုးဆန်းနေမှာတော့ သေချာပါတယ်။ ဇာတ်လမ်းလေးကငယ်ငယ်လေးတည်းက ကာတွန်းစာအုပ်တွေကို စွဲလန်းမှုကြီးခဲ့တဲ့ လတ်စ်တာ ဆိုတဲ့ မိဘမဲ့ခလေးလေးတစ်ယောက်ဟာ စူပါဗီလိန်တွေကိုအထူးနှစ်သက်တဲ့သူတစ်ဦးပါ။ တစ်နေ့သူမိဘမဲ့ကျောင်းကထွက်လာခွင့်ရတဲ့ အချိန်မှာတော့ သူ့ရည်မှန်းချက်ဖြစ်တဲ့စူပါဗီလိန်တစ်ယောက်ဖြစ်အောင် ကြိုးစားတဲ့အကြောင်းကို ရိုက်ကူးထားတာဖြစ်ပါတယ်။ဇာတ်ကားကောင်းလေးမို့ အားပေးကြပါဦး

t.me/cartoonmoviesmms/635

စကူဘီဒူး - စတင်တွေ့ဆုံကြခြင်း (၂၀၂၀)

ဒီရုပ်ရှင်မှာတော့ စကူဘီဒူး နဲ့ ရှက်ဂီ တို့ စတင်တွေ့ဆုံပုံကနေ သူတို့အဖွဲ့တွေ ဆုံပြီးဖြစ်လာတာကနေ စတင်ပြသထားပါတယ်။ ရှက်ဂီ တို့ရဲ့အဖွဲ့ကို စပွန်ဆာပေးမယ်ဆိုတဲ့သူတစ်ယောက်ပေါ်လာတာကနေ ဇာတ်လမ်းစတာပါပဲ။ စပွန်ဆာပေးမယ့်သူကတော့ ဆိုင်မွန် ကောင်းဝဲကြီး ဖြစ်နေတာပါ။ ဒါပေမယ့် သူက အဖွဲ့ထဲက ဖရက်၊ ဗယ်မာ၊ ဒက်ဖနီ တို့ကိုပဲ အသုံးကျတယ်လို့ ထင်တဲ့အတွက် စကူဘီ နဲ့ ရှက်ဂီ မပါမှ ပေးမယ်လို့ ပြောလာပါတယ်။ ဒါကြောင့် စကူဘီ နဲ့ ရှက်ဂီ တို့ စိတ်ဆိုးပြီး ထွက်လာရင်း စကူဘီ ကိုအသည်းအသန် ဖမ်းဖို့ ကြိုးစားနေတဲ့ လူဆိုးကြီးတစ်ကောင်လက်က ထွက်ပြေးဖို့ ဖြစ်လာရပါတော့တယ်။ ဖရက် တို့ကလည်း ဒါကို သိပြီး သူတို့သူငယ်ချင်း ၂ ယောက်ကို လိုက်ကယ်ရင်း စကူဘီ ကို ဘာလို့ အပူတပြင်းလိုက်ဖမ်းနေရလဲ ဆိုတာကို သိအောင် လုပ်ရပါတော့တယ်။

t.me/cartoonmoviesmms/637

ဟကုဘို (၂၀၁၉)

ဒီကားလေးက အီဝာကိ မှာနေတဲ့ ကောင်လေးတစ်ယောက်နဲ့ ကောင်မလေးတစ်ယောက်ရဲ့ကြည်နူးစွတ်ပျံ့ဖွယ်ရာ ဇာတ်ကားလေးတစ်ကားဖြစ်ပါတယ်။ တယောထိုးတာကလွဲရင် ဘာကိုမှ ယုံယုံကြည်ကြည် မလုပ်ဝံ့တဲ့ ကောင်မလေးတစ်ယောက်၊ ရိုးရှင်းတဲ့ဘဝမှာနေပြီး ပန်းချီဆွဲရတာကို နှစ်သက်တဲ့ ကောင်လေး။ ဒါပေမယ့် တိုဟိုကု ငလျင်ကြောင့် သူ့ဘဝဟာ ပြောင်းလဲလာခဲ့တယ်။ သူတို့ ၂ ယောက်ဟာ ဂျပန်နိုင်ငံရဲ့ အရှေ့မြောက်ဒေသမှာ တွေ့ဆုံခဲ့ကြတယ်။ သူတို့ရဲ့ တွေ့ဆုံမှုကနေ တဖြည်းဖြည်း အချစ်ဆိုတဲ့အရာ ပေါက်ဖွားခါမလား။ ဒါမှမဟုတ် သာမန်တွေ့ဆုံမှုတွေလိုမျိုးပဲ ဝေဝါးသွားမလား ဆိုတာ ဇာတ်လမ်းလေးထဲမှာပဲ ဆက်ကြည့်လိုက်ပါ။

t.me/cartoonmoviesmms/639

နင်ဂျာစာလိပ် (၁၉၉၃)

ဒီဇာတ်လမ်းက IMDb 7.9 တောင်ရထားပြီးတော့ အထူးသဖြင့် နင်ဂျာ တွေရဲ့ဘဝကို ပုံဖော်ထားတဲ့ ဇာတ်လမ်းပဲဖြစ်ပါတယ်။ ဒီဇာတ်လမ်းက ၁၈+ ဇာတ်ကွက်တွေ၊ သွေးထွက်သံယိုဇာတ်ကွက်တွေပါဝင်တာကိုတော့ အကြိုသတိပေးချင်ပါတယ်။ ကာတွန်းကားဆိုပေမယ့် live action လိုမျိုးသွေးထွက်သံယိုဇာတ်ကွက်တွေပါဝင်တာကြောင့် Action ဇာတ်လမ်းကြိုက်တဲ့သူဆိုရင်တော့ကြည့်ကောင်းမှာပါ။ ဇာတ်လမ်းအကျဉ်းချုပ်ကတော့ ရှီမူဒါမြို့ ကို “ကပ်ရောဂါ” လို့အမည်တပ်ပြီး လူတိုင်းကို အဆိပ်ခတ်သတ်ဖြတ်ခဲ့ပါတယ်။ အဲဒီအကြောင်းကို စုံစမ်းဖို့ နင်ဂျာအဖွဲ့ ကို စေလွှတ်ရာမှာ တစ်ဖွဲ့လုံး လုပ်ကြံသတ်ဖြတ်ခံရပြီးနောက် ကာဂီရို လို့ခေါ်တဲ့ နင်ဂျာမိန်းကလေး တစ်ယောက်ပဲ အသက်ရှင်ခဲ့ပါတယ်။ အဲဒီနောက် နင်ဂျာခေါင်းဆောင် က အဲဒီမိန်းကလေးကို စုံစမ်းခိုင်းရာ နင်ဂျာဂျူဘီ နဲ့ ဆုံပြီးတော့ ဒက်ခန် လို့ခေါ်တဲ့ အစိုးရစပိုင် နဲ့လည်း ဆုံခဲ့ပါတယ်။ အဲဒါနောက် အဆိပ်ခက်လုပ်ကြံတဲ့ လူဆိုးတွေကို သူတို့သုံးယောက် ဘယ်လိုတိုက်ခိုက်ကြမလဲ။ ဂျူဘီ ရဲ့ ရန်သူတော်ကြီးဖြစ်တဲ့ ဂမ်မာ ကရောဘယ်လိုပြန်ရှင်လာတာလဲ။ နောက်ပိုင်းမှာ ဂျူဘီ ကရော အစိုးရစစ်ဆင်ရေးကို ဘယ်လိုပူးပေါင်းပြီး လုပ်ဆောင်မလဲ ဆိုတာကိုတော့။

t.me/cartoonmoviesmms/641