ရီရို ၂ (၂၀၁၄)

ရီရို ၂ မှာတော့ အရှေ့ကားထက်ပိုကောင်းအောင် ရုပ်ပိုင်းရော အသံပိုင်းမှာပါအဆင့်မြှင့်ထားပါတယ်။ သီချင်းတွေလည်းကောင်းတဲ့အပြင် အသံသရုပ်ဆောင်အသစ်တွေကိုလည်း ဂရမ်မီဆုရ အဆိုတော်တွေကို ခေါ်ထားပါတယ်။ ဒီကားမှာ ဘလူး ဟာ ကလေး ၃ ယောက်အဖေ ဖြစ်နေပြီးတော့ သူတို့မိသားစုက အမေဇုန်တောထဲကို စွန့်စားပြီး ခရီးထွက်ကြမှာပါ။ ပိုလှပတဲ့ ရှုခင်းတွေ၊ ပိုစုံလင်တဲ့တိရစ္ဆာန်တွေနဲ့ သီချင်းအသစ်တွေလည်း အများကြီးပါလာမှာ ဖြစ်ပါတယ်။

t.me/cartoonmoviesmms/576

အာဖရိက က ပန်ဒါဝက်ဝံလေး (၂၀၂၄)

t.me/cartoonmoviesmms/492

ကုသိုလ်ပြုချင်သူ (၂၀၂၅)

မကောင်းတာတွေလုပ်ရင် ငရဲကျမယ်လို့ ဆုံးမခံရပြီးနောက် ၆ နှစ်သားသူငယ်ချင်းသုံးယောက်တို့ဟာ အကြီးကျယ်ဆုံးကုသိုလ်ကောင်းမှု တစ်ခုလုပ်ဖို့စွန့်စားပြီး စစ်ဖြစ်နေတဲ့ တိုင်းပြည်ကို ထွက်လာကြပါတယ်။ ဒါပေမယ့် သူတို့ရဲ့ရည်ရွယ်ချက်ကောင်းတွေက နေရာတိုင်းမှာ အလွဲအချော်တွေ၊ ပရမ်းပတာတွေကိုပဲ ဖြစ်ပေါ်စေတဲ့အခါ။ ဒီ ဆော်ဒီအာရေဗျ ရဲ့ ပထမဆုံး နက်ဖလစ် အန်နီမေးရှင်း ရုပ်ရှင်ဟာ ဟာသတွေ၊ ထူးဆန်းတဲ့ ပုံရိပ်တွေနဲ့ လူ့အဖွဲ့အစည်းကို သရော်ထားတဲ့ ဇာတ်လမ်းတစ်ခုဖြစ်တဲ့အပြင် ဇာတ်လမ်းအဆုံးထိ ဆွဲခေါ်သွားပေးမယ့် ဇာတ်အိမ်ဖြစ်နေတာကြောင့် လက်မလွှတ်တမ်း ကြည့်လိုက်ရအောင်။

t.me/cartoonmoviesmms/578

To Me, the One Who Loved You (2022)

IMDB – 6.9/10
MyAnimeList – 7.4/10

Koyomi ဆိုတဲ့ကောင်လေးက ငယ်စဉ်ကတည်းက အဖေဖြစ်သူရဲ့ အပြိုင်ကမ္ဘာနဲ့ပတ်သက်တဲ့ သိပ္ပံသုတေသနဌာနမှာနေရင်း တခြားပညာရှင်တစ်ယောက်ရဲ့ သမီးဖြစ်သူ Shiori နဲ့ နဖူးစာရွာလည်ပြီး ဆုံတွေ့ခဲ့ကြတာ။ ဒီလိုနဲ့ နှစ်ဦးသား ငယ်စဉ်ကလေးဘဝကတည်းကနေ နှစ်တွေကြာပြီး သံယောဇဉ်တွေ တိုးပွားပေါက်ဖွားလာချိန်ကျမှ သူတို့ Single မိဘနှစ်ပါးက အချင်းချင်း လက်ထပ်တော့မယ်လို့ ဆုံးဖြတ်လိုက်တဲ့အချိန်ကျ Koyomi တို့နှစ်ယောက်က ဒါဆိုရင်တော့ မဖြစ်ဘူး၊ သူတို့ မူရင်းမိဘတွေ ကွာမရှင်းထားတဲ့ အပြိုင်ကမ္ဘာတွေဆီသွားပြီး နှစ်ဦးသား လက်ထပ်ပေါင်းဖက်ကြမယ်ဆိုပြီး ဉာဏ်ကောင်းပြီး လူကြီးတွေမသိအောင် Parallel World ကို ခိုးသွားကြတဲ့အချိန်မှာ ဘာတွေဆက်ဖြစ်ကြရမလဲဆိုတာကို ကြည့်ရမှာပါ။ တချို့ သိပ္ပံသီအိုရီရှင်းပြချက်တွေကို လျစ်လျူရှုပြီး Animation ကောင်းကောင်းနဲ့ပဲ ဇာတ်လမ်းကို ခံစားစီးမျောကြည့်မယ်ဆို ဆွတ်ပျံကြည်နူးလွမ်းမောစရာ မေတ္တာဘွဲ့တေးတစ်ပုဒ်ကို နားဆင်ရသလို ဖြစ်နေမှာတော့ အမှန်ပါပဲဗျာ။

t.me/cartoonmoviesmms/580

To Every You I’ve Loved Before (2022)

ဇာတ်လမ်းကတော့ အခုခေတ်စားနေတဲ့ အပြိုင်ကမ္ဘာတွေအကြောင်းအခြေခံထားပေမယ့် တကယ့်ဇာတ်လမ်းအနှစ်ကတော့ ကောင်လေးတစ်ယောက်ရဲ့ အချစ်ဇာတ်လမ်းလေးပါ။ အချစ်ဇာတ်လမ်းလေးကို လှလှပပ ရယ်မောငိုကြွေးနိုင်အောင်တင်ဆက်ပေးသွားနိုင်ခဲ့တာမလို့ ကြည့်နေရင်းနဲ့ အပြိုင်ကမ္ဘာတွေအကြောင်းကို စိတ်မဝင်စားတော့ အချစ်ဇာတ်လမ်းထဲမှာ မျောပါသွားနိုင်တဲ့အထိပါပဲ။ ဇာတ်လမ်းအကျဉ်းကတော့ Koyomi ဟာ အလယ်တန်းကျောင်းသားဘဝမှာပဲ အပြိုင်ကမ္ဘာတစ်ခုကို Shift လုပ်မိခဲ့ပါတယ်။ အထက်တန်းကျောင်းသားဘဝရောက်ချိန်မှာတော့ Kazune ဆိုတဲ့ကောင်မလေးတစ်ယောက်ရဲ့ လူမှားနှုတ်ဆတ်တာကို ခံရပြီး ရိုးရှင်းမလိုထင်ရတဲ့ အချစ်ဇာတ်လမ်းလေးတစ်ပုဒ် ဖြစ်တည်လာခဲ့ပါတယ်။ အချစ်ဇာတ်လမ်းလေးဟာ သာယာဖြောင့်ဖြူးမလား၊ ဝမ်းနည်းရမလားကတော့ ကြည့်ရှုသူအပေါ်မှာပဲ မူတည်ပါလိမ့်မယ်။ Spoiler ပါးပါးလေး ပြောပါမယ်။ နည်းနည်းလေးတောင် Spoil မမိချင်ရင် ဆက်မဖတ်ပါနှင့်တော့။ ဒီဇာတ်လမ်းထဲမှာ ဇာတ်လမ်း ၂ ခုပါပါတယ်။ အစကတည်းက ဇာတ်လမ်း ၂ ခုရှိတာကို ချပြထားပေမယ့် ဇာတ်လမ်းဆွဲခေါ်သွားပုံက ငြင်သာလွန်းလို့ ပြီးခါနီးမှပဲ သတိထားမိမှာပါ။

t.me/cartoonmoviesmms/582

ဒုစရိုက်ဟိုတယ်

ဒီဟိုတယ်က သာမန်ရိုးရိုး ဟိုတယ်မဟုတ်ပါဘူး။ ရာဇဝတ်လောကသားတွေအတွက် အနားယူစခန်းတစ်ခုပါပဲ။ အမှောင်လောကသားတွေအတွက် တည်ဆောက်ထားတဲ့ အထူးလျှို့ဝှက်ကမ္ဘာ ဖြစ်တာမို့ သွားတည်းမိရင် ကတိုးခမပါဘဲ မရဏကမ္ဘာဆီ တန်းရောက်သွားမှာပါ။ အီကူရိုး ဟိုရှီ နဲ့ ဆာရာ ဟိုင်ဇာကီ တို့နှစ်ဦးကတော့ လျှို့ဝှက်ဆန်းကြယ်တဲ့ ဟိုတယ်ပိုင်ရှင်တွေဖြစ်ပြီး ဧည့်သည်တွေအတွက် အစားအသောက်၊ လက်နက်၊ ကိုယ်ရေးအချက်အလက်အတု လုပ်ပေးတာအပြင် အလောင်းဖျောက်တာတွေအထိကိုပါ ဝန်ဆောင်မှုအစုံအလင် ပေးထားပါတယ်။ ဒီလိုဟိုတယ်ကို ဘောစီ သစ္စာဖောက်လို့ ဒဏ်ရာတွေနဲ့ ထွက်ပြေးခဲ့ရတဲ့ ရှားဝို ဟာ ညီမလေး မောင် ကို ကယ်တင်ဖို့အတွက် အကူအညီတောင်းလာပါတယ်။ အကူအညီရခဲ့ပေမဲ့ ညီမဖြစ်သူ သေသွားပြီး တူမလေး မေး ရှိနေတာ သိလိုက်ရတဲ့ ရှားဝို အတွက် ဟိုတယ်က လုံခြုံရာတစ်ခု ဖြစ်လာမလား၊ ပိုပြီး နက်ရှိုင်းတဲ့ အန္တရာယ်တွေဆီ ဦးတည်သွားမလား။

t.me/animeseriesmyanmar/1625

နိဒါန်းသစ်၏ဆန်းကြယ်သက်ရှိများ

ဟာအိုရင် ကအစတုန်းက စတုတ္ထတန်းစား မြို့ငယ်လေးမှာ အိမ်အဟောင်းလေးကို ငှားပြီးတော့ ရတဲ့ ငှားရမ်းခလေးနဲ့ ဘဝကို အေးအေးချမ်းချမ်း ဖြတ်သန်းနေတဲ့ လူငယ်လေး တစ်ယောက်ဖြစ်ပါတယ်။ အပြင်ထွက်ပြီးတော့ အလုပ်ကိစ္စ လုပ်နေတဲ့အချိန်မှာပဲ အလွဲလွဲအချော်ချော်နဲ့ စကြဝဠာရဲအရာရှိ ဖြစ်လာခဲ့ပါတယ်။ အထက်လူကြီးတွေ သူ့အတွက် စီစဉ်ပေးထားတဲ့ ဆန်းကြယ်သက်ရှိ ငှားရမ်းသူတွေရဲ့ စိတ်ရှုပ်စရာကိစ္စတွေကို ဖြေရှင်းနေတုန်းမှာပဲ သူ့ရဲ့ စီရင်ပိုင်ခွင့်ရှိနယ်မြေဖြစ်တဲ့ အိပ်မက်ဂြိုဟ်ယာဥ်တန်းစကြဝဠာမှာ စကြဝဠာအဆင့်အကျပ်အတည်းတစ်ခု ဖြစ်ပေါ်လာသောအခါ။ ကမ္ဘာမြေပေါ်က ဆန်းကြယ်သက်ရှိတွေရဲ့ မူလကနဦးအစ... အိပ်မက်ဂြိုဟ်ယာဥ်တန်းစကြဝဠာထဲက လူ့ယဥ်ကျေးမှုအပျက်အစီးမြေ... ထိုကြားထဲက လျှို့ဝှက်ချက်ကို ဟာအိုရင် စုံစမ်းရင်း စုံစမ်းရင်းနဲ့ နှစ်ပေါင်းများစွာ ဖုံးကွယ်ထားတဲ့ ထိတ်လန့်စရာ အမှုကိစ္စတွေ ပေါ်ထွက်လာတော့။

t.me/animeseriesmyanmar/1629

မြို့ပြနှင့် ဝေးရာ (၂၀၂၃)

မြို့ပြနှင့် ဝေးရာ တောအုပ်လေးတစ်ခုသို့ တစ်ကိုယ်တော် ခရီးဆက်လာတဲ့ ဒါနာ ဆိုတဲ့ အမျိုးသမီးငယ်လေးဟာ တောထဲမှာ လမ်းပျောက်သွားရင်း စကားပြောတတ်တဲ့ ကြောင်လေးတစ်ကောင်နှင့် ဆုံခဲ့ရပါတယ်။ ထိုကြောင်လေး မေးသမျှကို ပြန်ဖြေရင်းနဲ့ ဒါနာ တစ်ယောက် အတိတ်အကြောင်းတွေ ပြန်လည်တမ်းတမိသွားကာ ဘဝအတွက် အတွေးအမြင်သစ်တွေ ရရှိလာပါတော့တယ်။ ကြောင်ကလေးနဲ့ ဒါနာ တို့ လမ်းမှန်ကို ရှာရင်း ဘယ်လိုအခက်အခဲတွေနဲ့ ရင်ဆိုင်ရမလဲ၊ လမ်းမှန်ကိုရော ရှာတွေ့နိုင်ပါမလား စသည်တို့ကို ငြိမ်းငြိမ်းလေးနဲ့ စိတ်ဝင်စားဖွယ် ဆွဲခေါ်သွားမည့် ဇာတ်ကားလေးတစ်ကားဖြစ်ပါတယ်။

t.me/cartoonmoviesmms/584

(၁၈+) လူကြီးကာတွန်း (၂၀၂၄)

ဇာတ်လမ်းက နှစ်ပိုင်းပါ။ တစ်ပိုင်းက ဆယ်ကျော်သက် ယင်းစ် နဲ့ လီစာ တို့ရဲ့ ပထမဆုံး လိင်ဆက်ဆံမှုအကြောင်းဖြစ်ပြီး နောက်တစ်ပိုင်းက ယင်းစ် ရဲ့ သုက်ကောင် ဆီမန် နဲ့ သူ့သူငယ်ချင်းတွေ ဥဆီ ရောက်ဖို့ စွန့်စားခန်းကို ပြထားတယ်။ ဒီရုပ်ရှင်က ရိုင်းစိုင်းတဲ့ ဟာသတွေနဲ့ ပြည့်နှက်နေပြီး သုက်ကောင်တွေ သီချင်းဆိုတာ၊ အန်စတွန်း လှုပ်ရှားမှုတွေနဲ့ ရယ်စရာတွေ ထည့်ထားတယ်။ ဒါပေမယ့် ရိုမန်တစ်ဆန်တဲ့ အချစ်ဇာတ်လမ်းလေးနဲ့ လိင်အကြောင်း ပွင့်ပွင့်လင်းလင်း ဆွေးနွေးထားတာလည်း ပါတယ်။ ရုပ်ရှင်က ၁ နာရီ ၂၀ မိနစ်ကြာ၊ နော်ဝေဘာသာနဲ့ ရိုက်ထားပြီး ဖေဖော်ဝါရီ ၂၈၊ ၂၀၂၅ မှာ နော်ဝေမှာ ရုံတင်ခဲ့တယ်။ ဝေဖန်သူတွေက ရိုင်းစိုင်းတဲ့ ဟာသတွေကို ကြိုက်တဲ့သူတွေအတွက် ရယ်စရာကောင်းပေမယ့် အချို့ ပြောင်နှောင်တာတွေက ထပ်ခါတလဲလဲ ဖြစ်နေတယ်လို့ ဆိုကြတယ်။ အရွယ်ရောက်သူတွေအတွက် ပေါ့ပေါ့ပါးပါး ရယ်မောချင်ရင် ဒီကားက ကြည့်ရတာ သင့်တော်ပါတယ်ဗျ။

t.me/cartoonmoviesmms/586

မှင်စာမုဆိုးများ (၂၀၂၁)

စကြဝဠာကြီးထဲမှာ လူသား၊ တိရိစ္ဆာန်၊ မှင်စာ၊ ဂြိုလ်သား စတဲ့ သက်ရှိတွေအားလုံး ညီညွှတ်မျှတစွာ နေထိုင်နိုင်ဖို့ ကမ္ဘာမြေ ဆိုတဲ့ လှပတဲ့နေရာလေးကိုလည်း ဖန်ဆင်းခဲ့ကြတယ်။ ဒါပေမယ့် လူသားတွေကတော့ ကမ္ဘာမြေ ရဲ့အလှကို မစောင့်ရှောက်ဘဲ ဖျက်စီးကြတယ်ဗျာ။ လူသားအချင်းချင်း စစ်ပွဲတွေခင်း၊ အာဏာတွေပြကြရုံမက မှင်စာလေးတွေကိုပါ ထိခိုက်လာခဲ့တော့ မှင်စာလေးတွေဟာလည်း ကမ္ဘာမြေ ကြီးရဲ့အောက်ခြေမှာပဲ ပုန်းလျှိုးကွယ်လျှိုးနဲ့ နေထိုင်ကြရတာပေါ့။ ဒါတင်မက လူသားတွေဟာ အကောင်လေးတွေကို နှိပ်စက်၊ အပင်တွေခုတ်နဲ့ ကြာတော့ ကမ္ဘာကြီး လည်း တဖြည်းဖြည်း ပျက်စီးလာခဲ့တယ်။ ဒါကို သည်းမခံနိုင်တော့တဲ့ စုန်းမကြီးတွေဟာ ကြီးမားလှတဲ့ တိုက်တန်ကြီး တွေကိုဆင့်ခေါ်ပြီး ကမ္ဘာမြေ ကို ဖျက်စီးကာ အသစ်တဖန် ပြန်စဖို့ စီစဉ်ပါတော့တယ်။ ဒါကို သိရှိသွားကြတဲ့သူရဲကောင်း တစ်စုဟာ ဖန်ဆင်းရှင် စုန်းမကြီး တွေကို လိုက်လံတားဆီးကြတော့တာပေါ့။ အပြောသာလွယ်ပေမယ့် ဖန်ဆင်းခံ လူသားတွေက ဖန်ဆင်းရှင်ကို ခံချဖို့ဆိုတာ ကြားရုံနဲ့ မဖြစ်နိုင်တဲ့ကိစ္စပါ။ ဒီလို မဖြစ်နိုင်တဲ့ကိစ္စကို သူငယ်ချင်း တွေ ဘယ်လို ပူးပေါင်းပြီး ဘယ်လို တိုက်ခိုက်ကြမလဲဆိုတာ။

t.me/cartoonmoviesmms/588

ဒိုရေမွန် - တိုဘိတ၏ ကြယ်တာရာစစ်ပွဲ (၂၀၂၂)

နိုဘိတတို့ သူငယ်ချင်းတစ်သိုက် ရှုတင်ရိုက်‌ေနရင်းကနေ နိုဘိတတစ်ယောက် ဒုံးပျံယာဉ်အသေးစားလေးတစ်စင်း ကောက်ရလိုက်ပါတယ်။ အဲ့ထဲက‌နေ ပါပီလို့ခေါ်တဲ့ ဂြိုဟ်သားသေးသေးလေဏ္ဌထွက်လာသတဲ့။ သူ့ယာဉ်က ပျက်စီးသွားတာမို့ နိုဘိတနဲ့ ဒိုရေမွန်တို့က ကူပြင်ပေးနေချိန် ပီရှားလို့ခေါ်တဲ့ တိုက်သင်္ဘောကြီးရောက်လာပြီးတိုက်ခိုက်တော့တာပါပဲ။ စပွိုင်းလွတ်အောင်ဇာတ်ကွက်လေးတွေကျော်ပြီး အကြမ်းဖျင်းညွှန်းရမယ် ဆိုရင်ဖြင့် နိုဘိတတို့ သူငယ်ချင်းတစ်သိုက် တခြားဂြိုဟ်မှာ စွန့်စားခန်းဖွင့်တာတွေကို ကြည့်ရှုရမှာဖြစ်ပါတယ်။ ကြည့်ရင်းကြည့်ရင်းနဲ့ စိတ်ထဲအားမလို အားမရဖြစ်လာမှုတွေလည်းကြုံရမှာမို့ ဘယ်လိုမြင်တွေ့ရမလဲဆိုတာကိုတော့ ကိုယ်တိုင်ပဲ ကြည့်လိုက်ကြပါတော့။

t.me/cartoonmoviesmms/590