ကောင်းကင်ဘုံကိုဖောက်မယ့်လွန်သွား (၂၀၀၈)

လူသားတွေအားလုံးဟာ မတော်တဆအကြောင်းအရာတစ်ခုကြောင့် မြေပြင်ပေါ်ကနေ နှင်ထုတ်ခံလိုက်ရပြီး မြေအောက်တွင်းထဲမှာပဲ ရွာတွေဆောက်ပြီး နေနေကြပါတယ်။ ဘာကြောင့် မြေပြင်ပေါ်ကို တက်လို့မရတော့တာလဲ ဆိုတာ အမှန်တကယ်သိသူမရှိဘဲ “မတက်ရ” ဆိုတဲ့ မျိုးဆက်စဉ်ဆက်လာတဲ့ အကြောင်းအရာတစ်ခုကိုပဲ လက်ခံထားကြပါတယ်။ မြေအောက်က ပိတ်လှောင်မှုတွေကြားထဲမှာ မရှိတဲ့အရာကို မှန်းကြောက်နေရသူတွေကြားထဲက တကယ်လွတ်မြောက်ချင်သူကတော့ ကာမီနာ ပါ။ သူက မျှော်မှန်းမထားဘဲ ဘေးအန္တရာယ်နဲ့မသွားပဲ မြေပေါ်ကို တက်ဖို့ ကြိုးစားသူတစ်ဦးဖြစ်ပါတယ်။ ကာမီနာ တစ်ယောက်ရဲရဲတောက်တောက်နဲ့ အတွင်းစိတ်ကြီးတဲ့သူဖြစ်ပေမယ့် ဆိုင်မွန် ကတော့ ငယ်စဉ်အရွယ်မှာ ငလျင်ကြောင့် မိဘတွေကိုဆုံးရှုံးလိုက်ရတာကြောင့် စိတ်ဒဏ်ရာနဲ့ ကြောက်မှုအတွင်းမှာ ပြုတ်လဲနေသူဖြစ်ပါတယ်။ တစ်နေ့မှာတော့ ဆိုင်မွန် ဟာ သူ့ရဲ့လျှို့ဝှက်ဖော်ထုတ်တွေ့ရှိမှုတစ်ခုကြောင့် ကာမီနာ နဲ့အတူ မြေအောက်ကိုဖောက်ထွင်းပြီး ဘဝသစ်တစ်ခုကို စတင်ဖို့ ချီတက်ကြပါတယ်။ ဒီအခန်းကဏ္ဍက လူသားစွမ်းအား၊ ကိုယ့်ကိုယ့်ယုံကြည်မှုနဲ့ ချစ်ခြင်းကြောင့် မြေထဲကမွေးဖွားပြီး အနန္တပြင်းပြန့်တဲ့ကောင်းကင်ဘုံကိုဖောက်ချပေးနိုင်တယ်ဆိုတဲ့အရာကို အထောက်အထားနဲ့ ပြသပေးနိုင်တဲ့ ဇာတ်လမ်းတစ်ပုဒ်ဖြစ်ပါတယ်။

t.me/cartoonmoviesmms/538

အနီရောင် ပါဝါရိန်းဂျားများ၏တိုက်ပွဲ (၂၀၁၁)

ဒီဇာတ်ကားမှာတော့ ဆာမူရိုင်းရိန်းဂျား တွေနဲ့ အာပီအမ်ရိန်းဂျား တွေကြားက ပူးတွဲတိုက်ခိုက်မှု ကို တွေ့မြင်ရမှာဖြစ်ပါတယ်။ ပရော်ဖက်ဆာကော့ နဲ့ စကော့ထရူးမန်း တို့ရင်ဆိုင်တိုက်ခိုက်ရာကနေ ပရော်ဖက်ဆာကော့ က စကော့ ကို လှည့်စားပြီး တစ်ခြားကမ္ဘာကို ထွက်ပြေးလွတ်မြောက်သွားပါတယ်။ အဲ့ဒီနောက် ဆာမူရိုင်းရိန်းဂျား တွေရဲ့ကမ္ဘာကို ရထားတစ်စင်းနဲ့ ရောက်ရှိလာပြီး မာစတာဇန်ဒရတ် ရဲ့ မြေအောက်လောကကို သွားဖို့ ကြိုးစားနေပါတယ်။ ဆာမူရိုင်းရိန်းဂျား တွေကလည်း မာစတာဇန်ဒရတ် ရဲ့လက်ပါးစေတွေနဲ့ တိုက်ခိုက်နေရတဲ့အချိန်မှာ အာပီအမ်ရရိန်းဂျားအနီရောင် ရောက်ရှိလာပြီး သူတို့ကို ကူညီပေးခဲ့ပါတယ်။ အချင်းချင်း မိတ်ဆက်ရင်း နှီးသွားရာကနေ သူတို့ဟာ ဘုံရန်သူတွေကို ရင်ဆိုင်နေရတာဖြစ်တဲ့အတွက် ပရော်ဖက်ဆာကော့ နဲ့ မာစတာဇန်ဒါ တို့ရဲ့ လက်အောက်ခံတပ်ဖွဲ့တွေကိုပါ မဟာမိတ်ဖွဲ့ ပူးပေါင်းတိုက်ခိုက်ကြမှာဖြစ်ပါတယ်။

t.me/cartoonmoviesmms/540

ငယ်ငယ်က ကတိစကား (၂၀၀၄)

ဇာတ်ကားလေးဟာ မကြာသေးခင်ကပေးခဲ့တဲ့ငယ်ရွယ်ချစ်ခင်မှုနဲ့ မျှော်လင့်ချက်တွေ၊ တစ်ခါတုန်းက အမှတ်မထင် ပြုခဲ့တဲ့ကတိတစ်ခုအပေါ်အခြေခံထားပါတယ်။ ကျွန်တော်တို့ သူငယ်ချင်းနှစ်ယောက်က နွေရာသီကျောင်းပိတ်တိုင်း စစ်တပ်ကန်ထရိုက်တစ်ခုမှာအလုပ်ဝင်လုပ်ကြတယ်။ ရတဲ့ဝင်ငွေလေးနဲ့အတူ အိမ်မက်တစ်ခုကို အကောင်အထည်ဖော်ဖို့ကြိုးစားကြတယ်။ ဒါပေမယ့် အဲ့အိမ်မက်ကရောက်ဖို့လမ်းကတော့ မလွယ်ပါဘူး။ ဘာလို့လဲဆိုတော့ နယ်စပ်ကျွန်းကြီးပေါ်မှာ ထိုးထွက်နေတဲ့ မျှော်စင်ကြီးဆီကို ပျံသန်းနိုင်မယ့် လေယာဉ်တစ်စင်းကို တည်ဆောက်ဖို့ဆိုတာ တကယ်မလွယ်ပါဘူး။ တစ်နေ့မှာ ကျွန်တော်တို့က အတန်းထဲက ကောင်မလေးတစ်ဦး ကို ကျွန်တော်တို့ရဲ့အိမ်မက်အကြောင်း ပြောပြမိတယ်။ သူကလည်း တက်ကြွလာပြီး “ကျွန်မလည်း သွားချင်တယ်၊ ခေါ်သွားပေးပါ” လို့ ပြောလာခဲ့တယ်။ အဲ့လိုနဲ့ ကျွန်တော်တို့သူငယ်ချင်းသုံးယောက်က “မျှော်စင်ကြီးဆီကို အတူတူပျံသန်းသွားကြမယ်” ဆိုတဲ့ကတိတစ်ခုပြုခဲ့ကြတယ်။ ဒါပေမယ့် သုံးနှစ်ကျော်ကြာလာတဲ့အခါမှာတော့ အရာအားလုံး မျှော်လင့်ထားသလို မဖြစ်လာတော့ဘဲ တစ်ဦးဦး ကွဲကွာသွားခဲ့ရတဲ့ နာကျင်စိတ်နဲ့ မေ့လျော့မှုတွေကြားက ပြန်ရောက်လာမယ့် အမှတ်တရနဲ့ နာရီခေါင်းအသံတွေကြားက ချစ်ခြင်းအတွက် တိုက်ပွဲတစ်ခုဖြစ်လာပါတယ်။

t.me/hanacartoons/6117

မျောက်မင်းပြန်လည်မွေးဖွားခြင်း (၂၀၂၁)

IMDB - 6.1/10
Genre - Fantasy, Action

ဝူခုန်း တို့ ဆရာတပည့်တွေ ခရီးလမ်းတစ်ဝက်မှာ ဘုရားကျောင်းတစ်ကျောင်းကို ဝင်ရောက်နားခိုပြီး အသီးစားသုံးရာကနေ စတင်ဖြစ်ပွားတဲ့အကြောင်းလေးဖြစ်ပါတယ်။ ဝူခုန်း တို့ ညီအကို ၃ယောက် ဘုရားကျောင်းကအသီးကိုခိုးစားရာမှ နတ်ဆိုးတွေ မကောင်းဆိုးဝါးတွေရဲ့ ခေါင်းဆောင်ဖြစ်သူ နှစ်ပေါင်းထောင်ချီအောင် ထိန်းချုပ်ပြီးအိပ်စက်နေတဲ့ ယွမ်တိ နတ်ဆိုးကြီးကို မထင်မှတ်ပဲ ကျိန်စာတွေကြားမှလွတ်မြောက်ပေးခဲ့မိပါတယ်။ ယွမ်တိ နတ်ဆိုးက နတ်ဆိုးနာမည်အတိုင်း လောဘစိတ်တွေနဲ့ လူ နတ် ငရဲဆိုတဲ့ ဘုံ၃ဘုံလုံးကို သူပဲခေါင်းဆောင်လုပ်ချင်တဲ့စိတ်နဲ့ အုပ်ချုပ်သွားဖို့ကြံစည်ရာကနေ ဝူခုန်း တို့ရဲ့ ဆရာဖြစ်သူကိုဖမ်းသွားပါတယ်။ ၃ရက်အတွင်းမကယ်နိုင်ရင် ယွမ်တိ နတ်ဆိုးရဲ့ လွမ်းမိုးမှူအောက်မှာပဲနေရတော့မှာဖြစ်ပါတယ်။ ဆရာဖြစ်သူကို ၃ရက်အတွင်း ကယ်ဖို့စီစဉ်နေချိန်မှာပဲ ဝူခုန်း တို့ ညီအကို ၃ယောက်က မထင်မှတ်ပဲ သူငယ်ချင်းလေးတစ်ယောက်ရသွားပါတယ်အဲ့သူငယ်ချင်းက ဘယ်သူဖြစ်မလဲ?

t.me/hanamovie20/5445

မျောက်လေးကောင် - စွန်းဝူခုန်းပြန်လာပြီ (၂၀၂၁)

စွန်းဝူခုန်းကို ဒီကားထဲမှာ လင်းမင်မျောက်မင်း လို့ခေါ်ပါတယ်။ ကျောက်ကနေ ပြောင်းလဲလာတဲ့ မျောက်ပေါ့။ ဇာတ်လိုက်ကျော် မျောက်မင်းက လူတွေကို အရမ်းကူညီတတ်ပါတယ်။ ဆုတောင်းတွေလည်း ဖြည့်ပေးတယ်။ တစ်ရက်ကို သုံးသောင်းရှစ်ထောင် သော ဆုတောင်းတွေကို ပတ်ဖြည့်ပေးနေတာတဲ့။ ကောင်းတာလည်းရှိသလို မကောင်းတာလည်းရှိတာပေါ့။ အပင်မြင့်လေ လေတိုက်လေဆိုတဲ့အတိုင်း အဲ့ဒါကို မနာလိုတဲ့ နတ်ဒေဝါတွေလည်းရှိသတဲ့။ တစ်နေ့မှာတော့ ရွာကို မိုးရွာပေးဖို့ ဆုတောင်းလာတဲ့ ကောင်မလေးတစ်ယောက်နဲ့ ထိပ်တိုက်တိုးပါလေရော။ မျောက်မင်းကလည်း ဆုတောင်းတွေအကုန် ပြည့်စေရမယ်လို့ ပြောသွားပါတယ်။ ဒါပေမဲ့လည်း တစ်ရက်မှာ သုံးသောင်းရှစ်ထောင်သော ဆုတောင်းတွေကြားထဲမှာ ကောင်မလေးတစ်ယောက် ရဲ့ ဆုတောင်းက ဘယ်လိုဖြစ်သွားမလဲ။ မျောက်မင်းကို မနာလိုနေတဲ့ နတ်ဒေဝါတွေကရော ဘယ်လိုအကောက်ကြံမလဲဆိုတာ အချစ်ဒရာမာလေးကတစ်ဖက် တိုက်ခိုက်မှုတွေကတစ်ဖက်နဲ့ မရိုးနိုင်အောင် ကြည့်ရမယ့် ကားလေးတစ်ကားမို့ တင်ဆက်ပေးလိုက်ပါတယ်နော်။

t.me/cartoonmoviesmms/542

My He-ro Aca-demia: Vigil-antes Season 1 (2024)

Genres - Action

Koichi Haimawari ဟာ Hero ဖြစ်ချင်တဲ့ ကောလိပ်ကျောင်းသားတစ်ယောက်ဆိုပေမဲ့ အိမ်မက်ကို လက်လျော့ထားသူတစ်ယောက်ပါ ၊ ကမ္ဘာကြီးရဲ့ လူဦးရေ ၈၀ ရာခိုင်နှုန်းလောက်က Quirk လို့ခေါ်တဲ့ သဘာဝလွန် အစွမ်းရှိကြပါတယ်။

Quirk ရှိတဲ့လူက များပြားပေမဲ့လည်း လူနည်းစုလောက်သာ Hero ဖြစ်လာနိုင်တာပါ ၊ ဒီကားရဲ့ Mc ဖြစ်တဲ့ Koichi ရဲ့ Quirk က  Slide and Glide (အရာဝတ္ထုတွေအပေါ် လျောစီးနိုင်ခြင်း) ဖြစ်ပါတယ်...အဲ့လို ဘာမဟုတ်တဲ့ Quirk ရှိတဲ့ Koichi ရဲ့ ဘဝဟာ တစ်နေ့မှာ ပြောင်းလဲခဲ့ပါတယ်။

အကြောင်းကတော့ သူဟာ တရားမဝင်ဟီးရိုးဖြစ်တဲ့ vigilante (စေတနာ့လုပ်သား) Knuckleduster ဆီမှာ အကယ်ခံလိုက်ရပါတယ်။ထို့နောက် Knuckleduster က Koichi ကို သူနဲ့အတူ တရားမဝင်ဟီးရိုးလုပ်ဖို့ ဖိတ်ခေါ်ခဲ့လေရာ...

t.me/animeseriesmyanmar/1496

စွမ်းအားကြီးမား အပြာရောင်နဂါး

တစ်ရက်မှာ ရှုး ဆိုတဲ့ကောင်လေးရဲ့ရွာငယ်လေးဟာ အမည်မသိရန်သူရဲ့တိုက်ခိုက်ခြင်းကိုခံခဲ့ရပါတယ်။ အဲဒီအခါမှာတော့ ရှုး နဲ့ သူ့သူငယ်ချင်းတွေဖြစ်ကြတဲ့ ဂျီရို နဲ့ ခလူးခ် တို့ဟာ သူတို့ရဲ့မွေးရပ်ရွာလေးကိုကာကွယ်ဖို့အတွက်ဆုံးဖြတ်ခဲ့ကြပါတော့တယ်။ ဒီလိုမျိုး သူတို့ရွာလေးကိုကာကွယ်ဖို့ဆုံးဖြတ်ခဲ့ကြတဲ့ ရှုး နဲ့ သူ့သူငယ်ချင်းအုပ်စုတို့ဟာ ဇိုလာ ဆိုတဲ့စစ်သည်တစ်ယောက်နဲ့တွေ့ဆုံခဲ့ကြပြီး အရိပ်စွမ်းအားကိုလက်ခံရရှိခဲ့ကြပါတော့တယ်။ အရိပ်စွမ်းအားဆိုတာဟာ သူတို့အရိပ်ကနေ မွန်းစတားတွေအဖြစ်ပြောင်းနိုင်တဲ့စွမ်းအားဖြစ်ပြီး ရှုး က စွမ်းအားအကြီးဆုံးမွန်းစတားတစ်ကောင်ဖြစ်တဲ့ ဘလူး ဒရာဂွန် ကိုရရှိခဲ့လေတယ်။ ဒီလိုနဲ့ သူတို့ဘော်ဒါတစ်သိုက်ဟာ အရိပ်စွမ်းအားနဲ့ သူတို့ရွာရဲ့ရန်သူကို တိုက်ထုတ်ဖို့ကြိုးစားကြပါတော့တယ်။ ကဲ၊ ဒါဆိုရင် ရှုး နဲ့ သူ့ရဲ့ဘော်ဒါတစ်သိုက်တို့ ဘယ်လို စကေးတွေပြကြပြီး တိုက်ကြမလဲ။

t.me/animeseriesmyanmar/1498

ထူးဆန်းထွေလာ မှုခင်းကမ္ဘာ

နဂူမို ကီးအိချီရိုး ဆိုတာ ဉာဏ်ကြီးရှင်လို့တောင် တင်စားခေါ်ရတဲ့ စုံထောက်တစ်ယောက်ပါ။ ဘယ်အမှုမဆို သူ့ရှေ့ရောက်ရင် အကုန်ရှင်းသွားပါလိမ့်မယ်။ ဒါပေမဲ့ အသက်ကြီးလာတဲ့အခါ ဉာဏ်ကြီးရှင် စုံထောက်တွေ ဘာဖြစ်သွားမလဲ။ အခု အသက် ၃၅ နှစ်မှာ ဆိုးရွားလာတဲ့ တင်ပါးရောဂါကို ရင်ဆိုင်နေရပါတယ်။ အမှုလာငှားတဲ့သူမရှိ၊ အရှုံးပေါ်နေတဲ့ စုံထောက်အေဂျင်စီကိုလည်း ဖွင့်ထားတဲ့အပြင် အိမ်ငှားခပေးဖို့ ရုန်းကန်နေရတာနဲ့ သေလုမြောပါး ဖြစ်နေရှာပါတယ်။ တစ်ရက်မှာတော့ သူ့ရုံးခန်းထဲကို အထက်တန်းကျောင်းသူလေးတစ်ယောက်က သူနဲ့အလုပ်တွဲလုပ်ချင်တယ်လို့ ပြောလာတဲ့အခါမှာတော့ သူမရဲ့ အကူအညီနဲ့ ခေတ်နောက်ကျနေတဲ့ အဘိုးကြီး နဂူမို က ငယ်ရွယ်စဉ်ကလို တောက်ပတဲ့ခေတ်ကို ပြန်ရနိုင်ပါ့မလား၊ ပုံစံမတူတဲ့နှစ်ယောက်ပေါင်း လောင်းကျော်ပြီး အမှုတွေကို အတွဲညီညီနဲ့ ဘယ်လိုမျိုးဖြေရှင်းကြမလဲ။

t.me/animeseriesmyanmar/1499