ညဉ့်ဌက်ကလေးရဲ့လွတ်လပ်ခြင်း

အတွဲ ၂ အပိုင်း ၁

t.me/animeseriesmyanmar/1587

ကြမ္မာအံတုရှင်သန်သူ လင်ထျန်း

ဓားသူတော်စင်တစ်ဦးဖြစ်သည့် လင်ထျန်း ဟာ ချစ်ရသူကို ကယ်တင်ဖို့အတွက် ကောင်းကင်လမ်းစဉ်ကို ဆန့်ကျင်ခဲ့တာကြောင့် ကောင်းကင်မှ ပြစ်ဒဏ်ပေး ဝါးမျိုခြင်းကို တန်ပြန်ခံစားရကာ သက်တမ်းလွှင့်ကြွေခဲ့ရပါတယ်။ အမြူတေပျက်စီး၊ ဓားအရိုးကြေမှ သွားပြီးနောက် နှစ်ပေါင်းသုံးရာအကြာမှာ မထင်မှတ်ဘဲ ပြန်လည်ရှင်သန်ထမြောက်လာပြီး လွန်ခဲ့တဲ့ နှစ်သုံးရာကို ပြန်သွားနိုင်ခဲ့တဲ့အခါ၊ ဒီတစ်သက်မှာတော့ ‌ကောင်းကင်လမ်းစဉ်ဆိုတဲ့ တံဆိပ်ပြားကို ဆုတ်ကိုင်ကာ အမုန်းတရား၊ အငြိုးတရား၊ အဃာတတွေနဲ့အတူ အရင်ဘဝက နှမြောတသဖြစ်ခဲ့တဲ့ ဖြစ်ရပ်တွေကို သယ်ပိုးရင်း။

"အတိတ်က လက်လွတ်လွဲချော်ခဲ့ရတာတွေကို ပြန်ဖာထေးပြင်ဆင်ရင်း ငါ့ကြမ္မာသမိုင်းကို ငါပြန်ပြင်ရေးမယ် "

t.me/hanatrailers/5492

ထူးဆန်းထွေလာ မှုခင်းကမ္ဘာ

နဂူမို ကီးအိချီရိုး ဆိုတာ ဉာဏ်ကြီးရှင်လို့တောင် တင်စားခေါ်ရတဲ့ စုံထောက်တစ်ယောက်ပါ။ ဘယ်အမှုမဆို သူ့ရှေ့ရောက်ရင် အကုန်ရှင်းသွားပါလိမ့်မယ်။ ဒါပေမဲ့ အသက်ကြီးလာတဲ့အခါ ဉာဏ်ကြီးရှင် စုံထောက်တွေ ဘာဖြစ်သွားမလဲ။ အခု အသက် ၃၅ နှစ်မှာ ဆိုးရွားလာတဲ့ တင်ပါးရောဂါကို ရင်ဆိုင်နေရပါတယ်။ အမှုလာငှားတဲ့သူမရှိ၊ အရှုံးပေါ်နေတဲ့ စုံထောက်အေဂျင်စီကိုလည်း ဖွင့်ထားတဲ့အပြင် အိမ်ငှားခပေးဖို့ ရုန်းကန်နေရတာနဲ့ သေလုမြောပါး ဖြစ်နေရှာပါတယ်။ တစ်ရက်မှာတော့ သူ့ရုံးခန်းထဲကို အထက်တန်းကျောင်းသူလေးတစ်ယောက်က သူနဲ့အလုပ်တွဲလုပ်ချင်တယ်လို့ ပြောလာတဲ့အခါမှာတော့ သူမရဲ့ အကူအညီနဲ့ ခေတ်နောက်ကျနေတဲ့ အဘိုးကြီး နဂူမို က ငယ်ရွယ်စဉ်ကလို တောက်ပတဲ့ခေတ်ကို ပြန်ရနိုင်ပါ့မလား၊ ပုံစံမတူတဲ့နှစ်ယောက်ပေါင်း လောင်းကျော်ပြီး အမှုတွေကို အတွဲညီညီနဲ့ ဘယ်လိုမျိုးဖြေရှင်းကြမလဲ။

t.me/animeseriesmyanmar/1499

စွမ်းအားကြီးမား အပြာရောင်နဂါး

တစ်ရက်မှာ ရှုး ဆိုတဲ့ကောင်လေးရဲ့ရွာငယ်လေးဟာ အမည်မသိရန်သူရဲ့တိုက်ခိုက်ခြင်းကိုခံခဲ့ရပါတယ်။ အဲဒီအခါမှာတော့ ရှုး နဲ့ သူ့သူငယ်ချင်းတွေဖြစ်ကြတဲ့ ဂျီရို နဲ့ ခလူးခ် တို့ဟာ သူတို့ရဲ့မွေးရပ်ရွာလေးကိုကာကွယ်ဖို့အတွက်ဆုံးဖြတ်ခဲ့ကြပါတော့တယ်။ ဒီလိုမျိုး သူတို့ရွာလေးကိုကာကွယ်ဖို့ဆုံးဖြတ်ခဲ့ကြတဲ့ ရှုး နဲ့ သူ့သူငယ်ချင်းအုပ်စုတို့ဟာ ဇိုလာ ဆိုတဲ့စစ်သည်တစ်ယောက်နဲ့တွေ့ဆုံခဲ့ကြပြီး အရိပ်စွမ်းအားကိုလက်ခံရရှိခဲ့ကြပါတော့တယ်။ အရိပ်စွမ်းအားဆိုတာဟာ သူတို့အရိပ်ကနေ မွန်းစတားတွေအဖြစ်ပြောင်းနိုင်တဲ့စွမ်းအားဖြစ်ပြီး ရှုး က စွမ်းအားအကြီးဆုံးမွန်းစတားတစ်ကောင်ဖြစ်တဲ့ ဘလူး ဒရာဂွန် ကိုရရှိခဲ့လေတယ်။ ဒီလိုနဲ့ သူတို့ဘော်ဒါတစ်သိုက်ဟာ အရိပ်စွမ်းအားနဲ့ သူတို့ရွာရဲ့ရန်သူကို တိုက်ထုတ်ဖို့ကြိုးစားကြပါတော့တယ်။ ကဲ၊ ဒါဆိုရင် ရှုး နဲ့ သူ့ရဲ့ဘော်ဒါတစ်သိုက်တို့ ဘယ်လို စကေးတွေပြကြပြီး တိုက်ကြမလဲ။

t.me/animeseriesmyanmar/1498

ဆန္ဒနဲ့ဘ၀ တစ်ထပ်တည်းကျ

ကြက်ဥကြော်တာတောင် တူးသွားတာမျိုး၊ ၁+၁ ပေါင်းလို့ ၃ ရလာတာမျိုးလိုမျိုး အာနိသင်မမှန်တဲ့အရာတွေဖြစ်လာတဲ့ ယူတို့အတွက် ကြည့်လိုက်မှသာယာမယ့် ဇာတ်ကားလေး ပါ။ ကီတာဒါ ဂာကု ဆိုတဲ့ကောင်လေးကတော့ သင်္ချာကိုအရမ်းရူးသွပ်ပြီး သင်္ချာပညာရှင်ကြီးဖြစ်ချင်နေသူပါ။ သင်္ချာအိုလံပစ် မှာပါဝင်ယှဉ်ပြိုင်ခဲ့ပေမဲ့ ဆုမရနိုင်တာကြောင့် သူ့ရဲ့ပညာသင်ဆုကလည်း ရေထဲမြုပ်သွားပါတော့တယ်။ ဘာလုပ်ရမှန်းမသိတဲ့အချိန်မှာ ကျောင်းကန်တင်းအတွင်း အသုံးစရိတ်ရှာဖို့အလုပ်လုပ်ရင်း ထူးချွန်တဲ့စားဖိုမှူး ကိုင် နဲ့ တွေ့ကြုံခဲ့ပြီးနောက်မှာတော့ သူ့ဘဝကိုပြန်လည်အဓိပ္ပါယ်ပေးမယ့် ရှေ့ဆက်ဖို့လမ်းသစ်တစ်ခုကို ရှာဖွေတွေ့ရှိသွားပါတယ်။ သင်္ချာနဲ့ဟင်းချက်တာ ဘယ်လိုဆက်စပ်နေလဲ။ ဖော်မြူလာတွေ၊ချိုးကွက်တွေနဲ့ အရသာတစ်ခုပြောင်းနိုင်မယ့် စိတ်ကူးယဉ်အမြင်တွေအားဖြင့် ဟင်းသီးဟင်းရွက်တွေကို ဘယ်လိုဖန်တီးသွားမလဲဆိုတာ ဇာတ်ကားလေးကြည့်ရင်း ခေါင်းအစခြေအဆုံး အံ့အားသင့်သွားမှာပါ။ သင်္ချာကြောက်နေတဲ့သူတောင် ချစ်သွားအောင် လန်းဆန်းတင်ဆက်ထားတာမို့ ကြည့်ဖို့ တကယ်ထိုက်တန်ပါတယ်။

t.me/animeseriesmyanmar/1603

ဂိမာန်နွေမှာ မင်းနဲ့ငါ

အေးချမ်းလှတဲ့ ဒီရွာလေးမှာ အချစ်ဆုံးသူငယ်ချင်းတွေဖြစ်ကြတဲ့ ယိုရှိကီ နဲ့ ဟီကာရု တို့က ဘဝတစ်လျှောက်လုံး စင်ကော်လိုမျိုး ကပ်နေခဲ့ကြတာပါ။ သက်တူရွယ်တူတွေနေကြတာမို့ ကောင်လေးနှစ်ယောက်အနေနဲ့ အရင်းနှီးဆုံး ဖြစ်နေခဲ့ကြပါတယ်။ ဒါပေမဲ့ ယိုရှိကီ က မကြာသေးခင်က နွေရာသီတစ်ခုကစပြီး ဟီကာရု ရဲ့ အပြုအမူတွေမှာ ထင်ဟပ်တဲ့အပြောင်းအလဲတွေ ရှိလာတာကို သတိထားမိလာပါတယ်။ အခုဘေးမှာရှိနေတဲ့ ဟီကာရု ဟာ သူ့သူငယ်ချင်းရဲ့ ရုပ်ရည်သွင်ပြင်၊ အသံ၊ မှတ်ဉာဏ်အထိ အတိအကျတူနေပေမဲ့ တစ်ခုခုမှားယွင်းနေပြီး၊ တစ်ချိန်က သိခဲ့တဲ့ ဟီကာရု မဟုတ်တော့ဘဲ ပျောက်ကွယ်သွားတာကို ယိုရှိကီ ဟာ သေချာသိနေပါတယ်။ အချစ်ဆုံးသူငယ်ချင်းကို ဆုံးရှုံးသွားတဲ့အနာဂတ်ကို လက်မလွှတ်နိုင်တဲ့ ယိုရှိကီ ဟာ ယခုရင်ဆိုင်နေရတဲ့ မတူညီတော့တဲ့ ဟီကာရု ကို လက်ခံနိုင်မလား။ ထူးဆန်းမှုတွေက သူတို့ရွာလေးကို ကပ်ဆိုးတစ်ခုလို စတင်ဝင်ရောက်လာတဲ့အခါမှာတော့၊ ဒီမတော်တဆဖြစ်ရပ်တွေကို သူ့အကြောင်းမသိတော့တဲ့သူငယ်ချင်းနှင့်အတူ ဘယ်လိုဖြေရှင်းသွားမလဲဆိုတာ စိတ်ဝင်စားဖွယ်အဖြစ် ဆက်လက်ကြည့်ရှုရမှာဖြစ်ပါတယ်။

t.me/animeseriesmyanmar/1600

ညီမလေးရဲ့ ရည်းစားဟောင်း (၂၀၂၅)

Genres - Comedy, Fantasy, Romance

မာရီ ဆိုတဲ့ကောင်မလေးဟာ ဘဝတစ်လျောက်လုံး အစ်မဖြစ်သူရဲ့ လောင်းရိပ်အောက်မှာ ကြီးပြင်းလာသူဖြစ်ပါတယ်။ ကောင်းတာမှန်သမျှ အစ်မဖြစ်သူကပဲ ရနေတာကြောင့် မာရီ က အဝတ်အစားကောင်းကောင်းတောင် မရှိရဘဲ ရှက်ရှက်ကွဲကွဲနဲ့နေနေသူပါ။ အစ်မဖြစ်သူက ချမ်းသာတဲ့ အာလ် အဆင့်ရှိ အထက်တန်းစားနဲ့ လက်ထပ်ဖို့ လမ်းတစ်ကမ်းအထိရောက်လာခဲ့ပေမဲ့ မတော်တဆမှုကြောင့် ဆုံးပါးသွားခဲ့ပါတယ်။ သို့သော် လက်ဖွဲ့အဖြစ်သဘောတူထားပြီးသားဖြစ်တာကြောင့်၊ အစ်မဖြစ်သူအစား မာရီ ဟာ အာလ် နဲ့ လက်ထပ်ဖို့ဖြစ်လာခဲ့ပါတယ်။ မာရီ နဲ့ လက်ထပ်ရမဲ့ အာလ် ဟာ ရုပ်ရည်ချောမောပြီး ချမ်းသာသည့်ပုဂ္ဂိုလ်တစ်ဦးဖြစ်ပါတယ်။ အရာရာ ပြည့်စုံနေတဲ့သူတစ်ဦးရဲ့ နှလုံးသားကို မာရီ တစ်ယောက်ပိုင်ဆိုင်နိုင်ပါ့မလားဆိုတာကိုတော့ ကိုယ်တိုင်ပဲ ကြည့်ရှုခံစားကြည့်လိုက်ကြပါဦး။

t.me/animeseriesmyanmar/1599

မှော်ဆရာမလေး ဆာကူရာ (၁၉၉၉)

ဒီကား‌လေးမှာ အလယ်တန်းကျောင်းသူလေး ဆာကူရာ ဟာ ကလိုး ကဒ် ဆိုတဲ့ ကဒ်တွေကို လိုက်ရှာဖွေနေရတဲ့ မှော်ဆရာမလေး ဖြစ်ပါတယ်။ သူ့ဟာ တနေ့ ကဒ်ရှာဖွေစုဆောင်းရင်း ကံစမ်းမဲနှိပ်ရာက ဟောင်ကောင်ကို သွားရမယ့်လက်မှတ်ကို ပေါက်သွားပါတယ်။ ဒါပေမယ့် ဆာကူရာ လေးက ဘယ်တုန်းကမှ မဲနှိပ်တာမှာ ကံကောင်းတဲ့သူ မဟုတ်ပါဘူး။ ဒီတခါမှာ ဘယ်လိုဖြစ်ပြီး ဒီဆုကြီးကို ပေါက်သွားရလဲဆိုတာ စဉ်းစားစရာပါပဲ။ ဒီဆုကြီးက ကံကောင်းပြီး ပေါက်သွားတာပဲလား။ ဒါမှမဟုတ် အဲ့နောက်ကွယ်မှာ မသက်သာစရာတခုခုရှိနေတာပဲလားဆိုတာ စောင့်မျှော်ကြည့်ရှုရမှာပဲ ဖြစ်ပါတယ်။

t.me/cartoonmoviesmms/568

နှလုံးသား၏ ဆောင်းဦးရာသီ (၂၀၁၅)

နာရုဆယ် ဇွန် ဆိုတဲ့ ကောင်မလေးဟာ သူအမှတ်မထင် ပြောလိုက်တဲ့စကားကြောင့် သူ့မိဘတွေ ခွဲခွာသွားတာလို့ ယူဆထားပါတယ်။ အဖေဖြစ်သူ ထွက်သွားလို့ ငိုနေချိန်မှာ ကြက်ဥလေးတစ်လုံး ပေါ်လာကာ ရှေ့လျှောက် သူ့စကားတွေကြောင့် သူ့ဘဝမပျက်စီးရအောင်ဆိုပြီး စကားမပြောနိုင်အောင် ကျိန်စာခတ်လိုက်ပါတော့တယ်။ အလယ်တန်းအရွယ် ရောက်လာတဲ့အခါ စန္ဒရားတီးတတ်သူ အတန်းဖော် ကောင်လေး ဆာကာဂာမိ နဲ့ ရင်းနှီးသွားပြီး ဇွန် ဟာ စကားမပြောနိုင်ပေမယ့် သီချင်းဆိုလို့ရတယ်ဆိုတာ သိလိုက်ရပြီးနောက် သူပြောချင်တဲ့စကားတွေကို သီချင်းအဖြစ် ရေးဖို့ ဆာကာဂာမိ ကို အကူအညီတောင်းပါတော့တယ်။

t.me/cartoonmoviesmms/570

စန်တာကလော့စ် ရဲ့ဒဏ္ဍာရီ (၂၀၁၉)

ချစ်ခြင်းမေတ္တာကို လူသားတွေက နည်းလမ်းအမျိုးမျိုးနဲ့ ဝေမျှကြပါတယ်။ ဒီခေတ်မှာ စာအိတ်ထဲထည့်ပေးကြတဲ့ပေးစာတွေ မရှိတော့ဘူးဆိုပေမယ့် လူမှုကွန်ယက်ပေါ်မှာတောင် တစ်ယောက်ကိုတစ်ယောက် စာတွေ ပေးပို့နေကြဆဲပါ။ ဒါပေမယ့် ပေးပို့တဲ့စာတွေထဲမှာ အမုန်းတရားထက် ချစ်ခြင်းမေတ္တာတွေထည့်ပေးထားနိုင်ရင် မကောင်းဘူးလား။ ဒီဇာတ်ကားလေးကတော့ အေးမြတဲ့ခရစ်စမတ်အကြောင်းကို နွေးထွေးတဲ့ချစ်ခြင်းမေတ္တာနဲ့ ပုံဖော်ထားတဲ့ ချစ်စရာကောင်းတဲ့ ဇာတ်ကားတစ်ပုဒ်ဖြစ်ပါတယ်။ ခရစ်စမတ်မှာ လက်ဆောင်တွေ လာပေးနေတဲ့ ခရစ်စမတ်ဘိုးဘိုးကြီးလို့ လူသိများတဲ့ စန်တာကလော့စ် ရဲ့ဒဏ္ဍာရီကို အခြေခံပြီး ပုံဖော်ထားတာပါ။ အခွင့်ထူးခံ လူပေါ်ကျော့ ဂျက်စပါ ဆိုတဲ့ လူငယ်လေးတစ်ဦးက အဖေ့ရဲ့စာပို့လုပ်ငန်းကြီးမှာ တာဝန်ယူလိုက်စွာမလုပ်ဘဲ ပျင်းနေတဲ့အတွက်၊ အဖေက အပြစ်အဖြစ် လူနည်းလူရွှင်မရှိတဲ့ ကျွန်းတစ်ကျွန်းပေါ်က အေးခဲခေါင်ဖျားလွန်းတဲ့ စမီရင်ဘာ့ဂ် မြို့ကလေးကို စာပို့သမားအဖြစ် ပို့လိုက်ပါတယ်။ ဒီမြို့မှာ တစ်နှစ်အတွင်း ပေးစာ ၆၀၀၀ ထွက်လာအောင် မလုပ်နိုင်ရင်၊ အဖေထံက အမွေစွန့်လွှတ်ခံရမှာပါ။ ပြောမယ့်အရာတွေထဲမှာ မနာလိုမှု၊ အမုန်း၊ သဘောထားကွဲလွဲမှုတွေ ရှိနေတဲ့သူတွေအကြားမှာ ဂျက်စပါ တစ်ယောက်ဟာ ဘယ်လိုနည်းနဲ့ ခရစ်စမတ်အကြောင်းအရာနဲ့ပတ်သက်တဲ့ သဘောထားတွေ ပြောင်းလဲအောင်လုပ်နိုင်မလဲ။ ပြီးတော့ စာပို့ခြင်းနဲ့ မျှတမှု၊ ချစ်ခြင်းမေတ္တာ၊ နောက်ပြောင်တတ်မှုကနေ စံအလကားမဲ့ အဖြစ်အပျက်တွေရဲ့အမြင်ကို ဘယ်လိုပြန်ဖော်မလဲဆိုတာ

t.me/cartoonmoviesmms/572

ဂိုက်ဆရာလေးရဲ့ ချုပ်ကွက်များ

တော်ဝင်နန်းတော်မှာ သူအိပ်မက်မက်ခဲ့တဲ့အလုပ်အတွက် နောက်ဆုံးစာမေးပွဲကျရှုံးပြီးနောက်မှာတော့ ငယ်ရွယ်ထက်မြက်တဲ့ မှော်ဆရာလေး အဲလ်လင် က ကျေးလက်မှာ ရိုးရှင်းတဲ့ဘဝကိုပဲ နေချင်တဲ့စိတ် ပြင်းပြနေပါပြီ။ ဒါပေမယ့် ကံဆိုးချင်တော့ ရထားလက်မှတ်တောင် မတတ်နိုင်တဲ့အခြေအနေဖြစ်လာတာကြောင့် အလုပ်တစ်ခုတောင် ရှာဖို့မဖြစ်မနေလိုလာခဲ့ပါတယ်။ ဒီလိုနဲ့ သူ့မှာ ဦးတည်ချက်တစ်ခုတည်းပဲ ရှိလာခဲ့ပါတယ်၊ အဲဒါကတော့ ဘုရင့်နိုင်ငံရဲ့ သြဇာအရှိဆုံး မှူးမတ်ဖြစ်တဲ့ ဒျူးဟာဝက် က သူ့သမီး တီနာ အတွက် ကိုယ်ပိုင်ဆရာလိုအပ်နေတာပဲ ဖြစ်ပါတယ်။ ပညာရေးမှာ ထူးချွန်ပေမယ့် တီနာ ဟာ မှော်ပညာတစ်ခုတောင် မရွတ်ဆိုနိုင်ပါဘူး။ ပိုဆိုးတာကတော့ နာမည်ကြီး Royal Academy ရဲ့ ဝင်ခွင့်စာမေးပွဲတွေ နီးနေပြီဖြစ်ပြီး၊ မှော်ပညာအရည်အချင်းက မဖြစ်မနေလိုအပ်လာတဲ့အချိန်မှာပါ။ ဘုရင့်နိုင်ငံရဲ့ အတော်ဆုံးမှော်ဆရာတွေရဲ့ ကြိုးစားမှုတွေတောင် မဖြေရှင်းနိုင်ခဲ့တဲ့ တီနာ ရဲ့ မှော်ပညာချို့ယွင်းချက်ကို အဲလ်လင် ဟာ သူ့ရဲ့ထူးခြားတဲ့အတွေးအခေါ်နဲ့အတူ ကူညီပေးနိုင်ပါ့မလား။ ပြီးတော့ ဒျူးဟာဝက် ကလည်း သူ့သမီးကိုကူညီပေးချင်တဲ့ အဲလ်လင် ရဲ့ကြိုးပမ်းမှုကို တကယ်လက်ခံလိုလားပါ့မလားဆိုတာကိုတော့ သုံးသပ်ဖော်ထုတ်ရမှာ ဖြစ်ပါတယ်။

t.me/animeseriesmyanmar/1612

ပျက်သုဉ်းလောက၏အရှင်သခင်

တက္ကူတို အီရာ ဟာ ဆေးရုံခုတင်ပေါ်မှာ အချိန်တွေကုန်ဆုံးနေရတဲ့ မကျန်းမာတဲ့လူနာတစ်ယောက်ဖြစ်ပါတယ်။ Eternal Nations လို့ခေါ်တဲ့ နိုင်ငံတည်ဆောက်ရေးဂိမ်းမှာ အကောင်းဆုံးကစားသမားတစ်ယောက်ဖြစ်နေခြင်းကပဲ သူ့ဘဝတစ်လျှောက်လုံးရဲ့ ပျော်ရွှင်မှုနဲ့ နှစ်သိမ့်စရာတစ်ခုဖြစ်လာခဲ့ပါတယ်။ နောက်ဆုံးမှာတော့ တက္ကူတို တစ်ယောက် သူနှစ်ပေါင်းများစွာခံစားလာရတဲ့ ဝေဒနာကို အရှုံးပေးလိုက်ရပါတယ်။ ဘဝကူးသွားပြီလို့ထင်နေချိန်မှာ မျက်လုံးဖွင့်လိုက်တာနဲ့ သူအကြိုက်ဆုံးဂိမ်းအတွင်းမှာ ပြန်လည်နိုးထလာခဲ့တာပါ။ အံ့အားသင့်စရာကတော့ သူ့အနားမှာ အတိုး လို့ခေါ်တဲ့ သူအကြိုက်ဆုံးဂိမ်းဇာတ်ကောင်ကလည်း တကယ်တမ်းရှိနေသေးတာပဲ ဖြစ်ပါတယ်။ ဒီလိုနဲ့ နှစ်ဦးသားအတူတကွ ဘယ်လိုစွန့်စားခန်းတွေဖွင့်ပြီး ကမ္ဘာကြီးကို ပြန်သိမ်းယူမလဲဆိုတာကိုတော့ ကြည့်ရှုရမှာ ဖြစ်ပါတယ်။

t.me/animeseriesmyanmar/1609

စွမ်းအားရှင်ကိုးဦးရဲ့စွန့်စားခန်း

ရှီရိုမစ်ဆုဂါဝါ လို့အမည်ရတဲ့ မြို့ငယ်လေးတစ်မြို့ဟာ ခရီးသွားတွေဆွဲဆောင်နိုင်ဖို့ ကြိုးစားနေတဲ့မြို့လေးတစ်မြို့ဖြစ်ပါတယ်။ ဒီလိုနဲ့ တစ်နေ့မှာ ကံဆိုးစွာနဲ့ မုန်တိုင်းကြီးတစ်ခုက မြို့ငယ်လေးဆီကို ကျရောက်လာဖို့ အခြေအနေမီလာခဲ့ပါတယ်။ အဲ့ဒီအချိန်မှာတော့ မြို့လူငယ်တွေဟာ စိတ်ဓာတ်ပြတ်သားပြီး တာဝန်ယူတတ်တဲ့ ကာကဲရု နီအီမိ ကို ဦးဆောင်အနေနဲ့ ယုံကြည်လိုက်နာဖို့ဆုံးဖြတ်လိုက်ကြပါတယ်။ ကာကဲရု ရဲ့ သာမန်ဘဝကလည်း မြို့ရဲ့နတ်ကွန်းတစ်ခုက တစ်စစီပြိုကျသွားတာကြောင့် ပြောင်းလဲသွားပါတယ်။ အဲ့အချိန်မှာ နတ်ကွန်းထဲက အမွေအနှစ်တွေ ပြန့်ကျဲသွားရာကနေ လူငယ်များအနက် တချို့မှာ သဘာဝလွန်စွမ်းအားတွေ နိုးထလာပါတော့တယ်။ ဒီလိုနဲ့ တစ်ချိန်က ခြောက်ကပ်နေတဲ့ မြို့ကြီးဖြစ်ခဲ့တဲ့ ရှီရိုမစ်ဆုဂါဝါ မြို့မှာ သဘာဝလွန်စွမ်းအားပိုင်တဲ့ လူသတ်သမားတွေပေါ်ပေါက်လာတဲ့အခါ၊ သူတို့ကို တားဆီးခြေရာခံဖို့ ကာကဲရု နဲ့ သူ့အဖွဲ့ဟာ ကြိုးစားရပါတော့တယ်။ ဒါဆိုရင်တော့ ကာကဲရု တို့ဘက်က ဒီအန္တရာယ်ရှိတဲ့လူသတ်သမားတွေကို ဘယ်လိုနည်းနဲ့ မျှော်လင့်မထားတဲ့အန္တရာယ်တွေကြားထဲက ရှင်းလင်းဖော်ထုတ်မလဲဆိုတာ စိတ်ဝင်စားဖွယ်ကြည့်ရှုရမှာဖြစ်ပါတယ်။

t.me/animeseriesmyanmar/1607

လမင်းကြီးဆီသို့ (၂၀၁၅)

ဒီဇာတ်လမ်းမှာ ဘယ်နေရာမှမထူးခြားတဲ့ ၁၂ နှစ်အရွယ်ကောင်လေး မိုက် တစ်ယောက်မှာ အဖေဖြစ်သူနဲ့ အဖိုးဖြစ်သူတို့က အာကာသယာဉ်မှူးတွေပါ။အဖိုးဖြစ်သူ ဖရန့် နဲ့ အဖေဖြစ်သူ စကော့ တို့ဟာ အချင်းချင်းမပြေလည်ကြပါဘူး။တစ်နေ့မှာ ရစ်ချတ်ကာဆွန် ဆိုတဲ့ ဗီလိန်ကြောင့် လပေါ်ကိုသွားဖို့ အကြောင်းဖန်လာရပါတော့တယ်။အာကာသယာဉ်မှူးဟောင်းဖြစ်သူ ဖရန့် ဟာ သားနဲ့မြေးနဲ့အတူ အလုပ်တွဲလုပ်ဖို့ဖြစ်လာပြီး ကာဆွန် ရဲ့ အကြံအစည်ကြောင့် အဖေဖြစ်သူအာကသယာဉ်မှူးမပါဝင်ပဲ မြေးဖြစ်သူရဲ့ သူငယ်ချင်း ၂ ယောက်ရယ်၊ ပုတ်သင်ညိုတစ်ကောင်ရယ်၊ ၁၂ နှစ်အရွယ်မြေးဖြစ်သူရယ်နဲ့အတူထွက်ခွာလာခဲ့ရပါတယ်။ဆက်ဆံရေးမပြေလည်တဲ့သူတို့ ဘယ်လိုရှေ့ဆက်သွားမယ်ဆိုတာကတော့ လုံးဝစိတ်ဝင်စားစရာပါ။ဒီဇာတ်လမ်းက ရုပ်ထွက်တွေကောင်းလှတာကြောင့် အာကာသထဲကို ရောက်ရှိသွားသလိုခံစားရမှာပါလို့ ညွှန်းထားပါတယ်။

t.me/cartoonmoviesmms/522