မိခင်မေတ္တာ (၂၀၁၂)

ကောလိပ်တစ်ခုမှာ တက်ရောက်နေတဲ့ ကောင်မလေး ဟနာ နဲ့ သမန်းဝံပုလွေ ကောင်လေး တို့ရဲ့ ရင်သွေးငယ်လေးတွေအကြောင်းပဲဖြစ်ပါတယ်။ ဟနာ ဆိုတဲ့ကောင်မလေးဟာ စာသင်ခန်းထဲမှာ တခြားလူတွေနဲ့ မတူဘဲ တစ်ယောက်တည်း ကွဲထွက်နေတဲ့ ကောင်လေး တစ်ယောက်ကို စိတ်ဝင်စားမိရာက သူငယ်ချင်းတွေဖြစ်သွားပြီး သံယောဇဉ်တွေ ချည်နှောင်ခဲ့ကြပါတယ်။ ကောင်လေး ဟာ ဟနာ ကို လက်ထပ်ခွင့်မတောင်းခင်မှာ သူဟာ ဂျပန်နိုင်ငံမှာ မျိုးသုဉ်းပျောက်ကွယ်သွားပြီဖြစ်တဲ့ သမန်းဝံပုလွေတစ်ကောင် ဖြစ်ကြောင်း ဖွင့်ပြောခဲ့ပါတယ်။ တခြားလူတွေလို ကြောက်လန့်တကြားနဲ့ ထွက်ပြေးသွားလိမ့်မယ်လို့ ထင်ထားပေမယ့် ဟနာ ကတော့ သူ့အချစ်ကို လက်ခံပြီး နှစ်ကိုယ်တူဘဝ တည်ဆောက်ခဲ့ပါတယ်။ ကလေးနှစ်ယောက်ရပြီး မကြာခင်မှာပဲ ကောင်လေး ဟာ အစာရှာထွက်ရင်း သေဆုံးသွားပါတော့တယ်။ ဟနာ ရဲ့တစ်ကိုယ်တော်အမိဘဘဝဟာ ခက်ခဲလွန်းခဲ့ပါတယ်။ ယူကီ နဲ့ အာမေ လို့ခေါ်တဲ့ မောင်နှမနှစ်ယောက်ဟာလည်း ဝံပုလွေ ပုံပြောင်းလိုက် လူပုံပြောင်းလိုက်နဲ့ မတည်ငြိမ်တာကြောင့် လူကြားထဲ မထွက်ရဲဘဲ ပုန်းလျှိုးကွယ်လျှိုး အသက်ရှင်ခဲ့ရပါတယ်။ နောက်ပိုင်းမှာတော့ တခြားကလေးတွေလို ကာကွယ်ဆေးတွေ မထိုးဘဲနဲ့ရှိနေတဲ့အတွက် ဟနာ ကို သက်ဆိုင်ရာဌာနတွေက သက်သေမဲ့စွပ်စွဲမှုတွေနဲ့ စစ်ဆေးဖို့ ကြိုးစားလာခဲ့ကြပါတယ်။ ဒါကြောင့် လူခြေနည်းတဲ့ မြို့ပြင်က တောင်ခြေကို ထွက်ပြေးအခြေချခဲ့ကြပါတယ်။ အိုမင်းဟောင်းနွမ်းနေတဲ့အိမ်ကို ပြန်လည်ပြင်ဆင်ပြီး ကိုယ်တိုင် လယ်ယာစိုက်ပျိုးကာ ကလေးနှစ်ယောက်ကို သဘာဝပတ်ဝန်းကျင်နဲ့ ထိတွေ့ကြီးပြင်းနိုင်ဖို့ ကြိုးစားခဲ့ပါတယ်။ နောက်ပိုင်းမှာတော့ အကြီးမလေး ယူကီ ဟာ တခြားကလေးတွေလို ကျောင်းတက်ဖို့ မနာလိုပူဆာလာခဲ့ပေမယ့် အရာရာကို ကြောက်ရွံ့တတ်တဲ့ မောင်ငယ်လေး အာမေ ကတော့ ကျောင်းတက်ဖို့ကို ငြင်းဆန်ခဲ့ပြီး တောထဲမှာပဲ အချိန်ကုန်ခဲ့ပါတယ်။ ယူကီ ဟာ ကျောင်းတက်ရင်း တခြားမိန်းကလေးတွေဟာ သူမနဲ့မတူဘူးဆိုတာ သဘောပေါက်လာပြီး လူပီသဖို့ ကြိုးစားနေခဲ့ပါတယ်။ အာမေ ကတော့ တောထဲမှာ ကျင်လည်ရင်း သူ့ဆရာဖြစ်လာမယ့်သူကို ရှာတွေ့သွားပါတယ်။ အဲ့ဒီကစပြီး ဟနာ ရဲ့ကလေးနှစ်ယောက်ဟာ ဘဝမျှော်လင့်ချက်အတိုင်း စတင်ကွဲပြားသွားခဲ့ကြပြီး၊ ဟနာ ဖြစ်စေချင်တဲ့အတိုင်း သူတို့နှစ်သက်ရာဘဝ အသီးသီးကို ဘယ်လိုလျှောက်လှမ်းဖို့ ရွေးချယ်ခဲ့ကြလဲဆိုတာကို စိတ်ဝင်စားဖွယ်ကြည့်ရှုရမှာဖြစ်ပါတယ်။

t.me/cartoonmoviesmms/602

နဂါးလေးရဲ့စွန့်စားခန်း (၂၀၁၉)

t.me/cartoonmoviesmms/596

ချစ်စရာမင်းသားလေး (၂၀၁၈)

ပရိတ်သတ်ကြီးအတွက် ဒီတစ်ခေါက်ကတော့ ပေါ့ပေါ့ပါးပါး ကာတွန်း လေးပါ။ ကမ္ဘာပေါ်က လူတိုင်းကတော့ ချောမောလှပမှုကို အနည်းနဲ့အများ မက်မောကြတာပါပဲ။ ဒီကားထဲက မင်းသားလေးကတော့ ကျိန်စာကြောင့် အရမ်းကို ချောမောခန့်ညားပြီး မိန်းကလေးတိုင်းက ကြွေတော့ အချစ်စစ်ဆိုတာကိုတောင် မခံစား နားမလည်နိုင်ဖြစ်နေရတာပါ။ ဒါပေမဲ့ ကျိန်စာက ချောမောဖို့ တစ်ခုထဲမဟုတ်ဘဲ နောက်ကွယ်မှာ ကံဆိုးမှုတွေရှိနေသေးလို့ ဒီကျိန်စာပြယ်အောင် မင်းသားက ဘယ်လိုကြိုးစားမလဲ။ သူ့အတွက် အချစ်စစ်ဆိုတာကို ရှာတွေ့နိုင်မှာလားဆိုတာကတော့ ဒီကားလေးထဲမှာ ကြည့်လိုက်ရအောင်။

t.me/cartoonmoviesmms/604

စူပါဝက်ဝံ (၂၀၁၉)

တောရိုင်းထဲမှာ နေထိုင်ကျက်စားနေတဲ့ ဝက်ဝံသားအဖလေးနှစ်ကောင်။ မိခင်ဖြစ်သူက ဆီဟငယ်ငယ်တုန်းက မှောင်ခိုသမားတွေလာဖမ်းသွားအတွက် မိခင်မဲ့ သားလေးကို အရမ်းချစ်ပါတယ်။ တစ်နေ့မှာ သူတို့သားအဖ နှစ်ယောက်အပေါ် ကံဆိုးမိုးမောင်ကျပြီး တောရိုင်းမှောင်ခိုသမားတွေ ဆီဟလေးကို ဖမ်းသွားပါတော့တယ်။ သားကို ဖမ်းသွားတဲ့ ကားနောက်ကို လိုက်ခဲ့ပေမယ့် မမှီခဲ့ပါ။ ဒီလိုနဲ့ လမ်းပေါ်မှာ တောရိုင်းတိရိစ္ဆာန်တွေကို တရားမဝင် မှောင်ခိုလုပ်နေတဲ့ အဖွဲ့ကို လိုက်လံဖော်ထုတ်နေတဲ့ အေးဂျင့် ဟွန်တို နဲ့ မထင်မှတ်ဘဲ တွေ့ဆုံမိပြီး သူ့သား ဆီဟ ကို ဘယ်လို ကယ်ဆယ်မလဲ ဆိုတာ ဆက်လက် ကြည့်ရှုပေးပါဦး။

t.me/hanacartoons/6307

ဆူဇူမဲ (၂၀၂၂)

IMDB - 7.8/10
Genre - Adventure

ဆူဇူမဲ ဟာ အဒေါ် နဲ့အတူ နေထိုင်တဲ့ မိဘမဲ့တစ်ယောက်ပါ။ သူငယ်စဉ်တုန်းက အမေသေချိန်မှာ အမေကို လိုက်ရှာရင်း လမ်းပျောက်သွားခဲ့ဖူးပြီး ဘာတွေဖြစ်ပျက်ခဲ့တာလဲဆိုတာကို မမှတ်မိတဲ့သူလည်း ဖြစ်ပါတယ်။ တနေ့မှာတော့ ကျောင်းကို သွားရင်း လမ်းမှာ လူငယ်တစ်ယောက်နဲ့ ဆုံခဲ့ပြီး လူမရှိတဲ့နေရာကို လိုက်ရှာနေကြောင်း၊ တံခါးတစ်ချပ်အကြောင်း မေးသွားခဲ့ပါတယ်။ နောက်တော့ ဆူဇူမဲ ဟာ သိလိုစိတ် ပြင်းလာပြီး အဆိုပါ လူငယ်သွားလောက်တဲ့ လူမရှိတဲ့နေရာဆီကို လိုက်သွားရင်း တံခါးတစ်ချပ်ကို တွေ့သွားခဲ့ပါတယ်။ အဆိုပါတံခါးကို ဆူဇူမဲ ဟာ ဖွင့်လိုက်တဲ့အခါမှာတော့။

t.me/cartoonmoviesmms/606

ခရစ်စမတ်ကို မုန်းတီးသူ (၂၀၁၈)

IMDB - 6.4/10
Genre - Family, Comedy

ဂရင့်ခ်ျ ကြီးက ခရစ်စမတ်ပွဲကို မုန်းတီးတဲ့သူတစ်ယောက်ပါ။ လူတွေ ခရစ်စမတ်ပွဲအတွက် ပြင်ဆင်နေကြတာကို ကြည့်မရတဲ့အတွက် နောက်တစ်ကြိမ် ပွဲကျင်းပလို့ မရအောင် ခရစ်စမတ်ပျောက်ဆုံးသွားအောင် ကြံတဲ့ဇာတ်လမ်းကို 3D Animation ရုပ်ရှင်အဖြစ် ပြန်လည် သရုပ်ဖော်ထားပါတယ်။ ပေါ့ပေါ့ပါးပါးနဲ့ ပျော်စရာကောင်းတဲ့ ဇာတ်ကားလေးဖြစ်တဲ့ကြောင့်မိသားစုနဲ့လည်း ကြည့်ဖို့ အထူးသင့်လျော်ပါတယ်။ ကဲ အများကြီး ပြောမနေတော့ပါဘူး၊ မြန်မြန်သာ ဒေါင်းလုပ်ကြပါစို့။

t.me/cartoonmoviesmms/608

ဘဲလေးကချေသည်တစ်ဦး (၂၀၁၆)

ဆံပင်အနီရောင်နဲ့ ကလေးမလေးဟာ ဘရစ်တနီက သူတို့ရဲ့ မိဘမဲ့ဂေဟာကနေ သူ့အချစ်ဆုံးသူငယ်ချင်းနဲ့ ထွက်ပြေးသွားခဲ့ပါတယ်။ သူမရဲ့ အိမ်မက်ဖြစ်တဲ့ ဘဲလေးကချေသည်တစ်ဦး ဖြစ်လာဖို့ ရည်ရွယ်ချက်တွေနဲ့ပေါ့။ ကောင်လေးကတော့ နာမည်ကျော်ဂတ်စတာ အိဖဲလ် ရဲ့ အလုပ်သင် တပည့်တစ်ယောက်ဖြစ်လာခဲ့ပြီး ကောင်မလေးကတော့ လူချမ်းသာမိန်းကလေးတစ်ယောက်ရဲ့နာမည်ကို ယူပြီး ကဇတ်ရုံမှာ ဘဲလေးကချေသည်တစ်ဦး ဖြစ်လာခဲ့ပါတယ်။ အကပညာသင်ယူခွင့်ရဖို့ဆိုတာ ငွေကြေး ပြည့်စုဖို့သာမကပဲ ကြိုးစားအားထုတ်မှုနဲ့မှ ရောက်ရှိနိုင်တဲ့နေရာပါ။ ဖဲလစ်စီ ရဲ့ ချစ်စဖွယ်အကျင့်လေးကပဲ သူမကိုအောင်မြင်တဲ့ဘဝဆီကို ရောက်ရှိအောင် ကူညီပေးခဲ့တယ်ဆိုရပါမယ်။ ရယ်စရာလေးတွေလဲ ဟိုနားဒီနားပါပါသေးတယ်။ ဒါပေမယ့် ဒီနေရာမှာကတော့ မှော်ဆန်တဲ့ အိမ်မက်နဲ့ ကကွက်တွေ ထက်ပိုပါတယ်။ ကကွက်ဖန်တီးရာမှာ ခံစားချက်ကိုပါ ထည့်သွင်းပြီးမှပဲ ပဲရစ်စ့် ကဇတ်ရုံက ဘဲလေးကချေသည်တစ်ဦးရဲ့ အကကို ပိုမိုပြောင်မြောက်လာစေတာပါ။ သူတို့ရဲ့ ရည်မှန်းချက်တွေအကောင်အထည်ပေါ်လာဖို့ ဘာတွေကို ရင်ဆိုင်ရမှာလဲ၊ အခက်အခဲတွေကို ဘယ်လို ဖြတ်ကျော်ကြမှာလဲဆိုတာကို ကြည်နူးဆွတ်ပျံဖွယ် ခံစားကြည့်ရှုကြရမှာပါ။

t.me/cartoonmoviesmms/610

ဂူအောင်းလူသားများ (၂၀ ၁၃)

IMDb - 7.2/10
Genre - Adventure

ဂရုစ် ဆိုတဲ့ ဂူအောင်းလူသားကြီးက သူ့မိသားစု ၆ ယောက်ကို ဘေးရန်တွေကကာကွယ်ပေးပြီး စောင့်ရှောက်လာတာ နှစ်တွေကြာခဲ့ပြီး သမီးလေး အိဗ် တောင် အရွယ်ရောက်ခဲ့ပြီပေါ့။ ဒီအချိန်မှာပဲ ဂိုင်း ဆိုတဲ့ ကျောက်ခေတ်လူသားကောင်လေး တစ်ယောက် ပေါက်ချလာပြီး ကမ္ဘာကြီး ပျက်မယ့် အကြောင်းတွေ ပြောပြပြီး မီးကို စတင်ဖန်တီးပြတော့တာပဲ။ ဂိုင်း က သူတို့နဲ့ မတူတဲ့ အချက်ရှိတယ်၊ သူက မကြောက်တက်သလို တီထွင်ဖန်တီးတတ်တယ်။ ဂရုစ် တို့ အုပ်စုကြတစ်ခုခုဆို ဂူထဲပဲ ပြေးအောင်းတက်ကြတာ၊ ဒီမှာပဲ ဂရုစ် သဘောမကျပေမဲ့ သူ့မိသားစုက ဂိုင်း ရဲ့ လမ်းပြမှုနဲ့ ကမ္ဘာပျက်ဘေးက လွတ်မယ့်နေရာကို စတင်ထွက်ကြတော့တာပဲ။ ဒီဇာတ်လမ်းမှာ ဘာတွေ တွေ့ရလဲဆိုတော့ မိသားစု စိတ်ဓါတ်ရယ်၊ အဖေတစ်ယောက်ရဲ့ စိုးရိမ်မှုတွေ၊ ပူပန်မှုတွေ အပြင် အသက်ရှင်နေထိုင်ဖို့ ဘာက အရေးကြီးလဲ ဆိုတဲ့ သော့ချက်ကို ပြသွားတာ အကြိုက်ဆုံးပါပဲ။

t.me/cartoonmoviesmms/613

ဂူအောင်းလူသားများ ၂ (၂၀၂၀)

IMDb - 6.9/10
Genre - Adventure

ဂိုင်း ဆိုတဲ့ တစ်ကောင် ကြွက်လေးတစ်ယောက် မိဘတွေကွယ်လွန်ခါနီးမှာမနက်ဖြန် ဆိုတဲ့နေရာလေးကို ရှာဖွေရင်း တစ်နေ့မှာ ဂူတွင်း နေထိုင်ကျက်စားကြတဲ့ ခရုစ်မိသားစုနဲ့ တွေ့ပြီး ရင်းနှီးသွားခဲ့ပြီး ခရုစ်မိသားစုရဲ့ သမီးပျိုလေး အိ နဲ့လည်း ချစ်ကျွမ်းဝင်ခဲ့ကြပါတယ်။ ဒီလိုနဲ့ ခရုစ်မိသားစုဟာ ဒီဂူတွေထက်ပိုကောင်းပြီး အစာရေစာပေါများတဲ့ မနက်ဖြန် ဆိုတဲ့နေရာလေးကို ဂိုင်း နဲ့ တူတူ ရှာပုံတော်ထွက်ခဲ့ကြပါတယ်။ ခရီးဆက်ရင်း နတ်ပြည်ကြီးလို လှပပြီး အစာရေစာလည်း ပေါများတဲ့ နေရာလေးတစ်ခုကို ရောက်သွားတဲ့အခါမှာ အဲဒီနေရာဟာ ဂိုင်း မိဘတွေရဲ့ အရင်းနှီးဆုံး မိတ်ဆွေတွေဖြစ်တဲ့ ဘတ်တားမန်း မိသားစုရဲ့ အိမ်ကြီးဖြစ်နေခဲ့ပါတယ်။ ထို့အပြင် ဘတ်တားမန်း မိသားစုရဲ့ သမီးပျိုလေး ဒေါန် ကလည်း ဂိုင်း ရဲ့ အခင်ဆုံးငယ်သူငယ်ချင်းဖြစ်နေပြီး မိသားစုနှစ်စုရဲ့ မတူညီတဲ့ ယဉ်ကျေးမှုတွေကြောင့် ဘယ်လိုပဋိပက္ခလေးတွေ ဖြစ်လာမလဲ၊ တောရိုင်းတိရစ္ဆာန်တွေကြောင့် ဖြစ်ပေါ်နိုင်တဲ့ အန္တရာယ်တွေကနေ ဘယ်လိုလွတ်မြောက်အောင် ကြံစည်ကြမှာလဲဆိုတာကို မိဘမေတ္တာ၊ သူငယ်ချင်းသံယောဇဥ်လေးတွေနဲ့အတူ ထည့်သွင်း ပုံဖော်ထားပါတယ်။

t.me/cartoonmoviesmms/615

စွန့်စွန့်စားစား ခရီးသွား (၂၀၂၀)

ကောင်မလေးတစ်ယောက်ရယ်၊ သူ့ရဲ့ BFF တွေရယ်အပါအဝင် ခွေးကလေးတစ်ကောင်ရယ်ဇာတ်ကောင်အဖြစ်ပါဝင်ထားပါတယ်။ လောဘကြီးတဲ့ လူတစ်စုကြောင့် ဖြိုချဖျက်စီးခံရဖို့အန္တရယ်နဲ့ ရင်ဆိုင်နေရတဲ့ တောင်ကြီးတစ်လုံးကို ကယ်တင်ဖို့ ခရီးလမ်းစွန့်စားရပုံကို တွေ့မြင်ရမှာဖြစ်ပါတယ်။ ❤️

t.me/cartoonmoviesmms/617

ချစ်စရာ တိရစ္ဆာန်လေးများ (၂၀၂၁)

တိရိစ္ဆာန်လေးတွေအားလုံးက ချစ်ဖို့ကောင်းပါတယ်၊ ဒါပေမယ့် လူတွေက အဆိပ်ပြင်းတဲ့ တိရိစ္ဆာန်တွေဆို မကောင်းဆိုးဝါးတွေလိုတူးတူးခါးခါး မုန်းကြတယ်၊ ကြောက်ကြတယ်။ ဒါပေမယ့် သူတို့ဆီမှာလည်း ကြင်နာတတ်တဲ့ နှလုံးသား၊ရိုင်းပင်းကူညီတတ်တဲ့ စိတ်ဓာတ်ကလေးတွေရှိကြပါတယ်။ ဒါကို ဘက်ခ်တုသ်ဒီအောက်ဘက်ခ် ဆိုတဲ့ ကာတွန်းကားလေးမှာကွက်ကွက်ကွင်းကွင်း မြင်နိုင်မှာပါ။ အဆိပ်ပြင်းတဲ့ မြွေ၊ ပင့်ကူ၊ ကင်းမြီးကောက်၊ ပုတ်သင် အစရှိတဲ့ တိရိစ္ဆာန်လေးတွေဟာ တိရိစ္ဆာန်ရုံထဲမှာမကောင်းဆိုးဝါးတွေအဖြစ် ပြစားခံရပါတယ်။ ဒီထဲမှာမှ ကိုအာလာ လို ချစ်ဖို့ကောင်းတဲ့ကောင်တွေတော့ မပါဘူးပေါ့လေ။ ဒီကားလေးမှာ ဒီတိရိစ္ဆာန်လေးတွေဟာ လှောင်အိမ်ထဲက ရုန်းထွက်ပြီး ဘေးလွတ်ရာကို အသက်စွန့်ပြေးရတဲ့ စွန့်စားခန်းတွေအပြင် သူတို့ဆီမှာ ကန့်လန့်ကန့်လန့်ပါလာတဲ့ ကိုအာလာကိုလည်း ကြည့်ရမှာပါ။ သူကတော့ ထွက်ပြေးချင်တာ မဟုတ်ဘဲ တိရိစ္ဆာန်ရုံထဲမှာပဲ ကျော့ကျော့မော့မော့ နေချင်တဲ့ ငနဲ ဆိုတော့ ဒီထွက်ပြေးမှုမှာ သူက အတိုက်အခံပဲ။ ဒါကြောင့် အဆိပ်ရှိတဲ့ တိရိစ္ဆာန်လေးတွေဟာ လူတွေလက်ထဲက ရုန်းထွက်သွားပြီး သူတို့တွေနဲ့ ထိုက်တန်တဲ့ နေရပ်တစ်ခုမှာ ပျော်ရွှင်စွာ အခြေချသွားနိုင်မလား။

t.me/cartoonmoviesmms/619

ဗီဗို (၂၀၂၁)

တေးဂီတကို ချစ်မြတ်နိုးတဲ့ ဗီဗို လေးဟာ တစ်နေ့တစ်နေ့ သူ့သခင်နဲ့အတူ လမ်းပေါ်မှာဖျော်ဖြေရင်းနဲ့ နေ့စဉ်အချိန်တွေကို ကုန်မှန်းမသိကုန်ဆုံးခဲ့ကြတယ်။ ဗီဗို လေးအတွက်ပျော်ရတယ်ဆိုပေမဲ့ သူ့သခင်မှာတော့ နာကျင်ကြေကွဲစရာအတိတ်လေးရှိခဲ့ရှာတယ်။ သိပ်ချစ်တဲ့ ကောင်မလေးတစ်ယောက်ကို အကြောင်းကြောင်းကြောင့် ချစ်ခွင့်မပန်ခဲ့ရလို့ ဝေးကွာနေတာပေါ့။ သခင်ဖြစ်သူမှာ ဒီ ကောင်မလေးကို ဘယ်လောက်ချစ်ကြောင်းရေးဖွဲ့ထားတဲ့ သီချင်းလေးရှိမှန်းလည်း သိရော ဆရာတပည့်(၂)ယောက် မိုင်ယာမီ မှာရှိတဲ့ ကောင်မလေး ဆီကို သွားဆိုပြဖို့ ခရီးထွက်ဖို့ စိုင်းပြင်ကြပါတော့တယ်။ အဲ့ဒီနောက်မှာတော့ မမျှော်လင့်ထားတဲ့ကိစ္စတွေ ဆက်တိုက်ဖြစ်လာပါတော့တယ်။

t.me/cartoonmoviesmms/621