ကျောင်းတွင်းအနိုင်ကျင့်မှုများ (၂၀၁၁)

ကျောင်းအတွင်းမှာ အားကြီးသူက အားနည်းသူကို အနိုင်ကျင့်နေကြတဲ့ Bully case တွေကြောင့် စာသင်ကြားရေးဘဝအပေါ် သက်ရောက်မှုများစွာဖြစ်ပေါ်နေကြသည့်အချိန်တွင် အောင့်အီးသည်းခံနေတတ်တဲ့ အငိုသန်သူ ဂုဏ်ပုဒ်ရ ဟွမ်ယောင်မင်း ဟာ အထူးအသားပေးဇာတ်ကောင်တစ်ဦးအဖြစ် ပေါ်ပေါက်လာပါသည်။ ဟွမ်ဂယောင်မင်း နဲ့အတူ မူလတန်းတည်းက စာဖက်သူဖြစ်လာခဲ့သူ ဂျောင်ဂျုံဆော့ နဲ့ သူတို့ကြားသို့ ဝင်ရောက်လာသူ လောကကြီးကို အရွဲ့တိုက်တတ်တဲ့ ငချွတ်လေး ဂင်ချောလ် တို့ သုံးဦးက သက်ဆိုင်သူအားလုံးရဲ့ နာကျင်မှုများအပြင် Bully case များကို ဘယ်လိုဖြေရှင်းကြမလဲဆိုတာ စိတ်ဝင်စားဖွယ် ဆန်းသစ်မှုတွေနဲ့ ရင်ဆိုင်ကြရမည် ဖြစ်ပါတယ်။ အဲဒီကိစ္စရပ်ကြောင့် လောကဓံရဲ့ ရိုက်ခတ်မှုဒဏ်တွေကို သုံးဦးစလုံးဘယ်လို ခံစားကြမလဲဆိုတာကို စောင့်ကြည့်ခံစားရမယ့် ဇာတ်ကားကောင်းလေးပဲ ဖြစ်ပါတယ်။

t.me/cartoonmoviesmms/1900

နီမိုလေးရဲ့ စွန့်စားခန်း (၁၉၈၉)

ကလေးတိုင်းမှာ စိတ်ကူးအိမ်မက်ကိုယ်စီရှိကြပါတယ်။ ယခုဇာတ်လမ်းလေးထဲမှာတော့ ကောင်လေးတစ်ယောက်ရဲ့ ဆန္ဒတွေ ပြည့်ဝသွားခဲ့ပေမဲ့ ကိုယ်ဖြစ်ချင်သလို ဖြစ်လာတာနဲ့အတူ အကောင်းဘက်တစ်ဖက်ကအရာတွေသာမက မပြောလိုက်ရအောင် အနုတ်ဘက်တွေလည်း တစ်ပြိုင်တည်းဖြစ်လာနိုင်ကြောင်းကို ပညာပေးဖော်ပြထားပါတယ်။ သူစိတ်ကူးယဉ်ထားတဲ့ ကမ္ဘာလေးကို ပထမဆုံး စရောက်စဉ်မှာတော့ အတော်လေး ဝမ်းမြောက်ပျော်ရွှင်နေခဲ့ပေမဲ့ သူလက်ရှိနေလာတဲ့ ကမ္ဘာအစစ်အတွက် အန္တရာယ်ကျရောက်လာချိန်မှာတော့ ဘယ်လိုကမ္ဘာမျိုးကို သူရွေးချယ်သွားမလဲ၊ စိတ်ကူးယဉ်ကမ္ဘာလား ဒါမှမဟုတ် လက်တွေ့ကျတဲ့ကမ္ဘာလားဆိုတာကို စိတ်ဝင်စားဖွယ် ရင်တထိတ်ထိတ်နဲ့ ကြည့်ရှုခံစားရမည့်ဇာတ်လမ်းကောင်းလေးပဲ ဖြစ်ပါတယ်။ စိတ်ကူးအိမ်မက်ဆိုတာ ထားရှိသင့်တာဖြစ်ပေမဲ့ မဖြစ်နိုင်တာတွေကို မတောင်းတနဲ့ မလိုချင်သင့်ကြောင်း၊ ဘဝဟာ အိပ်မက်နဲ့လက်တွေ့ကြားမှာ ဘယ်လိုညှိနှိုင်းနိုင်မလဲဆိုတဲ့ သင်ခန်းစာတန်ဖိုးအပြည့်နဲ့ ပြသပေးထားတဲ့ ဇာတ်လမ်းဖြစ်ပါတယ်။

t.me/cartoonmoviesmms/1902

ကျူးကျော်သူ ဇင် (၂၀၁၉)

သိပ္ပံစိတ်ကူးယဉ်ဆန်ဆန် ဟာသဇာတ်ကားလေးဖြစ်ပြီး အာကမ်အင်ပါယာ ကနေစေလွှတ်လာတဲ့ ကျူးကျော်သူ ဇင် ဟာ ကမ္ဘာကို ဖျက်ဆီးဖို့ လျှို့ဝှက်နေထိုင်‌ေနသူတစ်ဦးဖြစ်ပါတယ်။ အဲ့တာကိုသိသွားတဲ့ ဒစ်ဘ် ဟာ သူ့အဖေတောင် သူ့ကို “ရူးနေပြီ” လို့ ထင်ထားတဲ့အထိ ဖြစ်နေသူဖြစ်ပေမဲ့၊ ဇင် ရဲ့ အကြံအစည်တွေကိုဘယ်လိုဖော်ထုတ်မလဲဆိုတာ စိတ်ဝင်စားဖွယ် အဖြစ်အပျက်တွေအပြည့်ပါဝင်ပါတယ်။ သူတို့နှစ်ယောက်ရဲ့ ကိုယ့်ကိုကိုယ်အထင်ကြီးမှုတွေ၊ တလွဲတွေလုပ်နေမှုတွေကြောင့် ဟာသအပြည့်နဲ့ ပြသထားတာကြောင့် ကြည့်ရင်းနဲ့ ခွီနေမိအောင် ရယ်ရမယ့် ဇာတ်လမ်းလေးပါ။ ကမ္ဘာကြီးကို ဖျက်ဆီးဖို့ ကြိုးစားနေတဲ့ ကျူးကျော်သူ ဇင် နဲ့ ကမ္ဘာကြီးကို ကယ်တင်ဖို့ အသက်မလှတမ်း ကြိုးစားနေတဲ့ ဒစ်ဘ် တို့နှစ်ယောက်အနက် နောက်ဆုံးအနိုင်ရမယ့်သူက ဘယ်သူဖြစ်မလဲဆိုတာကို ဟာသဆန်ဆန်နဲ့ စိတ်လှုပ်ရှားဖွယ် ရိုက်ကူးထားတဲ့ ဇာတ်ကားကောင်းလေးပဲ ဖြစ်ပါတယ်။

t.me/cartoonmoviesmms/1904

ဘက်စုံကျွမ်းကျင်အောင်ပွဲဝင်🎏❤️‍🔥

ကိုယ့်ကိုယ်ကိုယ် မိတ်ဆက်ပေးရမယ်ဆိုရင်တော့ ဆိတ်သုဉ်းမြေကလာခဲ့တာဖြစ်ပြီး အစွမ်းအစတွေမိုးထိုးလောက်တဲ့ ဘိုးဘိုးဘွားဘွားတို့က ပြုစုပျိုးထောင်ပေးခဲ့တာပေါ့။

အခုတော့ မိဘတွေအသတ်ခံရတဲ့အဖြစ်မှန်ကိုရှာဖွေဖို့အတွက် မြို့တော်ကိုပြန်လည်လှမ်းလို့လာခဲ့ပါပြီ။ သိုင်းပညာ၊ ဆေးပညာ၊ တေးဂီတ၊ အချက်အပြုတ်အနုပညာပေါင်းသောင်းခြောက်ထောင်တတ်ကျွမ်းထားတဲ့ မလုပ်နိုင်တာမရှိတဲ့မိမိကို ဘယ်သူများယှဉ်နိုင်လေမလဲနော်။

ကဲ လောကကြီးက ဆရာ့ဆရာကြီး သူရဲကောင်းအပေါင်းတို့ ဒီဝက်ယောင်ဆောင်ပြီးကျားသားစားမဲ့ ညာတာပါတေးကောင်လေးကို ရင်ဆိုင်ဖို့ အသင့်ပဲလား။

ကဲ ဒီဆရာကြီးနဲ့အတူ စွမ်းအားရှင်တွေကိုထိတ်လန့်တုန်လှုပ်စေရင်း လောကကြီးက လျှို့ဝှက်ဆန်းကြယ်မှုတွေကို အတူဖြေရှင်းလိုက်ကြရအောင်လား😉

t.me/animeseriesmyanmar/2835

လယ်ဗယ် 9999 စွမ်းအားရှင်

အပိုင်းသစ် ၆

t.me/+dUPn0cbUyNMzNTY1

စန်တာ စွန့်စားခန်း

အပိုင်းသစ် ၆

t.me/+5oZYvZn5GAVlY2M9

Pa-ss the Mon-ster Me-at, Mil-ady! (2025)

အပိုင်းသစ် ၆

t.me/+i62zQ9YMKs0xOTVl

Tou-gen An-ki Episode 17

t.me/+AVnihtHDQeQzNjg9

နောက်ဆုံးအနေနဲ့ တစ်ခုလောက်မေးလို့ရမလား (၂၀၂၅)

အပိုင်းသစ် ၇

t.me/+UNebFczYja1jZGZl

ပိုကီမွန် - တောအုပ်ရဲ့လျှို့ဝှက်ချက် (၂၀၂၁)

ဇာရူဒ်တောအုပ်ထဲက စမ်းချောင်းနားမှာ ငိုနေတဲ့ Koko ကို ဇာရူဒ်နယ်ခံ ပိုကီမွန် တစ်ကောင်က သူနဲ့အတူ ခေါ်လာခဲ့ပါတယ်။ ဒါပေမဲ့ ဇာရူဒ်နယ်မြေကို အခြားသူတွေ ဝင်ခွင့်မရှိဘူးဆိုတဲ့ စည်းမျဉ်းကြောင့် Koko စွန့်ပစ်ရမှာ ဖြစ်ပေမဲ့လည်း ခေါ်ဆောင်လာပေးခဲ့တဲ့ ပိုကီမွန် က သူကိုယ်တိုင် ကလေးရဲ့ မိသားစုကိုရှာပေးမယ်ဆိုပြီး အုပ်စုကနေ ထွက်ခွာလာခဲ့တယ်။ အစမှာ သူဟာ Koko ကို လူသားတွေ နေတဲ့နေရာမှာ သွားထားဖို့ ကြံစည်ခဲ့ပေမဲ့ အခြေအနေအမျိုးမျိုးကြောင့် မထားဖြစ်ခဲ့ပါဘူး။ ပိုကီမွန် တစ်ယောက်က လူသားလေး Koko ကို သူ့သားအရင်းလိုမျိုးကိုယ်တိုင် စောင့်ရှောက်ခဲ့ပြီး လူသားဖြစ်ကြောင်းကို ဖုံးကွယ်ထားခဲ့တယ်။ ဒါပေမဲ့ အချိန်ကြာလာတဲ့အမျှ Koko တစ်ယောက် သူ့ကိုယ်သူ အခြားသူတွေနဲ့မတူညီတာနဲ့ပတ်သတ်ပြီး အမြဲသံသယဝင်ခဲ့ရာကနေ Ash နဲ့ တွေ့ဆုံတဲ့ချိန်မှာ သူဟာ လူသားတစ်ယောက်ဖြစ်တာ သိသွားပြီး သူ့မိဘအရင်းကို လိုက်ရှာဖို့ဖြစ်လာပါတော့တယ်။ Koko တစ်ယောက် သူ့မိဘတွေကို ရှာတွေ့မှာလား၊ ဇာရူဒ်တောအုပ်နဲ့ Koko မိဘတွေကြားမှာ ဘယ်လိုကိစ္စတွေ ပါဝင်ပတ်သတ်နေမှာလဲဆိုတာ စိတ်ဝင်တစား စောင့်ကြည့်ရမှာပဲ ဖြစ်ပါတယ်။

t.me/cartoonmoviesmms/1719

ဆာမူရိုင်းဝိညာဉ် (၂၀၂၁)

IMDB - 5.5/10
Genre - Action/ Adventure

ဒီကားဟာ ထူးထူးခြားခြားပဲ 2D ဇာတ်ကောင်တွေကို 3D နည်းဖြင့် ရေးဆွဲထားတာမို့ လှုပ်ရှားမှုတွေမှာ ချောမွေ့နေပြီး တစ်မျိုးလေး အမြင်ဆန်းစွာ ကြည့်ရှုရမှာပါ။ Anime ကို အနောက်တိုင်းဆန်ဆန်ကြည့်ရသလို ဂိမ်း Cutscenes တွေ ကြည့်နေရသလို အကြိုက်တွေ့စေပါလိမ့်မယ်။ ဇာတ်လမ်းကတော့ မေဂျီပြန်လည်ထူထောင်ရေးခေတ်ကို အခြေတည်ထားပေမယ့် ဆန်းပြားစွာပဲ လူသားတွေဟာ ဘီလူး၊ နတ်သူငယ်၊ လူပု၊ မှင်စာတွေနဲ့ အတူ ယှဉ်တွဲနေထိုင်နေတာကို တွေ့ရမှာပါ။ လူသား Ronin ဖြစ်တဲ့ အီဇို နဲ့ အကြွေးကြေသွားတဲ့ ဘီလူးတစ်ကောင် ဖြစ်တဲ့ ရိုင်ဒန်, နတ်သူငယ်မလေး ဆိုနျာ ကို သူမမျိုးနွယ်တွေရှိရာ မြောက်ဝင်ရိုးစွန်းဆီ ကာကွယ်ပို့ဆောင်ပေးရပုံကို ရိုက်ကူးထားတာပါ။ သူတို့သုံးယောက် လမ်းမှာ ရင်ဆိုင်ရမယ့် အန္တရာယ်အခက်အခဲတွေ၊ အီဇို ရဲ့ အတိတ်၊ နတ်သူငယ်တွေရဲ့ ထူးခြားတဲ့စွမ်းအင်၊ သူတို့ကိုလိုက်နေတဲ့ အဖွဲ့အစည်းတွေကြား အသက်ရှင်သန်အောင် ကြိုးစားဖြတ်သန်းပုံတွေကို စိတ်ဝင်စားဖွယ် တိုက်ခိုက်ခန်းများများနဲ့ တင်ဆက်ထားပါတယ်။

t.me/cartoonmoviesmms/1721

ငယ်ဘဝရဲ့ အိမ်မက် (၂၀၂၂)

IMDB - 7.2/10
Genre - Drama

၁၉၆၉ ခုနှစ်က လကမ္ဘာကို လူတွေ ရောက်သွားတဲ့ အချိန်မှာ လူတွေ ခံစားရတဲ့ ခံစားချက်ကို မတူညီတဲ့ ရှုထောင့် နှစ်မျိုးနဲ့ တင်ပြထားတာပါ။ အာကာသယာဉ်မှူးတွေရဲ့ အောင်ပွဲခံရတဲ့ အမြင်နဲ့ TV ဖန်သားပြင်ပေါ်မှာ ကြည့်နေကြတဲ့ လူသန်းပေါင်းများစွာလိုပဲ စိတ်လှုပ်ရှားနေခဲ့တဲ့ ကလေးတစ်ယောက်ရဲ့ အမြင်ကို ယှက်နွယ်ပြီး အသေအချာ ရိုက်ပြထားပါတယ်။ ဇာတ်ကြောင်းကတော့ လူတစ်ယောက်က သူအသက် ၁၀ နှစ်အရွယ်မှာ ၁၉၆၉ ခုနှစ် ဟူစတန်မှာ နေခဲ့ရတဲ့ ဘဝကို ဇာတ်ကြောင်း ပြန်ရင်း လကမ္ဘာကို သူကိုယ်တိုင် ရောက်သွားခဲ့တဲ့ အကြောင်းကို ပြန်ပြောထားတဲ့ ပုံ ဖြစ်ပါတယ်။ Animation သိပ်ကောင်းပြီး ၁၉၆၉ ခုနှစ်က အဖြစ်အပျက်တွေကို လှလှပပ ပုံဖော်ထားတာဖြစ်လို သေချာပေါက် ကြည့်သင့်တဲ့ ဇာတ်ကားလေး တစ်ကားဖြစ်ပါတယ်။

t.me/cartoonmoviesmms/1723

ငလက်မလေးများ (၂၀၁၃)

IMDB - 6.6/10
Genre - Adventure/ Family

မယ်ရီကက်သရင်း ဆိုတဲ့ ကောင်မလေးက သူ့အမေဆုံးပါးသွားလို့ တောထဲမှာသုတေသနလုပ်နေတဲ့ အဖေ့ဆီလာဖို့ ရောက်လာခဲ့ပါတယ်။ သူ့အဖေက တောထဲမှာ လူအသေးလေးတွေရှိတယ်ဆိုတဲ့အကြောင်းကို အရူးအမူးကိုယုံကြည်နေခဲ့ပြီး သူ့ယုံကြည်ချက်မှန်ကြောင်း သက်သေပြဖို့ ကြိုးစားနေခဲ့တာလည်း ဖြစ်ပါတယ်။ ဒါကို မယ်ရီကက်သရင်းက အဓိပ္ပါယ်မရှိဘူးဆိုပြီး မယုံကြည်ဖြစ်နေရာက သူကိုယ်တိုင် လူအသေးလေးတွေနဲ့ တွေ့ကြုံလိုက်ရတဲ့အခါ ဘယ်လို စွန့်စားခန်းတွေ၊ ဘယ်လို ပြဿနာတွေရင်ဆိုင်ရမလဲဆိုတာကို စိတ်ဝင်စားဖွယ် ကြည့်ရှုရမှာပါ။ သိပ်ကောင်းတဲ့ ဇာတ်ကားတစ်ကားဖြစ်တာမို့ အညွှန်းတွေများပြီး အရသာပျက်မှာ စိုးတာကြောင့် လူအသေးလေးတွေက ဘာလုပ်ကြတာလဲ၊ မယ်ရီ နဲ့ လူအသေးလေးတွေ ဘယ်လိုဆက်စပ်မှုရှိတာလဲ၊ သူတို့ ဘာကို ရင်ဆိုင်နေကြရတာလဲ ဆိုတာကို ကိုယ်တိုင်ပဲ ကြည့်ရှုခံစားကြည့်ဖို့ တိုက်တွန်းလိုက်ပါတယ်ခင်ဗျာ။

t.me/cartoonmoviesmms/1725

နတ်မီးဖိုရှင် အမောင်လုလင်

အပိုင်းသစ် ၂၈

t.me/+ICegNYyfPk80Yjc9