လူပုလေး ၇ ယောက် (၂၀၁၄)

လူပုလေး ၇ ယောက်လို့ ပြောလိုက်ရင် ပန်းသီးလေးကိုက်တဲ့ စနှိုးဝှိုက် ဇာတ်လမ်းလေးကို လူတိုင်းမြင်မိကြမှာပါ။ ဒီဇာတ်လမ်းလေးကတော့ ခေတ်သစ် လူပုလေးဇာတ်လမ်းလို့ ပြောရမှာပါ။ ဇာတ်လမ်းအကျဉ်းကတော့ မင်းသမီးလေး ရိုစ် အသက် ၁၈ နှစ် မပြည့်ခင် လက်ကို ဆူးစူးခံရရင် မင်းသမီးလေးနဲ့အတူနန်းတော်က လူတွေအားလုံး အိပ်မောကျသွားပြီး မင်းသမီးလေးကို အမှန်တကယ်ချစ်မြတ်နိုးသူကသာ မင်းသမီးလေးကို နမ်းမှ ကျိန်စာပျယ်မယ်လို့ စုန်းမကြီးက ကျိန်ဆိုခဲ့ပါတယ်။ ဒါကြောင့် မင်းသမီးလေးကို သူမရဲ့ဖခမည်းတော်ဘုရင်ကြီးကဆူးထိမခံရအောင် သံချပ်ကာတွေအထပ်ထပ်နဲ့ အသက် ၁၈ နှစ်အထိ ဝတ်ဆင်စေခဲ့ပါတယ်။ သူမရဲ့မွေးနေ့မှာ စုန်းမကြီးရဲ့ ဆူးကို ထိမိပြီး အိပ်မွေ့ကျသွားခဲ့ရာမှ လူပုလေး ၇ ယောက်က သူမရဲ့ ချစ်သူကောင်လေးကို စုန်းမကြီးလက်ထဲကနေကယ်တင်ကာ မင်းသမီးလေးဆီ ပြန်လည်ပို့ဆောင်ပေးခဲ့ပုံတွေကို ရှုစားရမယ့်ဇာတ်လမ်းမျိုး ဖြစ်ပါတယ်။ ယခင် လူပုလေးဇာတ်လမ်းမျိုးနှင့် မတူဘဲ တစ်မူအသွင်ထူးခြားတဲ့ စွန့်စားခန်းများ ဇာတ်လမ်း ဇာတ်ကွက်များကို ခံစားရမှာဖြစ်လို့ အချိန်ပေးကြည့်ရှုဖို့ ထိုက်တန်တဲ့ အန်နီမေးရှင်း ကားကောင်းလေး တစ်ကား ဖြစ်ပါတယ်။

t.me/cartoonmoviesmms/548

လိပ်နင်ဂျာ (၂၀၀၇)

IMDb - 6.2/10
Genre - Action, Fantasy

လိပ်နင်ဂျာ တို့ရဲ့ ရန်သူတော်ကြီး ရှရက်ဒါ ကို အနိုင်ယူပြီး အချိန်ကို ရိုက်ကူးထားတာပါ။ ရှရက်ဒါ ကို အနိုင်ယူပြီး လီယိုနာဒို က လေ့ကျင့်ရေးလုပ်ဖို့ တောထဲထွက်သွားခဲ့ပါတယ်။ တစ်ဖက်မှာ ကျန်ခဲ့တဲ့ ညီအစ်ကိုသုံးကောင်ကလည်း သူ့နည်း သူ့ဟန်နဲ့ ရှင်သန်ရုန်းကန်နေကြတာပေါ့။ ဒီတစ်ခါ သူတို့ ရင်ဆိုင်ရမဲ့ ရန်သူတော်ကြီးက လွန်ခဲ့တဲ့ နှစ်သောင်းထောင်ကတည်းက အသက်ရှင်နေတဲ့ သူရဲကောင်းဘုရင်ကြီး ရုတ် ပဲဖြစ်ပါတယ်။ သူဟာ ကီကန်ကြယ် ရဲ့ အလန်းတန်းကို အသုံးပြုပြီးဝင်ပေါက်တစ်ခု ဖန်တီးရာကနေ မသေမျိုး ဖြစ်လာခဲ့တာပါ။ တန်ကြေးအနေနဲ့ သူ့ညီအစ်ကိုဗိုလ်ချုပ်လေးယောက်ဟာ ကျောက်ရုပ်တွေ ဖြစ်သွားခဲ့ပါတယ်။ သူဟာ နှစ်သုံးထောင်ကြာ အောင် တစ်ယောက်ထဲ နောင်တတွေနဲ့ ရှင်သန်ပြီး သူ့ညီအစ်ကိုတွေကို အသက်ပြန်သွင်းဖို့ စောင့်နေပါတယ်။ ဝင်ပေါက်ကနေ လွတ်နောက် ထပ်မံဘေးထွက်ဆိုးကျိုးအနေနဲ့ သတ္တဝါကြီး ၁၃ ကောင်ဟာ ကမ္ဘာမြေပေါ်ကို လွတ်ထွက်လာခဲ့ပါတယ်။ သတ္တဝါကြီး ၁၃ ကောင်ကို ပြန်ဖမ်းရင်း သူ့ညီအစ်ကို စစ်ဗိုလ်တွေကို အသက်ပြန်သွင်းမဲ့ ရုတ် ရဲ့ အကြံအစည်ကို လိပ်နင်ဂျာ တွေက တားဆီးမှာကို ကြည့်ရှုရမှာပဲ ဖြစ်ပါတယ်။ တိုက်ခိုက်ခန်း ကောင်းကောင်းလေးတွေ ပါတာမို့ ကားကောင်းလေးပဲ ဖြစ်ပါတယ်။

t.me/cartoonmoviesmms/550

မီရိုင် (၂၀၁၈)

“ကွန်” ဆိုတဲ့ ၄ နှစ်သားအရွယ်ကလေးလေးတစ်ယောက်၊ မိဘမေတ္တာတွေကို ပုံပြီးရနေတဲ့အချိန်မျိုးမှာမှ သူ့ဘဝထဲကို “မိရိုင်” ဆိုတဲ့ညီမလေးတစ်ယောက် ဝင်ရောက်လာတဲ့အခါ အဖေနဲ့အမေဆီကရနေကြ အာရုံစိုက်မှု အလိုလိုက်မှု စတဲ့ဂရုစိုက်ခံရမှုအားလုံးကလည်း ညီမလေးဖြစ်သူ “မိရိုင်” ဆီ အလိုလိုရောက်ရှိသွားပါတယ်။ ၄ နှစ်သားအရွယ်ကလေးတစ်ယောက်ရဲ့ မနာလိုမှု ဝမ်းနည်းကြေကွဲမှုတွေက ညီမလေး “မိရိုင်” ဆီ ဒေါသအဖြစ် ရောက်သွားပါတယ်။ ဒီလိုမျိုးတစ်ယောက်တည်းအထီးကျန်နေတဲ့ “ကွန်” ဆီကို ညီမဖြစ်သူ “မိရိုင်” ကအနာဂတ်ကနေ လူငယ်အသွင် ရောက်ရှိလာတဲ့အခါ “ကွန်” တစ်ယောက် ဘယ်လိုထူးဆန်းမှုတွေရဲ့ကြုံလာရမလဲ၊ “မိရိုင်” က ဘာလို့ အနာဂတ်ကနေ ရောက်လာရတာလဲ၊ တစ်အိမ်လုံးရဲ့ ဖူးဖူးမှုတ်ခံထားရတဲ့အချိန် ရုတ်တရက် လျစ်လျူရှုခြင်းခံလိုက်ရတဲ့ ကလေးတစ်ယောက်က အနာဂတ်မှာ ဘယ်လိုတွေဖြစ်လာမလဲ။

t.me/hanacartoons/6162

လူ့ဘဝမှ တိရစ္ဆာန်တစ်ကောင်အဖြစ်ဆီသို့ (၂၀၀၀)

ဘုရင်တစ်ပါး ရှိတယ် သူဟာ လက်ဖြောက်တစ်ချက်တီးလိုက်ရုံနဲ့ လိုရာအကုန်ရတယ်၊ လက်ညှိုးညွှန်ရာ ရေဖြစ်တဲ့သူ။ အရာအားလုံးဟာ သူလိုချင်တဲ့အတိုင်းဖြစ်နေတော့ ဘုရင် ဟာ အောက်ခြေလွပ်သလို ဖြစ်နေတယ်။ သူဟာ ဘယ်သူ့ကိုမှလည်း အထင်မကြီးဘူး။ သူသည်သာ အတော်ဆုံး၊ အတတ်ဆုံး ဆိုတဲ့ ဝါဒလက်ကိုင်ထားတယ်။ ဒီလိုအပြုအမူတွေကြောင့်ပဲ သူ့ရဲ့ ရွှေရောင်နေ့ရက်ဟာသိပ်ကြာကြာ မခံပါဘူး။ တစ်နေ့မှာတော့ သူဟာ သူ့လူယုံတော်တွေရဲ့ လုပ်ကြံမှုကြောင့် လူစင်စစ်ကနေ လားမားတစ်ကောင်ဘဝကို ရောက်သွားပါတော့တယ်။ အဲ့ဒီအခြေအနေကို သူဘယ်လိုကိုင်တွယ်မလဲ။ အပေါင်းအသင်း ယုံကြည်စရာတစ်ယောက်မှ မရှိတဲ့ သူ့ဘဝထဲမှာ သူဘာဆက်လုပ်မလဲ။ လူ့ဘဝကို ပြန်ရောက်ဖို့ သူဘယ်လိုကြိုးစားမှာလဲ။

t.me/cartoonmoviesmms/552

ခရစ်စမတ်ပုံပြင် (၂၀၂၂)

ခရစ်စမတ် နဲ့ပတ်သက်တဲ့ ကာတွန်းကားကောင်းလေးတစ်ကားနဲ့ မိတ်ဆက်ပေးချင်ပါတယ်။ ဒီဇာတ်ကားနာမည်ကို ရင်းနှီးနေတဲ့လူတွေလည်း ရှိမှာပါ။ ဟိုးငယ်ငယ်လေးတုန်းကလည်း စကရုချ် နဲ့ပတ်သက်တဲ့ ဇာတ်ကားလေးတွေ ထွက်ခဲ့ပါတယ်။ ဒါလေးကတော့ 2022 မှ ထွက်လာတဲ့ ကားသစ်လေးပါ။ ခရစ်စမတ်ဆိုတာကို စက်ဆုပ်ရွံရှာ မုန်းတီးပြီး ပျော်ပွဲရွှင်ပွဲတွေကိုလည်း ကြည့်မရတဲ့ လူ့ဂွစာကြီးတစ်ယောက် အက်ဘီနီဇာ စကရုချ် အကြင်နာတရား ခေါင်းပါးပြီး လောဘကြီးတဲ့သူတစ်ယောက်ပါ။ ဒါပေမဲ့ ဒီနှစ်မှာတော့ ခရစ်စမတ်မရောက်ခင် မနက်ခင်းမှာစကရုချ် ဆီ ဧည့်သည် ၃ ယောက် ရောက်လာခဲ့ပါတယ်။ ထိုဧည့်သည် ၃ ယောက်ဟာ စကရုချ် ရဲ့ ဘဝကြီးကို ဘယ်လိုအပြောင်းအလဲ ဖြစ်သွားစေမယ်ဆိုတာကတော့။

t.me/cartoonmoviesmms/554

စကူဘီဒူး (၂၀၀၁)

IMDb - 7/10
Genre - Comedy, Adventure

ဒီတစ်ခါရုပ်ရှင်လေးမှာတော့ စကူဘီ တို့အုပ်စုဟာ သူငယ်ချင်းသိပ္ပံကျောင်းသား အဲရစ် ရဲ့ တက္ကသိုလ်ကို သွားစရာအကြောင်းဖန်လာပါတော့တယ်။ အကြောင်းအရင်းကတော့ ဂိမ်းဒပလော့ပါ တစ်ယောက်ဖြစ်တဲ့ အဲရစ် က စကူဘီ တို့အုပ်စုရဲ့ စွန့်စားခန်းတွေအပေါ် မူတည်ပြီး ဂိမ်းတစ်ခုထွင်ထားလို့ပါပဲ။ ရှက်ဂီ နဲ့ စကူဘီ ကတော့ ဂိမ်းအဓိကဇာတ်ကောင်ဖြစ်ရတဲ့အရှိန်နဲ့ ဂိမ်းကို စမ်းဆော့ကြည့်ချင်စိတ်ငယ် ထိပ်ရောက်နေခဲ့ပါတယ်။ ဒါပေမဲ့ အဲရစ် ဆီ တကယ်ရောက်သွားတဲ့အချိန်မှာတော့ ထင်ထားတာနဲ့ တက်တက်စင်အောင်လွဲတော့တာပါပဲ။ ဂိမ်းကို အစမ်းဆော့ကြည့်ကြဖို့ နေနသာသာ ဂိမ်းဖွင့်ခွင့်တောင် မရကြပါဘူး။ လွန်ခဲ့တဲ့ရက်ပိုင်းကပဲ အဲရစ် ရဲ့ ဂိမ်းတည်ဆောက်မှုမှာ အဓိကဖြစ်တဲ့ လေဆာပစ်လွှတ်မှုကနေ ဗိုင်းရပ်စ်တစ်ကောင် ခုန်ထွက်လာခဲ့ပြီး ပြဿနာရှာသွားတာမို့လို့ပါ။ ဂိမ်းထဲကနေအပြင်လောကအထိ သက်ရှိထင်ရှားအကောင်လိုက်ထွက်ချလာတဲ့ ဗိုင်းရပ်စ်ကြီးကိုထုံးစံအတိုင်း စကူဘီ တို့ကပဲ လိုက်ရှာဖမ်းပေးရတော့တာပေါ့။ ဒါပေမယ့် စကူဘီ တို့ သူငယ်ချင်း ၅ ယောက်လုံးပါ ဗိုင်းရပ်စ်နဲ့အတူ ဂိမ်းထဲကို အပို့ခံလိုက်ရတဲ့အခါမှာတော့ ။

t.me/cartoonmoviesmms/556

ဘဲရုပ်ဆိုးမလေးရဲ့ချစ်ပုံပြင် (၂၀၂၅)

Genres - Comedy, Romance

ဟနတဘတ ဆိုတဲ့ကောင်မလေးက ကိုယ့်ကိုကိုယ် ဆွဲဆောင်မှုမရှိတဲ့ ဇာတ်ရံလို့ သတ်မှတ်ထားသူပါ။ ဟန ဆိုတဲ့နာမည်က "ပန်း" လို့ အဓိပ္ပါယ်ရပေမဲ့ သူ့ပုံစံကတော့ ပန်းနဲ့ မတူနေခဲ့ပါဘူး။ ဟန က အချစ်ဇာတ်လမ်းတွေကိုကြိုက်နှစ်သက်သူဖြစ်ပြီး ကိုယ့်ကိုယ်ကို မင်းသမီးအဖြစ် စိတ်ကူးယဉ်လေ့ရှိသူပါ။ တစ်နေ့ ဟန တစ်ယောက် စိတ်ကူးယဉ်တုန်း အတန်းထဲက နာမည်ကြီးတဲ့ရုပ်ချောချောကောင်လေးနဲ့ ဆုံခဲ့လေတယ်။ အရှက်ကွဲတော့မယ်လို့ ထင်နေတဲ့ ဟန တစ်ယောက် ကြုံလာသမျှကို ခါးစည်းခံမယ်လို့ ဆုံးဖြတ်ထားပေမဲ့ အဲ့ကောင်လေးက အရှက်မခွဲတဲ့အပြင် သူနဲ့ပါ ရင်းရင်းနှီးနှီး စကားပြောလာတဲ့အခါ။

t.me/animeseriesmyanmar/1526

တိမ်လွှာဖွဲ့အိပ်မက်ငယ်

နတ်ဘုရား မဖြစ်လာနိုင်မှတော့ ငါနတ်ဆိုးလုပ်ပြီး ဒီလောကကြီးကို အမြစ်ဖြတ်သုတ်သင်ပစ်မယ်။ မင်္ဂလာကောင်းချီးတွေ ပြည့်နှက်နေတဲ့ မင်္ဂလာပွဲနေ့မှာပဲသတို့သားဖြစ်သူဆီကနေ သစ္စာဖောက်ခံရပြီး အရှင်လတ်လတ် နှလုံးထုတ်ယူခံရလိုက်တဲ့ သို့သမီးငယ်လေးတစ်ယောက် ချစ်ရသူရဲ့ ပျားရည်လို စကားလုံးတွေကအဆိပ်အတောက်တွေ ဖြစ်လေမှန်း အသိနှောင်းခဲ့အခါမှာတော့ မင်္ဂလာကနေအမင်္ဂလာ ဖြစ်သွားပြီး သူမရဲ့ ဂိုဏ်းကလည်း ပျက်စီးသွားခဲ့တယ်။ သေဆုံးခံနီးသူမဟာ လင်းလုံနှလုံးသားကြောင့် မျက်နှာပြောင်းလဲပြီး ပြန်လည်ရှင်သန်လာခဲ့တယ်။ လက်စားချေဖို့အတွက်နဲ့ ပြန်လည်ရှင်သန်ခြင်းရဲ့ ကြီးမားတဲ့ နာကျင်မှုကို ခံစားရခဲ့တဲ့ သူမ အတွေးတစ်ချက်အတွင်းမှာပဲ နတ်ဆိုး ဖြစ်သွားတဲ့အခါ ဒီကားထဲမှာတော့ နာကျင်မှုတွေ ခံစားခဲ့ရတဲ့ မိန်းမငယ်လေးတစ်ယောက်ရဲ့ နှလုံးသားက ထိခိုက်မှုပေါင်းများစွာ ရပြီးသွားတော့ မူလလို မဖြူစင်နိုင်တော့ရှာပဲ အငြိုးအတေးတွေနဲ့ လက်စားချေတဲ့ လမ်းကြောင်းကို လျှောက်လှမ်းတာကို ကြည့်ရှုရမှာ ဖြစ်ပါတယ်။

t.me/animeseriesmyanmar/1528

ပြာပုံကြားမှ မီးတောက်ငယ်

သူမက မျှော်လင့်ချက်မီးရှူးတန်ဆောင်ဖြစ်ခဲ့ပေမဲ့ အခုချိန်မှာတော့ သူမရဲ့ဒေါသနဲ့အမုန်းတွေက စစ်ပွဲမီးတောက်အဖြစ်ကို ပြောင်းလဲသွားပြီး လူအများကို လွှမ်းမိုးဖို့အစပြုလာပါပြီ။ ကြားနေအဖွဲ့အစည်းဖြစ်တဲ့ ရိုးဒ်စ်အိုင်လန်းကပဲ ရီယူနီယန်ရဲ့နောက်ကွယ်က ပူးပေါင်းကြံစည်မှုတွေ၊ ပုန်ကန်သောင်းကျန်းမှုတွေကို တားဆီးပေးနိုင်တော့မှာပါ။ အာမီယာနဲ့ သူမအဖွဲ့က လောင်မန်နဲ့ရင်ဆိုင်ဖို့ရာ ချာနိုဘော့ရဲ့ ကော်စီးတီးကို ဦးတည်သွားခဲ့တဲ့အခါမှာတော့ ဘယ်လိုကံကြမ္မာက သူတို့ကို စောင့်ကြိုနေမှာလဲဆိုတာ။

t.me/animeseriesmyanmar/1533

My Sen-ior Bro-ther is Too Str-ong Episode 33

t.me/+y0-q7Srlo2RlNmI1

The Immo-rtal Doc-tor in Mod-ern Ci-ty Episode 85

t.me/+sS7w_2Uq21RmZTY1

ချစ်သွေးမြတ်ခြယ် ပန်းရနံ့ကြွယ်

မြို့တစ်မြို့မှာ နာမည်ကြီးကျောင်းနှစ်ကျောင်းရှိတယ်။ ချီဒိုရီဟိုင် ကျောင်းက အမှတ်နည်း၊ စာမကြိုးစားကြတဲ့ နာမည်ကြီး ယောကျ်ားလေးကျောင်း။ တစ်ဖက်မှာက ကစ်ကျိုးဂေါ်လ်စ်ဟိုင် ဆိုတဲ့ ချမ်းသာပြီး အထက်တန်းစားအလွှာ မိသားစုက ကျောင်းသူတွေတက်တဲ့ မိန်းကလေးကျောင်း။ အဲဒီကျောင်းနှစ်ကျောင်းက အမြဲပြဿနာတက်ရန်တွေ ဖြစ်ကြတာ။ ချီဒိုရီ ကျောင်းက ကျောင်းသား ရင်တာရိုး ဆူမူဂီ က အပြင်ပန်းရုပ်က ကြောက်စရာကောင်းတယ်လို့ ထင်ရပေမဲ့ စိတ်နှလုံးသားနူးညံ့သူပါ။ ဒီလိုနဲ့ တစ်နေ့ကျ ရင်တာရိုး သူ့မိသားစု ကိတ်မုန့်ဆိုင်မှာ ကူညီပေးနေတုန်း ကရုကို ဝဂုရီ ဆိုတဲ့ ကောင်မလေးနဲ့ တွေ့သွားတယ်။ ကရုကို က သူ့ရုပ်သွင်ပြင်ကို မကဲ့ရဲ့တာကြောင့်ပဲ ရင်တာရိုး နှလုံးသားထဲမှာ နေရာရသွားတော့တာပေါ့။ ဒါပေမဲ့ ကရုကို က ကစ်ကျိုး ကျောင်းသူဆိုတာ သိသွားတဲ့အခါ ချစ်ရသူနှစ်ဦး ကျောင်းတွေရဲ့ ရန်စ၊ ပတ်ဝန်းကျင်ရဲ့ အတားအဆီးတွေကို ဖြတ်ကျော်နိုင်ပါ့မလား။

t.me/animeseriesmyanmar/1538